ئۇيغۇرلارنىڭ" كۆزىنى توسىۋالغان چاپاقلار

zaga

	سۇنىڭ بېشى لاي بولسا ئايىغىمۇ لايدە

qirakpay

	...بىز كۆزىمىزنى توسىۋالغان چاپاقلاردىن قانداق قۇتىلىمىز؟... بۇ ماقالە ھەقىقەتەن  نادىرلانسا بولغىدەك...ياخشى يېزىلىپتۇ.

tewelgha

	گەپ چاپاقتا ئەمەس ،ئەسلىدە كۆزىمىزنىڭ كېسىلى بار . كۆز بىجىرىم بولسا ،چاپاققا نەدە ئورۇن . نېمىشقا يۈرەكلىك ھالدا كۆزىمىز چاتاق دېيەلمەيمىز . بولۇپمۇ بىزنىڭ ئەقىل كۆزىمىز نەچچە يۈز يىللار مابەينىدە ئۆز ساغلاملىغىنى يوقۇتۇپ قويدى .ئۇ ھەقىقەتنى كۆرۇش قۇۋىتىدىن قالدى .سەۋەپ بىز مائارىپ بىلەن ئىسلام تەرغىباتىنىڭ ئارىسىغا تەڭلىك بەلگىسى سېلىپ قويدۇق . شۇنىڭ بىلەن مائارىپنىڭ (ئاللاھ ئاتا قىلغان تەبىئەتنى چۈشۈنۈش ۋە ئادەم ئۆزىنى چۈشۈنۈش ۋە تەربىەلەشنىڭ )يوللىرى تارلاپ كەتتى . شۇ ۋەجىدىن ، تاشقى كۈچنىڭ بېسىمى يوق شارائىت ئاستىدا مىللىي توپىمىز بويىچە ،ھايات پېتى تەكلماكانغا كۆمۈلۈپ كەتتۇق .مەن بۇ ماقالىدىكى بەزى قاراشلارغا قوشۇلمايمەن . مەن سەنئەتنى مەدەنىيەتنىڭ بىر قىسمى دەپ قارايمەن .سەنئىتىمىزنىڭ تەرەقىيات جەريانىدا بېسىۋاتقان ئەگرى-توقاي يوللىرىغا باھا بەرمەيمەن .شۇنىسى ئىنىقكى ، ئاللاھ ياراتقان ھەممە جانلىق ئوخشاش بولمىغان ئوسۇلدا(قۇش سايرايدۇ ،ئىت ھاۋشىيدۇ ،بۆرە ھۈۋلايدۇ.....)ئۆز تېنىنىڭ  خوشاللىغىنى ناميىش قىلىدۇ ۋە ئۆز مەۋجۇتلىغىنى باشقىلارغا بىلدۇرىدۇ .ئادەممۇ ئۇنىڭدىن مۇستەسنا ئەمەس .سەنئەتتىن ھوزۇرلىنىش ئۇنىڭ ماھىيىتى . بىز ساغلام تەپەككۈر ،ساغلام مىجەز (پىسخىكا ) ،ساغلام تەن ،ساغلام ئەقىدىگە ئىگە مۇسۇلان بولۇشنى ئارزۇ قىلىمىز ،بۇنداق  مۇككەممەل ئادەمنىڭ تەبىئىتىدە چوقۇم مىللى غۇرۇر ۋە سەنئەت ئىلمىنىتى بولىدۇ .بۇ ئىككىسىدىن ئايرىلغان مۇسۇلماننى تەسەۋۇر قىلىپ بىقىڭ ،ئۇ كىمگە ئوخشايدۇ ؟ ئۇ ھەرگىز ئۇيغۇر ئەمەس  ...............

