ھاراقكەش كېلىن ( پوۋېست )

anka1314

	ياخشى  يىزىپسىز شىرخان

fergheb

	يەنە تۈگەپ قالدى دىسە...

diyarm

	ماۋۇ ئەسەر ماڭا بەك ياردى ، بولسا مىسرانىم ئەپەندى ئاۋازلق ئەسەرقىلپ ئىشلەپ چىقساڭلاربولاتتى ، ھىلقى ‹‹پاھشە نىڭ مۇھەببىتى››دىن 1000پىرسەن ياخشى چىقاتتى ،

XERHAN

	داۋامى ... ( 6 ) - نىمىدىگەن چاكىنا ئايال ئۇ ؟ خۇددى كۆۋرۈكتىن ئۆتىۋىلىش ئۈچۈنلا توي قىلغاندەك ئىش قىپتۇ ، مىڭ لەنەت بولسۇن ! ئامانگۈل ئەمدىلا گېپىنى تۈگىتىپ يەنە بىر تال تاماكىنى تۇتاشتۇرۇش ئالدىدا تۇرغان زەپەرگە يىرگىنىش ئىلكىدە خۇددى زەپەر ئامانگۈلنىڭ قىسمىتىگە ئۆكۈنگەندەكلا ئۆكۈندى . - ئەلۋەتتە شۇنداق قىلغىنى ئېنىقتە ، مىنى < ساقچىلىققا ئالمىشىڭ ، مەن يۆتكىلىپ كىرسەم سىزگە ۋە ئاپامغا ۋاختى - ۋاختىدا قارىيالىغان بولاتتىم ، مەنغۇ مەيلى چىقىپ - كىرىپ ئىشلىسەم ، ئەمما ئاپام ياشىنىپ قالغان ئۇنىڭ ئۈستىگە كىسەلچان بولغاندىن كىيىن ئاپامنى دەپ بولسىمۇ ئالمىشىڭ > ... دىگەندەك گەپلەرنى قىلسا مەن تېخى ئۇنى راستىنلا شۇنداق قىلامدىكىن دەپتىمەن . ئۇنىڭ مائاشىنى خەجلەپ قورساق كۆپۈكى بولغىنى پەقەتلا بىر باھانە ، مەن بىلەن ئۇرۇشۇش ئۈچۈن ... چۈنكى مەن ئالدىنئالا ئەسكەرتىپ قويغان ، ئەسلى بۇرۇندىن تارتىپ نىيىتى باشقا ئىكەن ئۇ ئاپەتنىڭ ... دىدى زەپەر تاماكىنى چىشلەپ تۇرۇپ ، ئامانگۈل ئەمدى بولغاندا ئۆزىنى قويۇپ زەپەرگە ھىسداشلىقى قوزغالغان ئىدى . - كۆڭلىڭىزنى بۇزماڭ زەپەر ، خۇدايىم ھامان تەڭشەيدۇ ، ئايال كىشى پۇلنى ئائىلىدىن ، تۇرمۇشتىن ، ئىرىدىن يۇقىرى كۆرسە ھامان ئۆز بەختىنى ۋەيران قىلىدۇ ، بىز مەيلى مىليۇنىر بولايلى ، مەيلى قەلەندەر بولايلى ھامان ئائىلىگە مۇھتاج بولىمىز ، تۇرمۇشنىڭ ئىچىدە ياشايمىز . ئامانگۈل زەپەرنىڭ قىزىرىپ كەتكەن كۆزلىرىدىن ، ساقچىدا بولۇشقا تىگىشلىك سالاپەت ۋە تەمكىنلىكنىڭ يوقىلىپ مۈكچىيىپ كەتكەن گەۋدىسىدىن يەنە بىر ئاچچىق ھەقىقەتنىڭ زەپەرنى مۇشۇنداق قىيناۋاتقانلىنى قىياس قىلدى ھەم زەپەردىن قايتۇرۇپ سورىدى . - نىمە ئويلىغان بولسىڭىز شۇنى دەڭ زەپەر ، ئەگەر تارتىشقا ئىمكان بولسىدى سىزنىڭ بارلىق دەرت - ئازاپلىرىڭىزنى مەن تارتىشقا رازى بولغان بولاتتىم . - ساڭا بىر گەپنى دىسەم يەنە < مىنى پەس كۆردى > دەپ قالارسەنمۇ ؟ - نىمىنى دەيسىز ، قېنى دەۋىرىڭ ئۇنداق دىمەيمەن . - بۇ ئۆيۈڭ سېسىق پۇرايدىكەن ، ھاراقنىڭ پۇرىقى بىر ياندىن ... - مەن كۆنۈپ قاپتىمەن زەپەر ، ئەتتىر چېچىۋاتاي ھە ، ئەتتىر چېچىپ شاڭ يېقىپ قويسام پەسىيىپ قالىدۇ بۇ پۇراقلار ... ئامانگۈل ئورنىدىن تۇرۇپ ئىچكىركى ، تاشقىرقى ئۆيگە قېنىق ئەتتىر چېچىپ چىققاندىن كىيىن زەپەردىن سورىدى . - قاراڭ بۇ ئاغىنىڭىز تېخىچە سافاغا يۆلىنىپ ئۇخلاۋىتىپتۇ ، ئۇنىڭ ياتقۇزۇپ قوياي ھە ؟ - نەدە ياتقۇزىسەن ؟ - سافاغىلا ياتقۇزۇپ قوياي ... ئامانگۈل لوقماننىڭ ئايىغىنى سالغۇزۇپ سافاغا يەڭگىل ياتقۇزۇپ قويدى ، ئاندىن ئىچكىركى ئۆيدىن ئۆزىنىڭ ياستۇقىنى ئېلىپ چىقىپ بېشىغا قويۇپ قويغاندىن كىيىن زەپەردىن سورىدى . - ھە راسىت ئۇنىڭ ئىسمى نىمە ؟ - لوقمان . - ئۇمۇ ، سىزمۇ سالاپەتلىك ، كىلىشكەن ئىكەنسىلەر ... - كۆزۈڭ چۈشۋاتامدا ؟ زەپەر ئامانگۈلنى ياراتمىغان قىياپەتتە سورىدى ، ئامانگۈل زەپەردىن ئەيمىنىپ قالغان ئىدى ، ئەمما جاۋاپ بەرمىسە بولمايىتتى . - ياق ، ياقەي ... سىلەردەك توققۇزى تەل ، ئائىلە كىلىپ چىقىشى ياخشى ئادەملەرگە مەندەك ھاراقكەش خوتۇن قانداقمۇ ماس كەلسۇن ؟ - ماس كەلسەڭمۇ ئامال يوق ، ئۇنىڭ ئايالى بار ، مىنىڭمۇ ھەم شۇنداق ... - بىلىمەن ، شۇڭا مەن سىلەرنى ھەرگىزمۇ ياخشى كۆرۈشكە لايىق ئەمەس . - ئۇنداقمۇ دەپ كەتمە ، سىنىڭمۇ كىلىپ چىقىشىڭ ياخشىكەنغۇ ، موللامنىڭ قىزى ... زەپەرنىڭ تەسەللىگىمۇ ، تەنــــــــىگىمۇ ياتمايدىغان بۇ گېپى ئامانگۈلنى يەنە بىر قېتىم ئوڭايسىزلاندۇرۇپ قويدى ، ئامانگۈل بۇنىڭغا گەپ قايتۇرالمىدى ھەم گەپنى باشقا ياققا بۇراش ئۈچۈن زەپەردىن سورىدى . - تاماكىنى چىكىۋەردىڭىز ، قىزىل چاي ، كۆك چايدەك بىر نەرسە ئىچەمسىز ؟ - شۇنداق سۇلارمۇ بارمۇ دۇكىنىڭدا ؟ - ئادەتتە خەققە ساتقىلى ئەمەس ، ئۆزۈم ئىچكىلى ئەكىرىپ قويىمەن نەچچە ئون تال . - مەيلى يىشىل چاي بولسا ئەكىرە ئەمسە سوغۇقراقىنى ... ئامانگۈل سىرىتقى ئۆيگە چىقىپ بىرتال يىشىل چاينى تىزلا كۆتۈرۈپ ئەكىردى ھەم زەپەرگە تۇتتى . - مەھ ، ئېلىڭە ... كاللىڭىز سەگىدەپ نىرۋىڭىزغا ئارام بولىدۇ . زەپەر چاينى ئېلىپلا گۆپىلدىتىپ يېرىمىدىن ئازراقىنى ئىچىپ توختىدى . زەپەرنىڭ سۇ ئىچىشلىرىمۇ ئامانگۈلگە < يەنە بىر ئىش بار > دەۋاتقاندەك قىلاتتى . بوتۇلكىنىڭ ئېغىزىنى ئىتىۋاتقان زەپەرنىڭ ئەلپازىنى كۆرگەن ئامانگۈل يەنە زەپەردىن سورىدى . - دىمەك ئىككىلىڭلارنىڭ ئايالى بار دەڭ ، لوقمان < بۇ ئاغىنەمنىڭ كۆڭلى يېرىم > دىگەندەك قىلىۋاتاتتى بۈگۈن نىمە بولغانتى سىزگە ؟ - ھىچنىمە . - ئۇنداق ئەمەستۇ ؟ قولىڭىزنى يىڭىلا تاڭدۇرۇپسىز ، كىيمىڭىزدىمۇ قان يۇقى بارئىكەن . - ئۇنداق بولسا نىمە بوپتۇ ھەيران قالما ... - دەڭچۇ ، بۇندىن كىيىن بۇنداق پاراڭلىشىش پۇرسىتى بولامدۇ بولمامدۇ ئۇقمايمەن ، بۈگۈن مىنىڭ تەلىپمنى رەت قىلمىغان بولسىڭىز سىزدىن يەنە بىر قېتىم مىننەتدار بولغان بولاتتىم زەپەر . - سەن زادى نىمىنى بىلمەكچى ، دەيدىغان گەپلىرىمنى دەپ بولدۇمغۇ ؟ - ياق ، كۆڭلۈم تۇيۇپ تۇرىدۇ سىزدە يەنە بىر ئىش بار . - چوقۇم بىلگۈڭ بارمۇ ؟ - شۇنداق بىلگۈم بار . - ئاڭلاپ تۇر ، بۈگۈن مىنىڭ تويۇم بولغان كىچە ... - نىمە دىدىڭىز ؟ بۇ ، بۇ قانداق ئىش ؟ - دىدىمغۇ بىلگۈنىڭىنىڭ پايدىسى يوق دەپ . - پايدىسى بولسۇن بولمىسۇن بىلگۈم بار قېنى دەڭە نىمىشقا ئۆيدە بولماي ھاراق ئىچىش خىيالىغا كىرىپ قالدىڭىز ؟ - ئۆزۈممۇ ئۇقمايمەن ، ئىشقىلىپ مەن ئايال كىشىگە شۈنچىلىك ئۆچ بولۇپ كەتتىم . ھەتتا ئۆز - ئۆزۈمگە قەسەمياد قىلىۋەتتىم . - كۆڭلىڭىزنى چۈشىنىمەن زەپەر ، شۇ تاپتا ئۆزۈمدىن بەكرەك سىزنى ئويلاۋاتىمەن . - قانداق بولۇپ ؟ - ھەرقانچە بولسىمۇ مەن مەيلى قانچىلىك كۈن كۆرەي بۇ ھالىتىمدە بەرىبىر < ئامان مەنتەڭ > دەپ ئاتىلىۋىرىمەن ھەم ئۇنداق ئاتالساممۇ مەيلى ، چۈنكى مەن دىگەن بىر ھاراقكەش خوتۇن كەلگۈسۈمدە بەرىبىر ئاقلىنالمايمەن ، لىكىن سىز ئوخشىمايسىز ، سىزنىڭ خىزمىتىڭىز ، سىزنى يۈرەك پارىسى دەپ بىلىدىغان ئانىڭىز بار ... - مەن خىزمەتنى ئەمەس ئانامنىڭ يەنە بىر يۈرەك ئازابى تارتىپ قېلىشىنى ئۆزۈمنىڭمۇ كىشىلەر ئالدىدا < بىتەلەي ساقچى > دەپ ئاتىلىپ كۈلكىگە قېلىشىمدىن ھەم ئەرلىك غورۇرۇمنىڭ ئاشۇ پەس خوتۇنلىرىم تەرىپىدىن دەپسەندە قىلىنغانلىقىدىن ئەنسىرەيمەن ھەم ئۆكۈنىمەن . - بۈگۈن نىمىشقا ئۆيدىن يېنىپ چىقتىڭىز ؟ ھەر قانچە بولسىمۇ ئۆيىڭىزدە تۇرىشىڭىز كىرەك ئىدى . - سەن چۈشەنمەيسەن ، ئۇ ماڭا شۇ گەپلەرنى قىلىۋاتقاندا مەن ئۆزۈمنى بىر ئەر ، بىر ساقچى ئورنىدا ئەمەس بەلكى بىر پاھىشخانىغا كىرىپ قالغان تىگى پەس ئەردەك ، ساقچى ئالدىدىكى مەھبۇستەك ھىس قىلدىم ، ئۇنىڭ گەپلىرىگە قارىغاندا مەن ئۆزۈم ئىرىشىشىكە تىگىشلىك سۆيگۈگە ، ھىسىياتقا ۋە خۇشالىققا ئىرىشەلمىگۈدەكمەن ، ئۇنداق كىچىنى بىللە ئۆتكۈزگەننىڭ خۇددى بىر پاھىشە بىلەن بىرەر قېتىملىق ياكى بىرەر كۈنلۈك ئىشقىۋازلىق قىلغان بىلەن نىمە پەرقى ؟ - ئۇ زادى نىمە دىگەنتى ، سىزنى بۈنچىۋالا قىلىۋەتكۈندەك ؟ - ئىنسان ئۆز ۋۇجۇدىدا بولۇشقا تىگىشلىك ھىسيات ، ئارمان ، خۇشاللىقلارنىڭ بىر قىسمىنى قارشى تەرەپ يەنى ئەر ئايالدىن ، ئايال ئەردىن تاپىدىكەن . شۇنىڭ بىلەن ئۆزئارا كۆيىنىش ، ئۆز ئارا تۇرمۇشتىن ھوزۇر ئېلىش تۇيغۇسى پەيدا بولىدىكەن ، مەن ئۇنى < ئۇ مىنىڭ خوتۇنۇم > دەپلا ئۇنىڭ بىلەن بۈگۈنكى بۇ غايىپ كىچىنى بىللە ئۆتكۈزۈشنى توغرا كۆرمىدىم . - شۇ تاپتا ئۇنىڭ سىزگە نىمە دىگەنلىكى ھەم ئۆيدىن چىقىپ كىتىش ئالدىدا نىمىشلار يۈز بەرگەنلىكىنى تولىمۇ بىلگۈم كىلىۋاتىدۇ . - ئالدىرما ھازىر ئاڭلايسەن ، بۈگۈن مىنىڭ تويۇم ئەمەس بەلكى ئۆتمۈشۈمنى ئەسلىتىدىغان ، بۇرۇنقى شۇ خوتۇننىڭ قىلغان گەپلىرىنى ، قىلىقلىرىنى كۆز ئالدىمغا كەلتۈرۈپ قويىدىغان ئەنسىز بىر كۈن بولدى . زەپەر ئامانگۈلنىڭ چىڭ تۇرىۋىلىشى بىلەن بۈگۈننىڭ توينىڭ باشلىنىشىدىن تارتىپ ئاخىرلىشىپ ئۆيگە كۆچۈرلۈپ كىلىپ ، بولغان ئىشلارنى بىر - بىرلەپ سۆزلەپ بەردى ، نازىلەنىڭ دىگەن گەپلىرى ، زەپەرنىڭ ئۆزىنىڭ دىگەن گەپلىرى  ھەممىسى چالا قويماي سۆزلەندى ، ئامانگۈل بولسا قاتتىق قىزىقىش ۋە ئەجەپلىنىش ئىچىدە زەپەرنىڭ گەپلىرىنى كۆڭۈل قويۇپ ئاڭلاشقا كىرىشىپ كەتكەن ئىدى . داۋامى بار ...

