ئارزۇ-ئامانلىرىم بىر-بىرلەپ كۆپۈككە ئايلىنىۋاتامدۇ-قانداق؟

yaqup

           ئىككى بالامنىڭ  دەرىزە تۈۋىنى تالىشىپ،ئاپاق بۇلۇتلارغا،قار باسقان چوققىلارغا قاراپ:ئانا قارا دادا،مانا قارا ئاپا،دەپ چۇقۇراشلىرى،قۇلاق- مىڭىمىزنى يەۋاتقان موتۇرنىڭ ئاۋازىنىمۇ بىسىپ كىتىۋاتقانتى.ئەقىللىق خوتۇنۇمنى بىلەتنى توردىن ئەجەپ ئەزان سىتىۋاپتۇ دىسەم،ئەسلى ئايرۇپىلاننىڭ قۇيرۇقىغا مىنىپ كىتىۋاتقان ئىكەنمىز ئەمەسمۇ.توساتتىن ئوغلۇمنىڭ ئاغزىنى ئۈشتۈپ:دادا،مۇشۇ ئايپىران  يەرگە چۈشۈپ كەتسە نىمە بولىدۇ؟دىگەن سۇئالىغا پارتىيىلىك خوتۇنۇم ئەمدى ئاغزىنى ئۆمەللىۋىدى،مەن ئۇنى نوقۇپ،ئوغلۇمغا ئەستائىدىل جاۋاپ بەردىم.-بالام،ئەگەر ياراتقۇچىمىز خالىسا مۇشۇ يەردىن چۈشۈپ كەتسەكمۇ ئۆلمەسلىكىمىز مۈمكىن.ياكى مۇشۇ يەردىن چۈشۈپ كەتمەيمۇ ئۆلۈپ كىتىشىمىز مۇمكىن.ھىچكىم ئارا تۇرالمايدۇ.ئوغلۇم بۇلارنى چۈشەنمەيدۇ.مەنمۇ ئۇ گەپنى يۇقۇرى پەن-تېخنىكىنىڭ كۈچ-قۇۋۋىتىگە بەك ئىشىنىپ،ئايروپىلان بىخەتەر،ئايروپىلان بىخەتەر دەپ چاكىلداپ كەتكەن،ئىمانى بوغۇزىدىن ئۆتمەيۋاتقان ئايالىمغا دارىتمىلاۋاتاتتىم...
           سايلىرى قېقىر،باغلىرى بوستان،خەلقى ئىشچان گۈزەل ئاتۇش.ئۈرۈمچىدە «ئاتۇشلۇق» دەپ لەقەم بولغان جىنىم ئاتۇش.ئۈرۈمچىدە قالغانغا مىڭ پۈشمان يەپ،تالاي قىتىم ئېرىق-ئۆستەڭلىرىنى سېغىنىپ كەتكەن تاشلىق ئاتۇش.چەتئەلدىكىلەر ھىلىمۇ ۋەتەن ئىشقىدا كۆيۈپ كۈل بوپ كەتمەيدىكەن-دىسە،توۋا!!!مىنىڭچە  ۋەتەن مۇھەببىتى دىگەن  ئانا يۇرتىغا بولغان خوجايىنلىق،قەھرىمانلىرىغا بولغان ئىپتىخارلىق،خەلقىگە بولغان مەسئۇلىيەتچانلىق  تۇيغۇسىدۇر.
          دادام ئايدۇرۇمغا -ئالدىمىزغا چىقىپتۇ،بالىللرىمنى كۆتۈرۈپ باغرىغا باستى،مەڭزىگە سۆيدى.مىنى ياندۇرۇپ-ياندۇرۇپ باخ ئەتتى،بىسىپ-بىسىپ سۆيۈپ كەتتى.ئايالىمنى قۇچاغلام،-جىنىم بالام،دەپ پىشانىسىگە سۆيدى،كۆزىگە ياش ئالدى...دادام باشلاپ كىرگەن باياخۇننىڭ  شالى ماشىنىسىغا ئولتۇرۇپ ئۆيگە تىنىچ -ئامان كىلىۋالدۇق...ھويلىغا بالىللىرىم بىزدىن بۇرۇن ئويناقلاپ كىرىپ كەتتى.ئاپام بىرىنى يىتىلەپ،بىرىنى كۆتۈرۈپ،-مىنىڭ قوزۇللىرىم،مىنىڭ ئاسماقلىرىم،دىگىنچە كىلىپ ماڭا ئۆزىنى ئىتىپ ئۈن سلىپ يىغلىدى،سۆيدى،چاچ قالمىغان باشلىرىمنى سىلىدى.يىنىدا مىشىلداپ تۇرغان ئايالىمنىمۇ تارتىپ باغرىغا باستى،-ئوبدان تۇللىمۇ جىنىم خىنىم، ئۈرۈمچىلىك چىرايلىق قىزىم،بالامغا ئاشىق بولغان ژۈركۈم،دەپ قوشاق قاتتى.