ئۇيغۇرلارنىڭ" كۆزىنى توسىۋالغان چاپاقلار

Tohtanghenim

	cholpan يوللىغان ۋاقتى  2012-11-10 10:41 PM تىمىنى تولۇق ئوقۇپ ئىنكاس يىزىشىڭىزنى ئۈمىد قىلىمەن، ... ئىنكاسنى تېمىنى تولۇق ئوقۇپ يېزىۋاتىمەن...

BBC

	گۈلەن ئاكا،ھەرقىتىم ئۈمدسىزلىك بوسۇغىسىدا تەمتىرەپ يۈرگەن چىغىمدا سىزنىڭ يازمىڭىزنى ئوقۇپ خىلى يىنىكلەپ قالاتتىم. مانا ،ماۋۇ بىمەنە تىمىدا سىزنىڭ ئىنكاسىڭىزنى كۆرۈپ قايتىدىن ئۆزەمنىڭ تەنھا ئەمەسلىكىنى ھىس قىلدىم.قەلىمىڭز توختاپ قالمىغاي.كۈچ قانچە يۈكسەك بولغانسىرى مەسئۇلىيەتمۇ شۇنچە چوڭ بولىدۇ.سىزنىڭ دەل مۇشۇ روھ بىلەن ئامرىكىدىكى شۇنچە كۆپ ئىمتىيازىڭىزدىن كىچىپ قايتىپ كەلگەنلىكىڭىزگە چىن قەلبىمدىن رەھمەت. ئاخىرىدا بارلىق تورداشلارغا بۈيۈك ئالىمىمىز ئابدۈشكۈر مۇھەممەد ئىمىننىڭ مۇنۇ مارجان سۆزىنى تەغدىم قىلاي. بىز ئۇيغۇرلاردا ئەزەلدىن ئەۋلىيا چەتتىن،مۇرتى بىزدىن بولۇپ كەلدى.

cholpan

	BBC يوللىغان ۋاقتى  2012-11-13 04:21 AM گۈلەن ئاكا،ھەرقىتىم ئۈمدسىزلىك بوسۇغىسىدا تەمتىرەپ ي ... توردىشىم،سىزگە نىمە دىسەم بولار؟؟؟؟؟؟؟؟ ئەۋلىيا چەتتىن ،مۇرتى بىزدىن بولۇپ كەلدى دەپ ،ئەمدى ئىسلامىيەتنىمۇ ئۇنىڭ ئىچىگە كىرگۈزىۋالغىلى بولمايدۇ.چۈنكى بۇ ئىلاھى دىن،ئادەم ئويدۇرىۋالغان نەرسە ئەمەس، ئەگەر بىر ئادەتتىكى ئەرەپ ئالىمدىن ئۆگىنىشكە چاقىرغان بولسام مۇنداق دىسىڭىز قاملىشاتتى، سىزمۇ ئىلگىركىلەردەك بىز تۇرانچىلار كەبىمىز تۇران دىمەكچى ئەمەسسىز ھەرقانچە بولسىمۇ؟يەنە ئۆز ۋاقتىدا نىمىسلارمۇ شۇنداق دەپتىكەن،بالىلىرىمىز نىمىشقا يات مىللەتنىڭ تارىخىنى ئۆگىنىدۇ؟نىمىشقا ئىبراھىم ئىسھاقلارنىڭ ھىكايىلىرى ئاڭلىتىلدۇ؟بىزنىڭ تەڭرىمىزمۇ نىمىس بولىشى كېرەك دەپ،نەئۇزۇبىللاھ......بۇ تىمىنى بىمەنە دىگۈچە ئىنكاس يازماي قويسىڭىزمۇ رەنجىمەيىتتىم، بىزدە ئاپئاق خوجىدەك ئۆزىنى مۇسۇلمان دەپ ئاتىۋىلىپ مۇسۇلمانغا لايىق ئىش قىلماي دىن نامىدىن خەلىقنى ئەزگەنلەرنىڭ كۆپ بولىشىغا قوشۇلۇپ ھەر تەرەپتە ياڭرىغان دىنسىزلىق تەلىماتىمۇ ئەسلى چوڭ بىر چاپاقكەنتۇق ،يازماي قاپتىمەن.كۆزۈڭلار شۇنىڭدا توسۇلۇپ قاپتۇ. يۈسۈف خاس ھاجىپ بوۋىمىزمۇ ئۇيغۇردىن چىققان ،ئىسلامنى چىڭ تۇتۇپ،ئاللاھ دەپ يات ئەتكەن زاد ئىدى،بەلكىم بۇ ئۆمرىڭىزدە قۇتادغۇ بىلىكنىڭ بىرىنجى بېتىنى بىر ۋاراقلاپ يۈرىكىڭىزنى تۇتۇپ ئويلىنىپ كۆرمىگەن ئوخشايسىز. يەنە ئابدۇرەھىم ئۆتكۈرمۇ ھاياتىنىڭ ئاخىردا ھىدايەتنامە دەك كۆپلىگەن شئىرلارنى شۇ سىز بىزدەك شاش ياشلار ئۈچۈن يىزىپ قالدۇرغان ئىدى. مەنمۇ ئابدۇۋەلى ئاكامنىڭ يازمىلىرىغا قىسمەن تەرەپنى ھىساپقا ئالمىغاندا ھىرىسمەن ئوقۇغۇچىلاردىن بىرى، ئەمما بۇ تىمىغا قايتۇرغان ئىنكاسىدا بەك چۈشكۈنلۈك بار، خەلىق ئۈچۈن چىقىش يولى تېپىش ئۈستىدە ئويلىنىۋاتقانلىقى ئەمما تاپالمىغانلىقى ،ھەرتۈرلۈك بېسىملار سەۋەبىدىن يۈرىكىنىڭ قاتتىق مۇجۇلىۋاتقانلىقى مانا مەن دەپ چىقىپ تۇرۇپتۇ. ئاخىردا تىمىنى ئوقۇغانلارنىڭ....... زىيادە،.......كۆپ ..........دىگەندەك ئىنىچكە نۇقتىلارغا ئالاھىدە دىققەت قىلىپ ئەستايىدىل ئويلىنىپ كۆرىشىنى سورايمەن.

