مۈئەللىم بالامغا تاپشۇرۇقنى ئازراق بەرسىڭىز

rahatmakan

obul21c

	مىنىڭچە بۇ يالغۇز مۇئەللىمنىڭلا مەسلىسى ئەمەس،چۈنكى سىز دەرىسنى كۆرۈپ بېقىڭ،ھازىر باللىرىمىز قوشىتل مائارىپى بويىچە تەربىيلىنىۋاتىدۇ،دەرىسلىك ھەقىقەتەن ئېغىر،گەرچە يۇقۇرى دەرىجىلىك مائارىپ ئورۇنلىرى تاپشۇرۇقنى ئاز بىرىش،ئىنىتىھان مائارىپنى ساپا مائارىپغا ئۆزگەرتىش دىگەنگە ئوخشاش بىر قاتار سىياسەتلەرنى تارقاتقان بولسىمۇ،بىراق مەكتەپتە ئوقۇتقۇچىلار ئوقۇغۇچىلارغا دەرىسنى ئۆزلەشتۈرۈش ئۈچۈن،يەنىلا شۇ تاپشۇرۇققا تايانماي ئامال يوق.ئۇ باللار ھازىرقى كىتاپلارنى شۇنداق تاپشۇرۇق ئىشلىمسە ھەرگىزمۇ ئۆزلەشتۈرەلمەيدۇ،بۇنىڭ ئۈچۈن چوقۇم دەرىسلىك كىتاپ قۇرۇلمىسىدىمۇ ئۆزگىرىش بولىشى،ئېنتىھان ئىشلىرىدىمۇ ئۆزگۈرۈش بولىشى كىرەكمىكىن دەيمەن.

rahatmakan

	ماڭقۇرىت  دەپ  بىر ئاتالغۇ  بولىدىغان  قىرغىزىستان  يازغۇچىسى  چىڭگىز ئايتىماتۇفنىڭ  بىر  ئەسەرىدە   بۇ   مەخسۇس   بۇيرىغان  ئىشنى  قىلىشقىلا  كاللىسى  يىتىدىغان  يىڭىدىن  ئىجادى  تەپەككۇر  قىلالمايدىغانلارغا  قارىتىلغان ئاتالغۇ  ئىكەن.   ئەھۋال  مۇشۇنداق  بولىۋەرسە  مۇشۇ  خىل  مائارىپتىن  تەلىم ئالغانلار  ئۇ  مەيلى  قايسى  مىللەت  بولسۇن  ماڭقۇرىتلىشىپ  ئىجادى تەپەككۇر  قىلالمايدىغان  كەشىپ  قىلش ئىقتىدارى  يوق  نەزىريەدە  بار  ئمەلىيەتتە  يوق  بىر  ئىلىم  ئىگىلىرى  مەيدانغا  كىپ  قىلىشى  مۇمكىن  .

iltebir

	بىزنىڭ ئۇيغۇر بالىلىرىغا بېرىلگەن  تاپشۇرۇقنى كۆپ دىگىلى بولمايدۇ.

baturana

	دىمىسىمۇ تاپشۇرۇقلار بەك كۆپ

saparbay

	تاپشۇرۇقنى ئىلمىي يوسۇندا بېرىش كېرەك، ئوقۇغۇچىلاردا مۇستەقىل تەپەككۇرىنى ۋە ئۆگىنىش ئادىتىنى يېتىلدۈرۈش، دەرسنىڭ مۇھىم مەزمۇنلىرىنى دەرستىن سىرت تەكرارلاپ ئىگىلىتىشنى مەقسەد قىلىپ بېرىلگەن تاپشۇرۇقنىڭ ئۈنۈمى بولىدۇ. ئوقۇغۇچىلارنى چارچىتىپ روھىي بېسىم شەكىللەندۈرىۋاتقان، پىسخىكىسىنى نورمالسىزلاشتۇرىۋاتقان، ساغلام ئۆسۈپ يىتىلىشىگە تەسىر كۆرسىتىۋاتقان، ئۆگىنىشتىن بىزار بولۇشنى كەلتۈرۈپ چىقىرىۋاتقان مۇھىم سەۋەپلەرنىڭ بىرىمۇ -دەل مۇشۇ «ھەددىدىن زىيادە كۆپ تاپشۇرۇق ». ئوقۇتقۇچىلارمۇ نۇرغۇن ئىشلاردا ئامالسىز، ئۇنچە كۆپ تاپشۇرۇقنى تەكشۈرۈشنىڭ ئۆزىمۇ ئاسان ئەمەس ! بەزى مەكتەپلەر تاپشۇرۇققا ۋەزىپە بەلگىلەپ بېرىدۇ. سۈپەتنى تۇتماي، سان قوغلىشىدۇ، ئوقۇغۇچىلارنىڭ ماس قەدەملىك تەرەققىياتىنى كۆزدە تۇتماي، قارىغۇلارچە تاپشۇرۇق ئورۇنلاشتۇرىدۇ . ئوقۇغۇچىلارنىڭ تاپشۇرۇق يۈكىنى بۇنداق ئېغىر بولۇپ كىتىشىدە مەكتەپ رەھبەرلىكى ۋە مائارىپ مەمۇرىي تارماقلىرىنىڭ مەسئۇلىيىتى ئاساسىي ئورۇندا تۇرىدۇ.

