خۇشاللىق قوغلاشمايدىغان كىم بار ؟

rahiyma

	پۇلدار ئائىلىگە ئايال خوجايىن بولۇپ ھۇزۇر ھالاۋەتتە ئۆتكەن بۇ ئايالنىڭ كۆڭۈل يارىسى خېلى ئېغىر بولسا كېرەك . شۇڭا ئالدىراپ باشقىلارغا ھەۋەس قىلمىغان تۈزۈك. مائارىپ ھەققىدىكى قىسقا بايانلار ئويلىنىشىمىزغا تېگىشلىك. ياخشى بىر ئەسەر پۈتۈپ چىقىدىغانلىقىنى كۆڭلۈم تۇيۇۋاتىدۇ.

huxhal

	بۇ دۇنيانىڭ ئىشلىرىغا بىر نىمە دېمەك تەس ، ھەممىمىز خۇشاللىقنى قوغلىشىپ ياشايدىغان بۇ جاھاندا ئويلىمىغان يەردىن نۇرغۇن كۆڭۈلسىزلىكلەرگە دۇچار بولىمىز ، بىز قارشى ئېلىشنى خالىمايدىغان ئازاپ - ئوقۇبەتلەر خۇددى توسۇپ قالغىلى بولمايدىغان كەلكۈن سۈيىدەك تۇرمۇشىمىزغا بېسىپ كىرگىنىدە ، بىز ئۆزىمىزنى يوقۇتۇپ قويىمىز ، بىز ياخشى كۆرگەن ، بىز سۆيگەن ، ھەتتا بىز بارلىقىمىزنى بېغىشلىغان ئاشۇ كىشىلەر شۇنداق بىر كۈنلەر كېلىپ بىز ئەڭ نەپرەتلىنىدىغان ئادەملەرگە ئايلىنىپ قالىدۇ . تۇرمۇش  بىزگە نۇرغۇن قىممەتلىك نەرسىلەرنى سوۋغا قىلىدۇ ، شۇنداقلا يەنە بىزدىن بىز ياخشى كۆرگەن نۇرغۇن قىممەتلىك نەرسىلەرنى ئېلىپ كېتىدۇ . شۇڭا بەزىلەر ھاياتتا ‹ كۈلكە بىلەن ئازاپ بىر تۇغقان › دېگەن بولسا كېرەك . بىراق يېنىمدا ئولتۇرغان بۇ قىز تېخى كىچىك ئىدىغۇ ؟ مەن بۇ قىزچاقنى دەسلەپ كۆرگەن چېغىمدا نەقەدەر بەختلىك ھەم تەلەيلىك قىز - ھە ؟! مۇشۇ راھەت - پاراغەتلىك ئائىلىدە خۇددى كىنولاردىكى مەلىكىلەردەك ياشاۋېتىپتۇ ، دەپ ئويلاپتىكەنمەن . چۈنكى ھەرقانداق ئادەم ئۆزىنىڭ قانداق ئائىلىدە ، قانداق ھۆسۈن - جامال بىلەن بۇ دۇنياغا ئاپىرىدە بولۇشىنى تاللىىۋالالمايدۇ ، چۈنكى بۇنىڭ ھەممىسى تەقدىرنىڭ ئىرادىسى بىلەن بولىدىغان ئىشلار . بەزىلەر ئېيتقاندەك  ‹‹ ھەممىلا نەرسە پۇل بىلەن ئۆلچىنىدىغان بۇ جاھان››دا مۇشۇنداق باي - باياشات ئائىلىدە دۇنياغا كېلىشنىڭ ئۆزىمۇ بەخت ئەمەسمىدى ؟! چۈنكى پۇلۇڭ ، ھوقۇقۇڭ بولسا ،ھېچكىم سېنى تاك ئېتىپ چېكەلمەيدۇ . ھەممىسى ساڭا گەرچە ئۇلارغا ھېچقانداق پايداڭ تەگمىسىمۇ خوشامەت قىلىپ تۇرىدۇ ، سېنى سورۇننىڭ تۆرىگە ئولتۇرغۇزىدۇ ، ھەتتا  سېنى سورۇننىڭ گۈلى ھېساپلايدۇ ، كۈنلەرنىڭ بىرىدە بىرەسىنىڭ ئۆيىگە قەدىمىڭ يېتىپ قالسا ، پالانى باشلىق ياكى بايۋەتچە ئۆيىمىزگە كەلدى دەپ باشقىلارنىڭ ئالدىدا ماختىنىشىدۇ . بىرەر ماگىزىنغا كىرىپ نەرسە سېتىۋالساڭ ، بۇنى پالانى باشلىق ياكى باي ئالدى دەپ مېلىنىڭ بازىرىنى چىقىرىشىدۇ . جاھان شۇنداق مەڭگۈ تۈگىمەيدىغان خىلمۇ خىل ھېكايىلەرگە تولغان . بۇ  ھايات ماڭا ۋە يېنىمدا ئولتۇرغان بۇ كىچىك ساھىپجامالغا يەنە قانداق ئاچچىق - چۈچۈك سوۋغىلارنى ھازىرلاۋاتىدىكىن ؟ بۇنى  ياراتقۇچىدىن باشقا ھېچ كىشى بىلىشكە قادىر ئەمەس .

