بىر قانچە شەھەرلەردىكى ساياھەت خاتىرىسى

ark-ay

	چەت نامرات يېزىدا مۇئاشقىلا تايىىنىپ ‹سېرىقتال› كۈن ئۆتكۈزىدىكەنسىز يۇ  قولىڭىزدا ئايفون ،چامدان كومپىيوتېر..............قاراغاندا نامراتلىقنىڭ ئۆلچىمى يەنە يۇقىرلاپتۇ دە ، .........:qiray13

Qabiljan

	ark-ay يوللىغان ۋاقتى  2012-2-22 01:01 PM چەت نامرات يېزىدا مۇئاشقىلا تايىىنىپ ‹سېرىقتال› كۈن ئ ... راست،ئائىلە تۇرمۇشۇم ھەقىقەتەن نامرات،ئايالىمنىڭ ئىش ئورنى يوق،مېنىڭ بىر كىشىلىك مۇئاشىم ۋە ئايالىم تېرىۋاتقان ئون موغا يېقىن يەرگە تايىنىپ خىزمەتداشلىرىمغا نىسبەتەن سېرىقتالراق تۇرمۇش كەچۈرىمىز.ھەرقانداق كىشىنىڭ بىر ئاجىز نوقتىسى بولىدۇ.مېنىڭ ئاجىز نوقتام شۇكى كىتاپ بىلەن زامانىۋى ئىلىكتىر سايمانلىرىغا  بەكلا ھەۋەس قىلىمەن.نامراتلىقىمغا باقماي نىمە يېڭى چىقسا شۇنى سېتىۋېلىپ تۇرىمەن.چامدان كومپىيۇتېرغا كەلسەك،بەك ئالىسى ئەمەس،توردىن بىريېرىم مىڭغا ئەكەلدۈرگەن تۆۋەن سەپلىمىلىك كومپىيۇتېر.مەن ئۇنى مەكتەپتە دەرس تەييارلاش،يېزىقچىلىق قىلغاندا خاتىرە ۋە قەلەم ئورنىدا ئىشلىتىش ئۈچۈن سېتىۋالغان.مەن ئاىلە ئىلىكتىر ئۈسكىنىلىرىگە پۇل بۇزغىنىم بىلەن باشقا خىزمەتداشلىرىمدەك ئالى سورتلۇق تاماكا،كۈن ئارىلاپ ئىچىلىپ تۇرىدىغان تۆۋىنى 50 يۇقۇرىسى 150 كويلۇق ھاراقلارغا پۇل خەشلىمەيمەن. ھازىر ئىقتىزاد ئىشىدا يۈز ئادەمنىڭ ئىچىدە ئۆزىنى تۇتۇۋالالايدىغانلار 20%مۇ چىقمايدۇ. يوللىغان چىاراي ئىپادە رەسىمىڭىزدىن قارىغاندىمۇ مېنى مازاق قىپسىز،بۇ مەن ئۈچۈن ئاگاھلاندۇرۇش دەپ بىلىمەن.مەن بۇندىن كېيىن تۇرمۇشتا تېجەشلىكرەك بولۇشنى ئۆگەنمىسەم بولمايدىكەن.سىزگە رەھمەت.

