بىلىمخۇمار،يەھۇدىلارنى3مىڭ يىل ساقلاپ قالغان ئامىللار

thnik

مەن قايسى كىتاپتىن ئوقۇغۇنۇم يادىمدا قالماپتۇ ، مۇنداق بىر گەپنى ئاڭلىغان ، بىر جەمىيەتنىڭ مەۋجۈت بۇلۇپ تۇرىشدىكى ئاساسلىق ئامىللار 1-بىىلملىكلەر 2-ھوقوقدارلار 3-مۇشتۇم زورلار دەپ يېزىلىپتىكەن ، ماقالە مەزمۇنىغا ماسلاشتۇر ساق 1-بىلىملىكلەرنى مائارىپنى كۈچلەندۈرش ئارقىلىق ئەمەلگە ئاشۇر غىلى بولىدۇ. 2-ھوقۇقدارنى (ئاكىمىزنىڭ ئالدنقى ماقالىسىدىكى لىدىر لارغا ئۇتتۇر كىلىدۇ. 3-مۇشتۇمزورلار بەلكىىم جاسارەتلىك كىشىلەر گە ئۇتتۇر كىلىشى مومكىن ، شەخسى قارىشىم

ھون

مۇشۇنداق ئېسىل ئەسەرنى يوللاپ بىزنىڭ كۆزىمىزنى ئېچىپ، قېىنداشلىرىمىزنى ئومۇمىيۈزلۈك ئويغىنىشقا تۈرتكە بولغانلىقىڭىزدىن ئىنتايىن سۆيۈندۈم! بىز مانا مۇشۇنداق ئەسەرلەرنى كۆپرەك ئوقۇپ، چوڭقۇر پىكىر يۈرگۈزۈپ، ئۆزىمىزدىكى ئاجىزلىقلارنى تېپىپ چىقىپ، باشقامىللەتلەرنىڭ ئىلغارلىقىدىن ئۆگىنىپ، مىللىتىمىزنىڭ پارلاق ئىستىقبالىنى يارىتىش ئۈچۈن ئۇيۇلتاشتەك بىرىكىپ، ھەمكارلىشىپ، ئۈزلۈكسىز ئىزدىنىشىمىز زۆرۈر! بىزنىڭ قىلماقچى بولۇۋاتقان ئىشلىرىمىز بەك كۆپ ھەم ئىنتايىن مۈشكۈل، يەھۇدىلاردەك چىدام، غەيرەت، تىرىشچانلىق بولسىلا، چوقۇم بىزمۇ دۇنيادا ئۆزىمىزنىڭ ئادەملىك ئورنىمىزنى تاپالايمىز! ئاخىرىدا سىز ۋە ئائىلىڭىزدىكىلەرنىڭ تىنىچ-ئامانلىقى، بەخت-سائادىتىنى ئاللادىن تىلەيمەن!...

bilimhumar

بۇ مەزمۇن 11قەۋەتتىكى yaruqدە2013-02-07 12:18يوللىغان يازمىسىغا نەقىل  :
ئەسسالامۇئەلەيكۇم بىلىمخۇمار، ئاۋال نىيىتڭىز ۋە ئەجرىڭىزگە رەھمەتلەر بولسۇن. ماقالىڭىزدىن سىزنىڭ خىلىلا ئوقۇمۇشلۇق، چەتئەلدە ئوقۇغان ۋە ھازىر چەتئەلدە خىزمەت قىلىۋاتقان بىر ئۇيغۇر ئىكەنلىكىڭىز بىلىنىپ تۇرىدۇ. تەھلىلىرىڭىز ھەر ھالدا كىشىنى قايىل قىلىدۇ. ئەمما سىز ئۆزىڭىز دەۋاتقان جان ھالقىدا كەتكۈزۈپ قويغانلىقىڭىزنى ھېس قىلمىدىڭىزمۇ؟
مىسال:

ئىلاۋە: مۇھەممەد پەيغەمبەر مىلادىيىدىن كېيىنكى 570-يىلىدىن 632-يىلىغىچە ياشىغان بولۇپ، كۆپلىگەن تارىخشۇناسلارنىڭ قارىشىچە، ئىسلام دىنىنى مۇھەممەد پەيغەمبەر 622-يىلى ئىجاد قىلغان.  يۇقىرىدىكى يەھۇدىلارغا ئائىت ئىشلارمىلادىيىدىن كېيىنكى 70-يىللاردىن بۇرۇنقى دەۋردە يۈز بەرگەن بولۇپ،ئوقۇرمەنلەرنىڭ بۇ ۋاقىتلارغا دىققەت قىلىشىنى سورايمەن.

