ئۇيغۇر يېزىقىدىكى ھەرپلەرنى لاتىن ھەرپلىر

ئىمكان

	سىزنىڭ گىپىڭىزنى چۈشەندىم سىز مۇشۇ يېزىقنى قوللانساق بۇ يېزىق تامامەن ياكى يېرىم يوقىلىپ كېتەرمۇ دەپ ئەندىشە  قىلىۋاتىسىز، بۇ مۇمكىن ئەمەسلا بىر گەپ، ئەگەر مەكتەپلەردە بىزنىڭ مۇشۇ يېزىقىمىزنى چەكلىمىسىلا مۇشۇ يېزىقىمىز داۋاملىق ئاساسلىق ئورۇندا، ULY يېزىقى قۇشۇمچە ئورۇندا تۇرىدۇ. ھازىرقىدەك مۇشۇ بويىچە كېتىۋەرسە بىزنىڭ يېزىقىمىزلا ئەمەس تىلىمىزمۇ يوقىلىپ كېتەرمىكىن دەپ ئەندىشەم بار. نىمىشقا دىمەڭ، كۆپلىگەن ئاتا-ئانىلار ئۆزىڭىزنىڭ تىلىنى كەمسىتكەنلىكتىن بالىلىرىنى خەنزۇچە مەكتەپتە ئوقىتىۋاتىدۇ. ئۇنى ئاز دەپ ھازىر باشلانغۇچ مەكتەپنىڭ بىرىنچى سىنىپىدىن باشلاپلا خەنزۇ تىلى ئۆتىلىۋاتىدۇ. ئەگەر مەكتەپكە يېڭى كىرگەن بالىلىرڭىز بولسا ئۇيغۇر يېزىقى ۋە تىلىنى سىز باشقۇرۇپ چىڭ تۇتمىسىڭىز بارغانسىرى تىلىمىزمۇ خەنزۇچىغا ئۆزگىرىپ كېتىشى ئېنىق.

zapar80

	بۇ نىڭ نىمىدىن دىرەك بىرىدىغانلىقىنى ئويلىمايۋاتامسىلەر؟  بۇدىگەن ئۆزىمىزنىڭ ئاجىزلىقىمىزنى ئىتراپ قىلغانلىق .

Eltekin

	ئىنكاسلارنىمۇ ئوقۇپ چىقتىم ھەم ئۆزۈممۇ ئاددى كاللام بىلەن ئويلىنىپ باقتىم. ئۆز پىكىرىمدە قېلىپ، يەنىلا تىرىشچانلىرىمىزدىن ئۈمىد كۈتىمەن. بىزنىڭ يېزىقىمىزغا ئوخشايدىغان يېزىقلىرى بىلەن كومپيۇتېر ساھەسىدە پۇت تىرەپ تۇرىۋاتقان، يېزىقىمىزنى خەلقئارالاشتۇرۇش، باش مەشغۇلات سېستىمىسىدا نورمال خىزمەت قىلىشقا تىرىشىۋاتقان كىشلىرىمىز ھامان بۇ مەسلىنى ھەل قىلىپ بۇ كونا يېزىقىمىزنى بىمالال ئىشلەتكىلى بولىدىغان قىلالايدۇ. قولۇمدىن ھىچقانداق ياردەم كەلمىسىمۇ ئۇلارنىڭ ئىشىغا بالدۇرراق ئۇتۇق تىلەيمەن. ئىھتىياج بولىدىكەن تەمىنلەش بولىدۇ، ئۆز يېزىقىمىزغا ئىھتىياجىمىزنى ئاشۇرايلى.