Qabiljan

	تۆۋەندە مەن سۇجۇدا گۈزەل مەنزىرىلەردىن باشقا جەھەتلەردە ھىس قىلغان تەسىراتلىررىمنى قىسقىچە بايان قىلىپ ئۆتمەكچى. 1) بالدۇر كەلگەن باھار، شاڭخەي سۇجۇلارنىڭ تۇپرىقىغا قەدەم قويۇپلا بىرىنچى بولۇپ سەپ سالغىنىم ئىەىز بىنالار بولمىدى بەلكى ئىقلىم ئەھۋالى،تەبىئەتتىكى ئۆزگىرىشلەر بولدى.بىرىنچى بولۇپ قىشلىق چاپىنىمنى سېلىپ تاشلاپ ئۈرۈمچىدىن سېتىۋالغان ‹‹جىلەي›› ماركىلىق شىم كاستۇملىرىمنى كىيىۋالدىم.ئىككىنچى بولۇپ بېشىمغا كىيىپ كەلگەن قەشقەر پاسۇنىدىكى ئالدىدا كىچىككىنە چېكىلىكى بار قاما تۇمىقىمنى چامادانغا تىقىۋەتتىم.ئۈرۈمچىدە قېلىن چاپان بىلەنمۇ توڭغان بەدىنىمگە مانا ئەمدى بىر ئىككى ئىسسىقلىق ساقلاش مايكىسى بىلەن شىم كاستۇممۇ ئېغىر كېلىدىغاندەك تۇيۇلدى.يەرلىك كىشىلەرمۇ ئاللىقاچان باھار پەسلىدە كىيىدىغان كىيىملىرىنى كىيىپ ئۈلگۈرۈشكەن ئىدى. شاڭخەي سۇجۇلاردا يول بويىدىكى ئورمان بەلباغلىرىغا ۋە باغچىلارغا قىشىمۇ ياز كۆكىرىپ تۇرىدىغان سوغاققا چىداملىق دەرەخلەر كۆپرەك سېلىنامدۇ قانداق نەگىلا قارىمايلى خۇددى 5-6 ئايلاردىكى شىنجاڭدەك ھەممە يەر كۆپكۆكچىلىك ئىدى.چىنار بىلەن مەجنۇنتاللار تېخى كۆكلىمىگەن لېكىن بىخ چىقارغان ئىدى.بىر قىسىم بالدۇر كۆكىرىدىغان چىملار پۈتۈنلەي كۆكىرىپ بولغان، باھار پەسلىدە كۆكلەيدىغانلىرىمۇ بىزنىڭ 3-ئاينىڭ ئوتتۇرىلىرىدىكى چىملىرىمىزدەك يېرىم كۆكىرىپ بولغان ئىدى.بۇ يەردە ئەتىرگۈللەرمۇ ئاللىقاچان كۆكىرىپ ھەتتا بەزىلىرى ئېچىلىپمۇ ئۈلگۈرگەن ئىدى.يول بويلىرىدا،باغچىلاردا بىر قىسىم سامان غوللۇق كۆچۈرۈلمە تەشتەك گۈللىرى سوغاقتا شۈمشىيىپ قالماستىن ئىللىق ئاپتاپقا قاقلىنىۋاتقاندەك جانلىق قەد كۆتىرىپ تۇراتتى.يول بويلىرىدا بىزنىڭ يۇرتلاردىكى ياز پەسلىدە ئۆسىدىغان خۇخا ئوتقا ئوخشاپ كېتىدىغان بىر قىسىم چاتقال ئۆسۈملۈكلەرمۇ كۆپكۆك كۆكىرىپ بەزىلىرى ھەتتا گۈل ئېچىلدۇرۇپ يېشىللىققا يېشىللىق قوشۇپ تۇراتتى.مۇشۇ خىل ئەھۋاللارغا قاراپ: ‹‹بۇ يەرنىڭ ئىقلىمى قەشقەرنىڭكىگە ئوخشىمايدىكەن،كۈن ئىككى يېرىم سائەت بۇرۇن چىقىپلا قالماي باھار پەسلىمۇ بىر ئايچە بۇرۇن باشلىنىدىكەن›› دېگەن خۇلاسىگە كەلدىم. مەن شاڭخەيدە نوپۇس بەكلا زىچ،يەتتە –سەككىز مىليۇن نوپۇس بار دەپ ئاڭلىغان ئىدىم.شۇڭا مېنىڭ نەزىرىمدە شاڭخەينىڭ ھەممىلا يېرى خۇددى ھەرە كۆنىكىدەك بىر بىرىگە چاپلاپ سېلىنغان ئىگىز قەۋەتلىك ‹‹بىنا ئورمانلىرى›› بىلەن تولغان دەپ ئويلايتتىم.ئەلۋەتتە بۇنداق يەرلەرمۇ بار ئىكەن،لېكىن كۆپ نىسبەتنى ئىگەللىمەيدىكەن،كۆپىنچە يەرلىرى كۆكەرتىلگەن ئورمانلىقلار،باغچىلار،ئېتىزلىقلار ئىكەن.بۇ يېشىل سېپىللار شەھەر مۇھىتىنى ساپلاشتۇرۇش ھېسابىغا ئەلنىڭ ساغلاملىقى ئۈچۈن زور خىزمەت كۆرسىتىۋېتىپتۇ.  