NASA: بىر ئالەم ئۇچقۇچىسىنىڭ دېگەنلىرى

Algol1991

heavensabove غا كىرسىڭىز بولىدۇ ، ياكى تېلفۇنىڭىزغا 晴天钟 ئەپ دېتالىنى چۈشۈرىۋالسىڭىزمۇ بولىدۇ .

Algol1991

كۈندە بىر يۇلتۇز ( 7-سان )
2015-يىل 2-ئاينىڭ 21-كۈنى كېچە
ئۇران : 天王星，Uranus
                                 该时刻位置在双鱼座 ( Pisces )
كۆرۈنمە يورۇقلۇق دەرىجىسى ( 5.9 ) .
كۆزى روشەن ئادەم تەستە كۆرىدۇ .
كۈن ئولتۇرۇش ۋاقتى : كەچ 6:06 ، ئۇراننىڭ ئۇپۇقتىن ئېگىزلىكى 37 گرادۇس ، ئورنى 237 گرادۇس ( دەل غەربتىن جەنۇبقا 33 گرادۇس ) .
پېتىش ۋاقتى : كەچ 9:35 ، ئۇپۇققا پېتىش ئورنى 276 گرادۇس ( دەل غەربتىن شىمالغا 6 گرادۇس ) .
قوللىنىلغان ۋاقىت : شەرقىي 6- رايون ( UTC+6 ) .
دەل ماس كېلىدىغان ئورۇن : شايار ناھيىسى .

ئۇراننىڭ ئوقى ئوربېتا تەكشىلىگە ياتىدۇ دېگۈدەكلا ، يەنى قۇياشنى ياتقان ھالەتتە ئايلىنىدۇ . ئۇراننى 1781-يىل 3-ئاينىڭ 13-كۈنى ۋىليام ھېرشېل بايقىغان ، يەنە كېلىپ ئۇران تېلېسكوپتا بايقالغان ئەڭ ئاخىرقى پلانېت ھېسابلىنىدۇ ، ئۇنىڭدىن كېيىنكى بايقىلىشلار قەغەز يۈزىدە بولغان . ئۇراننىڭ قۇياشنى ئايلىنىش دەۋرى 84 يىل ، ھازىر بىز بىلەن بولغان ئارلىقى 3 مىليارد 101 مىليون 500 مىڭ كىلومېتىر . ئۇراننى كۆرۈشقۇ ئۇنچە ئاسان ئەمەس ، 5.2 كۆز ئاران ئىزدەپ تاپالىشى مۇمكىن ، ئاندىن بۇ ئورۇندا ئاينىڭ پەيدا بوپقالغىنى ئادەمنىڭ نېرۋىسىنى ئۆرلىتىپ . بۇنداق ئاجىز يورۇقلۇقنىڭ ئورنىنى خەرىتىگە تايانماي گەپ بىلەن ئىپادىلەشمۇ غايىۋىلىك بوپقالدى .

Algol1991

كۈندە بىر يۇلتۇز ( 8-سان )
2015-يىل 2-ئاينىڭ 22-كۈنى كېچە
نېپتۇن : 海王星，Neptune
     该时刻位置在宝瓶座（水瓶座）（Aquarius）
كۆرۈنمە يورۇقلۇق دەرىجىسى ( 8.0 ) .
كۆز بىلەن كۆرگىلى بولمايدۇ .
كۈن ئولتۇرۇش ۋاقتى : كەچ 6:07 ، نېپتۇننىڭ ئۇپۇقتىن ئېگىزلىكى 3 گرادۇس ، ئورنى 254 گرادۇس ( دەل غەربتىن جەنۇبقا 16 گرادۇس ) .
پېتىش ۋاقتى : كەچ 6:23 ، ئۇپۇققا پېتىش ئورنى 257 گرادۇس ( دەل غەربتىن جەنۇبقا 13 گرادۇس ) .
قوللىنىلغان ۋاقىت : شەرقىي 6- رايون ( UTC+6 ) .
دەل ماس كېلىدىغان ئورۇن : شايار ناھيىسى .

