ئۇستازلارنىڭ كاتتا يىغىلىشى-خۇشخەۋەر

orkex

بۇ تىما دەرھال ئۆچۈرۈلىدىغان يەرگە كەپتۇ !!!

arkyar

مەشھۇرلارنى سېسىتايلى

noshirwan

(ھەجۋىي)


-يازغۇچى ئەختەم ئۆمەرنىڭ «ئۇ كەلمەسكە كەتتى» ناملىق ماقالىسىنى ئوقۇغاندىن كېيىنكى خاتىرە


بىزدە مەشھۇرلار نېمانچە كۆپ؟

ئۇلارنى كۆرمىسەكمۇ، بىلمىسەكمۇ، تىللاپ تۇرايلى، شۇنىڭ بىلەن كۆڭلىمىزنى خۇش ئېتەيلى، ئۆزىمىزگە تەسەللى بېرىپ، ‹‹دانىشمەن››بولايلى.

يايلاقتا بۆرە ھۇۋلاپ تۇرمىسىمۇ، قوي پاڭقۇش بولمايدۇ، قوتۇر بېسىپ كەتمەيدۇ. بۆرىدەك ھۇۋلاپ تۇرغانلارنى شىددەت بىلەن قارغايلى، ئۇلارنىڭ ئۈستىدىن پىتنە-پاسات تېرىيلى، بولسا قاغاپ ئۆلتۈرىۋېتەيلى.

بىر مۇنچە نەرسىنى ئىچىگە سولاپ ئۇلۇغ بولىۋىلىپ، ھۆپۈپكە ئوخشاش ئىچىدە سېسىتىۋىتىدىغان ئېتى ئۇلۇغ، سۇپۇرىسى قۇرۇقلارنى، قارىماققا ھەيۋەتلىك كۆرۈنىدىغان، ئەمەلىيەتتە جىگدىچىلىك مېۋىسى يوق قاپاق تېرەكتەك كارغا يارىماسلارنى ماختايلى، بېشىمىزغا ئېلىپ كۆتۈرەيلى. كىمكى سورۇنلارنى بېشىغا كىيىپ،خەقنىڭ بېشىنى ئايلاندۇرۇپ قۇرۇق لاپ ئۇرسا، بىر تۇخۇم تۇغۇپ قويۇپ ئالەمنى بېشىغا كىيسە، ئۆزىنى ماختاپ، ئۆزىنى ئۇلۇغلاپ، ئۆزىدىن باشقىنى ئاساسسىز ئىنكار قىلىپ سېسىتسا، خەلققە قۇرۇق پىتنىدىن باشقا تۈزۈك نەپ بەرمىسە، شۇنداقلارنى ئۇلۇغلايلى.

مەشھۇرلارنىڭ غەيۋىتىنى قىلىشنى، مەشھۇرلارنى تىللاپ سېسىتىشنى،قۇرۇق گەپ قىلىپ ھاراق ئىچىپ،سۇرۇن قوغلىشىپ قاتار چاي ئويناپ، كۈننى ھارام ئۆتكۈزۈپ ئۆلۈپ تۈگەشنى ئۆگىنەيلى، مەشھۇرلارنى تىللاپ-قارغاپ، يوقىرى-تۆۋەن قاتراپ مەشھۇرلارنى چېقىشنى، پىتنە قىلىشنى تازا ئۆزلەشتۈرۈپ، ‹‹كەسپىي پىتنىچى››لەردىن بۇلۇپ يېتىشىپ چىقايلى. ئۆز ئارا گەپلەشسەكمۇ، سالاملاشساقمۇ ھالال نىيەت بىلەن ئەمەس، بەلكى مەشھۇرلار ھەققىدە بىرەر غەيۋەت ئۇچۇرىغا ئىگە بۇلۇش مەقسىتىدە گەپلىشەيلى، سالاملىشايلى. مەشھۇرلارنى تىللاش،سېتىش، قەدىر-قىممىتىنى يەرگە ئۇرۇش، خورلاش، ھاقارەتلەش ئارقىلىق تۇغۇلغانغا، ئۇيغۇر بۇلۇپ يارىلىپ قالغانغا داد دېگۈزۈپ ئۆلتۈرەيلى.