بىز ئەر-خوتۇن دادامنىڭ كەينىدە نەچچە كۈن،ئاپامنىڭ كەينىدە نەچچە كۈن ئەگىشىپ يۈرۈپ، ئۆلۈم-يىتىم،توي-تۆكۈن بولغان ئۆيلەرنى پەتىلەش،تۇققان،خۇشنىلارنىڭكىدە مىھماندارچىلىق،دوس-يارەنلەرنىڭكىدە ئولتۇرۇش  بىلەن ئالدىراش بوپ كەتتۇق. دادام بىر كۈنى ئاتايىن مىنى ئانامنىڭ تۇپراق بىشىغا باشلاپ ئاپپىرىپ ،ئۆزىنى  ئانامنىڭ يىنىغا كۆمۈشنى ۋەسىيەت قىلدى .ماڭا:پىنسىيەگە چىقساڭلا قايتىپ كەل ،ئۆلسەڭ يىنىمدا يات،مەن ئۆلۈمدىن ،بولۇپمۇ سەكراتقا چۈشكەندىكى جان ئاغرىقىدىن ،گۆردىكى قىيىن-قىستاقتىن  ،قايتا تېرىلىدىغان چاغدىكى سوئال -سوراقتىن بەك قورقىمەن،دەپ كۆڭلى بۇزۇلدى. تاتلىق بالىللىرىم بولسا بۇ  ئاسمىنى كەڭ يەردە يايراپ كىتىشىتى.كالىغا چامما ئىتىپ،قويغا بۇغداي تۆكەپ،ھاجەتخانىغا كۆنەلمەي  ئىشتانغا   سىيىپ-چىچىپ،ئۆگزىدە يۈگرۈپ سەكرەپ،تونۇرغا مۆكۈپ،ئۈرۈكىنى يەپ ئۈچكىسىنى چىقىپ،سۇ كىچىپ،مۇشۇك تۇتۇپ،توخۈ قوغلاپ ئويۇنغا تويمىدى.ئىشەك تاپالمىغانسىرى ئىشەك مىنىمەن دەپ جىدەل قىلىشتى.ھۆر نان،قېتىق،قايماق چاي،گۆش نان ،نارىن چۆپ،چۈلە،زاڭ،چامغۇر كۆكى چۈچۈرسى،شىۋىنجە،شوخلا چۆپ،نان چۆپ دىگەندەك سەھرا تاماقلىرىنى ئىگىز -پەس يەپ ئىچىمىز توختىمىدى.يۇرتىمىزدىكى ئۆزگۈرۈش  چوڭ بولۇپ،ماڭا ئالتە يىلنىڭ ئالدىدا،كىچىگىمزدىن بىرگە ئىكساق،تاقۇت ئۆستەڭلىرىدە سۈغا چۈمۈلۈپ،بىرگە قوغۇن-تاۋۇز ئوغۇرلاپ،بىرگە سايدا قوي بىقىپ،بىرگە مەكتەپكە بىرىپ كىلىپ،بىرگە توشقان قوغلاپ چوڭ بولغان،دوستۇم موتۇللانىڭ يەتتە كۈنلۇك نەزىرسىگە كەلگەن چاغلاردىكىدىن چېكىنىپ كەتكەندەك بىلىندى.جۇمە كۈنى چوڭ جامەدىمۇ ئادەم ئاز بولۇپ،ئىمامئاخۇنۇمنىڭمۇ ساۋادى ياخشى چىقمىغاندەك تۇرىدۇ.كىچىگىدىن تارتىپ چوڭىغىچە ھەممە خەق پۇلنىڭلا  گىپىنى قىلىشىدىكەن.ياش ئىشچى-خىزمەتچىلەرنىڭ ئويۇن تاماشالىرى قەشقەردە-رېستۇراندا ئىمىش .كىيىملىرى داڭلىق ماركا،ھەممىسىنىڭ قولىدا ئىقتىدارلىق تېلفۇن ،قوڭىدا كىچىك ماشىنا بولۇپ  كىتىپتۇ. بۇلار بالىللىرىنى باشلانغۇچ مەكتەپنى پۈتتۈرسىلا شىخەنزىدە ،ئىچكىردە ئوقۇتۇشقا ھېرىسكەن. مىڭ جاپادا بالا ئوقۇتۇپ،مۇئاشلىق قىلىپ مىنى باقامىكىن دەپ نەپسىنى ساڭگىلاتقان ئاتا-ئانىلار ،بالىللىرىنىڭ  شەھەر ئىچىدە ئۆي ئالىمەن،ئىشقا بىرىپ-كىلىشكە ماشىنا ئالىمەن،نەخ پۇللۇرۇم يوق بانكىدىن قەرىز ئالىمەن دەپ تۈگۈمىگەن دەيكىنىنى ساقلاپ  ئىڭىكى چۈشۈپ قاپتۇ.