ئىسلام بىلەن دېموكراتيەنىڭ ئارىسىدىكى ئىنساننىڭ ئىنسانىيلىقى

tengrikut

تېما ئىگىسىگە رەخمەت. ئىنتايىن ئىسىل تېما.

دىمگۇراتىيە بىرخىل ياشاش يولىدۇر. تېرىتوريەلىك دىگۇراتىيە كىشلىك ھوقوق نوقتىسىدىن چىقىش قىلغان قانۇن تۈزۈم ئاستىدا يۈرگۈزۈلدىغان باشقۇرۇش ئۇسۇلىدۇر. ھەرقايسى دۆلەتلەر ئۆز شارائىتىنى چىقىش قىلىپ ئۆز قانۇن تۇزۇمىگە ماسلاشتۇرۇلغان دىمگۇراتىيەنى قوللىنىدۇ.شۇڭلاشقا ھەرخىل دۆلەتتىكى دىمگۇراتىك تۈزۈم ھەرخىل بولۇدۇ.
دىمگۇراتىيە ئىجتىمائىي تۇرمۇشتا ھەرخىل مىللەت ھەرخىل ئىتقاد ۋە ھەرخىل مىللىي ئۆرپ ئادەتنى ئۆزىگە مۇجەسسەملىگەن ھالدا ئەركىن ياشاش،كىشلەرنىڭ تاللاش ھوقوقىغا ھۆرمەت قىلىش ، پىكىر ئىدىيە،سۆز ئەركىنلىكىگە ھۆرمەت قىلىش قاتارلىق ئىنسانىي ھەق ھوقوق ئەندىزىسى ئەمىلىيلەشكەن ئاساستا يېڭىچە رەڭدار ياشاش شەكلى ئىلىپ كىلىدۇ.

ئىسلام دىنى دۇنياۋىي دىن. دۇنيانىڭ ئاخىرقى دىنى. بۇندىن كىيىن ئىلاھىي دىن بەرپا بولمايدۇ.
ئىسلام دىنى دۇنيادىكى ھەرقايسى ماكان ھەرخىل زاماندا ھەرخىل مىللەتكە، ھەرخىل جەمىيەتكە ماس كىلىدۇ.
سوتسىيالىزىم بىلەنمۇ شامانىزىم بىلەنمۇ دىمگۇراتىيە بىلەنمۇ ماسلىشالايدۇ.ياۋرۇپا ئەللىرى ئىسلام بىلەن بالدۇر تونۇشمىغاچقا لىبېرالىزىمنى بازار تاپقۇزالىغان.
ئىسلام دىنى باغرى كەڭرى،ياخشىلىققا ئۈندەيدىغان، سەمىمىيەت ،مىھرى مۇھەببەت ئورنىتالايدىغان، ھەخىل مىللەت ھەرخىل قاتلام ھەرخىل تەبىقە كىشلىرنى ئورتاق نوقتىغا ئەكىلەلەيدىغان ، ئىسلامنى ھىس قىلغاندىن ئىتىبارەن ۋاز كەچكۈزمەيدىغان كۈچلۈك بىر روھ يوشۇرۇنغان دىن.
نۇرغۇن كىشلەرنىڭ بۇ نوقتىنى بايقىشىغا سەۋيەسى يەتمەۋاتىدۇ،بولۇپمۇ دىننى سۈيئىستىمال قىلىدىغان ۋە دىندىن مۇستەسنا كىشىلەر بۇ نوقتىنى چۈشنىشتىن ئۆزىنى ئەپ قاچىدۇ.