مەركىزىي شەھەر ئۈرۈمچىدىكى ھەر ساھە ئەربابلىرى،چوڭ-كىچىكلەر شىنجاڭنىڭ ھەر قايسى جايلىرىغا بارساڭلار ئېلىپ باردىغان دۇئايى سالام، سوۋغاتلار ئىچىدە مەشھۇرلار ھەققىدە غەيۋەت بىلەن پىتنە چوقۇم كەم قالمىغاي. بۇ پىتنە-پاساتلار ئاندىن ھەر قايسى ۋىلايەت،شەھەر،ناھىيىلەردە ياڭيۇ كۆپەيگەندەك بىر-بىرىنى تۇغۇپ، كەڭ تارقالغاي. ھازىرغۇ تور بىزگە نۇرغۇن قۇلايلىقلارنى كەلتۈردى. مۇنبەر، كيۇ كيۇ توپى دېگەنلەردىنمۇ تولۇق پايدىلىنايلى. پىتنە-پاساتلارنى دەرھال تۈركۈملەپ كۆپەيتىپ تارقىتايلى.
مەشھۇرلارنى تىرىك تۇرغۇزۇپ غاجاپ، قۇرۇق ئىسكىلىت قىلىپ، ئاندىن دەپنە قىلايلى. ئۇلارنىڭ ئادەمگە خاس نۇقسانلىرىنىمۇ كەچۈرىۋەتمەيلى. بىكار تەلەپ ھارەمزادىلەر، گەپنىڭ چىرايلىقىنى، ئىشنىڭ ئەسكىسىنى قىلىدىغان خۇمسىلار، كېچىسى ئورا كولاپ،كۈندۈزى ئەلخۇمار بولۇۋالىدىغان مۇناپىقلار، بىر ئىشنى ياخشى قىلىپ، يۈز ئىشنى يامان قىلىدىغان نائەھلىلەر قىلغۇلۇقنى قىلىۋەرسۇن، كەمچىلىكىنى تۆھپىسى نەچچە ھەسسە بېسىپ چۈشىدىغان مەشھۇرلارنى يەتتە ياشتىن يەتمىش تاشقۇچە ھەممىمىز قارغايلى.

تىرىك چېغىدا سېسىتىپ،ئۆلگەندىن كېيىن قەبرىسىگە ئېسىلىپ سېغىنىپ، ئۇلارنى يادلاپ يىغلايلى. لەنەت تاشلىرىمىزنى شەيتانلارغا ئەمەس، مەشھۇرلارغا ياغدۇرايلى.


http://elbehre.com/forum.php?mod=viewthread&tid=500

sikiltar

بىزمۇ يەرشارىدا  ياشاۋاتىمىز.

hojo

پۇل مەسىلىسى بولمىسا بۇ كاتتا يىغىلىشقا قاتىناشقۇم بار ئىدى!