Suchi

	ئاپتور جاۋابىنى بويلاپ 15قەۋەت  Eltekin كە 2011-12-22 09:40 PMئەۋەتىلدى 14قەۋەتتىكى(Suchi) نىڭ يازمىسىغا ئىنكاس قالدۇرۇش :       مۇنازىرە مۇنبىرىنىڭ پايدىسىنى يەنە بىر قېتىم كۆرگەندەك بولىۋاتىمەن. ئىنكاسىڭىز كۆپ دەپ ئويلىسىڭىز يەنە بىر قەۋەتكە يازسىڭىز بولىدۇ. قانچە كۆپ سۆزلىسىڭىز بىزنىڭ ئالىدىغان «نەپ»لىرىمىز شۇنچە كۆپ بولىدۇ. ئىنكاسىمنى يېزىپ بولۇپ، ئىنكاسىڭىزنى ئوقۇپ بەزى جەھەتكە يۈزەكى قارىغاندەك بولۇپ قالغانلىقىمنى ھىس قىلىۋاتىمەن. تېمىغا داۋاملىق نەزەر سالاي. توغرىنى قوبۇل قىلىش تولىمۇ زۆرۈر. بولسا بۇ قوشۇمچە لاتىنچە قوللىنىشنىڭ كونكىرىت پايدىسى ۋە رولى جەھەتتە ئېنىقراق دەلىلەرنى كۆرسەتسىڭىز، قاتقان مۇتەسسىپ كاللىمىز ئېچىلىپ قالغۇسى. مەن پىكرىمنى ئاساسى بار دەپ قارىغان خوراز،ئەلتېكىن،ئەتتىرگۈل...... قاتارلىق دوستلارغا رەھمىتىمنى بىلدۈرمەن.ھەمدە يەنىلا ئىنكار قىلىش پوزىتسىيىسىدە بولىۋاتقان دوستلارنىڭمۇ سوغۇققانلىق بىلەن ئىلمى مۇلاھىزە قىلىشلىرىنى ئۈمۈت قىلىمەن(شەخسەن پىكرىم). 1-ئۇيغۇرچىنى لاتىنچىدە ئىپادىلەشنى قېلىپلاشتۇرۇش ھازىرقى زامان كىشىلىرىمىزنىڭ باش تارتىپ بولمايدىغان مەسئۇلىيىتى بولۇپ،بۇ ھەرگىزمۇ يېزىق ئۆزگەرتىش ئەمەس،بەلكى ھازىرقى لاتىن يېزىقىدا ئۇيغۇرچىنى ئۆلچەمسىز ئىپادىلەۋاتقان قالايمىقانچىلىقنى تۈگىتىشتۇر.قېنى كىممۇ بىز لاتىنچىدىن مۇستەسنا ياشىيالايمىز دەپ ئوتتۇرغا چىقالايدۇ.يانفون ئومۇملاشقان مۇشۇ 10يىل مەبەينىدە،ھەممە يانفون ئۇچۇرىدىن خالى ياشىيالماس بولدى،يانفون ئۇچىرىنىڭ بىزگە ئېلىپ كەلگەن قولايلىقىنى دىمەيلا قويايلى،ئەمما بۈگۈنكى كۈندە قايسى بىرىمىز ئۇيغۇرچىنى ھەقىقى ئىپادىلەپ تولۇق مۇكەممەل ھالەتتە ئۇچۇرلىشىپ  باقتۇق؟!ھېيت بايرام بولسا تېلېفونلىرىمىز توختىماي سايراپ ئۇچۇر بىلەن توشۇپ كېتىدۇ،ئېچىپ قارىساق تۇڭگانلار يازغان خەنزۇچە ئۇچۇر ۋە ياكى لاتىنچە 26 ھەرپ بىلەن ئىپادىلەنگەن،ئىپادىلەش مۈمكىن بولمايدىغان جايلىرىنى خەنزۇچە بىلەن يازىلغان ئەبجەش ئۇچۇرنى كۆرىسىز.ئەجىبا مۇشۇنداق قولايسىزلىقلارغا يول قويۇپ قاراپ تۇرساق تۇرىمىزكى،كۆپلىگەن 《مىللەتپەرۋەرلىرىمىز》 مۇشۇ قالايمىقانچىلىقنى تۈزەشتە قاتتىق جاھىللىق قىلىپ،ئالىم مۇتەخەسىسلەرنىڭ جاپالىق ئەجرىنى قوبۇل قىلمايۋاتىدۇ.ئەمما تىرىشچانلىق ھەرھالدا بىكارغا كەتمىدى،ئۆلچەملەك ئۇيغۇر لاتىن يېزىقىدا ئېچىلغان تور بەتلىرىمۇ كۈنسايىن كۆپەيمەكتە،مەسىلەن تەڭرىتاغ تورىنىڭ مۇشۇ يېزىقتىكى نۇسخىسى خېلى مۇۋەپپەقىيەتلىك يۈرۈشىۋاتىدۇ،بۇندىن باشقا چەتئەللەردىكى ۋەتەنپەرۋەر زاتلار،ئالىم ئەدىپلەر ئوتيۈرەك ياشلار ئاچقان ئۇيغۇرچە توربەتلىرىمۇ ئۇيغۇر لاتىن يېزىقىنىڭ ئولچەملىك نۇسخىسىنى قوللىنىۋاتىدۇ،مەقسەت ئۇيغۇرچىنى لاتىنچىدا ئىپادىلەشنى قېلىپلاشتۇرۇشتۇر. 2-دۇنيانىڭ تەرەققىيات يۈزلىنىشىدىن قارىغاندا،بىزدەك دەۋر تەرەققىياتىنىڭ ئارقىدا قالغان مىللەت ئۈچۈن،مۇشۇنداق بىر يېزىق قورالىنى ۋاستە قىلىش،بىز بىلەن دۇنيانىڭ ئارىلىغىنى تېخىمۇ يېقىنلاشتۇرىدۇ.