ئەگەر سىز ئوقۇتقۇچى بولسىڭىز...........

arzuyum

مەنمۇ ئىككى ئېغىز سۆزلەي، مەن يوقۇردىكى تورداشلارنىڭ سۆزلىرىنى ئوقۇپ بىر قىسىملارنىڭ ئىنكاسىدىن سۆيۈندۈم، بىر قىسىملارنىڭ ئىنكاسىنى ئوقۇپ بەك ئەپسوسلاندىم. مەنمۇ بىر ئوقۇتقۇچى، مەن ئوقۇتقۇچى بولغانلىقىمدىن ئىنتايىن شەرەپ ھېس قىلىمەن، ئەگەر ئوقۇتقۇچى بولمىغان بولسا، سىز ۋە مەن موشۇ كومپىيوتېردا مەشغۇلات قىلالامدۇق،  ئەگەر ئوقۇتقۇچى بولمىغان بولسا سىز يوقۇرقىدەك ئىنكاسلارنى يازالامسىز، ئوقۇتقۇچى قاراڭغۇ دىللارنى يورۇتقۇچى نۇرلۇق چىراق، قايسى بىر ئالىم، دوختۇر، ساقچى......لار ئوقۇتقۇچىنىڭ تەربىيىسىنى ئالمىغان، توغرا ئوقۇتقۇچىلار ئىچىدىمۇ ئوقۇتقۇچىلارنىڭ نامىغا داغ چۈشۈرىۋاتقان، كەسپى ئەخلاققا زىت كىلىدىغان ئىشلار بىلەن شوغۇللىنىۋاتقان ئوقۇتقۇچىلارمۇ يوق ئەمەس. لېكىن، مەكتەپلەردە ئۇن-تۈنسىز تۆھپە قوشىۋاتقان، ئۆزىنى بېغىشلاپ ئىشلەۋاتقان ئوقۇتقۇچىلىرىمىز ئاز ئەمەس، ئۆزىنىڭ بالىسىغا كۆڭۈل بۆلەلمەيدۇ، قارىيالمايدۇ ئۆگىنىشىگە يىتەكچىلىك قىلالمايدۇ، لېكىن سىنىپىدىكى ئوقۇغۇچىلىرىغا زىرىكمەي،  تىرىكمەي تەربىيە ئىشلەپ ئۆگىنىشىگە يىتەكچىلىك قىلىدۇ. ئاغرىپ قالسىمۇ يېتىپ ئارام ئالالمايدۇ ، چۈنكى ئۇنىڭ دەرسى بار ئوقۇغۇچىلىرى ئۇنىڭ يولىغا قاراپ تۇرغان بولىدۇ. ئەتتىگەندە شۇنچىلىك ھارغىن ئورنىدىن تۇرغان بولسىمۇ لېكىن مەكتەپكە كىلىپ دەرسخانىغا كىرگەندىن كىيىن ھەممىنى ئۇنتىغان ھالدا دەرس سۆزلەيدۇ. ئوقۇغۇچىلىرىنىڭ ئۆزىگە قاراپتۇرغان جۈپ-جۈپ قاپقارا كۆزلىرىنى كۆرۈپ پۈتۈن ھارغىنلىقلىرىنى ئۇنتۇيدۇ. مانا موشۇنداق ئوقۇتقۇچىلار خېلى كۆپ ساننى ئىگەللەيدۇ.  شۇڭا تورداشلارنىڭ ئىنكاس يازغان دا ئوبدان ئويلۇنۇپ يېزىشىنى ئۈمىد قىلىمەن.

