مايۈننىڭ ئىگىلىك تىكلەش دەرىسخانىسى

WWW.UYHQT.COM

	ئالتىنچى دەرس ئۈچۈنچى پارىگىراف ئاددى ئىشىنى قايتا-قايتا تەكرارلاشنىڭ ئۆزى مۇۋەپپىقىيەت كۆپلىگەن ئىگىلىك تىكلىگۈچىلەر دەسلىپىدىلا چوڭ بىر ئىشنى ۋۇجۇدقا چىقارسام دەپ ئويلاپ نىشاننى بەك چوڭ بېكىتىۋېلىپ، ئاددىي ئىشلارنى ياراتمايدۇ، شۇ سەۋەبتىن دائىم مۇۋەپپىقىيەتكە بىر قەدەم قالغاندا توختاپ قالىدۇ. خەيئىر گورۇھىنىڭ لېدىرى جاڭ رۈي مىڭ «ئاستىلاش ئارقىلىق سەن ھەرقانداق ئىشنى تېزلىتەلەيسەن» دېگەنىدى. ئەمەلىيەتتە مۇۋەپپىقىيەت -ئاددىي ئىشنى قايتا-قايتا تەكرارلاش دېمەكتۇر.ئىگىلىك تىكلىگۈچى قارىماققا ئاددىي كۆرۈنگەن شۇ ئىشلارنى پۇختا قەدەم بىلەن تەكرار قىلغاندىلا ئاندىن بارا-بارا ئۆسۈپ يېتىلىپ، نىشانلىرى بىر-بىرلەپ ئەمەلگە ئاشىدۇ ۋە ئاخىرىدا مۇۋەپپىقىيەت قۇچاق ئاچىدۇ.   مايۈن دەل مۇشۇ قائىدىگە ئىزچىل ئەمەل قىلىپ كەلگەن. ئۇلار  تور بىتىنى يېڭىدىن قۇرۇپ چىققىنىدا مايۈن ۋە ئۇنىڭ بىر نەچچە شىرىكلىرى بىر تېلفۇن ۋە بىرنەچچە پارچە سۈرەتتىن پايدىلىنىپ ھەممە يەردە ئىنتىرنىت تەشۋىقاتى قىلغان. ئۇ ۋاقىتتا يۇقىرى تېخنىكىلىق مەھسۇلاتلار، مۇرەككەپ ئىدىيە، ئەندىزىلەر بولمىغاچقا پەقەت مال ساتقۇچىلارئارقىلىق ئېنتىرنىتنى، ئېنتىرنىتنىڭ كىشلەرگە ئېلىپ كېلىدىغان قولايلىقلىرىنى بارا-بارا كىشلەرگە تونۇشتۇرغان. نۇرغۇنلىغان كىشلەر ‹بىر ئادەمىنىڭ مۇۋەپپىقىيەت قازىنىشى كۆپ ئەھۋاللاردا تاسادىبيلىقتىن بولىدۇ ›دەپ قارايدۇ. بەزى كۆزگە چېلىقمايدىغان ئىشلارغا نىسبەتەن ھەممەيلەن قانداق قىلىشنى بىلىدۇ، بىراق مەسىلە كىمنىڭ ئەڭ ئاخىرىغىچە بەرداشلىق بېرەلىشىدە. نۇرغۇنلىغان كىشلەر بىر ئۆمۈر بۈيۈكلۈكنى  قوغلىشىدۇ،بۈيۈكلۈكنىڭ ئەتراپىمىزدىكى ئەڭ ئاددىيلىقتىن كېلىدىغانلىقنى ھېچكىممۇ ئويلاپ يېتەلمەيدۇ، ۋە ئاخىرىدا ئېرىشىدىغىنى مەغلۇبىيەت بولۇپ قالىدۇ. ئامرىكا ئۆلچەم نېفىت شىركىتىدە ئاكى پوتىر ئىسىملىك بىر خىزمەتچى بولۇپ،مەيلى نەدىلا تالونغا ئىمزاسىنى قويسۇن ئاخىرىغا «ھەر تۇڭى تۆت ئامرىكا دوللىرىلىق ئۆلچەملىك نىفىت»دېگەن خەتنى يېزىپ قوياتتى. سالام خەت ياكى تالون يازغاندىمۇ ئىمزا قويسىلامۇشۇ خەتلەرنى يېزىپ قوياتتى. شۇڭا ھېچكىم ئۇنىڭ ئىسمىنى چاقىرماي « ھەر تۇڭى تۆت ئامرىكا دوللىرى» دەپ چاقىرىدىغان بولغان.   شىركەت لىدىرى رۇكفىللىر بۇنى بىلگەندىن كېيىن :« ھەقىقەتەن مۇشۇنداق شىركەتنى تەشۋىق قىلىدىغان ئادەم بولسا مەن ئۇنىڭ بىلەن كۆرۈشۈپ باقاي» دەپ ئۇنىڭ بىلەن بىللە كەچلىك تاماق يەيدۇ.  رۇكفىللىر ۋەزىپىسىدىن ئىستىپا بەرگەندىن كېيىن ئاكى پوتىر بۇ شىركەتنىڭ ئىككىنچى لىدىرى بولۇپ قالىدۇ. ئادەتتىكى بىر ئىشنى قايتا-قايتا قىلىش غەلبىنىڭ ئۆزى دېمەكتۇر. بۇ نۇرغۇنلىغان مۇۋەپپىقىيەتكە ئېرىشكۈچىلەرنىڭ بىزگە بەرگەن بىشارىتى. خۇددى ۋاڭ جۇڭ ئەپەندىنىڭ«ئاجىز ھالقا غەلبە ياكى مەغلۇبىيەتنىڭ ئاچقۇچى» دېگەن كىتابدا دېيىلگىنىدەك:«دۇنيادا چوڭ ئىش قىلالايدىغانلار بەك ئاز، كۆپلىگەن كىشلەر ئادەتتە پەقەت كونكىرت،پارچە- پۇرات، ئاددىي ئىشلارنىلا قىلالايدۇ. ئۇلارنىڭ قىلىۋاتقىنى بەلكىم بەك ئاددىي، تىلغا ئالغۇچىلىكى يوق ئىشلار بولىشى مۇمكىن، بىراق بۇمۇ بىر خىزمەت.تۇرمۇش، ھەم چوڭ ئىشلارنى تەۋرىتىشتە كەم بولسا بولمايدىغان ئاساس››.   مايۈن: « مەكتەپتە بەش يىل دەرس بېرىش جەريانىدا مەن نېمىنىڭ يەڭگىللىك،نېمىنىڭ سەۋىرچانلىق ئىكەنلىكىنى، ھەممە ئىشنى كىچىگىدىن باشلاشنى بىلىدىم.ئىگىلىك تىكلىگۈچىلەر يەڭگىللىك قىلسا بولمايدۇ>> دىگەن.   ئالى بابا يېڭىدىن قۇرۇلغان ۋاقىتتا ئۈچ يىل ئۇدا زىيان تارتقان. بىراق مايۈن مۇۋەپپىقىيەتنىڭ ئۇنداق ئاسان قولغان كەلمەيدىغانلىقىنى بىلەتتى، شۇڭا ئۇ ۋە ئۇنىڭ خىزمەتچىلىرى پۇختا قەدەم بىلەن كۈندىلىك خىزمىتىنى ئىشلەشتە چىڭ تۇرغان، ئۈچ يىلنى خۇددى بىر كۈننى ئۆتكۈزگەندەك ئۆتكۈزۈپ خېرىدارلارنىڭ ئىشەنچى ئۈچۈن كۈرەش قىلغان. شۇڭا ئۇلار ئاخىرى ئېنتىرنىت تورىنىڭ باھارىنى كۈتۈۋالدى. بۇرۇن سەرپ قىلغان بارلىق كۈچ ئالى بابانىڭ كەلگۈسى ئۈچۈن پۇختا ئاساس سالدى. ئاددىيلىق دېگەن نېمە؟ ئاددىيلىق دىگىنىمىز-بىر ئىشنى يۈزمىڭلىغان قېتىم ياخشى قىلىش دېگەنلىكتۇر. ئاسانلىق دېگەن نېمە؟ ئاسانلىق دىگىنىمىز-ھەممەيلەن ئىنتايىن ئاددىي ھېسابلىغان ئىشنى ياخشى قىلىش دېگەنلىكتۇر. ئۇنداقتا قانداق قىلغاندا مۇشۇلارنى ئەمەلگە ئاشۇرغىلى بولىدۇ؟   بىرىنچىدىن،ئىگىلىك تىكلىگۈچىلەر ئالدى بىلەن ئۆزىنىڭ ئارزۇسى ۋە نىشانىنى ئېنىق بىلىشى كېرەك. ئەگەرسەن ئۆزۈڭنىڭ نېمىگە ئىنتىلىدىغانلىقىڭنى بىلمىسەڭ ئۇنداقتا سېنىڭ ۋاقتىڭ ۋە باشقۇرىشىڭنىڭ ھېچنىمىگە پايدىسى يوق.   ئىككىنچىدىن،بىز كېيىنكى نىشانىمىزنى بېكىتىۋېلىشىمىز كېرەك، مەسىلەن بەش يىللىق، ئون يىللىق ياكى قىسقا مەزگىللىك نىشان بېكىتىۋېلىشىمىز كېرەك. ئاندىن يىللىق نىشاننى يېرىم يىللىق نىشانغا؛ يېرىم يىللىق نىشاننى پەسىللىك، ئايلىق، ھەپتىلىك پىلانغا، ئەڭ ئاخرىدا ھەپتىلىك پىلاننى كۈندىلىك تەرتىپكە بۆلىۋالىمىز ۋە مۇھىم ئىشلارنى تەرتىپكە تۇرغۇزىۋالىمىز. مۇشۇنداق بېكىتىپ چىققان ئىشلا ئارزۇيىمىز ۋە نىشانىمىزنى ئەمەلگە ئاشۇرىدىغان مۇھىم ئىشلاردۇر. بىز پەقەت كۈندە مۇشۇ ئىشلارنى ئورۇنلىساق ھەپتىلىك نىشانىمىزغا يېتەلەيمىز. ھەپتىلىك نىشانىمىزنى ۋاقتىدا ئورۇنلاپ ماڭساق ئايلىق نىشانىمىزغا يېتەلەيمىز. مۇشۇ تەرىزدە كۈندىلىك ئىشىمىزنى ئورۇنلاپ ماڭساق ئارزۇيىمىزغا ۋە نېشانىمىزغا ناھايىتى تېزلا يېتەلەيمىز. ئەلۋەتتە ،بىزىنىڭ ئارزۇيىمىز بىر ئىزدا توختاپ قالسا بولمايدۇ، پىلان ۋە ئورۇنلاشتۇرىشىمىز قېلىپلىشىپ قالسا بولمايدۇ.  شۇڭا ئەمەلىيىتىمىزدە،ھەركىتىمىزدە نىشانىمىزنى توختىماي تەڭشەپ ۋە ئۆزگەرتىپ تۇرۇشىمىزغا توغرا كېلىدۇ.    مەيلى ئىگىلىك تىكلەش ياكى خىزمەت قىلىش بولسۇن، ھەممىسى قارىماققا ئاددىي كۆرىنىدۇ.بىراق ئازراقمۇ بىخەستىلىك قىلىشىمىزغا  بولمايدۇ.بىز بۇ ئىشلارنى <پۈتۈن زېھنىمىزنى،ۋاقتىمىزنى چىقىرىشقا توغرا كېلىدىغان بۈيۈك ئىش >دەپ قارىشىمىز كېرەك.   سىز ئاددىي بىر ئىشنى ناھايىتى ياخشى قىلالىغان ۋاقتىڭىزدىلا، ئاندىن قالتىس ئادەمگە ئايلىنالايسىز. دۇنيادا مۇتلەق ئوڭاي ئىش بولمايدۇ بەلكى ئىشنى ئوڭايلاشتۇرالايدىغان ئادەم بولىدۇ. كۆپ ساندىكى ئىگىلىك تىكلىگۈچىلەر بەزى ئاددىي، كىچىك ئىشلارنى ياراتماي بىر قەدەمدىلا ئۆگزىگە چىقىشقا ئالدىراپ كېتىدۇ. ئەپسۇسكى بۇنىڭ نەتىجىسى تېخىمۇ ئېچىنىشلىق بولىدۇ. شۇڭلاشقا مايۈن ئىگىلىك تىكلىگۈچىلەرنى ھەرۋاقىت شۇنداق ئاگاھلاندۇرىدۇكى، ئىگىلىك تىكلىگۈچىلەر ئىگىلىكىنى چوقۇم ئاددىي ئىشلاردىن باشلاشقا ماھىر بولۇشى ھەمدە ئۆزىنىڭ پۈتۈن زېھنىنى، رىشتىنى بېغىشلاپ، مەزمۇت قەدەم بىلەن ئىشلىشى كېرەك. پەقەت مۇشۇنداق قىلغاندىلا ئاندىن ئاخىرقى غەلبىنى قولغا كەلتۈرگىلى بولىدۇ. مەنبە:چېڭدۇ دەۋر نەشىرياتى 2014-يىلى 7-ئايلىق تۇنجى نەشىرى <<مايۈننىڭ ئىگىلىك تىكلەش دەرىسخانىسى>> ناملىق كىتاب تەرجىمە قىلغۇچى:ئەقىدە قاشگەرلىكى-ئويغۇر قاشتېشى تورى تور بەت ئادرېسى:WWW.UYHQT.COM تەرجىمان:ئابدۇللا ئۆمەر تەرجىمە تەھرىرى:ئەقىدە قاشگەرلىكىدىن رەيھانگۈل نىزام