(يۇقۇردا بىر ئىنكاستا بۇنى تولىمۇ خاتا چۈشىنىپ،ئەگەر بۇ يېزىق قوللىنىلسا كېيىنچە دادىسى بىلەن بالىسى ئۆزئارا سۆزلىشەلمەيدىغان ھالەت شەكىللەنمەمدۇ دەپتۇ،كۈلكىلىك گەپتە بۇ،بۇ يەردە تىل ئۆزگەرتىشنىڭ گېپى بولىۋاتقىنى يوق،ئەكسىچە تىلىمىزنىڭ ساپلىغىنى،مۇكەممەللىگىنى ساقلاپ قېلىش ئۈچۈن،ھازىرقى ئۇيغۇرچىنى لاتىن يېزىقىدا ئۆلچەمسىز ئىپادىلەشنى تۈزىتەيلى دىمەكچىغۇ ).ھازىر ھەرقانداق بىر ئۇيغۇر (لاتىنچىدىن قىلچە خەۋىرى يوقلىرىمۇ)ئۆزىنىڭ تاۋار ماركىسىغا لاتىنچىنى ئىشلىتىدۇ،ئۇنداقتا نىمە ئۈچۈن ئىشلىتىدۇ؟ئىشلەتمىسە بولمامدۇ؟بۇ يەردە مەسىلە ئۇنداق ئاددى ئەمەس.بىز دۇنيادىكى ئىلغار مىللەتلەرنىڭ ماددى مەدىنىيىتىنى،ناملىرىنى پەقەت لاتىنچە ئارقىلىق تونۇيمىز،لاتىنچە دۇنيادىكى مىللەتلەرنىڭ ئالاقىسىدىكى بىر كۆۋرۈك،قورال.بىز ئۆمۈر بويى باشقىلارنىڭكىنى قوبۇل قىلىپ ئۈگۈنۈپلا ئوتسەك بولماس،بىزمۇ ئۆزىمىزنىڭ مىللى مەدىنىيەت مەۋجۇتلىغىمىزنى دۇنياغا بىلدۈرمىسەك بولماس،ئۆزىنى تونۇتۇشنى بىلمىگەن مىللەتنى ھىچكىم تونۇشنى خالىمايدۇ.تونۇتۇش ئۈچۈن كۆۋرۈكلۈك رول ئوينايدىغان ۋاستە،قورال بولۇش كېرەكتۇ؟مۇشۇ قوراللار ئىچىدە يېزىق ناھايىتى مۇھىم ئورۇندا تۇرۇدۇ.ئارىمىزدىن كىممۇ موڭغۇلچە،زاڭزۇچە يېزىلغان خەتلەرنى تونۇيدۇ؟مەسىلەن بىر ئۇيغۇر زاڭزۇچە ئۈگەنمەكچى بولسا،ئەگەر ئۇلاردا يېزىقىنىڭ لاتىنچىدا ئىپادىلەش بولمىسا،بىز ئۇلارنىڭ تىلىنى ئۈگۈنۈشتە قىينىلىمىز.مەسىلەن مېنىڭ بىز خەنزۇ خىزمەتدىشىم ئۇيغۇرچە ئۈگۈنۈشكە بەل باغلىدى،ئەگەر ئۇنىڭغا ئۇيغۇر ئەرەب ئېلىبەسىنى ئۈگۈتۈشكە توغرا كەلسە بىر يىل ۋاقىتمۇ يەتمەيتتى،مەن ئۇنىڭغا ئاسان بولسۇن ئۈچۈن ئۆلچەملىك ئۇيغۇر لاتىنچىسىنى ئۈگۈتۈپ قويدۇم،ئۇ بىر ھەپتىدىلا  ھەرپلەرنى تولۇق ئوقۇپ يازالايدىغان بولدى،كېيىن مەن خام سۆزلەرنى شۇ يېزىقتا يېزىپ بەردىم،بۇنداقتا ئۇ مەن بولمىساممۇ خام سۆزلەرنى بىمالال ئوقۇپ يادلاپ ئۈگىنەلەيتتى.ئۇ قىسقىغىنا 3 ئايدا ئۇيغۇرچە ئاددى سۆزلىشىشنى ئۈگىنىۋالدى.مەن ئوقۇۋاتقان چەتئەل تىلى كۇرسىدىكى گېرمانىيىلىك ئوقۇتقۇچىمۇ ئۇيغۇرچىنى ئۈگۈنۈش ئارزۇسى بەكمۇ كۈچلۈك بولۇپ،بىز ئۇنىڭغا ئۇيغۇر لاتىن ئېلىپبەسىنى توردىن چۈشۈرۈپ بەردۇق،ئۇ ئادەم بىر كۈندىلا بۇ ھەرپلەرنى تولۇق ئوقۇيالايدىغان بولدى،كېيىن ئۇ مۇشۇ ئېلىپبەنىڭ ياردىمىدە ئۇيغۇرچىنى تېزلا ئۆگەندى.ئۇ ھازىر لاتىنچە يېزىقتىكى ئۇيغۇرچە تور بەتلىرىنى ئارىلىيالايدۇ،بۇ بىر قالتىس ئىش بولدى.ھازىر ئۇيغۇر(ئازساندىكى ئۇيغۇرچە بىلىدىغان قازاق،قىرغىز،تاجىك)دىن باشقا كىممۇ ئۇيغۇرچە ئەڭ چوڭ تور بېتى بولغان مىسرانىمنى زىيارەت قىلىدۇ؟ئەگەر مىسرانىممۇ تەڭرىتاغ تورىدىن ئۆرنەك ئېلىپ ئۇيغۇر لاتىنچە،ئۇيغۇر سىلاۋيانچە يېزىقلىق نۇسخىسىلىرىنى يولغا قويسا ئىشىنىمەنكى بۇ تورنىڭ ھەجمى قىسقا ئارىلىقتا زورىيىپ كېتىدۇ(مۇشۇ يەردە شۇنى دەپ قويغۇم كەلدى،ھازىر ئۇيغۇرچە يېزىق بىلەن ئۇيغۇر لاتىن يېزىقىنى بىر كونۇپكا بىلەنلا ئۆرۈيدىغان،ئۇيغۇرلار ئىختىرا قىلغان يۇمتاللار بار.مەسىلەن ئۇيغۇر ئېدىت يۇمتالى سىزگە ياردەم قىلالايدۇ،مەسىلەن مۇشۇ ئىنكاسىمنى شۇ يۇمتالغا چاپلاپ بىر كونۇپكىدا ئۇيغۇر لاتىن يېزىقىغا پۈتۈن مەزمۇنى بىلەن بىر سېكوننتتا ئۆزگەرتەلەيمەن).داۋامى بار.....

