پىكىر ئەركىنلىكى ۋە يىڭى ئىدىيە(ئۇمۇن)

sheydai

mustafaoguz يوللىغان ۋاقتى  2015-3-15 02:13
بۇرادىرىم دىگەن كەلىمىڭىز ئالگو1991 قىرىندىشىمىزنىڭ ئى ...

دەرۋەقە سىز دەۋاتقان ئىلغار ئىدىيە دەل پوسىتىۋىزىم. پوزىتىۋىزىملىق نۇقتىسىدىن ئىنسانلارنىڭ تەرەققىيات باسقۇچى
دىنشۇناسلىق باسقۇچى،
مېتافىزىكىلىق باسقۇچ،
ئاكتىپ باسقۇچ لاردىن ئىبارەت ئۈچ باسقۇچتىن ئۆتۈشى كېرەك. بۇ باسقۇچلاردىن مېتافىزىكا باسقۇچىغا كەلگەندە دىن ئېتىراپ قىلىنماستىن ئىلاھنىڭ ئورنىنى سۇبىكتىپ يەنى مەۋھۈم بولغان نەرسىلەر ئىگەللىشى كېرەك. ئۈچىنچى باسقۇچ يەنى ئاكتىپ باسقۇچتا ئىنسانلار ئەشۇ مىتافىزىكىدىكى ئىلاھنىڭ يوقلۇغىنى ئىلمىي ياكى پەننىي ئىسپاتلار ئارقىلىق ئىسپاتلاپ چىقىشى كېرەك. ئەمما بۇ بۈگۈنكى كۈنگە كەلگۈچە دۇنيادا ھېچكىم ئىسپاتلاپ باقمىغان ھەم ئىسپاتلىيالمايدىغان مەسىلە. شۇڭا مېنىڭ كۆز قارىشىمدا پوزىتىۋىزىم بىر نەزەرىيە بولۇش سۈپىتى بىلەن تېخى تولۇق ئىسپاتلانمىغان، تەسىر دائىرىسى مەلۇم توپنىلا ئۆز ئىچىگە ئالغان پەلسەپەلىك قاراش دەپ بىلىمەن. ئەلۋەتتە ئۇمۇن ئەپەندىنىڭ بۇ نەزەرىيەسىنى شەخسەن مەنمۇ قوبۇل قىلمايمەن. ئەمەلىيەتتە ئىتنىڭ تىلىدەك ئۇزۇن قىلىپ قوللايدىغىنىم توغرىسىدا ئىنكاس يېزىش بىلەن بىر ۋاقىتتا، جەمىيىتىمىزگە ھازىرنىڭ ئۆزىدە ماس كەلگۈدەك دەپ قارىغان كۆز قارىشىمنى شەرھىلىگەن بولدۇم. ئۇمۇن ئەپەندى مەن ئىنكاس يېزىۋاتقان تېمىلىرىدىن ئالدىنقىسىدا جەمىيىتىمىزگە ھەمجىنىسلىقلارنىڭ ئورنىنى ئېتىراپ قىلدۇرغىسى كەلدى. ئەمما كۈچلۈك قارشىلىققا ئۇچرىغىنىدىن كىيىن، يەنە بىر نورمال تېمىنى مۇنبەرگە سۇندى. ئۇنىڭغا كۆپچىلىگەن تورداشلار ئىجابىي باھالارنى بەرگەن بولدى. بۇ تېمىسىدا سىز دىگەندەك چىرايلىق نىقاپلارغا ئوراپ تۇرۇپ پوزىتىۋىزىمنى تەرغىپ قىلىپ كەپتۇ. مەن ئۇنىڭ يەنە نېمىلەرنى، قانداق مەخسەتتە بازىرىمىزغا ئېلىپ كىرىدىغىنىنى كۆرۈپ باقماقچى ئىدىم. شۇڭا ئالايىتەن تورداشلارنىڭ مۇشۇ تېمىغا قالايمىقان ئىنكاسلارنى يازماي ساغلام، ئەدەپلىك ئىنكاس يېزىشىنى تەۋسىيە قىلغان ئىدىم ھەم شۇنىڭ كويىدا بولۇپ كەلگەن . بەزى ئۆتكۈررەك ئىنكاسلارغا رەندە سېلىپ دىگەندەك، كۆرۈپ باقاتتۇق. ئەپسۇس بۇ پەردىنى ئويلىمىغان يەدىن يىرتىپ تاشلىدىڭىز.
شۇنداقمۇ ئۇمۇن ئەپەندى؟ سىز ھازىرنىڭ ئۆزىدە قايسى دىن مۇرىتى ھىساپلىنىسىز؟ شۇنى سوراپ باققۇم كەلدى. يەنە قانداق يېڭىلىقلارنى جەمىيىتىمىزگە سۇنۇشنى پىلانلاۋاتىسىز؟ قارىسام پىكىرلىرىڭىز خېلى ئوچۇق راۋاندەك قىلىدۇ. ئەلۋەتتە ماڭا قارىغاندا. سىز ئوچۇق پىكىرىڭىزنى ئەمەلىي ئەھۋالىمىزغا توغرىلاپ ساغلام پىكىر يۈرگۈزسىڭىزمۇ بولاتتى. مەن يەنىلا شۇ يولنى تاللىشىڭىزنى تەۋسىيە قىلىمەن.