mehrigiyah

مېنىڭچە:
1. ھەر قانداق بىر ئوقۇتقۇچى ئۆز كەسپىنى قىزغىن سۆيۈشى ، ئۆزىدە بار بولغان كەسپى بىلىمنى ئۈزلىكسىز يېڭىلاپ تولۇقلاپ ئۈگىنىپ مېڭىشى كېرەك. يەنە ئۇنۋېرسال ساپاغا ئىگە بولۇشى لازىم. بەزى ئوقۇتقۇچىلىرىمىزنىڭ كەسپى ساپاسى بەكلا تۆۋەن، بىر قىسىم ئوقۇتقۇچىلىرىمىز ھەتتا باشلانغۇچ ئىككىنچى، ئۈچىنچى يىللىقلارنىڭ ماتېماتىكا دەرسلىرىدىكى  بەزى مەسىلىلەرنىمۇ ھەل قىلىپ كېتەلمەيدۇ. مېنىڭچە ئۆز كەسپى بولمىسىمۇ بۇ جەھەتتە دىققەت قىلىش لازىم.
2. ئوقۇتقۇچىلار كەسپى ئەخلاققا ئالاھىدە ئەھمىيەت بېرىش كېرەك. ئوقۇتقۇچىلار كۈندە ئوقۇغۇچىلار بىلەن ئۇچرىشىپ تۇرىدۇ، دېمەك ئۇلارنىڭ يۈرۈش- تۇرۇشى، كېيىم- كېچىكى، گىرىمى، گەپ- سۆزلىرى.......  ئوقۇغۇچىلارغا  بىۋاستە تەسىر كۆرسىتىدۇ. ئوقۇغۇچىلار ئوقۇتقۇچىدىكى بۇ خىل ھالەتلەرنى ئاسانلا ئۆزلىرىگە سىڭدۈرۋالىدۇ. شۇڭا ئوقۇتقۇچىلار مەيلى مەكتەپتە بولسۇن ياكى جەمئىيەتتە بولسۇن، گەپ- سۆزگە دىققەت قىلىشى، پاسونى ئاددىي، ئىلمىي تەسىرگە ئىگە كىيىم كېچەكلەرنى تاللاپ كىيىشى، بەك قېنىق گىرىم قىلماسلىقى كېرەك. بۇنداق بولمىغاندا باشقىلارغا چاكىنا تەسىر بېرىپ قويۇشى تۇرغانلا گەپ.
3. ھەر قايسى ئوقۇغۇچىلارغا باراۋەر، ئادىل مۇئامىلە قىلىپلا قالماي، ئائىلە باشلىقلىرى بىلەن بولغان مۇناسىۋەتكىمۇ دىققەت قىلىش لازىم.
4. ئوقۇغۇچىلار بىلەن بولغان مۇناسىۋەتتە ئۇلار بىلەن مەلۇم ئارىلىق ساقلاش، ئۆزىنىڭ ئوبرازىغا دىققەت قىلىش كېرەك. دېمەكچى بولغىنىم، ئوقۇغۇچىلار بىلەن بەك يېققىنلىشىپ ئۇلارنى ئەركە نايناق ئۈگەتمەسلىك، ھەممە ئىش لايىقىدا بولۇش لازىم. بولمىسا ئوقۇغۇچىلارنىڭ ئالدىدا ئىناۋىتى بولمايلا قالماستىن، ئوقوغۇچىلار بۇ ئوقۇتقۇچىنىڭ گېپىنى ئاڭلىمايدىغان، كۆزگە ئىلمايدىغان بولۇپ قالىدۇ.

tashtar

مېنىڭ بىر تونۇشىم بولىدىغان، ئۇ خىزمەت ئېھتىياجى بىلەن دۆلەت مەمۇرلىقى ۋە ئوقۇتقۇچىلىققا تەڭلا تىزىملىتىپتىكەن، ئۇ ئەگەر ئىككىلىسىگە ئۆتۈپ قالسام مەن قىلچە ئىككىلەنمەي ئوقۇتقۇچىلىقنى تاللايمەن دېگەن ئىدى.
دۇنيادا بىلىم تارقىتىشتىنمۇ ئارتۇقراق شەرەپلىك ئىش بولمىسا كېرەك، بەلكىم ئوقۇتقۇچىنىڭ ئاشۇ بىر سائەتتە تارقاتقان بىلىمىنىڭ ساۋابىنى پەرىشتىلەرمۇ يېزىپ ئۈلگۈرەلمەي قالامىكىن...