WWW.UYHQT.COM

	ئالتىنچى دەرس تۆتىنچى پارىگىراف سودىدا توشقاندەك سۈرئەت بولۇش بىلەن بىرگە يەنە تاشپاقىدەك سەۋىرچانلىقمۇ بولۇشى كېرەك مەملىكەتنىڭ ھەرقايسى جايلىرىدىكى ئالىي مەكتەپ ئوقۇغۇچىلىرى ۋە تورداشلار بىلەن پىكىر ئالماشتۇرغاندا مايۈن:« ئادەم بۈگۈنىنىلا ئەمەس كەلگۈسىنى ئويلاش كېرەك. يەنى بەش يىلدىن كېيىنكى، ئون يىلدىن كېيىنكى كارخانا تەرەققىياتىنى ئويلاش كېرەك. ئەگەر سىز ئىگىلىكنى باشقىلار شۇ ئىشنى ياخشى قىلالىغانلىقى ئۈچۈنلا قىلغان بولسىڭىز، ئۇنداقتا سىزنىڭ مۇۋەپپىقىيەت قازىنىش نىسبىتىڭىز تۆۋەن بولىدۇ. مەن دائىم كىشلەردە قايناق ھېسيات، سەۋىرچانلىقنىڭ بولىشىنى تولىمۇ ئارزۇ قىلىمەن. بىزدە توشقاندەك سۈرئەت بولۇش بىلەن بىرگە يەنە تاشپاقىغا ئوخشاش سەۋىرچانلىقمۇ بۇلۇشى لازىم. سىزنىڭ تىرىشىشىڭىز  بۈگۈنكى ئىگىلىك ئۈچۈنلا ئەمەس ئەكسىچە كەلگۈسى ئۈچۈن بۇلىشى كېرەك، مانا مۇشۇنداق ئوي سىزنىڭ  كۆڭلىڭىزنى جايىغا چۈشۈرىدۇ، ئىشلىرىڭىزمۇ راۋانلىشىدۇ» دەيدۇ.   مايۈن  ئىش قىلغاندا جۇشقۇنلىققا چۆمىدىغان ئادەم بولسىمۇ لېكىن يەڭگىللىك قىلمايدۇ، بولۇپمۇ كارخانا تەرەققىياتىدا ئىنتايىن ئىھتىياتچان. بازار كۆزەتكەندە ۋە ئۇچۇر توپلىغاندا دائىم باشقىلاردىن بىر قەدەم ئالدىدا ماڭىدۇ. بىراق ئۇكارخانا ئىچكى مەھسۇلاتلىرىنى ئىشلەپچىقارغاندا ئالدىراقسانلىق قىلمايدۇ،ئۆزىنى توختۇتۇپ ھەربىر قەدەمنى پۇختا باسىدۇ. ئۆزىنىڭ « بىز توشقاندەك تىز يۈگۈرۈش بىلەن بىرگە يەنە تاشپاقىدەك سەۋىرچان بولىشىمىز كېرەك» دېگەن سۆزىنى ئەمەلىيەتتە كۆرسىتىدۇ. دەرھەقىقەت ئەگەر توشقاندەك سۈرئەت بولمىسا ئەڭ ياخشى بازار پۇرسىتى ئىككىلىنىش ئىلكىدە ئۆتۈپ كېتىشى مۇمكىن. بىراق، تاشپاقىغا قارايدىغان بولساق،گەرچە سۈرئىتى ئاستا بولسىمۇ،ئۇنىڭ سەۋىرچانلىقى كىشىنى قايىل قىلىدۇ. توشقان بىلەن تاشپاقىنىڭ ھېكايىسىدە تاشپاقا پىسخىكا جەھەتتىنلا ئەمەس يەنە سەۋىرچانلىقتىمۇ توشقاننى يەڭگەن.   ئىگىلىك تىكلەشمۇ خۇددى مۇشۇنىڭغا ئوخشاش. نۇرغۇنلىغان ئىگىلىك تىكلىگۈچىلەر دەسلەپتە ھاياجانلىنىپ مەردانە سۆزلەپ كېتىدۇ. بىراق ئىگىلىك تىكلەش جەريانىدا ۋاقىتنىڭ ئۆتىشىگە ۋە توسالغۇلارغا يولۇقۇش جەريانىدا بۇخىل ھاياجان بارا-بارا سۇسلاپ كېتىدۇ. بۇرۇنقى مەردانە سۆزلەر ئىگىلىك تىكلەشنىڭ قەدىمى بىلەن بىرلىكتە قاياقلارغىدۇ غايىپ بولىدۇ. بىر كۈنلەرگە كەلگەندە ئۇلار ئۆزىنىڭ بىر ۋاقىتلاردا شۇنداق مەردانىلىك بىلەن قىلغان سۆزلىرىنى ئۇنتۇپ كېتىدۇ، ئىگىلىكىمۇ  ھەركەتلەندۈرگۈچ كۈچتىن مەھرۇم بولۇپ ئاخىرلىشىدۇ. شۇڭلاشقا رىقابەت كۈندىن-كۈنگە كەسكىنلىشىۋاتقان بۈگۈنكى كۈندە ئىگىلىك تىكلەشنى تاللىغان ئىكەنمىز پىسخكا جەھەتتە تەڭپۇڭلۇقنى ساقلىشىمىز،«ئاغزىدا شەھەر ئالىدىغان» ئىدىيەدە بولماي، ئۆزىمىزنى توختىتىۋېلىشىمىز ۋە مەزمۇت قەدەم بىلەن ئالغا بېسىشىمىز كېرەك. «ھەرقانچە ئۇزۇن سەپەرمۇ بىرىنچى قەدەمدىن باشلىنىدۇ» دېگەن مانا شۇ. 1999-يىلى جۇڭگودا ئىنتىرنىت قىزغىنلىقى كۆتۈرۈلدى. بۇ يىل جۇڭگونىڭ تورئابونت سانى 50مىليون ئادەمگە يەتتى. ئەكسىچە بۇنداق تور قىزغىنلىقىدا مايۈن كاللىسىنى سەگەك تۇتتى. مايۈن ئەينى ۋاقىتتىكى بازار قىزغىنلىقىنى كۈزەتكەندىن كېيىن ‹‹ئىنتىرنىت ئىنسانلارنىڭ كەلگۈسى 30يىللىق تۇرمۇشىغا تەسىر كۆرسىتىدۇ.ئۇ ماراپونچە يۈگۈرۈش مۇسابىقىسى بولۇپ، سەن چوقۇم توشقانغا ئوخشاش تېز، تاشپاقىغا ئوخشاش سەۋىرچانلىق بىلەن يۈگۈرۈشىڭ كېرەك. ئالدىنقى يۈز مېتىردا ھېچكىم سېنىڭ رەقىبىڭ ھېسابلانمايدۇ،بىراق سەن يۈگۈرۈش جەريانىدا باشقىلار بىلەن بولغان ئارىلىق بارا-بارا چوڭىيىدۇ ۋە باشقلار بىلەن روشەن پەرىق پەيدا بولىدۇ››دەيدۇ.   شۇڭا ئىنتىرنىت جۇڭگودا قىزغىن ئالقىشقا ئېرىشكەن دەسلەپكى يىللاردا مايۈن «يۈك تاقلىرىنى يىغىشتۇرپ» بۇ «قىزىق» بازاردىن كەتمەكچى بولدى. 1999-يىلى مايۈن جاپا-مۇشەققەتتە بىللە بولغان بىر نەچچە بۇرادەرلىرىنى باشلاپ خاڭجۇغا كەتتى. خاڭجۇغا بارغاندىن كېيىن ئۇلار ئالتە ئايغىچە سىرتقا قارىتا تەشۋىقات ئېلىپ بارماي، پۈتۈن نىيەت بىلەن تور بېكىتىنى ياخشىلىماقچى بولدى. كېيىن مايۈن بۇ بىر يىلنى «مۈچەمگە كىرىش دەۋرى›› دەپ ئاتىدى. 2000-يىلى ئالى بابا بىر يىللىق ‹‹مۈچەم››دىن كېيىن كەينى-كەينىدىن ئىككى تۈر مەبلىغىگە ئېرىشتى -دە، ئاندىن «پۇرسەت كەلدى» دەپ قاراپ سىرتقا قارىتا تەشۋىقاتىنى باشلىۋەتتى. ئۇ «شىخو كۆلى مۇنازىرە مۇنبىرى» نامىدىكى مەملىكەت بويىچە ئەڭ ياخشى ئالاقىلىشىش سۇپىسىنى ياساپ بازارغا سالدى ۋە جىن يوڭ ئەپەندىنى رىياسەتچىلىككە تەكلىپ قىلىپ غۇلغۇلا قوزغىدى.   باشقا شىركەتلەر ئۇچقاندەك تېز سۈرئەت بىلەن ئىلگىرلەپ دەۋر سۈرگەندە ئالى بابا قۇلۇلىگە ئوخشىتىلىپ مەسخىرە قىلىنغان، ئەمما ئۇلار  بىر ئىزدا توختاپ قالغىنىدىلا ئاندىن مايۈننىڭ تىز سۈرئىتىنى ھېس قىلدى. بۇ چاغدا مايۈن  كۈلۈمسىرىگەن ھالەتتە « ئەمەلىيەتتە مەن ئەزەلدىن مۇشۇ سۈرئەتتە» دېدى. شۇنىڭدىن كۆرىۋېلىشقا بولىدۇكى، مايۈن باشتىن –ئاخىر ئۆزىنى شۇنداق سەگەك تۇتقان، شۇنداق بولغاچقا ئالىبابا بۈگۈنكىدەك كۈنگە ئېرىشەلىگەن. مايۈن ئېنتىرنىت بىر مەزگىل خارابلاشقان مەزگىلنى ئەسلەپ: «2002-يىلى مېنىڭ شوئارىم <مەن ئەڭ ئاخىرقى يىقىلغۇچى بولىمەن، تىزلىنىپ قالغان تەقدىردىمۇ ئەڭ ئاخىرىدا يىقىلىمەن.›دىن ئىبارەت بولۇپ، قىيىنچىلىققا ئۇچرىسام،<باشقىلار تېخىمۇ قىيىنچىلىققا ئۇچرايدۇ، مەن قايغۇرسام رەقىبىم مەندىنمۇ بەك قايغۇرىدۇ، كىم ئەڭ ئاخىرىغىچە بەرداشلىق بېرەلىسە، شۇ مۇۋەپپىقىيەت قازىنىدۇ>دېگەن قاراشقا چەكسىز ئىشىنەتتىم» دېدى. بىر كارخانا ئوڭۇشسىزلىققا ۋەمۇۋەپپقىيەتكە دائىم ئۇچراپ تۇرىدۇ. شۇ ئوڭۇشسىزلىقلار ئارقلىق ئاندىن كارخانىنىڭ مۇنەۋۋەر كارخانىلىقىنى كۆرىۋالغىلى بولىدۇ. بۇنىڭدىن سىرت مايۈن يەنە ئۆزىنىڭ خېرىدارلىرىغا توردا سودا قىلغاندا تاشپاقا روھى-سەۋىرچانلىقنىڭ بولىشىنى ئەسكەرتىدۇ. مەيلى ئالى بابا  ياكى تاۋباۋ بولسۇن غەلبە قىلىشنىڭ ئاساسلىق ئامىلى سەۋىرچانلىق ۋە ئىشەنچتىن ئىبارەت. سودىنىڭ خەلقئارالىق رايون، ۋاقىت، بوشلۇق جەھەتتىكى چەكسىزلىكى سەۋەبىدىن خېرىدارلاردا مەھسۇلات سۈپىتىگە  نىسبەتەن گۇمان پەيدا بولۇپ قالىدۇ، شۇڭا سودىگەرلەرنىڭ ئىشەنچىسى ئىنتايىن مۇھىم بولۇپ ،مەھسۇلات سۈپىتىگە %100 كاپالەتلىك قىلىنغاندىن باشقا يەنە ئىستىمالچى بىلەن سەۋىرچانلىق بىلەن پىكىر ئالماشتۇرىشى كېرەك. مۇشۇنداق بولغاندىلا ئاندىن مۇۋەپپىقىيەتلىك سودا قىلغىلى بولىدۇ.   شۇڭا ھازىر ياكى كەلگۈسىدە توردا سودا قىلماقچى بولغانلار دۆلەت ئىچى ياكى چەت ئەللەردە مۇلازىمەت بىلەن شۇغۇللىنىشىدىن قەتئىنەزەر تۆۋەندىكى تەرەپلەرگە دىققەت قىلىشى كېرەك. تور سودىسى ئىنتايىن جاپا-مۇشەققەتلىك بولۇپ،سىز توردا دائىم بولىشىڭىز كېرەك،سەۋىرچانلىق - خېرىدارلارنى قولغا كەلتۈرۈشنىڭ ئاچقۇچى. تور دۇكىنىدىكى ماللارنىڭ باھاسى مۇۋاپىق، سۈپىتى  ياخشى بولسىمۇ، بىراق مالنى بىۋاستە كۆرگىلى بولمىغانلىقتىن خېرىدارلاردا يەنە ئەندىشە ساقلىنىپ قالىدۇ، شۇنىڭ ئۈچۈن سودىگەرنىڭ خېرىدار بىلەن پىكىر ئالماشتۇرىشىغا توغرا كېلىدۇ.   بۇ ۋاقىتتا دۇكان ئىگىسى تاقەتسىزلىكىنى ئىپادىلەپ قويسا ھەرگىز بولمايدۇ، «سېتىۋالمىساڭ بولدى سورىما»،«مەن بەك ئالدىراش، يەنە باشقا خېرىدارلار بىلەن سۆزلەشمىسەم بولمايدۇ» دەيدىغاندەك سۆزلەرنى تېخىمۇ قىلماسلىق كېرەك. ئەگەر شۇنداق قىلسىڭىز خېرىدارنىڭ سىزنىڭ مەھسۇلاتىڭىزنى سېتىۋېلىش خىيالى بولغان خېرىدارمۇ  بۇندىن كېيىن سىزنىڭ مەھسۇلاتلىرىڭىزنى سېتىۋالمايدۇ، ۋە باشقا دوسلىرىغىمۇ نارازىلىقىنى بىلدۈرىدۇ-دە سىزمۇ نۇرغۇن خېرىداردىن ئايرىلىپ قالىسىز. كۆرىۋېلىشقا بولىدۇكى، مەيلى سودىڭىز چوڭ ياكى كىچىك بولسۇن،سودىدا « توشقاندەك تىزيۈگۈرۈش بىلەن بىر ۋاقىتتا يەنە تاشپاقىدەك سەۋېرچان بولۇش» كەم بولسا بولمايدۇ. مەنبە:چېڭدۇ دەۋر نەشىرياتى 2014-يىلى 7-ئايلىق تۇنجى نەشىرى <<مايۈننىڭ ئىگىلىك تىكلەش دەرىسخانىسى>> ناملىق كىتاب تەرجىمە قىلغۇچى:ئەقىدە قاشگەرلىكى-ئويغۇر قاشتېشى تورى تور بەت ئادرېسى:WWW.UYHQT.COM تەرجىمان:ئابدۇللا ئۆمەر تەرجىمە تەھرىرى:ئەقىدە قاشگەرلىكىدىن رەيھانگۈل نىزام