tugrul525

  كۆپىنچە ئىنسانلار ئەنئەنىۋىي ئەخلاق تۈزۈلمىلىرى  تەرىپىدىن قاتمۇقات زەنجىرلىۋىتىلگەن ئىدىيە ئاستىدا ياشايدۇ.كىشىلەرنىڭ بۇ خىل زەنجىرلەرنى پاچاقلاپ تاشلىۋىتىشى ئىنتايىن تەس ئىش.چۈنكى ئۇ خىل چەكلىگۈچى ئىدىيەلەر كىشىلەرنىڭ بالىلىق ۋاقىتلىرىدىن تارتىپ ئورناشقا باشلىغان بولىدۇ.ئائىلىنىڭ،جەمئىيەتنىڭ ۋە مەكتەپنىڭ ئەڭ ئۇششاق ھالقىلىرىدىن  تارتىپ ئەڭ چوڭ رەسمىيەتلىرىگىچە بالىلار ئىدىيە قوبۇل قىلىدۇ.قانچە كىچىك قوبۇل قىلغان ئىدىيە شۇنچە مۇستەھكەم ساقلىنىدۇ.ھەرقانداق ئىدىيەنى بالىنىڭ كاللىسىغا مۇستەھكەملىۋىتىش قاتىللىقتۇر.

ئۇمۇن بۇرادەر، يازما ئەمەس، ياز!!!! يازساڭمۇ تۈزۈك بىرنەرسە ياز. ھەممە ھۈنەرنىڭ ئۆزىگە چۇشلۇق دىققەت قىلىدىغان نازۇك جايلېرى بۇلىدۇ. يېزىقچىلىقمۇ بىر ھۈنەر. دىققەت قىلغىن. كۆپ ئويلىنىپ ئاز ياز. يازغانلېرىڭغا ئىگە بۇلۇشنى ئۆگەن. مېنى تونىمىغاندىن كېيىن، بىلمىگەندىن كېيىن نىمىلا يازسام بۇلىدىغان ئوخشايدۇ،دەپ قالمىغىن. چۈنكى يازغانلېرىڭنى تور دۇنياسىدىكى سېنىڭ يېزىقىڭنى تونۇيدىغان ھەممە ئادەم كۆرىدىغان ئىش. سەت تۇرىدۇ.  مەن دىمىگەن دەپ تۇرىۋالما، يازغانلېرىڭدىنلا پايدىلىنىمەن.

سېنىڭچە بولغاندا كۆپ قىسىم‹ئۆزەممۇ شۇنىڭ ئىچىدە› كىشىلېرىمىزنىڭ تۇغۇلۇپلا ئۇزۇن ئۆتمەي، جامائەت چاقىرىپ قۇلىقىغا ئىدىيە سىڭدۈرىلىشى  قاتىللىقكەندە؟!؟! بۇ قاتىل  ئاتا-ئانا بولغۇچى  بىلەن جامائەتكەندە؟!؟! يەنە شۇنىڭغا ئوخشاش ھەممىمىزنىڭ ئاتا-ئانىسى ۋە ئەتراپىدىكى جامائەت  قاتىلكەندە؟!؟! ئىنساپ بىلەن پاراڭ قىلايلى ئاداش. چىڭگىزخانمۇ سالمىغان پاراڭنى سالىدىكەنسەن.

parangqi

مەۋجۇتـلۇق ۋە تەرەققىيات بارلىق نەزەرىيىۋى ئويلىنشلارنىڭ چىقىش نوقتىسى.