irada

ئوقۇتقۇچىلىق كەسپى شۇ خىزمەت بىلەن شۇغۇللانغۇچىلارنىڭ ئاغزىدا سۆيىشىنى ئەمەس بەلكى ئەمىلىيىتىدە سۆيۈشنى تەلەپ قىلىدۇ.
ئوقۇتقۇچىلىق كەسپى شۇئارۋازلىقنى ئەمەس بەلكى ئەمىلى كۆڭۈل بۈلۈشنى تەلەپ قىلىدۇ.
ئوقۇتقۇچىلىق كەسپى بىلىملىك ئىقتىدارسىزلارنى ئەمەس بەلكى بىلىمى ئادەتتىكىچە بولسىمۇ مىتودى ياخشى بولغان ئوقۇتقۇچىلارنىڭ بولىشىنى تەلەپ قىلىدۇ.

ئوقۇتقۇچى باشقىلارنىڭ ئۆزىنى «كۆيۋاتقان شام»دىگەندەك جانسىز نەرسىلەرگە ئوخشىتىشىنى ياكى «ئۆزىنى قۇربان قىلغۇچى» دەپ ئاتىشىنى ئەمەس ئەمەس بەلكى ئەمىلى قوللىشىغا ئىرشىشنى ئۆمۈت قىلىدۇ.
ئوقۇتقۇچى ئىككى بايغا بىر مالاي، ھەتتا بىر نەچچە بايغا بىر مالاي بولۇپ قالماستىن بەلكى ئادەم تەربىيلەش ۋە بىلىم بىرىشتىن ئىبارەت بىردىن-بىىر ۋەزىپىسنى ئورۇندىشىنى ئۆمۈت قىلىدۇ.
ئوقۇتقۇچى ئىككى ئاساسەن خىزمىتىدىكى ساۋاتسىزلار خىزمىتى، مەكتەپ ئۈسكۈنە ئەسلەھەلەر تىزىملىكى ۋە ئوقۇغۇچىلار تىزىملىك خىزمىتىدىن باشقا بارىلىق مەزمۇنلارنىڭ ئىخچاملىنىشىنى ئۆمۈت قىلىدۇ.
ئوقۇتقۇچى شەنبە، يەكشەنبە ۋە تەتىل ۋاقىتلىرىنىڭ كاپالەتكەئىرشىشىنى ئۆمۈت قىلىدۇ.

ئوقۇغۇچى مىجەزى ئىتتىك، قوپال ئەمەس بەلكى كۆيۈمچان ئوقۇتۇچىسىنىڭ بولىشىنى ئۆمۈت قىلىدۇ.
ئوقۇغۇچى مەكتەپنىڭ ئۆز ئەركىنلىكىنى بوغىدىغان تۈرمە ئەمەس بەلكى تايلاپ- سەكرەپ ئوينايدىغان گۈزەل بىر باغ بولىشىنى ئۆمۈت قىلىدۇ.
ئوقۇغۇچى ھەممە ئوقۇغۇچىغا ئوخشاش كۆزدە قارايدىغان ئوقۇتقۇچىسىنىڭ بولىشىنى ئۆمۈت قىلىدۇ.

بىر قىسىم ئاتا ئانىلار پەرزەنتلىرىنىڭ ئوقۇتقۇچىنىڭ ئەمەس بەلكى ھەقىقى بىر ئادەمنىڭ قولىدا تەربىيلىنىپ ئادەمدەك ياشاشنى ئۈگۈنىۋىلىشىنى ئۆمۈت قىلسا يەنە بىر قىسىم ئاتا-ئانىلار پەرزەنتلىرىنىڭ ئوقۇتقۇچىنىڭ يىتەكلىشىدە «يوقىرى نۇمۇر ئىشلەپ چىقىرىدىغان ماشىنا»دەك تەربىيلىنىشىنى ئۆمۈت قىلىدۇ. لىكىن بۇنداق تەربىيلەنگەنلەرنىڭ ئاخىرىدا ئۆزى ۋە جەمئىيەتكە 99نۇمۇرلۇق يۈك بولۇپ قالدىغانلىقىنى ئويلىمايدۇ.