WWW.UYHQT.COM

	ئالتىنچى دەرس بەشىنچى پارىگىراف كىچىك شىركەتلەرنىڭ ئىگىلىك تىكلەش تەدبىرى: -ئاۋال جاننى ساقلاپ قېلىش،ئاندىن پۇل تېپىش كېرەك يېقىنقى يىللاردىن بۇيان ئىگىلىك تىكلىگۈچىلەر بارا-بارا كۆپەيدى. بىراق شۇ كارخانلارئىچىدە يېرىم يولدا توختاپ قالغۇچىلارمۇ بارا-بارا كۆپەيدى. بولۇپمۇ كىچىك كارخانىلاردا بۇ ھادىسە كۆپلەپ يۈز بەردى. سىتاستىكىغا ئاساسالانغاندا ياپونىيەدىكى يېڭىدىن قۇرۇلغان %90كارخانا ئۆز ئىچىدىن 3يىل ئىچىدە ۋەيران بولغان.بۇ سان ھەتتا بارلىق ئىقتىسادى تەرەققى قىلغان دۆلەتلەرگە ۋەكىللىك قىلالىشى مۇمكىن. شۇڭا مايۈن ئىگىلىك تىكلىگۈچىلەرنى ئىگىلىك تىكلەشنىڭ دەسلەپكى مەزگىللىرىدە « جاننى ساقلاپ قېلىش » نىڭ ئۆزى ئەڭ مۇھىم ۋەزىپە دەپ ئاگاھلاندۇرىدۇ.   «پىستىرما» دېگەن فىلىمدە مۇنداق بىر دىئالوگ بار: -ھاياتتا نېمە ئەڭ ئەھمىيەتلىك؟ - ياخشى ياشاشنىڭ ئۆزى ئەڭ ئەھمىيەتلىك. - ياخشى ياشاش دېگەن نېمە؟ - ياخشى ياشاش دېگىنىمىز نۇرغۇن ئەھمىيتلىك ئىش قىلىش دېگەنلىكتۇر .   بۇ جۈملىنى سودا ساھەسىگە كۆچۈرۈپ ئىشلىتىدىغان بولساق مايۈننىڭ « ئىگىلىك تىكلىگۈچىلەر ئاۋال جان ساقلاپ، ئاندىن پۇل تېپىشى؛ ھازىرقى ۋەزىيەتتە قانداق قىلغاندا كارخانىنى ساقلاپ قالغىلى بولىدۇ  ،دىگەن مەسىلە ئۈستىدە كۆپرەك ئويلىنىشى كېرەك››دىگەن سۆزلىرىگە ياخشى تەبىر بولالىغۇسى.   خەيبو تەرجىمىچىلىكى يېڭىدىن قۇرۇلغان نەچچە ئايدا پۇل تاپالمىغاننىڭ ئۈستىگە يەنە نۇرغۇن زىيان تارتقان. بىر نەچچە ھەمكارلاشقۇچىلار بارا-بارا ئىشەنچىسىنى يوقىتىشقا باشلىغان. بىراق خەيبونىڭ قۇرغۇچىسى بولمىش مايۈن ئەزەلدىن قىلچىلىك تەۋرىنىپ قالمىغان. مايۈن كارخانىنى كىچىك بالىغا تەمسىل قىلىپ، «ئۇ ئاجىز ۋاقىتتا سەن پەقەت ئاتا-ئانىلىق مەسئۇلىيىتىڭنى ئادا قىلىپ، ئۇنىڭ ھاياتىغا كاپالەتلىك قىلساڭلا بولدى.پەقەت بۇ ‹بوۋاق›نىڭ ساغلام ئۆسۈپ يېتىلىشىگە كاپالەتلىك قىلالىساڭ ئۇنىڭ ھامان بىر كۈن پۇل تاپىدىغان ۋاقتى كېلىدۇ» دەيىتتى. يېڭىدىن قۇرۇلغان ‹‹خەيبو تەرجىمىچىلىكى››نى داۋاملىق ساقلاپ قېلىش ئۈچۈن مايۈن باشقا پايدا مەنبەسى ئىزدەشكە باشلىدى. ئۇ ۋاقىتتا ھاۋا ئىنتايىن ئىسسىق بولۇپ  ئالىي مەكتەپ ئوقۇتقۇچىسى بولغان  مايۈن ئېغىر تاغارنى يۈدۈپ يىۋۇ، گۇاڭجۇ قاتارلىق شەھەرلەردىن ھۈنەر –سەنئەت، سوۋغات بۇيۇملىرىنى سېتىۋېلىپ كېلىپ «ھايانكەشلىك» قىلىپ يۈرۈپ خەيبو تەرجىمىچىلىكىنىڭ ئىقتىسادىي قىيىنچىلىقىنى قامدىدى. شۇنداق قىلىپ مايۈن« ھايانكەشلىك»نى توپتوغرا ئۈچ يىل داۋاملاشتۇرۇپ تىنىقى توختاپ قالاي دېگەن تەرجىمىچىلىكنى قايتىدىن ئورنىدىن تۇرغۇزدى. 1994-يىلىغا كەلگەندە تەرجىمىچىلىكنىڭ كىرىم -چىقىمى تەڭپۇڭلىشىش ئەمەلگە ئېشىپ، 1995-يىلى پايدا ئېلىشقا قاراپ يۈزلەندى. كارخانا بىر ئىقتىسادىي گەۋدە بولۇش سۈپىتى بىلەن پۇل تېپىش، كۆلەمنى كېڭەيتىش مەقسەت قىلىنىدۇ، بىراق ئەگەر بۇ يېڭىدىن قۇرۇلغان شىركەت بولسا كۆپ ئەھۋاللاردا جاپالىق كەچۈرمۈشلەرنى بېشىدىن ئۆتكۈزىشىگە توغرا كېلىدۇ. نۇرغۇن ئىگىلىك تىكلىگۈچىلەر شىركەت يېڭىدىن قۇرۇلۇپلا ئۇنىڭ ئۆزى ئۈچۈن پايدا يارىتىشىنى ئۈمىد قىلدۇ ۋە كۆڭلىدىكىدەك بولمىغان ھامان ئىشەنچىسىنى يوقىتىپ قويىدۇ. يەنە بەزى كارخانىچىلار پايدىغا بەك ئالدىراپ كېتىدۇ، شىركىتى تېخى ‹ئورنىدىن دەس تۇرىۋالماي› تۇرۇپلا شىركەتنى چوڭايتىشنى، بىر كېچىدىلا بېيىپ كېتىشنى ئويلايدۇ، ئاخىرىدا بۇلارغا ئېرىشەلمايلا قالماي ئەكسىچە قاتتىق يىقىلىپ كېتىدۇ.   Webvan.com نىڭ قۇرغۇچىسى كوپى خولىزمان ئۆزىنىڭ 20-ئەسىرنىڭ 90-يىلى تېزسۈرئەتتە يۈكسىلىپ كېيىن يەنە تىز سۈرئەتتە ۋەيران بولغان مېلىچ ماللار دۇكىنىدىن نۇرغۇن نەرسىلەرنى ئۆگىنىۋالدى.  خولىزمان شىرىكىنىڭ ‹‹شىركەتنىڭ كۆلىمىنى كېڭەيتىش ، ۋورمات زەنجىرسىمان تاللا بازىرىغا ئوخشاش دۇكاندا سېتىش بىلەن تېز يوللانمىنى بىرلەشتۈرۈش ››دېگەندەك سۆزلەر بىلەن ئۆزىنى قايىل قىلغانلىقىنى ئېيىتتى. ئۇ :«بىرلا قېتىمدا بازارنىڭ ھەممە تەرىپىگە ئېسىلىۋېلىش بىزنىڭ مەغلۇبىيىتىمىزنىڭ تۈپ سەۋەبى» دېدى. تەجىربە ساۋاققا ئىگە بولغاندىن كېيىن ئۇ ئۆزىنىڭ يېڭى ئىگىلىكى-  ساخاۋەت كىمئارتۇق تورىدا ئاستا، پۇختا قەدەم بىلەن مېڭىش تاكتىكىسىنى قوللاندى. ئۇ :« بىز مۇلازىمەت يادروسىنى ‹خېرىدارلارنى يۈزپىرسەنت رازى قىلىش ›قا قاراتتۇق، بۇ پۈتۈن بازارنى كونترول قىلغاندىنمۇ مۇھىم ئىكەن»دېدى. دەرھەقىقەت بەش قولنى بىرلا ۋاقىتتا ئېغىزغا تىققىلى بولمايدۇ. كارخانىمۇ ھەم شۇنداق. مايۈننىڭ «ئاۋال جاننى ساقلاپ قېلىش، ئاندىن پۇل تېپىش» ئىدىيىسى بىزگە بىرىنچىدىن، ئىگىلىك تىكلىگۈچىلەرنىڭ  20يىللىق جاپاغا تەييارلىقى بولىشى كېرەك ؛ ئىككىنچىدىن ،ئىگىلىك تىكلىگۈچىلەر ھەربىرقەدەمنى مەزمۇت بېسىپ، كارخانىنىڭ ئۇلىنى پۇختىلىشى،  ئاندىن كارخانىنى كېڭەيتىشى، ئۇنىڭدىن كېيىن پايدا دېگەنلەرنى ئويلىشى كېرەك،دەيدۇ. ئەمەلىيەتتە كارخانىنىڭ ئاساسىنى پۇختىلىۋالغاندىن كېيىن سەن پۇل تېپىشنى ئويلىمىساڭمۇ پۇل ئۆزى سېنى ئىزدەپ كېلىدۇ.   لېكىن بەزى كارخانىچىلار « جان بولسا جاھان، ئاش بولسا قازان» دېگەن قائىدىنى چۈشەنمەيدۇ. ئادەم ياخشى ياشىمىسا ئەھمىيەتلىك ئىشنىمۇ قىلغىلى بولمايدۇ.ئىگىلىك تىكلەشتىمۇ مايۈن ئېيىتقان  بۇنۇقتىغا شەك-شۈبھىسىز ئىشىنىش كېرەك.   ئەلۋەتتە ،مايۈن بىلەن ئوخشاش قاراشتا بولغان كارخانىچىلاردىنمۇ نۇرغىنى بار. ياپونىيە «سودا پادىشاھى»  سوڭشيا :«كارخانىچىنىڭ ۋەزىپىسى پۇل تېپىش، پۇل تاپمىسا ئۇنداقتا ئۇ بىر گۇناھ ھېسابلىنىدۇ.» دېگەن ؛ئىنتېر شىركىتىنڭ باش ئىجرائىيە رەئىسى گېرىف :« كارخانچىنىڭ پۇل تېپىشى بىر خىل ئەخلاق،پۇل تاپماسلىقى ئەخلاقسىزلىق ھېسابلىنىدۇ» دېگەن ئىدى. شۇڭا  كارخانىچى پۇل تاپمىسا جەمىيئەتكە، ئائىلىگە، كوللىكتىپقا، ئىشچى-خىزمەتچىلەرگە ئىغىر زىيان ئېلىپ كېلىدۇ.   بىرئىگىلىك تىكلىگۈچى بولۇش سۈپىتىمىز بىلەن ئەڭ ئاۋال قانۇن-نىزام  ۋە جەمىيئەت ئەخلاقىغا بويسۇنغان ئاساستا تىرىشىپ پۇل تېپىشىمىز كېرەك. پۇل ھەممىدىن ئۈستۈن تۇرىدىغان نەرسە بولمىسىمۇ، لىكىن بىز ئىگىلىك تىكلىگۈچى بولغان ئىكەنمىز چوقۇم پۇل تېپىشقا ماھىر بولۇشىمىزكېرەك. بۇ بايانلارنى بىر جۈملە سۆزگە يىغىنچاقلاپ ئېيىتقاندا، ‹‹ئۆزىنىڭ نىشانى ۋە ئىتقادىدا تەۋرەنمەي چىڭ تۇرۇش، ھېچنىمىنى ئويلىماي ئوبدان ياشاش، جىق پۇل تېپىش››- مانا بۇئىگىلىك تىكلىگۈچىنىڭ مەۋجۇت بولۇپ تۇرۇشىنىڭ كاپالىتى. مەنبە:چېڭدۇ دەۋر نەشىرياتى 2014-يىلى 7-ئايلىق تۇنجى نەشىرى <<مايۈننىڭ ئىگىلىك تىكلەش دەرىسخانىسى>> ناملىق كىتاب تەرجىمە قىلغۇچى:ئەقىدە قاشگەرلىكى-ئويغۇر قاشتېشى تورى تور بەت ئادرېسى:WWW.UYHQT.COM تەرجىمان:ئابدۇللا ئۆمەر تەرجىمە تەھرىرى:ئەقىدە قاشگەرلىكىدىن رەيھانگۈل نىزام

چىمەن.70

	‹‹كارخانىچىنىڭ ۋەزىپىسى پۇل تېپىش،پۇل تاپمىسا ئۇنداقتا ئۇ بىر گۇناھ ھىساپلىنىدۇ››. سوڭشىيانىڭ بۇ سۈزى ئىگىلىك تىكلىگۈچىلەرنىڭ مۇقەددەس سۈزى بۇلىشى كېرەك ئىكەن.ئەمما ھازىرقى جەمىيىتىمىزدە ئىگىلىك تىكلىگۈچىلەرلا ئەمەس ،بەلكى ھەممىمىز تىرىشىپ پۇل تاپمىساق ئوخشاشلا گۇناھ بولىدۇ.چۈنكى،نامراتلىق ئالۋاستىدىنمۇ يامان.

