ئاھ! تۈمەن كويلۇق پەردە !(توخۇتور)

tohotur

ماشىنىدا ئولتۇرۇپ بىكار قالغان شانىياز دەسلەپتە تەكەخاننىڭ تەتەينى قانچۇق دەپ تىلللاشلىرىنى ، تەتەينى تەڭ ئاپرىپ قويىمىز دەپ مەھكەم تۇرىۋالغانلىقىنى ،ئاخىرىدا تەتەينىڭ نام كارتىسىنى دېرىزىدىن ئۇچۇرتىۋەتكەنلىكىنى ئويلاپ يۇزىنىڭ بىر تەرىپى بىلەن كۇلۇپ قويدى .ئايال خەق دىگەن ئاجايىپ بولىدۇ دىسە . بولدىلا ئۇنتۇپ كىتەي بۇ تەتەينى دۇنيا دىگەندە گۈزەل ئاياللار تولا ، بۇ ناھايىتى بىر تەتەيغۇ شۇ .
   ئەمما بۇ چاغدا شانىياز ئەلى مۇئەللىمنىڭ تەلىماتلىرىدىكى ئۇنتاي دىگەنسىرى ئۇنتىيالماسلىقتەك بىر گىرداپقا چۇشۇپ قالدى.ئۇنتاي دىگەنسېرى تەتەينىڭ چىرايى شۇنچە روشەن ئۇنىڭ كۆز ئالدىغا كىلەتتى .ئۇنتاي دىگەنسېرى ئەتتىگەن ئۇنىڭغا پىكا ماشىنا ئالدىدىكى ياردەم كۇتكەن كۆزلىرى ئىسىگە كەلدى .ئۇنتاي دىگەنسېرى تەتەينىڭ لېفىت ئالدىدىكى قىزغىن ئەھۋال سورىشى كەلدى .ئۇنتاي دىگەنسېرى ئۇنىڭ پەردە ئۆلچىگەندىكى ئاپپاق بىلى ئىسىگە كىلەتتى .ئۇنتاي دىگەنسېرى ئۇنىڭ خوشلىشى ئالدىدىكى ئىللىق تەبەسسۇمى شۇنچە روشەنلەشتى .......
ئەئۇزۇبىللاھى مىنەششەيتانىر رەجىم بىسسمىللاھىر رەخمانىر رەخىم . شانىيازنىڭ ئۆزىگە قاتتىق ئاچچىقى كەلدى . بەش ۋاق نامازنى تولۇق ئۆتەۋاتقان بىر ئەدەم تۇرۇپ قىلۋاتقان خىيالىمنى قارا .بۇنداق گۇناھلىق خىياللارنى يىراق ئاپا !  ئەمما ئەقىل شانىيازنىڭ ھايۋانى نەپسىگە يول بىرەتتى . ئىسلام تەلىماتلىرىدا خىيال قىلساڭ گۇناھ ھىساپلانمايدۇ .سەن ئىبنى كەسىرنى ئوقۇغانتىڭغۇ ،خىيال قىلغانغا گۇناھ بولۇدۇ دىگەن ھۆكۈم ئۇزاق ئۆتمەيلا مەنسۇق بولۇپ كەتكەن . شۇنداقتىمۇ ئايالى بار بالسىى بار دىنى ئىتقادى مۇستەھكەم بىر ئادەم ئۇچۇن بۇنداق خىياللارنى قىلىش ياخشى ئەمەستە .ئەلۋەتتە ياخشى ئەمەس .ياخشى يېرى تەكەخان سېنىڭ ئىچىڭگە كىرىپ چىقالمىغاندىن كىيىن سېنىڭ زادى نىمە ئويلاۋاتقانلىقىڭنى بىلمەيدۇ .تەكەخان بىلمىگەن بىلەن ئاللاھ بىلىدۇ . ئىچىڭدىكىنىڭ ھەممىنى بىلىدۇ.شانىياز كاللاڭنى سىلكىۋەتكىن!
تۇيۇقسىز ماشىنىنىڭ دېرىزىسىنىڭ قاتتىق ئۇرۇلىشىدىن شانىياز چۆچۇپ كەتتى . ھە مانا دىدى ئۇ ماشىنىنىڭ سولىغۇچ بىخەتەرلىكىنى بوشۇتۇپ .تەكەخان ماشىنىغا چىققان پېتى غوتۇلداپلا كەتتى :
-ھەي زادى سىزنىڭ كاللىڭىز نەدە چۆرگىلەۋاتىدۇ ،پۇل يوق ھەمياننى ماڭا تۇتقۇزۇپ قويۇپ غېمىدا يوق ئولتارغىنىنى بۇ ئادەمنىڭ ، -ھە ئىچىدە پۇل قالماپتىكەنمۇ ، تۆنۇگۇنلا يۇز كوينى پاچىلاپ ئەللىك ئاتمىش يەتمىش كوي پۇل باردەك قىلغانغۇ . ھە ئەسلىدە بالىمىز ئۆزىنىڭ پۇل قاپچۇقىغا يۆتكىۋاپتۇدە ، توۋۋا ،ھازىرقى باللار پۇلغا نىمانچە ئامراق ،موشۇ ئەمەتجاننىڭ قولىغا يىڭنە سانچىيدىغان يېرىگە كەلدى .كەچكىچە دادسىنىڭ ياكى ئانىسىنىڭ پۇل قاپچۇقى بىلەنلا ھەپىلەشكەن . ھەي !بىراق دۇنيا موشۇنداق بولۇپ كەتتى ،بۇنى بالىدىنلا كۆرگىلى بولمايدۇ . بىزنىڭ ئەڭ كۆپ تەكىتلەيدىغىنىمىزمۇ ئەڭ مۇھىم بىلىدىغىنىمىزمۇ ، ئەڭ كۆپ ئالماشتۇرىدىغىنىمىزمۇ پۇل بولغاندىن كىيىن باللار پۇلنى مۇھىم بىلمەي قالامتى .
   -ھە باياتىن ماشىنا تۇۋىدە خېلى تۇرۇپ كەتتىم ، زادى نىمىنىڭ خىيالىنى سۇرىۋاتقان .

