خۇشاللىق قوغلاشمايدىغان كىم بار ؟

بانكىر

	bagdowlat يوللىغان ۋاقتى  2014-10-23 11:29 PM قويىڭە رەسىم پەسىمنىڭ گېپىنى، مۇنبەرگە بىر ياردەم تې ... رەسىمنى ماڭا يوللاپ بىرىڭ، مەن مۇنبەرگە چىقىرىپ بىرەي.

musilina

	ئاخىرىنى تېخى يېزىپ بولالمىدىڭىزما....؟

gvzalnur2

	بەك بەك بەك ساقلاپ كەتتۇق جۇمۇ

huxhal

	musilina يوللىغان ۋاقتى  2014-10-24 11:04 PM ئاخىرىنى تېخى يېزىپ بولالمىدىڭىزما....؟ بىرنەچچە كۈندىن بېرى بەكلا ئالدىراش بولۇپ قالدىم ،گۈلۈم ، بەكمۇ خىجىلمەن ، ئاللاھ خالىسا چوقۇم داۋاملاشتۇرىمەن .

huxhal

	gvzalnur2 يوللىغان ۋاقتى  2014-10-25 07:19 PM بەك بەك بەك ساقلاپ كەتتۇق جۇمۇ ئۆزرىلىكمەن ،جېنىم ، بىر ئاز كۈتۈشكە توغرا كېلىدىغان بولدى ، بەكلا ئالدىراش بولۇپ قالدىم .

huxhal

	(شەيدا) يوللىغان ۋاقتى  2014-10-23 11:13 PM قېنى ما ئەسەرنىڭ ئاخىرى؟؟؟؟ تېزراق يوللىسىڭىزچ ... رەھمەت ئۇكام ، يازمامنى ياقتۇرغىنىڭىزدىن خۇش بولدۇم ، سىزنى ساقلىتىپ قويغانلىقىمدىن خىجىلمەن .