قوش مۇئاشلىق ئۆيلەردە  مىنىڭ،سىنىڭ قىلىپ جىدەل قۇرۇمايدىكەن. ئۇرۇق-تۇققانلار مىراس تالىشىپ، خۇلۇم خۇشنىلار قىر تالىشىپ گەپ قىلىشمايدىغان ئىشمۇ جىقكەن.قېيىنئانا كىلىنلىرىنىڭ،كىلىنلەر قېيىنىئانىسىنىڭ يامان گىپىنى تولا قىلىدىكەن.كالتا -سوكات مەكتەپتە ئوقۇش پۈتتۈرۈپ كىلىپ خىزمەت يوق،ئوغۇللار كەتمەنگە يارىماي،قىزلىرى ئەرگە يارىماي بىكارچىلار كۆپكەن.ئەر-ئاياللار چىيى ،ئەرلەر چىيى ،ئاياللار چىيى دىگەندەك چايلىرى كۆپكەن.دىھقانلىرىمۇ موتۇ مىنىپ ئىتىز بىشىغا بارىدىغان بولۇپ،ئىشەكتىگۈل ئىشەكنىڭ  تېزىكىنىمۇ تاپقىلى بولمايدىغان بولۇپ كىتىپتۇ.چوڭلىرىمىز بىكار بولسىلا يانپاشلاپ تېلىۋۇزۇر كۆرۇپ ياتىدىكەن.ياشراقلىرى قىرغىزنىڭ يۇرتىدا، ئاستىن ئاتۇشلۇق بايلىنىڭكىدە ،ئۈزۈملۈكتە،پاختىلىقتا مەدىكارچىلىق قىلىدىكەن...نەچچە كۈن بولدى، بىلىكىگە قىزىل لاتا تاقىۋالغان شۆدىجاڭ 2 كادىر خىنىملارنى ئەگەشتۈرۈپ ئۆيمۇ-ئۆي كىرىپ جىددى نوپۈس تىزىملاۋاتىدۇ.كەلگەن كەتكەننى ئىنىقلاۋاتىدۇ...ئاڭلىساق ئۈرۈمچىدە ئىش چىقىپتۇمىشكەن، بىزلەر تېلىۋۇزۇرمۇ كۆرمىگەچ بىلمەپتۇق.باشلىغىم تېلفۇن قىلىپ:بىزگە تېلفۇن ئۇرۇپمۇ قويمىدىڭ ئەجەپ،دەيدۇ.مىنى نەگە كەتتى دەپ ئويلىدىكىن بۇ خوتۇن.پوزۇتسىيەسى قوپال.ئېرىنىڭ ئاكىسى بىر يەرنىڭ يوغان باشلىقى ئىكەن،دەپ ئاڭلىغان بۇ خوتۇن،ئەسلىدىكى بۆلىمىمىز شەھەرلىك تارماق شىركەت بولۇپ قۇرۇلغاندىن   بۇيان ،مەن تۇرغان ھازىرقى 7كىشلىك بۆلۈمگە باشلىقتى.خىزمىتىمىز زادى كۆمپىيۇتېردىن ئايرىلالمايدىغان بولغاچقا، بۇلار ھەرقانچە "يېدا"دا ئوقۇغان،ئۇنۋانى يوغان بولسىمۇ، ماڭا ھاجىتى تازا چۈشەتتى.مەن پەقەت ئۇلارغا قارىغاندا جىق نەرسە بىلەتتىم.باشلىقمۇ مىنى ئەتىۋارلاپ،ئىشچىلار ئۇيۇشمىسىنىڭ ۋەكىلى قىلىپ تونۇشتۇردى.تارماق شىركەت، باش شىركەت،نازارەتلەردە ئىچىلغان ئىشچىلار ۋەكىللەر يىغىنى،مىللەتلەر ئىتىپاغلىقى يىغىنى،موقۇملۇقنى ساقلاش يىغىنىلاردىن  مەن كەم قالغىنى  يوق.مۇشۇنداق سورۇنلاردا ماڭا ئوخشاش  يىغىنغا  كەلگەنلەر بىلەن تونۇشۇپ قالاتتۇق...ئەسلىدىكى گىپىمگە كەلسەم،يۇرتىمىزدا سۇنىڭ قىس  بولۇشىغا قارىماي قايراقلىقلارنىڭ ئىگەللەپ تاتىلمىغان ساي قالماپتۇ.بايمۇ،كەمبەغەلمۇ ئوخشاش ئۆينى ياسايدىغان ئىش تېخى تۈگىمەپتۇ.باشلانغۇچ باللىرىنىڭ تىلى ھىچنىمىگە كەلمەي گاچىللا  بوپتۇ.توي قىلمىغان قىزلار ئاز،يىگىتلەر جىق ئىكەن.