rahatmakan

	شىنخۇا ئاگېنتلىقى كورىيە تېلېگراممىسى، كورىيە مائارىپ مىنىستىرلىقى 3-چېسلا ئېلان قىلغان ئەڭ يېڭى دوكلاتلارغا ئاساسلانغاندا، %40 دىن ئارتۇق ئوتتۇرا ۋە باشلانغۇچ مەكتەپ ئوقۇغۇچىلىرى مەكتەپنىڭ زىيادە «نەتىجە» نى ئاساس قىلىش بېسىمى بىلەن مەكتەپتىن چېكىنمەكچى بولغان. بۇ تۈردىكى تەكشۈرۈش بۇ يىل 6-ئايدا ئېلىپ بېرىلغان بولۇپ، بۇنىڭغا قاتناشقان ئوقۇغۇچىلارنىڭ ئومۇمى سانى 31 مىڭ 364 گە يېتىدىكەن، تەكشۈرۈش نەتىجىسىدە كۆرسىتىلىشىچە، ئوتتۇرا مەكتەپ، تۇلۇقسىز ئوتتۇرا ۋە باشلانغۇچ مەكتەپتە ئوقۇشتىن چېكىنمەكچى بولغان ئوقۇغۇچىلارنىڭ ئومۇمى نىسبىتى ئايرىم-ئايرىم ھالدا %48.6، %40.9 ۋە 29.2 بولغان. ئوقۇشتىن چېكىنىش ئويىنىڭ شەكىللىنىشىدىكى ئەڭ ئاساسلىق ئامىل بولسا ئوقۇش بېسىمى بولغان، ئوقۇغۇچىلارنىڭ كەيپىياتى كۈنسېرى ناچارلىشىپ كەتكەن، ئوقۇغۇچىلار ئوتتۇرىسىدىكى مۇناسىۋەت ۋە ئوقۇغۇچىلار بىلەن ئوقۇتقۇچىلار ئوتتۇرىسىدىكى مۇناسىۋەتتە ئىختىلاپ شەكىللەنگەن. ئۇنىڭدىن باشقا، بۇ قېتىمقى تەكشۈرۈشكە قاتناشقان %30.9 ۋە %33.7 ئوقۇغۇچىنىڭ دېيىشىچە، ئۇلارنىڭ يېقىنقى مەزگىلدىكى دەرسكە بولغان ئۆچلۈك ۋە مەكتەپتىن چېكىنىش كەيپىياتى بىر قەدەر يۇقىرى ئىكەن. ئوقۇغۇچىلار ئوتتۇرىسىدىكى شەخسى خاراكتېرگە تەسىر كۆرسەتكەن ئەڭ ئاساسلىق ئامىل بولسا مائارىپ بېسىمىنىڭ زىيادە يۇقىرى بولۇشى ئىكەن، مۇتەخەسسىسلەرنىڭ پەرەز قىلىپ دېيىشىچە، ئوقۇغۇچىلار بىلەن ئوقۇغۇچىلار ئوتتۇرىسىدىكى توقۇنۇش بارغانسېرى كۈچىيىپ كەتكەن، %13  ئاممىنىڭ قارىشىچە، ئائىلە باشلىقلىرىنىڭ بالىلارغا بولغان تەربىيىسىدە غەيرىيلىك شەكىللەنگەن. تەكشۈرۈشتە كۆرسىتىلىشىچە، قىيىنچىلىققا ئۇچرىغان چاغدا، ئوقۇغۇچىلار ناھايىتى تىز بىرى-بىرى ئۆچەكىشىپ قالغان. سېئول شەھەرلىك تەربىيىلەش ۋە ساغلاملىق مەركىزىدىكى بىر نەپەر يۇقىرى دەرىجىلىك خادىم مۇخبىرغا : «تەكشۈرۈش نەتىجىسى شۇنى كۆرسىتىدۇكى، ئوقۇغۇچىلاردا پسىخىكا نورمالسىزلىق ئەھۋالى مەۋجۇت. بالىنىڭ يېشى قانچە يۇقىرى بولسا ئۇ ئۇچرايدىغان بېسىممۇ شۇنچە ئاشىدۇ، بۇ دەل مائارىپتىكى قارا كۆلەڭگە» دېگەن.

