بىر نەچچە كۈن بولدى باغداش تورى ياخشى ئېچىلمايۋاتىدىغۇ ؟ بۇ نىمە ئىش ئەمدى؟

ئىشلىتىش

بۇ مەزمۇن 518قەۋەتتىكى taturyulدە2012-10-18 16:45يوللىغان يازمىسىغا نەقىل :
ئەزىز قىرىنداشلىىرىم  بۇ بىرقانچە كۈندىن بىرى باغداش مۇنبىرى تېخنىكىلىق كاشىلا تۈپەيلى ئازىراق نۇرمالسىزلىقلار كۆرۈلدى بۇ مۇناسىۋەت بىلەن مۇنبەرنى زىيارەت قىلىش جەريانىدا ئەزالىرىمىزگە مەلۇم قۇلايسىزلىقلار ئېلىپ كەلگەن بۇلسا سەمىمىي كەچۈرۈم سورايمىز ! ئەڭ قىسقا ۋاقىت ئىچىدە كۆرۈلگەن كاشىلىنى ئەسلىگە كەلتۈرۈشكە تىرىشىمىز !!!

سىز باشقۇرغۇچىمۇ ؟

ئۇف، بۇ 48 بەت ئىنكاسنى ئاران كۆرۈپ بولدۇم......
تېمىنىڭ داۋامىنى ئىز قوغلاپ كۆرىمەن، ھەرگىزمۇ يېرىم يولدا بەل قويۇۋەتمىگەيسىز،پارتىيىمىز ئادىل، قانۇنغا خىلاپ يېرى بولمىغاندىكىن چوقۇم ھەل بولىدۇ، بۇ پەقەتلا ۋاقىت مەسىلىسى.....

بۇ تېما نەچچە كۈندىن بېرى چۆلدەرەپ قالدىغۇ؟

يېڭى خەۋەرلەردىن ئۇمىد كۇتۇۋاتىمىز  !!!  ئاللاھ  يوللىرىمىزنى ئاسان قىلغاي !!!

بىر قانچە كۈندىن بۇيان مۇنبەردىكى تېخنىكىلىق كاشىلىلار سەۋەبىدىن ئىنكاس يىزىشقا ئامالسىز قالغاچقا كۆپچىلىككە ئالدىنقى ئىنكاسىمدا تىلغا ئالغان ئانا تىل مەكتەپلىرىنى قانداق قىلىپ ئانا تىل يەسلىلىرىدىن باشلاش سۈپەتلىك  قۇرۇپ چىقىش پىلاننى يېزىپ چىقىش ئۈچۈن مۇناسىۋەتلىك ئىلمى ماتېرىيال ۋە دۆلەت سىرتى ۋە ئىچىدىكى  ئۆرنەك ئۈلگىلەرنى تىپىپ رەتلىدىم ۋە دەسلەپكى نۇسخىسىنى پۈتتۈرگەن بولدىم  .بۈگۈن بۇ پىلاننى قايتىدىن كۆزدىن كەچۇرۇپ ئۇنىڭ يەنىلا ئەمىلى  بولمىغانلىقىمنى ھاياجانغا بەكرەك ئېتىبار بىرىپ شۇئار تۇسىنى ئىلىپ  قالغانلىقىنى  بايقاپ ئالدىراپ گۈلەننى ئىزدەشكە تۇتىش قىلمىغانلىقىم ۋە مۇنبەرگە يوللىمىغىنىممۇ بوپتۇ دەپ ئويلاپ قالدىم .بۇ تۈرنىڭ قوللىنىشچان ۋە قوللاشچىل بولىشىنى قولغا كەلتۈرۈش ئۈچۈن يەنە ئىشلىسەم بولغىدەك دەپ قالدىم   بىراق زامانىدىن پاكزات ئەپەندىمنىڭ شىنجاڭ بالىلار پېداگوكىكا مەكتىپىدە خىيالنى چوڭ قىلىپ كىلەڭسىز بولۇۋالماي ئىشنى كىچىكتىن يەڭگىل باشلاڭلار دېگەن سەمىمى تەكلىپى بويىچە ئالدى بىلەن كىچىك بولىسمۇ باشلاش مۇھىم بولغاچقا كومپيۇتېرىمنى ئىسىپ چوڭ خىيال قىلىپ تۇرۇپ قالغۇچە باغداش تورى ئازراق ئوڭشالغان بۇ ۋاقىتتا كىچىك بولسىمۇ رىيال قەدەم ئالاي دەپ  ئەمدى سىرىتقا قاراپ مېڭىشىمغا دوستمىز مىنى ئىزدەپ كىلىپ قالدى . بۇ شەخسى ئىشنى مۇنبەرگە يېزىپ نېمە قىلارسىز دىمەڭ چۈنكى بۇ دوستىم باغداش توردىن مىنىڭ بۇ تىمىدىكى يازمىلىرىمنى كۆرۈپ ئەنسىرەپ قاپتۇ . مەخسوس مۇشۇ تېما ھەققىدە مەن بىلەن پاراڭلاشماقچى ئاتايىن كەلگەن ئىكەن
دوستۇم مەن دەملەپ چىققان چاينى ئالدىغا قويار قويماس مەندىن بۇ ئىشنى دەرھال توختىتىشىمنى ھىچ قانداق يۇز خاتىرە قىلماي ئۇدۇللا ئىيتتى .ئۇنىڭچە مەن لۇشۈن ئەپەندىنىڭ ئەسەردىكى ئا كىيۇ دەك بىچارە ئادەمكەنمەن ،بۇنداق كېتىۋەرسەم ئىشىم ئەمەلگە ئاشمىغاننىڭ ئۈستىگە باش ئاغرىقى تېپىۋالىدىكەنمەن