بۇ گۈيلار قىزلارنىڭ كۆپۈنچىسى  شەھەردە-ئاشخانا،رېستۇران،قاۋاقخانىدا يۈرگەنلىكنى بىلمەمدىغاندۇ.قىزلارنىڭ ئاتا-ئانىسىدىن:قىزىڭ نەدە تۇرۇپ،نەدە نىمە ئىش قىلىۋاتىدۇ،دەپ سورىمامدىغاندۇ.بولۇپمۇ ئۈرۈمچىدە قىزلارنىڭ جىقلىغىنى ئۇقمايدىغان ئوخشايدۇ.ئوغۇل تاپقانغا ۋاي! تويلۇق ئېغىركەن.قىز تاپقانغىمۇ ۋاي !خەتنە توي تېخىمۇ ھەشەمكەن. يامان خۇي-مىجەزىنى تاشلىمىغان ،ئىماننىڭ تەمىنى تېخى تىتىمىغان ھاجىلارمۇ ئاۋۇپ قاپتۇ.بازارلار ئاۋات بولغان بىلەن مەسچىتلىرىمىز چۆلدەرەپ قاپتۇ. قەشقەردىن ئەككىلىپ ئىچىۋاتقان سۇ مايلىرىنى  ئەۋرەز مايلىرىمۇ ئەمەس سۈرۈشتۈرمەيدىكەن.ئوغۇت بىلەن قوي،كالا بوداپ ساتىدىغان باقمىچىلارمۇ بارمىش.كۈندىلىك تۈرمۇش بۇيۇملىرىنىڭ ھەممىسى دىگۈدەك ساختا ماركىلىق مەھسۇلات. دىھقانلار ئۆيدىن تىپىلىدىغان تۇخۇم،سۈت،قايماقلارنى يىمەي ساتىدىكەن،ئاغرىسا  ھەمكارلىق داۋالايدۇ دەپ ئاسما سىلىشقا يۈگۈرىدىكەن.كاناي ياللۇغى،زىقا كىسىلى،ئۆپكە ياللۇغى،پۇت ئاغرىقى،بەل ئاغرىقىلار تولىكەن.راك كىسىلى بولغانلار ئۆلۈم بۇرنىغا پۇراپ تۇرسىمۇ تەن بەرمەي ، ئۈرۈمچىگە كىلىپ داۋالىنىپ، ئۆيدىكىلەرنى قەرىزگە بوغۈپ  ئۆلىدىكەن.ئولتۇرۇش جىق،يەپ-ئىچىش ئېغىر ،چىنىقىش كەم بولغاچ ياشلارنىڭ ساپلا  قوسىغى چىكىتىپتۇ.توي قىلغان قىزلىرىمىزگە بىرە بالىلىق بولا بولمايلا ئاياللار كىسىلى چاپلىشىپتۇ.ئادەتتىكى دىھقانلارمۇ باغلىرىدا قۇرۇپ كەتكەن ئۈرۈك،شاپتۇل،ئالما،ئامۇتنىڭ ئوتانلىرى سۆرۈلۈپ تۇرسىمۇ قالىماي ،گاز ئوچاق ئىشلىتىپ تاماق ئىتىدىكەن.كىر يۇيۇش ماشىنىسىغۇ بوپتۇ،توڭلاتقىمۇ ئومۇملىشىپ كىتىپتۇ.بىر كۈنى ئاپامنىڭ توڭلاتقۇسىنى ئاچسام ئۇ،بۇ نەرسە يۆگەكلىك قىزىل،قارا،ئاق يالتىراق خالتا بىلەن توشۇپتۇ.بۇ ئاپەت يالتىراققۇ ئىتىز-ئىرىقلارنى بىر ئاپتۇ زادى.نەچچە يىلدىن بىرى ھۆكۈمەت دىھقانلارنى باي قىلىمىز دەپ  ھېلى بۇنى تىكىسەن دىسە،ھېلى ئۇنى تېرىسەن دەپ زىرىكتۈرگەچ، يىزا كادىرلىرى دىھقانلارنىڭ ئىتىزلىرىدا چىلان تىكىپ، ياڭاق ئۇلاپ ئۆزى  ئىشلىگىلى تۇرۇپتۇ.ئەمدى ھۆكۈمەت سىلەرگىمۇ پايدىسى بار،ئىشسىزلىق مەسىلىسىنى ھەل قىلىمىز دەپ، تاقۇتنىڭ ئۇدۇلىدىكى سايلىققا زاۋۇتلارنى قۇرغۇلى تۇرۇپتۇ.بۇ زاۋۇتلارنىڭ  ئىس-تۈتەكلىرى،كىرەكسىز سۇلىرى موھىتنى بولغىمامدىغاندۇ؟ھەر يوغان تۇرۇبۇلارنى ياتقۇزىۋاتىدۇ،ئۇستۇن ئاتۇشنىڭ سۈيىنى قۇرۇتىۋەتمەمدىغاندۇ؟،دەپ ئويلىغانتىم.ئەمەلىيەتتە،بۇ ئىشلارغا باش قاتۇرىدىغانلارمۇ  بارتى، بەلكىم...