ئۆل

	rahatmakan يوللىغان ۋاقتى  2012-9-5 02:02 PM كاللاڭلا  ساقمۇ  سىلىنىڭ  مائارىپ  مىنىستىرلىكىمۇ  كۆر ... ئەمسە داۋاملىق ئوقۇتقۇچلارىنى غاجاڭلا .....بۇ مىنىڭ قارشىم ..مىنڭمۇ بىر ئىنىم بار بۇ يىل باشلانغۇچ 2-يللىقا  كىردى ...مەن ئۇنى يەسلدىن تارتىپ ئۆزۈم تەربىيلگەن ....مىنىڭ ئۇنڭغا بەرگەن تاپشۇرقۇم ئوقۇتقۇچىنڭكدىن نەچچە ھەسسە ئېشىپ چۈشىدۇ ...ئۇ تېخى بىرىنچى يىللىق مەكتەپ يېشغا توشمغاندا ئۇنى بىرنچى يىللقا كىرگۈزگەن تىزىم سىرتىدا ..بىراق ئويلمغان يەردىنئۇنىڭ نەتجسى سىنىپ بويچە بىرىنچى بولۇپ قالدى ..مانا ئەمدى تىزىم سىرتىدى بالا ئىككىنچى يىللقىتا ئوقۇۋاتىدۇ.. يەنلا بالىلارىنىڭ ئالدى . بىراق ئۇ جىمغۇر بولۇپ قالمدى ..يەنلا بەكلا شوخ ..ھەم پائاليەتچان ...مەن ئۇنڭغا مەشىقنى كۆپ قىلدۇرغان ..ھېلىمۇ تاپشۇرۇقىنى كۆپ بېردىكەن ...بىراق ئۇنىڭ تاپشۇرۇق ئىشلەش سۈرئتى تېز ...مەسلگە جاۋاپ قايتۇرشىمۇ تېز ...بالا دىگەنىنى قانداق تەربىيلسە شۇ پېتىم ماڭىدۇ ....ھاھاھا ئامرىكدا ئالىم چىقامدىكەن ..ئۇنى ئۇقمدىم ..مەن پەقەت كۆز ئالدىمدىكى گەپىنى قىلۋاتىمەن ....قانداق قىلغۇڭلا كەلسە شۇنداق قىلڭلا ..ھە يەنە بىر تەكلىپ بېرەي : ئەمسە بالىڭىزغا تاپشۇرقىنى ئىشلەتمەڭ ..ئامرىكچە تەربىيلمەمسىز ؟بالىڭىز تاپشۇرقىنى بىر نەچچە قېتىملا ئىشلمسۇن ،ئوقۇتقۇچسىمۇ بەرمەيدىغان بۇلىدۇ ..ئىشقلىپ بۇ مۇنبەردە غاجلايدىغانلا ئادەم بولسا غاجلايلى ! بىر ۋاقتتا دوختۇرىنى ،ئەمدى ئوقۇتقۇچى ھاھاھاھاھا ھەي ..مانا مۇشۇنداق بىز .پىكرىم تۈگدى .ئىنكاسىمىنى نەقىل قىلماڭلا ...مەقستىڭلارىنى چۈشەندىم ....

