ھاراقكەش كېلىن ( پوۋېست )

zvmrat

	مۇشۇ شىرخان ئەسەرنىڭ داۋامىنى يىزۋەتمەي نەدە لاغايلاپ يۈرگەندۇ دەيمەن داۋامىغا تەشنامەن .....سىزگە مەدەتلەر بولسۇن .....ھارماڭ قېرىندىشىم .

艾海提江

	داۋامىغا تەشنامىز

xukrat116

	buraqixi يوللىغان ۋاقتى  2013-2-20 01:50 AM ۋاي   ۋاي    ۋاي !   باش  سۈرىتىڭىز  بەكلا  قالتىسكەنغۇ،ھۆ ... رەھمەت لېكىن بۇنى ئۆزۈم لاھىلىمىگەن~~~~

!UYGHURJAN

	xukrat116 يوللىغان ۋاقتى  2013-2-20 04:39 PM رەھمەت لېكىن بۇنى ئۆزۈم لاھىلىمىگەن~~~~ سىز لايىلىمەپسىزدە ! بولسا ئاشۇ خەتنىڭ نىمە مەنىسى بارلىقىغا قىزىقىپ قالدىم .

fergheb

	يەنە تۈگەپ قالدى.

banker625

	ھەي بۇ جاھان شۇنداق جاھانكەن ، بىردە كۈلۈپ ياشايدىكەنمىز ، بىردە يىغلاپ دىگەندەك

sinal-azmar

$叶子$

	ئاخىرىنى تىزراق يوللىسىڭىز بوپتىكەن.

