ئوغلۇمنىڭ مۇھەببىتى-قابىلجان

ana

	داۋامىنى ساقلايمەن

320binazar

	داۋامىنى تىزراق يوللىغان بولسىڭىزچۇ؟

Qabiljan

	قەيسەر بىلەن ھېلىقى قىزنىڭ ئىشى قانداق بولدى،ھازىرمۇ ئىزدىشىۋاتامدۇ؟ -شۇنداق،ھازىرمۇ ئىزدىشىۋاتىدۇ.بۈگۈنمۇ ئۇنىڭ بىلەن بىللە كەلگەن. -ئەمسە ئۆزى قېنى، بۇيەرگە كىرمەپتىغۇ؟ -گۈلقىز بىلەن كۆرۈشكىلى دۇكىنىغا كىرىپ كەتتى. -يەنە قەيسەردىن ئەنسىرەپ بىللە كەپسىز-دە،-دېدى قېينىئىنىم مۆمىنجان،-بۇ يەردە بىز بولغاندىكىن ئۆزىڭىز كېلىپ ئاۋارە بولغىچە ماڭا تېلىفۇن قىلىۋەتسىڭىزلا بولىۋېرەتتى. -بۇ گېپىڭىزغۇ توغرا،مەن سىلەرگە مىڭ مىراتىۋە ئىشىنىمەن.لېكىن ھازىرغىچە  سىلەرنىمۇ كۆپ ئاۋارە قىلىۋەتتۇق.ھەممىڭلار  خىزمەتتىكى ئادەم ، ھەربىرىڭلارنىڭ ئۆزۈڭلەرگە چۇشلۇق جىددىي ئىشلىرىڭلار بار شۇڭا سىلەرنى جۇۋاتقۇم كەلمىدى. -ئۇنداق دېسىڭىز بىزنى يات كۆرگەن بولمامسىز،-دېدى قېيناچام،-سىز سىڭلىمنىڭ يولدىشى، قەيسەرمۇ سىڭلىمنىڭ ئۆز بالىسى، دېمەك ھەممىمىزلا ئۆز ئادەم.شۇنداق تۇرسا يەنە نېمىگە تۈزۈت قىلىپ يۈرەتتىڭىز؟ -ئۇغو شۇنداق ئېدى،-دېدىم مەن خىجىل بولغان قىياپەتتە،-لېكىن بۇ قېتىم ئەھۋالدا ئۆزگىرىش بولۇپ قېلىپ مەن ئۆزۈم بىللە كەلمىسەم بولمايدىغان بولۇپ قالدى. -باشقىچە بىرەر ئىش يۈز بەردىمۇ؟-جىددىيلىشىپ سورىدى قېيناننام. -بالا دېگەننى بەك ئەركە چوڭ قىلىۋەتسەك ۋە نىمە دېسە شۇنى قىلىپ بېرىۋەرسەك بەكلا ئۆز بېشىمچى بولۇپ قالىدىكەن.چوڭ-چوڭ ئىشلاردىمۇ ئۆز ئالدىغا قارار چىقارغىلى ئالدىرايدىكەن.قەيسەر بۇ قېتىم بىزگە چوڭ بىر ئاۋارىچىلىق تېپىپ بەردى. -چوڭ ئاۋارىچىلىق دەمىسىز؟!ـ قېيناكام ئابدۇراخمانمۇ جىددىيلىشىپ سورىدى،-ئوچۇقراق ئېيتىڭە، زادى نېمە ئىش بولدى؟ -گۈلقىز ‹‹ئۆيىمىزدىكىلەرگە جىددىي پۇل كېرەك بولۇپ قالدى›› دەپ قەيسەردىن ئون مىڭ كوي پۇل سوراپتۇ. -پۇلنى تېپىپ بەرمىگەنسىز؟