Typecho بىلەن ئازراق ھەپىلەشكەندىن كېيىن بۇنىڭ بەزىبىر يېتەرسىز تەرەپلىرىنى ھېس قىلغاندەك بولدۇم، ئەمما كۆڭۈلدىكى گەپنى دېگەندە ھاجەتتىن چىققۇدەك دەرىجىدە بولۇپ، بىز ئادەتتە ئىشلىتىۋاتقان بىر تالاي ئىقتىدارى بار ئالىي تەھرىرلىگۈچلەر بىلەن پەرقلىق بولغاچقا سەل كۆنەلمەيۋاتقان يەرلىرىملا بار ئىدى. ئۇنداق بۇ تەھرىرلىگۈچنى بىز ئادەتتە ئىشلىتىۋاتقان تەھرىرلىگۈچكە ئوخشاش كۆپ ئىقتىدارلىق قىلغىلى بولامدۇ؟
يەنە شۇ يانفوننىڭ پارىڭى دەپ قالدىڭىز ھەقىچان! ئامال يوق! ئىككى يىل بۇرۇن ئالغان يانفونۇم كونىراپ قالدى، يېڭىدىن بىرنى ئېلىشىم كېرەك-تە! شۇنداق قىلىپ خېلىدىن بېرى يانفونغا قىزىقىپ كېلىۋاتىمەن. Android, Windows يانفونىدىن بىرنى تاللىشىم كېرەك، ئالمىنىڭ گېپىنى قىلماڭ، ئۇنى ئىشلەتمەيمەن.
ئۇنداقتا بۈگۈنكى يېڭىلىق نېمە؟ شۇ يانفون سىستېمىسىنىڭ پارىڭى! Windows 10 يانفون نۇسخىسى تېخنىكىلىق كۆرۈپ بېقىش نۇسخىسى چىقتى! بۇ يانفون سىستېمىسىغا قىزىقىدىغانلار ئۈچۈن بىر يېڭىلىق ئەلۋەتتە! ناۋادا يېقىپ قالسا، پايلاپ تۇرۇپ يېڭى يانفوندىن بىرسى چىقسا گۈپلا قىلىپ سېتىۋالىمەن.(سەت ھېجايغان چىراي ئىپادىسى)
ئاڭلاشلارغا قارىغان مۇنداق يېڭىلىقلار بار ئىكەن:
1، ئېكران ۋە تەگلىكتە زور يېڭىلىق بارمىش.
2، ئۇقتۇرۇش مەركىزى دەھشەت نوچىمىش.
3، ھۆججەت باشقۇرۇش ئىقتىدارى نوچىمىش.
4، MKV ۋە FLAC فورماتىنى قوللايدىكەن.
5، كومپيۇتېر بىلەن ئوخشاش ئۈنۈمدىكى ئەپلەرمۇ يېڭىلىق.
چۈشەندۈرۈش قىسقا فىلىمى:
سوخۇ تورىغا كىرىپ كۆرۈڭ
ماسلىشىشچان تور بەت دەپ كوتۇلداۋاتقىلى مانا خېلى بولدى، ماۋۇ بىلوگنىمۇ خېلىدىن بىرى ئاز جاپا بىلەن يازمىدىم. مانا ئەمدى بىر قاتار پۈتكۈزۈپ بولدۇم. ئەمدى يانفوندا بىر نەرسە يېزىپ باقاي.
يانفوندا ئۇقۇشقا بەك ماس كېلىدىكەن، ئەمما بىر كەمچىلىكى بىزنىڭ يانفوندىكى كىرگۈزگۈچلىرىمىزنى يېڭىلىسا بولغۇدەك، بولۇپمۇ ئەقلىي ئىقتىدارلىق كىرگۈزۈش قىسمىنى. يانفوندابىر نەرسە يېزىۋېتىپ ھېس قىلغان كەمچىلىك تۆۋەندىكىچە:
1، يانفوندىكى خەت نۇسخىسىنى سەل چوڭايتىش كېرەكمۇ قانداق؟
2، ئۇيغۇرچە كىرگۈزىدىغان ئشتا سەل كەمتۈكلۈك بار، بولۇپمۇ ئاپتوماتىك ھەمزە.