نېپتۇن قۇياش سېستىمىسىدىكى ئاخىرقى بىر چوڭ پلانېت ، شۇنداق بولغاچقىلا يېزىپ قويدۇم ، بولمىسا بۇنداق كۆرگىلى بولمايدىغان جىسىمنى يېزىش خىيالىم يوقتى . نېپتۇننى 1846-يىلى 9-ئاينىڭ 23-كۈنىغۇ دەيمەن لېۋېررېر بايقىغان ( ئەمما بايقاش ھوقۇقى تالىشىپ ئەنگىلىيە ، فىرانسىيە ئوتتۇرسىدا تاس قالغان ئۇرۇش پارتىلىغىلى ، چۈنكى ئادامىسمۇ ئاساسەن ئوخشاش ۋاقىتتا بايقاپتىكەن ) . ئىككىلىسى بۇنى ئالدىنقى پلانېتلارنىڭ ھېسابلانغان قىممەتتىن ئازراق پەرقلىنىدىغانلىقىدىن ئىلھام ئېلىپ ھېسابلاشقا ئاساسەن تېپىپتىكەن . نېپتۇننىڭ قۇياشنى ئايلىنىش دەۋرى 168 يىل ، ھازىر بىز بىلەن بولغان ئارلىقى 4 مىليارد 631 مىليون كىلومېتىر .

Algol1991

كۈندە بىر يۇلتۇز ( 9-سان )
2015-يىل 3-ئاينىڭ 1-كۈنى
ئاي : 月球，Moon
该时刻位置在双子座到巨蟹座（from Gemini to Cancer）
كۆرۈنمە يورۇقلۇق دەرىجىسى ( 11.2 - دىن 11.4 -) .
چىقىش ۋاقتى : چۈشتىن كېيىن 2:32 ، چىقىش ئورنى شەرقتىن قىيپاش شىمالغا .
كۈن ئولتۇرۇش ۋاقتى : كەچ 6:15 ، ئاينىڭ ئۇپۇقتىن ئېگىزلىكى 39 گرادۇس ، ئورنى شەرق قىيپاش جەنۇب .
چىڭقى چۈش : ۋاقتى كەچ 9:42 ، ئۇپۇقتىن ئېگىزلىكى 64 گرادۇس .
پېتىش ۋاقتى : ئەتىسى سەھەر 4:46 ، ئۇپۇققا پېتىش ئورنى غەرپتىن قىيپاش شىمالغا .
قوللىنىلغان ۋاقىت : شەرقىي 6- رايون ( UTC+6 ) .
دەل ماس كېلىدىغان ئورۇن : شايار ناھيىسى .

ئاي
ئاي قۇياشنى ئەمەس يەرشارىنى ئايلىنىدىغان بىر ھەمراھ . ئاينىڭ بىر ئالاھىدىلىكى بار ، يەنى ئاينىڭ يەرشارى ئەتراپىدا ئايلىنىش دەۋرى ۋە يۆنىلىشى ئۆز ئوقىنى ئايلىنىش دەۋرى ۋە يۆنىلىشى بىلەن تەپمۇتەڭ ، شۇڭا بىز مەڭگۈ ئاينىڭ بىر تەرىپىنىلا كۆرەلەيمىز ، ئاينىڭ بۇ تەرىپى ئاينىڭ ئالدى يۈزى دېيىلىدۇ ، يەنە بىر يۈزى ئاينىڭ كەينى يۈزى دېيىلىدۇ ، بۇنىڭ ئەلۋەتتە فىزىكىلىق ئاساسى بار . ئاينىڭ يەرشارىنى ئايلىنىش دەۋرى
27.3 كۈن ، ھازىر بىز بىلەن بولغان ئارلىقى 402 مىڭ كىلومېتىر .

ziya

Algol1991 يوللىغان ۋاقتى  2015-3-1 13:37
كۈندە بىر يۇلتۇز ( 9-سان )
2015-يىل 3-ئاينىڭ 1-كۈنى
ئاي : 月球，M ...

بۇ ئىشنى ناھايتى ياخشى قىلىۋاتىسىز.ھارمىغايسىز.

