يۇمشاق دېتال ئارقىلىق جىنايەت يۈز بېرىشنى ئالدىن بايقاش
كىنودىكى ئەسلىمىلەر
ئېسىڭلاردا بارمۇ؟ بۇرۇن بىر كىنولار بولىدىغان، ئۇنىڭدا مەلۇم ئۈسكىنىلەر بىلەن جىنايەت يۈز بىرىدىغان ۋاقىتنى ئالدىن پەملەيدىغان، جىنايەت ئۆتكۈزىدىغان كىشىنى ئالدىن بايقاپ جىنايەت ئۆتكۈزمەستە تۇتۇپ كېلىدىغان، بۇ ئارقىلىق جىنايەت زور دەرىجىدە ئازلايدىغان ...
رېئاللىقىمىزدا
مېنىڭ شۇنداق بىر ئادىتىم بار. ھەركۈنى ئەتتىگەندە تۇرۇپلا خەۋەر كۆرىمەن، بولۇپمۇ پەن-تېخنىكىغا ئائىت خەۋەرلەرنى، بۇنىڭ ئىچىدە كومپيۇتېر تېخنىكىسىغا ئائىت خەۋەرلەرگە تېخىمۇ بەكرەك قىزىقىمەن. بۈگۈنمۇ شۇنىڭغا ئوخشاش خەۋەرلەرنى كۆردۈم. دەسلەپتە كۈزۈمنىڭ پىتىنى ئۆلتۈرۈش ئۈچۈن يېڭىلىق يانفون S6 ھەققىدە خەۋەرلەرنى كۆردۈم، كېيىن باشقا بىر خەۋەر دىققىتىمنى تارتتى. خەۋەرنىڭ تېمىسى «كىنودىكى كۆرۈنۈشلەر رىئاللىققا ئايلاندى __ ساقچىلار يۇمغاق دېتال ئارقىلىق جىنايەتنى ئالدىن بايقىدى» دەپ يېزىلغان ئىدى. بۇ زادى قانداق گەپ؟
PredPol
خەۋەردە دېيىلىشىچە، PredPol ناملىق يۇمشاق دېتالدا جىنايەت يۈز بېرىدىغان ئورۇننى پەرەز قىلىش ئىقتىدارى باركەن. ھازىر بۇ يۇمشاق دېتال 亚特兰大, 洛杉矶 ۋە 圣克鲁斯 قاتارلىق شەھەرلەردە سىناق تەرىقىسىدە ئىشلىتىلگەنمىش، ھەم بۇ رايونلاردا جىنايەت يۈز بېرىش نىسبىتىمۇ چۈشكەنمىش، ئەمما بۇ ھەقتە ئىلىمىي بولغان ئىستاتىستىكا نەتىجىسى يوقكەن.
بۇ يۇمشاق دېتال «زور ئۇچۇر ئانالىزى» ئارقىلىق تولا جىدەل چىقىدىغان جايلار، تولا ئوغرى-بۇلاڭچىلىق يۈز بېرىدىغان جايلار ۋە لۈكچەكلەر تولا ھەرىكەت قىلىدىغان جايلارنى كۆرسىتىپ بېرىدىكەن. بۇنداق بولغاندا ساقچىلار شۇ ئەتراپنىلا كۆپرەك چارلاپ بەرسە، جىددىي ئەھۋالغا تېز ئىنكاس قايتۇرالايدىكەن، ياكى بەزىبىر جىنايەتلەرنىڭ ئالدىنى ئالالايدىكەن.
مېنىڭ ئويلىرىم
ئەمدى ئۆزىمىزنىڭ گېپگە كەلسەك، يۇقىرىقى يۇمغاق دېتال ھەققىدە كۆپچىلىكنىڭ قارىشىمۇ ھەرخىل، بۇنى بىر قىسىم كىشىلەر ياخشى دەپ قارىغان بولسا، بىر قىسىم كىشىلەر بۇ جىنايەتنى ئازلىتىشنىڭ تۈپ چارىسى ئەمەس دەپ قارايدىكەن. نېمىلا بولسۇن، بۇ يۇمشاق دېتال ھازىر مۇدا بولىۋاتقان «زور ئۇچۇر ئانالىزى»نىڭ قىممىتىنى يەنە بىر قېتىم نامايەن قىلدى دېسەك ئارتۇق كەتمەس. ياشانغانلار ئۆزىنىڭ بىر ئۆمۈرىدە باشتىن كەچۈرگەنلىرىدىن خۇلاسە چىقىرىش ئارقىلىق باشقىلارغا يول كۆرسىتىدۇ، ماۋۇ «زور ئۇچۇر ئانالىزى» بولسا خاراكتىش جەھەتتىن شۇنىڭغا ئوخشىشىدۇ، ناھايىتى زور مىقداردىكى ئۇچۇر تەھلىلىدىن ئېرىشكەن بۇ نەتىجە ئەمەلىيەتكە تېخىمۇ يېقىن بولىدۇ. بىزمۇ «زور ئۇچۇر ئانالىزى» دەۋرىگە كىرىشكە تەييارلىق قىلايلى، گەرچە قۇلىمىزدا «زور ئۇچۇر» بولمىسىمۇ...
مەنچە بۇنىڭ قىلچە ئاساسى يوق ، خۇددى خىروئىن نەدىن چىقىدۇ دېسە ھەممە ئادەم ئالتۇن ئۈچبۇرجەكمىكى دېگەندەكلا بىر گەپ .
بۇنىڭ پەرقى بار. «زور ئۇچۇر ئانالىزى» بىلەن پەرەزنىڭ پەرقى بار. ئېنىقلىق دەرىجىسى زور پەرقلىنىدۇ. سىز بەلكىم پالانى رايون دەپ پەرەز قىلىشىڭىز مۇمكىن، ئەمما ماۋۇنىڭدەك تەھلىلدە يول ياكى دوقمۇشقىچە ئېنىقلىتا دەپ نەتىجە چىقىرىش تامامەن مۇمكىن.
ھېچ بولمىغاندا بۇ ئارخىپ باشقۇرۇشقا، ئىش بېجىرىشكە بولسىمۇ زور قولايلىق ئېلىپ كېلىدۇ. ئەگەر بۇ «زور ئۇچۇر ئانالىزى» ھەل قىلىنسا نۇرغۇن ئىھتىماللىق نەرسىلەرنىڭمۇ قانۇنىيتىنى بايقىغىلى بولىدۇ.