تەيۋەن ھەربىي رايونىنىڭ گېنرالى ۋاڭ تيېخېڭ تەيۋەن جىنمېن ئايروپورتىنى كۆزدىن كەچۈرىۋاتقاندا، ئىككى نەپەر ياپونىيە قارا ئەجدىھا گورۇھىنىڭ ئادىمى كىشىلەر توپىغا قارىتىپ ئىككى دانە گرانات تاشلىدى، قالايمىقانچىلىقتىن پايدىلىنىپ گېنرال ۋاڭ تيېخېڭغا قارىتىپ ئالتە پاي ئوق ئۈزدى، گېنرال ۋاڭ تيېخېڭغا تۆت پاي ئوق تېگىپ، ھاياتى خەۋپ ئاستىدا قالدى. قارا ئەجدىھا گورۇھى بولسا، ياپونىيىدىكى قارا گورۇھ تۈسىنى ئالغان تەشكىلات ئىدى! شۇنداق دېيىشكە بولىدۇكى، بۇ گورۇھ ياپونىيە ھۆكۈمىتى پۇل چىقىرىپ يۆلەيدىغان قاتىللىق تەشكىلاتى ئىدى، ئۇلار ياپونىيە ھۆكۈمىتىنىڭ پۇلىنى ئېلىپ، ھۆكۈمەت ئۈچۈن ھەر قايسى دۆلەتنىڭ دۆلەت باشلىقلىرى ۋە مۇھىم سىياسىي ئەربابلىرىنى ئۆلتۈرەتتى! ھازىر ياپونىيىدىكى ئەڭ چوڭ قارا گورۇھ بولۇپ، يېقىنقى نەچچە يىلدىن بېرىقى ھەر قايسى دۆلەت باشلىقلىرىنىڭ قەستكە ئۇچرىشى ئۇلار بىلەن مۇناسىۋەتلىك ئىدى!
جۇڭگو ئەلباشى(دۆلەت رەئىسى) لى شىياڭ ۋە دۆلەت مۇداپىئە مىنىستىرى جوۋ تيەنخۇا شەخسەن تەيۋەنگە كېلىپ ۋاڭ تيېخېڭنى يوقلىدى، تەيۋەن تەيبېي دوختۇرخانىسىدا تېخىغىچە ھۇشسىز ياتقان ۋاڭ تيېخېڭنى كۆرۈشتى، لى ئەلباشى ئاچچىقى بىلەن تىللىدى:
ــ ياپونىيە قارا ئەجدىھا گورۇھىنىڭ ئادەملىرى تەيۋەنگە قانداق سوقۇنۇپ كىرىۋالغاندۇ؟

ــ شىنجاڭدىكى ماشىنا ئادەملەر توپىلىڭى بېسىقتۇرۇلدى، شىنجاڭغا يۆتكەلگەن ھەر قايسى قىسىملارمۇ قايتىشقا باشلىدى، بازىنى رېمۇنت قىلىش خىزمىتىمۇ ئىشلىنىۋاتىدۇ! 4241دىن ئارتۇق جەڭچى قۇربان بولدى، 432 جەڭچى يارىلاندى،ــ جوۋ تيەنخۇا دوكلاتنى ئوقۇپ بولۇپ ئۇھ تارتىپ قويدى! لى رەئىس چوڭقۇر ئويلىنىۋالغاندىن كېيىن:
ــ بۇ 4241 نەپەر جەڭچىنى ئىنقىلابىي قۇربان دەپ ئەنگە ئېلىپ، ئۇلارنىڭ ئائىلە تاۋاباتلىرىغا نەپىقە پۇلى بېرىپ، بۇندىن كېيىن ئۇلارنىڭ پەرزەنتلىرىنىڭ ئوقۇش پۇلى، داۋالىنىش راسخوتلىرىنى پۈتۈنلەي كۆتۈرىۋېتەيلى، ئۇلارنىڭ روھىنىڭ خاتىرجەم بولۇشىنى ئۈمىد قىلىمەن!ــ دېدى. جوۋ تيەنخۇا بېشىنى لىڭىشتىپ:
ــ ھەي! ھازىر قولىمىزدىن كېلىدىغىنى پەقەت مۇشۇلا، جەڭچىلىرىمىز خاتىرجەم كەتسۇن!ــ دېدى. لى رەئىس داۋاملاشتۇرۇپ:
ــ بېيجىڭ دەرىجىلىك توشۇغۇچى كېمە ئىككى كۈندىن كېيىن ئۇچىدۇ، بىز شىنجاڭغا بىر بېرىپ كەلگەچ، ئاشۇ ماشىنا ئادەملەرنى كۆرۈپ كېلەيلى!ــ دېدى. جوۋ تيەنخۇا:
ــ بولىدۇ!ــ دېدى.

