ئاھ! تۈمەن كويلۇق پەردە !(توخۇتور)

quxanmaysan

ھە راس، مىنىڭ كاللامغا بىر ئەقىل كىلىۋاتىدۇ، بولامدۇ بولمامدۇ بىلمىدىم، پەردىنى ئۇزۇنلۇقى مۇۋاپىق دېگەن بويىچە ئېسىۋەرسە، ئۈستىدىن بوشلۇق قالامدۇ، بىكار قالغان شۇ جايغا پەردىنىڭ ئۈستىگە لەپلىمە قىلىدىغۇ، ئوخشاش رەخىتتىن ئېلىپ قىسقا كەپ قالغان ئۇزۇنلۇقتا لەپلىمە تىكىپ، ئۈستىدىن بىكار قالغان جايغا ئورنىتىۋاتسە قانداق بولا؟ بىر كىشى ئۇ لەپلىمىنى قايرىپ قارىمىغاندىكىن، لەپلىمىنىڭ تېگىدە پەردە بارمۇ يوق بىلگىلى بولمايدۇ.

sewrigul

ۋاي توخۇتور ئەپەندى، بەك باش قاتۇرۇپ كېتىپتۇ. قىسقا كەپ قالغان تەييار پەردىنى بازارغا ئاپىرىپ  سېتىۋېتىپلا ، پۇلىغا ئوخشاش رەخت ئېلىپ تىكتۈرسىلا بولمىدىمۇ؟

sewrigul

توخۇتۇر ئەپەندى، بولسا مۇشۇ ئەسىرىڭىزنى تولۇق پۈتتۈرۈپ بولۇپ بىراقلا يوللىسىڭىزكەن. نەچچە قېتىم كىرىپ قارىسام يوق. بەك تەقەززا قىلىۋەتتىڭىز.