nuri525

   مۇرتەت بۇرادەر ياخشىمۇسىز؟ ئىنكاسىڭىزنى كۆدۈم ، ھەقىقەتەن تولىمۇ ئىنچىكە مەسىلىلەر ئۈستىدە سۇئال سوراپسىز ؟ دىنىمىزنىڭ بۇنچە ئىنچىكە مەسىلىلىرى ئۈستىدە ئويلانغانلىقىڭىزغا قاراپ بىرتەرەپتىن سىزدىكى دىنىمىزنىڭ بىزگە ھەردائىم تەشەببۇس قىلىدىغان ئويلىنىش ۋە تەپەككۈر قىلىش روھىدىن مەمنۇن بولدۇم . سىزنىڭ بۇنچە جۈرىتىڭىزگە قاراپ ئۆزەمنىڭ ئىلىمسىزلىقىغا باقماي سۇئالىڭىزغا جاۋاپ بېرىپ بېقىشقا تەۋەككۈل قىلدىم .
    1. سىزنىڭ  بىرىنجى سۇئالىڭىزغا كەلسەك مەن بۇرۇن مۇسۇلمان ئىدىم ھازىر مۇسۇلمان ئەمەس . بۇنىڭ شەرىئەت ھۆكمى نېمە دەپسىز ؟ بۇ سۇئالىڭىزغا  جاۋاپ بېرىش ئۈچۈن ئالدى بىلەن سىزنىڭ بۇرۇن قانداق مۇسۇلمان بولغانلىقىڭىزغا قاراشقا توغرا كىلىدۇ . مەسىلەن سىز بەش ۋاخ نامازنى قانچە كۈن ئوقۇپ بىشىڭىز سەجدىگە قانچە قېتىم تىگىپ باققان ، رامىزان روزىسىنى 30 كۈن قازا قىلماي قانچىلىك تۇتۇپ باققان ، قۇرئاندىن قانچىلىك ئايەت ئوقۇپ ئۇنىڭ ئۇستۇدە پىكىر قىلىپ باققان ئومومەن ئىسلامدكى بەش پەرىزنى قانچىلىك ئادا قىلغان بۇنىڭغا قارايمىز . ئەگەر جاۋابىڭىز: « ياق مەن بۇلارنى ئادا قىلمىغان مىراسخور مۇسۇلمان » بولسا ، جاۋابىم شۇكى سىزگە ھېچقانداق جازا كەلمەيدۇ. بەلكى سىز ئىسلامنى تولۇق ۋە توغرا ھالدا چۈشەنمىگەنلىكىڭىز ئۈچۈن سىزنى ئىسلامغا توغرا ئۇسۇلدا دەۋەت قىلىشقا توغرا كىلىدۇ . بۇ توغرىسىدا قۇرئان مۇنداق بايان قىلىدۇ : { پەرۋەردىگارىڭنىڭ يولىغا ( يەنى ئىسلام دىنىغا ) ھېكمەتلىك ئۇسلۇپتا ياخشى ۋەز- نەسىھەت بىلەن دەۋەت قىلغىن ، ئۇلار ( يەنى مۇخالىپەتچىلىك قىلغۇچىلار ) بىلەن چىرايلىق رەۋىشتە مۇنازىرلەشكىن ، پەرۋەردىگارىڭ ھەقىقەتەن ئۇنىڭ يولىدىن ئازغانلارنى ئوبدان بىلىدۇ ، ھىدايەت تاپقۇچىلارنىمۇ ئوبدان بىلىدۇ .} . ئەگەر بىرىدىغان جاۋابىڭىز :  « ياق مەن بۇرۇن بەك تەقۋا مۇسۇلغان ئىدىم دىندىن كېيىن چىكەتكەن » بولسا ، جاۋابىم شۇكى سىزگە يەنىلا جازا كەلمەيدۇ . چۈنكى يۇقۇردا بىر توردىشىمىز دەپ ئۆتكەندىك سىز جۇڭگودا ياشاۋاتىسىز . شەرىئەت ھۆكمى تۇرغۇزۇلمىغان جايدا شەرىئىتنىڭ جازاسىمۇ يۈرگۈزۈلمەيدۇ . ئەگەر بۇنىڭغىمۇ قانائات قىلماي ئەگەر مەن سەئۇدىدەك بىر دۆلەتتە دىندىن چىقىپ كەتسەمچۇ؟ دەپ سورىسىڭىز ، جاۋابىم شۇكى ئۇ چاغدا ئېغىر جازالىنىسىز ، سىز نىمە ئۈچۈن دىيىشتىن بۇرۇن سىزدىن بىر سۇئال سوراپ باقاي . بىر قىسىم دۆلەتلەردە بىرقىسىم كىشىلەر« دۆلەتنى پارچىلاشقا ئۇرۇنغان » دېگەن نام بىلەن مۇددەتسىز قاماق جازاسىغا ياكى ئۆلۈم جازاسىغا ھۆكۈم قىلىنماقتا . سىزنىڭچە بۇخىل پىكىرى ئازىراق ئۆزگىرىپ قالغان ، باشقىلارغا ئاشكارە ھالدا تېخى زىيان سالمىغان بۇخىل كىشىلەر نېمە ئۈچۈن شۇنداق جازالىنىدۇ ؟ ئەگەر  بۇ جازانى دۆلەتنىڭ بىرلىكىنى قوغداش ئۈچۈن ئېلىپ بېرىلغان سىياسى ھەركەت دىسىڭىز ، ئۇنداقتا پۈتۈن ئىنسانىيەتنى بىرلىككە چاقىرىدىغان ئىسلام دىنىنىڭمۇ دىننى پارچىلايدىغان ، ئۈممەتنى پارچىلايدىغان دىندىن چىققۇچى مۇرتەدلەرگە قارىتا جازالاش تەدبىرلىرى ۋە سىياسەتلىرى بولىدۇ . بۇ ئۇنچە ئەجەپلىنەرلىك ئىش ئەمەس .
  2. ئىككىنجى سۇئالىڭىزنى يىغىنچاقلىغاندا « نېمە ئۈچۈن باشقا دىموكراتىك ئەللەردە ئەركىن ھالدا دىن تارقاتسا ، مەسچىت ياكى چىركاۋلار سېلىنسا رۇخسەت قىلىنىدۇ ؟ئەمما ئىسلامنىڭ بۆشىكى بولغان سەئۇدىدا نىمىشقا باشقا دىن تارقىتىشقا ياكى چىركاۋلارنى سېلىشقا يول قويمايدۇ ؟ » دېگەندىن ئىبارەت ئىكەن . بۇ سۇئالىڭىزغا جاۋاپ بېرىشتىن بۇرۇن بىز ئالدى بىلەن ئىسلام تارىخىغا نەزەر سىلىپ باقايلى . ئەرەپ يېرىم ئارىلىدىكى كىچىككىنە بىر رايوندىن تارقالغان ئسلام دىنى نەچچە ئەسىر ئىچىدىلا پاۋرۇپانىڭ بۇرجەكلىرىدىن تاكى ئاسىيانىڭ قىرغاقلىرىغىچە يىتىپ بارغان . بۇ نەتىجىلەرنى  ئىسلامنىڭ كۈچىدىنلا ئەمەس بەلكى ئادالەت ۋە باراۋەرلىكتە ئەلنى ئىدارە قىلىشىدىن ئايرىپ قارىغىلى بولمايدۇ . ھىلىمۇ مىسىرغا ، سۈرىيەگە، پەلەستىنگە ، ئەندەلوسقا، تۈركىيە - ئىستانبوللارغا بېرىپ قاراپ بېقىڭ . ئۆزىنىڭ نەچچە ئەسىرلىك ئىسلامى ھاكىمىيەت سۈرگەن يۇرت - ماكانلار بولىشىغا قارىماي كۆچىلىرىنى ئايلانىپ باقسىڭىز بىر – بىرىگە قارىشىپ قەت كۆتۈرۈپ تۇرغان مىڭ يىللىق  مەسچىت ۋە چىركاۋلارنى قىينالمايلا بايقايسىز . ئەگەر ئىسلام سىز دىگەندەك باشقا دىنغا ۋە ئۇنىڭ ئىبادەتخانىلىرىغا قارشى تۇرغان بولسا شۇ رايونلاردا ئۇ چىركاۋلار ھازىرغىچە مەۋجۈت بولۇپ تۇرالامتى ؟ ئەمدى پۈتۈن مۇسۇلمانلارنىڭ قىبلىسى بەيتۇللاھى ھەرەم جايلاشقان  سەئۇدىغا كەلسەك خۇددى سىز دىگەندەك ئۇ ئىسلام دىنىنىڭ ۋە ئىسلام مەدەنىيىتىنىڭ بۆشىكى . ئۇ ئىسلام دۇنياسىدىكى مانا مۇشۇنداق ئۆزىگە خاس بولغان ئالاھىدىلىكلىرىىنى چىقىش قىلىپ تۇرۇپ ئىسلام دىنىنى ۋە مەدەنىيىتىنى قوغداش ۋە ئۇنىڭ ساپلىقىنى ساقلاش يولىدا بىر تۈرلۈك مۇشۇ زىمىنغا خاس سىياسەتلەرنى يۈرگۈزگەن . ئەلۋەتتە ھەرقانداق بىر دۆلەتنىڭ ياكى مىللەتنىڭ ئۆز خاسلىقىنى ۋە مەدىنىيىتىنى ساقلاش ھوقوقى بولىدۇ .
   3. ئەمدى جىزىيە مەسىلىسىگە كەلسەك بۇنى ئىسلامى ھاكىمىيەت ئاستىدىكى رايونلاردا ياشايدىغان غەيرى دىندىكىلەردىن ئىلىنىدىغان باج دىيىشكىمۇ بولىدۇ . بىراق بۇ مەجبۇرى ئەمەس . جىزىيە ئېلىنىدىغان كىشىلەر زىممىلار دەپ ئاتىلىدۇ . ئۇلارنىڭ ئۈچ خىل تاللىشى بولۇپ خالىسا ئۆز دىنى ھاكىم بولغان باشقا يۇرتلارغا كەتسە بولىدۇ ، خالىسا ئىسلامغا كىرىپ مۇسۇلمانلار بىلەن ئوخشاش ئىمتىيازلانسا بولىدۇ ،  ياكى مۇسۇلمانلارنىڭ زىمىنىدا ياشاشنى ئەۋزەل كۆرگەن بولسا شۇيەردە باج تاپشۇرۇپ ئولتۇراقلىشىپ قالسا بولىدۇ . بۇنىڭ بەدىلىگە ئىسلام دۆلىتى ئۇنىڭ ۋە ئۇنىڭ ئائىلىسىنىڭ ئامانلىقىنى ئۆز ئۈستىگە ئالىدۇ . شۇنداقلا يەنە ئۇ مۇسۇلمانلار تۆلەيدىغان زاكات ۋە ئۆشرىلەرنى تۆلىمەيدۇ . ئەمەلىيەتتە ئىسلامى دۆلەتتە باج تۈزۈمى يوق بولۇپ بۇنىڭ تاپشۇرغان ھەققى بىرجەھەتتىن ئەمىنلىك ھەققى بولسا يەنە بىر تەرەپتىن زىممىلارنى ئىسلامغا قىززىقتۇرىدىغان بىر ۋاستە بولۇپ ھىساپلىنىدۇ . ئەگەر ئۇلار دىنغا كىرگەنلىكىنى ئېلان قىلسا بۇ تۈرلۈك ھەق ئۇلاردىن بىكار قىلىنىدۇ .
   4. بۇ سۇئالىڭىزغا كەلسەك بۇ بىر دىنى مەسىلە بولماستىن بەلكى ئىجتىمائىي مەسىلىگە يېقىنراق كىلىدىغان سۇئال ئىكەن شۇڭا بۇ سۇئالىڭىزنى جەمىيەتشۇناسلىق نۇختىسىدىن تەھلىل قىلسا ياخشىراق بولغۇدەك دەپ قارىدىم . ئەمما مەن بۇ كەسىپنىڭ ئىگىسى بولمىغاچقا شۇساھەدىكى مۇسۇلمان ئەھلى ئىلىملەردىن ئىزدىنىپ بېقىشىڭىزنى سورايمەن .