،-ھەممەيلەن جىددىيلىشىپ تەڭلا سوراشتى. -مەنغۇ تېپىپ بەرمەي دېگەنتىم لېكىن قەيسەر:‹‹ مەن پۇل تېپىپ بېرىدىغانغا گۈلقىزغا  ۋەدە بېرىپ قويۇپتىمەن،تېپىپ بەرمىسىڭىز زادى بولمايدۇ›› دەپ چىڭ تۇرۇۋالدى. -ئۆيىدىكىلەرگە پۇل لازىم بولغان بولسا ئۆزلىرى ئىزدەپ تاپمامدۇ؟،-دېدى باجام ياسىنجانمۇ سۆھبەتكە ئارىلىشىپ،-قىزىنى ئوتتۇرىغا چىقىرىپ تېخى مۇھەببەتلىشىۋاتقان يىگىتىدىن پۇل سورىغىنى نىمىسى،بۇ ئىشتا بىرەر ئويۇن بارمۇ ياكى بۇ خەق تېگىدىن قويمىچى خەقمۇ؟! -ئۇ تەرىپىنى مەن بىلمىدىم،مەنمۇ بەكلا گۇمانلانغان ئېدىم.شۇڭا باھانە كۆرسۈتۈپ پۇلنى تېپىپ بەرمەي دېگەنتىم،لېكىن قەيسەر چويۇندەك چىڭ تۇرۇۋالدى،پۇلنى تېپىپ بەرمىسەم ئۆينى تاشلاپ چىقىپ كەتكۈدەك ئەلپازى بار تۇرىدۇ.شۇڭا مەنمۇ باشقا ئامال قىلالمىدىم. -بۇ قەيسەرنىزە، تازىمۇ بەغەرەز ئادەم بوپتۇغۇ ئۇ،-دېدى قېيناچام،-ئەمدىلا تونۇشقان بىر قىز بالىنى دەپ ئۆيدىكىلەردىن شۇنچىۋالا كۆپ پۇلنى ئېلىپ ئۇنىڭغا بېرىۋەتسە تولىمۇ ئەخمەقلىق قىلغان بولمامدۇ؟! سىز بۇ يەرگە كەلگەندىن كېيىن قەيسەرنى يولدىنلا ئۇ قىزنىڭ يېنىغا كىرگۈزىۋەتمەي بۇ يەرگە ئېلىپ كىرىشىڭىز كېرەك ئېدى.بىز بۇ يەرلىك بولغاندىكىن ئۇ قىزنىڭ تېگى تەكتىنى،ئاتا ئانىسىنىڭ كىملىكىنى ۋە قانداقراق ئادەملەر ئىكەنلىكىنى سۈرۈشتۈرۈپ باقساق بولاتتى.سۈرۈشتۈرۈشتە ئۇلار ۋەدىگە ۋاپا قىلىدىغان دۇرۇس ئادەملەردىن بولۇپ چىقسا،شۇنداقلا ئۇلارغا پۇل ھەقىيقەتەن شۇنچە زۆرۈر بولۇپ قالغانلىقى راست بولسا  ئاندىن بېرىشنى قارار قىلساق،يەتمىسە بىزمۇ تېپىپ بەرسەك ئاندىن ياخشى بولاتتى.ئەگەر ئۇلار ناچار خەق بولۇپ چىقسا پۇلنى بەرمەيتتۇق،قەيسەرگىمۇ ئەھۋالنى چۈشەندۈرۈپ نەسىھەت قىلساق ئۇمۇ گەپ ئاڭلايتتى.ئەمدى قانداق قىلارمىز؟! ئۇنىڭغا تېلىفۇن بېرىپ چاقىرتىپ كىرەمسىز يا؟   -بايا مەن قەيسەردىن ئۇ قىزنىڭ دۇكىنى يېنىدا ئايرىلغان ئېدىم.ئۇ كىرىپ كەتكەندىن كېيىن مەن سىرتتا بىردەم تۇرۇپ ئەھۋالنى كۈزەتتىم.