3، ئۇيغۇرچە كىرگۈزگۈزنى ئەقلىي ئىقتىدارلىق قىلىش ئىمكانىيىتى بارمۇ؟
ئۇنتۇلۇپ قالماسلىقى ئۈچۈن بىلوگقا خاتىرىلەندى.
ئىزدىنىش يولىدا (1) نىڭ داۋامى
شۇڭا دەيمەن، ئۇيغۇرچە ئىزدەش ماتورى چوقۇم ياسىلىشى كېرەك. ئىزدە، ئىزدەش...لەردەك ئەمەس، مۇستەقىل ئىزدەش ماتورى.
مەن بىر ئوقۇتقۇچى، ئىدىيە تارقاتقۇچى، ئوقۇغۇچىللىرىمغا تەرەققىياتنى كومپيۇتېر نۇقتىسىدىن، تور نۇقتىسىدىن تۇرۇپ يىشىپ بەرگۈچى. ئۇلارنى ئۆگىنىشكە قىزىقتۇرغۇچى. شۇڭا ئۇلارنى قايىل قىلىپ پىروگراممىغا بولغان قىزىقىشىنى قوزغاش، لوگىكىلىق تەپەككۇرىنى كۈچەيتىش ئۈچۈن ھەرخىل تېمىلاردا پاراڭ قىلىپ بىرىمەن. شۇ پاراڭلارنىڭ بىرى دەل ئىزدەش ماتورى. بۈگۈن سىلەرگە شۇنى سۆزلەپ بېرەي.
تور بېكەتلەر ئانچە كۆپ بولمىغان دەۋردە كىشىلەر بېكەتلەرنىڭ ئىسمىنى ئېسىدە تۇتالايتى، كىيىن كۆپىيىپ كەتتى، شۇنىڭ بىلەن ئۇلىنىش خاراكتېردىكى بېكەتلەر پەيدا بولدى، بېكەتلەر تېخىمۇ كۆپىيىپ كىتىۋىدى، ئۇلىنىش بېكەتلىرى ئېھتىياجنى قامدىيالماي قالدى. شۇنىڭ بىلەن ئىزدەش ماتورى پەيدا بولدى.
ئىزدەش ماتورىنىڭ پەيدا بولۇشى بايلىقلاردىن ئورتاق بەھرىمەن بولۇش پۇرسىتىنى ھەسسىلاپ ئاشۇردى.
خوپ قۇرۇق گەپنى جىق قىلمايلى. ئىزدەش ماتورى دېگەن نېمە؟
بەش يېرىم يىل بۇرۇن تۇرمۇشۇمدا ئاندرويىدنىڭ پەيدا بولۇشى مەندە تېلېفون ساھەسىدىلا ئەمەس، تۇرمۇشنىڭ ھەرقانداق ئورنىدا ئەقلىي ئىقتىدارلىشىشنىڭ پەيدا بولىدىغانلىقى ھەققىدە خىيال ۋە ئىنكاسلارنى پەيدا قىلغان. مەسىلەن: ئاندرويىدلىق تېلېۋىزور، سائەت، توڭلاتقۇ، روتېر، كىرئالغۇ، ئويۇنچۇق...
مانا بۈگۈنكى كۈنگە كەلگەندە بۇ نەرسىلەر پەيدا بولىدى، مەن نېمىشقا مۇشۇ نەرسىلەنىڭ پەيدا بولۇشىنى ئويلاپ يىتەلىدىم؟
ئەينى چاغدا مەن توردا بىر يانفوندا باشقۇرۇپ ئوينايدىغان ئۇيۇنچۇقنىڭ بارلىقى كۆرگەن. باھاسى 2000 سوم ئەتراپىدا ئىدى. مەن مۇشۇنىڭغا ئوخشاش نەرسىلەرگە قىزىققاچقا چوڭقۇرلاپ تەتقىق قىلدىم. دەل مۇشۇ پەيتتە پۈتۈنلەي ھەقسىز بولغان، ئاندرويىد سىستېمىسى مېنىڭ دىققىتىمنى تارتتى، شۇنىڭ بىلەن گوگېلنىڭ G1 يانفونىدىن بىرنى سېتىۋالدىم، تەتقىق قىلدىم. خياللىرىم بەك قالتىس ئىدى.