nuri525

Satuk25  ۋە qarabeg قېرىندىشىم سىلەرنىڭ بەرگەن سەمىمى تەكلىپىڭلارغا رەھمەت . تېمىدىكى مەزمۇنلارنىڭ كۆپۈنچىسى ئىسلام ئالىملىرى ئىچىدە ئوتتۇرا ھال يول تۇتقان دەپ تەرىپلىنىدىغان ، ئىسلام ئۆلىمالىرىنىڭ ئېتىراپ قىلىشىغا ئېرىشىپ « دۇنيا مۇسۇلمان ئۆلىمالىرى بىرلىكى » نىڭ رەئىسلىك ۋەزىپىسىنى ئۆتەۋاتقان ئەللامە يۈسۈف قەرزاۋىنىڭ بايانلىرى بولۇپ ئەينەن تەرجىمە قىلىندى . تېمىنىڭ باش قىسىمىدا دېيىلگەندەك بۇ تېما خۇلاسە ياكى يەكۈن بولماستىن كۆپچىلىكنىڭ ئىزدىنىشى ۋە تەپەككۈر قىلىشىنىڭ باشلىنىشى بولىشىنى ئۈمۈت قىلىمەن . ئاللاھ ھەممىمىزنى توغرىغا يېتەكلىسۇن .

Qisas

Kokkoz يوللىغان ۋاقتى  2016-3-1 22:31
سىنىڭ سۇئالىڭغا ھېچكىم  جاۋاب  بەرمەيدۇ  .چۇنكى ئۇلار س ...

ئەھۋال ھەرگىزمۇ سىز ئويلىغاندەك ئەمەس.بەلكى بۇ مۇنبەردە ئۇنداق سۇئاللارغا توغراجاۋاپ ببەرگۈدەك ئادەمدىن بىر ئىككىسى چىقىشى مۇمكىن.كۆپلىگەن كىشىلەر ئۇنداق سۇئاللارغا توغرا  جاۋاب بىرەلمەيدۇ.ئەركىن سىدىق ياكى دوكتۇر ھەبىبۇللاھ توختىنى ئىزدەپ سورىساڭلار ياخشى بۇلىدۇ.

dighar

ئىسلام بولسا دىن، ئىتىقاد. سىز ئۇنى بىر پۈتۈن قوبۇل قىلىسىز ياكى بىر پۈتۈن ۋاز كېچىسىز. بەزىسىگە ئىشىنىپ بەزىسىگە ئىشەنمىسىڭىز سىز تىخى مۇسۇلمان بوپ بولالمىدىڭىز دېگەن گەپ.
ئىسلامدىكى ئەمەللەرنى بەجا كەلتۈرۈشكە نىسبەتەن، سىز ئىسلامنىڭ مەركىزىدە ياشاشنى خالامسىز، ياكى چەت ياقىلىرىدا ئىسلامغا كىرگەن ياكى چىقىپ كەتكىنىڭىزنى تۇيماي ياشامسىز، بۇنى ئۆزىڭىز تاللايسىز.
ئەمدى دېمۇكراتىيەگە كەلسەك، ئۇ دىن ئەمەس. ئۇنى پارچىلاپ قوبۇل قىلسىڭىز بولىدۇ. ئۇنىڭ توغرا بولغان يەرلىرىدىن پايدىلانسىڭىز بولىدۇ. ئۇنىڭ نۇرغۇن توغرا تەرەپلىرى بار. كۆپىنچە كىشىلەر دېمۇكراتىيەنى خەلق جەمىيەتكە خوجا بولۇش دەپ چۈشىنىدۇ. ئۇنىڭ خەق بۇزۇقچىلىق قىلسىمۇ ئارىلىشىش ھوقۇقۇڭ يوق دېگەن يەرلىرىنى بىلمەيدىغانلار نۇرغۇن. بىلگەنلەرمۇ ئۇنى قوبۇل قىلىش خاھىشىدا ئەمەس (ئۇيغۇر جەمىيىتىدە).
ئۆلىما قېرىنداشلىرىمىزنىڭ دېمۇكراتىيەنىڭ يامان تەرەپلىرىنى تۇتىۋېلىپ، ئۇنى ئىسلامغا قارشى قىپ قويماي، ئىسلامنىڭ مۇشۇ دېمۇكراتىيەنىڭ ياخشى تەرىپىگە ئوخشاش تەرەپلىرىنى كۆپرەك تەشۋىق قىلىشىنى ئۈمىد قىلىمەن. دېمۇكراتىيەگە دۈشمەنلىك قىلىپ جاپا تارقاندىن، ئورنىغا ياخشىسىنى كەلتۈرۈپ دېمۇكراتىيەنى يوق قىلسىڭىز تېخىمۇ ياخشى ئەمەسمۇ؟!