WWW.UYHQT.COM

	ئالتىنچى دەرس ئالتىنچى پارىگىراف   ئۆزىمىزنىڭ تۇنجى ئارزۇيىمىزنى چىڭ تۇتشىمىز،كۆز ئالدىمىزدىكى غەلبىگە قانائەتلەنمەسلىكىمىز كېرەك   بەزى كىشلەر ئىگىلىك تىكلەش قەدىمىنى باسقاندا ھەممە ئىشتا توختىماي تىرىشىش،جاپا-مۇشەققەتتىن قورقماسلىق، چوڭ مەقسەتنى كۆزلەش دېگەندەك بىر قاتار ئارزۇلارنى قىلىدۇ. ئەمما كىچىككىنە مۇۋەپپىقىيەتكە ئېرىشىپلا ئۆزىنى يوقىتىپ قويۇپ،ئۆز-ئۆزىدىن مەست بولۇپ بىر ئىزدا توختاپ قالىدۇ. يەنە بەزىلەر بۇندىن كېيىنكى يولىنىڭ جاپالىق ئىكەنلىكىنى، ئۆزىنىڭ كۆز-كۆز قىلىدىغان ئازراق دەسمايىسى بارلىقىنى ئويلاپ «شەھەرنى ساقلاپ يېتىش» ئىدىيىسى بىلەن دەسلەپكى ئارزۇيى ئۈچۈن تىرىشىشتىن توختاپ قالىدۇ.   بۇنداق كىشلەر ئۆسۈپ يېتىلىش باسقۇچىدىكى پىلانلىق ھەركەتنىڭ ھاياتىي كۈچىنى يوقىتىپ قويۇش بىلەن بىرگە بەزىدە يەنە باشقىلارنىڭ ئالغا ئىلگىرلىشىنى توسۇپ قويۇشى مۇمكىن. شۇڭا كۆز ئالدىمىزدىكى ئازراق نەتىجىنىڭ بىزگە بەرگەن كىچىككىنە خۇشاللىقىنىڭ سەۋەبىدىن ئاخىرقى نىشانىمىزنى،ئۆزىمىزنى ئۇنتۇپ قالماسلىقىمىز كېرەك. ئېنتىرنىت تورىنى بىرلىكتە ئاچقان شىڭدا تورىنىڭ قۇرغۇچىسى چىن تىيەنچاۋ بۇرۇن مۇنداق بىر گەپنى قىلغان:« كۈندىلىك كىرىمىم 10مىليونغا يەتكەندە مەن ئۇنى بىر ئازدۇرۇش، مېنى بىر ئىزىمدا توختىتىپ قويىدىغان ئېزىتقۇ دەپ قارىدىم. ئەينى ۋاقىتتا بىز 30ياشتا بولۇپ بىرىنىڭ تۈرىتكىسىگە ئىھتىياجلىق ئىدۇق. خۇددى تاڭسىڭنىڭ غەربكە نوم ئالغىلى بارغىنىغا ئوخشاش، بىز ئاياللار دۆلىتىگە بارغاندا ساھىبجاماللارغا، بايلىققا ئېرىشىپ توختاپ قالىمىزمۇ ياكى داۋاملىق نوم ئالغىلى بارىمىزمۇ؟ مۇشۇنداق ھالقىلىق پەيتتە بىز بىرىنىڭ يېنىمىزدا تۇرۇپ دائىم ‹ سەن داۋاملىق ئۆزۈڭنىڭ يولىغا مېڭىشىڭ لازىم، پەقەت شۇلا سېنىڭ ھەقىقى ئارزۇيۇڭ› دەپ تۇرىشىغا ئىھتىياجلىق ئىدۇق».   چىن تىيەنچاۋنىڭ ئېيىتقىنى دەل مايۈننىڭ «ئىگىلىك تىكلىگۈچىلەر ئۆزىنىڭ دەسلەپكى ئارزۇسىدىن ۋاز كەچمەسلىكى، بىردەملىك نەتىجىدىن ئۆزىنى يوقاتماسلىقى كېرەك.»دېگەن ئىدىيىسىنىڭ نەق ئۆزى ئىدى.   ئەينى يىللىرى مايۈن  ئوقۇتقۇچىلىق قىلىۋاتقان ۋاقتىدا ئۇنىڭ باشلىقى ئۇنىڭغا «مايۈن، ياخشى ئىشلەڭ، يەنە بىر يىلدىن كېيىن ياتىقىڭىزغا گاز ئورۇنلاشتۇرۇپ بېرىمىز، يەنە بىرنەچچە يىلدىن كېيىن ئۆيىڭىز بولۇپ قېلىشى مۇمكىن، بەش-ئالتە يىلدىن كېيىن مۇئاۋىن پىروفىسور بولۇپ باھالىنىسىز» دېگەنىدى. مايۈن ئۇنىڭ ۋەدىسىدىن ئۆزىنى يوقىتىپ قويمىدى، ئەكسىچە ئۇ باشلىقىنىڭ سۈزىدىن ئۆزىنىڭ كېيىنكى ھەركۈنى ۋېلىسپت مىنىپ سۈت،كۆكتات سېتىۋالىدىغان  ھالىتىنى كۆرۈپ يەتتى. « ئەلۋەتتە بۇنداق تۇرمۇش بولمايدۇ دېگىنىم ئەمەس، پەقەت باشقىچە ئۇسۇل ئالماشتۇرۇپ باقاي دېدىم.ئىگىلىك تىكلەش يولىدا ماڭغانسىرى ئارزۇيۇمنىڭ بارا-بارا چوڭىيىۋاتقانلىقىنى،رىئاللىشىۋاتقانلىقىنى ھېس قىلدىم. ھەممە ئادەمنىڭ ئارزۇسى بار، ئارزۇ چوڭ بولمىسىمۇ رىئال بولۇشى كېرەك» دېدى مايۈن. ئەكسىچە ئۇلۇغ ئارزۇخۇددى «ئىنجىل» دىكى موسانىڭ كىشلەرنى قاقاس چۆللىكتىن ئارزۇ-ئىستەك، قايناق ھاياتى كۈچكە تولغان چوڭ قۇرۇقلۇققا باشلاپ كىرىپ گۈللەپ ياشناتقىنىغا ئوخشايدۇ.ھازىرقى تۇرمۇشقا قانائەتلىنىپ قالغان ۋە قىيىنچىلىقتىن قورقۇپ كەتكەنلەرئارزۇيىنىڭ چوڭ قۇرۇقلۇقىغا يېتەلمەي توختاپ قالىدۇ. مەڭگۈ توختىماستىن ئۆزئارزۇسى ئۈچۈن كۆرەش قىلىدىغانلارغا نىسبەتەن، ئۇلار دائىم ئۆزىدە يەنە بەزى كەمتۈكلۈكلەرنىڭ بارلىقىنى ھېس قىلىدۇ ۋە يەنىمۇ ئالغا ئىلگىرلىگەن ھالدا ئۇنى ئۆزگەرتىشنى ۋە يۇقىرى كۆتۈرۈشنى ئارزۇ قىلىدۇ. ئۇلاردا ھاياتى كۈچ جۇش ئۇرۇپ تۇرىدۇ، شۇڭا ئۇلار مۇتىئەسسىپلىك قىلمايدۇ. بۇ ئۇلاردا ‹ھەرقانداق نەرسىنى توختىماستىن ياخشىلاپ تۇرۇش كېرەك› دېگەن ئىدىيەنى پەيدا قىلىدۇ. بۇنداق ئادەملەر كۆز ئالدىدىكى نەتىجىلەردىن مەستخۇش بولۇپ كەتمەيدۇ، ئامال قىلىپ تېخىمۇ مۇكەممەل، مول، غايىۋى نىشانغا يېتىشنى ئويلايدۇ. دەل مۇشۇ خىل ئالغا ئىلگىرلەش روھى توختىماستىن ئۇلارنى مۇكەممەللەشتۈرىدۇ، ھاياتىنى مۇكەممەللەشتۈرىدۇ. شۇڭلاشقا مايۈن ئىزچىل:« ئۆزىمىزنىڭ دەسلەپكى ئارزۇيىمىزدىن ۋاز كەچمەسلىكىمىز، كۆز ئالدىمىزدىكى كىچىككىنە نەتىجىدىن قانائەتلەنمەسلىكىمىز كېرەك ››دەپ تەكىتلەيدۇ. ئالى بابا دەسلەپكى خاڭجۇلۇق 18نەپەر ئىگىلىك تىكلىگۈچىدىن ھازىرقى ئۈچ چوڭ قىتئەدىكى 20ئىش بېجىرىش ئورنى ، 5000دىن ئارتۇق  خىزمەتچىسى بار شىركەتكە ئايلانغان بولسىمۇ ،مايۈن ھەرگىزمۇ بۇنىڭدىن قانائەتلىنىپ قالمىدى. ئۇ ئالى بابانى 102يىل قەد كۆتۈرۈپ تۇرىدىغان، نەچچە ئەسىرگىچە يىقىلمايدىغان قىلىپ قۇرۇپ چىقىش ئىدىيىسىنى ئوتتۇرغا قويدى. بىر ئىگىلىك تىكلىگۈچى بولۇش سۈپىتىمىز بىلەن قانداق قىلغاندا بارلىق توسقۇنلۇقلارنى يېڭىپ ئۆزىمىزنىڭ ئارزۇسى ئۈچۈن داۋاملىق ئىلگىرلىگىلى بولىدۇ؟ بۇ سۇئالغا ياخشى جاۋاپ بىرىش ۋە ياخشى نەتىجە ھاسىل قىلىش ئۈچۈن ئىگىلىك تىكلىگۈچىنىڭ ئارزۇسىدا چىڭ تۇرۇشنىڭ ياخشى تەرەپلىرىنى تەپسىلى دەڭسەپ كۆرۈشىگە توغرا كېلىدۇ. ئىگىلىك تىكلىگۈچى ئۆزىنىڭ كىچىككىنە نەتىجىسىگە قانائەتلەنمىگەندە ئۆزىنى مۇكەممەللەشتۈرگىلى، ئارزۇسىنى تېخىمۇ قاناتلاندۇرغىلى، جەمىيئەت ئۈچۈن تۆھپە ياراتقىلى، ئۆزىنىڭ ئادىمىيلىك قىممىتىنى يۇقىرى كۆتۈرگىلى بولىدۇ. ئۇنىڭدىن باشقا كىچىك نەتىجىمۇ ھامان نەتىجە، ئۇ جاننى ساقلاپ قېلىشنىڭ كاپالىتى. لېكىن جەمىيئەت تېزئۆزگىرىپ تۇرىدۇ، بۇرۇن باغ ئايلانسا ھازىر تاغ ئايلىنىدۇ، بىر ئىزىمىزدا چۆگىلەۋەرسەك جەمىيئەت ئېقىمى بىزنى غەرق قىلىۋېتىدۇ-دە، كېيىنكىلەر بىزدىن ئېشىپ كېتىدۇ. مۇشۇنداق بولغاندا بىزنىڭ كىچىككىنە نەتىجىمىز ھېچقانداق نەتىجە بولماي قالىدۇ، ھەتتا شاللىنىپ كېتىش ئىھتىماللىقى بار.شۇڭا ئەڭ مۇھىمى ئادەم ئۆزىنىڭ كۆز ئالدىدىكى نەتىجىسىدىن قانائەتلەنمەي ئاكتىپلىق بىلەن ئالغا ئىلگىرلىشى، ئۆزىنىڭ يوشۇرۇن ئىقتىدارىنى تولۇق جارى قىلدۇرىشى كېرەك. مەسىلەن100كىلوگىرام ئېغىرلىقنى كۆتۈرەلەيدىغان ئادەم تېرىشىش ئارقىلىق 120كىلوگىرام ھەتتا 150كىلوگىرام نەرسىنى كۆتىرەلىشى مۇمكىن. چۈنكى ھازىرقى ۋەزىيەتكە تىزپۈكسەك ئالغا ئىلگىرلەشنىڭ ھەركەتلەندۈرگۈچ كۈچىنى يوقتىپ قويىمىز،ھەركەتلەندۈرگۈچ كۈچ بولمىسا ئەمەلىي ھەركەت قوللىنشمۇ خام خىيالغا ئايلىنىپ قالىدۇ. بىر جەمىيئەت، بىر كوللىكتىپ ياكى بىر تەشكىل ئەزەلدىن سۇنىڭ ئېقىشىغا قاراپ ئىش تۇتىدىغان بىرسىنىڭ چوڭ ئورۇنغا ئىگە بولۇشىنى ئۈمىد قىلمايدۇ، چۈنكى ئۇنداق كىشلەر ۋەزىيەتكە تىزپۈكىدىغانلاردۇر. ئۇلارنىڭ نۇرغۇنلىغان يوشۇرۇن ئىقتىدارلىرى بولۇشى مۇمكىن ،بىراق يەنىلا ئۇ ئىقتىدارلىرىنى بىكارغا ئىسراپ قىلىۋېتىدۇ ،خالاس. بىر ئىزدا ئۇخلاپ قېلىشقا يۈزلەنگەن ئۇ كىشىلەر ھېچقانداق ھەركەتلەنمەي كۆرگەن كۈنىگە شۈكرى-قانائەت قىلىدۇ. بەلكىم ئۇلارنىڭ ئۇنداق-مۇنداق ئۇششاق نەتىجىلىرى بولۇشى مۇمكىن، بىراق ئۇلار دائىم ئەشۇ نەتىجىلىرى بىلەن باغلىنىپ، قۇدۇق سىرتىنىڭ كەڭرى ئالەم ئىكەنلىكىنى مەڭگۈ بىلەلمەيدۇ. ئۇلار پەقەت ئەشۇ ئۇششاق-چۈششەك نەتىجىلىرى بىلەن ئۆزىنى كۆز-كۆز قىلشنى بىلىدۇ، لېكىن كىشلىك ھاياتتا تېخىمۇ چوڭ نىشانلارنى ئەمەلگە ئاشۇرغىلى بولىدىغانلىقىنى بىلمەيدۇ. مانا مۇشۇنداق قىلىپ ئاددىي تۇرمۇشقا ئۆگىنىپ قالغانلار ئۆزىدە بار بولغان يوشۇرۇن ئىقتىدارلارنى ۋاقىتنىڭ ئۆتىشىگە  ئەگىشىپ نابۇت قىلىۋىتىدۇ. پەقەت ئەشۇ قانائەتسىز،توختىماستىن ئالغا ئىلگىرلەشنى ئۈمىد قىلىدىغان، ئادىمىيلىك چوققىسىغا چىقىشنى ئارزۇ قىلىدىغان ھەم يوشۇرۇن ئىقتىدارلىرىنى قېزىپ چىقىرىشقا تىرىشىدىغان كىشلەرلا غەلبىنىڭ چوققىلىرىغا يېتەلەيدۇ. مەنبە:چېڭدۇ دەۋر نەشىرياتى 2014-يىلى 7-ئايلىق تۇنجى نەشىرى <<مايۈننىڭ ئىگىلىك تىكلەش دەرىسخانىسى>> ناملىق كىتاب تەرجىمە قىلغۇچى:ئەقىدە قاشگەرلىكى-ئويغۇر قاشتېشى تورى تور بەت ئادرېسى:WWW.UYHQT.COM تەرجىمان:ئابدۇللا ئۆمەر تەرجىمە تەھرىرى:ئەقىدە قاشگەرلىكىدىن رەيھانگۈل نىزام

