<جەسۇر >پۇتبول كۇلۇبى ماركىسى بېكىتىلدى . يوقىرىقى ماركىنى باغداش تورى تور بېكەت لاھىيەلەش گۇرۇپپىسىدىن TAJIN ( نىجات شاۋكەت) لاھىيلىگەن .
ماركا چۈشەندۈرۈلىشى :
ماركىغا چۈشۈرۈلگەن ئات غەلبىنىڭ سىموۋولىدۇر ، ئاتنى چىقىرىشتىكى مەقسەت <جەسۇر> كۇلۇبى ئەزىمەتلىرىنىڭ مۇسابىقىلەرنى غەلبىنى قولغا كەلتۈرىشى ئۈچۈندۈر ، ئات ئۈستىدىكى ئۇيغۇر يىگىتى بىر قولىدا مىللى چالغۇلارنىڭ بىرى بولغان سۇناينى ،بىر قولىدا پۇتبولنى كۆتۈرۈپ تۇرغان جەسۇرانە قىياپىتى <جەسۇر> كۇلۇبىنىڭ مۇسابىقىدە قولغا كەلتۈرگەن شان -شەرىپىگە تەنتەنى قىلىۋاتقانلىقىنى ئىپادىلەيدۇ.
<جەسۇر> پۇتبول كۇلۇبى دەسلەپكى لاھىيەسى
************ بۈگۈنكى كۈندە شىنجاڭ پوتبولچىلىقى كۈندىن –كۈنگە راۋاجلىنىپ پۈتۈن مەملىكەتنىڭ دىققىتىنى تارتتى .ئارقا –ئارقىدىن يېتىشىپ چىقىپ جۇڭگو بىرلەشمە پۇتبول مۇسابىقىلىرىدە ئۆز كۈچىنى نامايەن قىلىۋاتقان ئۇيغۇر ياشلىرى دۆلەتلىك پوتبول كوماندىسىغا يېڭى بىر سوئال قويدى.جۇڭگو دۆلەتلىك ئەرلەر پوتبول كومانسىدىنىڭ كېيىنكى تەقدىرى ۋە ئىستىقبالىدا شىنجاڭ پوتبولچىلىقىغا ئالاھىدە ئەھمىيەت بېرىش ۋە مەبلەغ سېلىش كېرەكلىكىنى ھېس قىلدۇردى.
ئاساسى گەپكە كەلسەك ،97-98- يىللىرى قومۇل ۋىلايەتلىك ئوتتۇرا مەكتەپ ئوقۇتقۇچىسى ئابلىمىت مۈسا مۇئەللىم باشچىلىقىدا قۇرۇلغان ئىزچىلار پوتبول كوماندىسى ۋە شۇ يىلى ئۆتكۈزۈلگەن ‹ئابلىمىت موسا لوڭقىسىنى تالىشىش› پوتبول مۇسابىقىسىدىن كېيىن قومۇل رايونىدا بىر مەزگىل پوتبول ھەركىتى جۇش ئۇرۇپ راۋاجلاندى،شۇ مەزگىللەردە ھېچقانداق ئىقتىسادى كۈچى بولمىغان‹ ئابلىمىت موسا ئىزچىلار پوتبول كوماندىسى ›جاپالىق سەپەرلەرنى باشتىن كەچۈرۈپ ئۈرۈمچى ،خوتەن قاتارلىق شەھەرلەرگە بېرىپ ياخشى نەتىجىلەرنى قولغا كەلتۈرۈپ دىيارىمىز قومۇلغا زور شان-شەرەپ كەلتۈردى.
مانا بۈگۈنكىدەك مەملىكەت مىقياسىدا ھەممىنىڭ كۆزى شىنجاڭ پوتبولچىلىقىغا تىكىلگەن .ئۇيغۇر پوتبول ئەزىمەتلىرى مەملىكەت دەرىجىلىك مۇسابىقىلەردە ئۆزىنى تونىتىۋاتقان خوشاللىق مىنۇتلاردا ئەسلىدىكى ئىزچىلار كوماندىسىنىڭ قۇرغۇچىسى ئابلىمىت مۈسا مۇئەللىم ۋە ۋىلايەتلىك 1-ئوتتۇرا مەكتەپتىكى بىر قىسىم ئوقۇتقۇچىلار ، پوتبول سۆيەر كارخانىچىلار بىرلىكتە مەسلىھەتلىشىش، كېڭىشىش ئارقىلىق ‹جەسۇر پۇتبول كۇلۇبى› نى كېڭەيتىپ مۇنتىزىم بولغان كۇلۇپ قىلىپ قۇرۇپ چىقىش دەسلەپكى لاھىيەسىنى ئوتتۇرىغا قويۇپ بېكىتتى.