facebook

ھېلىمۇ ناھايىتى غەيرەت قىلىپ يېزىۋاتىسىز، پەچەت يېزىۋاتىسىز، ئايالىڭىز قوللاپ بەرسە تېخىمۇ جىقراق يازغايسىز

ablat4205

‏ئاللاھ سىزنى ۋە قەلىمىڭىزنى ئامان قىلسۇن بەك ياخشى يىزىۋاتىسىز رەخمەت ھازىر خىزمەتچىلەر ئۇخشاش ئۇخشايمىز خۇددى مىنى يازغاندەكلا يىزىپسىز داۋاملاشتۇرشىڭىزنى ئۇمىد قىلىمەن

begtash557

[quote]yaqup يوللىغان ۋاقتى  2014-8-10 19:14
‏‏‏... ئىككى بالامنىڭ  دەرىزە تۈۋىنى تالىشىپ،ئاپاق بۇلۇ ...[/quote

budunya

داۋامى باردۇ ھە ...........مەن تىلغۇندا ئوقۇۋاتقان قارىسام ھېچ كەينى چىقمايدۇ ...بىرسۈرۈشتۈرۈپ باقاي دەپ كومنى ئاچسام داۋامى چىقىپتۇمانا ........

yaqup

        بىز ئەسلى پىلانىمىز بويۇنچە ئاتۇشتا 10كۈنچە تۇرۇپ،قەشقەردىكى ساۋاقدىشىمنىڭ زورى بىلەن شەدە ئىككى كۈن تۇرماق بولدۇق.ئاندىن قاغىلىقتا بىرەر كۈن،خوتەنگە بىرىپ ئىككى كۈن تۇرۇپ،ئۇدۇللا ئۈرۈمچىگە قايتىپ كەتمەكچى ئىدۇق...شەلىك ساۋاقدىشىم باجگىر،ئىشلارغا ئىپى بار،ئالى مەكتەپتە ياخشى ئۆتەتتۇق.ئۇ،بىز ئۈرۈمچىدىكى چاغدىلا تولا تېلفۇن قىلىپ،قاچان كىلىسىلەر دەپ يولىمىزغا قاراپ كۆزى تىشىلىپ كىتەي دىگەن ئىدى.بىز ئاتۇشتىكى چاغدىمۇ تېلفۇن قىلىپ،ئايرۇپىلاندىن چۈشۈپلا تېلفۇن قىلمىغىنىمغا خاپا بولدى.ئاۋۇرۇڭنى قىلىپ ئالدىڭغا ماشىنا ئىلىپ چىقىپ ئۆيۈڭگە ئاپپىرىپ قويىتىم-ئەمەسمۇ...دەپ كايىدى.ھىلىھەممۇ ئۆيۇمگە ئالغىلى كەلمەكچى بولدى.بىراق،ئۇ كەلسە ئاپامنىڭ:بالامنىڭ دوستى كەپتۇ، دەپ ئارتۇقچە جۇۋاپ كىتىشىدىن ئەنسىرەپ،-ياق ئاداش سەن كەلمە ،بىز بارىلى ،دەپ ئالدىنى توسۇپ قويغان ئىدىم.ئۇنىڭ:ئۇستۇن ئاتۇشنىڭ ھاۋاسى ياخشى،ئاپاڭنىڭ ھۆرنىنى ئوخشايدۇ،قېتىقنى ئاچچىق-چۈچۈك بەلەن  ئۇيىتىدىكەن،دىگەنلىرىنى ئاڭلىماسقا سىلىۋالدىم.ئالىمنىڭمۇ بالدۇراق قەشقەرگە بىرىپ يىڭى بازار،ئوردا ئالدى دىگەن يەرلەرنى پىقىراپ،بازار چۆگلىگىسى كىلىپ كەتتى.قايسى كۈنى پەيسۇ بازار،گوڭشى بازار،كۆرۈك بازارلارنى ئايلىنىپ ئاتا-ئانىسىغا يارۇغىدەك نەرسە تاپالماپتۇ.ئاستىن ئاتۇشتىكى ھامما،تاغام،دوستلىرىمىز چاقىرغاندىمۇ ئىسسىق ئەنجۈرنى يەۋىلىپ،مىجەزى يوق بازارغا چىقالمىدى.بۇ خوتۇن ئۈرۈمچىدىن كەلگەندىن بىرى سۇپىدا،كۆرپىدە ئولتۇرالماي پۇتلىرى ئاغرىپ كىتىپتىمىش.كەچلىكى قېلىن سېلىنغان يوتقان-كۆرپىدە،ئىگىز ياستۇقتا ياتالماي بەللىرى ،بويۈنلىرى  قېتىپ كىتىپتىمىش.تورۇستىكى ئۆمۈچۈكلەرنى قاچان چۈشۈپ چىقىۋالاركىن دەپ ئەنسىرەپ يىتىپ تۈزۈك ئۇخلىماۋىتىپتىمىش.بالىلارنى پاشا چىقىپ،تاتىلاپ يارا قىلىپ تېرىسىنى كۆرگىلى بولماسمىش.يۇيىنىلى دىسە مۈنچا يوق تەرلەپ،پۇراپ كىتىپتىمىزمىشكەن.چاقىرغانلىكى يەرلەدە دۆلەپ،دۆلەپ بەرگەن لەغمەنلەرنى، ئاپام :ئاشۇرۇپ قويسىلا سەت بولىدۇ -خىنىم ،دىسە زورلاپ يەپ سەمىرىپ كىتىپتىمىش.نەدە ئولتۈرسا ئىزدەپ بىرىپ قۇچىغىغا چىقىۋالىدىغان مۈشۈكتىن جاق تويۇپتىمىش.