zapar80

	مەنمۇ ئەلتىكىننىڭ قارىشىغا قوشۇلىمەن .  ئىھتىياج تەمىنلەشنى بارلىققا كەلتۇرىدۇ.

zapar80

	.ھازىر ئۇيغۇر(ئازساندىكى ئۇيغۇرچە بىلىدىغان قازاق،قىرغىز،تاجىك)دىن باشقا كىممۇ ئۇيغۇرچە ئەڭ چوڭ تور بېتى بولغان مىسرانىمنى زىيارەت قىلىدۇ؟ئەگەر مىسرانىممۇ تەڭرىتاغ تورىدىن ئۆرنەك ئېلىپ ئۇيغۇر لاتىنچە،ئۇيغۇر سىلاۋيانچە يېزىقلىق نۇسخىسىلىرىنى يولغا قويسا ئىشىنىمەنكى بۇ تورنىڭ ھەجمى قىسقا ئارىلىقتا زورىيىپ كېتىدۇ.       دىمەك بىز ئۆزگەرتىلگەن يىزىقنى قوللانساقلا پۇتۇن دۇنيا بىزنىڭ زۇۋانىمىزنى چۇشىنەلەيدىكەندە؟؟؟

gumani

	بەلكىم بۇ قېتىمقى يېزىق ئالماشتۇرىشىمىز پايدىلىق بولىشى مۈمكىن، چۈنكى جاھان ئۆزگەردى، ھازىرقى بۇ يېزىقمۇ بىزنىڭ مىللى يېزىق ئەمەس، بەلكى دىن سەۋەبىدىن مەجبۇرى قۇبۇل قىلىنغان دىنى تۈسكە ئىگە يېزىق. يەنە ئۇنىڭدىن باشقا ئۇيغۇردىن باشقا تۈركى مىللەتلەردە ئەرەپ يېزىقى قوللىنىلمايدۇ...