musilina

	ئېسىل بىر ئەسەردىن بەھر ئالىدىغانلىقىمغا ئىشەنچ قىلدىم ئەسەرنىڭ بېشىنى ئوقۇپ.... داۋامىنى كۈتىمىز..... قارىغاندا ئوقۇتقۇچى ئوخشايسىز.... ھەر بىر ئوقۇغۇچىنىڭ تۇرمۇشى ئۆزگىچە بىر دۇنيا....

بانكىر

	ئېسىل بىر ئەسەردىن بەھر ئالىدىغانلىقىمغا ئىشەنچ قىلدىم ئەسەرنىڭ بېشىنى ئوقۇپ...................

تارىمى

	ھەممە ئادەمنىڭ ياخشى كۈن كۆرگىسى ، نەچچە مىليۇنلۇق كىيىملەرنى كەيگۈسى ، نەچچە مىليۇنلۇق ماشىنىلاردا ئولتۇرغۇسى ، ئېسىل داچىلاردا ئولتۇرغۇسى كېلدۇ ، ئەگەر مېنىڭ يۇقارقى گېپىمنى خاتا ، بىزگە ئۇنداق تۇرمۇشنىڭ كىرىكى يوق ، ئاددىي - ساددا ئۆتسەك ياخشى دىگۈچىلەر بولسا ، ئۇلار چۇقۇم نامرات كىشلەردۇ ، بۇ ئۇلارنىڭ ئۆزىنىڭ يارىماسلىقىدىن ئىبارەت بىر ھەقىقەتنى ئېتىراپ قىلىشقا پېتىنالمىغانلىق ، ، ،

AKRAMbulaksu

	تارىمى يوللىغان ۋاقتى  2014-10-18 12:15 AM ھەممە ئادەمنىڭ ياخشى كۈن كۆرگىسى ، نەچچە مىليۇنلۇق كىي ... ئوخشاش قاراشتا ئىكەنمىز .

narkas

	داۋامىنى تېزراق كۆرگەيمەن .

