بىلىمخۇمار: ئىنگلىزچە ئۆگەنگۈچىلەر ئۈچۈن

bilimhumar

بىزنى نېمە بەختلىك قىلىدۇ؟

ئەسلىدىكى يازمىنىڭ ئاپتورى: مايكۇل جوسېفسون
ئۇيغۇرچىلاشتۇرغۇچى: بىلىمخۇمار

ھازىر بەختلىك بولۇشنىڭ ماھىيىتى ۋە سەۋەبلىرى توغرىسىدىكى بىلىملەر كۈنسايىن كۆپىيىپ مېڭىۋاتىدۇ.

ھەممىگە ئايان بولغان بىر نۇقتا شۇكى، بەختلىك بولۇش بىر خىل ھېسسىيات بولۇپ، ئۇ ھەرگىزمۇ بىر خىل ئەھۋال ئەمەس. بەخت خۇشاللىقتىن كۆپرەك نەرسىنى ئۆز ئىچىگە ئالىدۇ. ئۇ ئۇزۇن مۇددەت داۋاملىشالايدىغان راھەتلىك، ساغلاملىق ياكى خۇشاللىق تۇيغۇسىدىن ئىبارەت.

بىزنىڭ بەختلىك بولۇشىمىزنى ئۆزىمىزگە نېمە ئىش يۈز بەرگەنلىكى بەلگىلىمەيدۇ، بەلكى ئۆزىمىزنىڭ ئىچىدە نېمە ئىش يۈز بەرگەنلىكى بەلگىلەيدۇ. باشقىچە قىلىپ ئېيتقاندا، بەخت دېگىنىمىز، ئۆز ھاياتىمىزغا باھا بېرىشتە ئۆزىمىز تاللىغان ئۇسۇلدىن ئىبارەت. ئابې لىنكولىن (Abe Lincoln) مۇنداق دېگەن: «كىشىلەر قانچىلىك بەختلىك بولۇشنى خالىسا، ئادەتتە شۇنچىلىك بەختلىك بولىدۇ.» بىر بۇددا دىنى ماقال-تەمسىلى بىزگە مۇنداق دەيدۇ: ئاغرىقتىن ساقلانغىلى بولمايدۇ، ئەمما ئاغرىقنىڭ ئازابىنى تارتىش-تارتماسلىق ئۆزىمىزگە باغلىق.

ئۇنداقتا، بەختلىك كىشىلەرنىڭ ئەڭ ئورتاق خۇسۇسىيىتى نېمە؟ ئۇ پۇل ئەمەس، ئۇ نام-شۆھرەت ئەمەس، ياكى ئۇ چىرايىنىڭ چىرايلىقلىقىمۇ ئەمەس. ئۇ بىر ئادەمنىڭ ئەقلىمۇ ئەمەس، ياكى تالانتىمۇ ئەمەس. بەلكى، بەختلىك بولۇشتىكى ئەڭ مۇھىم ئىككى ئامىل رازىمەنلىك، ۋە قانائەتلىنەرلىك كىشىلىك مۇناسىۋەتلەردىن ئىبارەت.

بەختنىڭ فورمۇلاسى ناھايىتىمۇ ئاددىي: ئاللاھ ئاتا قىلغان نېمەتلەرنى ساناپ، ئائىلىسى بىلەن دوستلىرىدىن ئوبدان ھۇزۇرلىنىش.

ئېچىنىشلىق بولغىنى شۇكى، ئاددىي ئىش داۋاملىق ئاسان ئىش بولۇپ كەلمەيدۇ.

تەبىئىي خاراكتېرى ئۆز كۆڭلىدە بىر قاراڭغۇ كېلەچەك ۋە ئۈمىدسىزلىكنىلا پەيدا قىلىدىغان كىشىلەر ئۆز كۆڭلىنى قايتىدىن تەربىيەلىمىسە بولمايدۇ. «بەختلىك بولۇش دېگىنىمىز ئۆزى ئىستىگەن نەرسىلەرگە ئېرىشىش ئەمەس، بەلكى ئۆزى ئېرىشەلەيدىغان نەرسىلەرنى ئىستەش» دېيىش بىر ئىش، ئۆزى ئېرىشكەن نەرسىلەر بىلەن ھەقىقىي تۈردە قانائەت ھاسىل قىلىش بولسا باشقا بىر ئىش.