tohotur

ۋاي دېۋۇ بەش مىتىر نىينىغا بېرىپ پۇل چىقىرىش ماشىنىسىدىن پۇل چىقارسىڭىز بولمامدۇ ، كارتامنىڭ مەخپى نومۇرىنى بىلەتتىڭىزغۇ ، بىرەر كۇنى توت كوچىغا نامازغا كەلگەندە ئاخۇنۇم بىلەن ئازراق چېقىشىپ قوياي .مەسچىتكە تىلكامىرا ئورنىتىپ زامانىۋىلاشتۇرۋەتتىڭىزلەر ، ئەمدى شېرىن بۇلاققىمۇ كارتا سۇركەيدىغان ماىشنا قىلۋېلىڭلار  . دەپ قويسام بولغۇدەك .
شانىياز  رول بۇراش چىرىغىنى سولغا ئۇرۇپ ماشىنىنى ئاستا قوزغاتتى . ماشىنا ئاستا مېڭىپ چاۋاغ كۆرۇكتىكى ئەگىلمىدىن قايرىلغاندا شانىياز تۇيۇقسىز تەكەخانننىڭ ئۆكسۇپ ئۆكسۇپ يىغلاۋاتقانلىقىنى بايقاپ قالدى .ۋاي نىم بولدى ۋۇي ساڭا ، نىمىگە شۇنچە ئىزىلىپ يىغلاپ كەتتىڭ . قۇرغۇيۇڭ قولۇڭدا بولسا بەخىت دىگەن شۇ ، ئېرىڭ يېنىڭدا بولسا بەخىت دىگەن شۇ دەپتىكەن شانىياز دىگەن بىر مۇتەپەككۇر ، بولدى يىغلىما دەيمەن .
ئاۋۇ قاسىمنىڭ ئۆيىدە تەتەينى ئالىمەن دىگەندەك گەپلەرنى دەپ يۇردىڭىزغۇ ، -ۋاي ئەمدى خاتۇن ئۇنچىلىك چاقچاق دىگەن بولمامدۇ ئەر خەقلىنىڭ ئارىسىدا -سەن مېنى ئابدۇكېرىم ئابباسۇف دەپ ئويلاپ قالدىڭمۇ ؟ نەدىكى بىر چاقچاقلارغا ئۇنچىلىك قىپ كەتكەن بارمۇ ؟-ئەمما ئۇنىڭغا تىكىلىپ قارىدىڭىزغۇ ، -ئەمدى خاتۇن ئىنسانچىلىق ، -ياق بۇ ئىشنى خۇدايىم كەچۇرسىمۇ مەن كەچۇرمەيمەن -شانىياز ماشىنىنى يولنىڭ چېتىدە توختۇتۇپ تەكەخانغا قارىدى :-ياۋ ئەجەپ بىر گەپ قىلىدىغان خاتۇنكەنسەن . ھە بوپتۇ ، ھەممە  ئىشنىڭ جازاسى بار ، بۇ ئىش ئۇچۇن بوينىمىز قىلدىن ئىنچىكە .

