«نۇرقۇت تەرەققىيات مۇنبىرى»نى تەشكىللەش جەريانىدىكى ھېسلار
بىز 2015-يىلى 3-ئاينىڭ 15-كۈنى «نۇرقۇت تەرەققىيات مۇنبىرى» قۇرۇلغانلىقىنى ئېلان قىلدۇق. ئارقىدىنلا 3-ئاينىڭ 21-كۈنىدىن باشلاپ رەسمىي ھالدا ئەسەر قۇبۇل قىلىشنى باشلىدۇق. مانا بۈگۈن ھەپتە بولدى، بۈگۈن ئەتتىگەنگە قەدەر پائالىيەتكە چۈشكەن ئەسەر جەمئىي 11 پارچە بولدى، ئەمما بۇ يازمىدا مەن بۇ ھەقتە توختالمايمەن.
بۇ قېتىملىق پائالىيەتنى تەشكىللەش جەريانىدا بىزنى قوللىغان شىركەتلەر ۋە تور بېكەتلەرگە رەھمەت ئېيتىمەن. بىزنى قوللىغانلاردىن مىننەتدار بولغان بولسام، ئاز بىر قىسىم بېكەت باشلىقلىرىدىن ئۈمىدسىزلەندىم، ئەلۋەتتە مەنمۇ ئۇلارنىڭ تاللىشىغا ھۆرمەت قىلىمەن. ئادەمنى ئەپسۇسلاندۇرىدىغىنى شۇ بولدىكى، بىزگە «ماقۇل» دەپ قويۇپ، ۋەدىسىدە تۇرمىدى، پائالىيەتكە ئائىت كىچىككىنە ئۇچۇر ياكى يازمىنى بېكىتىدە چىقىرىشقا ئۇنىمىدى، بىزدىكى تېخنىكىنىڭ يۈكسىلىشىگە ئازدۇر-كۆپتۇر ياردىمى تېگىدۇ دەپ قارىغان بۇ پائالىيەت كەڭ دائىرىدىكى تەشۋىقاتتىن مەھرۇم قالدى. كونىلارنىڭ «ھەركىم چوڭ بولسا ئۆزىگە چوڭ بولىدۇ» دېگىنى راست ئىكەن. مەيلى، بۇنىڭسىزمۇ بۇ پائالىيىتىمىزمۇ ئوڭۇشلۇق تامام بولغۇسى.
بۇ پائالىيەت بىزگە شۇنداق بىر ئەينەك بولۇپ قالدى، كىملەرنىڭ قانداق ئىكەنلىكىنى ئازدۇر-كۆپتۇر بىلىۋالدۇق. رەھمەت ساڭا «نۇرقۇت تەرەققىيات مۇنبىرى»
ئەلۋەتتە كىچىككىنە تەشۋىقاتىمنىڭ ئازراق بولسىمۇ پايدىسى بولغىنىغا ئىشىنىمەن ، توغرا ، "دوستۇڭنىڭ دوستلۇقى بېشىڭغا كۈن چۈشكەندە بىلىنەر" دەپ بىكار ئېيتىلمىغان .
كونىلار بېكار دېمەپتىكەن، ئۆزۈكدە بارى ئەسقاتىدىكەن، ئىشەنگەن تاغدا كىيىك ياتمايدىكەن ئەمەسمۇ. لول لول
ھەرقانداق باشلىنىشىدا تەس بولىدۇ، نۇرغۇن تورداش ھاياجاندا ۋەياكى قىزىق قانلىق، ھېچ بولمىغاندا كۆزئالدىدىكىنى ئويلاپ ئورۇنسىز گەپلەرنى گەپ - سۆزلەرنى قىلىپ سالدى، دېگىلى بولمايدىغان سەۋەبلەرنىڭ بولۇشى تۇرغانلا گەپ. سىزگە ئىشەنچ، ئەڭ مۇھىمى مۇشۇ ئىشتا ئىشەنچ تۇرغۇزىشىڭىزنى ئۈمىد قىلىمەن.