       خوتۇننىڭ جىدىلى بىلەن ئەتىسى ماڭماق بولۇپ،كىچىچە  دادام-ئاپاملار بىلەن تازا مۇڭدىشىۋالدىم.-نامازنى ۋاقتىدا ،مەنىسىنى چۈشۈنۈپ،تەمكىن ئوقۇڭلار،مەن ئەكەلگەن قۇرئان ، ھەدىس كىتاپلىرىنى كۆرۈڭلار،قىزىڭ، بالاڭ دەپ ئاغزىڭلارنى بۇزۇپ تىللىماڭلار، تۇققانلار ،خۈشنىلار بىلەن ياخشى ئۆتەڭلار، قېرىغاندىمۇ ئۇرۇشماڭلار، كەچتە تاماقنى ئاز يەڭلار،زۇكام بولساڭلار ئالدىراپ ئاسما سالماڭلار،شەنىڭ سۇ مىيىنى ئىشلەتمەڭلار،قىزلارنىڭ غېمىنى قىلماڭلار،مەندىن خاتىرجەم بولۇڭلار،پۇل لازىم بولسا ھايت دەڭلار،دىدىم.خوتۇندىن يۈشۈرۈپ قويغان بارى-يوق پۇلۇمنى بەردىم.ئاپام پەقەت:ئۆزۈڭنى ئاسرا بالاملا دىيەلىدى.دادام: ئۆمىرىمىز ئاق-قارىنى بىلمەي ئۆتۈپ كىتىپتىكەن، خۇدا سىنىڭ دىلىڭغا ئىنساپ -ھىدايەتنى ساپتىكەن،مانا بىزنى باشلىدىڭ .گەپلىرىڭنى ئاڭلاپ، ئەۋەتكەن كىتاپلىرىڭنى ئوقۇپ نۇرغۇن خۈي-مىجەزىمىزنى ئۆزگەرتتۇق .ئاپاڭمۇ شۇ (تەنە قىلغان يېرى ).ئىنى -سىڭىللىرىڭغىمۇ ئوبدان باش بولدۇڭ .پۇللا بەرسە ھىساپ ئەمەس .ياخشى گەپنىمۇ پۈلغا ساتىدۇ خەق ھازىر،دىدى. ئۇلار بۇندىن بۆلەك يەنە نىمە دىيەلىسۇن.ئۇلار  بالا تىپىشنى بىلگەن بىلەن،ئاچ قويماي،يالىڭاچ قويماي بىقىپ چوڭ قىلىشنى بىلگەن بىلەن،ئادىمىيلىك يولىنى بىزگە كۆرسۈتۈپ بىرەلىدىمۇ؟ئۇلارچە،ئۆلمەي چوڭ بولساق،مۇئاشچى بولساق ياكى جىق پۈل تاپساق،قېرىغاندا ئۇلارنى باقساقلا بولدى...ئوقۇمىغانمۇ دەيلى،ئەقەللىسى نەدىن كىلىپ ،نەگە كىتىۋاتىمىز ئويلانمامدۇ. ئوقۇغانلار-زىيالىلار قايسى تاغنى تالقان قىلىۋەتكەن.ئوقۇمىغان،لىكىن پىكىر قىلىشتىن توختىمىغانلارنىڭ تۆھپىسى زور تېخى. ئەتىگەندىن كەچكىچە پۇلنىڭلا غىمىنى قىلىدىكەن...
       شۇنداق قىلىپ ،ئەتىگەندىلا نەۋرە ئاكامنىڭ ماشىنىسىدا  ئولتۇرۇپ،دادامنى ئىلىپ قەشقەگە ماڭدۇق.بايا،ئەڭ بۇرۇن دىڭىلداپ ماشىنىغا چىقىپ ئولتۇرغان ئوغلۇمنىڭ توساتتىن ماشىنىدىن چۈشۈپ،يۈگۈرۈپ بىرىپ ئاپامنى قۇچاغلاپ:سىنى جىق قاخشىتىۋەتتۇق-چوڭ ئانا.بىز ئاتۇشنى ياخشى كۆرىمىز .ماقۇل دىسەڭ  يەنە كىلەتتۇق.خاپا قىلمايتۇق-چوڭ ئانا.ئۈرۈمچىگە چىقساڭ باقىمەن -چوڭ ئانا،دەپ ھۆڭرەپ يىغلىشى ،قىزىمنىڭمۇ ئاكىسىنى دورۇپ:مەن ئاتۇشقا ئاملاقنى ئېيتىپ يىغلاشلىرى دادام-ئاپام،ئۇرۇق-تۇققان،خۇلۇم-خۇشنىلارنىمۇ يىغلىتىۋەتتى.ئاپامنىڭ يۈرىكىنى ئىزىۋەتتى.مىنى،ئايالىمنى سۆيۈندۈرىۋەتتى.