WWW.UYHQT.COM

	ئالتىنچى دەرس يەتتىنچى پارىگىراف پۇرسەت تەييارلىقى بارلارغا مەنسۇپ مەيلى تۇرمۇش ياكى ئىگىلىك تىكلەشتە بولسۇن«پۇرسەت تەييارلىقى بارلارغا مەنسۇپ» دىگەن بۇ سۆزنىڭ ئىلھامى مۆلچەرلىگۈسىزدۇر. پۇرسەت ھەممەيلەنگە باراۋەر بولۇپ، تەييارلىقى بار كىشلەر دەل ۋاقتىدا بايقايدۇ ۋە ئۇنى چىڭ تۇتالايدۇ. تەييارلىقسىز كىشلەر بولسا پۇرسەت كۆز ئالدىدا بولسىمۇ ئۇنى تۇتىۋالالىشى ناتايىن. 1995-يىلى مايۈن خاڭجۇ تەرجىمىچىلىكىنى قۇرغاندا خاڭجۇ شەھەرلىك ھۆكۈمەت بىلەن ئامرىكىنىڭ بىر شىركىتىنىڭ يۇقىرى سۈرئەتلىك تاشيول ھەمكارلىقىغا ياردەم قىلىش باھانىسى بىلەن ئامرىكىغا  بارغان.ھەم  تۇنجى قېتىم ئىنتىرنىت بىلەن تونۇشقان ۋە ئېنتىرنىتنىڭ سېھرى كۈچىنى ھېس قىلغان. دەل مۇشۇ قېتىملىق «تور ئۇچرىشىشى» مايۈننى ھەم جۇڭگۇنىڭ ئېنتىرنىت مۇساپىسىنى ئۆزگەرتكەن.   1995-يىلى ئېنتىرنىت ئامرىكىدا جۇش ئۇرۇپ راۋاجلانغان بولۇپ، نۇرغۇن ئادەملەرئېنتىرنىت بىلەن تونۇشقان.ئەلۋەتتە، جۇڭگودا مايۈندىن بۇرۇن ئېنتىرنىت بىلەن تونۇشقانلارمۇ ئاز ئەمەس ئىدى. بىراق پەقەت مايۈنلا ئېنتىرنىتنىڭ ئارقىسىدىكى غايەت زور سودا پۇرسىتىىنى كۆرۈپ يەتكەن ۋە ئەمەلىيەتتە ئىسپاتلىغان ئادەم بولدى.    خۇددى« دۇنيادا پۇرسەت كەم ئەمەس، كەم بولغىنى پۇرسەتنى بايقايدىغان كۆز›› دېيىلگىنىدەك ،ئەمەلىيەتتە پۇرسەت ئەتراپىمىزدا ساماندەك. ھالقىلىق مەسىلە سىزدە پۇرسەتنى بايقىيالايدىغان ئۆتكۈر كۆزنىڭ بولۇشىدا ۋە پۇرسەتنى چىڭ تۇتالىشىڭىزدا.   مۇۋەپپىقىيەت قازانغان كىشلىرىمىزگە قارايدىغان بولساق ، ھېچقايسى تەلەيگە تايانغان ئەمەس، ئومۇمەن نەتىجىگە ئېرىشكەنلەرنىڭ كۆپىنچىسى پۇرسەتنى بايقاشقا ماھىر ۋە پۇرسەتنى چىڭ تۇتقانلاردۇر. ‹‹ساغلاملىق دورىگەرلىكى ››نىڭ قۇرغۇچىسى، ساغلاملىق ۋە لىجۇ گورۇھىنىڭ خوجايىنى جۇباۋگونى بەزىلەر :« ئۇنىڭ بۈگۈنكى كۈنگە ئېرىشەلىشى پۈتۈنلەي تەلىيىنىڭ ئوڭلىقىدىن بولغان» دەيدۇ. بىراق، جۇباۋگونىڭ قارىشىچە پۇرسەت ھامان تەييارلىقى بارلارغا مەنسۇپ.   جۇباۋگو 30يېشىدا ئىگىلىك تىكلەش سەپىرىنى باشلىغان.10يىللىق تېرىشىش ئارقىلىق ئۆزىنىڭ دەسلەپكى دەسمايىسىنى توپلاپ،2001-يىلى مۇۋەپپىقىيەتلىك ھالدا ‹‹تەيتەي دورىگەرلىكى›› نىڭ پايچىكىنى بازارغا سالغان. پايچېكىنى  بازارغا سېلىش دېمەككە ئاسان تۇيۇلغان بىلەن ئەمەلىيەتتە نەچچە يىل تەييارلىق قىلشقا توغرا كەلگەن. 1992-يىلى تەيتەي دورىگەرلىكى يېڭىدىن قۇرۇلۇپلا دۇنيادىكى ئالتە چوڭ بوغالتىرلىق ئورنىنىڭ بىرى بولغان ئەندا بوغالتىرلىق ئورنىدىن بوغالتىر تەكلىپ قىلغان. ئەينى ۋاقىتتا تەيتەي دورىگەرلىكى چەت ئەل بازىرىنى ئېچىشنى پىلانلاپ  1996-يىلى 20مىليون يۈەنلىك باھا بىلەن %14.9 پايچېكىنى مېيلىن ئاكسىيەسىگە سېتىپ بەرگەن. بىر يىلدىن كېيىن ئاسىيادا پۇل-مۇئامىلە كىرزىسى يۈز بەردى، شىياڭگاڭ پاي بازىرى خارابلىشپ پايچېكى كۆرسەتكۈچى يۈزمىڭدىن 6000غا چۈشۈپ قالدى. بۇخىل ئەھۋال ئاستىدا قىسقا ۋاقىتتا شىياڭگاڭدا باش كۆتۈرۈشتىن ئۈمىد قالمىغانىدى. ئەينى ۋاقىتتا مەبلەغگە جىددى ئىھتىياجلىق بولغان جۇباۋگۇ ئۆزىنىڭ ئۆيىنىمۇ رەنىگە قويۇپ ، 1997-يىلى 270مىليون خەجلەپ شىنجۇ دورىگەرلىكىنى سېتىۋالدى. 1998-يىلى جۇباۋگو A پايچىكىنى بازارغا سېلىشنى قارار قىلدى. مېيلىن ئاكسىيەسى تەيتەي گورۇھىنىڭ A پايچىكىنى بازارغا سېلىشىغا قارشى تۇردى. جۇباۋگو 250مىڭ ئامرىكا دوللىرىلىق باھا بىلەن %14.9پىرسەنت پېيىنى قايتۇرىۋالدى. جۇباۋگونىڭ تەۋەككۈلچىلىكى ئاخىر نەتىجىگە ئېرىشىپ، پاينى بازارغا سېلىپ ئۇزۇن ئۆتمەي تەيتەي دورىگەرلىكىنىڭ پاي باھاسى ئون ھەسسە ئۆرلىدى.   2002-يىلى تەيتەي گورۇھى مۇۋەپپىقىيەتلىك ھالدا لىجۇ گۇرۇھىنى سېتىۋالدى، بۇ جۇباۋگونىڭ چوڭ كاپىتالىسقا ئايلانغانلىقىدىن دېرەك بېرەتتى. جۇباۋگو، ئەمەلىيەتتە ئۆزىنىڭ 1996-يىلىلا لىجۇغا كۆز  تىككەنلىكىنى سۆزلەپ ئۆتتى. ئەينى ۋاقىتتا لىجۇ بىر قىسىم پاي ھوقۇقىنى ساتماقچى بولغاندا جۇباۋگو دەرھال جۇخەيگە كەلگەن ۋە لىجۇ گوروھىنىڭ قۇرغۇچىسى شۈلاۋ ئەپەندى بىلەن كۆرۈشكەن. ھەمدە لىجۇنىڭ بىر قىسىم پاينى تەيتەي دورىگەرلىكىگە ئۆتكۈزۈپ بېرىشى توغرىسىدا سۆھبەتلەشكەن ،ئەمما شۈلاۋ ئەپەندى تەرىپىدىن رەت قىلىنغان.   لىجۇنى ياخشى شىركەت دەپ قارىغاچقا جۇباۋگو ئىزچىل بۇ شىركەتكە دىققەت قىلغان ۋە نۇرغۇن قېتىم ئوتتۇرغا ئادەم سېلىپ شۈلاۋ ئەپەندى بىلەن كۆرۈشتۈرگەن. 2002-يىلى شۈلاۋ ئەپەندى جۇباۋگونى ئىزدەپ پايچېكىنى سېتىپ بېرىشنى خالايدىغانلىقىنى ئېيتقان. ئاران تەستە  بۇ پۇرسەتكە ئېرىشكەن جۇباۋگو باھانىمۇ تالاشماي دەرھال سېتىۋالغان. ئەمەلىيەت ئىسپاتلىدىكى ،جۇباۋگونىڭ مۇۋەپپىقىيىتى ھەرگىزمۇ ئۇنىڭ تەلەيىنىڭ ئوڭلىقىدىن بولمىغان .ئۇنىڭ تەجىربىسىدىن قارىغاندا ئۇ ھەقىقەتەن پۇرسەتنى تۇتۇشقا ماھىر ئادەم ئىدى.   نۇرغۇن ئادەملەر مۇۋەپپىقىيەتكە ئېرىشكەندە ئۆزى ھەققىدە ئويلىنىپ باقمايدۇ.ئەمەلىيەتتە بىزگە پۇرسەت يوق ئەمەس بەلكى بىزدە تەييارلىق بولمىغاچقا، بىز نېمىنىڭ پۇرسەت ئىكەنلىكىنى بىلمەيمىز. شۇڭا ئىگىلىك تىكلىگۈچىلەردە كەلگۈسىنى كۆرەلەيدىغان، ۋەزىيەتنى دەڭسىيەلەيدىغان، يۈز بېرىش ئېھتىماللىقى بولغان ئۆزگىرىشلەرگە ئالدىن تەييارلىق قىلالايدىغان «ئۆتكۈر كۆز»بولۇشى كېرەك. يەنى مەسىلىلەرنى ئالدىن پەرەز قىلىش ئىقتىدارى بولىشى كېرەك. ئەگەر توغرا پەرەز قىلالىغانكەنمىز ئىگىلىك تىكلەش يولىمىزدا تەۋرەنمەي چىڭ تۇرىشىمىز كېرەك،مۇشۇلارنى قىلالىساقلا مۇۋەپپقىيەت مەنزىلى بىزگە يىراق ئەمەس. مەنبە:چېڭدۇ دەۋر نەشىرياتى 2014-يىلى 7-ئايلىق تۇنجى نەشىرى <<مايۈننىڭ ئىگىلىك تىكلەش دەرىسخانىسى>> ناملىق كىتاب تەرجىمە قىلغۇچى:ئەقىدە قاشگەرلىكى-ئويغۇر قاشتېشى تورى تور بەت ئادرېسى:WWW.UYHQT.COM تەرجىمان:ئابدۇللا ئۆمەر تەرجىمە تەھرىرى:ئەقىدە قاشگەرلىكىدىن رەيھانگۈل نىزام

WWW.UYHQT.COM

	ئالتىنچى دەرس سەككىزىنچى پارىگىراف ئىگىلىك تىكلەش مۇساپىسىدە ئىلغار ئىدىيەنىڭ ئەمەس، پەقەت پۇختا بېسىلغان قەدەمنىڭلا نەتىجىسى بولىدۇ شۈنزىنىڭ«تەلىمنامە» ناملىق كىتابىدا «بولمىسا گەر ھەر بىر قەدەم ،داۋان ئېشىش ئەمەس مۇمكىن ؛دېڭىز-ئوكيان ئاقماس ھەرگىز،بولمىسا گەر كىچىك ئېقىن.» دەپ يېزىلغان. مۇۋەپپىقىيەت قازانغۇچىلار ئىش باشلىغاندا باشلىنىش نۇقتىسىنىڭ يۇقىرى تۆۋەنلىكى، ئارزۇسىنىڭ مۇنەۋۋەر ياكى چاكىنىلىقى، ئىپادىلىنىش شەكلىنىڭ ئىلغار ياكى ئەمەسلىكى بىلەن ھېسابلاشمايدۇ. ئۇلار مەيلى قانداق ئىشنى قىلمىسۇن ئەمەلىيەتچانلىققا ئېتىبار بېرىدۇ، مەيلى چوڭ ياكى كىچىك بولسۇن ھەرقانداق ئىشنى پۇختا قەدەم بىلەن باشلايدۇ.   «جۇڭگودىكى رىقابەت» پروگىراممىسىنىڭ ئىككىنچى باسقۇچلۇق مۇسابىقىسىدە بىر ماھىر‹‹يۈرۈشلۈك تازلىق ئەسلىھەلىرى سودىسىدا ئۆزگىچە ئالاھىدىلىككە ئىگە يولدا مېڭىش،   تازلىق ئەسلىھەلىرىنى ھالقىلىق بېرىكتىرۈش، بارلىق كۈچنى ئۆلچەم بېكىتىش ۋە ماركا قۇرۇلىشىغا سەرپ قىلىش،ئىپتىدائىي ئەسلىھەلەرگە ئىش قوشۇش، مىللىي ئەنئەنە بىلەن زامانىۋىلىق بىرلەشتۈرۈلگەن ھەم ئۆزگىچە خاسلىققا ئىگە تازلىق ئەسلىھەلىرىنى بازارغا سېلىپ  داڭلىق ماركا  يارىتىش› ئارزۇسىنى ئوتتۇرغا قويدى. بۇنىڭغا قارىتا مايۈن مۇنداق تەكلىپ بەردى:« نۇرغۇن كىشلەر ئىگىلىك تىكلىگۈچىلەرنى ھىسسياتى ئۇرغۇپ تۇرغان كىشلەر دەپ قارايدۇ.سىز ئۆز ئارزۇيىڭىزدا ھەم بېرىكتۈرۈپ سېتىش لاھىيەرىڭىزدە چىڭ تۇرىدىكەنسىز. بۇ ھال بەلكىم سىزنى باھالىغۇچىلارغا ئىشەنچىسىز كۆرسىتىشى،شۇنىڭ بىلەن ئۇلار سىزدىن <ئىگىلىكىڭنى نېمىگە تايىنىپ تەرتىپكە سالىسەن ؟>دەپ سورىشى مۇمكىن، بىراق سىزنىڭ تەۋرەنمەس ئىرادىڭىز بىر ئىگىىلك تىكلىگۈچىدە بولۇشقا تېگىشلىك ساپانى ئۆزىگە مۇجەسسەملىگەن.مېنىڭ بۇ يەردە دېمەكچى بولغىنىم، تەرتىپكە سالىدىغان ئامىللار ئىچىدە سىزنىڭ تىلغا ئالغىنىڭىز ئىدىيە ۋە ئىشەنچتىن ئىبارەت بولدى. مەن مۇنداق قارايمەن، ئىدىيە پۇلغا يارىمايدىغان نەرسە، ھەقىقى پۇلغا يارايدىغىنى سىزنىڭ ئىجادى قىممىتىڭىز ۋە پۇختا باسقان قەدىمىڭىزنىڭ نەتىجىسى. كىشلەرنىڭ ‹مېنىڭ ئىدىيەم ئىنتايىن ئىلغار› دېگەن سۆزلىرىنى كۆپ ئاڭلاپ كەتتىم. بىراق،ئىگىلىك تىكلەش جەريانىدا ئىلغار ئىدىيەنىڭ ئەمەس، پەقەت پۇختا بېسىلغان قەدەمنىڭلا نەتىجىسى بولىدۇ. شۇڭا سىزنىڭ ئىدىيىڭىز ئارقىلىق باشقىلارنى تەرتىپكە سېلىشڭىزنىڭ ھاجىتى يوق، ئەكسىچە ئىجادىي قىممىتىڭىز ئارقىلىق باشقىلارغا پايدا ئېلىپ كېلىشىڭىز كېرەك>>. كۆپلىگەن ئىگىلىك تىكلىگۈچىلەر ئىشنىڭ دەسلىپىدىلا ئۆزىنىڭ ئىدىيە، ئەندىزىسىنى ھەممە يەردە تەشۋىق قىلىپ بىر مۇنچە قۇرۇق گەپ ساتىدۇ، لېكىن ئەمەلىي ھەركەت قوللانمايدۇ. ھالبۇكى 2002-يىلى مايۈن مۇخبىرنىڭ زىيارىتىنى قۇبۇل قىلغاندا :« مەندە ھېچقانداق ئىلغار ئىدىيە يوق، تېخنىكىنىمۇ چۈشەنمەيمەن، پۇلۇممۇ،پىلانىممۇ يوق. بۇ بەلكىم مېنىڭ ھايات قېلىشىمنىڭ بىردىنبىر سەۋەبى بولسا كېرەك. مەن خىزمەتچىلىرىمنى خارۋاردقا بېرىپ ئوقۇشقا تەۋسىيە قىلساممۇ، ئۇلارنىڭ قانداقتۇر بىر ئىدىيەلەرنى ئەستە تۇتىۋېلىشىنى ئۈمىد قىلىپ كەتمەيمەن. ئەستە تۇتىۋالغان تەقدىردىمۇ مۇنداق نەزىرىيەلەرنى ئۇنتۇپ كېتىشى كېرەك.چۈنكى ئۇلار دۆلەت ئىچىدىكى ئەمەلىي تەجىربىنى چىقىش قىلغان ئاساستا ئاندىن ئىش قىلش كېرەك.   ئۇرۇش قالايمىغانچىلىقى ۋاقتىدا ماۋزىدوڭنىڭ ھېچقانداق نەزىرىيەسى، پىلانى بولمىغان، ئۇ پەقەت ئۇدۇل كەلگەن ئىشلانى ئۇدۇل بىرتەرەپ قىلغان، ئۇ دۈشمەننىڭ ئەڭ كۈچلۈك تەرىپىنىڭ يەنە ئۇنىڭ ئەڭ ئاجىز تەرىپى ئىكەنلىكىنى بىلگەن. باشقىلاردىن ئاجىزبولساق كۈندە ھاياتلىق ئۈچۈن كۆرەش قىلشىمىز كېرەك، ھاياتلىققا ئىنتىلىشىمىز قانچە كۈچلۈك بولسا ئۇتۇپ چىقىش پۇرسىتىمىزمۇ كۆپ بولىدۇ›› دىگەن. مايۈننىڭ « ئامالسىزلىقنىڭ ئۆزى ئامال» دېگەن سۆزى دەل پۇختا قەدەم ۋە ئەمەلىيەتنى چىقىش قىلغان ئالاھىدە ئىدىيە. مايۈن دائىم‹ ئالى بابا سودا شىركىتى، ئېنتىرنىت تور شىركىتى ئەمەس،ئېنتىرنىت پەقەت ئالى بابانىڭ قورالى› دەپ ئەسكەرتىدۇ. ئۇنىڭ قارىشىچە ،ئېنتىرنىتتىنمۇ ياخشى قورالنى بايقاپ قالسا ئۇ چوقۇم ئېنتىرنىتتىن ۋاز كېچىدۇ.ئېنتىرنىت پەقەت بازارنى كونتىرول قىلىدىغان ۋاستە خالاس، ئۇ مەقسەت ئەمەس.   ئىگىلىك تىكلەش جەريانىدا مايۈن ئۆزىنىڭ قانداقتۇر بىر خىل ئالاھىدە ئىدىيە بىلەن ئالى بابانى تەرەققى قىلدۇرغىنىنى تەشۋىق قىلىپ باقمىغان. ئۇنىڭ قارىشىچە ئالى بابانى كىچىك بالا دەپ قاراپ ئائىلە باشلىقى بولۇش سۈپىتىمىز بىلەن ئۇنى ئەستايىدىل تەربىيلىشىمىز كېرەك. ئالى بابا دۇنياغا تونۇلۇپ بولغان بولسىمۇ مايۈن بۇ ئويىدىن ۋاز كەچمىدى، ئۇ يەنە ئەستايىدىللىق بىلەن كارخانا باشقۇرماقتا.   مايۈن ئىزچىل تەكىتلەپ كېلىۋاتقىنىدەك:« مەھسۇلاتنىڭ سۈپىتىگە، مۇلازىمەتكە كاپالەتلىك قىلىنمىسا ھەرقانداق پىلان قۇرۇق گەپ ››خالاس . ئومۇمەن ،سىز‹ ئىگىلىك تىكلەپ مۇۋەپپىقىيەت قازىنىمەن› دەيدىكەنسىز، مەيلى سىزنىڭ قانداق ئىلغار ئىدىيىڭىز بولسۇن ۋە ياكى مەھسۇلاتىڭىزنىڭ ئوراپ قاچىلىنىشى قانچىلىك  ئېسىل،شۇئارىڭىز قانچە ياڭراق بولىشىدىن قەتئىي نەزەر، ئەگەر سىز پىلانلىرىڭىزنى ئىزچىل ئەمەلىيلەشتۈرمىسىڭىز، پۇختا قەدەم بىلەن ماڭمىسىڭىز مۇۋەپپىقىيەتكە ئېرىشىشىڭىز تەسكە توختايدۇ. بەزىلەر:«شارائىتنى ئۆزىمىز يارىتىمىز، مۇۋەپپىقىيەتنى ئۆزىمىز بارلىققا كەلتۈرىمز» دەيدۇ. بۇ گەپ ئىنتايىن توغرا. بىز ئىگىلىك تىكلەپ مۇۋاپىقەيەت قازانغان ئادەم بولۇش ئۈچۈن بىراقلا ئېگىزگە ئېسىلىۋالماسلىقىمز كېرەك. ئۆزىمىزدە بار بولغان ئىقتىدارنى چىقىش قىلىپ تۇرۇپ سەرپ قىلىشقا تېگىشلىك قان تەرىمىزنى سەرپ قىلىشىمز، باشتىن كەچۈرۈشكە تېگىشلىك كەچۈرمىشنى باشتىن كەچۈرىشىمىز كېرەك.چۈنكى، بىر ئادەمنىڭ مەغلۇب بولۇش- بولماسلىقى  ئۇنىڭ سالاھىيتى تەرىپىدىن ئەمەس، بەلكى ئۇنىڭ ئەمەلىيەتچانلىقى تەرىپىدىن بەلگىلىنىدۇ. مەنبە:چېڭدۇ دەۋر نەشىرياتى 2014-يىلى 7-ئايلىق تۇنجى نەشىرى <<مايۈننىڭ ئىگىلىك تىكلەش دەرىسخانىسى>> ناملىق كىتاب تەرجىمە قىلغۇچى:ئەقىدە قاشگەرلىكى-ئويغۇر قاشتېشى تورى تور بەت ئادرېسى:WWW.UYHQT.COM تەرجىمان:ئابدۇللا ئۆمەر تەرجىمە تەھرىرى:ئەقىدە قاشگەرلىكىدىن رەيھانگۈل نىزام