باشقىچە ئەھۋال بايقالمىغاندىن كېيىن  ئۇ يەردىن كېتىپ بىر سائەتچە ماگىزىن ئارىلىدىم.ئاندىن بۇ ئۆيگە كىرگەنتىم.ھازىرغىچە ئالاھەزەل ئىككى سائەتچە ۋاقىت ئۆتتى. قەيسەرنىڭ ئالدىراڭغۇ مېجەزىدىن ئېلىپ ئېيتقاندا ئۇ دۇكانغا كىرىپلا پۇلنى بېرىۋېتىدۇ.ئەمدى قانچە قىلساقمۇ كېچىكتۇق. بىز شۇ تەرزدە خېلى ئۇزۇن پاراڭلىشىپ ئولتۇردۇق.بۇ ئىش توغرىسىدا خىلمۇ خىل پەرەزلەرنى قىلىشىپ پۇلدىن ۋە قەيسەرنىڭ كەلگۈسىدىن ئەندىشە قىلىشتۇق... كەچتە قەيسەر روھسىز قىياپەتتە ئۆيگە كىردى.بۇ چاغدا باشقىلار ئاللىبۇرۇن قايتىپ كېتىپ بولۇپ  قېينانام بىلەن ئىككىمىزلا قالغان ئېدۇق.مەن ئەتىگەندىن بۇيانقى ئەنسىرەشلەر تۈپەيلى ئۇ كىرىشى بىلەنلا پۇل ئىشىنى سۈرۈشتۈردۈم.   -ئەنسىرىمەڭ،پۇل يېنىمدا،-دېدى ئۇ بىپەرۋا قىياپەتتە.   -بۇ قانداق گەپ،سەن ئالايىتەن ئۇ پۇلنى بېرىش ئۈچۈن كەلگەن ئەمەسمىدىڭ؟! -مەن دۇكانغا كىرىپلا  گۈلقىزغا پۇلنى بەرگەن ئېدىم.لېكىن ئۇ پۇلنى ئالغىلى ئۇنىمىدى. -نىمىشقا؟! -ئۇ يالغان ئېيتىپ مېنى سىناپتۇ.ئەسلى ئۇلارغا پۇل لازىم بولمىغان ئىكەن. -ئۇ ئۆزى شۇنداق دېدىمۇ؟! -ھەئە،ئۆزى شۇنداق دېدى. -ئۇقىزغا سېنى سىناش نېمىگە زۆرۈر بولۇپ قاپتۇ؟! -بىز تونۇشقاندىن بېرى كۆپ سۆزلەشتۇق،ساداقىتىمىز،ۋاپايىمىز توغرىلىق جىق ۋەدىلەرنى بېرىشتۇق.مەن ئۇنىڭغا ئاسانلا ئىشىنىپ كەتكەن بىلەن ئۇ تېخىچە مەندىن گۇمانلىنىپ يۈرگەن ئىكەن.ئۇ مېنىڭ ساداقىتىمنى سىناپ بېقىش ئۈچۈن ئۇزاق ئويلىنىپ ئاخىرى مۇشۇ ئامالنى تېپىپتۇ. -بۇ گەپچە سەن سىناقتىن ئۆتۈپسەن –دە؟! -شۇنداق،ئۇنىڭ سىنىقىدىن ئۆتتۈم،-دېدى قەيسەر تەبەسسۈم بىلەن. -توۋا بۇ زاماننىڭ ياشلىرىنىزە،ئويلىمايدىغان ئويى،ئوينىمايدىغان ئويۇنى يوق ئىكەن،-دېدىم مەنمۇ ئۆز ئۆزۈمگە غۇدۇراپ.بۇ چاغدا ئاللىقاچان كۈن ئولتۇرۇپ كەتكەن ئېدى.بۇنداق ۋاقىتتا قايتىپ كېتەلمەيتتۇق. ئالدىراپلا كەتسەكمۇ قېينانام رەنجىپ قالاتتى.شۇڭا قونۇپ قالدۇق. داۋامى بار