نۇرغۇن كىشىلەر ئىجابىي تەپەككۇر قىلىش ئادىتىنى يېتىلدۈرۈش ئۈچۈن، ئۆزى ئۈچۈن بىر قاتار قاتتىق تۈزۈملەرنى تۈزۈپ چىقمىسا، ھەمدە ئاشۇ تۈزۈملەرگە قاتتىق ئەمەل قىلىشنى ئوبدان مەشىق قىلمىسا بولمايدۇ.

بەزىدە بىر ئادەم مەلۇم بىر مەسىلىگە نىسپەتەن قاراش نۇقتىسىنى ئۆزگەرتىپ، ئۇنىڭ ئۈمىدسىزلىككە تولغان يۈزىنىلا ئەمەس، بەلكى ئۇنىڭ ئۈمىدكە تولغان ئىچكى قىسمىنى كۆرۈپ، يېرىمىدا سۇ بار يېرىمى قۇرۇق ئىستاكاننىڭ قۇرۇق يېرىمىنى ئەمەس، بەلكى سۇ بار يېرىمىنى كۆرسىلا، ئۇ ئادەم بەختلىك بولالايدۇ. يەنە بەزىدە بىر ئادەم ئۆزىنى ئازاب، ئۈمىدسىزلىك ياكى ھەسەتنىڭ پاتقىقىغا پاتۇرۇپ قويماي، ئۆزىنىڭ كۆڭلىنى ياخشى ئوي-پىكىر تەرەپكە، ۋە ئۆزى مىننەتدار بولۇشقا تېگىشلىك نەرسىلەرگە مەجبۇرى ھالدا بۇرىسىلا، ئۇ ئادەم بەختلىك بولالايدۇ.

بىر ئادەمنىڭ ھەر بىر ئىشنىڭ ياخشى تەرىپىنى كۆرۈش ۋە ئىجابىي پوزىتسىيەلىك بولۇش قابىلىيىتى باشقىلار بىلەن ئەھمىيەتلىك مۇناسىۋەتلەرنى ئورنىتىش ۋە ساقلاش ئۈچۈنمۇ ئىنتايىن مۇھىم.

bilimhumar

What Makes Us Happy?

by MICHAEL JOSEPHSON on JANUARY 14, 2015

There is an ever-growing body of knowledge about the nature and causes of happiness.

For one thing, it’s clear that happiness is a feeling, not a circumstance. Happiness is more than just fun or pleasure. It’s a more durable sense of well being.

Our happiness depends not on what happens to us, but what happens in us. In other words, it’s the way we choose to think about our lives. Abe Lincoln said, “People are generally about as happy as they’re willing to be.” A Buddhist proverb tells us that pain is inevitable, but suffering is optional.

So, what are the most common attributes of happy people? Well, it’s not money, fame, or good looks. It’s not even intelligence or talent. No, the two most important factors are gratitude and rewarding personal relationships.

The formula is simple: count your blessings and enjoy your family and friends.

Sadly, simple is not always easy.

People whose natural instincts produce a gloomy outlook and pessimism need to re-train their minds. It’s one thing to say happiness is not getting what you want but wanting what you get; it’s quite another to really be satisfied with what we have.

For many people, it takes discipline and practice to think positively.

Sometimes it’s just a matter of changing one’s perspective, choosing to see and appreciate the silver lining, the half full glass. In other cases, what’s required is refusing to dwell on pain, disappointment, or envy, and instead force one’s mind toward good thoughts, including all the things we should be grateful for.

Interestingly, the ability to maintain a positive attitude is also important in forming and sustaining meaningful relationships – seeing and bringing out the best.

http://whatwillmatter.com/2013/1 ... hat-makes-us-happy/

bilimhumar

alimjanyarkan يوللىغان ۋاقتى  2015-4-7 09:08
ئەسسالامۇئەلەيكۇم ئ‍ەركىن سىدىق ئ‍اكا ماڭا يول كۆرسەت ...