cholpan

	Tohtanghenim يوللىغان ۋاقتى  2012-11-12 11:32 PM ئىنكاسنى تېمىنى تولۇق ئوقۇپ يېزىۋاتىمەن... ھىم.......................ئەمىسە مەيلى،چۈشەنچە بىرىپ ئۆتسەم ،بۇ يەردىىكى  چاپاق نى كۆزدە دەپ ئىلىشىم،ئۇنىڭدىن قەلبىمىزنىڭ يۇقۇملانمىغان بولىشىنى ئۈمىد قىلاتتىم  ،......ئىنكاسىڭىزغا ۋە تەھلىلىڭىزگە رەھمەت،ھەقىقەتەنمۇ قەلىپ تىمۇ چاپاق باردەك تۇرىدۇ؟.....................

jackson

	ياخشى تېما

Tohtanghenim

	cholpan يوللىغان ۋاقتى  2012-11-13 01:34 PM ھىم.......................ئەمىسە مەيلى،چۈشەنچە بىرىپ ئۆتسەم ،ب ... قارىغاندا ئۆزىڭىزنىڭ يازغانلىرىنى چۈشەنمەي تۇرۇپ يازغان ئوخشايسىز... مەيلى سىز خالاڭ ياكى خالىماڭ، ئۈمۈت قىلىڭ ياكى قىلماڭ، قەلىبلەرنى چاپاق باسقاچقا، شۇ سىز يۇقۇرىدا تىلغا ئالغان بىر تالاي ئىشلار يۈز بېرىۋاتىدۇ.... قەلبىڭىزدىكى چاپاقنى تازىلىماي تۇرۇپ، ، يەنى، ئىمان جەھەتتىكى سۇسۇلىشىش ، ئىماندىن تېيىشنى تۈزەتمەي تۇرۇپ، سىز دىگەن ئۇ ‹‹ئۈمۈت›،لەر مەڭگۈ ئەمەلگە ئاشمايدۇ!