ئوقۇغۇچىلار ھازىرقى ئائىلە، جەمئىيەت، مائارىپ قاتارلىقلارنىڭ ئوخشاش بولمىغان يۆلنۈشتىكى تەربىيىسىدە ھاڭۋاقتى بولۇپ قىلىشتى.
مەكتەپتە سوتسىيالىستىك ئاتىزىم تەربىيىسىنىڭ توغرا خاتا ئۆلچىمى بىلەن تەربىيلەنسە ئائىلىدە دىنى ئىتىقاتنىڭ توغرا خاتالىق ئۆلچىمى بىلەن تەربىيلەنمەكتە، جەمىئيەتنىڭ بىر قاتلىمىدا مىللى مەدىنىيەتنىڭ تەسىرىگە ئۇچىرىدا يەنە بىر قاتلىمىدا غەرىپ مەدىنىيىتىنىڭ تەسىرىگە ئۇچىرىماقتا. پەرزەنتلىرىمىزدىكى كۆز بىلەن كۆرگىلى بولمايدىغان بۇ خىل روھى ھالەت ئۇلارنى ھەقىقەتەن گاڭگىراتتى ۋە ھالسىراتتى.
بۇ خىل موھىتتا تەربىيلەنگەن ئەۋلاتلار نىمىنىڭ توغرا، نىمىنى خاتا ئىكەنى بىلىپ بولالماي ھاڭۋىقىپ يۈرشىدۇ.
بۇ خىل قارمۇ قارشى يۆلنۈشلۈك، كۆپ قاتلاملىق تەربىيە ئاستىدا چوڭ بولغان بىر ئەۋلات كىشىلىرىنىڭ ئىڭىدا ھەرگىزمۇ توغرا خاتانى ئارىيالايدىغان تارازا بولمايدۇ ھەم مەڭگۈ تايماي ماڭىمەن دەيدىغان ئۆزى توغرا دەپ قارايدىغان يولمۇ بولمايدۇ، شۇنداق ئىكەن ئۇلاردا ئىرادە ئەسلا بولمايدۇ.

nur

ئوقۇتقۇچىلىق توغرىسىدا چوڭ گەپ قىلىش ناھايىتى ئاسان . ھازىرقى قېلىپلاشقا ئوقۇتۇش مىتودىنى نەچچە ئون يىللىق مائارىپ تۈزۈلمىسى شەكىللەندۈرگەن. ئوقۇتقۇچىلاردا ئۆزىنىڭ خاھىشى بويىچە دەرس تەيارلاپ دەرس ئۆتىدىغان ھوقوق يوق. ئەمدى قانداق ئوقۇتقۇچىنىڭ لاياقەتلىك بولىدىغالىغاغا كەلسەك ناھايىتى ئاددى.
  1. مۇھەببەت( كەسىپكە ۋە ئوقۇغۇچىلارغا)
  2. مەسئولىيەت[ ئەۋلاتلارنىڭ كەلگۈسىگە، (بۇنىڭ نىمىدىن دىرەك بىرىدىغانلىغىنى ئەقلى-ھوشى جايىدا ئادەملەرگە كۆپ گەپ قىلىش ھاجەتسىز.)]
  مۇشۇ ئىككى شەرتنى ھازىرلىغان ئوقۇتقۇچى مۇنەۋەر ئوقۇتۇچى( بۇنداق ئوقۇتقۇچىلار  ئادەتتە ئۆزىنى كۆز_كۆز قىلىشقا ئۆچ بولغاچقا ئانچە كۆزگە چېلىقىپ كەتمەيدۇ.)