ۋەئەلەيكۇم-ئەسسالام ئالىمجان ئۇكام،

بالىنىڭ ھەر قانداق ئىشتا ئالدى بىلەن ئاتا-ئانىنى رازى قىلىش مەجبۇرىيىتى بار.  مۇشۇنداق بىر نۇقتىدىن قارىغاندا، سىزنىڭ ھازىرقى قارارىڭىز مېنىڭچە توغرا بولۇپتۇ.  يەنە بىر تەرەپتىن، ئاتا-ئانا سىزگە بىر ئۆمۈر ھەمراھ بولالمايدۇ.  يەنى ئاتا-ئانىلار بالىدىن بالدۇر كېتىپ، ئۇنىڭدىن كېيىن بالا ئۆز ھاياتىنى ئۇلار يوق ھالەتتە ياشاپ ماڭمىسا بولمايدۇ.  ئوقۇش سىزنىڭ ھاياتىڭىز ئۈچۈن تولىمۇ مۇھىم.  شۇڭلاشقا ئەگەر ئاتا-ئانىڭىزنىڭ قىيىنچىلىقىنى باشقا بىرەر يول بىلەن ھەل قىلالىسىڭىز، ھازىرقى ئوقۇشتىن ھەرگىزمۇ ۋاز كەچمەڭ.  ياخشى پۇرسەتلەر داۋاملىق كېلىۋەرمەيدۇ.  مەن سىزگە ئوڭۇشلۇق تىلەيمەن.

jawlanay

BOREBEG يوللىغان ۋاقتى  2015-4-6 05:00
ياخشى باشلىنىش بۆپتۇ  . بۇنداق بولغاندا تىل ئۇگەنگۇچىل ...

ئەسسالامۇ ئەلەيكۇم، بىلىمخۇمار قېرىندىشىم، ئىشلىرىڭىزغا ھەرۋاقىت ئۇتۇقلار يار بولسۇن..  سىزدىن بىر مەسلىھەت سورىغۇم كەلدى. ئوغلۇم بۇيىل 15 ياشتا، ۋەتەندە خەنزۇ تىل مەكتىۋىدە تولۇقسىز 3 - يىللىقتا ئوقۇيدۇ، قانچە كۇچىسەممۇ ئېنگىلىس تىل سەۋىيەسى يۇقۇرى كۆتۇرۇلمەيۋاتىدۇ. مەن قانداق قىلسام ئوغلۇمنىڭ ئېنگىلىس تىلى سەۋىيەسىنى ئۆستۇرۇشىگە ياردەم بېرەلەرمەن. ئوغلۇمنى ئالى مەكتەپنى چەت ئەلدە ئوقۇتۇش ئارزۇيۇم بار ئىدى.

BOREBEG

ئەسسالامۇ ئەلەيكۇم، بىلىمخۇمار قېرىندىشىم،

ئىنكاسنى خاتا نەقىل ئېلىۋاپسىز  ..

izdan1215

رەھمەت  ئەركىن ئاكا  ! نىمە دىگەن ئەتراپلىق سېستىمىلىق ئۇرۇنلاشتۇرۇش بۇ    ھەقىقەتەن  بىلىۋېلىشىمىزغا ۋە شۇنڭغا ئاساسەن ئورۇنلاشتۇرىشىمىزغا ئەرزىيدۇ ، بۇ تىمىڭىز بىزگە بىر  ھەركەتلەندۈرگۈچ كۈچ بولغۇسى  !!!

bilimhumar

jawlanay يوللىغان ۋاقتى  2015-4-7 13:20
ئەسسالامۇ ئەلەيكۇم، بىلىمخۇمار قېرىندىشىم، ئىشلىرىڭ ...

ۋەئەلەيكۇم-ئەسسالام جەۋلاناي قېرىندىشىم،

مەن ئالدى بىلەن سىزدىن سوراپ باقسام:  بۇ ئوغلىڭىزنىڭ قىزىشىنىڭ كەمچىللىكىدىن، ياكى تىرىشىشىنىڭ كەمچىللىكىدىن شۇنداق بولىۋاتامدۇ، ياكى تىرىشسىمۇ ئۈنۈمى ياخشى بولمايۋاتامدۇ؟  مەن مۇشۇ سوئالنىڭ جاۋابىنى بىلگەندىن كېيىن ئاندىن سىزگە مۇۋاپىقراق جاۋاب بېرەلەيمەن.

bilimhumar

كىشىلىك خاراكتېرنىڭ 7 يادرولۇق سۈپىتى

ئىنگلىزچە يازمىنىڭ ئاپتورى: مايكۇل جوسېفسون
ئۇيغۇرچىلاشتۇرغۇچى: بىلىمخۇمار

ھازىر سىز ئۆزىڭىز ئۈچۈن يېڭى يىللىق بىر نىشان تۈزۈۋاتقان ۋاقىتتا، مەن سىزدىن ئۆزىڭىزنىڭ كىشىلىك خاراكتېرى ئۈستىدىمۇ بەزى ئىشلارنى قىلىشنى ئويلىنىپ بېقىشىڭىزنى ئۈمىد قىلىمەن. مەن سىزنى ناھايىتى ياشىنىپ قالغان بىرسى، دەپ ئويلىمايمەن، ھەمدە يۇقىرىدىكى سۆزلىرىم ئارقىلىق مەن سىزنى بىر يامان ئادەم، دېمەكچىمۇ ئەمەس. ئەمەلىيەتتە، بىر ياخشى ئادەمنى تېخىمۇ ياخشىراق ئادەمگە ئۆزگەرتىش، بىر يامان ئادەمنى ياخشى ئادەمگە ئۆزگەرتىشكە قارىغاندا كۆپ ئاسان.