Suchi

	ئاپتور جاۋابىنى بويلاپ 56قەۋەت  gumani كە 2011-12-23 01:19 PMئەۋەتىلدى  : بەلكىم بۇ قېتىمقى يېزىق ئالماشتۇرىشىمىز پايدىلىق بولىشى مۈمكىن، چۈنكى جاھان ئۆزگەردى، ھازىرقى بۇ يېزىقمۇ بىزنىڭ مىللى يېزىق ئەمەس، بەلكى دىن سەۋەبىدىن مەجبۇرى قۇبۇل قىلىنغان دىنى تۈسكە ئىگە يېزىق. يەنە ئۇنىڭدىن باشقا ئۇيغۇردىن باشقا تۈركى مىللەتلەردە ئەرەپ يېزىقى قوللىنىلمايدۇ... دوستۇم سىزگە سەمىمىلىك بىلەن شۇنى ئەسكەرتەي ،بۇ دىگەن يېزىق ئۆزگەرتىش ئەمەس!ئۇنداق چۈشىنىۋالسىڭىز بولمايدۇ.

ئىمكان

	ئۆزىنىڭ ئاجىزلىقىنى بىلمىگەن، ئېتراپ قىلمىغان، ياكى ئېتىراپ قىلىشنى خالىمىغان ئادەم ئەڭ مۇتەسسىپ ئادەمدۇر، بۇنداق كىشىلەر جەمىيىتىمىزنىڭ تەرەقىياتىغا تەسىر يەتكۈزىدۇ. ئادەم دىگەن 10 مەغلۇبىيەتتىن كېيىن 1 غەلبىنى قولغا كەلتۈرسە ئۇ ئادەم ئىجدىھاتچان ئادەم بولىدۇ، دىمەك شۇ كىشى ئۆزىنىڭ يىتەرسىلىكىنى ئېتىراپ قىلغان بولىدۇ.