tohotur

شۇنداق قىلىپ شانىياز بىلەن تەكەخان خېلى بىر پەس گەپ قىلىشماي مېڭىپ ، لېفىتكە چىقىپ تەتۇر كەيگەن كالاچتەك ئىككى تەرەپكە قاراپ تۇردى . لېفىت ئىككىنچى قەۋەتكە چىقىشىغا تەكەخاننىڭ ساۋاقدىشى سەۋرىگۈل لېفىتتە كىرىپ كەلدى .ۋاي بۇ تەكەخانغۇ جېنىم ئادىشىم نەگە ماڭدىڭلار، تەكەخان ساۋاقدىشى بىلەن قاچارلىرىنى يېقىشىپ قوچاقلىشىپ كۆرۇشۇپ بولۇپ ،-نەگە باراتتۇق ، ماۋۇ بىزنىڭ ئەدەم تاپقان ئاۋرىچىلىقنى ئوڭشىغىلى ماڭغان .دەپ ئۆزىنىڭ كىلىش مەقسىتىنى قىسقىچە چۇشەندۇردى .سەۋرىگۈل تۇرۇپ كىتىپ يا بولمىسا كىلەر يەكشەنبە يەرمەنكە بازىرىغا ئېلىپ بىرىپ سېتىپلا ۋەتسەڭلار بولمىدىمۇ . ،-نىم دەيدىغانسەن ئاداش ، بۇ دىگەن شانىيازنىڭ خان ئاچىسىنىڭ پەردىسى ، ئۇ خېنىمنىڭ تويىغا ئۇچ كۇنلا قالدى. بۇ گەپ ئاقمايدۇ .ئەمما نەگىلا ئاپارساق قازاننىڭ قۇلىقى تۆت بولىۋاتىدۇ ئاداش . شانىياز تېشىدا كۇلۇمسىرەپ بېشىنى لىڭشىتىپ تۇرسىمۇ ئىچىدە دەھشەت ئاچچىقى كەلدى .مەن بۇ ئشىنى يەڭ ئىچىدە ھېچكىم تۇيماستا بىر تەرەپ قىلۋېتەيلى دىسەم ،بۇ تەكەخان دىگەن مۇڭقۇي ھەممە ئادەمگە يېيىق قىلىۋېتەمدۇ نىمە . ۋاي تەكەخان مەنمۇ كۆرۇپ باقايچۇ ئاشۇ تۈمەن كويلۇق پەردەڭلار قېنى قولۇڭلىدا يوققۇ ؟ ھە ئەتتىگەندىن بۇيان ئون نەچچە يەرگە يۇدۇپ ئېلىپ كىرىپ ما ئەدەم ھېرىپ قالغانمىكى  كيىنكى پەردە دۇكانلىرىغا پەردىنى ئەكىرمەيلا ماندا ماندا پەردە ئۇزارتالامسەن دەپلا قويىۋاتىدىغۇ ، ماشىننىڭ ئارقىدا قالدى . ئۆزىمىزنىڭ تويىدىمۇ بۇنچولا قىپ كەتمىگەن بۇ غوجام . ماقۇل ئاداش دىدى تەكەخان سەۋرىگۈل بىلەن خوشلۇشۇپ بىرەر كۇنى ئىنتىزاردا خوگو يىگەچ ئولتۇرۇپ ئەرلىرىمىزنىڭ غەيۋىتىنى تازا بىر قىلىشايلى .
ھىم دىدى ، شانىياز سەۋرىگۈل كەتكەندىن كىيىن ، خەپ تەكەخان ئۆيگە بىر بېرىپ باقىلى خوگۇ يەمسز موگومۇ بىر كۆرۇپ باقاي ھە .
ئۇلار تۆتىنچى قەۋەتتىكى پەردىخانىلارنى ئالا قويماي ئايلاندى. يەنىلا جاۋاپ ئوخشاش ئامال يوق ئۇزاتقىلى بولمايدۇ . ياكى نەدە بۇيرۇتقان بولساڭ شۇ يەرگە ئاپار .ئەبلەخ ئەمدى تويغا ئۇچ كۇن قالغاندا بۇنى كۆتۇرۇپ ئۆرۇمچىگە ئېلىپ چىقامدۇق . شانىيازلار سولغۇن ھالدا قايتىش ئۇچۇن لېفىتنىڭ يېنىغا كەلدى .لېفىت ئېچىلىپ بىر زىلۋا بويلۇق تەتەي شانىيازغا ئىللىق كۇلۇمسىرەپ نازلىنىپ تۇرۇپ سىلەرنىڭ پەردە تىكتۇرىدىغان ئىشڭلار بارمىتى . شانىياز ياق ياق بىز پەردە تىكتۇرمەيمىز .تەكەخان سىز تونۇمسىز ، بۇ تەتەي بىزگە بەك قىزغىنغۇ كىم بۇ ؟ تەكەخان سەل تۇرۇپ كىتىپ بايقى سىز ياردەملەشكەن  تۈلكە جىن شۇكەن .ھە  شۇنداقمىكەن . ،-شانىياز ئۆزىنىڭ راستىنلا بىر پەردە توغۇرلۇق باش ئاغرىتىدىغان ئىش بىلەن چۆگۇلەپ يۇرگەنلىكىنى تەتەيگە ئېيتتى . ،-ھە مۇنداق دىگىن دىدى تەتەي ئۇنداق بولسا مېنىڭ دۇكىنىمغا بېرىپ ئالدىرماي ماڭا سۆزلەپ بەرگىن مەنمۇ ئۇزۇن يىللىق پەردە دۇكىنى ئاچقان .بەلكىم ساڭا ياردىمىم يىتىپ قالسا ئەجەپ ئەمەس .شۇنداق قىلىپ شانىيازلار تەتەيگە ئەگىشىپ ئۇنىڭ دۇكىنىدا تەتەي كۆرسەتكەن كىرىسلۇغا چۆكتى ، تەتەي بىر ياقتىن ئۇلارنى ئولتۇرۇشقا تەكلىپ قىلىپ بىر ياقتىن قەغەز ئىستاكانغا قايناقسۇ قويۇپ ئۇلارنى ئىچىشكە تەكلىپ قىلدى .تەكەخان ئىچمەيلا قويدى .ئۇنىڭ قالايماقان بىرنىمە يىسلا بىر نەرسىدىن گۇمانلانسىلا كانىيى پۇتۇن بولۇپ ئىشىشپ چىقاتتى .ئەمما شانىياز تۇزۇت قىلمايلا قايناقسۇنى ئىچىشكە باشلىدى .
تەتەي ئۇلارنىڭ سۆزىنى بىر قۇر ئاڭلاپ بولۇپ پەردە قېنى مەن شۇ پەردىنى بىر كۆرەي ، دىدى . شانىياز بىلەن تەكەخان پەردىنى سەن ئېلىپ چىق دىسە سەن ئېلىپ چىق دىيىشىپ قىزىرشىپ قالغىلى تاس قالدى. ئاخىردا تەتەي كۇلۇمسىرەپ تۇرۇپ ، ئەڭ ياخشىسى پەردىنى دوستۇڭلارنىڭ ھوجۇرسىغا ئېسىڭلار مەن سىلەر بىلەن تەڭ بېرىپ ئاشۇ ئۆينىڭ ئەمەلىي ئەھۋالىنى ، پەردىلەرنى بىر كۆرۇپ باقاي دىدى .