Yatwash

ئىسمى تىزىلغان بۇ كىشىلەرنىڭ قايسىلىرى ئائىلە مائارىپى ياكى ئائىلە تەربىيەسى ھەققىدە مەخسۇس تەتقىقات ئېلىپ بارغان مۇتەخەسسىس ئىكەن؟! قاراپ باقسام، بۇلارنىڭ ئارىسىدا جەمئىيەتشۇناسلىق ياكى ئىنسانشۇناسلىق پەنلىرى ئارقىلىق «ئائىلە» تېمىسىدە تەتقىقات يۈرگۈزۈپ باققان بىرسىمۇ يوق ئىكەن، بىرلىرى تىل تەتقىقاتچىسى (تىلشۇناس دېيىشكە تىلىم بارمىدى)، بىرلىرى يازغۇچى، بىرلىرى شائىر، بىرلىرى ئەدەبىي تەنقىد دەپ بىر نېمىلەرنى يېزىپ يۈرگەنلەر، بىرلىرى پوبلىستىك ئەسەر يازىدىغانلار، بىرلىرى دىنى ئۆلىمالار، بىرلىرى تەسىرات يازىدىغانلار، بىرلىرى ساياھەتنامە يازىدىغانلار، بىرلىرى ئەمەلدارلار ئىكەن. ماڭا قىزىق تۇيۇلۇۋاتقىنى بۇ ئاتالمىش «ئىلمىي مۇھاكىمە يىغىنى» نىڭ باھاسىنىڭ 1200 يۈەن بولغىنى ئەمەس، بەلكى مەزكۇر كەسىپنىڭ ئەھلى بولمىغان بىر توپ كىشىلەرنىڭ بىر يەرگە كېلىپ مەزكۇر كەسىپ ھەققىدە بىر نەرسە دېمەكچى بولغانلىرى بولدى. كۈلكەمنى توختىتالماي قېلىۋاتىمەن. بۇلارنىڭ ھەممىسى ھۆكۈمەت مىدىيەلىرى ئارقىلىق ئۈزۈكسىز تەشۋىق قىلىنىپ، ئاخىرى «خەلق» ئارىسىدا «ئابرۇيى تىكلەنگەن» كىشىلەر ئىكەن. مەن بۇ كىشىلەرنىڭ ھازىرغىچە ئۇيغۇرنىڭ ئەڭ نەق مەسىلىلىرىدە بىر ئېغىزمۇ گەپ قىلغانلىقىنى ئاڭلاپ باقمىدىم، ئۇلارنىڭ بىر يەرگە كېلىپ نېمىلەرنى دەيدىغانلىقىنى تامامەن پەرەز قىلالايمەن. ھەممىسى كونا گېپىنى دەيدۇ.... ئەمەلىيەتتە، مەن بۇ ئىشتىن مۇشۇ ئىشنى قىلماقچى بولۇۋاتقان كۇتۇبخانا كىشىلەرنىڭ مىللىي ھېسسىياتىدىن پايدىلىنىپ پۇل تاپماقچى بولۇۋېتىپتۇ دېگەن خۇلاسىنى چىقاردىم، مەيلى قانداق ئويلىمايلى، مۇشۇ خۇلاسىنىڭ ئۇ تەرىپىگە ئۆتكىلى بولمىغىدەك. بىر توپ ئەمەلدار، يازغۇچى، شائىر، ئەدەبىي تەسىراتچى، پوبلىستىكىچى، تىل تەتقىقاتچىسى، دىنى ئۆلىمالارنىڭ بىر يەرگە كېلىپ جەمئىيەتشۇناسلىق، ئىنسانشۇناسلىق ۋە مائارىپشۇناسلىقنىڭ تەتقىقات تېمىسى بولغان بىر تېمىنى مۇھاكىمە قىلىشىنى 21- ئەسىردىكى ئەڭ ئېسىل قارا يۇمۇر دېسەكمۇ ئارتۇق كەتمىگىدەك. ياخشى ئىشلارنى قىلىۋاتىسىلەر، ئۇيغۇرلارنىڭ ئەقلىي تەپەككۇر ۋە لوگىكىلىق تەپەككۇردىن يىراقلىشىشىغا داۋاملىق تېخىمۇ زور ھەسسەڭلارنى قوششاڭلار كۈنۈڭلار تېخىمۇ باياشات ئۆتىدۇ.

polat315

قىسمەن ئىنكاس، باھالار تازىلاندى ،ئىلمى پىكىر يۈرگۈزىشىڭلارنى ئۈمۈد قىلىمىز .

tamkinlik

قىرىنداشلار بىز نىمە ئۇچۇن ئىككى قۇتۇپ بولۇپ قاچانغىچە ئاق تاغلىق-قاراتاغلىق ئوينىنى 《بىلىپ- بىلمەي》  داۋاملاشتۇرمىز؟ئاق تاغلىق-قاراتاغلىق ئوينى زىينى باركى، ھىچكىمگە پايدا ئەككەلمەيدۇ. ھەممەيلەن ئەقىل ئىگىسى ، ھەربىر پۇقرانىڭ سوزلەش ھوقۇقى بار، ھەتتا ‹جىنايەتچىنىڭمۇ›سوزلەش ھوقۇقى بار،‹ئىلمىي مۇھاكىمە يىغىنى›بولغىنى ياخشى ئىش،‹چوجىنى كۇزدە سانا›دىگەن گەپ بار،ئۇنىڭغا يىغىندىن كىيىن باھا بەرسەك توغرا بولار. بەلكىم مەقسىدىمىز ئوخشاشتۇر