cholpan

	Tohtanghenim يوللىغان ۋاقتى  2012-11-13 03:43 PM قارىغاندا ئۆزىڭىزنىڭ يازغانلىرىنى چۈشەنمەي تۇرۇپ ياز ... ئەستا،.................چۈشەنمەي يازىدىغانمۇ ئىش بولامدۇ؟ بەزى نەرسىلەرنى ئوچۇق دىسە بولمايدىكەن ،سىزگە ئايرىم ئۇچۇر يازاي  ھە

cholpan

	بۇ تىمىنىڭ ئاخىرىغا قوللىغانلار ،چۈشەنگەنلەر ۋە چۈشىنىشنى خالايدىغانلار ئۈچۈن تۆۋەندىكى شئىرلار يانداش بولۇپ قالسۇن:   ۋەتەن ۋە ئىمان (ئابدۇقادىر جالالىدىن) ۋەتەن دەپ توۋلىدىڭ ئىمانىڭ قېنى ؟ قەلەملەر تەۋرەتتىڭ ، ۋىجدانىڭ قېنى ؟ تاڭلارنىڭ ئىشقىدا گۈلخانمەن دېدىڭ، كۆڭلۈڭ ئاسمىنىدا چولپانىڭ قېنى ؟ قەلەمنى مەشئەل قىپ مۈدۈرۈپ ئۆتتۈڭ، ئۆپكەڭمۇ يوغىناپ ، يۆتىلىپ ئۆتتۈڭ . ۋەتەنگە ئىخلاستا باقساڭ ئېڭىشىپ، قۇۋمىڭنىڭ يىلتىزى ياتار چىرمىشىپ، چاقنايدۇ مازاردا فوسفور يالقۇنى، كۆكتىكى يۇلتۇزلاربىلەن سىردىشىپ. بۇ يەردە بۇغرا ھەم ئوغۇز ياتىدۇ، قوقاسقا ئايلانغان يۇلتۇز ياتىدۇ. سەپ تۈزۈپ ھەر رەڭدە پەسىللەر ئۆتتى ، «ۋەتەن » دەپ باھادىر نەسىللەر ئۆتتى . ئەۋلادقا پەقەتلا ۋەتەن قالىدۇ ، باشلاردىن نى ئەقىل نەقىللەر ئۆتتى . ۋەتەن چۆچەك ئەمەس، سەجدىگاھىڭدۇر، ۋە يا ئەرمەك ئەمەس، باشپاناھىڭدۇر. «ۋەتەن __ جانان » دېدىڭ ، جانان تېپىلار ، ۋەتىنىڭ بولسىلا ھامان تېپىلار، غۇربەتتە تېنىگەن ساياقلارغىمۇ ، شاھانە قەسىر ھەم ئايۋان تېپىلار . بەزىدە ۋەتەنسىز سۇلتان بولىدۇ، ئۆزىنىڭ گۆشىگە ئوتۇن بولىدۇ . ۋەتەن ئەسقاتىدۇ ئۆلگەنلەرگىمۇ، نەپسىنىڭ ئوتىدا كۆيگەنلەرگىمۇ ، ھەتتا ئوسمىسىنى سېتىپ خوتۇنىنىڭ ، بىر ئۆمۈر تاماشا كۆرگەنلەرگىمۇ . لېكىن ھاقارەتتە قالدى قەبرىسى، تالاي ئاھانەتتە قالدى نەۋرىسى. ۋەتەن ئىمان بىلەن بىر تەن ئەمەسمۇ؟ ۋەتەن ئىمانسىزغا ماتەم ئەمەسمۇ؟

