يەر ئاستىدا پارتلىتىش ۋەزىپىسىنى ئىجرا قىلىۋاتقان ئالاھىدە قىسىملارنىڭ ھەر قايسى تارماقلىرى بۇ بىر نەچچە كۈندە ئەجەللىك ھۇجۇمغا ئۇچرىدى، ۋەن شيوڭفېيلار زېگېرلارنىڭ قوغلاپ زەربە بېرىشى سەۋەبىدىن نىشاندىن خېلىلا چەتنەپ كەتتى، ھازىر ئۇلار 17-ئەترەتنىڭ قالدۇق قىسىملىرى بىلەن بىللە بىر مەخپىي ئۆڭكۈرگە كىرىۋالدى، بىر نەچچە كۈنلۈك توخىماي جەڭ قىلىش نەتىجىسىدە بۇ ئەسكەرلەر روھىي ۋە جىسمانىي جەھەتلەردىن جىق چارچىغان ئىدى. كىچىك دىنوزاۋور ئاندىرىۋغا ئەگىشىپ قىسىملارنى بىر ئايلىنىپ چىقتى. ماشىنا ئىچىدە ياتقان يارىدارلار ۋە بىر چەتتە ئالدىراش يۈرگەن دوختۇرلارغا قاراپ ئاندىرىۋ ئىختىيارسىز ئۇھ تارتىپ قويدى. كىچىك دىنوزاۋورمۇ ئۇنىڭ ھېسسىياتىنى چۈشەنگەندەك قايغۇلۇق ھالدا بىر نەچچىنى چىقىراپ قويدى. بىر ماشىنىنىڭ يېنىغا كەلگەندە ماشىنىدىن مۇنازىرىلەشكەن ئاۋاز ئاڭلاندى، ۋەن شيوڭفېي بىلەن جىشىروف كېيىنكى قەدەمدە قانداق ھەرىكەتلىنىش توغرىسىدا مەسلىھەتلىشىۋاتقاندا ئاندىرىۋ كىرىپ كەلدى، ئاندىرىۋنىڭ كىرگىنىنى كۆرۈپ ۋەن شيوڭفېي سورىدى:
ــ ئۆلۈم-يېتىم ئەھۋالى قانداقراقكەن؟

ئالدىدا ھەر ۋاقىت ئۆرۈلۈپ كېتەي دەپ قالغان تاش كۆۋرۈك تۇراتتى، كۆۋرۈك ئاستىدا جان ئالغۇچى يۇندا كۆلچىكى بار ئىدى، توققۇز ماشىنىدىكى ئەسكەرلەرنىڭ ھەممىسى ماشىنىدىن چۈشكەندىن كېيىن، ماشىنىلار بىر-بىرلەپ ئاستا-ئاستا ئۆتۈشكە باشلىدى. يول بويى تاش پارچىلىرى توختىماي غولاپ چۈشۈشكە باشلىدى، بارلىق ئەسكەرلەرمۇ ئاۋايلاپ ئۆتۈشكە باشلىدى. ئاخىرى ئەترەت پۈتۈنلەي ئۆتۈپ بولدى. ۋەن شيوڭفېي مېڭىش ئالدىدا كامېرا ئارقىلىق بىر قىسىم كۆرۈنۈشلەرنى سىنغا ئالغاندىن كېيىن، ئىككى دانە گراناتنى ئېلىپ ئاتقاندىن كېيىن:
ــ سىلەرگە سوۋغام، قوبۇل قىلىڭلار!ــ دېدى. پارتلىغان ئوت يالقۇنى يۇندا كۆلچىكىدىكى سۇغا تۇتۇشۇپ، دەرھال كۈچلۈك ئوت ئالدى، سانسىزلىغان غەلىتە مەخلۇقلار ئوت دېڭىزىدا ئازاپلىق تىركەشمەكتە ئىدى.