Yatwash

ئۇيغۇرلاردىكى ئەقلىي تەپەككۇر زور دەرىجىدە يىمىرىلىپ كەتكەن، بۇنىڭدا يۇقىرىدا ئىسمى تىزىلغان زاتى مۇبارەكلەرنىڭ تۆھپىسى ئالاھىدە زور. بۇ تېمىدىكى ھېسسىياتى قايناپ- تېشىپ، بۇ ھەر ساھەدىن يىغىلىپ ئۆز كەسپىي بولمىغان بىر كەسىپ ئۈستىدە سۆزلەشمەكچى بولغانلارنى ئۇلۇغلاۋاتقانلارغا مىڭ پاكىت بىلەن چۈشەندۈرسىمۇ، ئوخشاشلا ئۆزىنىڭ ئەقىل ۋە لوگىكىىنىڭ تارازىسىدىن ئۆتمىگەن گەپلىرىنى قىلىۋېرىدۇ، مېنىڭ ئىنكاسىمغا باھا يېزىپ قويغان ئىككىيلەنمۇ شۇنىڭ جۈملىسىدىندۇر. مەن بۇ كاتتا شەخسلەرنىڭ ئىچىدىكى بىر شەخسنىڭ ئاشكارا سۆزلىگەن نۇتۇقىدا «قوش تىل ئۇيغۇرلارغا 20 يىل كېچىكىپ يولغا قويۇلدى» دەپ قاقشىغانلىقىنى، «قوش تىل» 20 يىل بۇرۇن يولغا قويۇلغان بولسا ئۆزىنىڭ خەنزۇچە ئەسەر يازالايدىغان شەخسكە ئايلىنىدىغانلىقىنى دەپ، خەنزۇ تىلىنى ياخشى بىلمىگەنلىكىنى ئۆزىنىڭ دۆتلىكىدىن كۆرمەي، ھۆكۈمەتنىڭ بۇرۇنراق قوش تىل ئوقۇتۇشى يولغا قويمىغانلىقىدىن كۆرۈپ، ئۆزىنىڭ دۆتلىكى ۋە شەخسىي ئارزۇسى ئۈچۈن بىر مىللەتنىڭ مەنپەئەتىنى قۇربان قىلىپ سۆزلىگەن نۇتۇقىنى ئاۋازغا ئېلىنغان نۇسقىسىنى ئۆز قۇلىقىم بىلەن ئاڭلىغان ۋە ئۇنىڭ قەغەزگە ئېلىنغان نۇسقىسىنى ئۆز كۆزۈم بىلەن كۆرگەن. ئۇيغۇرلار بولسا بۇ شەخسنى ئۇ شەخس ئۆزىمۇ كۆتۈرەلمەيدىغان سۈپەتلەر بىلەن ئەتىۋارلاپ قەدرىنى قىلىپ كېلىۋاتىدۇ. ئۇيغۇرلارنىڭ بۇ شەخسكە تۇتقان پوزىتسىيەسىدىن مەن بۇ مىللەتنىڭ نەقەدەر كەڭ قورساق بىر مىللەت ئىكەنلىكىنى ھېس قىلدىم. بۇ تېما ياكى باشقا تېمىدا مېنى ئارتۇق گەپ قىلىشقا قىستاپ، ئېغىز تاتىلايدىغانلار ئىلمىي، ئەستايىدىل پاراڭ قىلىشالىساڭلار مانا مەن. بولمىسا، ھاياجانغا تولغان، ئەقلىي تەپەككۇر ئىزنالىرى يوق پاراڭلىرىڭلارنى شۇنداق گەپنى ئاڭلايدىغانلارغا دەپ بېرىڭلار. بەك بولمىسا راۋرۇس تۇتۇشۇپ باقساقمۇ بولىدۇ. يەنە بىرى، ئۈستىدىكى بىر يولداشقا دەپ قويىدىغىنىم، مېنىڭ قاچان، قانداق تىزىملىتىپ كىرىشىم ئۆزۈمنىڭ ئەركىنلىكى، ئۇنىڭ سىز بىلەن ھېچقانداق مۇناسىۋىتى يوق. ئۇيغۇرلاردا دۇنيانىڭ ھېچقانداق يېرىدە ئالدىراپ كۆرۈلۈپ قالمايدىغان كۈلكىلىك ئىشلار مانا مۇشۇنداق تەرىزدە يۈز بېرىۋاتقان بولغاچقا، قارىشىمنى دەپ قويدۇم. ھاياجان كىشىلەر كۆپەيسە كۆرگۈلۈك تېخى ھازىرقىدىنمۇ بەتتەر بولىدۇ.