‹جەسۇر پوتبول كۇلۇبى›نىڭ نۆۋەتتىكى ئەھۋالى :
جەسۇر پوتبول كۇلۇبىدا ھازىر ھەرقايسى مەكتەپلەردىكى ئوقۇتقۇچى –ئوقۇغۇچىلار ،جەمئىيەتتىكى پوتبول سۆيەر ئەزىمەتلەردىن بولۇپ 100 گە يېقىن كۇلۇپ ئەزاسى بار .گەرچە كۇلۇبىمىزنىڭ مۇنتىزىم ئۆلچەملەشكەن مەشق مەيدانى تولۇق ھازىرلانمىغان بولسىمۇ كۇلۇپ ئەزالىرىنىڭ ئوتتەك قىزغىلىنلىقى بىلەن مەشىق ئېلىپ بېرىلىۋاتىدۇ. مۇناسىۋەتلىك ئورۇنلار ۋە رەھبەرلەرنىڭ قىزغىن قوللىشىنى قولغا كەلتۈرۈپ ئۆلچەملىك مەشىق ۋە مۇسابىقە مەيدان شارائىتى ھازىرلاش تولىمۇ زۆرۈر خىزمەتتۇر .
جەسۇر كۇلۇبىنىڭ مەقسىتى :
1.ئوقۇتقۇچىلار كوماندىسى :
ئوقۇتقۇچىلار كوماندىسى مەكتەپ ئوقۇتقۇچىلىرىدىن تەشكىللەنگەن بولۇپ ئەزا سانى دەسلەپكى قەدەمدە 50دىن ئاشتى ، بۇ كوماندىنى تەشكىللەشتىكى ئاساسى مەقسەت ئوقۇتقۇچىلارنىڭ خىزمەت بېسىمىنى يەڭگىللىتىش بىلەن بىرگە ئوقۇتقۇچىلارنىڭ بەدەن ساپاسىنى يوقىرى كۆتۈرۈش ۋە چېنىقىش پۇرسىتى بىلەن تەمىنلەش .(رايونىمىزدىكى مائارىپ سېپدىكى بارلىق ئوقۇتقۇچىلارنى قارشى ئالىدۇ)
2.‹جەسۇر› كۇلۇبى ياشلار كوماندىسى:
بۇ كوماندا ئاساسلىق بەلگىلىك پۇتبول ماھارىتى ئىگەللىگەن ،مۇنتىزىم تەربىيلەنگەن ، تېخنىكىسى يوقىرى ياشلاردىن تەشكىللەنگەن ،بەلگىلىك كۈچكە ئىگە بولۇپ كېيىنكى قەدەمدىكى ئاپتونوم رايونلۇق مۇسابىقىلەردە قاتنىشىشىتا قومۇل ئۈچۈن كوزۇر كوماندا بولالايدۇ.
3. ياش –ئۆسمۈرلەر كوماندىسى (ياش –ئۆسمۈرلەر تەربىيلەش كۇرسى ):
بۇ كوماندا ئاساسلىق ياش نوتىلارنى تەربىيلەشنى ئاساس قىلىنغان بولۇپ پۈتكۈل قومۇل رايونىدىكى ئۆسمۈرلەرنى كەڭ كۆلەملىك تەربىيلەش نۇقتا قىلىنىپ رايونىمىزدىكى ئۆسمۈرلەردە پۇتبول قىزغىنلىقى قوزغاش .تەربىيلەش شەنبە-يەكشەنبىلىك ،تەتىللىك تەربىيلەش ئۇسۇللىرى بىلەن پۈتكۈل دىيارىمىزدىكى ئۆسمۈرلەرنى ئاساس قىلىدىغان بولۇپ، بۇ ئۆسمۈرلەرمۇنتىزىم تەربىيلىنىدۇ.
