ئۇيغۇرلاردا نىكاھدىن ئاجىرشىش دولقۇنى قاچان تۈگەيدۇ

abdulahad

	ھالال ئىشنىڭ ئىچىدە ئاللاھ ئەڭ يامان كۆرىدىغىنى تالاق( يەنى ئاجرىشىش)!!!

qaraxani

	ئاتا-ئانىنىڭ ياكى 3-شەخسنىڭ چات كېرىۋېلىشى بىلەن نىكاھدىن ئاجرىشىپ كەتكەنلەر بەك كۆپ،.......يولدىشىڭىزغا مېنىڭمۇ كۈلگۈم كەلدى،ئۇ نىمىشقا ئىككى ئېغىز گەپ قىلىپ ئارىدىكى ئۇقۇشماسلىققا چۈشەنچە بېرىپ مەسىلىنى ھەل قىلماي،تويى بولىدىغان قىز بالىدەك يىغلاپ يۈرگەندۇ...بىر ھېساپتا ئۇنىڭدىن ئايرىلغىنىڭىزمۇ ئورۇنلۇقتەك تۇرىدۇ،بۇ نىكاھنى قوغداپ قالالمىغان ئەردىن چوڭ ئۈمۈد كۈتكىلى بولامدۇ؟

yikqi

	ئائىلدە شەخسىيەتچىلىك كۇچەيسە ئاجىرىشىش كوپىيىدۇ ،ئاتا -ئانا بولغۇچى بەدەل تۇلەشنى بىلسە ئىدى بالىلار يىتىم بولمايتى .