شەھەرنىڭ ھەممە يەرلىرى ئۆمۈچۈك تورىدەك بىر بىرىگە تۇتۇشۇپ تورلىشىپ كەتكەن قەۋەت -قەۋەت يوللار بىلەن تولغان ئىكەن.بۇ يوللاردا ھەر خىل  ئالى دەرىجىلىك ماشىنىلار  ۋە ساياھەتچىلەر ئاپتۇبۇسلىرى ئۇياق بۇياققا مېڭىشىپ يۈرىدىكەن.مەن بۇ نەچچە كۈن جەريانىدا ،يولۇچىلار بىكىتى،پويىز ئىستانسىسى ۋە ئايرۇپىلان ئىستانسىسىدىن باشقا جايلاردا مىغىلدىشىپ يۈرگەن ئادەملەرنى كۆرۈپ باقمىدىم.كېيىن بىلدىمكى يەرلىكلەر يەر ئۈستىدىكى يوللارنى ساياھەتچىلەر بىلەن شەخسى ئاپتۇمۇبىلى بار بايلارغا تاشلاپ بېرىپ  كۆپىنچىسى يەر ئاستىغا كىرىۋاپتۇ.ئۇلار پۈتۈن شاڭخەينىڭ  يېرىمىدىن كۆپرەكىنى قاپلاپ بولغان يەر ئاستى پويىزىنى ئەرزان ۋە قولايلىق دەپ قاراپ سىرتقا چىقسا،بىر يەرلەرگە بارسا ئۇنىڭغا ئولتۇرۇشىدىكەن. ماڭا تەسىر قىلغان ئىككىنچى ئىش تازىلىق مەسىلىسى: مەيلى شاڭخەيدىكى چاغدا بولسۇن،مەيلى سۇجۇ ياكى خاڭجۇدىكى چاغلىرىمدا بولسۇن كوچىدا تاشلىنىپ تۇرغان بىرەر پارچە ئەخلەت ياكى بىرەر تال تاماكا قالدۇقىنى كۆرمىدىم.بەڭگىلەر تاماكا چەكسە يوللاردا ئاممىۋى سورۇنلاردا چەكمەي ئالاھىدە تەسىس قىلىنغان  تاماكا چېكىش ئۆيىدە ياكى تازىلىق ئۆيىدە چېكىۋېلىپ قالدۇقىنى ئەخلەت ساندۇقىغا تاشلايدىكەن. ماگىزىندىن بىر نەرسە سېتىۋالسىڭىز سۇلياۋ خالتىغا سېلىپ بەرمەي شۇ نەرسىنىڭ ئۆزىنىلا بېرىدىكەن،سۇلياۋ خالتىغا سالماقچى بولسىڭىز بەش  مو پۇل خەشلەپ سېتىۋالسىڭىز ئاندىن سالالايدىكەنسىز.بۇمۇ مۇھىت ئاسراشنىڭ بىر چارىسى ئىكەن.تازىلىق قەغىزى ئۈرۈمچىگە قارىغاندا بىر ھەسسە قىممەت بولغان بىلەن ئاممىۋى ھاجەتخانىلار ھەممە يەردە ھەقسىز ئىكەن.ئەگەر سىز ئاممىۋى تازىلىققا رۇئايە قىلغۇچى بولماي شىنقاڭدىكى ئادىتىڭىز بويىچە بىرەر تال ئەخلەت تاشلاپ سالسىڭىز يولدىن ئۆتۈپ كېتىۋاتقان خالىغان كىشىلەر سىزگە بىرەر ياۋايى مەخلۇقنى كۆرگەندەك ئەجەپلىنىپ قاراپ كېتىدىكەن.ئاندىن ئارىدىن بىرى كېلىپ ئۇ ئەخلەتنى يەردىن ئېلىپ ئەخلەت چىلىكىگە تاشلاپ قويۇپ كېتىدىكەن.دېمەك كوچا ئومۇمنىڭ بولغان بىلەن ھەممە ئادەم ئۇنى ئۆز ئۆيى ئۆز ھويلىسىنى ئاسرىغاندەك ئاسرايدىكەن.كوچىلارمۇ يوللارمۇ ھەرۋاقىت چىنىدەك پاكىز تۇرۇدىكەن.ئۈرۈمچى قەشقەرلەردىكىدەك كوچىلارغا بەلغەم تۈكۈرىدىغان ئادەملەرنى ئەسلا  كۆرگىلى بولمايدىكەن.بىزنىڭ ئادەملەرمۇ  بۇ خىل ئىلمى ئادەملەر ئارىسىغا كىرىپ قالغاندىن كېيىن ئىككى كۈندىلا  جەممىيەتتىن ئۈنسىز دەرس ئېلىپ  تازىلىققا رۇئايە قىلىدىغانلاردىن بوپكەتتى.تازىلىق ئىشچىلىرىنىڭ تازىلايدىغىنىمۇ ئادەملەر تەرىپىدىن تاشلانغان ئەخلەت ئەمەس بەلكى شامال ياكى سوغاق دېگەندەك تەبىئەت ھادىسىلىرى تۈپەيلى پەيدا بولغان غازاڭ،قۇرىغان ئوت-چۆپ دېگەندەك تەبىئى ئەخلەتلەر بولىدىكەن. داۋامى يېزىلىۋاتىدۇ.