      تەكشۈرپ، تەتقىق قىلمىغان ئادەمنىڭ پىكىر قىلىش ھوقوقى يوق. پەقەت ئۆز بالىسىنىڭ نەتىجىسىگە ئاساسەن ئوقۇتقۇچىغا باھا بىرىش تولۇمۇ ھاماقەتلىك(بىزدە شۇنداق ئاتا-ئانىلار بار). بەزى ئاتا ئانىلار ئۆزلىرى مەسئولىيەتسىزلىك قىلىپ، بالىلىرى يولدىن چىقسا ئاچچىقىنى ئوقوتقۇچىلاردىن چىقىرىدۇ. بۇ جەمىيىتىمىزدىكى ئومومى ئەھۋال. بىز، ئوقۇتقۇچىلارنى قانچىكى تىللىساق ئوقۇتۇش سۈپۈتى شۇنچە تۆۋەنلەيدۇ. سىز قاراپ بېقىڭ ئوقۇتقۇچىلار كەشتىمۇ ئىككى سائەت خىزمەت قىلىدۇ، سەۋەبى شۇكى بۈگۈن ئۆتۈلگەن دەرسنىڭ تاپشۇرۇقىنى ئەتىگىچە تەكشۈرۈپ، ئوقۇغۇچىلارغا  تاپشۇرۇشى كىرەك. ھاقارەتلەنگەن ئوقۇتقۇچى ھەرگىز سىز ئارزۇ قىلغاندەك <<ياخشى ئوقۇتقۇچى>> بولالمايدۇ.
  ھازىر يىلدا بىر قېتىم ئوقۇتقۇچىلارنى<< ھالىڭ نىچۈك>> دىيەلمەيدىغان ، ئادەملەر ئۇلارنى تىللاشقا بەك ئامراق،چۈنكى باشقىلارنىڭ بالىلىرى ئالى مەكتەپكە ماڭسا ،ئۇلارنىڭ بالىلىرى مىشىلداپ ئولتۇرغان، ياكى <<قوناقلىقتا بەڭ چىكىپ ياتقان>>،
    سىزنىڭ قانداق ئادەم بولىشىڭىزدىن قەتئى نەزەر ياخشى تەكلىپلەرنى ئايىماي بىرىش ، ياخشى تەدبىرلەرنى  كۆرسىتىش مەسئولىيىتىڭىز بار ، چۈنكى مائارىپ ھەممىمىزنىڭ. بىراق ئوقۇتقۇچىلارنى  تىللاش ھوقوقىڭىزيوق، چۈنكى سىزمۇ بىر<< جانباقار>> بولىشىڭىز مۇمكىن.

xadiya

ئوقۇتقۇچىنىڭ مەسئۇلىيىتى پەننى بىلىم بېرىش بىلەنلا چەكلەنسە ، ئادەم  ئۈچۈن  ئەڭ موھىم بولغان ئادىمىلىك تەربىيىسىگە سەل قارالسا ، بۇ ئىنتايىن خەتەرلىك . ئەپسۇس ھەقىقى ئادىمىلىكى بىلەن سەبىلىرىمىزنىڭ  قەلبىدىن مەڭگۈ ئورۇن ئالالايدىغان ئوقۇتقۇچىلىرىمىز قانچىلىكتۇ ؟ئوقۇتقۇچى بولماق ئۇنداق ئاسانمۇ ئەمەس ، بۇ كەسىپكە چىن ئەقىدە قىلسا يەنى ئوزىنى بېغىشلاش روھى بوسىلا ئۇنچە تەسمۇ ئەمەس ، ئادەمنى سويۇندۇرىدىغان ياخشى كەسىپ . ئوقۇتقۇچىلار مۇنۇ بىر جۇملە سوزنى ئېسىدە تۇتسا .

