ئوقۇغۇچىلارغا نىمە بولدى !

jalmas

	ئوقۇغۇچىلارنىڭ مۇشۇنداق توغرا يولنى تېپىپ ماڭالماسلىقىدا ئاتا-ئانىلارنىڭ كۆپىرەك مەسۇلىيىتى بار، بەلكىم مەدەنىيەت سەۋىيىسىنىڭ تۆۋەنلىكىدىنمىكىن ، ياكى قانداق ئۇسۇلدا بالا تەربىيلەشنى بىلەلمىدىمۇ ، ھازىر چوڭ بولىۋاتقان بالىلاردا ھەرخىل يامان ئىللەتلەر مەۋجۇت. بۇلۇپمۇ ئاتا-ئانىلارنىڭ پەرزەنتلىرىگە مىللىي ئەنىەنىلىمىزنى يەتكۈزىشى يېتەرلىك ئەمەس . يەھۇدىلار نېمە ئۈچۈن ئەقىللىق ؟ چۈنكى ئۇلار بالا تەربىلەشكە ئالاھىدە ئەھمىيەت بەرگەن. بىزنىڭ ئاتا-ئانىلىرىمىزچۇ؟ ياش ۋاقتىىدا ئويناپ بولالمىغاننى ئەمدى قايتىدىن ئويناۋاتىدۇ . قاتار چاي، ئۇ ئولتۇرۇش، بۇ ئۇلتۇرۇش .....  تولا ئولتۇرۇپ قاراڭلا سەمىرىپ كەتكىنىنى .  مەن ئۇلۇغ ئاتا-ئانىلىرىمىزنىڭ مىللىتىمىزنىڭ كەلگۈسى بولغان پەرزەنتلەرنى ياخشى تەربىيلىشىنى ئۈمىد قىلىمەن

lutfy

	بۇنىڭ ئۈچۈن ئەڭ ئاۋۋال ئاتا-ئانا بولغۇچى ئۆزىدە يۇقىرى بولغان ئەخلاقىي ۋە ئەقلىي ساپا ھازىرلىشى كېرەك دەپ ئويلايمەن.قاخشاش،ۋايساشلار بىلەن ھېچ ئورنىغا كەلمەيدۇ.

iltebir

	بۇ ئىشنىڭ سەۋەپچىسى كىم؟ بۇ ئىشنى كۆپ تەرەپتىن ئويلاش كىرەك. بۇ ئىشنىڭ  ئەڭ چوڭ مەنبەسى يەنىلا ئائىلە.

0996yaprak

	mahatjan يوللىغان ۋاقتى  2013-1-13 04:33 PM ئوقوغۇچىلارغا نىمە بولدى؟     ئوقوغۇچىلارغا سىز دىگەند ... بۇ پىكىر ھەقىقەتەن ناھايتى ئورۇنلۇق پىكىركەن.بەزىلەر مەخسۇس كۇرس ئوقۇپلا شۇنداق ئىسىل يەرلەرگە ئورۇنلىشالىغان بىلەن،بىزدە ئۇنداق پۇرسەت يوق،تۇلۇق كۇرس ھەتتا چەتئەللەردە ئوقۇپ كىلىپمۇ بىكار يۇرۋاتىدۇ بىزنىڭ بالىلار. بالىلارغا ياخشى ئوقۇڭلار دىگەن بىلەن كەلگۈسۈڭلار پارلاق دىيىشكە ھەرقانداق بىر ئوقۇتقۇچىنىڭ تىلى كۆيىدۇ ئەلۋەتتە.