Qabiljan

	ماڭا تەسىر قىلغان ئۈچىنچى ئىش ۋېلسىپىت ۋە موتسېكىلىتلار ئۈرۈمچى تەسىراتلىرىمدا ئۈرۈمچىلىكلەرنىڭ ۋېلسىپىت موتسېكىلىتلار بىلەن  ئاساسەن خوشلاشقانلىقىنى يازغان ئىدىم.لېكىن سۇجۇ خاڭجۇلاردا بولسا ‹‹يېشىل قاتناش قۇراللىرى›› تەشەببۇس قىلىنىدىكەن. كوچىلاردا ماشىنىلارغا قارىغاندا ۋېلسىپىت مىنگەنلەر بىلەن توكسېكىلىت مىنگەنلەر كۆپرەك  سالماقنى ئىگەللەيدىكەن.ئولتۇراق ئۆيلەر ئەتراپلىرىدىمۇ ماشىنىلارغا يانداشتۇرۇپ توختۇتۇپ قويۇلغان ۋېلسىپىت ۋە توكسېكىلىتلارنى كۆرگىلى بولىدىكەن.بۇ ئىككى شەھەرنىڭ كۆپ جايلىرىدا پۇقرالار ۋە ساياھەتچىلەر ئۈچۈن قولايلىق بولۇشنى ۋە مۇھىت ئاسراشنى نەزەردە تۇتۇپ ۋېلسىپىت ئىجارىگە بېرىش ئورۇنلىرى تەسىس قىلىنغان ئىكەن.سىز بۇ ئورۇنلاردا 300يۇئەن پۇلنى كاپالەت قويۇپ ۋېلسىپىت ئىجارىگە ئېلىش كارتىسى بىجىرەلەيدىكەنسىز. ۋېلسىپىت ئىجارە ئېلىپ مىنسىڭىز دەسلەپكى بىر سائىتىگە پۇل ھېساپلىمايدىكەن.ئىشلەتكەن ۋاقتىڭىز بىر سائەتتىن ئېشىپ كەتسە ئىشلەتكەن كېيىنكى ھەر بىر سائىتىڭىز ئۈچۈن بىر يۈئەندىن پۇل ئېلىپ قالىدىكەن.ۋېلسىپىت نۆۋەتتە پۇقرالارغا ئىشلىتىش  تەشەببۇس قىلىنىۋاتقان ‹‹ يېشىل ساغلاملىق  قاتناش قۇرالى›› ئىكەن.يول بويلىىردا ئىلىكتىر ماگنىتلىق تۆمۈر كۆتەككە رامدىنلا ‹‹چاپلاپ›› قويۇلغان قىزىل، سېرىق ھەر خىل رەڭلەردىكى يېپ يېڭى،چىرايلىق ۋېلسىپىتلەرنى كۆرگىنىڭىزدە ئۇلارنى مىنىپ شەھەر ئايلىنىپ ساپ ھاۋادا سەيلى قىلغىڭىز كېلىپ كېتىدىكەن.بۇ ۋېلسىپىتلەرنى بىركىم بېقىپ يۈرمەيدىكەن، سىزدە ئىجارە كارتىسى بولسىلا ۋېلسىپىت چاپلىشىپ تۇرغان تۆمۈر كۆتەكنىڭ ئۈستىدىكى كارتا سۈرۈش ئورنىغا كارتىڭىزنى سۈرسىڭىزلا ۋېلسىپىت ئۇنىڭدىن ئاجرايدىكەن.ۋېلسىپىتنى ئىشلىتىپ بولۇپ يەنە شۇنداق ۋېلسىپىت قويۇش ئورۇنلىرىنىڭ بىرىدە بوش قالغان ‹‹كۆتەك››كە چاپلاشتۇرۇپ قويسىڭىز بولىدىكەن. ھېسابات كومپىيۇتېردا  ئىجارە كارتىڭىز ئارقىلىق بېجىرىلىدىكەن. داۋامى يېزىلىۋاتىدۇ.

Qabiljan

	ماڭا تەسىر قىلغان تۆتىنچى ئىش ھەممە يەردىكى مال باھاسىنىڭ  قىممەتچىلىكى بولدى.ھۆكىمەت قارمىقىدىكى چوڭ تىپتىىكى تاللا بازارلىرىدىن باشقا يەرلەردە تۈرلۈك ئىستىمال بۇيۇملىرى ئۈرۈمچى قەشقەرلەردىكىگە سېلىشتۇرغاندا تۆۋىنى يېرىم  ھەسسىدىن يۇقۇرىسى بەش ھەسسىگىچە قىممەت ئىكەن. مەسىلەن مەن ئاددى بىر مىسال ئالاي،سۇجۇدىكى ئۇنۋېرسال سەنئەت سارىيىنىڭ ئىككىنچى قەۋىتى ھىلال ئاي شەكلىدىكى كارىدۇرسىمان سودا بازىرى ئىكەن.بۇ يەردە سېپىرلىق كىنو ،ئۈچ دى تېخنىكىسى بىلەن ئىشلەنگەن كىنولارنى كۆرمەك بولسىڭىز تۆۋىنى 150يۈئەندىن  يۇقۇرىسى 300-400يۈئەنگىچە پۇلغا  كىنو بېلىتى سېتىۋالالايدىكەنسىز.بۇ بىز ئۈچۈن ئەلۋەتتە ككپ پۇل ئىدى.بىزنىڭ نەزىرىمىزدە بۇنچىۋالا كۆپ پۇلغا كىنو كۆرگەنلىك پۇلنى شامالغا سورۇۋەتكەنلىك بىلەن باراۋەر ئىدى.چۈشتە بىزگە بېرىلگەن توسەن مىپەننىڭ سەيلىرىدىكى دۇفۇ ئاغزىمغا غەلىتە تېتىپ كۆڭلۈم كۆتەرمەي يىمىگەن ئىدىم. ئەتتىگەنمۇ ناشتىسىز يېنىپ كەلگىنىم ئۈچۈن قۇرسىقىم راسا ئاچقىلى تۇردى.بۇ تۇنجى كۈندىكى ئىش بولغاچقا‹‹ شىركەت بىز يىيەلىگۈدەك تاماق بېرىدۇ ››دەپ ئويلاپنان ئېلىۋالمىغان  ئىكەنمەن.باشقا نەرسىنى شەك تۈپەيلى كۆڭلۈم كۆتۈرمىگەچكە ئىككى بولكا بىلەن بىر قۇتا مۇزلۇق چاي سېتىۋېلىپ قۇرساق غەلۋىسىنى بېسىقتۇرماقچى بولدۇم. بۇ يەردىكى يىمەكلىكنىڭ بۇنچە قىممەتلىكىى كىم بىلسۇن؟ بىزنىڭ يۇرتلاردا ئۈچ يۈئەنگە ئالغىلى بولىدىغان بىر بوتۇلكا ‹‹ ۋۇلۇڭ چېيى››نى 12 يۈئەنگە ،شاكىلاتلىق ئىككى بولكىنى 18 يۈئەندىن 36 يۈئەنگە سېتىۋېلىپ كۆل بويىدىكى دەرەخلەر ئارىسىغا ساياھەتچىلەر ئۈچۈن  قويۇلغان ئورۇندۇققا كېلىپ ئولتۇرۇپ 48 يۈئەنگە قۇرسىقىمنى يېرىمدىدىم. مال باھاسى نىمانچە قىممەت بۇ يەردە؟! بۇ يەردىن مال سېتىۋېلىپ بېرىپ بىزگە سېتىپ پايدا ئالىدىغانلار قانداق جايلاردىن سېتىۋالىدىغاندۇ؟! ‹‹ بىر ئىگىزگە بىر پاكار ھەمراھ›› دېگەندەك  تۈرلۈك ئىستىمال بۇيۇملىرى پەۋقۇلئاددە تۆۋەن باھادا توپ تارقىتىلىدىغان توپ تارقىتىش بازارلىرىمۇ باردۇر بەلكىم،لېكىن بېرىپ كۆرەلمىگەچكە بۇنى مەن بىلمىدىم.چۈنكى بىزنىڭ تۇرۇش ۋاقتىمىز بەكلا قىسقا بولغىنى،بۇقىسقا ۋاقىتنىڭمۇ 80 پىرسەنتى دەرس ۋە يىغىنلار بىلەن تۈگىگەچكە كۆپرەك جايلارنى كۆرۈش ،بازار ئايلىنىشقا پۇرسەت چىقىرالمىدۇق. سۇجۇ ھەقىقەتەن گۈزەل شەھەر ئىدى.لېكىن بىزنىڭ كۆرگىنىمىز ئۇنىڭ گۈزەللىكلىرى ئىچىدىكى دېڭىزدىن تامچە ئىدى.