anur

Yatwash يوللىغان ۋاقتى  2013-4-20 15:26
ئۇيغۇرلاردىكى ئەقلىي تەپەككۇر زور دەرىجىدە يىمىرىلىپ  ...

مېنىڭ يۇقارقى ئىنكاسنى يېزىشتىكى سەۋەبىم موشۇ يىغىلىش سەۋەبلىك كاللىسى ئوچۇق،دانا پىكىرلىك بىرەر ئۇلۇغىمىز ھازىرقى ئېچىرقىغان روھىيىتىمىز،مەنىۋىيىتىمىز توغرىسىدا پاراڭ ئارلىقلىرىدا بولسىمۇ بىرەر ياخشى پىكىرنى ئوتتۇرغا قويسا،باشقىلارمۇ موشۇ ھەقتە ئويلىنىپ باقارمىكىن دېگەن ئۈمۈتتىمەن.بۇنى نوقۇل ھالدىكى پۇل تېپىشنى مەقسەت قىلغان بىر قېتىملىق پائالىيەت دەپلا چۈشەنسەك ئانچە توغرا بولماس.

otkax025

قىزىل كۆزلۈك كۈرەلمەسلىك ۋەيا ئۆزى قىلالماسلىق
قىلاي دەپ بەل باغلىغانلارغا تۇرلۇك بۆھتانىمىز باردۇر
                                                                -ئا.ئۇيغۇر
قېرىنداشلار ئۇلارنى ئۇنداق تىللاپ كەتمەيلى،مەيلى ئۇلار ياخشى بولسۇن يامان بولسۇن ئۇلار يازغان كىتاپلار نۇرغۇن‹مىللەت›دىگەن ئۇقۇم كالللىسىدا يوق قېرىنداشلىرىمىزنى مىللەت ھەم كەلگۈسى توغۇرسىدا ئويلاتتى.بۇ مىنىڭ ئەمەلى تۇرمۇشۇمدا نۇرغۇن قېتىم يۇز بەرگەن ئىش.ئۆزىمىزنىڭ ھۆرمىتىنى ئۆزىمىز قىلمىساق باشقىلار قىلىپ بەرمەيدۇ.ئۇلارنى تىللاۋاتقانلارمۇ ئاۋال شۇلار قىلغاننى قىلىپ ئاشۇرۋېتىپ ئاندىن تىللىساڭلارمۇ كىچىكمەيسىلەر.بىر پەيلاسوپنىڭ مۇنداق بىر گىپى بار‹باشقىلارغا ئالدىراپ باھا بەرمە،سەن ئۇلارنىڭ نىمە ئۈچۈن كۇرەش قىلىۋاتقىنىنى بىلمەيسەن›بۇيەردە باشقىلارنى تىللاپ ۋاقتىڭلارنى ئىسراپ قىلغاندىن كۆپرەك كىتاپ ئوقۇپ بىرىڭلار،زىيىنى يوق.بىز ساپالىق بىلىملىك ئاقىل يول باشچىلارغا مۇھتاج.زىدىيەتلەشمەيلى ، بىر بىرىمىزنى قوللايلى،ئىتتىپاقلىشايلى!!
بىر ئاقىل توختىماي قىلاتتى خىتاب
بىلىمسىز نادانلار ئەما ۋە بىتاپ
سورىدىم ئەملەشنىڭ دورىسى نىمە
ئۇ دىدى كىتاپتۇر كىتاپتۇر كىتاپ