gulen

	ئەسسالامۇ ئەلەيكۇم .1سىزچە بولغاندا بىز غەرپنىڭ زۇلىمىدا ياشاۋاتامدۇق؟ كۆزىمىزنى غەپنىڭ چاپاقلىرى توسىۋالدىمۇ؟ سىزچە قانچە ئادەم غەرىپ پەلەسەپىسىنى ئوقۇپ چۈشىنەلەيدۇ، ھەم قانچىلىك ئادەمدە شۇ ۋاقىت، شۇ ئىشتىياق، شۇ پۇرسەت بار. سىزنىڭ غەرپ پەلەسەپىسى دېگەنلىرىڭىز راستىنلا چاپاقمۇ؟ 2. سىزچە ئۇيغۇردا مىللەتچىلىك ئەۋج ئېلىپ كەتتىمۇ؟ شۇنداق شارائىت بارمۇ؟ نېمە بىلەن ئەۋج ئالدى، مىللەتچىلەرنىڭ مەتبۇئاتى بارمۇ؟ تۆتتنى يۈكسەك بىلىش ئەۋج ئالغان زاماننى سىز خاتا كۆرۈپ قالمىغانسىز؟ تۆتنى يۈكسەك بىلىش دېگەننى ساناپ بېقىڭە شۇنىڭ ئىچىدە ئۇيغۇرنى يۈكسەك بىلىش دېگەن بارمىكەن. 3. كىم بۇ مىللەتنى سەنئەتچى بولۇپ كەتتى دەيدۇ؟ ئۈرۈمچىدىن باشقا قايسى ۋىلايەتتە شۇ سەنئەتنى سەھنىگە ئېلىپ چىققۇدەك تىياتىرخانا بار؟ قايسى ناخشىچى قورقماي بىر ناخشا ئېيتالايدۇ؟ ئاللاھ بەرگەن ئاۋازدا خالىغانچە ناخشا توۋلاش ئەركى بولمىغان مىللەتتە سەنئەت تەرەققىي قىلىپ كىشىلەر سەنئەتخۇمار بولۇپ كېتەرمۇ؟ 4. قايسى ئۇيغۇر كۆك بۆرىنىڭ رەسىمى بار مايكا كېيىپ كوچىدا ماڭالايدۇ؟ خالىغان كىيىمنى كېيىش ئەركى بولمىغان بىر قەۋم قانداق قىلىپ بۆرىنى مەبۇد قىلالايدۇ؟ قايسى ئۇيغۇر ئاللاھنىڭ ئورنىغا بۆرىنى دەسسەتتىم دەپ باقتى؟ سىز نەدىن بىلىۋادلسىڭىز ئۇيغۇرنىڭ ئاللاھنى قويۇپ بۆرنى مەبۇد قىلۋالغىنىنى؟ سىزچە كىتابمۇ ئوقۇماي قۇرئانلا ئوقۇيمىز، ھەممە مەسىلىنىڭ مەنبەئىي دىنسىزلىق شۇنداقمۇ؟ بىرىنجىسى خاتا، قۇرئاننى چۈشىنىش ئۈچۈن كىتاب ئوقۇيمىز، كىتابنى قانچە كۆپ ئوقۇساق، غەرپنى يەنى ئىنسانىيەت ياراتقان پەننىڭ يۇقۇرى پەللىسىنى قانچە كۆپ چۈشەنسەك ئاندىن قۇرئاننى چۈشىنىشمىز. شۇڭا ئىككىلىسى موھىم، ئىككىلىسىنى تەڭ ئوقۇيمىز. شەخسىي مەسىلىنىڭ مەنبەسى دىنسىزلىق لېكىن ئىجتىمائىي مەسىلىنىڭ مەنبەسى دىنىي روھنىڭ ۋە دىنى ئەقىلنىڭ قانۇنغا ئايلىنىپ مۇرەسسەسىز تەدبىقلانماسلىقى. سىزنىڭ دىنىي دەۋتىڭىز بىر شەخسكە ماس كېلىدۇ. لېكىن ئۇنى جەمئىيەتلەشتۈرەلىگۈدەك قانۇنىي ھوقۇق ۋە ئەركىڭىز بولمىسا، شۇ دەۋىتىڭىزگە ماس جەمئىيەت بەرپا قىلالمىسىڭىز، ھەممە ئادەمنىڭ قۇلىقىغا دېگەن گەپتىن ئۈنۈم يوق دېيەرلىك. تۈپ مەسىلە كىشىلىرىمىزنىڭ دىندىن يىراقلاپ كەتكىنى ئەمەس دىنغا يېقىنالشقۇدەك ھوقۇقىنىڭ، شارائىتىنىڭ بولمايۋاتقانلىقى. بىر مىللەتنىڭ مەسىلىسىنى ھېلى سەنئەتتىن، ھېلى ئىللەتتىن، ھېلى مىللەتچىلىكتىن، ھېلى غەرپتىن كۆرۈپ قاقشىماي، ياغىلىقىمنى ئوڭلشاپ تاڭالىدىممۇ؟ ئاللاھنىڭ نامىنى قورقماي زىكىر قىلالىدىممۇ، بۇرتۇمغا تاقاق چۈشسە، ساقىلىمغا ئوت كەتسە نېمە قىلالىدىم دېگەننى ئويلايلى. ھەدىسە مىللەتنىڭ چاپاقلىرىنى ئادالايمەن دېمەي كۆزەمدىكى چاپاقنى سۈرتۈپ ئەينەككە قارىغۇدەك جاسارىتىم قانچىلىك، ياراشتۈرۈپ ساقال بۇرۇت قويغىدەك جىگىرىم قانچىلىك دېگەننى ئويلايلى