XERHAN

	داۋامى ...                                                                           ( 7 ) قاچانلاردا تۈگىدىكىن زەپەرنىڭ گەپلىرى تۈگەپ < ئۇھ ، مەن بەك تويۇپ كەتتىم > دىگەن ۋاقىتتىلا ئامانگۈلمۇ ئۆز ئەكسىگە قايتىپ كەلدى ، خۇددى بىر سىرلىق ئورىدىنىڭ ئىچىگە كىرىپ قالغاندەك بولۇپ قالغان ئامانگۈل شۇ تاپتا بىر توننا يۈكنى دۈمبىسىگە ئارتىۋالغاندەك ئېغىرلىشىپ كەتكەن ئىدى . - بىلەمسىز زەپەر ، سىزنىڭ بۇ ئۆتمۈشلىرىڭىز ۋە بۈگۈنىڭىز ھازىر مىنى ئۆزۈمنىڭ ئۆتمۈشلىرىمدىنمۇ بەكرەك ئازاپ ، ئىتىرازغا مۇپتىلا قىلىۋاتىدۇ . دىدى ئامانگۈل بېشىنى ئىگىز كۆتۈرۈپ ئېغىزىدىن تاماكانىڭ تۈتۈنىنى تورۇسقا قارىتىپ چىقىرىۋاتقان زەپەرگە قاراپ ، زەپەر بولسا باشقىچە ئىپادە بىلدۈرمىدى ، چۈنكى ئۇ كونا - يىڭى ھەممە ئىشلىرىنى ئامانگۈلگە سۆزلەپ بىرىپ بولغان ئىدى . ئەمدى بولغاندا باشقا گەپ قىلىشنىڭ ئورنى يوق دەپ قارايىتتى ، بىراق ئامانگۈل ئۇنى داۋاملىق ھەمسۆھبەت بولۇشقا رايىش قىلدى . - زەپەر ، مەن سىزگە ھەقىقەتەنمۇ قايىل بولدۇم ، بەلكىم سىز بۇ ئۆتمۈشىڭىزنى ، بولۇپمۇ بۈگۈنكى تويىڭىز كىچىسىدە ئۆيدىن قايتىپ چىققان ئىشڭىزنى مەندىن باشقىلارغا دىسىڭىز ئۇلار سىزنى بىر ئەخمەق ، ھاماقەت چاغلىشى مومكىن ، مىنىڭچە سىز ھەقىقەتەن ھۆرمەتلەشكە تىگىشلىك ، ئاقكۆڭۈل ئەركەنسىز ، ئەگەر بۇ ئۆمرۈمدە سىزدەك بىرسىگە ئۇچرىغان بولسام مىنىڭ ھاياتىم بۇ دەرىجىدە خۈنۈكلىشىپ كەتمىگەن بولاتتى . زەپەر يەنىلا ئىپادە بىلدۈرمىدى ، توختىماي تاماكا شوراۋاتقان زەپەرنىڭ تۇرقىنى كۆرگەن ئامانگۈل شۇ تاپتا ئۆزى ئۈچۈن ئەمەس بەلكى زەپەر ئۈچۈن ئاھ ئۇرۋاتاتتى ، شۇڭىمۇ ئۇ زەپەرگە داۋاملىق تەسەللى بىرىش نىيتىدە گەپ قىلدى . - ماڭا ئىشىنىپ ، مىنى يارىتىپ شۈنچە ئىشلىرىڭىزنى ماڭا سۆزلەپ بەردىڭىز ، بۇنى بەلكىم مەندىن باشقا يەنە بىرسى ئۇقماسلىقى مومكىن ، ھازىر سىزگە بولغان ھۆرمىتىم ۋە ئىشەنچىم تېخىمۇ ئاشتى زەپەر ... زەپەر ئامانگۈلنىڭ توختىماي ماختاشلىرىدىن ھەم ئۆزرىھالىقىدىن زىرىكتىمۇ ئۇنىڭغا ئۆزىمۇ بىلمىگەن ھالدا ۋارقىراپ تاشتى . - بولدى قىلە ۋاي ... بۇنداق ئۇچۇرۇشلىرىڭدىن مەن قىلچىمۇ خۇشاللىق تاپالمايمەن ، ئەكىسچە تېخىمۇ ئىچىم ئېچىپ ، ئۆرتىنىپ كىتىپ بارىدۇ . ئامانگۈل يەنە ئوڭايسىزلىنىپ قالدىيۇ ئازراقمۇ ھېيىقماستىن  زەپەرگە ئېيىتتى . - بىلەمسىز ، مىنى ھىچكىم ماختىمايدۇ ، بىرەرسىنىڭ ئالدىدا يۈز تۇرانە بىر ئېغىز ماختاشقا ۋە ھۆرمەتكە ئىرىشەلىگەن بولسامكەن كاشكى - مىنى كۆرگەن بىلگەنلەرنىڭ ھەممىسى < ھاراقكەش خوتۇن ، ئامان مەنتەڭ > دىيىشىدۇ ، زىمىستاندەك مۇزلاپ كەتكەن قەلبىمگە بۇنداق ئاتاقلار سىڭىپ كىرىپ مىنى تېخىمۇ تۈگەشتۈرۋاتتى ، ئەجىبا سىز مەندىنمۇ بەك بىچارە ۋە ئاجىزمۇ ؟ ھە ، ئېيتىڭە زەپەر ... ئامانگۈل گەپلىرىنى دەپ بولۇپ ئۆزىمۇ خالىمىغان ھالدا كۆزلىرىدىن ياش ئېقىتتى ، زەپەر ئۇنىڭغا قاتتىق تەككىنىدىن بىر ئاز ئۇيىلىپ قالدىمۇ ، ئۇنىڭغا بولغان مۇئامىلىسىنى بىر ئاز سىلىقلاشتۇردى . - خاپا بولما ، مەن قەستەن كۆڭلۈڭنى ئاغرىتماقچى ئەمەس ، ساقچىلىققا ئالماشقاندىن بۇيان مىجەزىم مۇشۇنداق كەسكىن ۋە قوپالراق بولۇپ قالدى توغرا چۈشەن ... - ھىچقىسى يوق زەپەر ، سىز ھېلىمۇ ماڭا چوڭ ئۈمۈتلەرنى ئاتا قىلدىڭىز ، مىنىڭ سىزدىن ئاغرىنىشقا قىلچىمۇ ھەققىم يوق . ئۆزىنى تىزلا يىغلاشتىن توختاتقان ئامانگۈل زەپەرگە ئۆزىمۇ خالىمايدىغان بىرخىل ئۇسۇلدا يىنىككىنە كۈلۈپ قويدى ، بۇلارنىڭ ئوتتۇرسىدا ھازىر چۈشىنىش ھاسىل قىلىنىپ بولالمىغان بولسىمۇ ئەمما ئامانگۈل زەپەرنى ئۆزىنىڭ ئەڭ يىقىن ئادىمى دەپ قالغان ئىدى ، لىكىن زەپەرگە بىلىندۈرگۈسى كەلمەيىتتى ، زەپەرنىڭ مۇئامىلىسىمۇ دەسلەپكىگە قارىغاندا خېلىلا ياخشىلىنىپ قالغان ئىدى . - سائەت نەچچە بولدى ، دۇكىنىڭدا سائەت بارمۇ ؟ سورىدى زەپەر ، پىشانىسىگە يېيىلىپ كەتكەن چاچلىرىنى ئارقىسىغا قىلىپ ئوڭشاۋاتقان ئامانگۈلدىن . - بەش بولۇپتۇ ... - بەش ؟... توغرىمۇ يا ؟ ئەجەپلىنىپ كەتكەن زەپەر ئامانگۈلدىن يېنىشلاپ سورىدى . - راستقۇ ، توغرا ئۇ سائەت . - مەن بۇ يەردە شۈنچىۋالا ئۇزۇن ئولتۇردۇمما ؟ - سىلەر كەلگەندىمۇ سائەت ئون ئىككىدىن ئاشقان ئەمەسمۇ ... - مانا ، يەنە تاڭ ئاتىدىغان بولدى ، زىمىنغا كۈن چىقسىلا مىنىڭ يىڭى تۇرمۇشۇم يا ئۇيان يا بۇيان بولىدۇ . - بۇ نىمە دىگىنىڭىز زەپەر ؟ - ھىچنىمە ، چىقىپ لوقماننى ئويغىتاي ئۇ ئىشقا بارمىسا بولمايدۇ ، ئۆيىسىگە بېرىپ كىيىملىرىنى ئالماشتۇرۇپ ، تەييارلىقى بولسا قىلىۋالسۇن . - تېخى بۇرۇنغۇ ؟ سائەت ئالتىلەردە ماڭساڭلارمۇ ئۈلگۈرگىلى بولىدۇ . - مەنغۇ مەيلى ، بىراق لوقماننىڭ ئىشلىرى دەخلىگە ئۇچرىسا بولمايدۇ ، قولىدا تۇتقان دىلوسى بار ئىكەن تۈنۈگۈنمۇ ئاران دىگەندە بىر كۈن رۇخسەت سوراپ تويۇمغا قاتنىشالىدى . - قانداق قىلماقچى بولىۋاتىسىز زەپەر ؟ - نىمىنى ؟ - ھېلىغىچە ئۆيگە قايتىسىز ھەرقاچان ، ئايالىڭىزغا نىمە دەيسىز ؟ - تېخى ئۇنى ئويلىغۇدەك بولمىدىم باشقا كەلگىننى كۆرەرمەن . - ئاخشامنىڭياقى نەدە ئىكەنلىكىڭىزنى سورىسا نىمە دەيسىز ؟ - نەدە دەيىتتىم مۇشۇ يەردە ، ھاراقخانىدا دەيمەن . - مەن باشقىلاردىن ئايال كىشىنىڭ ھەرقانچە چوڭ گۇناھى بولسىمۇ ئەركىشىنىڭ ھەرگىزمۇ تالاق قىلماسلىقى ، تالاق قىلسا ئەركىشىگە ئېغىر گۇناھ بولىدىغانلىقىنى ئاڭلىغان ئىدىم ، شۇڭا سىزگە دەيدىغىنىمىز زەپەر - مەيلى ئۇ نىمە دىسۇن ، نىمە قىلسۇن ھەرگىزمۇ تالاق قىلىدىغان ئىشنى قىلماڭ ، ئەسكىلەر بىلەن تەڭ بولۇپ گۇناھكار بولۇپ قالغاننىڭ پايدىسى يوق . - مەنمۇ ئۇنداق ئويلىمىدىم ، ئەمما ئاخشامقى ئەلپازىمدا ئۇنى ئۇرۇپ ، ماخچايتىپ قويغۇم بار ئىدى ، ئۆزۈمنى ئاران - ئاران تۇتىۋالدىم . - ھېلىمۇ تاسلا قاپسىز چوڭ ئىش چىقارغىلى ، ئەگەر قاچىنى تامغا ئۇرغان ۋاختىڭىزدا چىنە پۇچۇقلىرى كۆزىڭىز ، يۈزىڭىزدەك جايلارغا كىرىپ كەتكەن بولسا خەخ سىز ئۈچۈن ئازاپلانمايدۇ ، ئەگەر شۇ ئاچچىقىڭىزدا قىڭراق بىلەن ئۇنى بىر نىمە قىلۋەتسىڭىز ياكى ئۆزىڭىزگە سېلىۋالسىڭىز ئاقىۋىتى نىمە بولماقچى ؟ - ساراڭمۇ مەن ئۆزۈمگە پىچاق سالىدىغان ، ئۆزۈڭگە ئوخشىتىپ قېلىۋاتامسەن ؟ - توۋا ، ئادەمگە ئىشەنگىلى بولمايدىكەن ھە ؟ مەن تېخى سىزنىڭ بۇنداق تىزلا پىشانەمدە قويىشىڭىزنى ئويلاپمۇ باقماپتىكەنمەن . - ھە ، خاپا بولما ، ئېغىزىم مۇشۇنداق ئىتتىك ئەمما ساڭا ئازار قىلىش مەقسىتىدە دىمەيمەن . - سىزگە دىسەم زەپەر ، مەيلى ئايالىڭىز نىمە دىسۇن پەرۋا قىلماڭ ، ئۇنىڭغا ئەركىشى ئايالىغا قانداق مۇئامىلە قىلىشقا تىگىشلىك بولسا ، نىمىگە ئىرىشىشىكە تىگىشلىك بولسا شۇنداق قىلىڭ . نىكاھ غايىپتىن ، رىسىق نىكاھدىن دىگەندەك بىر قانچە كۈندىن كىيىن سىزگە ئامراق بولۇپ دىگەن گەپلىرىگە پۇشايمەن قىلىپ قالامدۇ تېخى . - ھەيتاڭ قانداق بولاركىن . - ئاۋۋال بىر سىناپ باقماپسىز ، ئۇنىڭغا سىلىق مۇئامىلە قىلىڭ ، ياخشى گەپلەر بىلەن كۆڭلىنى ئىللىتىڭ لىكىن بىر ئىش ئىسڭىزدە بولسۇن - ئۇنىڭ ئالدىدا كونا ئايالىڭىزنىڭ ھەرقانداق گېپىنى قىلماڭ ، مانا مەن شۇنداق ئاچچىق ساۋاققا ئىگە بولغان بەندىمەن . - دىگىنىڭدەك قىلسام ئۇ يەنىلا شۇ گېپىنى قىلىپ ماڭا تۇتۇق بەرمىسىچۇ ؟ - شۇ ۋاقىتتا بىرگەپ بولمامدۇ ، ئايال كىشىنڭ سۆيگۈسى ئەركىشىنىڭ مۇئامىلىسىدىن كىلىدۇ ئەمەسمۇ . - قارىغاندا سەن خىلى پىشىپ قالغان ، تەجىربىگە ئىگە ئىكەنسەن ھە . - ئۇنداقمۇ ئەمەس ، مەنمۇ ئايال كىشى بولغاندىن كىيىن ئەلۋەتتە ئايال كىشىنىڭ كۆڭلىنى چۈشىنىمەن شۇ . - مۇنداق دىگىن ، بۇمۇ بولىدىغان گەپلەركەن قېنى مەن بىر سەن دىگەندەك قىلىپ باقاي . - شۇنداق قىلىڭ ، سىزنىڭ نىيتىڭىز دۇرۇس ، قەلبىڭىز پاك بولسىلا خۇدايىم رىسىق - پىشانىڭىزنى ئوڭ قىلغۇسى ! - ماقۇل ئەمىسە ئۆزۈممۇ بىلىپ بىلمەي بۇ ئۆيۈڭدە ئولتۇرۇپ كەتكىنىمنى قارا ، ئەمدى چىقاي بەكلا چارچاپ كەتتىم . - ئۇنداقتا مەن سىرىتقى ئۆيگە چىقماي ، بولمىسا لوقمان ئارتۇقچە ئويلىنىپ قالمىسۇن ، ئۆزىڭىز ئويغىتىپ چىقىپ كىتىۋىرىڭ . - مەن يەنە كىلىشىم مومكىن ، خوش . زەپەر ئامانگۈل بىلەن ئاددىيلا خوشلىشىپ ئىچكىركى ئۆيدىن قايتىپ چىقتى ھەم سافادا  كېرىلىپ ياتقان لوقماننى ئويغىتىپ ، ئۇنىڭ يۈزىنى مۇزلۇق لۆڭگە بىلەن سۈرۈپ قويدى . لوقمان كىچىدىن بېرى بولۇنغان گەپ سۆزلەردىن ، زەپەرنىڭ ئۇيقىسىزلىقىدىن خەۋەرسىز ئىدى . ئۆزىنى سافادا ئۇخلىغان قىياپەتكە كىرىۋالغان زەپەر لوقمان بىلەن دۇكاندىن چىقتى ، يىڭى بىر سەھەرنى كۈتىۋىلىش ئالدىدا تۇرغان بۇ زىمىندا كۈن چىقسا يەنە قانداق يىڭى ئىشلارنىڭ يۈز بىرىدىغىننى ھىچكىم بىلىپ بولالمايىتتى . داۋامى بار ...

گۈلۈم0997

	ئەمدى داۋامىنى قاچان يوللايسىز ، ئادەمنى تەققازا قىلىپ............