WWW.UYHQT.COM

	ئالتىنچى دەرس توققۇزىنچى پارگىراف ئۈنۈملۈك باشقۇرۇش - ئالىي ئىجادىي تەپەككۇردىن مۇھىم بەزىلەر باشقىلار بىر يېڭىلىققا تايىنىپ مۇۋەپپىقيەت قازانغاندا پىشانىسىگە ئۇرۇپ:« ئاپلا ئەينى ۋاقىتتا مەنمۇ شۇنداق ئويلىغان ئەمەسمۇ؟» دەپ ئەپسۇسلىنىپ كېتىدۇ. شۇنداق نۇرغۇن كىشلەر ئىگىلىك تىكلەشنى ئويلايدۇ. بىراق «ئۇخلاپ قوپۇپ سويمام قېنى» دېگەنگە ئوخشاش. ئەگەر ئۇ ئىجرا قىلىنمىسا بارلىق پىلانلار خام خىيالغىلا ئايلىنىپ قالىدۇ خالاس.   ئىگىلىك تىكلىگۈچى مۇۋەپپەقىيەت قازىنىمەن دەيدىكەن ياخشى بولغان تەدبىر،تەرەققىيات ئىستىراتىگىيىسى، ياخشى بولغان باشقۇرۇش تۈزۈلمىسى بولۇشتىن سىرت يەنە تېخىمۇ مۇھىم بولغىنى ياخشى بولغان ئىجرا قىلىش كۈچى بولۇشى كېرەك. بۇ دەل كۆپلىگەن ئىگىلىك تىكلىگۈچىلەرنىڭ نېمە ئۈچۈن يۇقىرى ئىقتىدار، يېڭىچە ئوي-پىكىر شۇنداقلا سودا دېڭىزىدىكى كۆرەشكە تاقابىل تۇرالايدىغان كەسكىنلىك ۋە يۈرەك بار ھالەتتىمۇ مۇۋەپپىقىيەت قازىنالماسلىقىنڭ سەۋەبى. چۈنكى ئۇلار ۋە ئۇلارنىڭ كوللىكتىۋىدا ياخشى بولغان ئىجرا قىلىش كۈچى كەمچىل. ئەمەلىيەتتە، بىر ياخشى باشقۇرغۇچى تەدبىر-لاھىيەنىڭ كەمچىلىكلىرىنى تولدۇرۇپ كېتەلەيدۇ. بىراق بىر مۇكەممەل تەدبىر-لاھىيە ياخشى بولمىغان ئىجرا جەريانىدا يوقىلىپ كېتىشى مۇمكىن. مۇشۇ مەنىدىن ئېلىپ ئېيىتقاندا،ئىجرا قىلىش كۈچى كارخانىنىڭ ھايات-ماماتىنىڭ ھالقىسى.شۇنداقلا مايۈن ئەڭ دىققەت قىلىدىغان بىر نۇقتا.   بىر قېتىملىق ئۇچرىشىشتا مايۈن ۋە ياپونىيىلىك يۇمشاق دىتال گوروھىنىڭ لىدىرى سۈن جىڭيى«بىرىنچى دەرىجىلىك ئامال بىلەن ئۈچىنچى دەرىجىلىك ئىجرا قىلىش كۈچى ۋە ئۈچىنچى دەرىجىلىك ئامال ۋە بىرىنچى دەرىجىلىك ئىجرا قىلش كۈچىنىڭ قايسى مۇھىم؟» دېگەن تېمىدا مۇنازىرلەشتى ۋە ئىككىلىسى ئوخشاشلا كېيىنكىسىنى تاللىدى. مايۈن: سانائەت دەۋرىنىڭ تەرەققىياتى ئادەمگە تايىندۇ بىراق تور ئىقتىسادىي بارلىق تەرەپلىرى ئۇچۇرلاشقان، ئۈنى مۆلچەرلەش ئىنتايىن قېيىن. پەقەت بىرىنچى دەرىجىلىك ئىجرا قىلىش كۈچى بولغاندا ، ئۈچىنچى دەرىجىلىك ئامال ۋە باشقا سەۋەبلەر ئېلىپ كەلگەن نۇقسانلارنى تولۇقلاپ كەتكىلى بولىدۇ دېگەن سەۋەبنى ئوتتۇرغا قويدى. شۇڭا ئەلى بابادا تەدبىر پىلانلاپ چىقىلغانلا ئەمەس يەنە  «دەل ۋاقتىدا، ھازىرلا، نەق پەيتتە» ئىجرا قىلالىغان. دەرھەقىقەت، ھەرقانچە ياخشى بولغان ئامالمۇ بىر قەدەم-بىر قەدەمدىن پىلانغا ئاساسەن ئىجرا قىلىنمىسا  ئۇنداقتا بۇ ئامال بۆشۈكىدىلا بوغۇلۇپ قالىدۇ. ئەكسىچە ياخشى پىلان بولمىغان تەقدىردىمۇ ئەستايىدىللىق بىلەن ھەر بىر قەدەمنى مەزمۇت باسقاندا بەلكىم بارا-بارا غەلبىگە يېقىنلاپ بېرىشىمىز مۇمكىن. ئاتالمىش ئىجرا قىلىش كۈچى بىر سېستىما، تەشكىل ۋە ئاپپارات، ئىستىراتىگىيە پىلانىنى ئەمەلگە ئاشۇرۇش، كۆزلىگەن نىشانغا يېتىش قاتارلىق مەشغۇلاتلارنى ئۆز ئىچىگە ئالىدۇ. ئۇ كارخانا رىقابىتىنىڭ يادروسى، كارخانا ئىستىراتىگىيىسى،پىلانىنى پايدىغا ئايلاندۇرۇشنىڭ ھالقىسى.ئىجرا قىلىش كۈچىنىڭ ئەڭ يۇقىرى ئۆلچىمى بولسا ھاڭۋاختىلىق قىلماسلىق، سەل ياخشى ئەمەس پۈتۈنلەي مۇكەممەللىكنى ئىشقا ئاشۇرۇش... بەزىلەر ئىگىلىكنى تىكلەيدۇ، ئۆز ھەرىكىتىدىمۇ كۆرسىتىدۇ، بىراق ئىجرا قىلىش جەريانىدا ئازراق مەسىلىگە يولۇقسىلا قۇشقۇنغا ئولتۇرىۋالىدۇ ياكى قېيىنچىلىققا باش ئېگىدۇ. بۇنداق بولغاندا پىلاننىڭ توختىماستىن ئۆزگىرىشىنى كەلتۈرۈپ چىقىرىپ ئاخىرىدا دەسلەپكى ئىجادى تەپەككۇردىن چەتنەپ كېتىدۇ. ئۇنىڭدىن باشقا لاھىيەنى ئىجرا قىلش جەريانىدا پۇرسەتپەرەسلىك، ھورۇنلۇق قىلماسلىق كېرەك. ئەگەر ئادەم سىنارىيە بويىچە رول ئالماي، ئىجرا جەريانىدىكى بەزى ھالقىلارنى نەزەردىن ساقىت قىلىپ قويسا، خۇددى ئاساسى پۇختا سېلىنمىغان ئۆيگە ئوخشاش بوران-چاپقۇندا ئاسانلا ئۆرۈلۈپ چۈشىدۇ.   بۇنىڭ ئۈچۈن مايۈن دائىم ئوخشىمىغان سورۇنلاردا ئالى بابانىڭ مۇۋەپپىقىيەت قازىنىشىنىڭ سەۋەبى پۈتۈنلەي يۇقىرى ئۈنۈملۈك ئىجرا قىلىش كۈچىگە تايانغانلىقىنى ئەسكەرتىدۇ.ھەمدە دائىم ئۆزىنىڭ « خىيالپەرەسلەر گۇرۇپپىسى ئەمەس ئىجرا گۇرۇپپىسى»بولغانلىقىدىن پەخىرلىنىدۇ. مايۈن:« خاتا بىر قارارنى ئىجرا قىلىش ئەزمىلىك ۋە قارار چىقىرالماسلىقتىن مىڭ ياخشى، چۈنكى ئىجرا جەريانىدا نۇرغۇنلىغان تەجىربىلەرگە ئىگە بولىمىز ۋە خاتالىقلىرىمىزنى تۈزىتەلەيمىز.   پۈتۈن ئىگىلىك تىكلەش جەريانىدا مايۈن ئۆز خىزمەتچىلىرىدىن «ئاكتىپ ئىجرا قىلىش» نى تەلەپ قىلىپ كەلدى. ئالى بابا يېڭىدىن قۇرۇلغاندا «ئۆزگىچىلىك» ئەندىزىسىنى قوللانغاچقا كۆپلىگەن ئادەملەر ئۇنىڭ قىممىتىگە ئىتىبارسىز قارىغان. شۇڭلاشقا كارخانا ئىچىدىكىلەر كەلگۈسىگە گاڭگىراش نەزىرىدە قارىغان. بۇنداق ۋەزىيەت ئاستىدا تېخنىك خادىملارغا BBS دىكى ھەربىر ئىستوننى تەكشۈرگەندە ۋە تۈرگە ئايرىغاندا بەزى خىزمەتچىلەر بۇنداق قىلىش ئېنتىرنىت روھىغا خىلاپلىق قىلغانلىق دەپ قارىدى. بىراق مايۈننىڭ قارىشىچە  پەقەت مۇشۇنداق قىلغاندىلا ئاندىن ئابونتلارغا قولايلىق يارىتىلىپ تېخىمۇ تېز ھالدا ئالى بابادىكى ئۇچۇرلارغا ئېرىشكىلى بولىدۇ . تالاش-تارتىشلار ئىچىدە مايۈن ئاچچىقلاندى:« سىلەر دەرھال، ھازىرلا ئىشنى باشلاڭلا، ھازىرلا، دەرھال!» مايۈننىڭ قاتتىق تەلىپى ئاستىدا ئالى بابانىڭ تەرەققىيات يۆلىنىشى ئاخىر بېكىتىلدى ھەمدە ئۈنۈملۈك ئىجرا قىلىندى. شۇنىڭدىن كېيىن ئوخشاش مەسىلىلەر ئالى بابادا توختىماستىن كۆرۈلۈشكە باشلىدى، بىراق ھەممىسى مايۈننىڭ «ئىجرا قىلىش كۈچى» قاتتىق تەلىپى ئاستىدا ھەل بولدى. مەسىلەن 2003-يىلى مايۈن ئالى بابانىڭ پۈتۈن بىر يىل ئىچىدە 100مىليون خەلق پۇلى پايدا يارىتىش نىشانىنى ئوتتۇرغا قويدى.2004-يىلى مايۈن ئالى بابانىڭ كۈندە1مىليون پايدا يارىتىش پىلانىنى ئوتتۇرغا قويدى. 2005-يىلى مايۈن ئالى بابا ئۈچۈن كۈنلىكىگە 1مىليون يۈەن باج تاپشۇرۇش پىلانىنى ئوتتۇرغا قويدى. نۇرغۇن كىشلەر بۇنداق مۇشەققەتلىك ۋەزىپىنىڭ ئەمەلگە ئېشىشدىن گۇمانلانغان بولسىمۇ بىراق ئاخىر بۇلارنىڭ ھەممىسى ئەمەلىيەتكە ئايلاندى. مايۈن بۇلارنىڭ ھەممىسىنى ئالى بابانىڭ «بىرىنچى دەرىجىلىك ئىجرا قىلىش» كۈچىگە تەدبىقلىدى. مايۈننىڭ كىشىلەر تەرىپىدىن تەرىپلەنگەن كۈچلۈك ئىجرا كۈچى ئاستىدا ئەلى بابا بارلىق رىقابەتچىلىرىنى كەينىدە قالدۇرۇپ، كەسىپداشلار ئىتراپ قىلغان،تېخنىكا سەۋىيىسى يۇقىرى، ئەستايىدىل، مەسئۇلىياتچان، مۇكەممەل بولغان كوللىكتىپ بولۇپ قالدى. مايۈن  مۇۋەپپەقىيەت قازانغان ئىگىلىك تىكلىگۈچىلەرنىڭ نەمۇنىسى، بۇنىڭ قىلچە گۇمانلانغۇچىلىكى يوق. ئۇنىڭ ئېرىشكەن تەجىربىلىرى  باشقا ئىگىلىك تىكلىگۈچىلەرنىڭ قوللىنىشىغا ئانچە ماس كەلمىسىمۇ بىراق ئۇنىڭ « بىرىنچى دەرىجىلىك يېڭىلىق، ئۈچىنچى دەرىجىلىك ئىجرا كۈچى، بىرىنچى دەرىجىلىك ئىجرا كۈچى ئۈچىنچى دەرىجىلىك يېڭىلىق  ئىچىدە مەن كېيىنكىسىنى تاللايمەن » دېگەن سۆزى بارلىق ئىگىلىك تىكلىگۈچىلەرنىڭ قوللىنىشىغا ماس كېلىدۇ. مەنبە:چېڭدۇ دەۋر نەشىرياتى 2014-يىلى 7-ئايلىق تۇنجى نەشىرى <<مايۈننىڭ ئىگىلىك تىكلەش دەرىسخانىسى>> ناملىق كىتاب تەرجىمە قىلغۇچى:ئەقىدە قاشگەرلىكى-ئويغۇر قاشتېشى تورى تور بەت ئادرېسى:WWW.UYHQT.COM تەرجىمان:ئابدۇللا ئۆمەر تەرجىمە تەھرىرى:ئەقىدە قاشگەرلىكىدىن رەيھانگۈل نىزام

