كوچا كېچىلىرىدىن كېچە كوچىلىرىغىچە

ئايچىن

	سەۋېر يوللىغان ۋاقتى  2012-4-6 07:14 PM يامغۇر ،ئۇ پەقەت سۇ لا ئەمەس.... بۇ شىئىرنى بەكلا ياقت ... ۋاي بۇ گەپنى قايتا قايتا يوللىۋىتىپسىزغۇ ، روھزاتقا بىرسى يىتەرلىك بولغىيتى

روھزاد

	ئويغىنىپ باقىمەن كېچىلەرگە روھزات چۈشلىرىمنى سەن يوق شەھەرلەردىن تاشلاپ قاچىمەن، ئويغىنىپ باقىمەن كېچىلەرگە. مەن تۇرغان بىنانىڭ ئاستى تار كوچا، ئۇزاپ كېتىدۇ سەھەرگە. . سەھەرگە ئۇزىغان يولنىڭ لېۋىدە، مۇڭسىراپ قالىدۇ مەنسىز چۈشلىرىم. يوللارنىڭ دەردىنى ئاڭلاپتۇ كىملەر، چۈشۈڭگە كىرمەيدۇ ئوتتەك قىشلىرىم. . ئىگىسىز چۈشلەرنى كۆرمىگەن ھېچكىم، خەۋەرسىز جۈملىدەك مۈجمەل بايانىم. تۈن بىلەن بوغۇشۇپ قالسام ناۋادا، قاراڭغۇ بولىدۇ  مېنىڭ پايانىم. . كىملەرنى ئەسلەتكەن يالغۇز ئارچىلار، دېرىزەم تۈۋىدە تۇرار قارىيىپ. ئويغانسام شەھەردىن سەن بار كېچىگە، كوچىلار ماڭماقتا ئەنە تارىيىپ. . پەنجىرەمدىن تار كوچىغا ساڭگىلاپ قالغان ئۆلۈم، دۇنياغا سەڭگىرىپ قاراۋاتىدۇ. مەندىن ئايرىلىپ قالغان چۈشلىرىم، كېچىنىڭ چاچلىرىنى تاراۋاتىدۇ. . لەۋ ئىزى چۈشكەن ئىستاكان ماڭا پىچىرلاپ: «تۈن رەڭ قىز تۈتۈن ئىچىدىن ساڭا قاراۋاتىدۇ» دەيدۇ. . كۆيىدۇ خۇشپۇراق چېچىپ ئەتىرگۈل، خۇرسىنىپ قويىدۇ پىنھان پەرىشتە. تار كوچا ئۆلۈمدىن سۆيسە سەھەرنى، مەن قالدىم ئازابنى سۆيگەن رەۋىشتە. . كېچە ئۆز ئۆزىنى يۇتۇپ كېتىدۇ، چۈشلەرنى كىملەردۇر تۇتۇپ كېتىدۇ.

روھزاد

	روھزاد يوللىغان ۋاقتى  2012-4-7 03:35 AM ئويغىنىپ باقىمەن كېچىلەرگەروھزات چۈشلىرىمنى سەن يوق ش ... مەھبۇس چۈشلەر ئەركىنلىك ئۈتلىۋېتىلگەندە، چۈشلەرگە مەھبۇس بولماقتىن ئۆزگە نە چارە؟! تۈن قوينىدا تۈن چۈشىگەن مېنىڭ، چۈش كۆرۈشۈم بىلەن ئويغاق تۇرۇشۇمنىڭ پەرقى يوق ئىدى.

روھزاد

	hiyal0097 يوللىغان ۋاقتى  2012-4-4 11:33 PM مەنمۇ ھېلىقى ئەيدىز پەسلىگە كىرىش  دىگەن شېئرىڭىزنى بە ...    خىيال، سىزنىڭ ھېكايىلىرىڭىزنى دائىم كۆرۈپ تۇرىمەن. دېگىنىڭىز توغرا، ئەيدىز پەسلىگە كىرىش مېنىڭ چىن ۋە يالىڭاچ قەلىمىم بىلەن يېزىلغان. ئەمما كۆپ غولغۇلىغا سەۋەب بولدى. توردا بەزىلەر ئوچۇق گەپ قىلمىغان بىلەن ئاستىرتتىن ئەسكەرتكەنلەر بولدى. ئۇنىۋېرسىتېت ھويلىسىدا بەزى قىزلار شۇ ئەسەرنىڭ گېپىنى قىلسا يۈزۈم قىزىرىپمۇ ئۈلگۈردى. لېكىن ئۆكۈنمىدىم. شۇنچىلىك بىر نۇقتىنى يالىڭاچلىق بىلەن بولسىمۇ يېزىشقا جۈرئەت قىلدىم. بىراق ئەدەبىيات دائىم ئۇنداق بولۇشى ناتايىن. قانچە ئاددىي بولغانسېرى ئۆز ئىچىگە ئالغان مەنە شۇنچە ئاز بولۇشى مۇمكىن. تىلنىڭ خاسىيىتى ئۇنىڭ كۆپ قىرلىقلىقىدا، مەن ئويلايمەن بۇ خىل كۆپ قىرلىقلىق ئوخشىمىغان ئوقۇرمەنلەرگە ئوخشىمىغان تەسىر بېرىشى مۇمكىن. داۋاملىق پىكىر بېرىپ تۇرغايسىز.

jassurman

	قايتا-قايتا ئوقۇپ ھېچ بىر نەرسە ھېس قىلغاندەك بولمىدۇم، توۋا...

روھزاد

	jassurman يوللىغان ۋاقتى  2012-4-7 10:57 PM قايتا-قايتا ئوقۇپ ھېچ بىر نەرسە ھېس قىلغاندەك بولمىدۇم ...    ھېس قىلالمىغىنىڭىزغا ئىشەنگەن تەقدىردىمۇ ھېس قىلغۇڭىز يوقلۇقىغا ئىشەنمەيمەن.

jassurman

	روھزاد يوللىغان ۋاقتى  2012-4-7 11:03 PM ھېس قىلالمىغىنىڭىزغا ئىشەنگەن تەقدىردىمۇ ھېس قىلغۇ ... بۇ شىئىرمۇ نىمە؟

jassurman

	روھزاد يوللىغان ۋاقتى  2012-4-7 11:03 PM ھېس قىلالمىغىنىڭىزغا ئىشەنگەن تەقدىردىمۇ ھېس قىلغۇ ... مەزمۇنى چۈشنىشلىككەن، نۆۋەتتىكى رىئاللىق جانلىق تەسۋىرلىنىپتۇ. لىكىن بىلىمىگىنىم بۇ زادى نىمە؟ شىئىر، نەسىر.....

روھزاد

	jassurman يوللىغان ۋاقتى  2012-4-7 11:08 PM مەزمۇنى چۈشنىشلىككەن، نۆۋەتتىكى رىئاللىق جانلىق تەس ...    بۇنى ئايرىيالماسلىقتىكى ئاساسىڭىز نېمە؟! سىز ئالدى بىلەن شېئىر ياكى نەسىرگە بولغان چۈشەنچىڭىزنى دەپ بېقىڭ. بەلكىم ئوخشىمىغان دۇنيادا بولۇشىمىز مۇمكىن.

sarwinaz

	روھزات بۇ مۇنبەردىمۇ شىئېرلىرىڭىزنى كۆرگەنلىكىمدىن ناھايىتى خوشالمەن . مەن يازغۇچىلار مۇنبىرىدىكى ئايچىن بولىمەن . قەلەم تۇلپارىڭىز ھارمىغاي !!!