توردىكى بالىلارغا ئويۇن قويۇپ بىراۋاتىسەن،زىھىنىڭىنى ئىسراپ قىلىۋاتىسەن  - دېدى ئۇ ماڭا - ئاتا بولغان چوڭ چوڭ ئادەم تۇرۇقلىق  باغداشنىڭ قىلىچ ئوينىتىۋاتقان مايمۇنغا ئايلاندىڭ .بۇ بېكەت تىماڭنى قوللاپ ئەمەس  ئادەم يىغىۋىلىش ئۈچۈن ئىچىپ بەردى.توردىكى كىچىك بالىلارمۇ قوللاۋاتىدۇ ئازراق چوڭ بولغانلىرى بولسا  تاماشا كۆرىۋاتىدۇ . تور دېگەن تور ئاداش ،بۇ يەردىكى گەپلەرنى ھەممىسى يالغان راست بولغان تەقدىردىمۇ قولىدىن ئىش چىقمايدىغان كىچىك بالىلارنىڭ گەپلىرى شۇ ... 
ئۇنىڭ بۇ گىپىدىن ئاچچىقىم كىلىپ ئەمدە بىر نەرسە دەي دەپ تۇرۇشۇمغا ئۇ ماڭا سۆزلەش پۇرستنى بەرمەيلا گېپىنى داۋام قىلدى
- ئەمما بۇنىڭدىمۇ چاتاق بولغان ئىش،  سەن يەنە مۇشۇنداق كېتىۋەرسەڭ ئەمەلدارلارنىڭ نەزىرىدە   شىنجاڭدا توختىماي غىڭشىۋاتقان پاشىغا ئوخشاپ قالىسەن. ئادەم بىزار قىلغان پاشانىڭ ئاقىۋىتى بەك يامان بولىدۇ .ئۆزەڭنى ئاسراي دىسەڭ  بۇ ئاقى چىقمايدىغان ئىشىڭنى يىغىشتۇرغۇن
 ماڭا قىلغان گەپلىرى بىر ئاز ئىشىپ كەتكەن بولسىمۇ بۇ دوستۇمغا قاتتىق گەپ قىلمىدىم چۈنكى ئۇنىڭ بۇ سۆزلىرى  تىگىدە كىشىنى ئېچىندۇرىدىغان كەچۈرمىشنىڭ كۆمىلىپ تۇرغانلىقىنى بىلگەچكە ئۇنىڭ بىلەن گەپ تاكاللىشىپ يۈرۈشنىڭ   دىلىنى ئاغرىتىشتىن باشقا نەتىجە ئىلىپ كەلمەيدىغانلىقىنى پەملىدىم . دەرۋەقە ئۆتمۈشتە قالغان نۇرغۇن كۆڭۈلسىزلىكلەر ئۇنى ئادەملەرگە ۋە ئەمەلدارلارغا ئىشەنمەس قىلىۋەتكەن ئىدى بىراق ئۇنىڭ ئۆتمۇشنى سۆزلەپ كەلگۈسىگە قاراڭغۇ سايە چۈشۈرۈشى مەسىلە ھەل قىلىدىغان يولى بولالمىغاچقا ماڭا نىسبەتەن بۇ سۆھبەتنىڭ  چوڭ ئەھمىيىتى بولمىدى .لېكىن مىنىڭ  ئۇنىڭ نەشتەردەك سۆزلىرىگە سەۋر قىلىشىم دوستىمىزنىڭ  نەزىرىدە گەپ چۈشەنگەنلىك بولۇپ بىلىندىمۇ قانداق ئۇ قايتىش ئالدىدا ماڭا تىمىدىكى پەقەت «مەكتەپ ئاچالمىسام چەت ئەلگە چىقىپ كىتىمەن »دېگەن بىر ئويىمنىڭ توغرا بولغانلىقىنى  دەپ ئۆتتى ۋە مىنىڭ ئامال قىلىپ چەتئەلگە چىقىپ ئولتۇراقلىشىشمنى تەۋىسسىيە قىلدى . دوستۇمنىڭ دىيىشىچە ئانا تىلدا ئوقۇتۇش ئىلىپ بىرىشنى تەشەببۇس قىلىپ  ئامېرىكا كانادا دىگەندەك دۆلەتلەردە ئانا تىلدا مائارىپ دەيدىغان  خەلقئارالىق تەشكىلات قۇرۇش ۋە بۇ تەشكىلات ئارقىلىق ئىشلىتىلىشى ئۇيغۇر تىلىدەك خەۋپكە دۇچ كىلىۋاتقان مىللەتلەرگە ياردەم قۇلىنى سۇنغىلى بولىدىكەن . گەرچە بۇ تەكلىپ بەك غايىۋى بولغان بىلەن بۇ گەپنىڭ  ئۇنىڭ «ئانا تىلى يەسلىسىنى قۇرۇش يولىدا » دېگەن بۇ تىمىنى  ئەستايىدىل ئوقۇپ چىققانلىقىنى چۈشەندۈرەتتى . مەن ئۇنىڭ قايتىش ئالدىدىكى بۇ پەۋقۇلئادە تەكلىپىگە كۈلۈپلا قويۇپ ئۇنى ئۇزىتىپ قويدىم .مىنىڭ دوستۇمغا نۇرغۇن سۆز قىلغىم بار ئىدى .لېكىن ئەينى ۋاقىتتا بەك كىتاۋى گەپلەرنى قىلىشنى ئەپسىز بىلىپ گەپ قىلىمەن ، مۇنبەر يۇزىدە بۇ ئىنكاسىنى يىزىۋىتىپ مەن دېيەلمىگەن شۇ گەپلەرنى ئېيتىۋالىدىغانغا رۇخسەت قىلساڭلار :
«زارلىنىش   ئاجىزلارنىڭ روھى تەڭپۇڭلىقىنى ساقلاشتىكى قورالى دەيدىكەن  بىراق قولىدىن ئىش چىقىدىغان  كىشىگە نىسبەتەن قاخشاشنىڭ  ھېچقانداق ئەھمىيىتى يوق   .رەھمەت ساڭا  ئېھتىيات قىلىمەن لېكىن   ئۆتمۈشنىڭ ۋەھىمىسىنى  كەلگۈسىگە توسساق قىلىۋالمايمەن ،چۈنكى ھەممىمىز  كەلگۇسىگە قاراپ مېڭىشىمىز  كېرەك   »
 