Suchi

	ئاپتور جاۋابىنى بويلاپ 55قەۋەت  zapar80 كە 2011-12-23 12:20 PMئەۋەتىلدى  : .ھازىر ئۇيغۇر(ئازساندىكى ئۇيغۇرچە بىلىدىغان قازاق،قىرغىز،تاجىك)دىن باشقا كىممۇ ئۇيغۇرچە ئەڭ چوڭ تور بېتى بولغان مىسرانىمنى زىيارەت قىلىدۇ؟ئەگەر مىسرانىممۇ تەڭرىتاغ تورىدىن ئۆرنەك ئېلىپ ئۇيغۇر لاتىنچە،ئۇيغۇر سىلاۋيانچە يېزىقلىق نۇسخىسىلىرىنى يولغا قويسا ئىشىنىمەنكى بۇ تورنىڭ ھەجمى قىسقا ئارىلىقتا زورىيىپ كېتىدۇ.       دىمەك بىز ئۆزگەرتىلگەن يىزىقنى قوللانساقلا پۇتۇن دۇنيا بىزنىڭ زۇۋانىمىزنى چۇشىنەلەيدىكەندە؟؟؟   ھەر ھالدا ھازىرقىدىن ياخشى بولىدۇ،ئەمما مەسخىرە ئارىلاش يازغان بۇ سوئال ئىنكاسىڭىزنى يېزىشتىن بۇرۇن ياخشى ئويلىنىشىڭىز كېرەكئىدى.ھەممە گەپنى يىپىدىن يىڭنىسىگىچە چۈشەنچە بېرىش تازا قولايلىق ئەمەس.لاتىنچە قوللانساقلا پۈتۈن دۇنيا بىزنىڭ زۇۋانىمىزنى چۈشىنەلەيدۇ دىگەن پەلىپەتىش گەپنى مەن دېدىمىدىم ،سىز شىۇنداق چۈشىنىۋاپسىز بۇرادەر.يېزىق ئوخشىمىغان بىلەن تىل يەنىلا شۇ تىل تۇرسا قانداقمۇ پۈتۈن دۇنيا چۈشىنىەلىگۈدەك ؟ئەمما ئۇيغۇر شىنجاڭدىلا ئەمەس دۇنيانىڭ ھەممە يېرىگە تارقالغان،مەسىلەن پاكىستاندا نەچچەيۈزمىڭ مۇھاجىرلىرىمىز بار،قازاقىستاندا نەچچە يۈزمىڭى ،قىرغىزسىتان ۋە ئۆزبېكىستانلاردا نەچچە ئونمىڭچە سىلاۋيانچە ۋە ياكى لاتىنچە يېزىق قوللىنىدىغان ئۇيغۇرلىرىمىز بار(ئۇلار بىزنىڭ ھازىرقى توربەتلىرىمىزدىن پايدىلىنالمايدۇ)،غەربى ياۋروپا،تۈركىيە،ئامېرىكىدا تۇرۇپ قالغانلارنىڭ پەرزەنتلىرى تىلىمىزنى بىلىدۇ،ئەمما يېزىقىمىزنى بىلمەيدۇ،ئۇلارمۇ ئانا يۇرتىمىزنىڭ ئۇچۇرلىرىدىن ئىنتېرنېت ئارقىلىق تونۇشۇش،چۈشىنىشكە مۇھتاج،سىزنىڭچە شۇلار بولسىمۇ بىزنىڭ ئاشۇ سىز دىگەن زۇۋانىمىزنى بىلسە يامان كېتەرما؟ئۇنىڭدىن كېڭەيتىپرەك سۆزلىسەك،بىز بىلەن تىلداش(ئەمما بىزنى تولۇق چۈشەنمەيدىغان) بولغان 20مىليوندىن ئارتۇق ئۆزبېك،80مىليون تۈرك،يەنە نەچچەئونمىليون ئەزەرى،تۈركمەن،تاتار.....بۇلار بىزنى چۈشىنىپ قالسا يامان كېتەرما؟بۇ قانداقتۇ ئاددىلا ئۇيغۇرنى دۇنيا تونۇسۇن ئەمەس،بىز دۇنيادىن ئايرىلىپ قالمىساق بولىدۇ.سىزنىڭ يانفوننى ئۆزىڭىزگە ھەمرا قىلىۋېلىشىڭىزدىكى مەقسىدىڭىز نىمە؟دېمىسەممۇ ئايان،مەقسەت باشقىلار بىلەن ئالاقىنى ساقلاش،ئېنىقراق بولغاندا باشقىلاردىن  ئايرىلىپ قالماسلىقتۇ؟سىز باشقىلارنى ئىزدەشكە قولايلىق،شۇنداقلا باشقىلارنىڭمۇ سىزنى ئىزدىشىگە قولايلىق،ئەمەلىيەتتە كېيىنكىسىنىڭ رولى چوڭراق بولىدۇ شۇنداققۇ. مەن مۇنداق بىر مىسالنى كۆرسىتەي بەلكىم كۆپىنچەيلەنگە كۈلكىلىك بىمەنە تۇيۇلىشى مۈمكىن،ئەمما مەن پۈتۈنلەي شۇنداق دىمەكچى ئەمەس،مەلۇم تار مەنىدىن ئېلىپ ئېيتساق دىمەكچى.مەسىلەن،ئۆيدىكى مۇقىم تېلېفوننىڭ رولىنى بىزنىڭ ھازىرقى يېزىقىمىزغا ئوخشىتايلى،بۇ تېلفوننى ئىشلىتىش دائىرسى شۇ ئۆي ئىچىدىلا بولىدۇ،ئەگەر شۇنىڭغا يانداشتۇرۇپ يانفوننى ھەمرا قىلىۋالساق ئۇنىڭ ئىشلىنىش دائىرسى كەڭ بولغاچقا بىزگە نۇرغۇن قولايلىقلارنى ئېلىپ كېلىدۇ.دىمەك يانفون مۇقىم تېلفوننىڭ ئورنىنى باسالمىسىمۇ،قولايلىق تەرىپى بىزنىڭ پائالىيەت دائىرمىزنى كېڭەيتىدۇ،بىز دەۋاتقان ئۇيغۇر لاتىن يېزىقىمۇ شۇنداق روللارغا ئىگە.