   مەن مائاشچىمۇ ياكى مائارىپچىمۇ .
ھازىرقى مائاررىپىمىزنىڭ تەرەققىيات ساپالىق ئوقۇتقۇچىلارغىلا مۇھتاج بولۇپلا قالماستىن تەدبىرلىك مەكتەپ باشقۇرغۇچىلارغا مۇھتاج.
تەدبىرسىزمەكتەپ باشقۇرغۇچىلارنىڭ قولىدا ئىشلەۋاتقان ساپالىق ئوقۇتقۇچىلارنىڭ  ئۆز ۋەزىپىسىنى ياخشى ئادا قىلىدۇ دەپ كېتەلەمسىز؟
مائارىپ تەرەققىياتى ئۆزىنى مىللى  مائارىپنىڭ تەرەققىياتىغا بېغىشلىغان مەكتەپ باشقۇرغۇچىلارغا  مۇھتاج ھەرگىزمۇ شۆھرەتپەرەس،ساختىپەزلەرگە مۇھتاج ئەمەس.
بىر نەچچە  سائەت دەرس بەرمەي  تۇرۇپمۇ مەكتەپ مۇدىرى ۋە مەكتەپ باشقۇرغۇچى ئورۇنلاردا باشلىق  بولغانلار غا ھەيرانمەن..........
ئەمما مەن ھەرگىزمۇ ئوقۇغۇچىلىرىمنى ئالدىمايمەن .....

palta

ئوقۇتقۇچى بولماق ھەقىقەتەنمۇ مۈشكۈل ،بۇنداق دىسەم دەرس بىرىش مۈشكۈلمىدۇ دەپ ئويلىماڭ ،مۈشكۈللىكى بىز بەرگەن بىلىمنىڭ ئوقۇغۇچىلارنىڭ قوبۇل قىلىش قىلماسلىقىدا،ئېيتايلۇق بۇرۇن ئابدۇقادىر داموللام ،مەمەتئېلىي ئەپەندىم قاتارلىقلارمۇ دەرس بەرگەن ،ئولار دەرسنى قانداق بەرگەن؟ئۇلار بەرگەن دەرس خالىس چىن ئىشقىدىن ئۆز ئىختىيارلىقى بويىچە ھەق تەلەپ قىلمايدىغان ئۈگەنگۈسى بارلارنى تەربىيىلەيدىغان ئالىجاناپ مەرتلەرگە خاس بىر خىل ئوقۇتۇش شەكلى،ھازىرچۇ  قايسى بىر مۇئەللىم ھەق بەرمىسە خالىس دەرس ئۆتۈشنى خالايدۇ،بۇرۇنقى مەرىپەتچىلەر ھەقىقى بىلىم بەرگۈچىلەر  ھازىرقى ئوقۇتقۇچىلار بولسا بىلىم ساتقۇچىلار يەنى ياخشى مال بولسا بۇنى ھەممە كىشى تالىشىپ ئالىدۇ  ئەكسىچە بولسا ئۆتمەس ماتا سۈركەپ ساتاغا ئايلىنىپ قالىدۇ،شۇڭا بارلىق ئوقۇتقۇچىلارغا شۇنى خىتاپ قىلىمىزكى بىز ھەرگىز بىلىم ساتقۇچىلار ئەمەس بەلكى ھەقىقى بىلىم بەرگۈچىلەرگە ئايلىنايلى