huxhal

	فىرات ؟ رەنا ؟ بۇلار كىم بولغىيدى ؟  بۇ ئائىلىگە كېلىپ تۇرۋاتقىنىمغا بىر نەچچە ئاي بولۇپ قالغان بولسىمۇ لېكىن ، بۇ ئۆيدىكى ئەر خوجايىن يەنى لالەنىڭ يولدىشى ھەققىدە ھېچنەرسىدىن خەۋەردار ئەمەسمەن ، ئۇنى  بىر قېتىممۇ كۆرۈپ باقمىدىم . بەلكىم  ھەپتە ئارىلىقلىرىدا ئائىلىسىدە بولسا كېرەك دەپ پەرەز قىلغانىدىم . لالەمۇ يولدىشى ھەققىدە ماڭا پاراڭ قىلىپ باقمىغان .   _ ساجىدە ئاپا ، رەنا بىلەن فىراتنى ئۆيىمىزگە ھەرگىز كىرگۈزمەيمەن ، ئۇلار دادامنى ئاپام ئىككىمىزدىن تارتىۋالدى ، مەن ئۇلارغا ئۆچ ! ئۆچ ! قىزچاقنىڭ كۆزى ياشقا تولدى ، قولىدا تۇتۇپ تۇرغان قونچىقىنى كۈچەپ مىجىدى ، ئۇنىڭ ياشقا تولغان كۆزلىرىدە تەسۋىرلەپ بولغىلى بولمايدىغان نەپرەت ئۇچقۇنلىرى يالتىراپ تۇراتتى .     _ نەفىسە ، ئوماق قىزىم ، _ يىغلىماڭ _ دىدىم ئۇنى بەزلەپ ، باشلىرىنى سىلىدىم نىمە ئۈچۈندۇر مېنىڭمۇ گېلىمغا بىر نەرسە قاپلىشىۋالغاندەك بولۇپ سۆزۈمنى داۋاملاشتۇرالمىدىم .   بۇ كىچىككىنە قىزنىڭ يۈرىكىگە ئۆچمەنلىك ئۇرۇقىنى چاچقان قانداق ناكەسلەر بولغىيدى ؟! بۇنداق ئۆچمەنلىكنى ، نەپرەتنى يۇيۇۋەتكىلى بولامدۇ ؟!    تۇيۇقسىز ياندىكى ھوجرىدىن لالەنىڭ مېنى چاقىرغان ئاۋازى ئاڭلاندى ، دەررۇ ئۇنىڭ يېنىغا كىردىم .   ئۇ كىرىسلودا ھەسرەتلىك كۆزلىرىنى رامكىدىكى بىر ئەرنىڭ يەنى ئۇنىڭ يولدىشى بولسا كېرەك دەپ پەرەز قىلدىم رەسىمىگە تىكىپ ئولتۇراتتى .   _ ئولتۇرۇڭ ، ساجىدە ، بايا نەفىسەنىڭ سۆزلىرىنى ئاڭلاپ بۇ نىمە گەپتۇ دەپ قالدىڭىز ھەقىچان ، ئەگەر ئاڭلاشنى خالىسىڭىز سىزگە ئىچىمدىكى بارلىق دەرت - ھەسرەتلىرىمنى تۆكۈپ بەرگۈم بار ، ئاڭلاشنى خالامسىز ؟   _ خالايمەن ، لالە ، ئەگەر ماڭا ئىشەنسىڭىز .   _ نىمىشقا سىزگە ئىشەنمىگۈدەكمەن ؟ سىز بىلەن تۈنۈگۈن تونۇشمىدۇققۇ  ، تونۇشقىلىمۇ خېلى بولدى ، سىزنى خېلى چۈشىنىپ قالدىم ، قىزىمغا مەن ئۆگىتەلمىگەن نۇرغۇن نەرسىلەرنى ئۆگەتتتىڭىز ، ئۇنىڭ مىجەزى ۋە گەپ سۆزلىرى بۇرۇنقىدىن خېلىلا ئۆزگىرىپ قالغاندەك ھېس قىلىۋاتىمەن ، رەھمەت سىزگە ، ساجىدە .   _ رەھمەت ئېيتماڭ ،لالە ،  نەفىسە مېنىڭ قىزىمغا ئوخشاشلا ، ئۇنى ياخشى تەربىيىگە ئىگە قىلىش مېنىڭمۇ مەسئۇلىيىتىم . قانداق گېپىڭىز بولسا دەڭ ، مەن ياردەم قىلغۇدەكلا ئىش بولسا ، مەن تەييارمەن . ئەگەر سىز قوشۇلسىڭىز سىزنىڭ دوستىڭىز بولۇشنى خالايمەن ، بىز چوقۇم ياخشى دوسلاردىن بولالايمىز .ھە راست ، لالە ، نەفىسەنىڭ ئېيتقانلىرى قانداق گەپ ؟ تازا چۈشىنەلمىدىمغۇ ؟ فەررۇخ ھاجىم ئۇ ؟ شۇنداق دىيىشىم بىلەنلا لالە ئاۋازىنى قويۇۋېتىپ يىغلىۋەتتى ، ئۇ يىغلىماقتا ، خۇددى مۇشۇ يىغىسى بىلەن ئىچىدىكى بارلىق دەرت - ھەسرەتلىرىنى چىقىرۋەتمەكچى بولغاندەك . بەزىلەرنىڭ ئاياللار كۆز يېشىغا تايىنىدۇ دېگىنى شۇ بولسا كېرەك . جۈملىدىن مەنمۇ شۇنداق ، بىرەر  كۆڭۈلسىزلىككە ئۇچرىسام يىغلايمەن ، بىرەر تەسىرلىك ۋەقەنى كۆرسەممۇ يىغلايمەن .... _ لالە يىغلىۋېلىڭ ، يىغلىۋېلىڭ ، مۇشۇ يىغا بىلەن ئىچىڭىز ئازراق بولسىمۇ بوشاپ قالار ؟!_ مەن شۇنداق دېگەچ قولياغلىقنى ئۇنىڭغا تەڭلىدىم ، مېنىڭمۇ كۆزلىرىم ياشقا تولدى ، مېنىڭ شۇنداق بىر ئادىتىم بار ، بىرسى دەرت تۆكۈپ يىغلاپ بەرسە تەڭ ئولتۇرۇپ يىغلايمەن ، كۆڭلۈم ئېھتىمال تولىمۇ يۇمشاق بولسا كېرەك ؟