cholpan

	gulen يوللىغان ۋاقتى  2012-11-12 12:22 PM ئەسسالامۇ ئەلەيكۇم .1سىزچە بولغاندا بىز غەرپنىڭ زۇلىمى ... ۋەئەلەيكۇم ئەسسالام گۈلەن ئاكا، ئالدى بىلەن سىزنىڭ بۇ تىمىغا ئىنكاس يازغىنىڭىزدىن تولىمۇ خۇشالمەن ، بۇ سۇئاللىرىڭىزغا بىردىنبىر جاۋاپ بىرەي، 1. بىز غەرىپنىڭ ئوچۇق زۇلمىدا ياشاۋاتمايمىز، ئەمما غەرىپ ئىددىيسى بىزگە تەسىر قىلىپ،تۇيدۇرماستىن سىڭىپ كىرىۋاتىدۇ. ھەقىقەتەن تولىمۇ ئاز ساندىكى زىيالىيلىرىمىز ئوقۇپ چۈشىنەلەيدۇ ۋە ئۇنىڭغا ئىشتىياقى بار. ئەمما يەھۇدىيلارنى بېشىغا ئىلىپ كۆتۈرىدىغان، خىرسىتئانلىشۋاتقان ، تۇغۇلغان كۈنلىرىنى ،توي مۇراسىملىرىنى ھەتتا ئۆي بېزەك كىيىم كېچەكلىرىنى غەرىپكە ماسلاشتۇرۇشنى مودا قىلىۋالغان شۇنچە كۆپ ئۇيغۇرغا قاراپ ئەپسۇسلانمامسىز؟ ئەجىبا بۇ ئەجدادلىرىمىزدىن كەلگەن بولغىيمىدى؟ بۇ غەرىپ ئىددىيسىنىڭ تەسىرى ئەمەسمۇ؟ 2.ئىلگىرى يۈسۈف خاس ھاجىپ بوۋىمىزدەك ئىلغار پىكىرلىك،بىلىملىك  كىشىلەرنىڭ تۇتقان يولىغا ھۆرمەت قىلىنغان بولسا ،ھازىر نۇرغۇن ياشلىرىمىز،ۋە ئوتتۇرا ياش كىشىلىرىمىز ئۆزىنىڭ «مىللەت» چىلىك ئىددىيسىنى ھۆرمەتلەيدۇ.مىسال :   ھازىرمۇ بىلىملىك كىشىلىرىمىز خېلى بار ، ئەمما ئىلگىركىدەك  يىزىق ئۆزگەرتىشتىن ئىبارەت چوڭ ئىشلارنى قويۇپ تۇرايلى، ئەڭ ئاددىيسى سىز بىر ئادەتتىكى مىللىي ئادەتنى ئىسلاھ قىلىشقا جۈرئەت قىلالامسىز؟ ئىشىنىمەنكى سىز جۈرئەت قىلغان تەقدىردىمۇ يەنە كۆپلىگەن ئادەم بۇنىڭ پايدا زىينىنى ئويلاپ كۆرمەستىن ئاتا بوۋىمىز مۇشۇنداق قىلغان دىگەننى كۆتۈرۈپ چىقىشتىن يانمايدۇ. بۇنداق ئىددىيەلەرنى تازىلىمىغۇچە،ھەقىقەتكە ھۆرمەت قىلىشنى ئۆگەنمىگۈچە،بىزدىكى نادانلىقلار تۈگىمەيدۇ. 3.