cholpan

	ھىدايەتنامە ئابدۇرېھىم ئۆتكۈر ئۆمۈر مەنزىلىدىن تىنماي ئىزدىدىم مەن ھەقىقەتنى، تەپەككۇر بولدى بىر ھادى تېپىشتا چىن ھىدايەتنى، تىلەپ ھەر سۆزگە باي مەنا يەنە جانلىق پاساھەتنى، دىلىم ئىستەيىتتى ئىزھارگە ھەمىشە مەقبۇل پۇرسەتنى، كېلىڭ ئەي دوستلىرىم ئەمدى خۇشال باشلايلى سۆھبەتنى سۆزۇمنىڭ بېشى بسمىللاھ، بۇ مۆئمىنلىك ۋەزىپەمدۇر، سانا يۇ ھەمدىلەر ئېيتسام تۇمەن مىڭنى يەنە كەمدۇر ، قۇرۇق ،تۇزسىز ئىبادەتتىن ئەمەل ئەۋزەل ،ئەقىدەمدۇر بۇ دەۋايىمغا بورھانىم مۇشۇ يازمىش قەسىدەمدۇر، تىلەيمەن رەببىم ئاللاھتىن قۇلۇمغا كۇچ ۋە قۇۋۋەتنى تەئەجۇپ ئەيلىشەر بەلكىم بىراۋلەر بۇقەسىدەمدىن، ئەجەپلەنمەس ئىدى ئىچسە ئەگەر بىر قەترە چەشمەمدىن، ئېزىقتىم مەنمۇ بىر چاغلار ناگاھ تەۋرەپ ئەقىدەمدىن، شۈكرىكىم رەھنامە تاپتى كۇڭۈل سۇلتانى تەۋبەمدىن، ئىلاھا ئەيلىگىل مەڭگۈ ماڭا بۇ بەختۇ-ئامەتنى. تۇغۇلغاچ ئىككى مۆئمىندىن ئۈتۇپ ئەللىكتە سەككىز يىل، يەكۈنلەش سائىتى يەتتى ئۆمۇرنى ئەمدى ئەستايىدىل، نەزەر سالسام بېسىپ ئۆتكەن يۇلۇمغا بولمايىن غاپىل، ئاقۇر كۆز ياشلىرىم گويا بۇلۇپ ئىرىتىش ۋە ياكى نىل، جاھاندا چەكمىگەي ھېچكىم مىنىڭدەك كۆپ نادامەتنى . سەھەردە ھەمدىلەر ئېيتار ئۇچار قۇشلارمۇ ھەر دەمدە، نىمىشقا بولمىسۇن بىر ھىس تىرىك پەرزەنتى ئادەمدە، ۋاھالەنكى ئادا بولماي ھىساپسىز قەرز بۇ زىممەمدە، ھامان قاينايدۇ ھەسرەتلىك پۇشايمانلار بۇ قەلبىمدە، ئۆمۇرنى زايە قىلماڭلار ئېلىپ مەندىن بۇ ئىبرەتنى. باھار يامغۇرلىرى ھەرتاڭ يۇيار ھەم ياشنىتار تاغنى، ئېرىقلار بىرلە كەلگەن سۇمۇ ھەتتا گۈللىتەر باغنى، مۇيەسسەر قىلسا مەقسىدىم مۇراتقا يولنى ئاچماقنى ئېرىتسە ھېچ ئەجەپمەسكىم كۆزۈمنىڭ ياشلىرى داغنى، ئاتا قىلسا ئىلاھىم خەزىنەسىدىن قەترە رەھمەتنى. سىراتەل مۇستەقىم تاپماق ئەگەر بولسا نەسىبەمدە، نادامەت داغلىرى قالماس ئىدى مەھزۇن بۇ سىنەمدە، ئۆمۈدۈم بىر بېقىپ ئىقبال كۈلۈپ تەلەي پىشانەمدە، جاراڭلاپ كەتسە قەلبىمنىڭ ساداسى بۇ قەسىدەمدە، نىسىپ ئەيلەپ ياراتقان زات ماڭا بەختۇ- سائادەتنى خىيالىم دېڭىزى تىنماي چايقىلىپ ھەمىشە قايناق، كىچىلەر ئاز يۇمۇپ كۆزنى ۋە گاھى تاڭغىچە ئويغاق، قۇلۇم يەتمەيدىغان شاخقا ئېسىلدىم شۇنچىلىك مۇشتاق، ئىلاھىم ئۆزى يار بولغاي ئۈمۈدۈمگە يەنە جىقراق، ئاسان ئەيلەپ بۇ مەنزىلدە ماڭا ئۇچرار مۇشەققەتنى. پىكىر دەرياسىغا قانچە تېرەن چۆككەنسىرى ھەر تۈن، كۆڭۈلنىڭ كىرلىرى شۇنچە يۇيۇلدى ،تارقىدى ئەپسۇن، ھاياتىم گەرچە پۇشمانلىق، دىلىمدۇر ناتىۋان مەھزۇن، ۋە لېكىن جان كىتابىگە