بىر ماشىنا بولسا، مەن ئۇنى G1 تېلېفونۇمغا باغلاپ قويسام، ئاندىن G1 تېلېفونۇمنى كومپيۇتېردا تۇرۇپ كونترول قىلسام، تېلېفوننىڭ كامىراسى ئارقىلىق كۆرۈپ تۇرۇپ ماشىنىنى ھەيدىسەم...
يەنە بىر ئۇچىدىغان ئۈسكۈنىدىن بىرنى ئالسام، ئاندىن تېلېفونۇمغا باغلاپ بۇنىمۇ ئۇچۇرسام، بوشلۇقتا تۇرغاندىكى كۆرۈنشلەرنى مەن ساقلاپ ماڭسام...
بۇ چاغلاردا تېخى 3G تورى يوق چاغلار بولۇپ تېلېفون كارتىسى ئارقىلىق تورغا چىقسا ۋوجون بەك ئاستا ئىدى.
شۇنىڭ بىلەن كاللامدا تېلېفوننىڭ بۇ تور سۈرئىتى چ چ دا سۈرەتلىك پاراڭلىشىشقا يەتمەيدىغان تۇرسا سۈرئەتلەرنى قانداق يوللاپ بىرەر دەپ بېشىم قاتتى.
شۇنىڭ بىلەن ۋايفاي دېگەن ئوقەتنى تەتقىق قىلىشىمغا توغرا كەلدى. ۋايفايدا سۈرئەت نوچى ئىدى، بۇنىڭدا مەن ئويلىغان ئىشلار ئەمەلگە ئاشاتتى، شۇنىڭ بىلەن بەك خوش بولدۇم.
ئاندرويىد تېلېفوننى تەتقىق قىلىش جەريانىدا بۇنىڭ ناھايىتى قالتىس بىر مۇنبەت تۇپراق ئىكەنلىكىنى ھېس قىلدىم، تور تاقالغان مەزگىللەردە بار شارائىتتىن پايدىلىنىپ ئۆگىنىپ تۇردۇم، تور ئېچىلغاندا ئانچە مۇنچە تورلاردا ئاندرويىد توغرىسىدا يازما يوللاپ تۇردۇم. دەل مۇشۇ پەيتلەردە بىلكاندىكى سارۋان ئاكىمىز تۇيۇقسىزلا مېنى تاماققا تەكلىپ قىلدى ۋە شىركەت قۇرۇش ئىشلىرىنى تونۇشتۇردى. مېنى كېلىپ بىللە ئىشلەشكە تەكلىپ قىلدى. بۇ ئالىي مەكتەپنى پۈتتۈرشكە بىر يىل ۋاقىت قالغان چاغ بولۇپ مەكتەپنى تاشلاپ قويۇپ كېلىشىم مەنچە مۇمكىن ئەمەس ئىدى(مۇمكىن بولمايدىغان نېمە ئىش بار). شۇڭا چىرايلىقچە رەت قىلدىم. خىيالمىدا ماڭا ئوقۇشنى تاشلاپ خىزمەت قىلىش بالدۇر ئىدى، مەكتەپ مۇھىم ئىدى، مەكتەپتىكى ۋاقتىمنى قەدىرلەپ جىق ئۆگۈنىۋالساملا بۇنداق خىزمەتلەر جىق ئىدى ئۆزمچە...
ئېسىڭلاردا بارمۇ؟ بۇرۇن بىر كىنولار بولىدىغان، ئۇنىڭدا مەلۇم ئۈسكىنىلەر بىلەن جىنايەت يۈز بىرىدىغان ۋاقىتنى ئالدىن پەملەيدىغان، جىنايەت ئۆتكۈزىدىغان كىشىنى ئالدىن بايقاپ جىنايەت ئۆتكۈزمەستە تۇتۇپ كېلىدىغان، بۇ ئارقىلىق جىنايەت زور دەرىجىدە ئازلايدىغان ...