tewelgha

	بۇ تېمىدا ئۇيغۇر جەمىيىتى جىددى ئويلىنىشى ناھايىتى زۆرۇر بولغان بىر مەسىلە ئوتتۇرىغا قويۇلۇپتۇ . ئەسلى ئاپتۇر بۇرۇنراق ئۈرۈمچىگە كەلگەن بولسا ئىدى ، بۇ تېما خېلى بۇرۇنلا روياپقا چىقار ئىكەن ،ئۈرۈمچىدە قاناتلانغان تەپەككۈرلىرىڭىزگە تەشەككۈر .مەنمۇ پىكىر بايان قىلىپ باقاي. تېمىدا ئوتتۇرىغا قۇيۇلغان ئۇيغۇر ئوقۇغۇچىلىرىنىڭ ئەخلاق جەھەتتىن بۇزۇلۇپ كېتىشى ،بالدۇر مۇھاببەتلىشىش ،روھى جەھەتتىن چۈشكۈنلىشىش قاتارلىق مەسىلىلەرنىڭ سەۋەپلىرىمۇ ئائىلە ،مەكتەپ،جەمىيەت نوقتىسىدىن چىقىپ  ناھايىتى ياخشى تەھلىلى قىلىنىپتۇ .بىر ئوقۇتقۇچى بولۇش سۈپۈتۈم بىلەن بۇ پىكىرلەرگە قوشۇلىمەن . ھەقىقەتەن ئائىلە تەربىيەسى  پەرزەنت تەربىيەسىدە بەكلا موھىم رول ئوينايدۇ ،ئۇ خۇددى تامنىڭ ھۇلىغا ئوخشايدۇ ،گەرچە ئائىلە تەربىيەسىدە  ئۆتكۈزۈپ بېرىدىغان بىلىملەر بەك چوڭقۇر بولمىسىمۇ ،لىكىن ئۇلارنىڭ  بىر ئادەمنىڭ پۈتۈن ئۆمرىدە تۇتىدىغان سالمىغى مەكتەپ مائارىپى تەمىنلىگەن بىلىملەردىن تۆۋەن بولمايدۇ .  ئۇنىڭ ئاساسلىق تەربىيە شەكلى بىرلا ،ئۇ بولسىمۇ ئاتا-ئانىلار ئۈلگە بولۇشتۇر . بۇ يەردىكى مەسىلە ، بىز زادى قانداق ئۈلگە بولىۋاتىمىز ؟ بۇ ئۈلگىنىڭ ئۆلچىمى نېمە ؟ بىزدە پەرزەنتلەرگە ئۈلگە بولغىدەك قانچىلىك دەسمايى بار ؟ ئۈلگە بىلەن ئىلغار مەدەنىيەتنىڭ ئوتتۇرىسىغا تەڭلىك بەلگىسى قويسام قانداق قارايسىز ؟ بۇ مەسىلىلەر ھەربىر ئۇيغۇر ئويلىشىپ بېقىشقا تېگىشلىك  تەخىرسىز مەسىلىلەردۇر . بىزنىڭ ھازىرقى  تۇرمۇشىمىزنى 20يىلنىڭ ئالدىدىكىگە سېلىشتۇرغاندا غايەت زور ياخشىلىنىش بولدى دىيىشكە بولىدۇ .ئۇيغۇر جەمىيىتىنىڭ ماددى ئىھتىياجى مەلۇم دەرىجىدە قاندۇرۇلدى ،ئېسىل كىيىنىپ ،ئىسىل غىزالىنىپ ،ئېسىل ماشىنا ۋە  ئېسىل ئۆيلەردە ئولتۇرۇپ تۇرمۇشتىن بەھىرلىنىدىغانلار كۆپەيدى .لىكىن مەن قاراپ باقسام، بۇ كىشىلىرىمىزنىڭ مەنىۋىيىتىدە بولغان ئۆزگىرىش ماددى ئۆزگىرىشكە قارىغاندا ئاسمان زىمىن پەرىقلەندى .ئاشۇ ئېسىللارنىڭ ئىچىگە يوشۇرۇنغىنى ،بىلىم ۋە ئەخلاق ساپاسى پۇچەك ،روھى گاداي تەنلەردىن ئىبارەت بولدى .دەل ئاشۇلار  ئەنئەنە بىلەن زامانىۋى مەدەنىيەتنى چېلىپ ئۆماچ قىلىۋەتتى .  يامان يېرى يەنە دەل ئاشۇلار ،ئۇيغۇر جەمىيىتىنىڭ  ئىلغار مەدەنىيىتىگە ۋەكىل بولىۋالدى .مانا بۇ ساختا ئىلغارلىق  ئەۋلاتلارغا ناھايىتى يامان تەسىر بېرىپ ،ئۇلارنىڭ كاللىسىدا ئەندىزە شەكىللەندۇرۇپ ،ئۇيغۇر جەمىيىتى مانا مۇشۇنداق ئوخشايدۇ ،ئاتام ماڭغان يولدا مەن ماڭسام بولمامدىكەن  دېگەن يەكۈنگە ئېرىشتۇرۇپ قويدى .شۇڭا مەكتەپ مائارىپى  بىر تىيىنلىق قىممىتى يوق نەرسىگە ئايلىنىپ   ،ئۇنىڭ ئىلغار مەدەنىيەتكە ۋەكىل بولۇش ئىمكانىيىتى قالمىدى  . ئىككىنچى تەرەپتىن،  سەنئەتنىڭ مەدەنىيەتنى يېتەكلەش رولى پەۋقۇللادە زور بولۇپ كەتتى .ئۇيغۇر ناخشا سەنئىتى مەھاببەت تېمىسىدىن ھالقىپ چىقالمىدى ،ۋە ئىنتايىن تار قىيالىق يولغا قاراپ راۋاجلانماقتا. بىزدىكى %90تىن كۆپرەك ناخشىدا « كۆيدۇم ،سۆيدۇم ،كۈتتۈم ،ئۆلدۈم ،ئۆچتۈم» دىن باشقا مەزمۇن  يوق . ھەتتا باشلانغۇچ مەكتەپ ئوقۇغۇچىلىرى ئوينىغان ئۇسۇللارنىڭ تەڭكەش مۇزىكا ۋە ناخشىلىرىدىمۇ يوقارقا تېما ئاساس قىلىنىدۇ . مۇشۇنداق تۇرسا ،بالىلىرىمىزنىڭ يەسلىدىلا مۇھاببەتلىشىپ كەتمىگىنىگە شۈكرى دېسەك بولىدۇ . بىزدە ۋەتەننى ،يۇرتنى ،مەرتلىكنى ،كۇرەشنى ،قەخرىمانلىقنى ،ئەجداتنى ،گۈزەل ئەخلاقنى ،تارىخىنى تېما قىلغان ناخشىلار بەكلا كەم بولدى .سەنئەتنىڭ مىللى مەدەنىيىتىمىزنى يېتەكلەش رولى ئەكىس تەسىر بەردى . ئۈچۈنچىدىن ، مەكتەپ مائارىپىنى ئالساق ،مىللى مائارىپ خۇددى ئىقېن سۇدا كېتىۋاتقان رولى يوق ماتۇرسىز كېمىگە ئوخشايدۇ .ئۇنىڭ ئورۇلۇپ كەتمەي تا بۈگۈنگىچە ماڭالىغىنىنىڭ ئۆزى بىر غېنىمەت .بۇ موتۇرسىز كېمىدە خىزمەت قىلىشقا چىقىپ قالغانلارنىڭ كۆپ قىسمى  پەلەك ۋەجىدىن ئۈچ ۋاق تاماق ئۈچۈن چىققانلار ،ئۇلاردا كېمىنى سۆرىگۈچىلىك مادار يوق . ئاز بىر قىسمى بولسا بۇ كېمىنىڭ تا بۈگۈنگىچە ئۆرۇلۇپ كەتمەي مېڭىشىغا كۈچ چىقىرىۋاتقان ،پالاق ئۇرغۇچىلار . ئۇلارنىڭ يۈكى بەكلا ئېغىر .ئۇلارنىڭ بىر ھەپتە ئېلىپ بارغان تەلىم تەربىيەسىنىڭ تەسىرىنى ،ئائىلىدە قىلىنغان بىر جۈملە سۆز ياكى ئاتىنىڭ بىر دانە يەككە ھەرىكىتى پۈتۈنلەي نۆلگە ئايلاندۇرۋىتەلەيدۇ .شۇنداقتىمۇ ئۇلار تەربىيەنى توختۇتۇپ قويغىنى يوق ،ئۇلار داۋاملىق خىزمەت قىلىۋاتىدۇ. ئاخىرىقى خۇلاسەم : بىر مىللەتنىڭ ئۇتتۇرا بۇرجىئازىيە قىسمى شۇ مىللەتنىڭ ئىلغار مەدەنىيىتىگە ۋەكىللىك قىلالىسا ،قالغان باشقا سىنىپلارنى ئەگەشتۇرۇپ كەتكىلى بولىدۇ  شۇندىلا  مىللەتنىڭ كەلگۈسىدىن ئۈمۈت كۈتكىلى بولىدۇ . بولمىسا .......................