uzum-tal

	تارىمى يوللىغان ۋاقتى  2014-10-18 12:15 AM ھەممە ئادەمنىڭ ياخشى كۈن كۆرگىسى ، نەچچە مىليۇنلۇق كىي ... مەنمۇ پىكىرىڭىزەە قوشۇلىمەن .   ئىقتىسادى كۆپلەر   ھەشەمەت قىلسۇن ، ئىقتىسادى  ئازىراقلا ئىقتىسادىغا چۇشلۇق ئاددىي-ساددا قىلسۇن . نىمە قىلىمىز ئۆزىنىڭ پۇلىنى خاتىرجەم چىقىم قويغىلى قويماي . ئۇلارنىڭ پۇلنىڭ زاكىتنى ئايرىۋەتسە قالدى پۇلىنى  تىجەپ باشقىلارغا ياردەم قىلىش مەجبۇريىتى يوق . ئاللاھ مۇشۇنداق گۈزەل زىمىننى بەرسە .مۇشۇ زىمىنغا يارىشىملىق ئېسىل ئۆيلەرنى سىلىپ پاكىز-ئېسىل كىيىنىپ يۈرمەي . ئىندىئانلارغا ئوخشاش  ئۈچ تال ياغاچنىڭ بىر بىشنى چىتىپ ئايغىنى يول پىلانلاش خادىملىرى ئىشلىتىدىغان دۇربۇننىڭ پاقىچدەك كەرىپ ئۈستىنى پاخال بىلەن يىپىپلا ياپرىغى يوغانراق يوپۇرماق بىلەن ئەۋرەتلەرنى توسۋىلىپ ياشاپ ئۆتەرنىڭ ئورنى يوقتە . ئىنسان بولغانكەن ئېسىل تۇرمۇشنىڭ ھوزۇرىنى سۈرۈپ بىقشىنىڭ ئورنىغا ئاددىي-ساددىلىقنى باھانە قىلىپ ئۈجمە پىش ئىغىزىمغا چۈش دەپ يۈرسەك ھايۋاندىن نە پەرقىمىز ئەمدى !    ....ئانچە-مۇچنە كۆرۋاتىمىز گېرىتسيەنىڭ ، ياپۇنيەنىڭ . شېۋىتسارىيەنىڭ سەھرالارغا سىلىنغان كاتتا-كاتتا داچىللىرىنى .قورغالىرىنى . ئەتىراپى ياپيىشىل شۇنداق ھەيۋەتلىك . تىنىچ. گۈزەل كۆرنىدۇ . دۇبەينىڭ . مولداۋانىيە . مالايشىيا ....قاتارلىق دۆلەتلەردىكى  مىھامان سارايلارنىڭ سىلنىش ئۇسلىبى . ئاستىغا ۋە تاملىرىغا چاپلانغان فار-فۇر چاقچۇقلىرىدىن بىر خىل مۆتىۋەرلەرچە سىما چىقىپ تۇرغان . قىز-ئاياللارنىڭ ئۈستى-بىشىدىكى كىيىملەرنىڭ شۇنداق ياراشقانلىقىچۇ تېخى .شۇنداق تەنناز ،شۇنداق جەلىپكار كۆرنىدۇ . ئارزۇ قىلغان نەرسىگە ئىرىشىش باشقا گەپ . ئىرىشەلمىسمۇ كۆرۈپ ھۆزۈر ئىلىشنىڭمۇ ئۆزى بىر خىل ھوزۇر . نەچچە يىل تىرىشىپ ئىشلەپ شۇلاردەك بولالمىساقمۇ  بۇ قىيىنچىلىق دىگەن ئۆلگەندە تۈگەيدۇ . بەزىدە نەچچە ئون مىڭ يۈۋەننى ئوغىر ئالسىمۇ ئىلۋالىدۇ . ئەينى ۋاقتىدا شېڭسسەي ئاتا-وۋىللىرىمىزنىڭ كۆزىگە مىلتىقنىڭ ئۇچىنى نوقۇپ تۇرۇپ كۆزىگە كۆرسۈت تۇرۇپ  ۋەزىيەتنىڭ مۇقۇمسىزلىقدىن خاتىرجەم خەجلىيەلمەي ئەبجەق ساندۇقلىرىغا تىقىپ قويغان خالتا-خالتا ئالتۇنلىرىنى كونكىسغا كۆتە-كۆتە قىلىپ بىسىپ كىتىپتىكەن . شۇ ۋاقتىدىمۇ ئامالسىز چىدساپتىكەن بوۋىلار .