     
 
      

ئۇھ! ئاللاغا مىڭ شۈكىرى ئاخىرى گەپ قىلدىڭىز، نەچچە كۈن بولدى نەپەس ئالالماي قېلۋاتقاندەك بولۇپ قالغانتىم، قېرىندىشىم ئۇ دوستىڭىزغا مېنىڭمۇ گەپلىرىم بار ئېدى، لېكىن مەنمۇ سىزدەك ئويلۇدۇم، ھەم سىزنىڭ پىكىرىڭىزگە ئەگەشتىم، ئۇ دوستىڭىز توغۇرلۇق گەپ قىلغۇم يوق. داۋاملىق سىزنىڭ ئىشلىرىڭىزغا ئۇتۇق تىلەيمەن، ھەم ھەر ۋاقىت سىزنى قوللايمەن، تېنىڭىز سالامەت بولسۇن! ھارمىغايسىز.

سۈكۈت، سۈكۈت، سۈكۈت ___ ئۆلۈمدىن دېرەك بېرىدۇ . بىز چوقۇم ھىچبولمىغاندا قانۇنى ھەق-ھوقۇقلىرىمىزنى بولسىمۇ قايتۇرۇپ ئېلىشىمىز كېرەك! ئەركىنلىك ھاياتتىن قىممەت!
قورقۇنچاق ۋە نادان كىشلەر بىلەن تولۇپ كەتكەن جەمئىيەتتە جەسۇر ۋە ئاقىل كىشىلەرنىڭ ئىشلىرى ئۇلارغا كۈلكىلىك، ئەخمىقانە تويۇلىدۇ . قانۇنى يول، ئىشىنىڭكى سېپىڭىزدە نەچچە مىڭلىغان پىشقان، ئاقىل ، مەردانە قېرىنداشلىرىڭىز بار!

تورداشلار ، بۇ تىمىغا بەزىلەر كورسە نېرۋىسى غىدىقلىندىغان گەپلەرنى قىلمايلى.

بۇ ئېش بوياقچىنىڭ كۈپى ئەمەس ، چىلاپلا ئالسا پۈتىدىغان ،.. سوغۇققان بولايلى،...

قانۇنى يول ، جۈرئەت -شىجائېتىڭىزگە باركاللا ،...