huxhal

	لالە خېلى ئۇزۇن يىغلىغاندىن كېيىن ئاندىن يىغىدىن توختىدى ، ئۇنىڭ كۆزلىرىدىن قانداقتۇر تىل بىلەن تەسۋىرلەپ بولغىلى بولمايدىغان ئەلەم ئۇچقۇنلىرى چاقنىماقتا . ئۇنىڭ خۇشاللىق ۋە ئازاپقا تولغان ھېكايىسى مېنى خىلمۇ خىل خىياللارغا غەرق قىلماقتا .                              *   *   *   لالە ئائىلىسىدىكى بىر تاللا بالا ئىدى ، دادىسى ئۇ كىچىك ۋاقىتلىرىدىلا قازا قىلىپ كەتكەن بولۇپ ، تۇل ئانىسى مىڭ بىر جاپا مۇشەققەتلەرنى چېكىپ ئۇنى ياخشى تەربىيىگە ئىگە قىلدى . _ قىزىم ، - دەيتتى ئانا ، _ مەن ئالى بىلىم يۇرتلىرىدا ئوقۇيالمىغان ، سەن بولساڭمۇ ئالى بىلىم يۇرتلىرىدا ئوقۇپ ، بىلىملىك ئادەم بولغىن ، داداڭنىڭ سەندىن كۈتىدىغان ئۈمىدىمۇ شۇ ئىدى . سەن ئالى  مەكتەپتە ئوقۇساڭ مەن تولىمۇ خۇش بولغان بولاتتىم قىزىم  ، رەھمەتلىك داداڭنىڭ  روھىمۇ  خۇش بولغان بولاتتى . ئەلۋەتتە ، لالەنىڭمۇ ئارزسى شۇ ئىدى ، ئاجايىپ گۈزەل ئەسلىمىلەرگە ھەمراھ بولىۋاتقان مەكتەپ ھاياتىدا ئۇ ئالى بىلىم يۇرتلىرىدا ئوقۇشنى ئىزچىل كۆڭلىگە پۈكۈپ كەلگەن ، ئاشۇ گۈزەل ئارزۇنى ئىشقا ئاشۇرۇش ئۈچۈن بەل باغلىغان ئىدى ، ‹‹ تىرىشقان تاغ ئاشار ›› دېگەندەك ئۇنىڭ تىرىشچانلىقى بىكار كەتمىدى ، ئۇ ئالى مەكتەپ ئىمتىھانىدا يۇقۇرى نومۇر ئېلىپ تىببى ئۇنىۋېرىستېتقا قوبۇل قىلىندى . ئالى مەكتەپ ھاياتى ئۇنىڭ ھاياتىغا تېخىمۇ گۈزەل ، تېخىمۇ چوڭقۇر مەنىلەرنى ، تېخىمۇ ئۇنتۇلغۇسىز خۇشاللىقلارنى بەخش ئەتتى ، ئۇ مەيلى قانداق شارائىتتا بولسۇن ، ئاتا - ئانىسىنىڭ ئۈمىدىنى ئۆزىنىڭ ئارزۇ - ئارمانلىرىنى ئۇنتۇپ قالمىدى ، ئۇنىڭ شۇ چاغلاردىكى ئارزۇسى ئۆز كەسپىنى پىششىق ئىگىلەپ ، ئۆز يېزىسىغا قايتىش ، شۇ يەردە خىزمەت قىلىش ، ئۆزى ئۈچۈن سەكپارە بولغان يالغۇز ئانىسىنىڭ ھالىدىن ئوبدان خەۋەر ئېلىش ئىدى .   لېكىن ئىشلار ئۇنىڭ ئارزۇسىدىكىدەك بولمىدى ، ئۇ ئالى مەكتەپنى پۈتتۈرىدىغانغا ئاز قالغان كۈنلەردە تەسساپى بىر پۇرسەتتە  بىر يىگىت بىلەن يەنى يولدىشى فەررۇخ بىلەن تونۇشتى . ھايات مانا شۇنداق خىلمۇ خىل تەسسادىپىلىقلارغا تولغان ئىكەن ، مەيلى كىم بولسۇن ، ھاياتىدا ئۆزى ئويلاپمۇ باقمىغان تەسسادىپىلىقلارغا ئۇچرايدىكەن ، مانا مۇشۇ تەسسادىپىلىقلار كىشى ھاياتىغا بەزىدە ئېيتىپ تۈگەتكۈسىز خۇشاللىقلارنى بەخش ئەتسە ، يەنە بەزىدە پۈتمەس - تۈگىمەس ئازاپ ئېلىپ كېلىدىكەن .     لالە فەررۇخ بىلەن تونۇشۇپ ئۇنىڭ بىلەن مۇھەببەت قاينىمىغا غەرق بولدى ، فەررۇى ئاتا - ئانىسىنىڭ تەسىرىدە ئوتتۇرا مەكتەپنى پۈتتۈرۈپلا سودا قاينىمىغا غەرق بولغان يىگىت ئىدى . ئۇ گەرچە ئالى بىلىم يۇرتلىرىدا ئوقۇمىغان بولسىمۇ ، لېكىن ئۇنىڭ گەپ - سۆزى ، باشقىلارغا قىلغان مۇئامىلىسى ئادەمنى قايىل قىلماي قالمايتتى . بولۇپمۇ لالەنىڭ نەزىرىدە فەررۇخ لالەنى بىر ئۆمۈر بەختلىك قىلالايدىغان ، ئۇنىڭ بىلەن ھاياتنىڭ خىلمۇ خىل بوران - چاپقۇنلىرىدا ھەر دائىم بىللە بولالايدىغان ئەڭ قابىل ئادەم ، شۇنداقلا كېلىشكەن قەددى - قامىتى ، ئورۇنلۇق گەپ - سۆزلىرى ئارقىلىق قىزلارنىڭ كۆزىدىن ئوت چىقىرۋېتىدىغان  ‹ ئاق ئاتلىق شاھزادە › ئىدى .