tohotur

تاسادىپى بىر ئىشلار دىگىنە بۇ زامان ئاخىرىدا ،سەن ئۇنچىلىك قىلىپ كەتكۇدەك ئىشلارمۇ ئەمەس ، بۇ بولدى يىغلىما ،ھە ساڭا بىر ئالتۇن ئۇزۇك ئەپبىرىمەن . -ئالتۇننىڭ باھاسى شالاقلاپ چۇشۇپ كىتىۋاتقاندا ئالتۇن ئەپبىرىمەن دىسىڭىز بولمايدۇ ماڭا .- ۋاي ئۇنداق دىمە خاتۇن ئالتۇن بىلەن كۆمۇش ئاللانىڭ زىمىندىكى تامغىسى ئەمدى ئۆرلەيدىغان يېرىغىمۇ كەپ قالدى . ئشىقىپ بۇدا سىز كۆڭلۇمنى بەكمۇ يېرىم قىلدىڭىز . : مېنىڭ باغۇ بىر ئاي رۇمانتىك تۇرمۇش كەچۇرگۇم بار . شانىياز سەل ئىچىنى تىڭشاپ قالدى .تەكەخاننى ئالغاندا شانىياز مۇھەببەتلەشمەي توي قىلىش دىگەن جەميەتتىكى يېڭى مودا بويىچە شاق شۇقلا ئۇياندىن تونۇشۇپ بۇياندىن توي قىلۋەتكەن .تويدىن كىيىن مۇھەببەتلىشەرمىز دەپ قويغان بىلەن ئىشنىڭ توللىقىدا بالىسى ئەمەتجانمۇ تۆت ياشقا كىرەي دەپ قالدى . -دىمەك سېنىڭ مېنى جازالىغان ھىساپتا بىر ئاي رومانتىك تۇرمۇش كەچۇرگۇڭ بار ، شۇنداقمۇ ، -شۇنداق ، سىز كۆڭلۇمنى ئاز يېرىم قىلمىدىڭىز بۇگۇن . -بۇ گىپىڭغۇ بولىدىغاندەك تۇرىدۇ ، ئەمما خاتۇن مېنىڭ بۇ ئۇچ مىڭ كويلۇق مائاشىم پەقەت بىر ئاي  ئۇرغۇيچە تۇرمۇش كەچۇرۇشكىلا يىتىدۇ .فىرانسوزچە تۇرمۇش كەچۇرۇشكە چورتلا يەتمەسمىكى ، بىر ئاي دىگەن ئاز ۋاقىت ئەمەس ،بۇ دىگەن قومۇل فىرانسىيە ئەمەس ، مال باھاسى شىنجاڭ بويىچە ھەممىدىن قىممەت ، مائاش شىنجاڭ بويىچە ھەممىدىن ئاز ، مۇنداق بولسۇن بىر ھەپتە فىرانسوزچە ياشاپ باقايلى .شۇنىڭغىمۇ چىقىنالىساق بولىدۇ دىگىنە .