لېكىن ‹‹ تامچە سۇدىمۇ قۇياش ئەكسىنى كۆرگىلى بولار ›› دېگەندەك بىز كۆرەلىگەن ئەشۇ ئازغىنە يەرلەرمۇ  سۇجۇنىڭ  نەقەدەر چوڭ،نەقەدەر گۈزەللىكىنى نامايەن قىلىپ تۇراتتى. يىغىن كەچ سائەت ئالتىدە ئاران تۈگىدى.ھەمراھلىرىمىز قايتىپ چىققاندىن كېيىن ھېرىپ چارچىغان،ئاىشام ئۇيقىمىزغا قانمىغان بىزنىڭ ياتاققا قايتىپ ئارام ئالغىمىز كەلدى.لېكىن مۇئەللىملەر بىزنى ئۇدۇل شاڭخەيدىكى ياتاققا ئېلىپ بارماستىن ئاپتۇبۇسقا چىقىرىپ سۇجۇدىكى يەنە  بىر چوڭ مېھمانخانىغا كېچىلىك ئولتۇرۇشقا ئېلىپ ماڭدى. ئاپتۇبۇس نۇرغۇن كوچىلارنى ئايلىنىپ قىزىل چىراقلاردا توختاپ بىر سائەتچە  يول يۈرۈپ سۇجۇدىكى داڭلىق مېھمانخانىلاردىن ئۈستىدە  中华爱大酒店 دېگەن خېتى بار ئۈچ قەۋەتلىك بىر مېھمانخانا ئالدىغا كېلىپ توختىدى.بىز  ئاپتۇبۇستىن چۈشمەكچى بولساق مۇئەللىملەر : ‹‹چۈشمەي تۇرۇڭلار،ھازىر كەچلىك تاماق تارقىتىلىدۇ،ماشىنىدىلا ئولتۇرۇپ كەچلىك تامىقىڭلارنى يەپ بولۇپ ئاندىن پەسكە چۈشۈڭلار› دېدى .ئۇلار نىمىشقا بىزنى پەسكە چۈشكىلى قويمايدۇ؟ بۇنىڭدا ئىككى سەۋەپ بار ئىدى.بىرى، كەچ كىرگەندىن بېرى  ھاۋا تۇتۇلۇپ خېلى قاتتىق يامغۇر يېغىۋاتاتتى.يەنە بىرى نەچچە يۈز ئادەم پەستە تاماق يېسەك تاماقتىن بىكارلىغان  بىر قېتىملا ئىشلىتىلىدىغان  تاماق قاچىلىرىمىزنى  قالايمىقان تاشلاپ مېھمانخانا ئالدىنى بىردەمدە ئەخلەت دۆۋىسىگە ئايلاندۇرۇپ قويۇشىمىز مۈمكىن ئىدى.شۇڭا بىز ئكز ئورنىمىزدا ئولتۇرۇپلا كەچلىك تامىقىمىزنى يىدۇق.(كەچلىك تامىقىمىزغا مەلۇم چوڭ تىپتىكى خۇيزۇ ئاشخانىسىدىن  توخۇ گۆشى بىلەن يەنە ‹‹توسەن مىپەن›› ئېلىپ كەلگەن ئىدى.) تاماقتىن كېيىن پەسكە چۈشتۇق.مېھمانخانا ئالدىدىكى غەرىپچە پونتان بىزنى جەلىپ قىلىۋالدى.پونتان كۆلى  يۇمۇلاق شەكىلدە ياسىلىپ ئىچىدىكى سۇ پۈركىگۈچ  ئوبرازلارغا غەرىپنىڭ ماي بوياق رەسىملىرىدىكىدەك يالىڭاچ ئادەملەرنىڭ ھەيكەللىرى ئورۇنلاشتۇرۇلغان ئىدى.  بۇ ئوبرازلار بەدىنىگە تاڭسىڭنىڭ كاساياسىدەك قىلىپ رەخت يۆگىۋالغان ئىدى.ئوتتۇرىسىدىكى سۇ پۈركۈش تۈۋرىكى كۈنلۈك تۇتقان ئادەملەر ھەيكىلى شەكلىدە ئىككى قەۋەت ياسالغان بولۇپ ،ئۈستۈنكى قەۋەتتىكى كۈنلۈك ئۇچى ئەتراپىدىن مەرۋايىتتەك سۇلار كۆل ئىچىگە يېغىۋاتقان يامغۇردەك  پۈركۈلۈپ چۈشۈپ تۇراتتى.پونتان تۈۋرۈكىنى مەركەز قىلىپ تۆت ئەتراپىغا يەنە بىردىن تۆت ئادەم ھەيكىلى ئورۇنلاشتۇرۇلغان بولۇپ ئۇلارنىڭمۇ ھەممىسى ئوخشاشلا  رەختكە يۆگىنىۋالغان ئىدى.ئۇلارنىڭ بەزىلىرى ھوزۇرلىنىپ يۇيۇنىۋاتقان ھالەتتە،يەنە بەزىلىرى ساز چېلىۋاتقان ھالەتتە ئىدى. بۇ مەنزىرىگە قىزىققان بەزىلىرىمىز ئۇنىڭ يېنىدا رەسىمگە چۈشۈۋالدۇق.