قوشۇن ئىلگىرىلەش سۈرئىتىنى تېزلەتتى، ھەممەيلەن ھازىر پەقەت ۋەزىپىنى تېزراق تۈگىتىپ بۇ نەس باسقان جايدىن كېتىشنىلا ئويلايتتى. نىشانغا ئاز قالغاندا مىلتىق ئاۋازى ۋە ئېچىنىشلىق چىقىرىغان ئاۋازلار ئاڭلاندى، جىجىت يەر ئاستىدا بۇ ئاۋازلار تېخىمۇ جاراڭلىق ۋە قورقۇنچلۇق ئاڭلىناتتى! بۇنى ئاڭلىغان ھەر بىرەيلەن قوللىرىدىكى مىلتىقلىرىنى تېخىمۇ چىڭ تۇتۇشتى، ئاندىرىۋ چاقىرغۇنى ئېلىپ سورىدى:
ــ بىز 23-ئەترەت، سىلەر قانچىنچى ئەترەت؟

پلۇتون يېنىدىكى زېگېرنىڭ مۇنتىزىم قوشۇنلىرىدا ئۈچ مېڭە قۇرۇتى يىغىن ئېچىۋاتاتتى. داس:
ــ شاس، سىز نېمىشقا ھېلىقى ئىنسانلارنى دىنوزاۋور يېتىشتۈرۈش بازىسىغا كىرگۈزدىڭىز؟ ئۇ يەر بىز ئۈچۈن بەك مۇھىم!ــ دېدى. ھېلىقى شاس دېگەن مېڭە قۇرۇتى:
ــ كەچۈرۈڭ، ئۇلار بىر نەچچە يولغا بۆلۈنۈپ يەر ئاستىغا كىرگەچكە، ئۇلارنىڭ ھەممىسىگە قوغلاپ ھۇجۇم قىلىش مۇمكىن بولمىدى. مەن دەرھال قوشۇن يۆتكەپ ئۇلارنى يېتىشتۈرۈش بازىسىدىن تازىلاپ چىقىرىۋېتەي،ــ دېدى. مادېس:
ــ توختاپ تۇرۇڭ شاس، ئۇلار يېتىشتۈرۈش بازىسىدىن ئايرىلغاندىن كېيىن ئۇلارغا ھۇجۇم قىلىڭ. مەن بىزنىڭ قىممەتلىك تەجرىبە بۇيۇملىرىمىزنىڭ زىيانكەشلىككە ئۇچرىشىنى خالىمايمەن، يەنە چوقۇم يەر ئاستى باكتېرىيە سىناق ئورنىنى ياخشى قوغداڭ، بىلدىڭىزمۇ؟ــ دېدى.

ماشىنا ئىشىكى يېپىلغان پەيتتە ۋەن شيوڭفېي ئەمدىلا چىققان قۇياشقا چوڭقۇر مېھرى بىلەن قاراپ قويدى، ئۇ كۆڭلىدە بۇنىڭ ئۆزىنىڭ ئاخىرقى قېتىملىق قۇياشنى كۆرۈشى بولۇپ قېلىشى مۇمكىنلىكىنى ئويلىدى! ماشىنا ئىشىكى يېپىلغاندىن كېيىن غايەت زور ئۈشكە تېز سۈرئەتتە ئايلىنىپ يەرنى تېشىپ كىرىشكە باشلىدى. بۇ «يەر تېشەر ئەجدىھا» توشۇغۇچى ماشىنىلار ئالاھىدە ئۆزگەرتىلگەن بولۇپ، يەر ئاستى 800 مېتىر چوڭقۇرلۇقتىمۇ بىمالال يۈرەلەيتتى، ئادەتتىكىلىرى بولسا پەقەت 400 مېتىر چوڭقۇرلۇقتىلا يۈرەلەيتتى. كاپىنكىدا ۋەن شيوڭفېي ئەترەت ئەزالىرى بىلەن ئۆزلىرىنىڭ قورال-ياراغلىرىنى تەكشۈرۈۋاتاتتى، جۇڭگو ئۆزى تەتقىق قىلىپ ياساپ چىققان ئەسكەرلەرنىڭ قورال-ياراغلىرى جەڭگە قاتناشقان دۆلەت ئەسكەرلىرىنىڭ ياقتۇرۇشىغا