بىز نەۋرە ئاكامنىڭ گىپى بىلەن ئۇدۇل يىڭى بازار ئەتراپىدىكى بىر تىز تاماقخانىغا كىردۇق. ئۇ يەردە ئاكامنىڭ ئايالى بىلەن كۆرۈشتۇق.دادامنىڭ چۈشەندۈرىشىچە بۇ ئاكام،پەيغەمبىرىمىزنىڭ سۈننىتى بويۇنچە مۇنۇ ئايالنى ئىككىنجى خوتۇنلۇققا ئاپتىمىش.بۇ ئايالنىڭ  تەييار ئىككى ئوغلى،ئۆيى،مۇئاشى بارمىش.ئاكامنىڭ بۇ ئىشىدىن ،ئىككى خوتۇنلۇق بولغان چوڭ دادىمىزنىڭ روھى خۇش بولىمىش...قىزىق گەپ بولدى- دە،  بۇ.بىرەر ۋاق ناماز ئوقۇمايدىغان،بىرەر كۈن روزا تۇتمايدىغان،بەڭگى،ھاراقكەش ئاكامىنىڭ سۈننەتتىن چۈشكىنىنى.تاماقتىن يىنىپ بىردەم يىڭى بازانى چۆگلىدۇق.قىممەتكەن دىيىشتۇق.داداملار بىلەن خوشلىشىپ،ئۇدۇل ساۋاقدىشىمنىڭ ياۋاغدىكى ئۆيىگە باردۇق.ئۈچ قىتىم توي قىلدىڭ،ئۆي تۇتتۇڭ، ئارىلىق يىراق كىلەلمىدۇق-دەپ،داستىخىنىمىزنى قويدۇق.ساۋاقدىشىمغا:ئاۋال ياتىدىغان ئوبدانراق،قالايمىقان ئىشى يوق ياتاقنى تىپىپ يۇك-تاقنى قويۇپ، يۇيۇنۇپ،ئاندىن كەچلىك زىياپىتىگە بىرىشنى،ئېيتتۇق.ئۇنىڭ:لاۋزا گەپنى قويە،ئۆي كەڭرى تۇرسا،بىزنى ئۈرۈمچىگە چىققاندا ئۆيۈمدە ياتمىسۇن دەپ ئالدىمىزغا ئۆتۈۋىلىپ بارامسەن يا،دىگەنلىرىگە ئۈنىماي،-ماقۇل دە،مىھمانخانىدا ياتمىسا ساياھەت قىلغاندەك بولمايدۇ.پاكىزرەك مىھمانخانىنى دىسەڭ ئۆزەم بىرىپمۇ تاپىمەن.راس دىدىڭ،ئۈرۈمچىگە چىقساڭمۇ ئۆيۈمدە قوندۇرمايمەن.خوتۇن-قىزلىرى بار بىنالىق ئۆيلەردە ئەپسىز بولۇپ قالىدىكەن.موھىمى مۇسۇلماندارچىلىققا توغرا كەلمەيدىكەن،دىدىم.ئۇ ماقۇل بولۇپ بىرسىگە تېلفۇن ئۇرۈپ سالام-سائەتتىن كىيىن:ماڭا قايلىسىلا.ئۈرۈمچىدىن يىقىن ئۆتىدىغان ساۋاقدىشىم،ئاغىنەم ىوتۇن-بالىللىرىنى ئىلىپ ئوينىغىلى كەلگەن.سىلى مىھمانخانىللىرىدىن  دەرىزىسى ھېيتكاھ مەيدانىغا قاراپ تۇرغان،شامالدۇرغۇچى بار،پاكىز ياتاقتىن بىرنى تەييار قىلىپ قويسىللى بوپتىكەن-ماقىما،دەپ ئىشنى پۈتتۈردى. تېخى ماشىنىسىدىن بىرەرنى ئەۋەتىشكە بۇيرىدى.ھايال بولماي ماشىنمۇ كەلدى.سومكا،چامىدانلارنى كۆتۈرۈپ چۈشتۇق.ساۋاقدىشىم ماشىنىنى  ئىككى كۈنلۈك سوراپ ئالدى.
        يول ياقىسىدىكى بۇ مىھمانخانىغا كىرىپلا رەسمىيەت ئۆتەي دىسەم،ساۋاقدىشىمىز:ۋاي مەن توغرۇلاپ بولغان ،دەپ ئۇنىمىدى.يۇك تاقنى ئەپچىقىپ،ياتاقنى كۆرۈپ باق دەپ ئاچقۇچنى بەردى.مەنمۇ ئالدىراپ ئۈستىگە چىقىپ،بۇلۇڭدىكى ياتاقنى ئىچىپ يۇك تاقنى قويۇپلا ئۇيىنى-بۇيىنىغا قارىمايلا يىنىپ چۈشتۈم.ئايالىمنىڭ: پاكىزمىكەن، سۈۋەرەك بارمىكەن،ئوبۇرنىسى ساقمىكەن.شامالدۇرغۇچ بارمىكەن،دىگەنلىرىگە "ھەئە" دەپلا زىياپەتكە ماڭدۇق.ئەر-خوتۇن ئىككىسى قوساق توقتى دىىسەكمۇ ئۈنىماي،بىز بىلەن ئۆچى باردەك تاماققا زولاۋەردى.تاماقتىن يىنىپ بىر ۋاخ  بولغاندا بىزنى ياتاققا ئەككىرىپ قويۇپ ئۆيىگە قايتىشتى.