Qabiljan

	ئاندىن بۇ مىھمانخانىنىڭ 3-قەۋىتىدىكى ئىنتايىن كاتتا پەقەت ئالى دەرىجىلىك مېھمانلارغىلا خاس قىلىپ ياسالغان  زىياپەت زالىغا چىقىپ ئۈچ سائەتچە داۋاملاشقان كۆڭۈل ئېچىش پائالىيىتىگە قاتناشتۇق.زالدا 20دىن ئارتۇق يۇمۇلۇق ئۈستەللەر بار بولۇپ ،ھەر بىرىنىڭ ئەتراپىغا  ئالتىدىن ئونغىچە ئورۇندۇق تىزىلغان ئىدى.بۇ ئورۇنلار شىنجاڭدىن بۇ قېتىمقى پائالىيەتكە كەلگەن ئۇيغۇر ،خەنزۇ،قىرغىز ۋە قازاق مىللەتلىرىدىن بولغان 300دىن ئارتۇق ئادەم بىلەن لىق تولدى. ئۈستەللەر ئۈستىگە بانان،ئاپلىسىن،ئالما،قاتارلىق مىۋىلەردىن سىرت كۆكچاي قىزىل چايلا، شەربەت ئىچىملىكلەر تىزىپ قويۇلغان ئىدى.بۇ يەرگە كىىرىشتىن بۇرۇن ئاپتۇبۇستا قۇرساق تويغۇزۇۋالغان بولغىنىمىز ئۈچۈن تاماق تۈرلىىدىن تىزىلمىغان ئىدى.بۇ پائالىيەتتە ئەزالاردىن سەنئەت قابىلىيىتى بارلار ناخشىلار ئېيتىپ،ئۇسۇللار ئويناپ قاتناشقۇچىلارغا شادلىق ئاتا قىلدى.ئۇندىن باشقا نىيۇسكىننىڭ دۆلەتلىك سېتىش نازاەتچىلىرى بولۇپ ئىشلەۋاتقان تۇرسۇنجان، ئەنۋەر، ئاسىيە قاتارلىق ئۇيغۇر ئاساسلىق رەھبەرلەر نىيۇسكىن قىلىش(نىيۇسكىن مەھسۇلاتلىرىنى سېتىپ چىقىرىش تىجارىتى قىلىشنى ئۇلار نىيۇسكىن قىلىش دەپ ئاتايدىكەن) جەريانىدىكى تەسىرات ۋە تەجرىبىلىرىنى سۆزلەپ  قاتناشقۇچىلارنىڭ قىزغىن ئالقىشلىرىغا سازاۋەر بولدى.كېيىن شىنجاڭدىكى  ھەرقايسى شەھەر -ۋىلايەتلەردىن  كەلگەن ئەزالارنڭ ۋەكىللىرى چىقىپ بەس -بەستە تەسىرات سۆزلەپ ھەمراھلىرىنىڭ كۆڭۈل ئارزۇلىرىنى ئىپادىلىدى.ئەزالارنىڭ قىزغىنلىقى يۇقۇرى بولغاچقا ھەش -پەش دېگۈچە كېچە سائەت 12دىنمۇ ئېشىپ كەتتى.بايا يازغىنىمدەك ئاخشاممۇ كەچ كىلىپ، كەچ يېتىپ بەك چارچىغان بولغىنىمىز ئۈچۈن  كۆزلىرىمىز قىزىرىپ ئەسنەكلەر تۇتۇشقا باشلىدى.شۇنىڭ بىلەن پائالىيەتنى ئاخىرلاشتۇرۇپ يەنە بىزنى ئېلىپ كەلگەن ئاپتۇبۇس بىلەن شاڭخەيدىكى ياتىقىمىزغا  قايتتۇق. بۇ سەپەرگىمۇ بىر يېرىم سائەتچە ۋاقىت كەتتى.بۇ جەرياندا بىز ئۇيقۇمىزنى قاچۇرۇش ئۈچۈن ئارىمىزدىكى قىزىقچى باۋدۇۇننى ناخشا ئوقۇتقۇزۇپ،ئاپتۇبۇسنىڭ ناخشا ياڭراتقۇسىدا ئۇيغۇرچە ئۇسۇللۇق ناخشىلارنى قويۇپ ئۇسۇلچىلارنى ئۇسۇل ئويناتقۇزۇپ  ،يۇمۇر سۆزلىيەلەيدىغانلارغا قىزىق قىزىق يۇمۇرلارنى سۆزلەتكۈزۈپ  سەپەرنى كۆڭۈللۈك تاماملىدۇق. بىز تۈنۈگۈن چۈشكەن مېھمانخانىغا قايتىپ بېرىپ ياتاقلىرىمىزنى تېپىپ چىرىپ بولغىچە يەنە كېچە سائەت ئىككى بولۇپ بولغان ئىدى. ئىككى كېچىلىك ئۇيقۇسىزلىق ۋە ھارغىنلىق تۈپەيلى ئىسىل مونچىغا كىرىپ يۇيۇنۇشقىمۇ بەرداشلىق بېرەلمەي ئالى دەرىجىلىك كارۋاتقا ئۆزىمىزنى تاشلاپ ئاز ئۆتمەيلا لايدەك ئۇخلاپ كەتتۇق.