گېنرال لىن خەييۈن بازىغا كەلگەندە، ماشىنا ئادەملەر ھۇجۇم قىلىۋاتاتتى! كۆزەتكۈچ ئېكرانىدىن زور تۈركۈمدىكى جۇڭگو ئارمىيىسىنىڭ 100 نەچچە ماشىنا ئادەم تەرىپىدىن قىلچىمۇ قول ياندۇرغىدەك كۈچى يوق تۇرغانلىقىنى، پۈتكۈل يەرئاستى بازىسىنىڭ ئاللىقاچان قان دېڭىزىغا ئايلانغانلىقىنى، ھەممە يەردە ئۈزۈپ تاشلانغان قول-پۇتلارنىڭ تولۇپ كەتكەنلىكىنى كۆرگىلى بولاتتى! لىن خەييۈن ۋارقىراپ تاپىلىدى:
ــ قىسىملار دەرھال يەر يۈزىگە چېكىنىپ چىقسۇن، يەر ئاستى مۇداپىئە سېپىنى بىكار قىلسۇن، زاپاس قىسىملار كىرىش-چىقىش ئېغىزىدا جەڭ تەييارلىقىنى ياخشى قىلسۇن!
يۆ چېڭلۇڭ ئەنسىرىگەن ھالدا:
ــ بۇنداق قىلساق بولارمۇ؟ بازىنىڭ ئىچكى قىسمى بەكمۇ تار، ئۇ يەردە سەپ تۈزىگىلى بولمايدۇ! «قارام ئەجدىھا»مۇ رولىنى جارىي قىلدۇرالمايدۇ!ــ دېدى. لىن خەييۈن بېشىنى لىڭىشتىپ:
ــ ياق، ھەر قايسى كىرىش-چىقىش ئېغىزلىرىدا لازېرلىق زەمبىرەك ئورۇنلاشتۇرىمىز، تار كارىدور ئىچىدە ئۇلار ھەرگىزمۇ قاچالمايدۇ! بىز يەر شەكلىدىن پايدىلىنىپ ئۇلارنى تۇتۇپ تۇرىمىز، ئەسكەرلەرنىڭ ھاياتى ۋە ئۇلارنىڭ جان تىكىپ ئېلىشىشىغا يەنە تايىنىۋەرسەك بولمايدۇ،ــ دېدى. يۆ چېڭلۇڭ دەرھال بېشىنى لىڭىشىتىپ:
ــ خوپ! چۈشەندىم!ــ دېدى.

كەشمىر رايونىدىكى پاكىستان ئارمىيىسى جۇڭگو قىسىملىرىنىڭ غەلىبە پۇرسىتىدىن پايدىلىنىپ ھىندىستان قوشۇنلىرىغا قوغلاپ زەربە بەرمەستىن، ئەكسىچە تارىم ئويمانلىقىغا چېكىنگەنلىكىنى ھەمدە شىنجاڭ رايونىدا تېخىمۇ كۆپ قىسىملىرىنىڭ يىغىلىۋاتقانلىقىنى بايقىدى. ئەمما پاكىستان ئوفېتسىرى جۇڭگونىڭ كەشمىر رايونىنىڭ پاكىستاننىڭ زېمىنى ئىكەنلىكىنى ئېتىراپ قىلغانلىقىنى بىلەتتى، جۇڭگو خەلقئارادا ئىشەنچىلىك دۆلەتلەرنىڭ بىرى ھېسابلىناتتى، ئەگەر ئۇلار بۇ قىسىملىرى بىلەن پۈتۈن كۈچ بىلەن ھىندىستانغا ھۇجۇم قىلسا، بۇنىڭدىنمۇ ياخشى ئىش بولمايتتى. بىراق قارىغاندا جۇڭگونىڭ بۇنداق قىلغۇسى يوقتەك قىلاتتى، پەقەت قوشۇننى يىغقاندىن كېيىن مىدىرلاتمايۋاتاتتى!