مېنىڭ شۇنداق بىر ئادىتىم بار. ھەركۈنى ئەتتىگەندە تۇرۇپلا خەۋەر كۆرىمەن، بولۇپمۇ پەن-تېخنىكىغا ئائىت خەۋەرلەرنى، بۇنىڭ ئىچىدە كومپيۇتېر تېخنىكىسىغا ئائىت خەۋەرلەرگە تېخىمۇ بەكرەك قىزىقىمەن. بۈگۈنمۇ شۇنىڭغا ئوخشاش خەۋەرلەرنى كۆردۈم. دەسلەپتە كۈزۈمنىڭ پىتىنى ئۆلتۈرۈش ئۈچۈن يېڭىلىق يانفون S6 ھەققىدە خەۋەرلەرنى كۆردۈم، كېيىن باشقا بىر خەۋەر دىققىتىمنى تارتتى. خەۋەرنىڭ تېمىسى «كىنودىكى كۆرۈنۈشلەر رىئاللىققا ئايلاندى __ ساقچىلار يۇمغاق دېتال ئارقىلىق جىنايەتنى ئالدىن بايقىدى» دەپ يېزىلغان ئىدى. بۇ زادى قانداق گەپ؟
خەۋەردە دېيىلىشىچە، PredPol ناملىق يۇمشاق دېتالدا جىنايەت يۈز بېرىدىغان ئورۇننى پەرەز قىلىش ئىقتىدارى باركەن. ھازىر بۇ يۇمشاق دېتال 亚特兰大, 洛杉矶 ۋە 圣克鲁斯 قاتارلىق شەھەرلەردە سىناق تەرىقىسىدە ئىشلىتىلگەنمىش، ھەم بۇ رايونلاردا جىنايەت يۈز بېرىش نىسبىتىمۇ چۈشكەنمىش، ئەمما بۇ ھەقتە ئىلىمىي بولغان ئىستاتىستىكا نەتىجىسى يوقكەن.
بۇ يۇمشاق دېتال «زور ئۇچۇر ئانالىزى» ئارقىلىق تولا جىدەل چىقىدىغان جايلار، تولا ئوغرى-بۇلاڭچىلىق يۈز بېرىدىغان جايلار ۋە لۈكچەكلەر تولا ھەرىكەت قىلىدىغان جايلارنى كۆرسىتىپ بېرىدىكەن. بۇنداق بولغاندا ساقچىلار شۇ ئەتراپنىلا كۆپرەك چارلاپ بەرسە، جىددىي ئەھۋالغا تېز ئىنكاس قايتۇرالايدىكەن، ياكى بەزىبىر جىنايەتلەرنىڭ ئالدىنى ئالالايدىكەن.
ئەمدى ئۆزىمىزنىڭ گېپگە كەلسەك، يۇقىرىقى يۇمغاق دېتال ھەققىدە كۆپچىلىكنىڭ قارىشىمۇ ھەرخىل، بۇنى بىر قىسىم كىشىلەر ياخشى دەپ قارىغان بولسا، بىر قىسىم كىشىلەر بۇ جىنايەتنى ئازلىتىشنىڭ تۈپ چارىسى ئەمەس دەپ قارايدىكەن. نېمىلا بولسۇن، بۇ يۇمشاق دېتال ھازىر مۇدا بولىۋاتقان «زور ئۇچۇر ئانالىزى»نىڭ قىممىتىنى يەنە بىر قېتىم نامايەن قىلدى دېسەك ئارتۇق كەتمەس. ياشانغانلار ئۆزىنىڭ بىر ئۆمۈرىدە باشتىن كەچۈرگەنلىرىدىن خۇلاسە چىقىرىش ئارقىلىق باشقىلارغا يول كۆرسىتىدۇ، ماۋۇ «زور ئۇچۇر ئانالىزى» بولسا خاراكتىش جەھەتتىن شۇنىڭغا ئوخشىشىدۇ، ناھايىتى زور مىقداردىكى ئۇچۇر تەھلىلىدىن ئېرىشكەن بۇ نەتىجە ئەمەلىيەتكە تېخىمۇ يېقىن بولىدۇ. بىزمۇ «زور ئۇچۇر ئانالىزى» دەۋرىگە كىرىشكە تەييارلىق قىلايلى، گەرچە قۇلىمىزدا «زور ئۇچۇر» بولمىسىمۇ...