ئايالىم ياتاقنى كۆرگىچە ئالدىراپ كىتىۋاتقانتى. ماۋۇ ئىشنى كۆرۇڭ.بۇ ياتاقنىڭ ھېيتكاھ  مەيدانىغا قارايدىغىنى دەرىزە ئەمەس، ھىم ئىتىلگەن تۈڭلۇك ئىكەن ئەمەسمۇ. شامالدۇرغۇچىمۇ ساق ئەمەسكەن.قوڭنى قويۇپ ئولتۇرىدىغان تەرەت قاچىسىمۇ ۋەيرانە.ھەرنىمە بولسا سۇيى،توكى باركەن.مۇنچىنىڭ بىشى بولمىغىنى بىلەن قالغان يېرى ساقكەن.كىرلىكلىرىمۇ پاكىزدەك،سۈۋەرەكتەك نەرسىلەرمۇ يوقتەك ئىدى.لىكىن،بايام كىرگۈچە كارىدۇردا، يوغان چاشقان يىنىمىزدىن ئۆتۈپ كىتىپ خوتۇن،بالىللىرىمنى قورقىتىۋەتكەنتى.خوتۇن كوتۇلداپ بىشىمنى ئاغرىتتى.بايا سەن يۇك-تاقنى قويغاندا ئوبدان قارىماپسەن،-دەيتى.ئاۋۇ گۈيغا تېلفۇن قىلىپ:قەرزىڭ باردەك،بىرسى سىنى ماڭا ياتاق ئىچىپ بەر دىگەندەك،تاپقان مىھمانخاناڭ مۇشۇمۇ دەپ تىللايمەن،دىسەم،-سەت تۇرىدۇ دەپ،ئۇنىمايتى.بۇ كىچىدە باشقا ياتاق تاپىلى دىسە 7.5تىن كىيىن ئۈرۈمچىدىن كەلگەنلەرگە ياتاق ئىچىش تەس ئىدى.قايسى كۈنىمۇ  ئۇلۇغچاتقا نەۋرە  ئاكىللىرىمنىڭكىگە پەتىگە چىكتىىۋاتساق توپىدا توسۇۋىلىپ ئۈرۈمچىنىڭ كىملىك كىنىشكىسى ئىكەن دەپ  ئۆتكۈزمەي خېلى ئاۋارە قىلغانتى.ئاتايىن چىقانغا لايىق ئاكىللىرىم بىلەنمۇ تۈزۈك بىرگە بولالمىدۇققۇ.بىرى:ساۋزى تېلفۇن قىلىپتۇ، قەشقەرگە چۈشىدىكەن،دەپ يەۋاتقان ئىشىنى قويۇپ چىقىپ كەتكەنچە كىرمىدى.تاغام  ئوغلىنىڭ باشلىغىنىڭ ئايالىدىن تېلفۇن كەپ قالدى،دەپ چۈشەندۈردى.يەنە بىر ئوغلىمۇ: بىزنى  ئاشخانىغا ئورۇنلاشتۇرۇپ قويۇپلا يوقالدى.  تاغامدىن ئاڭلىسام بۇ ساقچى ئاكام  خىزمەتتە ئاكتىپ،سادىق،قاتتىق قول ئىمىش.
        بىز پۇكەيگە چۈشۈپ :ئۆزىمىز نەخ پۇل تۆلەيمىز،باشقا ياتاق ئالماشتۇرۇپ بىرىڭلار،دىسەكمۇ بوش ياتاق يوقمىش.بۇ كەشتە باشقا يەرگە بىرىشقا تېخى بولمىدى.  ئىككى بالام كارۋاتتا يۇمۇلاقلاپ ياتقىلى تۇرۇپتى،ئاپىسى ئالدىرماڭلار دەپ ،يوغان چاماداندىن ئۈرۈمچىدە تەييارلىۋالغان كىرلىك،ياستۇق لۆڭگىسى،ساپما كەش،چىش پاستىسى، چىش چوتكىسى،يۈز لۆڭگىسى،مۇنچا لۆڭگىسى،يۈز سوپۇن،تازىلىق قەغىزى،ئۇخلاش كىيىملىرىنى چىقاردى.ھەمىمىز چوڭ تازىلىق قىلپ ياتتۇق.ياتاقنىڭ دىمىقلىغى،پۈراقلىغى، ماۋۇ ئوغلۇمنىڭ تىپىپ يىتىشلىرى،قىستاشلىرى،خوتۇننىڭ بىردەم،بىردەم چىكىلداشلىرى ئۇ بىر كىچە ئۇيقۇمنى ئۇيقۇ قىلمىغانتى.
       سەھەردە مۇڭسىز  ئېيتىلغان  ئەزان ئاۋازىنى ئاڭلاپ قوپۇپ، تاھارەت ئىلىپ، ھېيتكاھ جاماسىدە تۈنجى قىتىم بامدات نامىزى ئوقۇشقا چىقتىم...

begtash557

[quote]yaqup يوللىغان ۋاقتى  2014-8-11 18:21
بىز ئەسلى پىلانىمىز بويۇنچە ئاتۇشتا 10كۈنچە تۇرۇپ،قەشق ...[/quote

mustabit

بارغانسېرى ئارزۇ - ئارمانلىرىڭىزغا يەتكىلى تۇرۇپسىز .