wahxi

	rahatmakan يوللىغان ۋاقتى  2012-9-5 02:17 PM ماڭقۇرىت  دەپ  بىر ئاتالغۇ  بولىدىغان  قىرغىزىستان  ياز ... 1.ئوقۇتقۇچىلارنىڭ بىر مەۋسۈملۈك خىزمەت نەتىجىسى ۋە  ئوقوغۇچىلارنىڭ ئۆگىنىش نەتىجىسىنى ئاشۇ ئىمتىھان نەتىجىسى ئارقىلىق باھالايدىغان بولغاندىكىن، يەنە كېلىپ ئىمتىھان سوئالىنىڭ مەزمۇنى، شەكلى، قۇرۇلمىسى ئاشۇ بالىلار كۈندە ئۆيدە ئىشلەۋاتقان تاپشۇرۇقلاردىكى بىلەن ئوپمۇئوخشاش بولغاندىكىن تاپشۇرۇق كۆپرەك بېرىلىشى مۇمكىن. 2. ساپا مائارىپىدا ئوقوغۇچىنىڭ قىزىقىشىنى، ئالاھىدىلىكىنى ئاساس قىلىش دەيدىكەن، ئەمما ئوقوغۇچىدىن ھەممە پەنلەرنىڭ ئىمتىھانىدا ياخشى نەتىجە ئېلىشنى تەلەپ قىلىدىكەن، ھەمدە ئوقۇتقۇچىنىڭ خىزمىتىنى باھالىغاندا ئوقوغۇچىلارنىڭ شۇ پەندىكى نەتىجىسىنى ئاساس قىلىدىكەن. بىر قانچە يىللاردىن بېرى ساپا مائارىپى دەپ شۇئار توۋلىنىۋاتقان بولسىمۇ، مەكتەپ باشقۇرۇش، ئوقۇتقۇچىلارنىڭ خىزمىتىنى باھالاش ۋە ئوقۇتۇش تۈزۈلمىسىدە ھېچقانچە ئۆزگىرىش يوق. يەنىلا ئىمتىھان مائارىپى دەۋرىدىكى بىلەن ئاساسەن ئوخشاش. شۇڭا بۇرۇنقى ئىمتىھان مائارىپىنىڭ تەسىرى يەنىلا ناھايىتى ئېغىر. 3. ھازىر دەرسلكلەرنىڭ تۈرى كۆپ، مەزمۇنى بۇرۇنقىدىن سەل مۇرەككەپ، شۇنىڭغا ئەگىشىپ ئىمتىھان سوئاللىرى ۋە تاپشۇرۇق سوئاللىرىنىڭ شەكلى، تۈرى، قۇرۇلمىسى كۆپ خىللىشىپ كەتتى. ئەگەر بالا ئۆيدە ئاشۇ تاپشۇرۇقلارنى تولۇق ئىشلەپ بولالىسا، ئاندىن ئىمتىھاندىكى تۈرلۈك شەكىلدىكى سوئاللارنى ئىشلەيدىغان چاغدا سوئالنىڭ تەلىپىنى، قانداق ئۇسۇلدا ئىشلىسە بولىدىغانلىقىنى، جاۋاپنى قەيەرگە يازىدىغانلىقىنى، نىمە يازىدىغانلىقىنى ئاڭقىرالايدۇ. بولۇپمۇ قوش تىل(خەنزۇتىلىدا) دا ئۆتۈلۈدىغان دەرسلەرنىڭ سوئال تەلىپىنى ئوقۇپ چۈشىنىشمۇ بىر مەسىلە.     قىسقىسى بالىغا كۆپلەپ تاپشۇرۇق بېرىش--رەھبەرلىكنىڭ ئىلمىي، جانلىق ۋە توغرا بولمىغان باشقۇرۇش ئۇسۇلى، خىزمەت باھالاش مىخانىزمى سەۋەبىدىن ھەقىقىي ساپا مائارىپىغا ئۆتەلمەيۋاتقان مۇشۇنداق بىر ۋەزىيەتتە ئوقۇتقۇچىنىڭمۇ، ئائىلە باشلىقىنىڭمۇ بېشىنى قاتۇرىۋاتقان مەسىلە. قايسى ئوقۇتقۇچى كەچكىچە دۆۋە-دۆۋە تاپشۇرۇپ كۆرۈپ ئولتۇرۇشنى خالايدۇ؟ ھە دىسىلا ئوقۇتقۇچىلارغا يۇقىرىدىن ساپا مائارىپى ھەققىدە تۈرلۈك تەربىيلەشلەرنى ئېلىپ بارىدۇ. ئەمما خىزمەت نەتىجىسىنى ئوقوغۇچىنىڭ ئىمتىھان نەتىجىسى بىلەن ئۆلچەيدۇ. شۇڭا ساپا مائارىپى راۋاج تاپالمايۋاتامدىكىن.

rahatmakan

	ئۆل يوللىغان ۋاقتى  2012-9-5 03:10 PM ئەمسە داۋاملىق ئوقۇتقۇچلارىنى غاجاڭلا .....بۇ مىنىڭ قا ... بۇيەردە  ئوقۇتقۇچىنى  غاجايدىغان  گەپ بولغىنى يوق . تىمامدا   ئىنىقلا  ئوقۇتقۇچىلاردىن  ئۆتۈنۈش ئىپادىلەنگەن  ئادەمگە تولا .ئۇۋال  قىلماڭ .سەل  چارچاپ  قاپسىز