WWW.UYHQT.COM

	ئالتىنچى دەرس ئونىنچى پارگىراف بىر ئىشنى  ياخشى قىلىپ تاماملىغاندىن كېيىن ئاندىن ئىككىنچىسىنى باشلا.    مەلۇم بىر ساھەگە نەزەر تاشلىغىنىمىزدا ياكى بىرەر ئىشنى قىلغىنىمىزدا ئۇنى چوڭ قىلىشنى ئويلايمىز. بۇ بىر ئىگىلىك تىكلىگۈچىدە بولۇشقا تېگىشلىك خۇسۇسىيەت. مايۈن كارخانا باشقۇرۇشنى توشقان تۇتىشقا ئوخشىتىپ :«بىردەم ئۇ توشقاننى بىردەم بۇنى قوغلىساق ئاخىرىدا بىرنىمۇ تۇتالماسلىقىمىز مۇمكىن.CEO نىڭ ئاساسلىق ۋەزىپىسى پۇرسەت ئىزدەش ئەمەس بەلكى پۇرسەتكە NO (ياق) دېيىش. پۇرسەت بەك كۆپ لېكىن مەن پەقەت بىر تاللا توشقان تۇتالايمەن، كۆپ تۇتىمەن دېسەم ھەممىنى قاچۇرۇپ قويۇشۇم مۇمكىن » دەيدۇ. ئۇ يەنە قەتئىلىك بىلەن:« مەن مەخسۇس بىرگىلا  ئېسىلىمەن شۇڭا مەن كۈچلۈك» دەيدۇ.   بۇ خىل پوزىتسىيەگە تايىنىپ مايۈن ئىلىكتىرون سودىسىغا قەدەم قويغاندىن تارتىپ قەتئى تەۋرىنىپ باقمىغان. 1995-يىلىدىن 2011-يىلىغىچە ئىرادىسىدە تەۋرەنمەي تۇردى،تەۋرەنمەس ئىرادە دۇنيادىكى ئەڭ چوڭ ئىلىكتىرون سودا تورىنى بارلىققا كەلتۈردى.   مايۈن دىققىتىنى مەركەزلەشتۈرۈشكە ئىنتايىن ئەھمىيەت بېرىدۇ. ئۇ ھازىرقى ئىگىلىك تىكلىگۈچىلەر بولۇپمۇ ياش ئىگىلىك تىكلىگۈچىلەرنىڭ ھەممىسىدە ئالدىراڭغىلىق بار دەپ قارايدۇ. ئۇ ئىگىلىك تىكلىگۈچىلەرگە مۇنداق تەكلىپ بېرىدۇ:« مۇھىم نۇقتىدىن بۆسۈش ھاسىل قىلىش، بارلىق دىققەتنى بىر نۇقتىغىلا يىغىپ بۆسۈش ھاسىل قىلىشقا سەرپ قىلىش كېرەك»   مايۈننىڭ تەكلىپىدە چوڭقۇر ئىگىلىك تىكلەش قائىدىسى يوشۇرۇنغان. ئەمەلىيەتتە ئىگىلىك تىكلەشنى تاللىغاندىن كېيىن پەقەت ئۆزىڭىزنىڭ كۈچىنى تولۇق سەرپ قىلىپ مۇۋەپپىقىيەتلىك ھالدا بىرلا ئىشنى پۈتۈن دىققىتىڭىز بىلەن قىلسىڭىزلا سىزنى مەغلۇبىيەتچى دېگىلى بولمايدۇ.   «جوڭگودىكى رىقابەت» پىروگىراممىسىدىكى ماھىر خۇاڭ خانىم 1994-يىلى تۇنجى قېتىم موم نى كۆرگىنىدە بۇنىڭدىن شام ياسىسا چوقۇم پۇل تاپقىلى بولىدۇ دەپ ئويلىدى. شۇڭا ئۇ ئۆزىنىڭ قولدا ياسىغان  شاملىرىنى بازارغا ئېلىپ چىقىپ ساتتى. نەتىجىدە بىر قېتىمدىلا 200يۈەن سودا قىلدى. خۇاڭ خانىمنىڭ شامچىلىق شىركىتى شۇنداق قىلىپ يۈننەندىكى بىر كىچىك بازاردا بارلىققا كەلدى. ئۇنىڭ كىچىك ھۈنەرۋەنچىلىك دۇكىنىنىڭ پايدىسى كىشىنىڭ ئويلىمىغان يەردىن ياخشى بولۇپ كەتتى.تۇنجى يىلىلا 80 مىڭ يۈەنلىك سودا بولدى.ئۇنىڭ شاملىرى شەھەرلەردە ئالقىشقا ئېرىشىپ بېيجىڭدىنمۇ خېلى كۆپ زاكاز كەلدى. شىركەت كۆلىمىمۇ سودا تەرەققىياتىغا ئەگىشىپ زورايدى. بىراق مەسىلىلەرمۇ شۇنىڭغا ئەگىشىپ كۆرۈلۈشكە باشلىدى. ئالدى بىلەن توشۇش تەننەرخى بەك يۇقىرى بولۇپ پايدىنىڭ ئېشىشىغا بىۋاستە تەسىر كۆرسەتتى. ئىككىنچىدىن ئۇ ياللىغان 40 نەچچە ئىشچىنىڭ ھەممىسى يەرلىك دېھقان ئاياللار بولۇپ ئۇلار ئىشچان بولغىنى بىلەن ئىلغار تېخنىكىنى بىلمەيتتى. بۇنداق كېتىۋەرسە ئۇنىڭ مەھسۇلاتلىرى پەقەت ئەمگەك سىجىللىقى يۇقىرى بولغان قول-ھۈنەر بويۇمىلا بولالايتتى. ئۇنىڭ ئۈستىگە ئۇ باشقۇرغۇچى ياللىماقچى بولۇپ ياللىيالمىغان،ئىختىساس ئېگىلىرى  بۇ يىراق تاغلىق رايونغا كېلىشنى خالىمايتتى.ھازىر بۇ شىركەتنىڭ ھەر يىللىق سېتىش مىقدارى 30مىليونغا يەتتى. بىراق بۇنىڭ ئەڭ يۇقىرى ئىشلەپچىقىرىش چېكى ئىكەنلىكى خۇاڭ خانىمغا ئايان ئىدى.   خۇاڭ خانىم چوڭ شەھەرگە كۆچۈپ كېتىشىم كېرەك دەپ ئويلىدى.بېيجىڭ تەرەپ بىلەن ئالاقىلاشقاندا بېيجىڭ شەھىرىنىڭ فاڭشەن رايۇنى ناھايىتى ئىتىبار سىياسەت بىلەن ئۇنى كۈتىۋالىدىغانلىقىنى بىلدۈردى.خۇاڭ خانىم تېزلا كۆچۈش قارارىنى چىقاردى. بېيجىڭدا ئەمگەك  كۈچلىرىنىڭ ساپاسى ئىنتايىن يۇقىرى شۇنىڭ بىلەن بىللە يەنە قىممەت، خۇاڭ خانىم ئالدى بىلەن ئىشلەپچىقىرىشنى ئاپتۇماتلاشتۇرىشى كېرەك. ئۇ ئىشلەپچىقىرىش لىنىيىسىنى باھالاپ سېلىشتۇرغاندىن كېيىن پەقەت ئىشلەپچىقىرىشنى ھەسەل تېرە ئاسراش مەھسۇلاتىغا مەركەزلەشتۈرۈشنى قارار قىلدى. بۇ قارار ئۇنىڭ شىركىتىنىڭ باشقا يولغا ئاتلانغانلىقىدىن دېرەك بېرەتتى.   زادى ئۆزگەرتىش كېرەكمۇ- ياقمۇ؟ ئۇ بىر قارارغا كېلەلمىدى. بىرى بېيجىڭدا قېلىش. بۇنداق قىلغاندا شىركەت يۇقىرى بىر بالداق كۆتىرىلىدۇ. ئۇ تەكلىپ قىلغان ئىككى باشقۇرغۇچىنىڭ ئىشلەپچىقىرىش ۋە سېتىشتىكى تەجىربىسى ئۇنىڭ سودا تەجىربىسىنىڭ كەمچىللىكىنى تامامەن تولۇقلاپ كېتەلەيدۇ.   ئىككىنچىسى قايتىپ كېتىپ ئەسلىدىكى ئىشلەپچىقىرىشنى داۋاملاشتۇرۇش. يەرلىك ھۆكۈمەتمۇ باج سىياسىتىدە ئۇنىڭغا مۇئەييەن ئېتىبار بەرگەن بولۇپ  بىراق ئۇ يەنە بۇرۇنقى مەسىلىلەرگە قايتا دۇچ كېلىدۇ، شىركەتنىڭ سېتىش مىقدارىمۇ مەڭگۈ 30 مىليونندىن ئاشالماسلىقى مۇمكىن ئىدى.   يەنە بىر تاللاش شىركەتنى سېتىۋىتىش. ئۇ شىركەتنىڭ تەرەققىياتى ئۆزىنىڭ بىلىم قۇرۇلمىسى ۋە نىشانىدىن ھالقىپ كەتتى دەپ قارىدى. 30مىليونلۇق بىر شىركەت باشقىلارنىڭ دىققىتىنى ئاسان تارتماسلىقى لازىم ئىدى.بىراق ئۇنىڭ ئانچە -مۇنچە نامى چىقىپ قالغان بولۇپ  باشقىلارنى ھەر ھالدا جەلب قىلالايتتى.   خۇاڭ خانىمنىڭ باش قېتىنچىلىقىغا مايۈن مۇنداق دەپ باھا بەردى:« ھەر بىر ئۆسۈپ يېتىلىۋاتقان كارخانا ھامان قېيىنچىلىققا يۇلىقىدۇ. ئاساسەن بارلىق سېتىشنى ۋاستە قىلغان  كارخانىلارنىڭ ھەممىسى دەسلەپتە ھايات قېلىش، ئاندىن تەرەققىيات مەسىلىسىگە يولىقىدۇ. مەسىلىنى ھەل قىلغان ۋاقتىمىزدا  ئۆزىمىزنىڭ ھايات قېلىش ئۈچۈن مۇشۇنداق قىلغانلىقىمىزنى ئۇنتۇپ قالىمىز. يېڭىدىن ئىگىلىك تىكلەپلا كارخانىنى كېڭەيتىشنى ئويلايمىز، بىراق ئۆزىمىزنى ساقلاپ قالغاندىن كېيىنكى بىرىنجى ۋەزىپىمىز ھازىرقى ئىشىمىزنىلا ياخشى قىلىش، ھەرگىزمۇ چوڭ قىلىش ئەمەس. بۇ مېنىڭ شۇنچە يىلدىن بېرى توپلىغان تەجىربەم» . ئىگىلىك تىكلەش تاغقا چىقىشقا ئوخشايدۇ. مۇۋەپپىقىيەت قازانغۇچى بىر نىشاننى كۆزلەپ توختىماستىن تاغقا ياماشسا ناھايىتى تېزلا تاغ چوقىسىغا چىقالايدۇ.ئەكسىچە مەغلۇبىيەتچىلەر بولسا تاغقا يامىشىش بىلەن بىللە يەنە چىرايلىق گۈللەرنى كۆرۈپ گۈل ئۈزگىلى، چىرايلىق تاشلارنى كۆرۈپ تاش تەرگىلى كېتىپ قالىدۇ. نەتىجىدە ئۆزىنىڭ جىسمانى كۈچىنى خورىتىپلا قالماي يۈك ئېغىرلىشىپ، چىرايلىق گۈللەر تاغقا ياماشقۇچىنىڭ نېيىتىنى بۇزۇپ مەغلۇبىيەت مۇقەررەرلىشىپ قالىدۇ. ئەلۋەتتە ئىگىلىك تىكلەش پەقەت بىرلا ئىشنى قىلىش دېگەنلىك ئەمەس، ئەكسىچە پۈتۈن كۈچنى يىغىپ  بىر ئىشنى قىلىپ مۇۋەپپەقىيەت قازانغاندىن كېيىن ئاندىن يەنە بىر ئىشنى  قىلىش دېگەنلىكتۇر. بىر مەسىلىنى مۇۋەپپەقىيەتلىك ھەل قىلغاندا يەنە ئىككىنچى ، ئۈچىنچى ..مەسىلىنىمۇ مۇۋەپپەقىيەتلىك ھەل قىلالىشىمىز مۇمكىن. ئەگەر بىر مەسىلىنىمۇ ھەل قىلالمىساق بەلكىم مەسىلىنى ھەل قىلىدىغان ئىقتىدارىمىزنى يوقىتىپ قويىشىمىز مۇمىكن. شىياڭگاڭدىكى بىرىنچى باي لىجاچىڭ كۆپ مەنبەلىك سودىدا نامى بار. بىراق ئۇ كۆپ مەنبەلىك سودىغا ئېنىقلىما بېرىپ :« بىردىن ئىككىگە كۆپەيگەن شىركەت مەڭگۈ پۇل تاپىدۇ، ئاندىن ئۈچۈنچىسىگە كۆچىدۇ» دېگەن. بۇنىڭدىن سىرت بىز كۆزىمىزنى چوڭ ئېچىپ دۇنيادىكى ئەڭ چوڭ 10 مۇۋەپپەقىيەت قازانغان شىركەتكە قاراپ باقايلى، قايسى بىرى  كۆپ تەرەپلىمىلىك سودىغا تايىنىپ قەد كۆتۈرگەن؟ جۇڭگودىكى  10 چوڭ مۇۋەپپىقىيەت قازانغان شىركەتنىڭ ئىچىدە قانچىسى كۆپ تەرەپلىمىك سودىغا تايىنىدۇ؟ بۇنىڭدىن مۇنداق دېيىشكە بولىدۇكى پەقەت دىققەتنى بىر نۇقتىغا مەركەزلەشتۈرگەندىلا ئاندىن ئىگىلىك تىكلىگۈچى ئالدىن مۆلچەرلىگەن كۆلەم ۋە ئىقتىسادى ئاساسقا ئېرىشەلەيدۇ ھەم كارخانىنىڭ مەھسۇلات، مۇلازىمەتتە ئۆزگىچە رىقابەت ئالاھىدىلىكى ۋە يادرولۇق رىقابەت كۈچى ئارقىلىق مۇۋەپپەقىيەتكە ئېرىشىشىگە ياردىمى بولىدۇ.   داڭلىق خەلقئارا ئىستىراتىگىيە ئۇستازى مايكول. بوت:« بىر قەدەر ئۇزۇن بولغان ۋاقىت ئىچىدە ئۆزىنىڭ ئىستىراتىگىيىسىدە تەۋرەنمەي تۇرالىغان كارخانا ئاخىرقى مۇۋەپپەقىيەتنى قولغا كەلتۈرەلەيدۇ. » دەيدۇ. ئەمەلىيەتتە مەغلۇبىيەتچى بىلەن مۇۋەپپىقىيەت قازانغۇچىنىڭ مۇھىم پەرقى  قىلغان ئىشىنىڭ سانىنىڭ ئاز-كۆپلىكىدىن  ئىبارەت. مۇۋەپپىقىيەت قازانغان ئىگىلىك تىكلىگۈچى دىققىتىنى پەقەت بىرلا ئىشقا قارىتىدۇ. ئىچكىرلەپ، باشتىن-ئاخىر، مەخسۇس، مۇكەممەل،ئاخىرىغا چىققۇچە ياخشى قىلىدۇ، پەللىسىگە يەتكۈچە ، ئىشنىڭ ئەھلى بولغۇچە قىلىدۇ.مەغلۇبىيەتچى بولسا شاختىن-شاخقا قۇنۇپ كۆپ  ئىشنى قىلىدۇ. بىردە تاپقان ۋەجىنى يەنە بىرىدە يوقىتىدۇ. ھېچقايسسىنى باشتىن ئاخىر، سىجىل قىلمايدۇ. نەتىجىدە ھېچ ئىشى راۋاج تاپماي، ھېچنىمىنى بىلمەي، قالايمىقان جۆيلۈپ، ھەممە ئىشنى قالايمىقان قىلىپ نەچچە ئون يىلغىچە ھېچ ئىشنى باشقا ئېلىپ چىقالماي ساقىلى يەرگە تەگكۈچە يەنە شۇ پۇل تېپىشنىڭ يولىنى ئېزدەپ يۈرىدۇ. شۇڭلاشقا ئىگىلىك تىكلىگۈچىلەرگە نىسبەتەن ئېيىتقاندا مەيلى قانداق ئىش قىلىش ياكى قايسى ساھەنىڭ بولۇشى مۇھىم ئەمەس، مۇھىم بولغىنى بىرلا تۈرنى تاللاپ بارلىق كۈچىگە تايىنىپ شۇ بىر ئىشنى تۇتۇپ باشتىن -ئاخىر  تەۋرەنمەي  سىجىل قىلىشتىن ئىبارەت. مەنبە:چېڭدۇ دەۋر نەشىرياتى 2014-يىلى 7-ئايلىق تۇنجى نەشىرى <<مايۈننىڭ ئىگىلىك تىكلەش دەرىسخانىسى>> ناملىق كىتاب تەرجىمە قىلغۇچى:ئەقىدە قاشگەرلىكى-ئويغۇر قاشتېشى تورى تور بەت ئادرېسى:WWW.UYHQT.COM تەرجىمان:ئابدۇللا ئۆمەر تەرجىمە تەھرىرى:ئەقىدە قاشگەرلىكىدىن رەيھانگۈل نىزام

