2012-يىل 7-سىنتەبىر كۈنى نەنجىڭلىق دىڭ ئەپەندى پۇلدان(ATM) غا پۇل قويۇش جەريانىدا، مەشغۇلات خاتا بولغانلىقتىن پۇلدان ئۇنىڭ بىر تۈمەن يۈەن پۇلىنى يۈتۈۋالغان، ئۇ بانكىغا تېل قىلغاندا، بانكىدىكىلەر ئىككى خىزمەت كۈنىدە پۇلىنى قايتۇرۇۋالالايدىغانلىقىنى ئېيتقان، دىڭ ئەپەندى باشقا بىر تېلدا بانكىدىكىلەرگە پۇلداننىڭ ئۈچمىڭ يۈەن پۇلنى ئارتۇق چىقىرىپ بەرگەنلىكىنى ئېيتقاندا، بانكىدىكىلەر بەش مىنۇت ئىچىدە يېتىپ كەلگەن.

بانكا تەرەپ بۇنىڭغا 1-خىل ئەھۋالدا خېرىدارلارنىڭ نەقپۇل بىخەتەرلىكىگە تەسىرى بولمايدىغانلىقىنى، ئىككى خىزمەت كۈنىدە ھېسابات سېلىشتۇرۇلۇپ، نەق مەيداندىكى سىن خاتىرىسگە ئاساسەن خېرىدارلارنىڭ پۇلىنىڭ قايتۇرۇپ بېرىلىدىغانلىقىنى؛ 2- خىل ئەھۋالدا بولسا، گەرچە بۇ خىل ئەھۋالنىڭ كۆرۈلۈش نىسبىتى ئىنتايىن تۆۋەن بولسىمۇ، خېرىدارلارنىڭ نەقپۇل بىخەتەرلىكىگە تەسىر يېتىدىغانلىقىنى ئېيتىپ چۈشەنچە بەرگەن.

ئادۋوكاتلار بۇنى ئادالەتسىزلىك دەپ باھالىغان. ئۇلارنىڭ ئېيتىشىچە: ئەگەر نەق مەيداندىكى سىنكۆز (监控器) دەل خېرىدار پۇل قويۇۋاتقان چاغدىكى كۆرۈنۈشنى كاشىلا سەۋەبىدىن تارتمىغان بولسا، ئۇنداقتا خېرىدارنىڭ ھېچقانداق دەلىل-ئىسپاتى بولمايدۇ، ئۇ پۇلدان يۈتۈۋالغان پۇلىنى قانداق قايتۇرۇۋالالايدۇ؟ ئۇندىن باشقا، پۇلدان ئارتۇق پۇل يۇتۇۋالسا ئىككى خىزمەت كۈنىدە بىر تەرەپ بولىدىكەن، پۇلدان ئارتۇق پۇل چىقىرىپ بەرسە، بانكا تەرەپ بىردەمدە كېلىپ بىر تەرەپ قىلىدىكەن، بۇ بانكىنىڭ ئۆز كۈمۈچىگە ياغ تارتىپ، خېرىدارلارنىڭ مەنپەئەتىنى چەتكە قايرىلغانلىق، ھوقۇق بىلەن مەجبۇرىيەتنىڭ ئادا قىلىنىشىدىكى تەڭپۇڭسىزلىق، بۇ بانكىنىڭ مۇلازىمىتىدە يېتەرسىزلىكنىڭ مەۋجۈتلۇقىنى چۈشەندۈرپ بېرىدۇ.

خەنچە مەنبەسى: ۋاڭيى تورى http://news.163.com/12/0910/00/8B0IIQE700014AED.html