Qabiljan

	كۆكىرىش مۇسابىقىسىدە كېيىن قالغان شىنجاڭچە ئالاھىدىلىككە ئىگە چىم

Qabiljan

	كۆكۈلمەيدان ۋە بالدۇر ئېچىلغان گۈللەر

awatbag

	ئەجرىڭىزگە تەشەككۈرلەر بولسۇن مۇئەللىم ،ساياھەت خاتىرىڭىزنى تولۇق ئوقۇپ چىقتىم خۇددى مەنمۇسىز بىلەن بىللە ساياھەت قىلغاندەك ھىسياتتا بولدۇم .ئاللاھ ئەزىز تېنىڭىزنى سالامەت قىلغاي.....

ark-ay

	مۇئەللىم خاتا چۈشىنىپ قالماڭ ،ئۆزەم ياخشى ئىپادىلەپ بېرەلمەپتىمەن ،مەن ھازىرغىچە ئايفون ئالالمايۋاتىمەن .ئەمما لىكىن بەك ئالغۇم بار،.ئالاي دەپ تازا قىززىغاندا ‹‹بەش ئالتە مىڭغا تېلفۇن ئالسام نىمىدىگەن بەتخەجلىك ئايفونسىزمۇ ياشايمەنغۇ ،›› دىگەن خىيال بىرلا كاللامغا كىچىدۇ  ئاستا  نىيتىمدىن يېنىپ قالىمەن ............ھىچ بولمىغاندا مەندىن بايكەن دەپ ئۆزۇمنى مازاق قىلغان شۇ............sfyf ساياھەت خاتىرىسى  كۆرۇشكە بەك ئامراق جۇمۇ مەن ،قاچانمۇ ئۆي بالا غېمىدىن قۇتۇلۇپ ساياھەت قىلىپ باقارمەن .........