.......

سالام يارۇق:
ئىسلام دىنىنىڭ قانداق ۋۇجۇتقا كەلگەنلىكى ھەققىدە ئوخشىمىغان دىندىكى ۋە ئوخشىمىغان دولەتتىكى كىشىلەر ئوخشىمىغان كۆز قاراشتا ئىكەن. بۇ ھەقتىكى مەزمۇنلار كىمنىڭ يازغىنىغا قاراپ ناھايىتىمۇ پەرقلىنىدىكەن. مەن ھازىرغىچە دىن ئۈستىدە تۈزۈكرەك ئىزدىنىپ باقمىدىم. شۇڭا ئۇ جەھەتتىكى چوڭراق مەسىلىئەر ئۈستىدە پىكىر قىلىش سالاھىتىم يوق. مەزكۇر ماقالىنى تەييارلىغاندا، بەزى ئىنگلىزچە ماتېرىياللاردا ئىشلەتكەن "ئىجات قىلىش" دېگەن سۆزنى ئەينەن ئىشلەتكەن ئىدىم.  مەن ئادەتتە بىر نەرسە يازغاندا ئوقۇرمەنلەرنىڭ ھېسسىياتىنى ناھايىتى ئايايتىم ۋە ئۇنىڭغا ھۆرمەت قىلاتتىم. بۇ قېتىم سەل دىققەتسىزلىق قىلىپ قويۇپتىمەن. كەچۈرۈڭ.

zarapxan0998

ھەققەتەن ياخشى تما بوپتۇ ، نۇرغۇن نەرسلەرنى ئۇگنۋالدىم ، بىز كىينمۇ مەۋجۇت بولۇپ تۇردىكەنمىز ئۆزمىزنى كۇچلەندۇرشمىز ، مىلتىمىزنى كۇچلەندۇرشىمز  كېرەكلكنى ھىس قىلدىم ، نۇرنۇنلغان تەرەپلەر ئۇگنشمىزگە ئەرزدىكەن .

yaprak0997

بىلىمخۇمار ئاكىمىزنىڭ مانا مۇشۇنداق كىشىنى ئويلاندۇرىدىغان ماقالىلىرىنى تولىمۇ ياقتۇرىمەن .قېنى ،ھەممىمىز ئىشنى ئەمەلىيتىمىزدىن باشلايلى !