WWW.UYHQT.COM

	ئالتىنچى دەرس ئون بىرىنچى پارگىراف كۆپ كىتاب ئوقۇمىيالمىساقمۇ مەيلى، لېكىن جەمىيئەتتىن ئىبارەت بۇ كىتابنى ئوقۇشنى  چۇقۇم بىلىشىمىز كېرەك. ھەر قانداق بىر ئىگىلىك تىكلىگۈچىگە نىسپەتەن - مەيلى سىزنىڭ ئوقۇش تارىخىڭىز قانچە يۇقىرى ۋە ياكى كەسپىڭىز قانداقچە ئالىي بولسۇن مەلۇم دەرىجىدە ئۆزلىكىدىن ئۆگىنىش ئىقتىدارى بولۇش كېرەك. ئەگەر سىز باشقىلارنىڭ ئارتۇقچىلىقىنى ئۆگىنىپ ئۇنى ئەمەلىي ئىشلەتمىسىڭىز ئۇنداقتا مەڭگۈ ئىلگىرلىيەلمەسلىكىز مۇمكىن. بولۇپمۇ دەسلەپكى ئىگىلىك تىكلىگۈچىلەرگە نىسبەتەن كەم بولغان نەرسىلەر بەك كۆپ. پۇل كەمچىل، مەبلەغ كەمچىل، تەجىربە كەمچىل، پەقەت ئىگىلىك تىكلەيمەن دېگەن يۈرەكلا بار. بۇ ۋاقىتتا سىز چوقۇم تېخىمۇ كۆپ تەجرىبىلەرنى توپلىشىمىز كېرەك، تېخىمۇ كۆپ ئەمەلى بىلىملەرنى ئىگەللىشىمىز كېرەك. بۇنىڭدا ئالدى بىلەن مۇۋەپپەقىيەت قازانغۇچىلارنىڭ  ئىشنى قانداق باشلىغانلىقى، قانداق پۇل تاپقانلىقىنى ئۆگىنىشىمىز كېرەك. ئەلۋەتتە بۇنىڭ بىلەن بىرگە سىزدە شۇلاردەك تەپەككۇر يولى بولۇشى، بۇ خىل ئىقتىدارنى يېتىلدۈرۈشىڭىز كېرەك.   ھەممىمىز مېڭنىيۇۋ ( موڭغۇل كالىسى ) گۇروھىدىكى نىيۇگىن شىڭ نى تونۇيمىز. دەسلەپتە ئۇ ئائىلە ئەھۋالى تۈپەيلىدىن مەكتەپتە تۈزۈك ئوقۇيالمىغان، 20يېشىدا خىزمەتكە كىرىشكىنىدىن باشلاپ كالا باققۇچى ئىشچى بولغان. ئەكسىچە جاپاغا بەرداشلىق بېرەلىگەچكە كالا بېقىش بىلەن بىرلىكتە ئۆزلىكىدىن ئۆگەنگەن ۋە تەجىربە توپلىغان. 1983-يىلى ئۇ ئىچكى موڭغۇل يىلى گوروھىنىڭ زاۋۇت باشلىقلىقىغا ئۆستۈرۈلگەن.   بۇ ۋاقىتتا ئۇ ئۆزىگە تېخىمۇ قاتتىق تەلەپ قويغان ۋە شىركەتنىڭ تەربىيلىشى ۋە ئۆزلىكىدىن ئۆگىنىشىگە تايىنىپ نىيۇگىڭ شىڭ 1992-يىلى يەنە بىر قېتىم ئۆستۈرۈلۈپ ئىچكى موڭغۇل يىلى گورۇھىنىڭ ئىشلەپچىقىرىشقا مەسئۇل مۇئاۋىن لېدىرلىقىغا تەيىنلەندى. كېيىن ئىچكى سەۋەبلەر تۈپەيلى بېيجىڭ ئۇنۋېرسىتىتىغا بېلىم ئاشۇرۇشقا ئەۋەتىلدى. بۇ ۋاقىتتىن پايدىلىنىپ ئۇ تەكشۈرۈش تەتقىقات ئېلىپ باردى. نۇرغۇن قېتىم ئىقتىساد دەرسلىرىنى ئاڭلىدى، بىلمەيدىغان نەرسىلىنى تېرىشىپ تولۇقلىدى. ئالىي مەكتەپ ئوقۇتقۇچىسى دەرسنى قانداق سۆزلەيدۇ؟ قانداق ئۆگىنىش ئۇسۇلىنى قوللىنىدۇ؟ تەپەككۇر ئۇسۇلى ۋە نۇقتىئى نەزىرى قانداق؟ ئۆزىنىڭ بىلمىگەنلىرى بولسىلا ئۇ ئۆگەندى،تېرىشچانلىقىغا تايىنىپ ئۇ ئاخىرىدا جۇڭگو جەمىئيەتشۇناسىلىق پەنلىرى ئىنىستىتوتىنىڭ سودا-سانائەت باشقۇرۇش كەسپى ماگىستىرلىق ئۇنۋانىنى ئالدى. نىيۇگىن شىڭ    يىلى گوروھىدىن ئايرىلىپ چىقىپ  مېڭنىيۇ(蒙牛) شىركىتىنى قۇرغۇچە توختىماستىن ئۆگەندى. توختىماستىن ئۆزىنى مۇكەممەللەشتۈردى. ئاخىرىدا « زاۋۇتى بولماسلىق، سۈت مەنبەسى بولماسلىق، بازار بولاسلىق» تەك مۇھاسىرىنى بۆسۈپ چىقىپ مىڭنىيۇ سۈتچىلىك  شىركىتىنى قۇرۇپ چىقتى.        مايۈن:«ئىگىلىك تىكلىگۈچىلەرنىڭ ئەڭ ياخشى مەكتىپى جەمىيئەت» دېگەن. ئۇ « تولۇقسىز ئوتتۇرا مەكتەپ ئوقۇغۇچىسىمۇ ئىگىلىك تىكلىسە بولىدۇ. چۈنكى تولۇقسىز ئوتتۇرا ئوقۇغۇچىسىنىڭ جەمىيئەتتىن ئالغان بىلىمى باشقىلاردىن كۆپ بولىدۇ، بىراق يەكۈنلەپ چىقىشنى بىلىش كېرەك>> دەيدۇ.   مايۈن:«دوكتۇرلۇق ئۇنۋانىنى ئالغىنىمىز پەقەت ھەقىقى تۇرمۇش سىناقلىرىنىڭ باشلانغىلا خالاس.مەن بىر دوكتۇرنىڭ ئۆزىنى چوڭ چاغلىماي ئاددىي ئىشلاردىن ئىش باشلىشىنى ئۈمىد قىلىمەن.چۈنكى نۇرغۇن كىشلەر ئۆزىنىڭ ئوقۇش تارىخى يۇقىرى بولغانلىقى ئۈچۈن ئۆزىنى ئادەتتىكى ئىشقا ئۇرۇپ كەتمەيدۇ. مېنىڭچە دوكتۇرلانىڭ ئاسپىرانتلاردىن پەقەت ئۈچ يىللىق تەقلىدى ئىمتىھانى كۆپلا خالاس ، ئاسپىرانتلارنىڭمۇ ھەم باكلاۋۇرلاردىن ئىككى يىل كۆپ....» دەيدۇ.   تېخنىكا تەجىربسى، ئوقۇش تارىخى - بۇلارنىڭ ھېچقايسى ئىگىلىك تىكلىگۈچىلەر چوقۇم ھازىرلىمىسا بولايدىغان شەرت ئەمەس، بۇلارنىڭ ھەممىسىنى  ئىگىلىك تىكلەش دېگىلى بولمايدۇ ، مەبلەغ سېلىش دېسە توغرا بولىدۇ. بىر ئىش تەۋرەتمەكچى بولغان ئادەمدە ئالغا ئىلگىرلەش روھى بولۇشى كېرەك. ئۆزلىكىدىن ئۆگىنىش روھى، غەيرەت، ۋە سەزگۈر ھۆكۈم قىلىش ۋە كەسكىن قارار قىلىش ئىقتىدارى بولۇشى كېرەك. شۇنداق ئادەمنىڭ يۇقىرى ئوقۇش تارىخى بولمىغان تەقدىردىمۇ ئوخشاشلا مۇۋەپپىقىيەت قازىنالايدۇ.   «جۇڭگودىكى رىقابەت» پىروگىراممىسىدا جاڭ يىدو ئىسىملىك بىر ماھىر بولۇپ دەسلەپتە ئۇ چەتئەلدەMBA (سودا ، سانائەت باشقۇرۇش ماگىستىرلىق ئۇنۋانى ) دە ئوقۇغان، ۋەتەنگە قايتقاندىن كېيىن شىڭدا ئويۇنچۇقلىرى شىركىتىدە يېرىم يىل ئىشلىگەن  ۋە ئىگىلىك تىكلەشنى باشلىغان. ئۇنىڭ مۇسابىقىگە قاتناشتۇرغان ئەسىرى بولسا « تور ئويۇنلىرىنى بېرىكتۈرۈش تېخنىكىسى ۋە يىراق مۇساپىلىق ئوقۇتۇش ئوقۇتۇش ئاساسى مەقسىتى بولۇپ ئويۇن سۇپىسى قۇرۇش، بىلىمنى ئۆگىنىشنىڭ ئىچىگە سىڭدۈرۈپ ئويۇن ئارقىلىق بېلىمگە ئېرىشىش>>   مايۈن بۇنىڭغا قارىتا مۇنداق تەكلىپ بەرگەن:« پىلانىڭىز يامان ئەمەس ئىكەن، قىلغان ئىشىڭىز ئېغىر بېسىق، مەنتىقىگە ئۇيغۇن كېلىدىكەن. مېنىڭچە ئىگىلىك تىكلىگۈچى بىر يول ئاچقۇچىدۇر ، مەن سىزنىڭ بايىقى ئويىڭىزنى قوللايمەن ، MBA دە ئۆگەنگەن نۇرغۇن بېلىمىڭىز ئىھتىمال ئىشلىمەسلىكى  مۇمكىن.شۇڭلاشقا نۇرغۇن ۋاقىتتا ئىگىلىك تىكلىگۈچىلەر ئۆزى ئېنىق بىلمىگەن ئەھۋالدا ئىگىلىك تىكلەش يولىغا ماڭىدۇ، ئەكسىچە  بىلىپ بولغاندىن كېيىن ئىگىلىك تىكلىمەيدۇ. كىتابنى كۆپ ئوقۇمىغان بولسا ھېچقىسى يوق ،بىراق جەمىيئەتتىن ئىبارەت بۇ كىتابنى ياخشى ئوقۇمىسا بولمايدۇ.>>   مايۈن:«ئۆگىنىش شەكلىدىكى ئىگىلىك دائىم بىر مەسىلىگە دۇچ كېلىدۇ. ئۇ - ئىگىلىك تىكلىگۈچىلەرنى دائىم ماكرودىن مېكروغا ئىتتىرىپ بارىدۇ. دۆلەتنىڭ ھەتتا خەلقئارا ئىقتىسادقا ئاساسەن بىر قاتار ئىگىلىك تىكلەش يۆلىنىشلىرىنى پىلانلاپ چىقىدۇ.بۇلار ئىنتايىن تېخنىكىلاشقان. مەنبە:چېڭدۇ دەۋر نەشىرياتى 2014-يىلى 7-ئايلىق تۇنجى نەشىرى <<مايۈننىڭ ئىگىلىك تىكلەش دەرىسخانىسى>> ناملىق كىتاب تەرجىمە قىلغۇچى:ئەقىدە قاشگەرلىكى-ئويغۇر قاشتېشى تورى تور بەت ئادرېسى:WWW.UYHQT.COM تەرجىمان:ئابدۇللا ئۆمەر تەرجىمە تەھرىرى:ئەقىدە قاشگەرلىكىدىن رەيھانگۈل نىزام