شۇڭا ھىچ بولمىغاندا  ئادەم دىگەن ھاياتىدا يا دەككىكام بىر تاشلىق قىمارنىڭ پۇلى يۈرە بىششڭنى يەيدىغان خوتۇن تالاي يىل خىزمىتىمنى قىلغانتىڭ . يۈرە كوت-كوت ئانا . يۈرە مەندىن بىر ئومۇر قاخشاپ رازى بولماي ئۆتىدىغان دادا....دەپ ئونبەش-يىگىرمە مىڭ يۈۋەننى بىر-ئىككى ئاي چوڭراق شەھەرلەردە سورۇپ خەجلەپ جاھاننىڭ رەپتارىنى كۆرۈپ باققانغا نىمە يىتىدۇ . ئەنە شۇ بەك تاپقانلار پۇلى گۆرىگە ئىلىپ كىتەلىدىمۇ . مۇشۇ كۈنگە شۈكۈر دىگەنلەرنىڭ پۇلى توپىلىشىپ بىشى بىلەن تەڭ بولدىمۇ ؟ ئۇنداق بولغىنى يوق . ھۆكۈمەت باي بولۇپ چوڭ-چوڭ خەجلەپ چوڭ-چوڭ چىچڭلار ئوغۇت بولسا بېڭتۇۋەننىڭ يەرلىرىگە يېشىل ئوغۇت قىلىپ يېشىل دۇنيا قۇرىمىز  دەپ تولا تەشۋىق قىلىپ ئىغىزدىن ماغزاپ ئىقىپ كەتتى .  بىرسى باي بولۇپ ئىنساندەك غۇرىرىمىزنى تىك تۇتۇپ ياشايلى دەۋاتقان . بىرسى چوڭچىلىق قىلماي چۈمىلدەك ئاز يەپ قوتازدەك كۈچەپ ئىشلەپ . كەمتەرلىكتتە تاشپاقدىن ئۈگىنىپ ياشايلى دەۋاتقان  . بىرسى مەنمەنچىلىك قىلماي ياشايلىي دەۋاتقان چىرايلىق كەيگەن. ئېسىل يۈرگەن مەنمەنچىلىك بولسا . ئەسلىدىن كالتا ئىشتان لىبىر بىلەن يۈرگەنلەر نىمە دىگەن ئاددىي-ساددا ۋە نىمە دىگەن قانائەتچان ھە !

Abdul

	ھىچكىمگە پۇلنى خۇدايىم ئاسماندىن تاشلاپ بەرمەيدۇ دەپ قارايمەن ، نامراتلىقنىڭ ئەڭ چوڭ ئىككى ئامىلى : 1. بىلىمسىزلىك ، 2. ھورۇنلۇق . كۆپىنچە ھاللاردا پۇلنى ئەقىللىىقلار ، ئىرادىلىكلەر ، تىرىشچانلار تاپالايدۇ ، شۇنداق بولغان ئىكەن چوقۇم بەزىلەر باي بەزىلەر نامرات بولۇشى كېرەك . مەن بۇ ئەسەردە دېيىلگەندەك خەجلەيدىغانغا يەر يوق بايلارنى كۆرسەم ھەيران قالمايمەن ، قورسىقىغا يېگۈدەك نان يوقلارنى كۆرسەم ئىچ ئاغرىتىپ كەتمەيمەن .