muzart

ئەسسالامۇئەلەيكۇم
يۇقىرىدا مۇرتەد ھەققىدە گەپ سۆزلەر بولاپ ئۆتۈپتۇ. ئۇنىڭ ھۆكمى كىتابىمىزدا ئېنىق بايان قىلىنغان. نىسا سۈرىسى137 - ئايەتكە قاراپ باقسا بولىدۇ.
ئىسلامدا ئىنسانلارنى دەۋەت قىلغان ئىبادەتلەرنىڭ مۇكاپات ۋە جازاسى ئاللاھ قا خاستۇر.
چەكلەنگەن ھاراملارنى قىلغۇچىلارغا بەلگىلەنگەن جازا، بىۋاستە ئىنسانغا زىيان يەتكۈزگەنلىكى، يەنى بەندىنىڭ ھەققىگە تاجاۋۇز قىلىنغانلىقى ئۈچۈن جازا بەلگىلەنگەن. ئوغرىلىق باشقىلارنىڭ مال - مۈلك ھەققىگە تاجاۋۇز بولغانلىقتىن، ئۇنىڭ جازاسىنى بېرىش ھەققى ئىنسانغا بېرىلگەن ۋە جازا شەكلى كۆرسىتىپ بېرىلگەن.
قاتىللىق، باشقىلارنىڭ نۇرمال ھايات ھەققىگە تاجاۋۇز بولغانلىقتىن قاتىلنى ئۆلتۈرۈش بەلگىلىنىش بىلەن بىرگە، فىدىيە ئېلىپ كەچۈرۈم قىلىش ياكى كەچۈرۈم قىلىش تەۋسىيە قىلىنغان.
زىنا ئىجتىمائى ئەخلاق، ئائىلە پۈتۈنلىكى ۋە ئىنسان نەسەبىنىڭ پاكلىقىغا خەۋپ ئېلىپ كەلگەنلىكتىن ئاممىۋى سورۇندا جازالاش بەلگىلەنگەن.
ئاللاھ بىلەن بەندىنىڭ ھەقلىرىنى ئايرىپ مۇئامىلە قىلىش كېرەك.
ئىسلامدىكى ئېنىق پرىنسىپ شۇكى « دىندا زورلاش يوق، توغرا يول بىلەن خاتا يول ئېنىق ئايرىلدى، كىمكى تاغۇتنى ئىنكار قىلىپ ئاللاھ قا ئىمان ئېيتىدىكەن، ئۇ سۇنماس، مەھكەم تۇتقىنى تۇتقان بولىدۇ، ئاللاھ ئاڭلاپ تۇرغۇچىدۇر، بىلىپ تۇرغۇچىدۇر » ( بەقەرە، 265 ).
ئىنسان دەۋەت قىلىنىدۇ، مەجبۇرلانمايدۇ. ئەكسىچە بولغاندا مۇناپىق مۇسۇلمان پەيدا بولىدۇ. ئاللاھ قا مەلۇم بېسىم ياكى سەۋەپ تۈپەيلىدىن سەجدە قىلغۇچىلارنىڭ كېرىكى يوق، ئۆزلىكىدىن سەجدە قىلغۇچىلار ئاللاھ نى رازى قىلىدۇ. مانا بۇ ئىخلاستۇر.
ئىنسانغا ھەم ئىتائەت قىلىش ھەم قارشى چىقىش ئىختىيارلىقى بېرىلگەنلىكى ئۈچۈن، پەقەت ئىنساننىڭلا مۇكاپاتى ۋە جازاسى بولىدۇ، يەنى جەننىتى ۋە جەھەننىمى بار.
مۇسۇلمانلارنىڭ گۈزەل ئەخلاقى پەزىلەت، ئىنسانىي تۇيغۇلارنى ئۆزىدە مۇجەسسەملەشتۈرگەن ھالدا كىشىلەرنى ئىسلامغا دەۋەت قىلىش مەسئۇلىيىتى بار، ئۇلارنى مەجبۇرىي مۇسۇلمان قىلىش مەسئۇلىيتى يوق.
ھەم كاپىرلارسىز دۇنيا بەرپا قىلىشتەك ۋەزىپىسىمۇ يوق. بۇنداق بولىشى مۇمكىن ئەمەس. چۈنكى ئاللاھ خالىمىغان ئىشنى بەندە ۋۇجۇدقا چىقىرالمايدۇ ( يۇنۇس، 99 ).