4.يېقىندا شىنجاڭ رايونىدا قانات يايدۇرىلىۋاتقان ‹يېزىلارغا پوتبول ھەركىتىنى يەتكۈزۈش›،‹دېھقان بالىسىنى پوتبولچى قىلىش› ھەركىتىگە ئاۋاز قوشۇپ دەسلەپكى قەدەمدە 100 نەپەر يېزا رايونىدىكى ھەۋاسكار ئۆسمۈرلەرگە ‹جەسۇر كۇلۇبى›پوتبول كىيىمى ۋە بىردىن پۇتبول تەمىنلەش ئارقىلىق ئۆسمۈرلەرگە ياخشى شارائىت ھازىرلاپ بېرىش.
5.كېيىنكى قەدەمدىكى لاھىيە ۋە پىلانلار كېيىنكى ئەمەلىي ئەھۋالغا ئاساسەن ئېلىپ بېرىلىدۇ ،رايونىمىز پوتبولچىلىقىغا كۆڭۈل بۆلىدىغان كىشىلەرنىڭ كۇلۇبىمىزنىڭ كېيىنكى تەرەققىياتى ئۈچۈن بىزگە قىممەتلىك پىكىر –تەكلىپلەرنى بېرىشىنى چىن دىلىمىزدىن ئۈمىد قىلىمىز .دىيارىمىز پۇتبولچىلىق ئىشلىرىنى قوللاش ھەر بىرىمىزنىڭ ئورتاق مەجبۇررىيىتى.پوتبول سۆيەر قېرىنداشلارنىڭ ،كارخانىچى دوستلارنىڭ، رەھبەرلەرنىڭ ‹جەسۇر كۇلۇبى›نى ھەر-قايسى جەھەتلەردىن قوللاپ قۇۋۋەتلەپ بېرىشىنى ئۈمىد قىلىمىز!
قومۇل دىيارىدىكى ئىۋىرغول رېستۇرانى بۇ خەۋەرنى ئاڭلاپ قىزغىن قوللايدىغانلىقى بىلدۈرۈپ ئىقتىسادى جەھەتتىن3000يۈەن ياردەم بەردى .
باغداش تور بېكىتى جەسۇر كۇلۇبىنىڭ ۋە مەزكۈر كۇلۇبنىڭ يېزىلارغا پوتبول ھەركىتىنى يەتكۈزۈش ھەركىتىنىڭ تەشۋىقات ئىشلىرىنى ئۆز ئۈستىگە ئالدى . پات ئارىدا <جەسۇر >كۇلۇبىغا باغداش تور بېكىتى ئارقىلىق ئەزا بولۇش ئەمەلگە ئاشىدۇ .
ئەسكەرتىش: ياش-ئۆسمۈرلەر تەربىيلەش كوماندىسىغا تىزىملاتقان ئەزالاردىن ھېچقانداق ھەق ئېلىنمايدۇ. ياشلار كوماندىسىغا تىزىملىتىش يىللىق ئەزالىق ھەققى : 240يۈەن. كېيىنكى تەپسىلاتلار داۋاملىق تۈردە باغداش تورى ئارقىلىق ئۇقتۇرۇپ تۇرىلىدۇ. <جەسۇر >كۇلۇبىغا ئەزا بولماقچى ياكى پىكىر -تەكلىپ بەرمەكچى بولسىڭىز ئالاقىلىشڭ ، يەنە يېزىلارغا پوتبول يەتكۈزۈش سېپىمىزگە قوشۇلماقچى بولسىڭىز ئالاقىلىشىڭىز : پەقەت 3 كىشى 30 يۈەندىن خىراجەت قىلسا بىر يېزا بالىسىغا بىر يۈرۈش كىيىم ۋە پوتبول سوۋغا قىلغىلى بولىدۇ .
ئالاقىلاشقۇچىلار : ئابلىمىت موسا مۇئەللىم : 13999448114 ، قادىر مەممەت مۇئەللىم : 13565199973
قادىر ئوسمان : 13899353862 ئەسقەرجان : 13999686240 ئەلىجان : 18299369759 ،
ھۆرمەت بىلەن :
‹ جەسۇر› پوتبول كۇلۇبى ، باغداش تور بېكىتى :
| 
يوللىغان ۋاقتى 2011-12-19 20:17:52
يوللىغان ۋاقتى 2011-12-19 20:21:27