كۆكنۇر

	ھازىرقى مائارىپ تەربىيىسىدە تەكىتلىنىۋاتقان ئەخلاق تەربىيىسىدە زور مەسىلە بار .ئەنئەنىۋى ئەخلاقنىڭ ئۈنۈمىگە زور دەرىجىدە سەل قارالدى .ئەنئەنىۋى ئەخلاق تەربىيىسىنى قالاقلىق دەپ چۆرۈپ تاشلىۋەتتۇق ،نەتىجىدە باشقىلارنى دوراپ زور خىرىسقا دۇچ كەلمەكتىمىز .

2ئاچچىق

	نۇرغۇن تورداشلار بۇنداق مەسىلىنىڭ كىلىپ چىقىشىدا ئائىلىنىڭ مەسئۇلىيتى بار دەپتۇ، مەنمۇ مۇشۇ قاراشتا. لىكىن ئاز بىر قىسىم ئوقۇغۇچىلارمۇ باكى يالغاننى ۋەششى ئوخشۇتۇپ ئاتا-ئانىسىنىڭ ئىغىزىغا جىگدە سالىدىغان. كۆڭۈللەرگە ئىنساپ ئاتا قىلسۇن شۇ ياراتقان ئاللاھ ئىگەم.

parixtam0908

	مەنمۇ بىر ئوقۇغۇچى بولغاچقا تىمىنى كۆرۈپلا ماڭا نىمە بولغاندۇ دەپلا قالغانتىم،ئەمما ئوقۇپ بولۇپ مەن ساقكەنمەن دەپ قالدىم...    دېمىسىمۇ راس......بىز ئوقۇغۇچىلارغا زادى نىمە بولدىكىن تاڭ......

MU`KAM

	buraquxi يوللىغان ۋاقتى  2013-1-14 05:21 PM ئەلىۋەتتە سىزنىڭ دېگىنىڭزمۇ ئورۇنلۇق. ئالدى بىلەن مې ... توغرا قېرىندىشىم، مەنمۇ ھەرگىز سىزنىڭ ئىنكاسىڭىزغا رەددىيە بەرمەكچى ئەمەس، ھەمىمىز ئۆز كۆز قارىشىمىزنى ئوتتۇرىغا قويىمىز،  لىكىن بىرلا گەپ جۇڭگۇ  مائارىپى تۈگەشتى دىگەن گىپىڭىزگە قايىل ئەمەسمەن.

شىرئەلى

	ئوقۇغۇچىلارغا ئەمەس ، ئوقۇتقۇچىلارغا كېسەل تەگدى ...!