armi

	ۋاي  توۋا  نىمىنداق  ئاز  دەيمەن  بۇ  ھىكايىڭىزنىڭ  داۋامى  ؟ ۋايجان  قاچانمۇ  يوللارسىز  ئاخىرىنى  ؟

munglukkadam

	ئەسسالامۇ  ئەلەيكۇم  شىرخان  بۇ ئەسەرنى  تولمۇ  ياخشى يىزىپسىلە  چىنلىق   تولمۇ ياخشى ئاددى  ئەمما مەنىسى  چۇڭقۇر  ئىپادىلىنىپتۇ  ئاخىرنى  يوللاپ  بولغاندا  كۆرۈپ  بۇلۇپ  ئاندىن  قالغان ئىنكاسنى  يازاي  ، ئىلھامىڭلىغا  بەركەت ۋە ئۆزگىچە  تۇيغۇلانى  تىلەيمەن

XERHAN

	diyarm يوللىغان ۋاقتى  2013-2-20 12:01 PM ماۋۇ ئەسەر ماڭا بەك ياردى ، بولسا مىسرانىم ئەپەندى ئاۋ ... گەرچە مەن بۇنى توردىكى ياخشى ئەسەر دەپ قارىمىساممۇ ئەمما تۇمۇشتا كۆرگەن ، ئاڭلىغان ۋە ھىس قىلغانلىرىمنى بىر يەرگە ئەكىلىپ ئوقۇرمەنلەرگە ئەتراپىمىزدا يۈز بىرىۋاتقان ۋە يۈز بىرىش ئىھتىماللىقى بولىۋاتقان مۇشۇنداق ھەقىقەتلەرنىڭمۇ بارلىقىنى بىلدۈرۈش ، يۈز ئادەم ئىچىدە بىرسى ئوقۇپ تىگىگە يىتەلىسە مىنىڭ بۇ تىرىشچانلىقىم بىكارغا كەتمىگەن بولاتتى . سىز دىگەن پاھىشە قىزنىڭ مۇھابىتى دىگەنمۇ ناھايىتى ياخشى ئەسەر ھەم توردا كۈچلۈك تەسىر قوزغىغىغان بۇ ھىكايىنىڭ باشلىنىشىمۇ شۇنىڭغا ئوخشاپ كىتىدۇ ئەمما ھىكايە قۇرۇلمىسى ۋە كىيىنكى ۋەقەلىكلەر جەھەتتە مۇئەييەن پەرىقلەرگە ئىگە . تىل ۋە بايان قىلىش ئۇسۇلۇمنىڭ كەمچىل بولىشى سەۋەپلىك بەزى نوقسانلاردىن خالىي بولالمىغان بولسام كىرەك ، شۇڭا سىزلەرگە ئوخشاش ئاشكارە پىكىر بىرەلەيدىغان تورداشلارغا مۇھتاجمەن . بۇنى تامام قىلىپ بولغاندا مەنمۇ سىز دىگەندەك ئاۋازلىق قىلىش مەقسىدىم بار .... رەھمەت .

zulal27

	يەنە بىر قىسىمى تۈگىدى ............................. رەھمەت ، بەك ياخشى داۋاملىشىۋاتىدۇ . ھارمىغايسىز . .................. چوقۇم ئەسىرىڭىزدىن ئىبىرەت ئالىدىغان ۋە ئاللاھ ئاتا قىلغان كۈنلىرىگە شۈكىرى قىلىدىغانلار چىقىدۇ . شەخسەن مەن بۇ ھېكايىنى ئوقۇپ   ئۇلۇغ ئاللاھقا ھازىرقى كۈنلىرىمگە چەكسىز شۈركىرەلەرنى ئېيتتىم

دەھشەت520

	diyarm يوللىغان ۋاقتى  2013-2-20 12:01 PM ماۋۇ ئەسەر ماڭا بەك ياردى ، بولسا مىسرانىم ئەپەندى ئاۋ ... شۇ روماندىكى قىزنىڭ ئىسمى نېمە (ئاۋاز بەرگەننىڭكىنى دېمەكچى روماندىكى پېرسوناژنىڭ ئەمەس)

motiwarkalib

	ئاخرى جىددى ساقلانماقتا.......