بىزنىڭ بىر ياخشىراق ئادەم بولۇش يولىدىكى كۈرىشىمىز بىزنىڭ ھەر بىر كۈندىكى كىشىلىك تاللاشلىرىمىز ئارقىلىق ئېلىپ بېرىلىدۇ.

بىر قىسىم كىشىلەر پەۋقۇلئاددە ئېسىل كىشىلىك خاراكتېرلەرگە ئىگە بولىدۇ. ئۇلارنىڭ باشقىلاردىن پەرقلىنىدىغان يېرى، ئۇلار ئۆزلىرىدە توغرا ئىشلارنى بىلىش، ۋە شۇنداقلا توغرا ئىشلارنى قىلىش ئەقىل-پاراسىتى (wisdom) ۋە ئارتۇقچىلىقى (strength) نى يېتىلدۈرگەن بولىدۇ. بۇنداق كىشىلەر باشقىلارنىڭ بېسىمىغا ئۇچراۋاتقان، ھەمدە باشقىلار تەرىپىدىن باشقىچە يول تۇتۇشقا قايمۇقتۇرۇلىۋاتقان ئەھۋال ئاستىدىمۇ، يەنىلا توغرا ئىشلارنى بىلىدۇ ۋە توغرا ئىشلارنى قىلىدۇ.

كىشىلىك خاراكتېرنىڭ 7 يادرولۇق سۈپىتى بار. مەن ئۇلارنى «كىشىلىك خاراكتېرنىڭ يەتتە C سى»، دەپ ئاتايمەن. ئۇلار تۆۋەندىكىلەردىن ئىبارەت:

1. ۋىجدان ياكى ئىنساب (Conscience): سىزنىڭ ۋىجدانىڭىز سىزنىڭ ئەخلاقىي كومپاسىڭىز بولۇپ ھېسابلىنىدۇ. ئۇنى ئاسراڭ، ئۇنى ئىشلىتىڭ، ۋە ئۇنىڭغا ئىشىنىڭ.

2. باشقىلارغا ھېسداشلىق قىلىش ياكى ئىچ ئاغرىتىش (Compassion): باشقىلارغا كۆڭۈل بۆلۈڭ، ئۆز ئىمكانىيىتىڭىزنىڭ يار بېرىشىچە باشقىلارغا ئىئانە ۋە ياردەم قىلىڭ، ئۆزىڭىز قىلالايدىغان ھەممە ئىشلاردا ۋە ھەممە ۋاقىتلاردا باشقىلارغا ياردەم قىلىش ئارقىلىق ھېسداشلىقنى يېتىلدۈرۈڭ، نامايان قىلىڭ، ۋە ئىسپاتلاڭ.

3. باشقىلارنىڭ ھالىغا ياكى دەردىگە يېتىش، ياكى باشقىلارنى ئويلاش (Consideration): باشقىلارنى چۈشىنىدىغان بولۇڭ. سىزنىڭ سۆزلىرىڭىز ۋە ئىش-ھەرىكەتلىرىڭىزنىڭ باشقىلارغا قانداق تەسىر كۆرسىتىدىغانلىقىنى ھەر ۋاقىت بىلىپ تۇرۇپ، شۇ ئارقىلىق باشقىلارغا زىيان يەتكۈزىدىغان ئىشلارنى ئازايتىپ، باشقىلارغا ياخشىلىق ئېلىپ كېلىدىغان ئىشلارنى كۆپرەك قىلىڭ.

4. ئۆز-ئۆزىگە بولغان ئىشەنچ (Confidence): ھەر بىر پۇرسەتنى ئۇچراتقاندا ۋە ھەر بىر قىيىن ئۆتكەلگە دۇچ كەلگەندە، سىز ئۆزىڭىزنى ئاشۇ پۇرسەتكە ئەرزىيدىغان، ۋە ئاشۇ قىيىن ئۆتكەلنى يېڭىپ مۇۋەپپەقىيەت قازىنىشقا ئىقتىدارىڭىز يېتىدىغان ئادەم ھېسابلاپ، ئۇ پۇرسەت بىلەن قىيىن ئۆتكەلنى ئۆزىڭىزگە ئىشەنگەن ئاساستا قوبۇل قىلىڭ. باشقىلارنىڭ قايمۇقتۇرۇشى، قىيىنچىلىقلار ۋە كېلىشمەسلىكلەر ئۈستىدىن غالىب كېلەلەيدىغان ئىچكى قابىلىيىتىڭىزدىن قىلچىلىكمۇ گۇمانلانماڭ.