iparay

يۈسۈپ -زىلەيخا فىلىمى توغرىسىدا تەۋراتتىكى مەزمۇنلار بىلەن كىنودا زور پەرق بار،مەن ئەينى ۋاقىتتا مۇشۇ كنو پايدىلانغان بەلكىم قۇرئان قىسسىلىرى مۇمكىن دەپ ئىزدەنگەن لېكىن قۇرئان قىسىلىرىدىمۇ  يۈسۈپ بىلەن زىلەيخانىڭ مۇھەببىتى توغرىلىق بىرەر مەلۇمات تاپالمىدىم، ياقۇپ ئەلەيھسالامنى يەھۇدىي دەپ ئالغاندىن كۆرە بەنى ئىسرائىل دەپ ئاتىغىنىمىز ياخشىراق ،ئىسرائىلىيە ئىككىگە بۆلۈنگەندىن كېيىن ئىسرائىلىيە ۋە يەھۇدىيەگە بۆلۈنۈپ كېتىدۇ ،ياقۇپ ئەلەيھسالامنىڭ ئون ئىككى ئوغلى يەنى يەھۇديىلارنىڭ ئون ئىككى قەبىلىسىدىن پەقەت ئىككى قەبىلە ساقلىنىپ قېلىپ قالغانلىرى تارىختىن غايىپ بولىدۇ ،بۇ غايىپ بولغانلار بىز مەزگىل «سامارىيە»لىكلەر نامى بىلەن ئاتالغان ،يەھۇدىيلار يەنى يەھۇدىيەلىكلەر ئۇلارنى كۆزگە ئىلمايدۇ ،چۈنكى ئۇلار يەھۇدي ئەمەسلەر بىلەن توي قىلىدۇ، ئېرۇسالمىدا ئەمەس سامارىيەدە ئىبادەت قىلىدۇ ...
مېنىڭ نەزىرىدە يەھۇدىيلارنى 3000 مىل يىل ساقلاپ قالغان نەرسە تەۋرات ،تەۋراتتا  مىللەت ساپلىقىنى ساقلاپ قېلىش،دۆلەت تەۋەلىكىگە بولغان تونۇش، يەھۇدىيلارنىڭ ئۆز مىللىتىگە بولغان چەكسىز پەخىرلىنىش تۇيغۇسىغا ئاساس بولىدىغان ئىدىيەلەر
بىرىچنى مىللەت ساپلىقىنى قوغداش تەشۋىقى تەۋراتتىكى مۇسا ئەلەيسالامنىڭ بەنى ئىسرائىللارنىڭ مېدىئان قىزلىرى بىلەن باردى كەلدى قىلىشىنى قەتئىي چەكلىشى ھەتتا قىزلارنىڭ ئۆلتۈرۈشكە بۇيرۇق چۈشىرىشى ،  ئىسھاق ئەلەيھسالامنىڭ ئىلىك ئوغلى ئىساۋنىڭ قانانلىق بەنى ئىسرائىل قەۋمى بولمىغان قىزلار بىلەن توي قىلغانلىقى سەۋەپلىك خاپا بولىشى ،ھەر قايسى پەيغەمبەرلەرنىڭ توي قىلىشتا باشقا مىللەت ئەمەس ئۆز مىللەت قەۋمىدىن جۈپ تاللىشىنىڭ كۆپ قېتىم سۆزلىنىشى ،سۇلايمان ئەلەيھسالامنىڭ خاتالىقى قاتارىدا باشقا قەۋىم قىزلىرىنى ئالغانلىقىنى قاتارلىق نۇرغۇن بايانلار بار ،قارشى تەرەپ  يەھۋەنى بىر خۇدانى ئېتىراپ قىلغان ھالەتتە بولسىمۇ يەنىلا ئوخشاش ...دېمەك بۇ مىللەتنىڭ ساپلىقىنى ساقلاپ قېلىشتىكى ،نەچچە مىڭ يىل جەريانىدا بىر خۇدالىق دىنىغا ئېتىقاد قىلغانلارنى دىنىي قېرىنىدىشىىمىزكەن دەپ ئاسسلىماتسيە بولۇش يولىغا مېڭىپ قالمىغانلىقىتىكى ئىدىيەۋى يېتەكچى .....
