Typecho بىلەن ئازراق ھەپىلەشكەندىن كېيىن بۇنىڭ بەزىبىر يېتەرسىز تەرەپلىرىنى ھېس قىلغاندەك بولدۇم، ئەمما كۆڭۈلدىكى گەپنى دېگەندە ھاجەتتىن چىققۇدەك دەرىجىدە بولۇپ، بىز ئادەتتە ئىشلىتىۋاتقان بىر تالاي ئىقتىدارى بار ئالىي تەھرىرلىگۈچلەر بىلەن پەرقلىق بولغاچقا سەل كۆنەلمەيۋاتقان يەرلىرىملا بار ئىدى. ئۇنداق بۇ تەھرىرلىگۈچنى بىز ئادەتتە ئىشلىتىۋاتقان تەھرىرلىگۈچكە ئوخشاش كۆپ ئىقتىدارلىق قىلغىلى بولامدۇ؟

Editor.md

«بۇ تەھرىرلىگۈچنى ئۆزگەرتكىلى بولامدۇ؟» دەۋاتقان چېغىمدا، ماڭا Editor.md دېگەن تەھرىرلىگۈچ ئۇچراپ قالدى. بۇ تەھرىرلىگۈچ تېخىمۇ ئىقتىدارلىق بولۇپ، ئاساسىي بېقىنىدىغان نەرسىلىرى سۈكۈتتىكى تەھرىرلىگۈچ بىلەن ئوخشاش ئىدى. Editor.md تەھرىرلىگۈچ يېڭىدىن بەزىبىر ئىقتىدارلارنى ئۆزىگە قوشقان بولۇپ، يېزىش جەھەتتە ئارتۇقچە كود قوشمىسىڭىزمۇ، يازغانلىرىڭىزنى چىرايلىق قىلىپ كۆرسىتىپ بېرەلەيدۇ.
ھەر دەرىجىلىك ماۋزۇ پەقەت #نىڭ سانى ئارقىلىق قايسى دەرىجىلىك ماۋزۇ ئىكەنلىكىنى پەرقلەندۈرەلەيدۇ. شۇنىڭغا ئوخشاش باشقا ئىقتىدارلارمۇ بار، ئەمما شۇ بىز كۆنەلمەيۋاتىمىز. دەل شۇ سەۋەبتىن مەن ماۋۇ يېڭى تەھرىرلىگۈچ بىلەن ھەپىلىشىپ باقماقچى بولىۋاتىمەن. بۇ جەرياندىكى ئىشلار مۇشۇ يازما ئاستىغا خاتىرىلىنىدۇ.