  قاسىملارنڭ ھوجۇرسى . ھوي قاسىم ئاخۇن مېھمان باشلاپ كەلدىم ، ئاداش ئشىكىڭلىنى ئېچىڭلا . نىماندا ئاچالمايسىلەر ئىشىكىڭلىنى ، يا بولغۇسى ئايالىڭىنى ئالدىراپ كىتىپ ئەكىرۋالدىڭلىما ئۆيڭلىگە ،كۇپكۇندۇزدە . ئالدىرمىساڭلىما ئۇچ كۇن قالدى شۇ قاسىم پىلۇموتتەك چىقىۋاتقان بۇ چاقچاقلارغا قانداق ئىنكاس قايتۇراي دەپ تۇرغاندا كۆزى تەتەيگە چۇشۇپ قالدى .ھە شانىياز ئاخۇن خوتۇننى ئىككى قىلۋالاي دەمسىلەر نىمە ، نەدىن تاپتىڭلار بۇ خېنەنلىك گۈزەلنى.
-يۇەنتۇڭدا ئۆتۇپ كىتىپ بارسام مېنى ئەپ قويساڭ دەپ ئالدىمغا كەپتىكەن . بوپتۇ موسۇلمان بول ، ئىمان ئېيتساڭ تەكەخاندىن سوراپ بېقىپ ئالسام ئالاي دىدىم. دىدى شانياز مۇرىسىدىكى  پەردىلەرنى  يەرگە قويغاچ .

tohotur

ھە قاسىمجان .بولۇڭە ھاڭۋېقىپ يۇرمەي.لاكا لوزۇڭ گەپنى ئاز قىلىپ ماۋۇ پەردىلەرنى ئېسىڭىزلار . شانىيازغا سىز ئەسكەرتمىسىڭىزمۇ خېلى بولغان شانىياز نىڭ  شالۋاقىلىرى ئېقىپ ئىككى خوتۇنلۇق بولۇشنىڭ پەزىلەتلىرىنى سۆزلەۋاتقىلى . -دىدى تەكەخان قاسىمنىڭ سۆزلىرىدىن بېشى پىررىدە قېيىپ .
-خاتۇن ئالساڭ تەتەي ئال دەپ يازغانمەن ھېكمەت خاتىرەمگە -دىدى شانىياز تەكەخاننىڭ جېنىغا تۆرەپ . -ئۆزلەگە دىسەم قاسىم ئاداش ،-بۇ خەق باغۇ يامان تۇغۇمچان كىلىدۇ دەيمەن .ئىمان ئېيتقۇزۇپ مۇسۇلمان قىلىپ ئاندىن -تەكەخان غەزەپ بىلەن سۇمالنىڭ ئاغزىنى ئېچىپ پەردىلەرنى چۇيلاپ ئېلىپ قاسىم بىلەن شانىيازنىڭ قولىغا تۇتقۇزدى .-بولايلى ھە ھېلمۇ بىركۇن كەتتى دۇقمۇشمۇ دۇقمۇش چۆرگىلەپ يۇرگىلى .تېتىقسىز پاراڭنى ئازراق سېلىپ مانىڭغا بىر  ئېسىپ كۆرسىتەيلى .
         شۇنداق قىلىپ پەردىلەرمۇ ئېسلىپ بولدى . پەردىچى تەتەي ئەستايىدىللىق بىلەن ئۆلچەپ كۆرۇپ بىر ئشىلارنى قىلىپ كەتتى .بىر كەمدە تەتەي زوڭزۇيۇپ ئولتۇرۇپ ساراي ئۆيدىكى پەردىنىڭ ئاستى تەرپىنى ئۆلچىگىلى تۇردى .تەتەينىڭ قىسقا كوپتىسى زوڭزايغاندا ئۇنىڭ بىلىنى ياپالماي  ئاپئاق ئىنچىكە بەل ئېچىلىپ قالغان ئىدى . باش قەھرىمانىمىز شانىياز تەكەخاننىڭ ئالدىدا چاندۇرۇپ تەتەينىڭ ئاپئاق ئىنچىكە بىلىگە قارىغىنىچە ھاڭۋېقىپ قالغان ئىدى .
      شانىياز شۇ تاپتا قايسى بىر تارىخى كىتاپلاردىكى قوبلايخاننىڭ ئوتتۇرا تۇزلەڭلىكتىكى شاھ ئوردىلىرىدا خۇشپۇراق جىياڭنەن چېيىنى دەملەپ ئىچىپ ، ئاق مەرۋايىتتەك خەنزۇ جانانلىرىنىڭ نازۇر كەرەشمىلىك ئۇسۇللىرىنى كۆرۇپ ئولتۇرۇپ موشۇ تەرىقىدە داۋاملاشسا مۇڭغۇللارنىڭ تۇگۇشىدىغانلىقىنى ھىس قىلىپ مۇڭغۇل يايلىقىغا چىكىنىشنى قارار قىلغان ئىدى.دىگەن بايانلىرىنى تەتەينىڭ ئىنچىكە بىلىگە قارىغاچ ئويلىۋاتاتتى.
    ھوي ئەدەم نىمە پاقا تەشكەن سويمىدەك قادىلىپ قاپتىمىزغۇ بۇ تەتەينىڭ ئېچىلىپ قالغان يەرلىرىگە ، نەدىنمۇ ئۇچۇردى بۇ قانچۇق.،- ھەي ھەي تەكەخان .-دىدى قاسىم  ھېچقىسى يوق سەئۇدىىدىمۇ بىر قېتىم قاراشقا رۇخسەت باردەك دەيمەن . -ئىششىڭىزنى قىلىڭە مېڭىڭ  ،  نەدە بۇ قارىمدەك بىر قارىغانچە يېرىم سائەت ئۇزمەي قارايدىغان ئىش بار ؟ خەقنىڭ بىر قارىسى بولۇدۇ دىگىنى چىرايىدۇ بەلكىم.ئېچىلىپ قالغان يېرىگە بىر قارىسا بولىدۇ دىگەننى مەن ئاڭلماپتىكەنمەن .
     شانىياز خىجىل بولۇپ قالدى.ئەستەغپىرۇللا شەيتان .  شانىياز ئاستا تازلىق ئۆيىگە كىرىپ بىر تەرەپتىن ئىستغپار ئوقۇغاچ بىر تەرەپتىن تەرەت ئېلىپ بالىخانا ئۆيدە ناماز دىگەرنى ئوقۇشقا باشلىدى .
تەتەي ساراي ئۆينى كۆرۇپ بولۇپ بالخانىغا كىرىپ ناماز ئۆتەۋاتقان شانىيازغا ھەيرانلىق بىلەن قاراپ بىر دەم تۇرۇپ كەتتى .