ئىككىنچى زېمىن مەسىلىسى تەۋراتتا تەڭرى ئىسرائىلىيە زېمىنى بەنى ئىسرائىللارغا ھەدىيە قىلغان زېمىن ،باشقا ھەرقانداق مىللەت بۇ يەردىكى تاجاۋۇزچىلار دېيىلىدۇ ،قىزىقارلىق يېرى ھەر قېتىم زېمىن قولدى چىقىپ كەتكەندە يەھۇدىي پەيلاسۇپلىرى ئۆزىنى تەڭرى ئەۋەتكەن شەخس  دېگەندەك ناملار بىلەن  يەنە يەھۇدي خەلقىگە بۇنىڭ تەڭرىنىڭ جازاسى ئىكەنلىكىنى سەۋەبى ئۇلارنىڭ تەڭرى كۆرسەتكەن يولدا ماڭمىغانلىقى دەپ چۈشەنچە بېرىدۇ ،نەتىجىدە خەلقنىڭ ئېتىقادى تېخىمۇ چىڭىيىدۇ ..ئۇلار ئىسرائىلىيە ،ئېرۇسالىمنى تەڭرى ئەھدە قىلىپ ئۇلارغا بۆلۈپ بەرگەن زېمىن ئىكەنلىكىگە شەكسىر ئىشىنىدۇ ،دېمەك دىنىي ئەقىدە بىلەن زېمىن مەسىلىسى چەمبەرچەس باغلىنىپ كەتكەن ،ئېرۇسالىمغا بولغان تەلپۈنۈش دىننىڭ مۇھىم بىر تارماق قىسىمى ،يەھۇدىيلادا ئۇلۇغلىنىدىغان زېمىن بىلەن مىللەت ياشىغۇچىلىرنىڭ جۇغراپىيلىك ئورنى ئايرىلىپ تۇرىدىغان  ئۆز يۇرتى خەۋپتە قالسا باشقا زېمىن ئۈچۈن كاللا قاتۇرىدىغان مەسىلە مەۋجۇت ئەمەس...
ئۈچىنىچىسى ئۇلارنىڭ داڭلىق شەخس( پەيلاسوپ ،جەڭچى باتۇرلىرى ) ۋە پادىشاھلىىرىغا بولغان چەكىسز ھۆرمىتى،ئۇلارنىڭ نەزىرىدە يەھۇدىيلار ئۈچۈن تارىختا تۆھپە ياراتقۇچىلارنىڭ ھەممىسى تەڭرى تەرىپىدىن يەھۇدىيلارغا يەنى ئامراق بەندىرىلىرىگە ئەۋەتىلگەن ئالاھىدە ئادەملەر، بۇلارنى ئادەتتىكى ئىنسانلارغا ئوخشىمايدىغان قىلىپ تەسۋىرلەش ئۈچۈن ئۇلارنىڭ تارىختا كۆرسەتكەن مۆجىزىلىرى توغرىسىدىكى بايانلارمۇ تەۋراتتا ئاز ئۇچرىمايدۇ ، يەھۇدي تارىخ پۈتۈكچلىرى شۇنچىلىك پاراسەتلىككى ئەگەر كۇڭزى ،لاۋزىلا بەنى ئىسرائىل قەۋمىدىن بولۇپ ئوتتۇرا شەرقتە ياشاپ ئۆتكەن بولسدى بۈگۈنكى كۈندە ئۇلارنى تارىخچىلىرى تەرىپىدىن مۆجىزىلىك ئىنسانلار دەپ قەۋرىسىنى زىيارەت قىلىپ ياد ئېتلەتتى دەپ پەرەز قىلىمەن ..
تۆتىنچى مىللىي پەخىرلىنىش تۇيغۇسى بىلەن يەھۇدىي دىننىڭ زىچ بىرلىكى ، بىر مىللەتنىڭ مەۋجۇتلىقىغا مىللەتنى سۆيۈش ،پەخىرلىنىش تۇيغۇسى كەم بولسا بولمايدۇ دەپ ئويلايمەن ،تەۋۋاتتىكى بەنى ئىسرائىل قەۋمىنىڭ تاللانغان خەلق ئىكەنلىكى توغرىسدىكى بايانلار، مۇسا ئەلەيھىسالامنىڭ مىسردىن چىقىشدىن پادىشاھلىق دەۋرىگىچە بولغان قىسسەلەر يەھۇدىيلارنىڭ مىللىي ئىپتىخارلىق تۇيغۇسىغا يېتىپ ئاشىدۇ ...
ئىشتىن چۈشىدىغان ۋاقتىم بولۇپ قاپتۇ داۋامىنى كېيىن يازاي