5. جۈرئەت، جاسارەت ياكى غەيرەت (Courage): ئۆزىڭىزنىڭ كىملىكى ۋە ئۆزىڭىزنىڭ ئېتىقادىنى قوغداشقا جۈرئەت قىلىڭ. ئۆزىڭىزنىڭ تەشۋىشلىرىنى تولۇق چۈشىنىڭ، ھەمدە ئۆزىڭىز توغرا دەپ قارىغان ئىشلارنىڭ ھەممىسىنى قىلىشقا جۈرئەت قىلىش ئارقىلىق، ئۆزىڭىزدە بار بولغان بارلىق ئېسىل پەزىلەتلەر (integrity) نى ساقلاپ قېلىڭ. بۇ ئىشلارنى قىلىشتا تۆلەيدىغان بەدەللەر ئۆزىڭىز تۆلەشنى خالايدىغان مىقداردىن ئېشىپ كېتىدىغان ئەھۋال ئاستىدىمۇ شۇنداق قىلىڭ.

ئىلاۋە: ئىنگلىزچىدە كىشىلەرنىڭ ئىنسانلىق سۈپەتلىرىنىڭ جۇغلانمىسىغا ئىشلىتىلىدىغان «integrity» دېگەن بىر سۆز بار بولۇپ، ئۇنىڭ ئىنگلىزچە لۇغەتتىكى ئىزاھاتى مۇنداق: «كىشىلەرنىڭ ئىنسانلىق ئەخلاقى ۋە خىزمەت ئەخلاقى پىرىنسىپلىرىدا چىڭ تۇرۇش سۈپىتى؛ ئەخلاقىي خاراكتېرنىڭ ساغلاملىقى؛ سەمىمىيەتلىك». بۇ سۆز يۇلغۇن لۇغىتىدە «پۈتۈنلۈك، تولۇقلۇق، توغرىلىق، ئادىللىق، ھەققانىيلىق، ئوچۇق ئاشكارىلىق» دەپ ئىزاھلىنىپتۇ. مېنىڭچە بۇ ئىككى خىل ئىزاھاتتا خېلى چوڭ پەرق بار. بولۇپمۇ «integrity» دېگەن سۆزنى كىشىلەرنىڭ ئەخلاقىي سۈپىتىگە ئىشلەتكەندە، يۇلغۇن لۇغىتى كۆرسەتكەن يۇقىرىدىكى سۆزلەر ئانچە ماس كېلىپ كەتمەيدۇ. بولسا ئۇيغۇر تىلشۇناسلار «integrity» دېگەن سۆزگە ماس كېلىدىغان بىر ئۇيغۇرچە سۆزنى تەۋسىيە قىلغان بولسا. مەن ھەر قېتىم «integrity» دېگەن سۆزنى ئۇچراتقاندا، ئۇنى ئۇيغۇرچە توغرا ۋە تولۇق ئىپادىلەشتە قىينىلىمەن.

6. ئۆز-ئۆزىنى تىزگىنلەش (Control):  ئۆزىڭىزنى چۈشۈرىدىغان، شەنىڭىزگە داغ كەلتۈرىدىغان، ياكى سىزنىڭ كەلگۈسى ئىستىقبالىڭىزنى نابۇت قىلىدىغان ھېسسىياتلىرىڭىزنى، تەشنالىقىڭىزنى ۋە نەپسىڭىزنى قاتتىق كونترول قىلىڭ.

7. ئېرىشكەن خىزمەت ئورنىغا لايىق بىلىم ۋە قابىلىيەت جەھەتتىكى سالاھىيىتى (Competence): ئۆزىڭىزنىڭ مەسىلىلەرنى ئەخلاقلىق ۋە ئۈنۈملۈك ھالدا ھەل قىلىشتىكى سالاھىيىتىڭىز، بىلىمىڭىز، قابىلىيىتىڭىز ۋە ئىقتىدارىڭىزنى داۋاملىق يېتىلدۈرۈڭ.

http://bbs.izdinix.com/thread-62250-1-1.html