darya0997

داۋامىنى ئوقۇغۇم بار

tohotur

قاسىم ئاداشلار بىلەن  خوتەنگە بېرىپ كىلەيلىمۇ يا .ئويناپ كۆڭۇل  ئېچىپ كىلەيلى  .ئەمما شۇ ئىدارىدىن يىللىق ھاردۇقلارنىمۇ ئېلىپ بولدۇق ، مەيلى ئەمەسمۇ رۇمانتىكراق ياشاش ئۇچۇن بەدەل تۆلىمەي بولمايدۇ خوتۇن . -قېنى قاراپ باقارمىز ، ھازىر دىگەن ئونبىرىنچى ئاي ، بۇنداق ۋاقىتلار ئاددى ئاۋام ساياھەت قىلىدىغان چاغ ئەمەس . ئسىسىق خەينەنداۋ دىسىڭىز بىر گەپ . -ۋاھ ۋاھ موللامنىڭ كەكەىسى بارغانسېرى ئىگىزگە چاپقاندەك ، خەينەنداۋدىن چۇشۇىسىنا سەن ،ھە مەيلى ئۇنداق بولسا ۋاقىتقا قاراپ باقايلى . موشۇ ساياھەت دىگەنگە بىر نەچچە ئېقى كىلىشىدىغان ئاغىنىلەر تەڭ بارسا ئاندىن تېخىمۇ كاتتا كەيپىيات ياراتقىلى بولىدۇ .بىراق سەن بۇنداق مىشىلداپ يۇرسەڭ ئەتىلا بارايلى بولمىسا -ياق بىر نەچچە كۇن ساقلاپ باقايلى ، تەڭ ماڭىدىغانلا بارمىكىن ، ئال پىچاقنى كەس بىرنىمىنى دىگەندەك ئىش قىلساق بولماس . ئەمەتجانجۇ بۇگۇنچە چوڭ ئۆيدە قەپ تۇرسۇنمۇ ئەمىسە . -مەيلى شانىياز بىلەن تەكەخان بىر بىرىنىڭ كۆزىگە مەنىلىك قارىشىۋېتىپ ھەر ئىككىسى تەڭلا پىسىڭڭىدە كۇلۇشۇپ قويدى .
شەنبە  كۇنى .شانىيازلار ئۆيىدە ئەتتىگەنلىك ناشتا قىلۋاتقان ئىدى .تۇيۇقسىز تەكەخاننىڭ ئىدارىسىدىن تېلفۇن كەلدى . -بۇگۇن تەكشۇرگۇچىلەر كىلىدىكەن . دىدى تەكەخان مەيۇس ھالدا ، -شەنبە يەكشەنبە كۇنى تەكشۇرۇشكە كەلگەن ھېجىقىزلارنىڭ بوينى پۇكلىشىپ ئۆلۇپلا قالسا دەيمەن ، ھۇ ئاناڭنى ، -دىدى شانىياز ئىشتىھا بىلەن ئىچىۋاتقان چېيىنى نىرىراق سۇرۇپلا قويۇپ . -بۇگەن ئەسلىدە ساڭا ھېلقى كۆزئەينەك تاقاپ كۆرىدىغان كىينونى كۆرسىتەي دىگەن ، بېلەت باھاسىى ئەللىك كوي دىدىمۇ ، سەكسەن كوي دىدىمۇ بىرنىمە داۋاتقان ،- ۋاي نىمانداق قىممەت ، -ئىشقىلىپ بۇ ئوخشىمايدىغانراق كىنو بولسا كېرەك ، كۆزئەينەك تاقىغاندىن كىيىن ، قومۇللۇقلارغا بۇنداق ئالدامچىلىقلارغا كۆنۇپ كەتتى ، نەنيۇدىكى سان سىفىرىلىق كىنو دىگىنى ئاخىرى پەقەت ئاۋازىلا سان سېفىرلىق ئىكران سېفىرلىق  ئەمەس  بولۇپ چىقتى . شۇنداق بولىسىمۇ نامى ھەيۋەت سان سېفىرلىق كىنو .
             -بۇگەن ھاردۇق قىلغان بولساق ئۆيدىن چىقماي ئولتۇرۇپ تۇرۇڭ ھە ، بەلكىم تەكشۇرگۇچىلەر چۇشكىچىلا تەكشۇرەر ، شۇ خەقنىڭمۇ ئۆيى بالا ۋاقىسى باردۇ ھە قاچان .
ماقۇل خاتىرجەم بولە خاتۇن ، بۇگۇن ئۆيدىن چىقمايمەن مەن .ئات بېشىدەك ئالتۇن بەرسىمۇ ئۆيدىن چىقمايمەن .-ھەي تاڭ ھېلقى قاسىمنىڭ ئىشى چىقىپ قالسا بۆكىڭىز چۇشۇپ قالسىمۇ بارارسىز ھە قاچان . -ياق بولدى بۇگۇن ھېچ يەرگە بارمايمەن .
   شانىياز ئۆيدىن چىقماي باي ئاكامنىڭ خۇرجىنى دىگەن كىتاپنى كۆرۇپ ئولتاردى ،