قۇشۇلدى تۇمەن مىڭ مەزمۇن، يېقىن كەلتۈرمە ئې رەببىم! كۆڭۈلگە ئەمدى غەپلەتنى. تەپەككۇر كۆزى بىلەن باقسا كىشى ئالەمگە بىر مەررە، ئەمەستۇر خالىي ھېكمەتتىن ۋە ھەتتاكى ھەسەل ھەرە، ئادىمىزات يۇكسىلىپ گەرچە ئاتومدىن تاپتى مول زەررە، ۋە لېكىن بىپايان سىر دېڭىزىدىن بۇ تېخى ئازغىنە قەترە، ئىلاھا قىل كەرەم كۆپرەك بىلەيلى سىرۇ-ھېكمەتنى. بىلىپ يەتكەنسىرى ئىنسان خەزىنەڭ سىرىنى كۆپرەك، كۆڭۈل رۇشەنلىشىپ ئاندىن تونۇر ئۆز زاتىنى خوپراق، مىسال: قارىغۇ نىچۈك بىلسۇن، قۇياش قانداغۇ ئاي قاندق بىلۈر ئەمما گۈدەك ھەتتا نىچۈكدۇر گۈل، نىچۈك ياپراق، دېمەككى مەرىپەتتىن جان تاپۇر ئەقلى -پاراسەتنى. تۈمەن مىڭ يىل داۋامىدا ئۆتۈپ سانسىز ئاقىل -دانىش ھايات سىرىنى بىلمەكنى قىلىشتى ئارزۇ ھەم خاھىش، بىراۋلەر قىلسىمۇ كۈچەپ خۇداسىزلىقنى پەرمايىش ۋە لېكىن ئەكسىرى مۇتلەق ئېلىپ مەيداندا ئەزمايىش، ئاخىرى ئۇ ئېتىراپ قىلدى ئۇلۇغ بىر روھى قۇدرەتنى. مىسال: بىر قەترىدىن ئادەم بىنا بولغاننى ئويلاپ باق، ئانا قارنىدا بۇ جانغا ھاۋا بولغاننى ئويلاپ باق، تۇغۇلماق سائىتى يەتسە ئانا بولغاننى ئويلاپ باق، مۇنۇ مۈشكۈلگە نە قانۇن پاناھ بولغاننى ئويلاپ بالا شۇ چاغدا تاپقۇسى قەلبىڭ بىرەر مەنتىقى-پىكرەتنى. بۈگۈن پەن يۈكسىلىپ شۇنچە قىلۇر پەرۋازىنى ئەركىن، ۋە ھەتتا ئاي ۋە يۇلتۇزدا يەر ئوغلى ياققۇسى يالقۇن بۇڭا ئەۋلادى ئادىمىزات ئۇقۇر مىڭ مەدھىيە، تەلقىن، لېكىن ئادەم بىنا قىلماق بۇ ئادەمگە نىچۈك مۇمكىن، ياراتقان تەڭرىدىن باشقا كىشى تاپماس بۇ قۇدرەتنى . نېمىشقا ئاياغ ئىككى، كۆز ئىككى، ئېغىز بىردۇر، يەنە كۆزلەرگە قاش كىرپىك بىنا قىلغان قايسى تەھرىردۇر، نىمىشقا مىڭ كىشى چىھرى يەنە مىڭ خىلدا تەسۋىردۇر، قېنى ئېيتقىنچۇ؟ بۇ سىرغا نىچۈك سۆز توغرا تەبىردۇر، تەپەككۇر ئاچقۇسى كەڭ يول چۈشەنمەككە بۇ سۈرەتنى. ئۆلۈمنى ئويلىسا ھەر كىم بىلۈر ئۆز زاتىنى ئاندىن، تۇغۇلماق سۆڭرە ئۆلمەكلىك ئاياندۇر ھەممىگە ئايدىن لېكىن نەدە، قاچان، قانداق ئۈلۈشنى كىم بىلۇر ئالدىن، ئېچىلماس سىر بۇلۇپ كەلدى بۇ ماۋزۇ دەۋرى-دەۋراندىن ھەمىشە يىغسىمۇ دۇنيا بۇ سىرغا ھەممە دىققەتنى. ئۈلۈمگە بىر داۋا ئىزلەپ جاھاندىن كەتتى كۆپ دەنا، ۋە لېكىن تاپمىدى ھېچكىم بۇ ئىشتىن زەررىچە مەنا، ئارىستو ياكى لوقماندەك ھەكىملەرمۇ بىمۇستەسنا، دىيىشتى ئاخىرى مۇتلەق ئۇلۇغ قۇدرەتكە ئامەننا، دېمەك مۆئمىن ئەمەس بۇزماق بۇ قانۇنى زۆرۈرەتنى. قۇياش،ئاي ۋە يۇلتۇزلار سامادا سەيىر ئېتىپ ھەر كۈن، مۇئەييەن يول ۋە تەرتىپتە خاتاسىز دەۋر ئېتەر ھەر كۈن، بۇڭا ھاكىم