زوھرە

	ئەسەر تولىمۇ ياخشى داۋاملىشۋاتىدۇ داۋامىنى ساقلاي ،،،،،،،،،،،،،بەك ئۇزاق ساقلاپ كەتمىسەمكەن دىگەن ئۈمۈدتىمەن

huxhal

	فەررۇخنى ئويلىسىلا لالەنىڭ قەلبى يورۇپ كېتەتتى ، مۇھەببەتكە ئەسىر بولمايدىغان ، ئۇنىڭ قۇلىغا ئايلانمايدىغان كىم بار ؟! چۈنكى مۇھەببەت زىمىستاندىكى بىر پارچە ئوتتەك ئىنسان ۋۇجۇدىغا تەسۋىرلىگۈسىز ھارارەت بېغىشلايدۇ ، خۇددى باھار ئاپتىپىدەك قەلبلەردە ئاجايىپ گۈزەل ھېس - تۇيغۇلارنى ئويغىتىدۇ ،گوياكى  مەيىن شامالدەك سېنى تەسەۋۋۇرۇڭدىكى ئاجايىپ گۈزەل ، سەن ئەڭ ئېھتىياجلىق بولغان جايلارغا ئۇچۇرۇپ بارىدۇ ، مۇھەببەت قاينىمىغا غەرق بولغان شۇ دەملەر ئىنسان ھاياتىدىكى ئەڭ گۈزەل دەملەرنىڭ بىرى ئەمەس دەپ كىم  ئېيتالايدۇ ؟!         _ فەررۇخ ، فەررۇخ ، سىز مېنىڭ مەڭگۈلۈك ھەمراھىم ، سىز مېنىڭ  بەختىم ، سىزنى سۆيىمەن ، مەن سىزنى ئاداققىچە سۆيىمەن .............  لالە  تالاي كېچىلەر فەررۇخ بىلەن غايىۋانە مۇڭدىشاتتى ، ئۇنى  خىيالەن قۇچاقلايتتى ، سۆيەتتى ، شىرىن خىياللار ئىچىدە ئۇيقۇغا كېتەتتى ، ‹‹ چۈش رىئاللىقنىڭ ئىنكاسى ›› دېگەن گەپ راست بولسا كېرەك ، فەررۇخنى ئويلاپ ياتقان لالە تولا چاغلاردا فەررۇخنى چۈشەپ چىقاتتى ، شۇنداق چاغلاردا ئۇ ئەتىگىنى ئورنىدىن تولىمۇ روھلۇق تۇراتتى . فەررۇخمۇ مال ئېلىشنى باھانە قىلىپ ئۈرۈمچىگە پات - پاتلا كېلىپ ئۇنى يوقلاپ تۇراتتى ، ئۇ ياخشى كۆرىدىغان نەرسىلەرنى ئۇنىڭغا سوۋغا قىلاتتى . ھەممەيلەن ئۇلارنى بىر بىرىگە تولىمۇ ماس كەلگەن بىر جۈپلەر دەپ تەرىپلىشەتتى .   كۆزنى يۇمۇپ ئاچقىچە لالە  ئوقۇشنىمۇ پۈتتۈردى ۋە فەررۇخ تۇرۇشلۇق شەھەردىكى مەلۇم بىر دوختۇرخانىغا خىزمەتكىمۇ ئورۇنلاشتى . فەررۇخنىڭ ئاتا - ئانىسىنىڭ تەلىپى بىلەن مەكتەپ پۈتتۈرۈپ ئۇزاق ئۆتمەي توينىمۇ قىلدى ، شۇنداق قىلىپ ئاق ئاتلىق شاھزادە بىلەن ساھىپجامال مەلىكە ئاشىق - مەشۇقلاردىن ئايرىلماس ئەر - خوتۇنلارغا ئايلاندى .   فەررۇخ لالەنىڭ ئىشقا  كوچا ئاپتوبۇسى بىلەن بارساممۇ بولىدۇ دېگەنلىرىگە پەرۋا قىلماي ھەر كۈنى لالەنى ئىشقا ئاپىرىپ قوياتتى ، ئىشتىن چۈشىدىغان ۋاقىتتا ئالغىلى باراتتى .   _ سۆيۈملۈك خانىشىمنى ئىشقا ئاپىرىش ۋە ئەكىلىش مېنىڭ بۇرچۇم- دىدى ئۇ بىر كۈنى چاقچاق قىلىپ . لالە فەررۇخنىڭ دېگىنىنى قىلماي قويمايدىغانلىقىنى ئوبدان بىلەتتى ، ئۇ ھەر كۈنى لالەنى ئىشقا ئاپىرىپ ئەكىلىمەن دېگەنىكەن شۇنداق قىلماي قويمايتتى ، ئۇ ھەر قېتىم ئىشتىن چۈشۈپ خىزمەت بىناسىدىن چىققىنىدا دەرۋازا ئالدىدا ساقلاپ تۇرغان فەررۇخنى كۆرۈپ سۆيۈنۈپ كېتەتتى .    _ لالە ، ھەقىقەتەن تەلىيىڭ بار جۇمۇ ! - دىيىشەتتى  خىزمەتداشلىرىمۇ  ،دوستلىرىمۇ  ئۇنىڭغا ھەۋەس قىلىپ .   راست ئەمەسمۇ ؟ _مەن نىمىدېگەن بەختلىك!_  دەپ ئويلايتتى لالە _  مېنى جېنىدىن ئەزىز كۆرىدىغان ،  مەن ئۈچۈن ھەممىدىن ۋاز كېچىلەيدىغان ، قولىنى نەگە سۇنسا شۇ يەرگە يېتىدىغان يولدىشىم بار ، دادام بالدۇر قازا قىلىپ كەتكەن بولسىمۇ ، لېكىن ماڭا كۆيىنىدىغان ، مېنىڭ خۇشاللىقلىرىمدىن سۆيىنىدىغان ، ماڭا مۇڭداش ، سىرداش بولالايدىغان ئاپام بار ، ئۆزۈم ياخشى كۆرىدىغان خىزمىتىم بار ......   لالەنىڭ ئويلىغانلىرى توغرا ئىدى ، دېمىسىمۇ ھەممىمىز ئۆلۈپ تۈگەيدىغان بۇ جاھاندا سېنى سۆيىدىغان ، سېنىڭ غېمىڭنى يەيدىغان ئادەملەرنىڭ بولىشىدىنمۇ ئارتۇق بەخت بولامدۇ ؟!   كۈنلەر بىر بىرلەپ ئۆتمەكتە ، فەررۇخ گەرچە تىجارەت ئىشلىرى بىلەن ئالدىراش بولسىمۇ ، لېكىن لالەگە كۆيۈنۈشنى ھەرگىزمۇ ئۇنتۇپ قالمايتتى ، ئۆزى سودا ئىشى بىلەن سىرتلارغا كېتىپ قالسا ، لالەنى ئىشقا ئاپىرىپ ئەكىلىشنى ئىنىسىغا ھاۋالە قىلىپ قوياتتى . ئارىدىن كۆپ ۋاقىت ئۆتمەي ، لالە ئۆزىدە ئەزەلدىن كۆرۈلۈپ باقمىغان غەيرى ئالامەتلەرنىڭ كۆرۈلۈۋاتقانلىقىنى ھېس قىلدى ، بويۇمدا  قاپتۇ دەپ پەرەز قىلدى لالە ۋە بۇ خۇش خەۋەرنى فەررۇخقا يەتكۈزۈشكە ئالدىرىدى ، _ ئۆيگە بېرىپلا دەيچۇ  ، _ دەپ ئويلىدى ئۇ  يەنە -فەررۇخنىڭ بۇ خۇش خۇش خەۋەرنى ئاڭلىغاندىن كېيىنكى خۇشاللىققىنى ئۆز كۆزۈم بىلەن كۆرسەم قانداق ياخشى !    _ فەررۇخ ، جېنىم ، _ دىدى لالە كەچتە فەررۇخ ئۆيگە قايتىپ كەلگەندە ، _ سىزگە بىر خۇش خەۋەرنى ئېيتاي ، سىز دادا بولىدىغان بولدىڭىز .    _ ھە ، نىمە ؟ _ دادا بولىدىغان بولدىڭىز ؟ بويۇڭدا قالغان ئوخشىمامدۇ ، خانىشىم ؟    _ شۇنداق ، فەررۇخ ، بويۇمدا قاپتۇ .   _ مەن دادا بولىدىغان بولدۇمممم ! __ فەررۇخ شۇنداق دېگەچ لالەنى ئىگىز كۆتۈرۈپ نەچچە ئايلاندۇردى .   _ قەدىرلىگىم ، خوشنىلار ئاڭلاپ قالمىسۇن ، بوشراق ۋاقىراڭ .   _ خۇشال بولۇپ كېتىۋاتسام ، مېنى ۋاقىرغىلى قويمامسەن ؟ باشقىلار ئاڭلىسا ئاڭلىمامدۇ ؟ نىمە  كارىم ، تېخىمۇ قاتتىق ۋارقىرىمىسام ، _ فەررۇخ ئاۋازىنى كۆتۈرۈپ تېخىمۇ قاتتىق ۋارقىرىدى ،_ مەن دادا بولىدىغان بولدۇم !!!!    فەررۇخنىڭ بۇ قىلىقى لالەگە كۈلكىلىك تۇيۇلۇپ كەتتى ، ئىككىسى خېلى ۋاقىتقىچە كۈلۈشتى ، بەخت قاينىمىغا چۆمۈلگەن بۇ ياش ئەر - خوتۇنلارغا دۇنيا كۈلۈپ  باقماقتا ، قانداق ئىشكىن ؟ فەررۇخ ھەممە ئىشىنى ئوڭغا تارتىپلا تۇرىدىغاندەك ھېس قىلاتتى ، بۇمۇ تەڭرىنىڭ شاپائىتى ، چۈنكى بەزى ئادەملەر بىر ئۆمۈر تىرىشىپ تىرمىشىپ ئىشلىسىمۇ چاپىنى تىزىدىن ئاشماي ، راھەت كۆرمەي جاپا بىلەن ئۆتۈپ كېتىدۇ ئەمەسمۇ ؟ مانا ، ئىشلار ئۇنىڭ كۆڭلىدىكىدەك بولۇپ ئۇ دادا بولىدىغان بولدى ، ئاللاھ خالىسا ، لالە ساق سالامەت بوشىنىپ  ، بۇدرۇققىنە بىر ئوغۇل تۇغسا ، فەررۇخ ئوغلىنى يېتىلەپ بازارلانى ئايلانسا ، ئۇنىڭغا ئۇ ياخشى كۆرىدىغان بارلىق نەرسىلەنى ئېلىپ بەرسە ، چوڭ بولغاندىن كېيىن چەتئەللەردە ئوقۇتسا ........ _ ئوغلۇمنىڭ ئىسمىنى مېنىڭ ئىسمىمغا يېقىنراق فىرات قويىمەن  ، _ دىدى فەررۇخ . _ مەيلى ، فىرات چىرايلىق ئىسىمكەن ، _ ئەگەر قىز بولۇپ قالسىچۇ ؟ _ مېنىڭ بالام چوقۇم ئوغۇل بولىدۇ ، خانىشىم ، _ دىدى فەررۇخ _ خۇددى ماڭا ئوخشاش مۇشۇنداق ھەم قاملاشقان ، ھەم ئەقىللىق . ئاخىرقى سۆزنى فەررۇخ سوزۇپ دېۋىدى لالە كۈلۈۋەتتى .   _ ماڭا ئوخشاش قىز بولسا بولمامدىكەن ؟ _ لالەمۇ بوش كەلمەي ئۇنىڭ بىلەن ئېيتىشتى ، _ قىز بولىدۇ جۇمۇ ، كۆڭلۈم تۇيۇپ تۇرىدۇ .   _ قىز بولسىمۇ مەيلى . ئىشلار بەزىدە سىز ئويلىغان نەتىجە بىلەن خاراكتېرلىنىدۇ ، لالە ئاي كۈنى توشۇپ چىرايلىق قىز بوۋاق تۇغدى ، بالىنىڭ تۇغۇلۇشى بۇ ئائىلىگە زور خۇشاللىق ئېلىپ كەلدى ، قىزغا نەفىسە دەپ چىرايلىق ئىسىم قويۇشتى ، كۈنلەر بىر بىرىنىڭ كەينىدىن بىرى ئۆتمەكتە ، بىر كۈنى تۇيۇقسىز فەررۇخ لالە پەقەتلا ئويلاپ باقمىغان بىر تەكلىپنى ئوتتۇرىغا قويدى .   _ لالە ، _ دىدى فەررۇخ ، _ ئەمدى خىزمەت قىلمىغىن .   _ نىمىشقا ئەمدى ؟ دوختۇرلۇق ئۆزۈم ياخشى كۆرىدىغان كەسپ ، يەنە كېلىپ نۇرغۇن ئادەمنى كېسەل ئازابىدىن قۇتۇلدۇرالايمەن . ئاغرىقلارنىڭ كېسىلى ساقىيىپ خۇشال بولغىنى ، ماڭا رەھمەت ئېيتقىنىنى ئاڭلىغانلىرىمدا ، ئۆزۈمنىڭ مۇشۇنداق بىر كەسپ بىلەن شوغۇللانغانلىقىمدىن تولىمۇ پەخىرلىنىمەن .   _ بۇنى چۈشىنىمەن ، لالە ، _ دىدى فەررۇخ ، _ لېكىن سىلەرنىڭ خىزمەت بېسىمىڭلارمۇ يېنىك ئەمەس ، ھازىر بەزىلەر شۇ بېسىمدىن قېچىپ خىزمەتتىن چېكىنىپ تىجارەت قىلىۋاتىدۇ ، بەزىلەر تىجارەتنىڭ ئېپىنى ئېلىپ ئىشلىرى يۈرۈشۈپ كەتتى ، بەزىلەر ھەممىدىن قۇرۇق قالدى ، مەن پەقەت ساڭا ياخشى بولسۇن ، سېنى جاپا تارتمىسۇن دەۋاتىمەن ، ئۆزۈڭ بىلىسەن ، ئائىلىمىز سېنىڭ ئۇ ئازغىنا ئىش ھەققىڭگە قاراشلىق ئەمەس ، ئائىلىمىزنىڭ يېتىپ خەجلىسەكمۇ يەتكۈدەك مال - دۇنياسى بار ، شۇنداق تۇرۇقلۇق ، مەن سېنى ئىشلىتىپ نىمە قىلىمەن ؟   _ ئۇغۇ شۇ ، فەررۇخ ، بىراق مەن ئۈچۈن خىزمەت قىلىشمۇ بىر خىل خۇشاللىق ئىش ، چۈنكى   _ ھە ، مۇنداق دە ، خىزمەت قىلىش خۇشاللىق دەپ قوي ، مەن سېنى خۇشال قىلالمىغان ئوخشىمامدىمەن ؟ !   _ ، ياق ، مەن ئۇنداق دېمەكچى ئەمەس ، دېمەكچىمەنكى _ ئۇنداق گەپلىرىڭنى باشقىلارغا دەپ بەر فەررۇخ لالەنىڭ گېپىنىڭ ئاخىرىنى ئاڭلىماستىنلا ئىشىكنى زەردە بىلەن يېپىپ چىقىپ كەتتى . بۇ  لالە توي قىلغاندىن بېرى فەررۇخنىڭ تۇنجى قېتىم ئۇنىڭغا مۇشۇنداق قوپاللىق قىلىشى . لالە تولىمۇ ئازاپلاندى ، قانداق قىلىش كېرەك ؟ فەررۇخنىڭ دېگىنىنى قىلىپ خىزمەتتىن ئىستىپا بەرسۇنمۇ ياكى فەررۇخنىڭ قارشىلىقىغا قارىماي ، خىزمىتىنى داۋاملاشتۇرسۇنمۇ ؟

UYGRAF

	مۇشۇ بەزى ئاياللارنى-زە، قىش كېپ بولغىچە بۇلغۇن تېرىسىگە ئورۇنىۋالىدۇ، ياز كېپ بولغىچە يالىڭاچلىنىشقا ئاران تۇرىدۇ.