mustabit

quxanmaysan يوللىغان ۋاقتى  2014-11-4 10:01
ھە راس، مىنىڭ كاللامغا بىر ئەقىل كىلىۋاتىدۇ، بولامدۇ ب ...

پەردىگە لەپلىمە بېكىتىۋەتسە ماۋۇ ھىكايە تۈگەپ كەتمەمدۇ؟

tohotur

شانىياز دىگەرنى ئۆتەپ بولىشىغا تەتەي ئۇنىڭدىن سورىدى .سەن قىلۋاتقان ھەركەتلىرىڭى قانداق ھەركەت ؟ -مەن ناماز ئوقۇدۇم ،قومۇلدا ياشاپ تۇرۇپ مۇسۇلمانلارنىڭ بەش ۋاق ناماز ئوقۇيدىغانلىقىنى بىلمەمسەن ؟ ھەقىقەتەن قومۇلدا بىكارغا ياشاپسەن .-ھەمەن راستىنلا بىلمەيدىكەنمەن .قارىماققا بەك ئەستايىدىل ھەم ھەيۋەتلىك كۆرىندىكەنسەن ناماز ئوقۇساڭ . -ھەئە شۇنداقمۇ ناماز ئوقۇغاندا باشقىلارغا گەپ قىلىشقا ۋە مىدراشقا بولمايدۇ ، پەقەت بەلگىلەنگەن بۇيرۇلغان ھەركەتلەرنىلا قىلىشقا بولىدۇ.-ئاڭلىماققا بوپ قالدىكەن .-سەن بىرەر دىنغا ئىتقات قىلمامسەن ؟ -مەنما ياقەي ، بەزىدە ساياھەتكە چىققانلاردا بۇتخانىلارغا بىرىپ كۈجە كۆيدۇرۇپ قويىمەن.ئۆتكەندە چىڭخەيدىكى بىر بۇتخانىنىڭ يۇز يۇەنلىك گۇناھ تىلەش كارتىسىدىن بىرنى سېتىۋالغان . سىلەرنىڭ دىنىڭلاردىمۇ پۇل خەشلەپ گۇناھىنى تىلۋالغىلى بولامدۇ .
شانىياز دەمەللىققا نىمە دىيىشىنى بىلەلمەي قالدى . ئاندىن گىلىنى قىرىپ قويۇپ :بىز ئىشىنىدىغان ئاللاھ يەككە يىگانە بىر ئاللاھ  ،ئالەملەرنىڭ پەرۋەردىگارى . شۇنداق پۇل خەشلەپ ساۋاپلىق ئىش قىلسا بەلكىم گۇناھى يىنىكلەر ، ئەمما بىلسەڭ بىزنىڭ رەببىمىزنىڭ نەزىرىدە پۇل مال ،دۇنيا دىگەنلەرنىڭ ھېچقانچە ئورنى يوق . يەنە كىلىپ نامازنى پۇل خەشلەپ باشقىلارغا ئۆتەتكىلى بولمايدۇ . ئشىقىلىپ بۇ ئسىلام دىگەن سەن پۇل خەجلىسەڭ پۇتىدىغان پۇكەيدىكى مال ئەمەس ، چوقۇم چىن قەلب ىڭدىن ئىشىنىسەن ، ھەم كۆرسەتكەن ئەمەللەرنى تۇلۇق بىجىرىشىڭ كېرەك . بۇ يەردە مېنىڭچە ،مېنىڭ قارىشىمچە دەيدىغان گەپ يوق .
       -ئۇنداقتا ئسىلام دىنىغا كىرگەنلەرگە ئاللاھ ئۆزى نىمە قىلىش كېرەكلىكىنى بىلدۈرەمدۇ .-ھەئە ۋاي ياق .