ئىكەن مۇتلەق ئەجەپ بىر مۇنتەزىم قانۇن، بۇ چەكسىز كائىنات تاپمىش ئەشۇ خىلدا تولا مەزمۇن، يورۇپ نۇرلانغۇسى قەلبىڭ چۈشەنگەنچە بۇھالەتنى. ۋە بەلكى بەزىلەر ئېيتار تۈزەلمەكلىك تەبىئەتتۇر، ۋەھالەنكى تەبىئەت ھەم ئەجەپ بىر خىلدا ھەيئەتتۇر، بۇ ئالەم سىرلىرى بىزگە ھۇنۇن بىر ياخشى ئىبىرەتتۇر، شېغىل تاش ھەر زامان تاشتۇر، زۇمرەتلەر ـ زۇمرەتتۇر، تەپەككۇر تاشقىنى يۈتسۇن كۆرەڭ باتىل-جاھالەتنى. مىسال: پەن -ھۈنەر ئەسىرى قۇرۇپ ھېكمەت دۇكانىنى، ياراتتى ئىپتىخارلىق بۇمۇ ئىجازەتلەر زامانىنى، يەنە ھەم ئاشقۇسىى كۆپلەپ بۈيۈك ھىممەت داۋانىنى، لېكىن ئادەم تۈگۈل ھەتتا ئۇنىڭ بىر قەترە قانىنى، ياسالماس ھەر نىچۈك ئالىم قىلىپ تەقلىد بۇ قۇدرەتنى. ھاياتلىق سىرىغا تەكرار تۇخۇمنى كەلتۈرەي بۇرھان، تۇخۇسىز ئالۇر ھەر كىم تۇخۇمدىن چۈجىنى ئاسان، ئەگەرچە يەنە مىڭ ھەسسە تەرەققى قىلسىمۇ دەۋران، تۇخۇمنىڭ ئۆزىنى لېكىن ياسالماس بەلكى بۇ ئىنسان، دېمەك مەخلۇق ھامان مەخلۇق، بىلۇر خالىقلا خەلقەتنى. نەزەر سالساق ئەگەر بۇغداي ۋە ياكى باشقا بىر دانغا، تېرىپ ئۆستۈرمىسە دېھقان ھوسۇل تولمايدۇ خامانغا، ئەگەرچە دان ياساش مۇمكىن بۇلۇپ قالسىدى ئىنسانغا، زاۋۇتلاردا ياساپ ھەر كۈن پۇلى توختايتتى ئەرزانغا، دېمەك مەخلۇق ئەمەس قادىر ياراتماققا تەبىئەتنى. ھاياتلىق سىرلىرى شۇنداق ئاجايىپ كەڭرى دۇنيادۇر، بىلىپ يەتكىنىمىز تامچە، ئەگەر ئۇ بەھرى دەريادۇر كىمكى مەۋجۇدات زاتەن ئۇلۇغ ھېكمەتلەر ئەھيادۇر، كى تۇپراق بولمىدى كىميا مەگەر بولسا ئۇ خۇليادۇر، ھايات قانۇنى ھەردەمدە قىلۇر تەكرار بۇ ئىبىرەتنى. مىسالنى يەنە يۈز-يۈزلەپ تېپىش مۈشكۈل ئەمەس ھەر ئان، ۋە لېكىن ھەممىدىن ئەئلا ئۇلۇغ مۆجىزىدۇر قۇرئان، خۇسۇسەن بولسا تەپسىرى يېتىپ ئاشار ‹‹ سۈرە رەھمان >>، كۇپايە قىلمىسا كاشكى ئاشۇنچە ‹‹ ما تۇكەززىبان >>، قۇلۇپلۇق بولمىسا قەلبىڭ قۇبۇل ئەيلەر بۇ نېئمەتنى. تۇلۇق ئون تۆت ئەسىر ئۆتتى نەقىشلەر بولمىدى سادىر، نېمىكى دېسە قۇرئاندا بۈگۈن دۇنيادا شۇ زاھىر، ` بۇنىڭدەك مۆجىزە ئىشىگە نىچۈك مەخلۇق بولۇر قادىر، ئۇنىڭ تەرىپىگە سۆزنى تاپۇر قايدىن ئەدىپ، شائىر، نېسىپ قىلمايدىكەن تەڭرى ئەگەر تىلغا بالاغەتنى. ئۈتۈپ بىر مىڭدا تۆت يۈز يىل ھاۋادىسىلەر بىلەن بىر-بىر، بىرەر ئىش قالمىدى شەكلەن ۋە مەئنەن بولمىغاي تەغيىر، بىراۋلار قەسىت بىلەن ھەرئان قۇرئان بېتى قىلسىمۇ تەھرىر لېكىن ئۆزگەرمىدى بىر ھەرپ، بىرەر ساكىن ۋەياكى زىر، چۈشەنمەكلىك نە مۈشكۈلدۇر بۇ مۆجىزە-كارامەتنى. پۈتۈن ئۆمرىدە يا مەكتەپ يا ئۇستاز كۆرمىگەن بىر زات، ئوقۇپ بىر كۈن << ئىقرا  بىئىسمى رەببى كەللەزىنە >>  ھەيھات، تېپىپ قۇددۇسى قۇدرەتنىڭ ئۇلۇغ ئەنۋارىدىن ئىرشات، ، نەبۇۋەت ئەسىرىنىڭ شانلىق تۇغىنى ئەيلىسە بۇ نىيات، نىچۈكمۇ ئىتىراپ قىلماس ئەقىل مۇنداق ھەقىقەتنى. ئۇقۇپ كۆرسەك بۇتارىخنى ئەجەپ بىر ئەسرى ھېكمەتتۇر، مۇبارەك تەرجىمىھالى تامامى پەزلى-خىسلەتتۇر، رەقىپلەر ئېتىراپىمۇ بۇڭا ئەلۋەتتە ھۆججەتتۇر ، بۇ زاتنىڭ ئسمى شەرىپى رەسۇل ئەكرەم مۇھەممەددۇر، ياراتتى مەڭگۈ ئۆلمەس بىر ئۇلۇغ ئەسرى سائادەتنى. نەبۇۋەت تاڭى ئاتماستا ئەرەپنىىڭ ھالىنى ئەسلىسەڭ، جاھالەت دەستىدىن ئەلنىڭ ئايانىچ ئەھۋالىنى ئەسلىسەڭ ، زالالەت ھەم رەزىللىكنىڭ ياۋۇز ئىمسالىنى ئەسلىسەڭ ، مىسال: بىر قىز تۇغۇلسا گەر زەبۇن ئىقبالىنى ئەسلىسەڭ يىمىردى نەبۇۋۋەتلا ئەرەپتىن بارچە زۇلمەتنى. ۋەھىنى بەزىلەر ئىلھام دىيىشتى بىر زامان ھۆكمەن، ۋەھالەنكى ئۇلۇغ قۇرئان ئەمەستۇر قىسسە يا رومان، ئۇنى ئىلھام بىلەن ئىجاد قىلىشقا بولسا گەر ئىمكان، نىمىشقا يازمىدى بىر كىم يەنە ئىككىنجى بىر قۇرئان، نىچۈكمۇ ئېتىراپ قىلماس كىشى مۇنداق ھەقىقەتنى. بىراۋلار قىلدىلەر دەئۋا، نەبىلىك ئۈستىدە ھەتتا تېپىپ مىڭ ھېلە -نەيرەڭلەر، ئۆزىنى كۆرسىتىپ تەقۋا، يېزىپ ئايەتكە تەقلىدلەر، ۋەھەتتا قىلسىمۇ غەۋغا، جاھاندىن كەتتلەر لېكىن، بولۇپ ئالەمگە مىڭ رەسۋا، تاپالماس چۈنكى باتىللىق، ھەقىقى شانۇ-شۆھرەتنى. بۇلارنىڭ ھەممىسى جانلىق ئۇلۇغ مۆجىزە ئەلۋەتتە، يەنە قانداق دەلىل لازىم بايان قىلماققا بۇ ھەقتە، ئەقىل ساھىپلىرى جاندىن ئۆتەر تەستىق، قانائەتتە، ئەگەرچە ياق دېسە بەزى مۇخالىپلار جاھالەتتە، ئۆزىگە رەھنامە قىلسۇن ئەدىل، مەردانە پىكرەتنى. خاتىمە بايان قىلغانلىرىم گەرچە دېڭىزدىن تامچىدۇر ئەمما، نامايەندۇر قوياش ئەكسى بىر تامچە سۇدىمۇ ھەتتا، قەسىدەم ئەلگە يەتكۈزسە ھېدايەتتىن بىرەر مەئنا، ; مۇكاپات شۇ ئىدى مەنچۈن، ئەمەسمەن ئۆزگىگە تەشنا، كۆچەتنى تىككۈچى مەيلى كۆرەلمەي ئۆتسە راھەتنى. ئەقىدەم ھەققە باغلانغان، بۇ يولدا ئەتىمادىم بار،. شۈكرىكىم، ھەق ئاتا قىلغان ئىرادە، ئېتىقادىم بار، ئەقىدە ساھىبى بولغاچ دىلىمدا پەخرۇ -يادىم بار، دېمەيمەن مۇنچە گۇستاھلىق، قىلىشقا نېمە ھەددىم بار، پىسەنت قىلماس كۆڭۈل چۈنكى قۇرۇق تەئنە -مالامەتنى. جاھان باقى ئەمەس، لوقمان چېغىدا تاپمىدى دەرمان، مىسالدۇر رومى ئىسكەندەر، ۋە ھەتتا ۋەھشى چىڭگىزخان، كېلىپ -كەتمەك بىلەن مەشغۇل، جاھانغا بىھېساپ كارۋان، ئۆتەر دۇنيا، كېچەر دۇنيا، پەقەت ھەقلا سۈرەر دەۋران، ئۆمۈر مەنزىلىدە تاپتىم نىھايەت شۇ ھەقىقەتنى.