ئېرىشتى، بۇ قورال-ياراغلار قوغدىنىش جەھەتتە ئادەتتىكى ئوق ئۆتمەس كىيىملەردىن كۈچلۈك بولۇپلا قالماستىن، يەنە كۆپ يېنىك ھەم ئەپچىل ئىدى. قالپاقتىكى كۆز قوغداش ئەينىكىدە ئېنفېرا قىزىل نۇر ۋە كىچىك تىپتىكى رادار ئىقتىدارى بولغاندىن سىرت، يەنە قالپاقتا سىمسىز ئالاقىلاشقۇ، ئوكسىگېن ماسكىسىمۇ بار ئىدى. قوراللاردىن «قىزىل يۇلتۇز» زەربە مىلتىقى ۋە AT63 لازېرلىق مىلتىق، قوغدىنىشقا ئىشلىتىلىدىغان تاپانچا، خەنجەر، كۆيدۈرگۈچ بومبا، يەنە بىر قىسىم زۆرۈر كىچىك تىپلىق تاكتىكىلىق يادرو ئوق بېشى بار ئىدى. بەزى ئەسكەرلەردە يەنە ئېلىپ يۈرۈشكە ئەپلىك سېيرىلما زەمبىرەكمۇ بار ئىدى! بۇ قېتىمقى ھەرىكەتكە جەمئىي 1876 ئادەم قاتناشقان بولۇپ، ھەممىسى ھەر قايسى دۆلەت ئالاھىدە قىسىملىرىدىكى ئەڭ سەرخىل ئەسكەرلەردىن ئىدى! ۋەزىپە بولسا زېگېرنىڭ يەر ئاستىدىكى ئۇۋىسىنىڭ ئەتراپىغا 56 جايغا كىچىك تىپتىكى يادرو ئوق بېشىنى ئورنىتىپ پارتلىتىش ئىدى، 200 مېتىر چوڭقۇرلۇققا يەتكەندە ماشىنىلار ئوندىن بولۇپ تۆت تەرەپكە ئايرىلىپ مېڭىشتى.

2010-يىلى 6-نويابىر، يەرشارىدىكى بارلىق دۆلەتلەر بىرلىككە كەلدى. يىغىن ئاخىرلاشقاندىن كېيىن، بىر كۈن ئۆتۈپلا، پەلەستىن بىلەن ئىسرائىلىيە ئۇرۇش توختاتقانلىقىنى جاكارلىدى، كىشىنىڭ ئويلىغىنىدەك، پەلەستىن ۋە ئىسرائىلىيە ئىككى دۆلەتنىڭ باشلىقلىرى تېلېۋىزىيە نۇتقى سۆزلەپ ئۆزئارا ئەپۇ سوراشتى. ب د ت ياپونىيىگە بولغان ھەربىي جازانى بىكار قىلىپ، ئۇنىڭ پەقەت كىچىك كۆلەملىك قوغدىنىش ئەترىتىگە ئىگە بولۇشىغا يول قويدى، ياپونىيىنى نازارەت قىلىۋاتقان ھەر قايسى دۆلەتلەرنىڭ ياپونىيىدە تۇرۇشلۇق قوشۇنى ۋاقتىنچە چېكىندۈرۈلمەيدىغان بولدى. دۇنيانىڭ نۇرغۇن رايونلىرىدىكى ھەربىي توقۇنۇشلار تىنجىدى، ھەرقايسى دۆلەتلەردە زور تۈركۈمدە ئالەم كېمىسى ياساش شامىلى كۆتۈرۈلدى. جۇڭگو، روسىيە، ئامېرىكا ئۈچ دۆلەت ھەر قايسى ئەللەرگە ئالىم ۋە تېخنىكلارنى ئەۋەتىپ، ئۇلارنىڭ قۇرۇلۇشىغا ياردەم بەردى، دۇنيا خەلقى ئۇنچە ھەيران قالغاندەك ئەمەس ئىدى، چۈنكى بۇ بىر يىلدا كىشىنى ھەيران قالدۇرىدىغان ئىشلار بەك كۆپ بولۇپ كەتكەن ئىدى!
