يىراق قىرلاردىن ئانا يەرگە سالام

ئاپتورى: ئەختەم ئۆمەر

باھاسى: 10.00

2008-يىلى6-ئاي بىرىنچى نەشرى، 2010-يىلى 12-ئاي بېيجىڭ 3-بېسىلىشى

يىراق قىرلاردىن ئانا يەرگە سالام

مەن دوستلىرىمنىڭ دەۋەت قىلىشى ۋە ياردىمى بىلەن دۇنيا كۆرۈپ، نەزەر كۆزۈمنى ئېچىپ كېلىش مەقسىتىدە 1992-يىلى 11-ئايدىن 1993-يىلى 3-ئايغىچە مۇستەقىل دۆلەتلەر بىرلەشمە گەۋدىسىدىكى بەزى دۆلەتلەر رومىنىيە،تۈركىيە، سەئۇدى ئەرەبىستانى قاتارلىق دۆلەتلەردە زىيارەتتە بولۇپ،ئۇ دۆلەتلەردىكىلەر بىلەن بىزنىڭ ئورتاقلىقىمىز ھەم پەرقىمىز ھەققىدە ئويلىغانلىرىم،شۇنداقلا،چەتئەلدە ئۇچراشقان قېرىنداشلىرىمىزنىڭ ھايات كەچۈرمىشلىرىدىن كۆرگەن – بىلگەنلىرىم ۋە ھېس قىلغانلىرىمنى كەڭ ئوقۇرمەنلرىم بىلەن ئۆز ئارا ئورتاقلىشىش مەقسىتىدە ئەينەن بايان قىلدىم. دۇنياغا نىمە ئۈچۈم تۆرەلدۇق،قانداق ياشاۋاتىمىز ، قانداق ياشىماقچى ، قانداق ياشىساق بولىدۇ؟ دىگەن ھايات يوللىرى توغرىسىدا ئادەتتىكى بىر ئادەم كاللىسى بىلەن كۆزەتكەنلىرىم ، ئويلىغانلىرىمنى پەرداز قىلماستىن ، تۈزلۈك – سەمىمىيەتلىك بىلەن يازدىم.

مېنىڭچە ، بۇ تېخى دەسلەپكى تەسىراتىم ، مەن يەنە پۇرسەت بولۇپ ، سەپەر چىقسا ، تېخىمۇ كۆپ يەرلەرنى كۆرۈشنى ، بۇلۇپمۇ بىزدىن ياخشى ياشاۋاتقان، بىزدىن ياخشى ئويلىيالايدىغان ، سۆزلىيەلەيدىغان ، قىلالايدىغان ،ئىلغار ، زامانغا لايىق ئىنسان تەبىئىتى ، ئەخلاق يولىدا ئۆزىنى بېغىشلىغان ئادەملەرنى كۆرۈپ ئۇلار بىلەن كۆپرەك ئۇچرىشىپ ، پىكىر ھەم تەسىراتىمنى يۇرتۇم خەلقى بىلەن ئورتاقلىشىشنى پەرز دەپ ھېسابلايمەن.