ياشلىق خاتىرىلىرى

ئاپتورى:يۈسۈپجان سۇلايمان

باھاسى:15.00

2003-يىلى 10-ئاي 1-نەشرى

2003-يىلى 10-ئاي 1-بېسىلىشى

تىراژى:1-3000

ISBN:7228082583

ئاپتورنىڭ تەرجىمىھالى

يۈسۈپجان سۇلايمان (ئەسلىي ئىسمى يۈسۈپجان زاكىر) 1968-يىلى 9-ئاينىڭ 10-كۈنى قەشقەر يېڭىسار ناھىيىسىنىڭ لومپا يېزىسىدا تۇغۇلغان ، ئەگۇس يېزىسىدا چوڭ بولغان باشلانغۇچ ۋە تولۇقسىز ئوتتۇرا مەكتەپنى ئەگۇس يېزىدا تاماملاپ ، تولۇق ئوتتۇرا مەكتەپنى بىر مەزگىل ئوقۇغاندىن كېيىن توختاپ قالغان ھەمدە 1986-يىلى 10-ئايدا شەرەپ بىلەن ھەربىي سەپكە قاتناشقان . قىسىمدا تۆت يىل چېنىققاندىن كېيىن ، 1990-يىلى 9-ئايدا شىئەن قورۇقلۇق ئىنستىتۇتى ئۈرۈمچى تەلىم – تەربىيە چوڭ ئەترىتى غا قوبۇل قىلىنىپ تەرجىمانلىق كەسپىدە ئوقۇغان . كېيىن تاشقورغاندىكى مەلۇم ليەندە تەرجىمان بولۇپ ئىشلىگەن . 1994-يىلى 2-ئايدا شىنجاڭ ھەربىي رايونى سىياسىي بۆلۈمىگە يۆتكىلىپ كېلىپ تەھرىر بولغان .شۇنىڭدىن بۇيان ، ئۇ «خەلق ئارمىيىسى » گېزىتىدە ئەدەبىي تەھرىر بولۇپ ئىشلەپ كەلمەكتە.

يۈسۈپجان سۇلايماننىڭ ئەدەبىي ئىجادىيەت ھاياتى جەڭچى ۋاقىتلىرىدا يەنە 1988-يىلىدىن تارتىپ باشلىغان ، «خەلق ئارمىيىسى» گېزىتىدە ئېلان قىلىنغان «ۋەتەن سۆيگۈسى» ماۋزۇلۇق شېئىرى بىلەن باشلانغان بولۇپ شۇنىڭدىن بۇيان ئۇنىڭ ئارمىيە ئىچى ۋە سىرتىدا ھەر قايسى مەتبۇئاتلاردا 400 پارچىغا يېقىن شېئىرى ، 60 پارچىغا يېقىن ھېكايىسى ، 60 پارچىگە يېقىن نەسرى ۋە ئەدەبىي خاتىرىسى ، ئۈچ پارچە پوۋېستى ئېلان قىلىنغان . «قارلار جىمىرلايدۇ» ماۋزۇلۇق ھېكايىسى خانتەڭرى ئەدەبىيات مۇكاپاتىغا ، «كېچىنىڭ كۆزى» ماۋزۇلۇق ھېكايىسى «تارىم مۇكاپاتى» غا، «بۆرە» ، «پىغان» ،«يول» قاتارلىق ھېكايىسى ، «قەلب كۈيلىرى» ، «ئانام ئۈچۈن ئېيتقان ناخشىلار» قاتارلىق شېئىرلىرى ئاپتونوم رايونلۇق ئاخباراتچىلار جەمئىيىتىنىڭ گېزىت ئەدەبىيات بەتلىرىدىكى ئەدەبىي ئەسەرلەرنى باھالاشتا ئىككىنچى ۋە ئۈچىنچى دەرىجىلىك مۇكاپاتقا ئېرىشكەن ئۇ ھازىر شىنجاڭ يازغۇچىلار جەمئىيىتىنىڭ ئەزاسى.