    قىممىتى بار نەرسىلەرنىڭ مەۋجۇت بولىدىغانلىقى، قىممىتى تۈگىگەن نەرسىلەرنىڭ يوقىلىدىغانلىقى، مەۋجۇدىيەتنىڭ كونكرت شەكىللىرىنىڭ كۆپ تەرەپلىمە ئامىللىرى ئىچىدە بەزىلىرىنىڭ قىممىتى ئۇزاق ۋاقىتلىق، بەزىلىرىنىڭ قىسقا ۋاقىتلىق بولىدىغانلىقىدا تالاش-تارتىش بولماسلىقى مۈمكىن. ئەگەر بۇنى ئېتىراپ قىلىدىكەنسىز، ئۇنداقتا، مەۋجۇت بولۇپ تۇرغان نەرسىلەرنىڭ ھەرقايسى قىسىم، بۆلەكلىرى ئۈستىدە چوڭقۇر، كەڭ بولغان ئىزدىنىش، چۈشىنىش،باھالاش ئېلىپ بېرىڭ. بۇلارنى ئورۇنلاپ باقمىغان، ئورۇنلاپ بولالمىغان بولسىڭىز، نىمىلەرنىڭ كونا، نىمىلەرنىڭ يېڭى ئىكەنلىكىگە، نىمىلەرنىڭ ئىلغار، نىمىلەرنىڭ قالاق(ۋاقتى ئۆتكەن) ئىكەنلىكىگە ھەقىقەتلىك ھۆكۈم قىلالمايسىز.

جەمئىيەتشۇناسلىق جەمئىيەتنىڭ ھەرقايسى تەرەپلەردىكى مەزمۇنلىرىنى سېستىما ھالىتىدە كۈزىتىشنى تەلەپ قىلىدۇ. ئۆزئارا باغلىنىشلىق-بىربىرىگە تەسىرچان بۆلەك، قىسىم، ئامىل، قاتلام، مەزمۇنلارنىڭ مۇستەھكەم قۇرۇلمىسىدىن ئىبارەت بولغان كىشىلىك توپ-جەمئىيەتتە مەنىۋىيەت  يۇقۇرى قاتلامدا، ئىدىلوگىيە يادرولۇق ئورۇندا تۇرىدۇ. ئىدىلوگىيە-ئۇ روھتۇر، گويا جاندۇر. مەۋجۇت ئىدىلوگىيە ئۈستىدە باھالاشلارنى قىلىش، ھۆكۈملەردە بولۇشنى چەكلەش مۇتىھەملىك دەپ قارىساممۇ، لېكىن زۆرۈر چەكلىمىلەرنىڭمۇ قىممىتى بارلىقىنى ئېتىراپ قىلماي تۇرالمايمەن، چۈنكى ئىدىلوگىيىلىك سىلكىنىش پۈتكۈل قۇرۇلمىنىڭ سىلكىنىشىگە ئېلىپ بارىدۇ. بۇنداق سىلكىنىش، تېزلىنىشچان ھەركەت شەكلىدە بولۇشىمۇ مۈمكىن،  يىمىرىلىش، ئاغدۇرۇلۇش شەكلىدىكى سىلكىنىش بولۇشىمۇ مۈمكىن. ئوخشىمىغان قىممەت يۆنىلىشىدىكى ھەر خىل ئىدىيىلەردىن ھاسىل بولغان تەڭ تەسىر قىلغۇچى ئىدىلوگىيىلىك كۈچ بىر مۇرەككەپ جەمئىيەتنىڭ ئەمەلىي تۇرمۇشىنى بەلگىلەپ قويىدۇ. شۇڭا  جەمئىيەتنىڭ ئىدىلوگىيە سېستىمىسىغا قاراپ چىققاندا ھەرقايسىسىنىڭ ئورنى ۋە ئۆزئارا تەسىرىگە، ئەمەلىي رولىغا،  ئېھتىمالدىكى رولىغا بەكرەك دىققەت قىلىش، شۇ ئاساستا ھەرقايسىسىنىڭ قىممىتىگە ھۆكۈم قىلىشقا سەل قارالماسلىقى كېرەك.

alnap115

بىرەر نىشان بىلەن يازغان چىراي....