پادىشاھ

	نىكاھتىن ئاجرىشىش نىسبىتىدە مىللىتىمىز مەملىكەت بويىچە ئالدىنقى ئورۇندا تۇرىدۇ.بۇنىڭ ئۆزى ئۇيغۇر جەمئىيىتى ۋە مىللىتىگە نىسبەتەن يامان تەسىرلەرنى پەيدا قىلىدۇ.يەنى ئۇ بالايى ئاپەت خاراكتېرلىك يامان ئاقىۋەتلەرنى كەلتۈرۈپ چىقىرىدۇ.بۇنىڭغا مىسال ئېلىپ ئولتۇرۇشنى راۋا كۆرمىگەچ بولدى قىلدىم.خوش ئۇنداق بولسا نىكاھدىن ئاجرىشىشقا زادى نېمىلەر سەۋەبچى بولۇۋاتىدۇ؟ مەنچە بولغاندا نىكاھدىن ئاجرىشىشقا ئاساسلىق سەۋەب بولۇۋاتقان مەسىلىلەرنىڭ بىرى چۈشىنىشمەسلىك.ياشلىرىمىز نىكاھتىن بۇرۇن بىر-بىرىنى تولۇق چۈشەنمەيدۇ.يەنى يېزىلاردا بولسا ئاتا-ئانا تېپىپ بەرگەن لايىق بىلەن توي قىلىدۇ. ئۆزلىرى تېپىشتى  دىگەندىمۇ  قارشى تەرەپنى چۈشەنمەيدۇ ياكى ئاز چۈشىنىدۇ نىكاھدىن كېيىن يا ئۇنداق ياكى بۇنداق سەۋەبلەر بىلەن ئاجرىشىشقا مەجبۇر بولىدۇ. مەسئۇلىيەتچانلىق ئىدىيىسى تۆۋەن:بىر قىسىم ياشلىرىمىزنىڭ مەسئۇلىيەتچانلىق ئىدىىسى تۆۋەن ئۆز مەجبۇرىيىتىنى ئادا قىلىشنى خالىمايدۇ.نىكاھ مۇھەببەتنىڭ قەبرىسىدۇر.نىكاھتىن كېيىن ئۇلار مۇھەببىتىنى پەرۋىش قىلىپ تۇرمايدۇ بىر-بىرىگە كۆڭۈل بۆلۈشنى خالىمايدۇ. ھەر كىم ئۆز ئىشى بىلەن بولىدۇ.ياشلىرىمىزنىڭ كاللىسىدا ئايال كىشى خۇددى مالايغا ئوخشايدۇ ئەر بولغان كىشى ئۆي ئىشىدا ئايالىغا ئازدۇر -كۆپتۇر ياردەملەشمەيدۇ . نىكاھلىنىشتا ياخشى كۆرۈشلا كۇپايە قىلمايدۇ .يەنى نىكاھلىنىشاتا مەلۇم جەھەتتىن ئىقتىسادى ئاساس بولمىسا بولمايدۇ ئىقتىسادى ئاساسى ئاجىز بولغاندا نىكاھتىن كېيىن ھەر خىل زىدىيەتلەر كېلىپ چىقىدۇ يامىنىغا بارغاندا نىكاھتىن ئاجرىشىشقا توغرا كېلىدۇ. ھورۇنلۇق.نۆۋەتتە بىزنىڭ ياشلىرىمىزدا جاپا تارتىشنى خالايدىغانلار ئانچە كۆپ ئەمەس.بىر قىسىم ياشلىرىمىز نىكاھدىن كېيىن ئىش قىلىشنى خالىمايدۇ بىر ھەپتە ئىشلىسە بىر بەچچە كۈن يېتىپ يەيدۇ.ھەتتا خوتۇنىنىڭ تاپقىنىغا شۈكرى قىلىپ تۇرىدىغانلارمۇ ئاز ئەمەس.يازدا تۇغقان يوقلاش سەۋەبى بىلەن جەنۇبىي شىنجاڭغا بارغاندىم تۇغقنىمىزنىڭ 35ياشلارنىڭ قارىسىنى ئالغان ئوغلىنىڭ ئەتىدىن -كەچكىچە ئىچى--چېكىپ يۈرگىنىنى كۆرۈپ قالدىم ۋە   -ئىشلىمەمسىز دەپ سوراپ سالدىم. -نەدىكى ئىشنى ئىشلەيمەن دىدى ئىككىلەنمەستىنلا ئۇ. -ئىش دىگەن خېلى كۆپقۇ دىيىشىمگىلا ئۇ سەل خاپا بولغان قىياپەتتە. _سىزمۇ دادامغا ئوىشاش گەپ قىلىدىكەنسىز،مەن دىگەن ئالىي مەكتەپنى ئوقۇغان ئادەم ئۇنداق قارا ئىشلارنى قىلسام بولمايدۇ دىدى زەردە بىلەن.ئاڭلىسام ئۇ ئايالىنىڭ تاپقان پۇلىنى خەجلەپ ئۆتىدىكەن.بۇ جايدا بۇنداقلار ساماندەك كۆپ ئىكەن باغچىغا كىرىدىغان بولسىڭىز ياشلىرىمىز سايىلارنىڭ ئاستىدا ئۈستەللەرنى قويۇۋېلىپ ئىچىش-چېكىش بىلەن مەشغۇل ئىكەن دىمەك شۇنداق بولغاندىن كېيىن نىكاھتىن ئاجرىشىدىغان ئىشلارمۇ كۆپ بولۇپ تۇرىدىكەن. يەنە بىرى چوڭ يەپ-چوڭ ئىچىش.كونىلاردا ئۆرۈك-ئۆرۈكنى كۆرسە ئالا بوپتۇ دەيدىغان سۆز بار   قاتار چاي،رەڭلىك سورۇنلار ياشلىرىمىزنىڭ ھەتتا ئوتتۇرا ياشتىكىلەرنىڭ نىكاھدىن ئاجرىشىشىغا ئاساسلىق سەۋەب بولۇۋاتقان ھادىسىلەرنىڭ بىرىدۇر. مودىغا بېرىلىش مۇ نىكاھدىن ئاخرىشىشقا سەۋەب بولۇۋاتقان ئامىللارنىڭ بىرى ھېسابلىنىدۇ. يىغىپ ئېيتقاندا ئۇيغۇرلاردىكى چۈشكۈنلۈك،ئەرلەردىكى مەسئۇلىيەتسىزلىك،مەيخورلۇق،ئەخلاق جەھەتتىكى ئەر -ئايالارنىڭ بۇزۇلۇشى،ئىمانسىزلىق قاتارلىق ئامىللار نىكاھدىن ئاجرىشىشىمىزغا سەۋەبچى بولماقتا.