nusrat

كىچىكىمدىن شۇنداق بىر ئىدىيە سىڭگەن ماڭا < ئوقۇتقۇچىنى ھۆرمەت قىلىش>.
   ئاپام ئوقۇتقۇچى بولغاچقىمىكىن، ئوقۇتقۇچىلارنىڭ جاپاسىنى كۆرۈپ چوڭ بولدۇم. تۇرسا-ئولتۇرسا كاللىسىدا شۇ ئوقۇغۇچىلىرىنىڭ غېمى. ئۆز بالىلىرىغىمۇ شۇنچىلىك قىلار... بەزىلەر <ئوقۇتقۇچىلار ئۇنداغەي، ئۇقۇتقۇچىلار مۇنداغەي...> دېگەندەك گەپلەرنى قىلىمىز. بىراق ئۇنداقلار پەقەت ئوقۇتقۇچىلار قوشۇنىغا سۇقۇنۇپ كىرىۋالغان مىتىلەر خالاس! ئۇلار ھەرگىزمۇ ئوقۇتقۇچىلارغا ۋەكىل بولالمايدۇ، شۇنداقلا ئوقۇتقۇچىلارنىڭ تارتىۋاتقان ئەجرىنى يوق قىلىۋېتەلمەيدۇ. سىزگە بىلىم بەرگەن كىشى مەيلى سىز ھاززىر قانچىلىك يوقىرى ئورۇندا بوپ كېتىڭ، ئۇنتۇپ قالسىڭىز، كۆزگە ئىلمايدىغان قىلىق قىلسىڭىز... سىزنى < دۆتكەنسەن...> دەيمەن.

  مەكتەپ پۈتتۈرۈش ئالدىدا تۇرىۋاتىمەن. كەلگۈسى خىزمىتىم تېخى ئېنىق ئەمەس. مۇبادا تەلىيىم كېلىپ ئوقۇتقۇچىلىقتىن ئىبارەت بۇ يۈكسەك كەسىپنىڭ بىر ئەزاسى بولۇپ قالسام چوقۇم مەسئۇلىيىتىمنى تولۇق ئادا قىلالايدىغان بىر باغۋەن بولۇپ چىقىشىمغا ئىشىنىمەن. ئوقۇتقۇچى ئاۋۋال ئۆزىدە مەلۇم ساپانى يېتىلدۈرىشى كېرەك. بىلىم ساپاسى تۆۋەن ئوقۇتقۇچى ھېسابتا ئوقۇغۇچىلارنى نابۇت قىلىپ قويىدۇ. ئۆگۈتۈش جەريانىدا ھەم ئۆزىنىڭ بىلىم قۇرۇلمىسىنى داۋاملىق يېڭىلاپ تۇرىشى، ئۈزلۈكسىز ئۆگۈنىشى كېرەك. يەنە بىر تەرەپتىن، ئوقۇتقۇچىدا ئوقۇغۇچىلار پىسخىكىسىنى ئايرىيالايدىغان ئەپ بولىشى كېرەك. بولۇپمۇ سىنىپ مەسئۇلى بولغان كىشى بۇ تەرەپتە بەك سەزگۈر بولمىسا، خىزمىتىنى ئۈنۈملۈك ئىشلەپ كېتەلمەيدۇ. ئەخلاق جەھەتتە، يۈرۈش-تۇرۇش جەھەتتە ئوقۇغۇچىلىرىغا ئۈلگە بولىشى كېرەك دېگەننى دەپ يۈرۈش ھاجەتسىز.

  ئىشقىلىپ، ئوقۇتقۇچىلىق كەسپى بىزنىڭ ھۆرمەتلىشىمىزگە ئەڭ ئەرزىيدىغان كەسىپلەرنىڭ بىرى. ھەممە كەسىپنىڭ ئۆزىگە چۇشلۇق جاپاسى ھەم قىممىتى بار. ئەلۋەتتە ھەر ساھەدە ئىشلەۋاتقان كەسىپ ئىگىلىرىگە ئوخشاش ھۆرمەت بىلدۈرىمىز. كەلگۈسىنىڭ ئىز باسارلىرى بولغان ئەۋلادلارنى تەربىيلەۋاتقان سۆيۈملۈك ئوقۇتقۇچىلىرىمىز بىزنىڭ ھەممىدىن بەكرەك قوللىشىمىزغا، دەردىگە يېتىشىمىزگە...مۇھتاج. بارلىق مەرىپەت باغۋەنلىرىگە ئالىي ئېھتىرام بىلدۈرىمەن، ئەلنۇر مۇئەللىمنىڭ يازمىسىغا ھەم رەھمەت.