ھەر ئىشقا بىر  باشچى كېرەك.
بۇ مۇنبەردە ئۇششاق باللا يوق، يالاڭ ئۇقۇمۇشلۇق زىيالىلارنىڭ بارلىقىنى ئىنكاسلارنى ئوقۇسا بايقاپ ئالغىلى بولىدۇ. ياشلار نىڭ بولىشى تېخى ياخشى، نادىر تېمىلارنى كۆرۈپ ئۆزىدە مەلۇم ئۇقۇم ھاسىل قىلىدۇ.
مەن تۆۋەندىكى بىر ئىشىنى يازاي دەپ يازمىغان ئىدىم ،ئەمدى ئىنكاس تەرىقىسىدە يېزىشقا مەجبۇر مەن:
مەن بىر دوختۇر قىزغا 150 يۈەن قىممىتىدىكى بالىلار ئويۇنچىقىنى تەڭلىدىم، ئۇ سۆزلىرىمنى ئاڭلاپ قوبۇل قىلىشقا مەجبۇر بولدى.
مەن دوختۇرنىڭ يېنىغا دورا يازدۇرغىلى كىرسەم 4-5 ئادەم بار ئىكەن، ساقلاپ تۇرسام ئارىدىن 50-55لەردە بىر ئايالغا نۆۋەت كەلدى...
دوختۇرقىز: سىلى نىم بولغانتىلە ؟
بىمار ئايال: گۈەنجىيەن ( <<بوغۇم ياللۇغى>>نىڭ قوشتىلدىكى خاتا تەلەپپۇز قىلىنىشى)بولۇپ قاپتىكەنمەن شۇنىڭغىبى....
_ سىلى بۇ سۆزنىڭ ئۇيغۇرچىسىنى بىلمەملا يە؟ - دىدى دوختۇرقىز ناھايىتى ئىللىقلىق بىلەن ئايالغا قاراپ.
_ بىلمەيدىكەنمەن، شۇ ھەممە ئەدەم شۇنداق دىگەندىكىن...
_ تىلىمىز مۇشۇنداق مېڭىۋەرسە كېيىن ھىچنىمىنى ئۇققىلى بولمايدىغان بولۇپ قالىدىغان ئوخشايدۇ، بۇ بوغۇم ياللۇغى دىگەن گەپ، سىلى خەنزۇچىنى بىلەملا ؟
-ياق ...
مەن بۇ چاغدا كۆڭلۈمدە بىر نەرسىنى ئويلاپ سىرتقا چىقىپ كەتتىم... بىر قەغەز قاپلىق بىنەرسىنى كۆتۈرۈپ كىرسەم  2 ئادەم قاپتىكەن، قىز مەندىن:
- سىلى نىم بولغان ؟ -دىدى.
- مەن بۇلار نىڭ ئىشى تۈگىگەندە ئېيتاي - دىدىم...
ئاخىرى ئادەممۇ قالمىدى
- مەن باياتىنقى سۆزلىرڭىزدىن بەك سۆيۈندۈم، بىزدە سىزچىلىك چۈشەنچىسى بارلاردىن قانچىلىك باردۇ؟ ،سىز ئانچى -مۇنچە تورغا چىقىپ قويامسىز -دىدىم مەن .
-ھە ئە چىقىمەن ...
-توردىكى نامىڭىز ... (دەپ بولۇپلا خاتا سۇئال سورىغانلىقىمنى بايقاپ توختىۋالدىم)
- بۇ ....
ھە ياق خاتا قىپتىمەن، مەن باياتىنقى ئايالغا بەرگەن چۈشەنچىڭىزدىن تولىمۇ تەسىرلىنىپ مۇنۇ ئويۇنچۇقنى ئەكىردىم ،قوبۇل قىلمىسىڭىز  بەك رەنجىيمەن، بۇ سىزنىڭ مۇكاپاتىڭىز .مەن سىزنىڭ ئوغىلىڭىز بارلقىنى بىلىمەن، يەسلىدە كۆزۈم چۈشۈپ قالغان. چوقۇم ئېلىڭ ، بولمىسا كېسىلىمنىمۇ دىمەي چىقىپ كېتىمەن.
قىز جىق گەپ قىلمىدى ئەمما كۆزلىرىدىن ئۆزىدىن ئۆزى ۋە مەندىن رازى بولغانلىقىنى كۆرىۋالغىلى بولاتتى. مەن ئاندىن دورامنى يازدۇرۇپ ناھايىتى مەمنۇنىيەت ئىكىدە چىقىپ كەتتىم ....
مانا بۇ توردىكى ئىلغار پىكىرلارنىڭ پايدىسى بولماي نىمە. قالغانلىرىنى يولداشلار ئوقىسىلا ئەلۋەتتە بىلىۋالالايدۇ.