tohotur

ئاللاھ بىلەن بىز ئىنسانىيەتنىڭ ئارىسدا بىر ئەلچى بار .ئىسىمى مۇھەممەت ئەلەيھىسىسالام ، سۆيۇملۇك پەيغەمبىرىمىز بۇنىڭدىن ئون تۆت ئەسىر بۇرۇن ئاللاھنىڭ سۆزى بولغان قۇرئان كەرىمنى ۋە ئۆزىنىڭ سۇننىتىنى مۇكەممەل ھالدا يەتكۇزۇپ بولۇپ دۇنيادىن كىىتپ بولغان . بىز ئاشۇ يول بويىچە ماڭساقلا بولىدۇ ، (ياسىر قازى بولمىغاندىن كىيىن بىز دەپ ئويلاپ قويدى شانىياز ) .تۇيۇقسىز شانىيازنىڭ كۆزى ئارامسىزلىنىۋاتقان تەكەخانغا چۇشۇپ گەپنى كەستى ، بەلكىم سەن توردىن ئىسلام دىنى توغۇرلۇق تېخىمۇ كۆپ مەلۇماتلارنى بىلۋالالايسەن ،ھازىر خەنسولاردىنمۇ ئىسلام دىنىغا كىرىپ ۋىديو يوللاۋاتقانلارمۇ ئاز ئەمەس . ناۋادا سەن دۇبەيگە بېرىپ ئىسلام دىنىغا كىرگەنلىكىڭنى جاكالىساڭ بىرەر پۇلدارنىڭ ئۇچۇنچى خاتۇنى بولالىشىڭدا گەپ يوق . شۇنىڭ بىلەن ئاسانلا دۇبەيلىك بۇلۇپ قالىسەن .
         - ۋاھ دۇبەي دەپ قوي .ئەمما مېنىڭ ھازىرقى كۇنۇم ياخشى ، بىرەر دىنغا ئىتقات قىلىشنى ئويلاشسام ، ئىسلام دىنىنىمۇ ئويلىشىمەن . ئەتتىگەن ماڭا ياردەم بەرگەنلىكىڭدىن تولىمۇ تەسىرلەندىم . سەن ياخشى ئىش قىلىشنى ئىگەڭنى  خوشال بولسۇن دەپ قىلامسەن ؟- ھەئە ئاللاھنى رازىلىقىنى ئىزلەپ قىلىمىز .
   -ھە ئە قومۇلدا سەن ماۋۇ تۆت كوچىدىكى تۇڭگانلارنىڭ مەسچىتىگە بېرىپ بىرەر تۇڭگان ئايال مۆئمىننى تاپالايسەن . بۇمۇ ئىسلامنى چۇشۇنۇشنىڭ بىر تىز يولى . مانا ئايىلىم تەكەخاننى ئىزدىسەڭمۇ بولىدۇ ، ئۇ دىگەن تېپىك بېشىغا كۇن چۇشكەندە ئاندىن ئاللاھنى ئەسلەيدىغان مۇسۇلمانلاردىن بىرسى .
- ھەي ھەي ھەي ، بولدى شانىياز ، مېنى ئۇستاز بولغۇچىلىكىم يوق .تۆت كوچىغا  تۇڭگان مەسچىتكە بار دەڭ ،