مېھرىما

	بىرىنچى  بولۇپ  مەن  كۆرۈۋالدىم.....                                                 داۋامىنى  كۈتىمەن.....

Qabiljan

	تېمىمىزغا مەرھەمەت قىلغان دوستلارئابدۇخالىق تۇرغۇن ئورۇنلىغان ‹‹كېرەك يوق››ناملىق بۇ ناخشىنى ھوزۇرۇڭلارغا سۇندۇم.كۆرۈپ قويۇڭلار.تېما ئاخىرلاشقاندا بۇ ناخشىنىڭ بۇ تېما مەزمۇنى بىلەن باغلىنىشلىق ئىكەنلىكنى ھىس قىلىپ قالىسىلەر.

uyol

	Qabiljan يوللىغان ۋاقتى  2013-12-27 02:31 PM تېمىغا ئىنكاس يازغانلار ئىچىدە ھەقىقىي مۇھەببەتلىشىپ  ... ئەمسە سىزچە شەرىئەت ئەھكاملىرى ھېچنىمىگە ھېساب ئەمەسكەندە؟

uyol

	ئالىنۇر يوللىغان ۋاقتى  2013-12-27 03:27 PM بىر 17 ياشلىق بالىنىڭ دادىسى بىلەن يۈرىۋاتقان قىزى توغۇ ... توغرا دېدىڭىز قېرىندىشىم

Qabiljan

	uyol يوللىغان ۋاقتى  2013-12-29 12:13 PM ئەمسە سىزچە شەرىئەت ئەھكاملىرى ھېچنىمىگە ھېساب ئەمەس ... سىز تولۇق ئوتتۇرىدا ئوقۇۋېتىپلا شەرئىەتنى بەك بىلىپ كەتكەن ئوخشىمامسىز؟! سىز 21- ئەسىردە ياشاۋاتامسىز ياكى 11-ئەسىردىمۇ؟!

kaqvr

	Qabiljan يوللىغان ۋاقتى  2013-12-29 12:27 AM تېمىمىزغا مەرھەمەت قىلغان دوستلارئابدۇخالىق تۇرغۇن ئ ... ناخشا مەزمۇنىدىن قارىغاندا ئوغۇلنىڭ قىزدىن كۆڭلى قېلىپ  ، كىيىن خاتا قىلغانلىقىنى تۇنۇپ ئائىلىسىگە قايتىپ كىلىدىكەندە ؟

uyol

	Qabiljan يوللىغان ۋاقتى  2013-12-27 10:34 PM -مەنمۇ شۇنداق بولۇشىنى ئۈمىد قىلىمەن.لېكىن بالام،سەن ت ... ئەسسالامۇ ئەلەيكۇم قېرىندىشىم، تېمىڭىزغا يازغان ئىنكاسلىرىمدىن خاپا بولماڭ. مەن پەقەت ئويلىغىنىمنى دەپ باقتىم خالاس، شۇڭا سىزمۇ خاپا بولماي، تەنە قىلماي سەۋىرچانلىق بىلەن جاۋاب بەرگەيسىز، دىل ئازار خۇدا بىزار.  مەنمۇ بۇ مەسلىنى خېلى ئوبداق بىلىمەن ، شۇڭا دىل ئاغرىقى بولمىسا! خوش، تېمىڭىزنىڭ بۇ قىسمىنى ئۇقۇپ تېخىمۇ بەك گاڭگىراپ قالدىم، ئالايلى، سىز ئەسەر بېشىدا ئېيىتقاندا قىزنىڭ ئائىلىسىنىڭ دىنى ئېتقادى كۈچلۈك، تاغىسى ئىمام دەپ ئېيىتقان ئىدىڭىز، ئەمما بۇ قىسمىدا قىزنى ھۈسۈن تۈزەش دۇكىنى ئاچىدۇ دەپ تەسۋىرلەپسىز، سىزچۇ دىنى ئېتقادى كۈچلۈك ئائىلە قىزنىڭ ئاشۇنداق دۇكان ئېچىشىغا يول قۇيارمۇ؟ بۇ يەردە زىددىيەت پەيدا بۇلۇپ قالدىمۇ قانداق؟