tohotur

شانىياز چۇشتىن كىيىن تازا بىر ئۇخلىۋالاي دەپ ئەمدى يېتىشىغا قاسىمدىن تېلفۇن كەلدى . ھېلقى تەتەي ھېلىغىچە يوق ئاداش سىلىدە تېلفۇن نومۇرى بارمۇ ؟ -تۆنۇگۇن بارتى بىراق تەكەخان ھە بولدى ، سىلەمۇ قىززىقكەنسلە ئاداش ، پەردە ئۆزلەنىڭ بولغاندىن كىيىن بالدۇرراق كوش قىلىپ تېلفۇن نومۇرى دىگەنلەرنى ئالغۇلۇقتى ئەمەسمۇ ؟-ھازىر ھاجىگۇل ئۆينى بېشىغا كىيىپ پەردىنىڭ جىدىلىنى قىلۋاتىدۇ ، ئاداش بىر يەڭگىل بولۇپ ئاشۇ تەتەينى تېپىپ كەلمىسلىرى بولمايدۇ دەيمەن . -كەچلەرگىچە كەپ قالار .شانىياز تېلفۇندا ھاجىگۇلنىڭ سەت چىقىرىغان ئاۋازىنى ئاڭلاپ قالدى . -بوپتىلا مەن تېپىپ كىلەي ئۇ تەتەينى . بەلكىم تەكەخان كەلگۇچە بۇ ئىشلارمۇ تۇگەپ ئۆيگە بۇرۇن قايتىپ كەلسەم ھېچنىمە كۆرمىگەندەك ئولتۇرارمەن شۇ . شانىياز شۇنداق خىياللار بىلەن چاپىنىنىڭ يېڭىنى سېپىپ ئۆيدىن ئالدىراش چىقتى .ماشىنا بىلەن يۇەنتۇڭغا يىتىپ بارغاندا كۇن غەرىپكە قىيىسىيىپ خېلى بىر يەرگە بىرىپ قالغان ئىدى . شانىياز تەكەخانغا بەرگەن ئۆيدىن چىقماسلىق ۋەدىسىنى ئويلاپ بۇرۇختۇم بولغان ھالدا لېفىتكە چىقىپ تۆتىنچى قەۋەتتىكى پەردە بازىرىغا قەدەم باستى .