سۇبھى

ئۇيغۇرلار ئۆزىنى ساقلاپ قىلش ۋە تەرەققى قىلدۇرۇشتا مىنڭچە :
  
  1. مائارىپقا زور دەرىجىدە ئەھمىيەت بىرىش ، ئاناتىل يىزىقىنى ئۇنۇتماسلىق .
  2. دىنى ئىتىقادىنى مۇستەھكەملەپ ، دىن بىلەن خوراپاتلىقنى پەرىق ئىتىش ،
3. بارلىق ئۇيغۇرلار قوبۇل قىلالايدىغان ئىتتىپاقلىق ئىدىيىسىنى تىپىپ چىقىش  ۋە ئومۇملاشتۇرۇش ، بولۇپمۇ زىيالىلار بىلەن دىنى ئامما ئوتتۇرىسىدىكى ئورتاق پىكىر يولىنى تىپىش ۋە راۋاجلاندۇرۇش .
4 . ئۇيغۇرلارنىڭ مىللى كىملىك ئىڭىنى يۇقىرى كۆتىرىپ ئۇيغۇرلارنىڭ مىللى شان - شەرەپ تۇيغۇسىنى ئويغۇتۇپ بۇنى جەمىيەت ئەخلاقىغا سىڭدۇرۇش ، بۇ جەرياندا كوپتۇرمىچىلىك ۋە يالغانچىلىق قىلىشتىن ساقلىنىش .
5 . ئۇيغۇرلارنى ئۇمۇتۋار بولۇشقا يىتەكلەپ مىللىتىمىز ئىچىدىكى ياتلارنىڭ جاسۇسلىرى تەرغىپ قىلىۋاتقان ‹‹ ئۇيغۇر تۇگەشتى ›› سەپسەتىسىگە قارشى تەشۋىقات جىڭى ئىلىپ بىرىش كىرەك .

iztirap1

مەنمۇ ئۇيغۇرنىڭ ئۆزىنى ساقلاپ تەرەققىي قىلشىنىڭ يوللىرىنى ساناپ باقاي.
1.ئېتقادنى مۇستەھكەملەش كېرەك.موشۇ ئالدىنقى شەرتكە چۇشمىگەن ئالىم پەقەت شەيتان لەئىندۇر.
2.ئانا تىل مائارىپىدىن ۋاز كەچمەسلىك كېرەك.ئۇيغۇر بالىسى خەنزۇ تىلىدا قىلغان تەپەككۇر پەقەتلا سياقىي تەپەككۇركى ئەقلىي تەپەككۇر ئەمەس.
3.بايلارنى قوللاش،ئۇلار ئارقىلىق مىللەتنىڭ ياشلىرىغا خىزمەت پۇرسىتى ھازىرلاپ بېرىش،ئۇلارنىڭ بىكارچىلىق ۋە نامراتلىقتىن چۇشكۇنلۇك مەھكۇملۇك يولىنى تاللىشىنىڭ ئالدىن ئېلىش كېرەك.
4.دىن ۋە پەن جەھەتتىكى ھەقىقىي زىيالىيلارنى قوغداش كېرەك.

tayqak

ئالدى بىلەن تېما ئىگىسىنىڭ ئەجرىگە رەھمەت ئېيتىمەن . تېما ئىگىسى تىرىشچان ، سەمىمى ، كەمتەر  تەسىر بېرىدىكەن. ئۆزىنىڭ بىر خاتالىغىغا تۆۋەنچىلىك بىلەن چۈشەنچە بەردى. مەن سىزگە ئاللاھ تائالادىن مەغپىرەت تىلەيمەن. يەنە بىر خاتالىغىڭىزنى كۆرسىتىپ قويسام تۈزىتىۋېلىشىڭىزنى ئۈمىت قىلىمەن. ئۇ بولسىمۇ ، «مۇھەممەد پەيغەمبەر » دىگەن سۆزنىڭ ئورنىغا مۇھەممەد ئەلەيھىسسالام دەپ ئاتىشىڭىزنى تەۋسىيە قىلىمەن. باشقا جەھەتلەردە سىزگە رەھمەت ئېيتىمەن.