MiRul

	سىتاسكىغا قارىسا خۇددى بىر يىلدا ھەممە تۇغۇلغان بالا يىتىم بۇلۇپ قالغاندەك بىلنىدىكەن ئەگەر سىز ئۆز كۆزىڭىز بىلەن شۇ نىكاھدىن ئاجىرشىۋاتقانلارنى كۆرگەن بولسىڭىز ئاندىن بېلەتتىڭىز، بەزىلىرى ئالدىڭىزغا ئاجىراشقىلى يىل 2  3 قېتىم كېلىپ تۇرىدۇ، بۇلارنىڭ ئىچىدە قىزلار كۆپرەك، توي قىلىپ 1  2 ئاي ئولتۇرۇپلا خېتىمنى بەر دەپ ئاتا-ئانسىنىڭ ئۆيىگە بېرىۋېلىپ كەلگىلى ئۇنماي ئارىدىن تويلۇق مال-مۈلۈك ئۈندۈر ۋېلىش مەقسىتىدە توي قىلىدىغانلار كۆپىيىپ كېتىۋاتىدۇ، ئىش قىلىپ سىلەرنىڭ يۇرۇتتا ئۇنداق بولماسلىقى مۇمكىن، لېكىن بىزنىڭ يۇرۇتتا شۇنداق ئىشلار كۆپىيىپ قالدى، ھەتتا بىر توي قىلىپ ئاجىرشىپ كەتسەم دەيدىغانلارمۇ ئاز ئەمەس، ئۇلارنىڭ نېمە مەقسىتى بار ئۇنى بىلمىدىم، بىراق مۇشۇ ئۇلارنىڭ نەزرىدە مودا بولسا كېرەك..

نۇرنىسا

	مىنىڭچە ھازىرقى تۇپكى سەۋەپ « مەسئۇلىيەت»، ئەرنىڭ مەسۇلىيتى نىمە، ئايالنىڭ مەسۇلىيتى نىمە؟ ، مەسئۇلىيەت تۇيغۇسى بىزلەردە قانچىلىك؟ شۇ مەسئۇلىيەتنى ئادا قىلالىدۇقمۇ؟؟؟ ئەر «ئەر»دەك بولالىدىمۇ؟ ئايال« ئايال»دەك بولالىدىمۇ؟ ئەر ئايالنىڭ ھەققىنى ئورۇندىدىمۇ؟ ئايال ئېرىنىڭ ھەققىنى ئورۇندىيالىدىمۇ؟..... بىراۋلارنىڭ نىھكاھنى  زەمبىل كۆتۇرۇشكە ئوخشاتقانلىقى يادىمدا، دەر ھەقىقەت شۇنداق ئەمەسمۇ؟

barisjan

	مېنىڭچەقەشقەردىكى ئاجىراشقانلارنىڭ نىسبىتى باشقاۋىلايەتلەرگەقارىغانداكۆپقۇدەيمەن.

kalbim35538

	ياخشى تىما يوللاپسىز قىرىندىشىم.... ئاللاھ ئەجرىڭىزنى بەرسۇن...

shiwirghan

	پادىشاھ ئالىيلىرىنىڭ سۆزىنى قۇۋەتلەيمەن . بۇ ھەقتە كۆپ سۆزلۈگۈم يوق ،چۈنكى قايناپ قالغۇدەكمەن .مېنىڭچە توي قىلماقچى بولغان قىز-يىگىتلىرىمىزگە تەۋسىيە قىلىدىغىنىم: ئالىم ئابدۇشۈكۈر مۇھەممەد ئىمىننىڭ ‹ئائىلە› ناملىق كىتابىنى ئوقۇپ ھەقىقىي چۈشىنىپ ،ئويلىنىپ قەدەم بېسىشىنى تەۋسىيە قىلىمەن . ئائىلەڭلەرگە بەخت تىلەيمەن .

faruk063

	möljarli يوللىغان ۋاقتى  2013-1-15 04:13 AM بىر ئىناق ئائىلە قاچانكى ئۈزىنىڭ ئەقىدە - ئەنئەنىسىنى  ... ئېسىل گەپلەر ئىكەن.