شانىياز تەتەينىڭ پەردە دۇكىنىغا كىرىپ ، خۇددى بايراقتەك قەپقىزىل كۆينەك كەيگەن ئاق سۇزۇك پەردىچى تەتەيگە قاراپلا تەكەخاننىمۇ ، تەكەخانغا بەرگەن ۋەدىسى ئۇچۇن پەيدا بولغان بۇرۇختۇملۇقنىمۇ ئۇنۇتتى . شۇ تاپتا ئۇنىڭ كاللىسغا شەيىخ مۇسلىمىدىدىن سەئىد شىرازىنىڭ ئۇچۇرىسا ناۋادا ئاي يۇزلۇك خۇلقى بەلەن ، بىلەكتىن قولتۇقلا چىراقنى ئۆچۇر دىگەن مىسرالىرى لەيلەپ يۇرەتتى .-كەل دىدى تەتەي خۇددى ئۇنىڭ كىلىشىنى ئالدىن پەرەز قىلغاندەكلا .كىرىسلوغا ئولتار ، چاي ئىچەمسەن قەھۋەمۇ ،-گۇزەللەر قولىدىن سۇ ئىچىشمۇ بىر بەخىت .نىمە بىلەن سۇغارساڭ مەيلى ، دىدى شانىياز .شانىياز شۇ تاپتا  تىلىنىڭ ئۇزۇراپ قىلۋاتقانلىقىنى غۇۋا ھىس قىلدى . -قەھۋە ئىچكىن . ساپ قەھۋە مېنىڭ بىلىرۇمدە ماڭا ئۇچۇرىغان  ئۇيغۇرلار ئانچە قەھۋە ئىچىپ كەتمەيدۇ .-بىلسەڭ گۇل يۇزلۇكۇم (مېي نۈي ) قەھۋەنى مۇسۇلمانلار ئىجات قىلغان . مانا ماۋۇ قولۇمدىكى ساراي ئۆينىڭ پەردىسى كۆرۇپ باققىن ، شانىياز پەردىنى قولى بىلەن تۇتماقچى بولۇپ تۇيۇقسىز تەتەينىڭ ئۇزۇن ئەمما سوغۇق ، يۇمشاق ئەمما ئورۇق بارماقلىرىغا تىگىپ كەتتى . شۇ تاپتا شانىياز گويا توك سوقىۋەتكەندەك بىر سىزىم ئىچىدە كۆز ئالدىدىكى بۇ پەردىچى پەرىنىڭ قىرچىن تالدەك بويىنى ، لەمجىندە ئاتقان پاختىدەك يۇمشاق لېۋەن بەدىنىنى سىكونىت ئىچىدە ئويلاپ بولدى .  شۇ تاپتا ئۇنىڭ كاللىسى قۇپقۇرۇپ بولۇپ ، كاللسىنىڭ بىر يەرلىردە پەيدا بولىۋاتقان گۇناھ تۇيغۇسىمۇ ئۇنچىلىك كۇچىيىپ كىتەلمىدى. شانىيازنىڭ غەليانچى كۆزلىرى پەردىچىنىڭ تىنىق كۆلدەك كۆزلىرى بىلەن دەقىقە ئۇچرىشىپ قالدى . پەردىچى تاتلىق كۇلۇمىسرەيتتى .شانىيازغا گويا ۋاقىت كەينىگە يېنىپ ئۆزىنىڭ ۋاقىت كارىدورىدىن ئۆتۇپ 20 يېشىغا بېرىپ قالغاندەك نە ئۆي ، نە خوتۇن ، نە ئوغلى ئەمەتجان ھەممە ھەممىسى ئسىىدىن كۆتۇرۇلگەندەك قىلاتتى . بىراق شانىياز پەقەتلا بىر نەرسىنى ئۇنتىيالمىدى . بۇ ئۇنتۇيالمىغان نەرسە ئۇنىڭغا كىچىك ۋاقىتلىردا بۇۋىسى دەپ بەرگەن -بالام ئاللا تائالا بىزنى كۆرۇپ تۇرىدۇ ، كىچە كۇندۇز كۆرۇپ تۇرىدۇ .ھەتتا بىزنىڭ ئىچىمىزدىكى ئويلىرىمىزنىمۇ ھەر ۋاقىت بىلىدۇ  ، دىگەن سۆزلىرى ئىدى . مانا موشۇ سۆزنى شانىياز دائىم تەكرار ئەسلەيتتى .ھەم ئاللاھنىڭ كۆرۇپ تۇرىدىغانلىقىغا كۆڭلىدە ھېچقانداق گۇمانى يوق ئىدى . بايقى قوللارنىڭ تىگىشىپ قېلىشىدىن پەيدا بولغان چېقىن شانىيازنىڭ ھىسيات رومكىسىنى بىراقلا دوڭغايتىپ خۇددى يانار تاغ تاشقاندەك تومۇر تومۇرلىرىدا بىر خىل ياۋايى قىزغىنلىقنى پەيدا قىلغان ئىدى . ئەمما ئاشۇ پارتىلىغان يانار تاغنىڭمۇ تىگىدە بىر خىل كۆمۇلگەن گۇناھ تۇيغۇسى شانىيازنى سۇس غىدىقلايتتى . پەردىچى تاتلىق كۇلۇمسىرەپ ئۇنىڭغا ئۆزى دەملىگەن قەھۋەنى سۇندى . شانىياز قەھۋەنى قولىغا ئالغۇچە بۇ يۇمشاق ئەمما سوغۇق قوللارغا يەنە بىر قېتىم كالامپايلارچە تىگىپ كەتتى .بەلكىم ئۇنىڭ يوشۇرۇن ئېڭى بۇخىل تاسادىپىلىقنى سادىر قىلىشقا بۇيرۇق بەرگەندۇ . بەلكىم شانىيازنىڭ راستىنلا ھەممىنى قايرىپ قويۇپ ئۇنىڭ قولىنى يەنە بىر قېتىم تىگىشكەن باھانىدا سىلىغۇسى كەلگەندۇ . بۇ دۇنيادا سەتەڭ ئاياللارنىڭ ئالدىدا ئۆزىنى تۇتۇۋىلىش نۆۋىتىنىڭ بىزنىڭ ھىكايىمىزنىڭ باش قەھرىمانى شانىيازغا كەلگەنلىكىنى قارىمامدىغان .