قارماققا چۈشۈپ قالماي جۇما... ئىنكاس يازماي

alnap115

بۇنىڭدىن بەك 开放 بوپ نەگە بارىتىكى

Danalar

بۈگۈنكى دۇنيا ئېنتايىن مۇرەككەپ بولغان ئىجدىمائى  ۋە ماددى قۇرۇلمىغا  ۋە بۇنىڭغا ماس بولغان مۇرەككەپ ئېدىيە -پەلسەپە سېستىمىسىغا ئېگە.  دېمەك شەخىسنىڭ ئېڭىدىكى  ئېدىيە ۋە پەلسەپىنىڭ ئۆتمۈشتىكىدەك بېۋاستە كۈچى ۋە رولى ئاساسەن يوق.
ئۇيغۇرلارنىڭ ئېنسانلار جەمىيىتىدىكى  ئىلغار ھېسابلانغان ئدىيەلەرنى قوبۇل قىلالماسلىغى قانداقتۇر بېكىنمىچىلىك، نادانلىق ۋەھاكازالار بولماستىن بەلكى ئۇيغۇرلار ئىلغار ئېدىيەگە ماس ئىجدىمائى ۋە ماددى تەركىپلىك جەمىيەت قۇرۇلمىسىنى يارىتىش ئېمكانىيىتىدىن مەھروم قېلىۋاتقانلىغىدۇر.  بۈگۈنكى دۇنيادا ئېدىيەلەر بىر شەخىسنىڭ كاللىسىدىن يەنە بىر شەخىسنىڭ كاللىسىغا ئەمەس بەلكى دۇنيالاشقان شىركەت، مەكتەپ ،ئىتىپاق، جەمىيەت دېگەندەك قۇرۇلمىلار ئارقىلىق شەخىسكە تەسىر كۆرسىتىشى مۈمكىن. ئاخىردا دېمەكچى بولغۇنۇم، ئۇيغۇرلار يېڭى ۋە ئىلغار ئېدىيەگە نېسبەتەن ئېچىرقاش ۋە قوبۇل قىلىشقا نېسبەتەن تولۇق ھازىرلىق ھالىتىدە دېيىشكە بولىدۇ. پەقەت مەلۇم ئىلغارلىققا ۋەكىل بولالايدىغان شىركەتلەر، مەكتەپلەر، ئۇچۇر سۇپىلىرى، جەمىيەت ، تەشكىلات  ھاكازارلارنىڭ دۇنياغا كۆز ئېچىشىنىلا ساخلاپ قالدى.

Danalar

ئوخشىمىغان پىكىرلەرگە ئادىل ۋە تەرەپسىز مۇنازىرە سورۇنى ھازىرلاش ئوخشىمىغان پىكىرلەرنىڭ مەۋجۇت بولۇپ تۇرۇشىنىڭ ئاساسىدۇر.
===============
بۇ پىكىرىڭدە مەنچە مەسىلە بار.   پىكىر سورۇنلىرى ياكى بىر مۇنازىرە مۇنبىرىنىڭ ئېدىيە ۋە تەرەپسىز بار بولىشىنى تەسەۋۋۇر قىلىش قېيىن. يۇقاردا ئېيتقىنىمدەك زامانىۋى ئېدىيە ۋە ئىلغارلىقنىڭ ئۆزىگە ۋەكىللىك قىلالايدىغان، زامانىۋى جەمىيەتتە ئېدىيە تارقىتىش ۋە ئالماشتۇرۇش ئىقتىدارى بولغان ئىجدىمائى ۋە ماددى قۇرۇلمىلارسىز  كىشىلەردىكى پىكىر ۋە ئېدىيەلەرنىڭ كېلىش مەنبەسى  ئېنىق بولمايدۇ. شۇ سەۋەپتىن  ئالدى بىلەن پىكىر سورۇنلىرىنىڭ ئېنىق ئېدىيىسى ۋە تەرىپى بولىشى زۆرۈر.

yoloqi822

uduni يوللىغان ۋاقتى  2015-3-15 00:49
ئ‍ىلغار ئ‍ىدىيە دىگەن بىرلىك،ئ‍ۆملۈك دىگەننىڭ ئ‍ۆزى  ...

بۇرادەر، ئورتاق تىلغا، ئورتاق قانداشلىققا ئىگە بولغانلار ئەمەس بەلكى ئورتاق ئىددىيە ۋە ئورتاق نىشانغا ئىگە بولغانلار ئىتتىپاقلىشالايدۇ ھەم بىرلىشەلەيدۇ. سىزنىڭچە ئۇيغۇرلار ئىىتىپاق ھەم ئۆممىدۇ؟