قۇرۇق گەپنى ئاز قىلاي. بۇ بىرنەچچە كۈنلۈك ئىشلىتىشتىن كېيىنكى تەسىرات تۆۋەندىكىدەك:
1، [+] سىستېما بەك يېنىڭ، بۇ بەلكىم ئارتۇقچە كود ياكى باشقا نەرسىلەرنىڭ ئازلىقىدىن بولسا كېرەك.
2، [+] سىستېما بەك ئاددىي، ئىشلىتىش ئاسان.
3، [+] كودى بەك رەتلىك يېزىلغان، قايتا ئېچىشتا قىينالمايسىز.
4، [+] باشقۇرۇش بېتى ئاددىي بولغان بىلەن زۆرۈر ئىقتىدارنىڭ ھەممىسى دېگۈدەك بار.
5، [+] ساختا تىنچ بەت ئىقتىدارى بار، ئارقا بەتتىن ھەر-خىل تاللىيالايسىز.
6، [-] ماقالە يوللاش تەھرىرلىگۈچى بەكلا ئىپتىدائىي.
7، [-] ئۇسلۇب، قىستۇرمىلار خېلىلا ئاز.
8، [-] قىسمەن ئىقتىدارىدا كەمتۈكلۈك بار، مەسىلەن: نەقىل ئادرېسلىرى، باش بەتتە ئۈزۈندى كۆرسىتىش تەڭشىكى قاتارلىقلار
ئەمىسە باشلىدۇق!
Typechoنىڭ سۈكۈتتىكى ئۇسلۇبى زىيادە ئاددىي بولغانلىقى ئۈچۈن ئۇنى ئۆزىمىزگە ياققۇدەك قىلىپ ئۆزگەرتىشىمىز زۆرۈر بولىدۇ. Bootstrapكە بولغان ئوتتەك قىزىقىشىم سەۋەبى بىلەن بۇ ئۇسلۇبنى قايتا يازماقچى بولدۇم. ئۇسلۇب ھۆججەتلىرىنى بىر قۇر كۆزىتىش ئارقىلىق ئۇسلۇب كودلىرىنىڭ خېلىلا ئۆلچەملىك ۋە رەتلىك يېزىلغانلىقىنى، خېلى جايلىرىنىڭ Bootstrapكە ئوخشاش قېلىپ ئىشلىتىدىغانلىقىنى ھېس قىلدىم. شۇنىڭ بىلەن ئىشنى رەسمىي باشلاپ كەتتىم.
1-قەدەم: ئۇدۇللا header.php ۋە footer.php ھۆججىتىنى ئېچىپ ئەسلى ئۇسلۇبنىڭ CSS ۋە JS كودلىرىنى پاكىز يۇيۇپ تاشلىدىم.
2-قەدەم: ئاندىن Bootstrapكە ئائىت دەرسلىكىمىزدە تىلغا ئالغان CSS ۋە JS ھۆججەتلىرىنى ئۇلىدىم.
3-قەدەم: بەت قارىماققا نورمالدەك تۇرغان بىلەن ئايرىم مەسىلىلەر ساقلانغان ئىدى، شۇنىڭ بىلەن ئىنچىكىلەپ تەكشۈرۈش ئارقىلىق ئايرىم جايلاردا container بېكىتىلمىگەن ئىدى، مۇناسىۋەتلىك كودلارنى قوشتۇم. شۇنىڭ بىلەن بەت قۇرۇلمىسى نورماللاشتى.
4-قەدەم: ئېكرانغا ماسلىشىش قىسمىنى class ئىسىملىرىغا col-md, col-sm قاتارلىق مۇۋاپىق بەلگىلەپ نورماللاشتۇردۇم.