niku

بۈگۈن بىلىمخۇمارنىڭ مەزكۇر تېمىسىنى ئوقۇپ بىر مەسىلە كاللامدا ئېنىق بولدى. ئۇ بولسىمۇ «ئۇيغۇردا زىيالىينىڭ كەم ئەمەسلىكى، ئەمما يېتەكلەش رولىنى جارى قىلدۇرىدىغان شاراھىتنىڭ كەملىكى» بولدى.
        شاراھىتنىڭ ھازىرلىنىشىدىكى ئالدىنقى شەرتنى يەھۇدىلارنىڭ كەچىشىدىن ئىزدەش مەنتىقىغە ئۇيغۇنمۇ؟ ئەگەر شۇنداق قىلىش مەنتىقىلىق بولسا يەنىلا مائارىپ دەپ توۋىلاش زۆرۈر بولىدىكەن، بۇنى بىلىمخۇمارمۇ تەكىتلەپتۇ «باشقا يول يوق» دەپ. ئەمما، مائارىپ دەپ توۋىلىغان ئېغىزلار «توۋاقلاندى» ياكى «توۋاقلىنىدۇ» دېگەندىن ئىبارەت مودا ئېيتىملار زىيالىيدىن باشقا ئادەملەرنىڭ ئاغزىدىن ئاسانلىقچە چىقمايدۇ (مەن بىر ئادەمنىڭ كەچمىشىم ئاساس قىلىنغان بولغاچقا، بەلكىم بۇ دېگىنىم ئاساسسىزدۇر،  ) ، ئەگەر مەنمۇ ئۆزۈمنى زىلالىي ھېسابلىسام، ئەشۇ مودا ئېيتىملارنى سۆزلەشنى داۋام قىلىشقا مەجبۇر بولىدىكەنمەن. بۇنىڭ سەۋەبى پەقەت بىرلا بولىدىكەن، ئۇ بولسىمۇ «ئاۋامدىن ئايرىلىپ قېلىشنىڭ ئالدىنى ئېلىپ، غورۇرنى ئىپادىلەش» ئۇچۇن.  مۇشۇنداق ئەھۋال ئاستىدا مىللەتنىڭ ساقلىنىپ قېلىشى ھەققىدە بىر نېمە دېيىشتە چوقۇم يەھۇدىلارنىڭ كەچمىش - تەجرىبىلىرىدىن نەزەرىيىۋى ئاساس ئىزدەش مەنتىقىلىقمۇ؟ ئەگەر مەنتىقىلىق بولسا، ئەشۇ مودا ئېيتىملاردىن ئۇيغۇرنىڭ كەلگۈسىنى دەھشەتلىك قىسمەتلەر كۈتۈۋالىدىغانلىقىنى كۆرۈۋېلىش تەس ئەمەس. گەرچە دەھشەتلىك قىسمەتلەر يەھۇدىلارنىڭ ساقلىنىپ قېلىشىدا تۈرتكىلىك رول ئوينىغان بولسىمۇ، ئەمما ئۇيغۇرنىڭ ساقلىنىپ قېلىشىدايەھۇدىينىڭ قىسمىتىدەك قىسمەتنىڭ ئاكتىپ رول ئوينىشىنى يەنىلا مەنتىقىلىق دېيىشكە ئىشەنچىم يوق.  بۇنداق قىسمەتنى تەسەۋۋۇر قىلىش تەسەۋۋۇر قىلىش بىلەنلا چەكلەنسە، مېنىڭچە بۇ قىسمەتلەرنى رازىلىىق بىلەن كۈتۈۋېلىشتىن باشقا نەرسە بولمايدۇ. ئۇيغۇر ساقلىنىپ قېلىشى ئۈچۈن چوقۇم ئېزىلىشى، قوغلاندى بولۇشى كېرەكمۇ؟ ئەگەر كېرەك بولسا، بىز يەنە نېمە ئۈچۈن ئۇيغۇر ئاپتونۇم رايونىمىزدا باراۋەرلىك تەلەپ قلىمىز؟ باراۋەرلىك تەلەپ قىلىشنىڭ ئۆزى (ماقالىدە تىلغا ئېلىنغان «باراۋەر مۇئامىلە ئاسسىمىلياتسىيە بولۇپ كېتىشنى كەلتۈرۈپ چىقىرىدۇ» دېگەن قاراشنى ئىپادىلەيدىغان بايانلارغا ئاساسلانغاندا) ئەجىبا ئاسسىمىلياتسىيەنى رازىلىق بىلەن قوبۇل قىلىمىز دېگەنلىك بولماسمۇ؟ ئۇيغۇر ساقلىنىپ قالماقچىمۇ ياكى ئاسسىمىلياتسىيە بولماقچىمۇ؟ بۇ سوئالغا بېرىدىغان جاۋابنى ئوقۇرمەنلەر ھەر خىل مەيداندا تۇرۇپ بىلىمخۇمارنىڭ يازمىسىدىن تاپقان بولۇشى مۇمكىن.