Algol1991

كۈندە بىر يۇلتۇز ( 10-سان )

ئاسماننى قالايمىقانلاشتۇرىدىغان چۇۋا چاتقاللارنى تونۇشتۇرۇپ بولدۇم . 3-ئاينىڭ 2-كۈنىدىن باشلاپ ئەمدىكىلىرى رەسمىي ئىسمى جىسمىغا لايىق يۇلتۇزلاردۇر . يورۇقلۇقىنىڭ كۈچلۈكلۈك تەرتىپى بويىچە تىزىلىدۇ .
ئەسكەرتىش : ئالاھىدە ئەھۋال بولمىسىلا ، يۇلتۇز تۈركۈمىدىكى ھەر قايسسى يۇلتۇزلارنىڭ نومۇرى يورۇقلۇق كۈچىگە قاراپ α ، β ، γ ، δ ، ...... بويىچە تىزىلىدۇ .

2015-يىل 3-ئاينىڭ 2-كۈنى كېچە
سىرىئۇس:چوڭ ئىت يۇلتۇز تۈركۈمى ئەلفا يۇلتۇزى .
天狼星（大犬座α），Sirius ( Canis major α )
كۆرۈنمە يورۇقلۇق دەرىجىسى ( 1.47 - ) .
كۈن ئولتۇرۇش ۋاقتى : كەچ 6:16 ، سىرىئۇسنىڭ ئۇپۇقتىن ئېگىزلىكى 23 گرادۇس ، ئورنى شەرقىي جەنۇب .
چىڭقى چۈش ۋاقتى : كەچ 8:36 ، ئۇپۇقتىن ئېگىزلىكى 31 گرادۇس .
پېتىش ۋاقتى : ئەتىسى سەھەر 1:32 ، ئۇپۇققا پېتىش ئورنى غەربىي جەنۇب .
قوللىنىلغان ۋاقىت : شەرقىي 6- رايون ( UTC+6 ) .
دەل ماس كېلىدىغان ئورۇن : شايار ناھيىسى .

سىرىئۇس ئاسمان شارىدىكى بىزگە كۆرۈنىدىغان ئەڭ يورۇق يۇلتۇز . پۈتۈن ئاسماندىكى قۇياش ، ئاي ۋە سەككىز چوڭ سەييارىنىڭ يورۇقلۇقىنى چىقىرىۋەتكەندە ، بىزگە ئاسماندىن كېلىدىغان ئومۇمىي يورۇقلۇقنىڭ 4.5 پىرسەنتى سىرىئۇستىن كېلىدۇ . ئاسماندىكى 88 يۇلتۇز تۈركۈمىنى يورۇقلۇقى بويىچە تىزغاندا چوڭ ئىت يۇلتۇز تۈركۈمى بىرىنچى ئورۇنغا تىزىلىدۇ ، چوڭ ئىت يۇلتۇز تۈركۈمىدىكى يورۇقلۇقنىڭ 70 پىرسەنتى سىرىئۇسقا تەئەللۇق . سىرىئۇس بىزگە ئەڭ يېقىن يۇلتۇزلارنىڭ بىرى ھېسابلىنىدۇ ، ئۇنىڭ بىز بىلەن بولغان ئارلىقى 8.6 نۇر يىلى كېلىدۇ ، بىر نۇر يىلى تەخمىنەن 9.5 تىرلىيون كىلومېتىر .

قەدىمكىلەر ئاسماندىكى يۇلتۇزلارنى يورۇقلۇقىغا قاراپ 6 دەرىجىگە ئايرىغان ، ئەڭ تۇتۇقلىرى 6-دەرىجە ، ئەڭ يورۇقلىرى 1-دەرىجە قاتارلىق ، نامدىكى 1-دەرىجىلىك يۇلتۇزلارنىڭ سانى 21 دانە ، 2-دەرىجىلىكى 46 دانە ، 3-دەرىجىلىكى 134 دانە ...... جەمئىي 6 مىڭدىن كۆپرەك . سىرىئۇس ئەشۇ 21 يۇلتۇزنىڭ بىرىنچىسىدۇر . ھازىرقى زامان ئالىملىرى يۇلتۇزلارنىڭ يورۇقلۇقىنى قەدىمكى ئۆلچەمگە ئاساسەن ئىنچىكە ھېسابلىغان ، نەتىجىدە سىرىئۇسنىڭ يورۇقلۇقى ئەسلىدىكى 1-دەرىجە دېگەن ئۆلچەمدىن 2.47 دەرىجە يورۇق چىققان ، يەنى 1.47 - غا تەڭ .