5-قەدەم: بەت يۈزى ماسلىشىپ بولغاندىن كېيىن باش-ئايىغىغا رەڭلىك تىزىملىك قوشتۇم.
شۇنداق قىلىپ ھازىرقى ھالىتى بارلىققا كەلدى. بەتنىڭ چوڭ قۇرۇلمىسى نورماللاشتى، لېكىن ئىچكى قىسمىنىڭ رەڭ تەڭشەش ۋە گۈزەللەشتۈرۈش ئۈنۈم قوشۇش ئىشلىرى داۋاملىشىدۇ. بۇ تېمىدا تىلغا ئالغان ئىشلارنىڭ ھەممىسى HTML كودى بىلەن ئىشقا ئاشۇرۇلغان، شۇڭا كودقا قىزىقسىڭىز بىلوگۇمغا كىرىپ ئەسلى كودىنى كۆرسىڭىزلا بولىدۇ.
ئۇزۇن زامانلار ئىلگىرى مېنىڭمۇ بىلوگۇم بولغان، ئەپسۇسلىنارلىقى بۇ بىلوگۇم بىر قېتىملىق تاسادىپىي ئاپەتتە ئېچىنىشلىق ھالدا قۇربان بولغان ئىدى. Mysql جەدۋىلى پۈتۈنلەي بۇزۇلغانلىقتىن، شۇنداقلا زاپاز ساندان بولمىغانلىقتىن مېنىڭمۇ بىلوگ يېزىشتىن رايىم يانغان ئىدى. مانا كۈنلەر ئۆتۈپ بۈگۈنگە كەلگەندە، مەندىكى بىلوگ يېزىش قىزغىنلىقى بارا-بارا ئەسلىگە كەلدى، ئەمما بەزى مەزمۇنلارنى نۇرقۇتقا يوللاش تازا مۇۋاپىق بولمىغاچقا كونا بىلوگۇمنى قايتىدىن ئېچىش يولىغا قەدەم ئالدىم.
دەسلەپتە يەنىلا Wordpress ئىشلىتىشنى ئويلىغان ئىدىم، ئەمما @Alim بۇرادەرنىڭ تەكلىپى بويىچە Typecho دېگەن سىستېمىنى ئىشلىتىش قارارىغا كەلدىم. مۇنبەرگە قارىسام بۇ سىستېما ھەققىدە بۇرۇنمۇ بەزى تېمىلار يوللىنىپتىكەن. ئەمدى مەنمۇ ھەپىلىشىپ باقاي. قىزىقىدىغانلار بىرلىكتە كۆرۈپ باقارمىز.
ئالدىنقى ئايدا دوغاپ ئەپەندىم تارقاتقان ئۇيغۇرچە نۇسخىسى: يېڭى يىللىق سوۋغا: Typecho ئۇيغۇرچە نۇسخىسى 1.0
مەن بۈگۈن github تورىدىكى ئەڭ يېڭى ھۆججەتلەرنى چۈشۈردۈم، ئاخىرىدا 2015.01.20 يېڭىلانغان ھۆججەتلەر بار ئىكەن. شۇڭا بۇ يەردە سىستېمىنى ئورنىتىش ھەققىدە قىسقىچە خاتىرە قالدۇرۇشنى توغرا تاپتىم. قېنى ئەمىسە كۆپچىلىك بىرلىكتە داۋاملاشتۇرايلى:
ئورنىتىش جەريانى:
1-قەدەم: ھۆججەتلەرنى بوشلۇققا چىقىرىمىز.
2-قەدەم: install.php ھۆججىتىنى ئىجرا قىلىمىز.
1) «ئىشلىتىش كېلىشىمى »گە قوشۇلۇپ داۋاملاشتۇرىمىز.
2) ساندان ئۇچۇرلىرىنى تولدۇرۇپ داۋاملاشتۇرىمىز.
3) كۆز يۇمۇپ-ئاچقۇچە تامام بولىدۇ.
3-قەدەم: index.php ئارقىلىق باش بەتكە كىرىسىز، admin/index.php ئارقىلىق باشقۇرۇشقا كىرىسىز.
تامام.