2010-يىلى 9-نويابىر كەچ، بېيجىڭ شەھىرىدە نۇرغۇن شەھەر خەلقى تېلېۋىزور ئالدىدا ئولتۇرۇپ، ئادىتى بويىچە سائەت 7 دە بېرىلىدىغان خەۋەرلەر پروگراممىسىنى (مەملىكەت خەۋەرلىرى ۋە خەلقئارا خەۋەرلەر بولسا كېرەك، نىدادىن) كۆرمەكچى بولۇپ تۇراتتى، ئەمما بۈگۈنكى دىكتور قايغۇرغان قىياپەتتە قىسقىغىنە بىر نەچچە ئېغىز سۆز قىلدى:
ــ بۈگۈن ئالاھىدە بىر خەۋەرنى ئاڭلىتىمىز، دۆلەت رەئىسى لى شياڭ پۈتۈن مەملىكەن خەلقىگە مۇھىم بىر ئىشنى ئۇقتۇرىدۇ.

2010-يىلى 5-نويابىر، مىسىر قاھىرە خەلقئارا ئايروپورتىدىن ئۇچقان توشۇغۇچى ئۇچقۇدا ئافرىقا ئالدىنقى سېپىدىن قايتقان ئەسكەرلەر ئولتۇراتتى، بۇ ئەسكەرلەر ئۇچقۇدا غەلىتىلا جىمجىت ئولتۇرۇشاتتى، يۈزلىرىدىن ئىشىنەلمىگەندەك ھېسسىيات ئىپادىلىنەتتى. بۈگۈن يەنە جۇڭگونىڭ پۈتۈن كۈچ بىلەن قىلغان ياردىمى ئاستىدا روسىيىنىڭ تۆت دانە ئالەم كېمىسى پۈتۈپ، جۇڭگودىن كېيىنكى ئالەمگە يۈرۈش قىلغان 2-دۆلەت بولۇپ قالدى. روسىيە ئەلباشى گروزىننىڭ تەكلىپىگە بىنائەن، جۇڭگو دۆلەت رەئىسى لى شياڭ ۋە ئامېرىكا ئەلباشى فوبۇسلار روسىيە پايتەختى موسكۋانىڭ شىمالىدىكى ئالەم كېمىسى قويۇپ بېرىش بازىسىغا كېلىپ، ئالەم كېمىسىنىڭ قويۇپ بېرىلىشىنى كۆردى. بازىنىڭ ئەتراپىغا ئادەملەر لىققىدە توپلىشىپ كېتىشكەن ئىدى. نۇرغۇن روسىيىلىكلەر تۆنۈگۈن كەۋتىن باشلاپلا بۇ يەردە ئىزچىل كۈتۈپ، بۈگۈنكى ئالەم كېمىسىنىڭ قويۇپ بېرىلىشىنى كۆردى! دەل چۈش سائەت 12 دە روسىيە ئەلباشى گروزىن، جۇڭگو رەئىسى لى شياڭ، ئامېرىكا ئەلباشى فوبۇس قاتارلىقلار دەل ۋاقتىدا بازىغا كەلدى. ئۈچ دۆلەت رەھبەرلىرى قىسقىغىنە سۆز قىلغاندىن كېيىن مۇراسىم رەسمىي باشلاندى. 12:40 تا تۆت دانە ئالەم كېمىسى بازىدىن ئاستا-ئاستا كۆتۈرۈلدى. «1،2،3،4،5، ئۇچسۇن!» دېگەن بۇيرۇق بىلەنلا، تۆت دانە ئالەم كېمىسى يەردىن ئايرىلىپ ئالەم بوشلۇقىغا قاراپ ئۇچۇپ كەتتى، مەيداندىكى روسىيىلىكلەرنىڭ ئالقىش سادالىرى پەلەككە ياڭرىدى! بىر دەم ئۇچقاندىن كېيىن ئالەم كېمىلىرى جۇڭگونىڭ ئاي شارى بازىسىغا يېتىپ كەلدى. ئاي شارى بازىسىدىكى خادىملار ئاللىقاچان كۈتۈۋېلىش تەييارلىقىنى پۈتتۈرگەن ئىدى.