تارىختا ئاسمان توغرىسىدا تەتقىقاتى بارلىكى مەدەنىيەتنىڭ ھەممىسىدە بۇ يۇلتۇزنىڭ ئىسمى بار ( ئەللىك نەچچە خىل ئىسمى باركەن ، لېكىن مەن نېمىشقا بۇ يۇلتۇزنىڭ ئۇيغۇرچە ئىسمىنى ئاڭلاپ باقمىدىم ؟ ) . ھازىر خەلقئارادا قوللىنىلىۋاتقان بۇ ئىسمى قەدىمىي يۇناندىن كەلگەن بولۇپ گىرېك تىلىدا ئىسسىق دېگەن مەنىدە . ئەرەپ تىلىدىكى ئىسمى الشغرى بولۇپ ، سەركە دېگەن مەنىدىكەن ، بۇ يۇلتۇز قۇرئان كەرىمدىمۇ تىلغا ئېلىنغانىكەن . قازاق تىلىدىكى ئىسمى سۇمبىل بولۇپ ، ئاسماننىڭ جەلىپكارلىقى دېگەن مەنىدە ئىكەن . بۇ يۇلتۇز يەنە شىمالىي يېرىم شاردىكىلەر ئۈچۈن قىشلىق ئۈچبۇلۇڭنىڭ بىر چوققىسى . ( سىرىئۇس ، پروتسيون ، بېتېلگېيز )

سىرىئۇسنىڭ ئورنى ئاسمان ئېكۋاتورىنىڭ جەنۇبىدا ( يەنى جەنۇبىي ئاسمان شارىغا تەۋە يۇلتۇز ) ، ئېكلىپتىكىنىڭمۇ جەنۇبىدا . شايار ناھيىسىگە ماس پاراللېل سىزىقىنى ئۆلچەم قىلغاندا بىر تۇرغۇن يۇلتۇز كۈنىدە ( بىر تۇرغۇن يۇلتۇز كۈنى 23 سائەت 56مىنۇت 4 سېكۇنتقا تەڭ ) ئۇپۇقنىڭ ئۈستىدىكى ۋاقتى 9 سائەت 55 مىنۇت . سىرىئۇس ئىككى كەررىلىك يۇلتۇز ( قوش يۇلتۇز ) . كەچلىكى جەنۇبىي ئاسمانغا قارىساق ئانچە ئېگىز بولمىغان ئورۇندا ئىنتايىن يورۇق بىر يۇلتۇزنى كۆرىمىز ، بۇ دەل سىرىئۇس . بۇ يۇلتۇزنى تېپىشقا بەلگە جىسىم كەتمەيدۇ . نېمىشقىكىن مەن بۇ يۇلتۇزغا ئامراق ، بولۇپمۇ سەھەردە كۆرۈشكە .

bilimhumar

Algol1991 يوللىغان ۋاقتى  2015-3-2 13:59
كۈندە بىر يۇلتۇز ( 10-سان )

ئاسماننى قالايمىقانلاشتۇرىد ...

رەھمەت ئۇكام!

Algol1991

چاخچاق قىلمىسىلا ئەركىنكا ، ھېلىمۇ تېمىلىرىنىڭ ئاستىنى ھازىرغىچە ئىشلىتىۋاتىمەن ، بۇنداق قىلىۋەرمەي دەپ ئۆتكەندە ئۆزۈم تېما سۈپىتىدە بىر نەرسە يېزىپ ئاندىن شۇنىڭ ئىنكاس رايونىنى ئىشلىتەي دەپ ئويلىسام تېمام تەستىقتىن ئۆتمەپتۇ ، دەرۋەقە شۇنداقراق يېزىلىپ قالغان تېمىتى ، شۇنىڭ بىلەن يۈزۈمنى قېلىن قىلىپ ئىشلىتىۋېرىپبارىمەن