nuri525

mubashshar يوللىغان ۋاقتى  2016-3-2 08:38
ئىسلام تارىخىدىكى ساھابە، چاھاريا دەۋرىدىكى ئىچكى ئۇر ...

مۇبەششەر بۇرادەر سىزدېگەن  بۇ تېما بەك چوڭ تېمىكەن . ھازىرچە بۇ نىڭغا ۋاقتىم يېتىشمەشلىكى مۇمكىن ، بۇلارنى يېزىپ كەلسە بەلكى بۇ بىر ماقالە بولماستىن چوڭ ھەجىملىك كىتاپ بولشى مۇمكىن . ئەمما ھەقىقەتەن ئەھمىيەتلىك تېما .

shungqar

nuri525 يوللىغان ۋاقتى  2016-3-2 05:20
مۇرتەت بۇرادەر ياخشىمۇسىز؟ ئىنكاسىڭىزنى كۆدۈم ، ھەق ...

   قېرىندىشىم. مۇرتەدنىڭ سۇئالىغا بەرگەن جاۋابىڭىزدىن قايىل بولمىدىم. جاۋابىڭىزنىڭ بېشىنى ئوبدان باشلاپتىكەنسىز بولمىسا.  شوتلاندىيە مۇستەقىل بولىمەن دېگەن ئىدى،ئەنگىلىيە ھۆكىمىتى ئاۋازغا قويۇشقا روخسەت قىلدى. لېكىن،مۇستەقىللىقنى خالىغۇچىلار،ھېچقانداق جازاغا ئۇچىرىمىدى. بۇ مەسىلە ،سىزنىڭ ئاۋۇ يەردە «جازالىنىدۇ» دېگەن گېپىڭىز بىلەن قارشلىشىپ قالدى.مۇنداقچە ئېيتقاندا،ئەنگىلىيەنىڭ تۈزۈمى ئەۋزەل بولۇپ قالدىغۇ؟
    مەن ئىسلامنى «سىغدۇرۇشچان» دىن دېدىم. ئەگەر « ئىسلامغا كىرگەنلەرنى ياخشى دەپ ماختاپ ،ئىسلامدىن چىقىپ كېتىمەن دېگۈچىلەرنى ،جازالايمەن دېسە » - «خالىسا ئىمان ئېيتسۇن،خالىسا كاپىر بولسۇن»،«دىندا زورلاش يوقتۇر» دېگەن ئايەتلەرنىڭ كۈچى ۋە ئىسلامنىڭ مېھىرىۋانلىقى نەدە قالىدۇ؟ سىزنىڭچە، ئىسلام دىنىغا كىرىۋالغانلار،چىقىپ كېتەي دېسە ،جازادىن قورقۇپ، ئېتىقادتا چىن- سەمىمىي بولماي،ئىسلامنىڭ يۈز ئابرويىنى تۆكىدىغان قىلمىش بىلەن شۇغۇللانسا مەيلىمۇ؟
   مېنىڭ نەزىرىمدىكى دېموكىراتىيە -خالىغىنىنى قىلىش ئەمەس. چەكلىمە بار. لېكىن ،ئىدىيىسى  سەۋەبىدىن (ھەرىكىتى ئەمەس) جازاغا تارتىلماسىلىقى كېرەك.