دوكتۇر شۆھرەت مۇتەللىپ بىلەن قانداق تونۇشتۇم

dilnaz

بىلگەجان ، مېنى توغرا چۇشەنگەنلىكىڭىزگە رەھمەت . سىزنىڭ يازمىڭىزنى ئوقۇپ ئۆزۇمنى ناھايىتى ئازادە ھىس قىلدىم . يەنە بىر قېتىم سىزگە رەھمەت . ئامېرىكا سىياتىل شەھرىدىكى سىستىما بىئولوگىيەسى ئېنىستىتۇتىدىكى گېنتىكا ئالىمى دوكتۇر جوسىف نادىئو (Joseph Nadeau) ئوتتۇرىغا قويغان تۇخۇم ھۇجەيرىلىرى تاللايدىغان مەلۇم تەڭ ئورۇنلۇق گېنلارغا ئىگە بولغن ئىسپىرما ھۇجەيرىلىرىنىڭ كېيىنكى ئەۋلادلاردا بەلگە ئىپادىلىنىشىنىڭ قانداق بولىدىغانلىغىغا قىزىقىپ قالدىم . بۇندىن بۇ ھەقتە ئۇچۇرلار بولسا باغداش تورىدا ئېلاپ قىلىپ تۇرسىڭىزكەن .

dilnaz

بىلگەجان ، سىز بىلەن  باغداش تورىدا سۆزلىشىش پۇرسىتى بولۇپ قالغىنىغا بەكمۇ خۇرسەن بولىۋاتىمەن . سىزنىڭ ئامىرىكىدەك پەن -تېخنىكا تەرەقى قىلغان دولەتتە ئىلىم تەھسىل قىلىۋاتقانلىغىڭىز بىز گە  ئىلھام ۋە مەدەت ، پەخىر ۋە سويۇنۇش تۇيغۇلىرى ئاتا قىلدى .
مېنىڭمۇ قىز -ئوغۇل پەرزەتنلىرىم بار ، مەنمۇ بۇ ئىككى پەرزەنتىمنى سىزدەك قىلىپ تەربىيىلەپ چىقىشنى يەنى سىزدەك چەتئەللەردە ئىلىم تەھسىل قىلىش پۇرسەتلىرىنى قولغا كەلتۇرۇپ ، ياراملىق ئادەم بولۇپ ، ئىنسانىيەت ئۈچۈن توھپە قوشالايدىغان ياراملىق ئادەم قىلىپ تەربىيىلەپ چىقىشنى بەكمۇ ئارزۇ قىلىمەن . سىزنىڭمۇ ئاتا -ئانىڭىز باشلانغۈچ مەكتەپ ئوقۇتقۇچىسىكەن . ئۇلار سىزنى قانداق قىلىپ مۇشۇنداق ھەممە ئادەم ھەۋەس قىلىدىغان ياراملىق ئادەم قىلىپ تەربىيىلەپ چىققاندۇ ؟ ئۆزىڭىزنىڭ تەربىيىلىنىپ چىقىش جەريانىڭىزنى ۋە ئۆزىڭىز باسقان ئەگرى -توقاي يوللارنى ماڭا ھەم بالىلىرىمغا سۆزلەپ بەرسىڭىزكەن . مەن بۇنى ئىككى بالامغا ،بولۇپمۇ چوڭ ئوغلۇمغا ئوقۇپ بېرىپ ، ئۇنىڭغا ئۆرنەك قىلايمىكىن ،سىزدەك ئامىرىكىدەك چوڭ دولەتلەردە ئوقۇش بەل باغلايدىغان ئادەم بولارمىكىن  دەيمەن .
ئاخىرىدا سىزدىن سورايدىغىنىم : يىراق ئەلدە ئۆزىڭىزنى يالغۇز ھېس قىلىپ قالغان چاغلىرىڭىزمۇ بولامدۇ ؟ ۋە ياكى جىددى ئۆگىنىش مۇھىتى ئىچىدە ئۇنداق تۇيغۇلارغا ئورۇن چىقمايمۇ قالامدۇ ؟

dilnaz

dilnaz

bilgejan

dilnaz يوللىغان ۋاقتى  2013-11-29 15:58
بىلگەجان ، سىز بىلەن  باغداش تورىدا سۆزلىشىش پۇرسىتى ب ...

دىلناز خانىم، مەن بۇ ئىنكاسىڭىزنى ۋاقتىدا كۆرمەي قاپتىمەن. باغداشتا بىر مەزگىلدىن كىيىن تېمىغا ئىنكاس يېزىلسا تېما ئىگىسىگە ئۇقتۇرۇش قىلىنمايدىكەن، شۇڭا دىققەت قىلماي قاپتىمەن.
دىگەنلىرىڭىزگە كۆپ رەھمەت، سىز ئۈچۈن شۇنچىلىك ئېلھام بەخىش ئىتەلىگەن بولسام، مەنمۇ بۇنىڭدىن ناھايتى سۆيۈندۈم. مېنىڭ تەربىيىلىنىش جەريانىم مەن ئۈچۈن بەك ئالاھىدىمۇ ئەمەس، بەلكىم ئاتا-ئانامدىن سورىسىڭىز ئۇلارنىڭ باشقىچە كۆز قاراشلىرى بار بولۇشى مۇمكىن. بۇ سۇئاللىرىڭىزغا جاۋاب بىرىش ئۈچۈن مەن سەل خىجىل بولۇپ قالدىم چۈنكى ئۆزەمگە نېسبەتەن مېنىڭ تەربيىيلىنىش جەريانىم ناھايتى ئاددى ھەم ئالاھىدە تىلغا ئالغۇچىلىكىمۇ يوق. مەن باسقان ئەگرى-توقاي يوللار خىلى كۆپ، بۇنىڭ بىر قىسمىنى مىسرانىم تورىدىكى مارشال بىلەن ئۆتكۈزگەن سۆھبىتىمىزدە ئوتتۇرىغا قويغان ئىدىم، قىزىقسىڭىز شۇ تېمىنى كۆرۈپ باقارسىز:

./thread-21125-1-1.html

http://bbs.misranim.com/thread-112330-1-1.html

bilgejan

dilnaz يوللىغان ۋاقتى  2013-11-29 15:58
بىلگەجان ، سىز بىلەن  باغداش تورىدا سۆزلىشىش پۇرسىتى ب ...

چەتئەلدە ئوقۇش جەريانىدا ئۆزەمنى دۇنيادا ئەزەلدىن ھېس قىلىپ باقمىغان دەرىجىدە يالغۇز، غېرىپ، ئىلاجسىز ... ھېس قىلغان ۋاقتىلىرىم ناھايتى كۆپ. ئەمەليەتتە چەتئەلدىكى تۆت يېرىم يىللىق ھاياتىمدا بىرەر ئايمۇ، ھەتتا بىرەر ھەپتىمۇ شۇ خىل ھېسسىياتتىن خالىي ياشاپ باقمىدىم. بۇ توغۇرلۇق ئۇزۇن ھېكايىلەرنى يېزىشىم مۇمكىن، ئەمما ۋاقىتنىڭ يۈگەن سېلىشى بىلەن بۇ ئىشلارغا ۋاقتىم بولمايۋاتىدۇ. كېيىنچە سىز ۋە باشقا ئوقۇرمەنلەر قىزىقىپ ئوقۇغۇدەك بىرەر ئۇزۇن يازما يېزىپ ھېسسىياتىمنى ئورتاقلىشىشىم مۇمكىن.

تۆۋەندىكىسى چەتئەلگە ئوقۇشقا كەلگىنىگە ئۇزۇن بولمىغان بىر ئۇيغۇر قىزنىڭ يازغان شئېرى ئىكەن، فېيىسبۇكتىن كۆچۈرۈپ كەلدىم. چەتئەلدىكى ئوقۇغۇچىلارنىڭ ھېسسىياتىنى خېلى ئوبدان ئىپادىلەپ بىرىپتۇ:


مۇھتاج بولۇپ تەسەللىگە تارىم كەبى قۇرۇپ كەتتىم.

ئۆتۈپ كەتتى قانچە تۈنلەر ھېچ ئۇيقۇ يوق بۇ كۆزلەردە،

كۈندۈزلىرى ئوي-خىيالدا گاھى ئاچچىق كۈلۈپكەتتىم.

سېغىنىشنىڭ ئوتلىرىدا يىگەن ئېشىم زەھەر بولدى،

كۆيدۈم دېسە ئەگەر ھەركىم ئەڭ ئاۋال مەن كۆيۈپ كەتتىم.

دوستلار قىلار نەسىھەتلەر ئۆتۈپ كېتەر بۇ كۈنلەرمۇ،

لېكىن، دەردىم ئازايماق يوق دەرت قوينىغا چۆكۈپ كەتتىم.

بۇلار ماڭا ئاز كەلگەندەك ئازار بېرىپ ئۆزگىلەرگە،

نە بىر چارە چۈشەنمىسە خىجالەتتە ئۆتۈپ كەتتىم.

ئۆتەر كۈنلەر، ئۆتەر تۈنلەر، ئۆتەر ئىقبال ھېچ كۈلەلمەي،

ئامال قانچە ياشاپ شۇنداق بۇ يەرگىمۇ كۆنۈپ كەتتىم. ~

dilnaz

بىلگەجان : يازغان ئىنكاسىڭىزدىن سويۇندۇم . رەھمەت سىزگە .
ئانا يۇرتتا تۇرغان مەندەك بىر ھەدىڭىزدىن سىزگە سالام .
مەن سىزگە چەكسىز چىدام ،غەيرەت ھەم شان -شەرەپلەر تىلەيمەن .سىزنىڭ تۇگۇمەس ئۇتۇقلارغا ئېرىشىشىڭىزگە تىلەكداشمەن .
مەن ھامان سىزدەك ئۇيغۇر ئىنىمنىڭ بولغانلىغىدىن چەكسىز پەخىرلىنىمەن .سىزدىن سويۇنىمەن . بولسا ئىلگىرىكى خەتلىرىمدە يازغىنىمدەك سىزدىن سورايدىغان مەسىلىلىرىم ھامان كوپ ، سىزنىڭ ئېرىنمەي جاۋاپ بېرىدىغانلىغىڭىزغا ئىشىنىمەن .