مەن سەنئەتچى بولۇپ كەتتى دىمىدىم . ھەم ماقالەمدىمۇ بۇنداق سۆز يوق. مېنىڭ دىمەكچى بولغىنىمنى ئالىي مەكتەپ ياكى تولۇق ياشلىرى ئارىسىغا چۆكۈپ باقسىڭىز بىلىسىز. قايسى بىر ئولتۇراشلىرى ناخشا مۇزىكىسىز؟ قايسىبىر يىغىلىشى ئۆگىنىش ياكى كەلگۈسى ئۈچۈن مۇنازىرلىشش؟ بەلكىم باردۇ؟ئەمما تولىمۇ ئاز ساندا..........قىزلارنىڭ كىنو ناخشىلارغا بولغان ھىرىسمەنلىكى ،ئوغۇللارنىڭ ئويۇن تاماششا ئۇسۇل كېچىلىكلىرىگە بولغان تەشنالىقى ھەقىقەتەن يۇقىرى . ئەلبەتتە نورمال ئىلىپ بىرىۋاتقانلارمۇ بار، ئەمما بىز بىرلىشىمىز دەيدىكەنمىز قېيىپ كەتكەنلەرنى چاقىرىشىمىز ئويغانغانلار تېخىچە ئۇخلاۋاتقانلارنى ئويغىتىشىمىز كېرەك. 4.ئالدى بىلەن سىياسەت توغىرسىدا گەپ ئېچىپسىز. بۇنى مەن ئوبدان چۈشىنىمەن. ئەمما بۇنداق ئىشلارنى ھىچكىم ناخشىسى بىلەن ئۇسۇلى بىلەن توسالمايدۇ. غەپلەتكە ئىسراپ قىلغان ۋاقتىنى ئىلىم مەرىپەت ئۆگىنىشكە ، قانۇننى ،پەن تېخنىكا بىلىملىرىنى ئۆگىنىپ ئۆزىنى قوراللاندۇرۇشقا ئىشلىتىش بىلەن ياخشىلىنىشقا يۈزلەندۈرەلەيدۇ. بۇنى ئەلبەتتە سىز مەندىن ياخشى بىلىسىز. ئەمدى شېرىكلىككە كەلسەم، بۇنىڭغا پەتىۋا بەرگۈچى ئەمەسمەن .ئەمما بىلىشىڭىز كېرەككى ،بىر كىشى مال دۇنياسىنى ئوغىردىن ساقلاشنى نىيەت قىلىپ ئىت باققان بولسا دىمەك بۇ شېرىك ئەمەلدۇر،چۈنكى ئاللاھنىڭ بۇيرىقىسىز قىل تەۋرىمەيدۇ. مەسىلە چوقۇم بۆرە سۈرىتى چۈشۈرۈلگەن كىيىمدە ئەمەس، مەسىلە قەلىپتە. ئۇنداقتا سىز كۆك بۆرىگە بولغان مىھىر مۇھەببەتنى قانداق چۈشەندۈرىسىز؟ ياغلىقنى ئوڭشاپ تېڭىش ئۈچۈن ، سىزدەك نۇرغۇن يازغۇچىلىرىمىز ،زىيالىي ياشلىرىمىز خەلىقنىڭ  خۇددى  ئۇيغۇردىن ،ئەرەپتىن باشقا ئادەم ئېتقاتسىز ياشايدىغاندەك  ئېتقاد قالاقلىق ،مەدەنىيەتسىزلىك دەپ قارايدىغان كاللىسىنى ،كۆزىدىكى چاپاقنى ئالمىسا بولمايدىكەن. يەنە دىسەم يەنە شۇ گەپ، ئبادەت ناماز ،روزا زاكاتلا ئەمەس . ياكى سەللە ،ياغلىق، ساقاللا ئەمەس. ياكى قۇرئاندىن باشقا كىتاپنى ئوقۇما دىگەن گەپمۇ يوق. پەيغەمبىرىمىز مۇھەممەد سەللەلاھۇ ئەلەيھى ۋەسسەللەم:ئىلىم يىراق چىندا (جوڭگۇدا)بولسىمۇ بىرىپ ئىلىڭلار !دىگەن. يەنە:ھىكمەت مۆمىننىڭ قۇۋۋىتىدۇر، ئۇنى قەيەردە كۆرسە ئالىدۇ .دىگەن، بەلكىم مەسىلىنىڭ مەنبەسى دىنسىزلىق ئەمەستۇر،ئەمما ھەل قىلىش يولى ئىسلام ئىكەنلىكىدە گەپ يوق. مەن غەرىپنىڭكىنى ئوقۇماڭلار دىمىدىم، مۇھىت تەسىرى دىگەن قىسمىدا مۇھىتتىن ئىبارەت توسۇقنى ھەرخىل يوللار بىلەن يېڭىپ دۇنيانى چۈشىنىشكە،سىرىتقى دۇنيا بىلەن ئۇچىرىشىپ ئۆگىنىشكە دەۋەت قىلدىم، ئەگەر غەرىپنىڭكىنى ئوقۇما دىگەن نەزەرنى ئوتتۇرغا قويماقچى بولغان بولسام زۇلپىقار بارات ئۆزباش ئاكاشنى،سىزنى ۋە ئەركىن سېدىق ئاكاشنى كۆپچىلىككە تەۋسىيە قىلمىغان بولاتتىم . ئوقۇسا مەيلى ،ئۆگەنسە بولىدۇ لىكىن نىمىنى ئۆگىنىش نىمىنى ئۆگەنمەسلىك مەسىلىسى .

137166676

	ئېسىل يىزلىپتۇ ..  تەپەككۇرىڭىز كۈچلۈككەن ..

cholpan

	137166676 يوللىغان ۋاقتى  2012-11-12 04:54 PM ئېسىل يىزلىپتۇ ..  تەپەككۇرىڭىز كۈچلۈككەن .. رەھمەت...............كۈيچى مۇنبىرىگە يوللىسام تەستىقلاپ بەرمىدىڭلار لىكىن

ئوتقاش

	ئەجرىڭىزگە تەشەككۈر

hurmet

	ھارماڭ،ياخشى يىزىپسىز،ھەممىمىزنىڭ بىلىم قۇرۇلمىمىزنى بىر قىلىپتا قۇيغىلى بولمايدۇ،زىھنىڭىز ئۆتكۈركەن، مەن گۈلەن ئەپەندىنىڭ ئىنكاسىنى ئىز قوغلاپ كەلگەنتىم،گۈلەن ئەپەندىنىڭ ئىنكاسىمۇ بەرھەق.ھەممىسى بىز يۈرۈكۈمىزنى تۇتۇپ بىقىپ ئويلاشقا تىگىشلىك مەسىلىلەركەن.