غۇبارسىز يىللار

غۇبارسىز يىللار

ئاپتورى: ئېدىس ۋارتون (ئامىرىكا)

شىنجاڭ خەلق نەشرياتى

2008-يىلى 3-ئاي 1-نەشرى

2011-يىلى 6-ئاي 1-بېسلىشى

فورماتى: 32 باسما تاۋىقى: 16.75

تىراژى: 3000- 1

ھەممىسى: 533بەت

باھاسى: 45 يۈەن

ISBN: 9787228141692

سېتىۋېلىش ئادرىسى:http://item.taobao.com/item.htm?id=13727201319

كىرىش سۆز

   ئېدىس ۋارتون ئامېرىكىلىق مەشھۇر يازغۇچى . ئۇ 1986-يىلى نيۇيوركتىكى بىر باي ئائىلىدە دۇنياغا كەلگەن ، بالىلىق چاغلىرىدىن تارتىپلا ياۋروپا ئەدەبىياتىنىڭ تەسىرىگە ئۇچرىغان . 1899-يىلى 37-يېشىدا «ئالىيجاناب خۇمار» ناملىق تۇنجى ھېكايىلەر توپلىمىنى نەشر قىلدۇرغان ، 1902-يىلى تۇنجى رومانى«تاللاش جىلغىسى» نەشردىن چىققان ، ئۇنىڭدىن باشقا «مۇقەددەس ئوردا» ، «شادلىق ئائىلىسى» ، «تېرىمىل خانىم» ، «يوشۇرۇن توسالغۇ» ، «يۇرت ئادەتلىرى» ، «ئەسلەش» قاتارلىق ئەسەرلىرى بار . «غۇبارسىز يىللار» دىكى ئاساسىي ۋەقەلىك 19-ئەسىرنىڭ 70-يىللىرىنىڭ ئاخىرى، 80-يىللىرىنىڭ باشلىرى نيۇيورك يۇقىرى قاتلام جەمئىيىتىنى بىر كىچىك پىرامىداغا ئوخشىتىپ ، ئۇنىڭ ئۇچلۇق ھەم تېيىلغاق ئىكەنلىكىنى ، ئۇنىڭدا پۇت تىرەپ تۇرغىدەك بىرەر جاينى تېپىشنىڭ قېيىنلىقىنى كۆرسىتىپ بېرىدۇ . پىرامىدانىڭ چوققىسىدا تۇرۇۋاتقىنى ھەقىقىي ئاقسۆڭەك ئائىلىسىدىن كېلىپ چىققان ئىككى – ئۈچلا ئائىلىدىن ئىبارەت: ۋاشىنگتون مەيدانىدىكى داگونتېنىڭ ئەجدادلىرى تىپىك تىپىك ئېسىلزادىلەردىن ھېسابلىنىدۇ ؛ ۋان دېرلۇتون ئەپەندى بولسا ، گوللاندىيە ئەۋەتكەن تۇنجى گۇبېرناتورنىڭ پۇشتى – جەمەتىگە تەۋە ، ئۇنىڭ ئائىلىسى فرانسىيە ۋە ئەنگىلىيەدىكى بىر قانچە ئاقسۆڭەكلەر جەمەتى بىلەن قۇدا چۈشكەن ؛ ئۇنىڭدىن باشقا گىراف دوگلاس بىلەن قۇدىلاشقان لاتىن ئائىلىسىنىمۇ مۇشۇ قاتاردا ساناپ ئۆتۈشكە بولىدۇ . ئۇلار يۇقىرى تەبىقە جەمئىيىتىنىڭ ئەڭ ئۈستۈنكى قاتلىمى ھېسابلىنىدۇ ، بىراق زاۋاللىققا يۈزلەنگەن باسقۇچتا تۇرۇۋاتقانلىقى ئېنىق كۆرۈنۈپ تۇرىدۇ . يۇقىرى قاتلام جەمئىيىتىنىڭ يادرولۇق كۈچى مىنگوت جەمەتى ، نېۋلاند جەمەتى ، چىفرىس جەمەتى ۋەكىللىكىدىكى مەرتىۋىلىك ئائىلىلەردىن ئىبارەت ،ئۇلارنىڭ ئەجدادلىرى ئەنگىلىيە ياكى گوللاندىيەدىن كەلگەن باي سودىگەرلەردىن . پىرامىدادا ئۇلاردىن سەل تۆۋەنرەك ئورۇندا تۇرىدىغىنى بولسا ، پۇلدار بولسىمۇ ، لېكىن ئاقسۆڭەك ھېسابلانمايدىغان كىشىلەر ، بۇلارنىڭ كۆپ قىسىمى ئىچكى ئۇرۇشتىن كېيىن باش كۆتۈرگەن يېڭى بايلارغا تەۋە ، بۇ كىشىلەر ئۆزلىرىنىڭ مول مالىيە كۈچىگە تايىنىپ ، قۇدىلىشىش يولى ئارقىلىق يۇقىرى قاتلام جەمئىيىتىگە كىرگەن .

   ھەقىقىي ئاقسۆڭەك ئائىلىسىدىن كېلىپ چىققان نېۋلاند ئارچېر تەۋرەنمەس ئەنئەنىۋى قائىدە – يوسۇنلار ئىچىدە چوڭ بولغان ، ئۇ قائىدە – يوسۇندىن چىقماي ئاقسۆڭەكلەرگە خاس تۇرمۇش كەچۈرۋاتقانىدى ، ئۇنىڭ مەرتىېۋىلىك ئائىلىدىن كېلىپ چىققان ماي ۋېللانا بىلەن بولغان تويىنىمۇ مۇكەممەل نىكاھ دېيىشكە بولاتتى . ۋاھالەنكى ، بۇ ياش مۆتىۋەر ئۆز خىلدىكىلىرى بىلەن ئازاراق پەرقلىق بولۇپ ، كىتاب ئوقۇشنى ، پىكىر قىلىشنى ياخشى كۆرىدۇ ھەمدە نەزەر دائىرىسىمۇ كەڭ . شۇڭا ، ئەركىنلىك روھى جۇش ئورۇپ تۇرغان ئېللېن ئورانسىكا نيۇيوركنىڭ ئاقسۆڭەكلەر جەمئىيىتىدە پەيدا بولغاندا ، ئرچېر ئۇنىڭغا بەكلا قىزىقىپ قالىدۇ ، ئورانىسكامۇ ئۇنىڭ سەمىمىي ياردىمى سەۋەبلىك ئۇنى ياقتۇرۇپ قالىدۇ . بىراق ، ھەيۋىسى كۈچلۈك ئىجتىمائىي ئەنئەنىۋى ئادەتلەر ئالدىدا ئۇلارنىڭ مۇھەببىتى  تىرگېدىيە بىلەن ئادەتلەر ئالدىدا ئۇلارنىڭ مۇھەببىتى تىراگېدىيە بىلەن ئاخىرلىشىشتەك تەقدىردىن قېچىپ قۇتۇلالمايدۇ .