بىر قېتىم  تاسادىپى تىكىلىشىپ قاراشقاندىن كىيىنلا قىسقىغىنا ئوننەچچە مىنۇتتا بىر قانچە قېتىم كۆزلەر بىر بىرىگە تىكىلىشپ قالدى . ئەسلىدە شانىيازنى شانىياز قىلىپ تۇرغان تەكەخان كەنتۇق ، بۇگۇن بۇ سورۇندا تەكەخان يوق ، شانىياز پەرىدىخانىنىڭ ئىچىدە كۆزى بىلەن سۇزۇپ ئوينىغىلى تۇردى . تەتەي ھېلى شانىيازغا قەھۋە جىقلايمەن دەپ توقسان گىرادوس ئىگىلىپ سەرەمجانلىرىنى كەڭ كۇشادە كۆرسەتسە ھېلى ساغرىسىنى پوسكايتىپ شانىيازغا تەتۇر قاراپ ئالدىدىكى كومپۇيۇتۇرغا ئىڭىشەتتى . ئەمدى شانىياز ئۆزىنىڭ ھازىرغىچە بولغان كاللسىدىكى تەجرىبىلەرنى ئەرەختەن پەرەختەن قىلىپ ئايال دىگەن ئۇقۇمغا باشقىدىن تەبىر بىرىشكە توغرا كەلگەندەك بولۇپ قالدى . شۇ تاپتا پەردىچىنىڭ شاگىرتى بولمىغان بولسا بۇ پەردىخانىنىڭ پەردىسى يېپىلىپ قالامتۇ نىمە ، بۇ بىزنىڭ باش قەھرىمانىمىزنىڭ ئىمانىغا مۇناسىۋەتلىك بىر ئىش بولغاچقا قالايماقان پەرەز قىلغۇمىز يوق ئەلۋەتتە .
   نازۇ كەرەشمىلەردىن كاللسىى ئايلانغان شانىياز تەتەينىڭ ياردەمچىسىنىڭ تەتەيگە قاراپ ماشنا چاقىرايمۇ دىگەنلىكىگە قارىتا كۆزىنى قىىسپ قويغانلىقىنى كۆرمىدى . شانىياز بىلەن تەتەي ھاھا تىي تىي قىلىپ  نىمىلەرنى دىيىشكەنكىن تاڭ بىرنىمىلەرنى دەپ قاسىملارنىڭ ھوجۇرسىغا قاراپ ماڭدى .

ghojia

masturam يوللىغان ۋاقتى  2014-11-4 20:09
ئۇلىغان يەردىن ئالدى تەرەپكە ئازراق لەپلىمە قىلىپ چۈ ...

خانىم ئۆزلەمۇ  قەشقەرنىڭ گەجخاچىلىرىدەك   2سانتا سو     سو ئەمەس   5سانتىسى چوڭ ئەمەس دەۋاتاملا يا ؟؟      
چاخ-چاخ  

ghojia

ئاخىرى بامۇ يا