cholpan

	يا رەب ئىلاھا ھىكمىتىڭ كۆپتۇر بىلەي دەپمۇ بىلەلمەيمەن.    ئۆزىڭدىن بولمىسا رەھمەت ئۆزۈم يىغلاپ كۈلەلمەيمەن، كۈلەرمەن دەپ ئۈمۈت قىلسام قالارمەن گاھىدا يىغلاپ. تۇرۇپ بىردەم بۇلۇر ئىشنى ماراپ تۇرسام كۆرەلمەيمەن.    ئۆزۈم قىلدىم ئۆزۈم بىلدىم دىگەن بىرلا جاھالەتتە . ئۈزۈڭدىن بولمىسا رەھمەت بازاردىنمۇ كېلەلمەيمەن. بېرىىپ كەلدىم بىرلا ھەرەم ،مەككە مەدىنەمگە. ئۆزۈڭ بىلدۈرمىسەڭ يا رەب ئۆزۈمنى ھەم بىلەلمەيمەن. ئەجەپ ئاجىز ئىكەن بەندە ،جېنى بولغان بىلەن تەندە. ئۆزۈڭ يەتكۈزمىسەڭ يا رەب باراي دەپمۇ بارالمايمەن. تېنىمنىڭ ساقلىقى بىلسەم،سىنىڭ پەزلى كەرەمىڭدۇر. ئۆزۈڭدىن بولمىسا ساقلىق ،تېنىمنى ساق ئېتەلمەيمەن.   ئۆزۈڭنىڭ قۇدرىتى بىلەن كۆزۈم ئاچتىم بۇ ئالەمگە.    ئۆزۈڭ ئەپكەتمىسەڭ يا رەب ،كېتەي دەپمۇ كېتەلمەيمەن