جۇڭگو، كىشىلەر ئامېرىكا ۋە باشقا ئاسىيادىكى دۆلەتلەرنىڭ جۇڭگوغا جەڭ ئېلان قىلغانلىقىنى ئۇققاندىن كېيىن، كۆپچىلىك كىشىلەرنىڭ تاللىغىنى «سوقۇشۇش» بولدى! شۇ تاپتا كىشىلەر ئەينى چاغدىكى كۈچلۈك دۆلەتلەرنىڭ جۇڭگونى تالان-تاراج قىلغان چاغدىكى ھېسسىياتنى ھېس قىلىشقانىدى، ئامېرىكىلىقلار جەڭ قىلىپ بېسىپ كىرىپ قالسىلا، مەنچىڭ ۋاقتىدىكى كونا چۈش قايتا ئەسكە چۈشەتتى! بولۇپمۇ ياپونىيە جۇڭگوغا جەڭ ئېلان قىلغاندىن كېيىن، تەيۋەن خەلقىنى ئازات قىلىدىغانلىقىنى ئېيتتى! يالغۇز جوڭ قۇرۇقلۇقتىكىلەرلا ئەمەس، ھەتتا تەيۋەن خەلقىمۇ ياپونىيىنى ئاغزىنى بۇزۇپ تىللاشقا باشلىدى! تور بېكەتلەردە بىر قىسىم لەقۋالار ئامېرىكىنىڭ ھەققانىيەتچىلىرى كېلىپ جۇڭگودىكى جەۋرى-زۇلمەت ئىچىدە ياشاۋاتقان جۇڭگو خەلقىنى قۇتقۇزىدۇ دەپ داۋراڭ سالغاندا، بەزىلەر IP ئادرىسىغا ئاساسەن ئۇلارنى ئىزدەپ تېپىپ، ئۇلارنى دوختۇرخانىدا بىرەر ئاي ياتقۇزۇپ قويدى!

ھىندىستان جەنۇبىي ئاسىيانىڭ ئىككىنچى چوڭ قۇرۇقلۇقى ــ ھىندى ئوكيان يېرىم ئارىلىغا جايلاشقان، غەرپ، شەرق، جەنۇبى دېڭىزغا تۇتىشىدۇ. كۆلىمى 2مىليون 970مىڭ كۋادرات كلومېتىر، نوپۇسى 800مىليون ئەتراپىدا، پايتەختى يېڭى دېھلى. شىمالدا نىپال ۋە مەملىكىتىمىزنىڭ شىزاڭ بىلەن تۇتىشىدۇ. جۇڭگو ھەربىي قىسىملىرى چېڭدۇ ھەربىي رايونى 14 تانكا دېۋىزىيىسىنى شىزاڭدىكى جۇڭگو-ھىندىستان چېگرىسىغا ئاتلىنىشقا ئورۇنلاشتۇردى، بېرما ھۆكۈمىتىمۇ ئۆز يېرىدە مەملىكىتىمىزنىڭ ۋاقىتلىق ئەسكەر تۇرغۇزۇشىغا قوشۇلدى، بېيجىڭ ھەربىي رايونىنىڭ 23- ۋە 38-جىتۈەنجۈن(كوللىكتىپ ئارمىيە)لىرى بۇتانغا ئاتلاندى! پەقەت بۇتان ۋە بېنگال ئارىسىدىكى ھىندىستان شىرىگۇل(西里古里) شەھىرىنى ئالالىساقلا، بېرما رايونىدىكى ھىندىستان ئارمىيىسىنى يالغۇز قالدۇرغىلى بولاتتى. دېڭىز ئارمىيىسىنىڭ تۆت دانە «جۇڭخۇا دېڭىز ئەجدىھاسى» تىپلىق ئاۋىئاماتكىسى ۋە ئىككى فلوتى بېنگال قولتۇقىغا قاراپ ئاتلاندى، Z081 تىپلىق يادرولۇق سۇ ئاستى كېمىسى ۋە چوڭقۇر دېڭىز جەڭچىسى ياپون دېڭىزى رايونى ۋە فىلىپپىن ئەتراپىدىكى ئامېرىكا دېڭىز فلوتىنى كۆزىتىش ھەمدە ھىندىستاننىڭ ھەرقايسى ھەربىي پورتلىرىغا تۇيۇقسىز ھۇجۇم قىلىش ئۈچۈن ئالدىنئالا يۈرۈپ كەتتى. تەيۋەن قىسىملىرى ئامېرىكا قىسىملىرىدىن قوغدىنىشقا دىققەت قىلىش بۇيرۇقىنى تاپشۇرىۋالدى.

2009-يىلى 1-سېنتەبىر، شياڭگاڭ، ئاۋمېن، تەيۋەن ئايروپورتلىرى زىيادە ئالدىراش بولۇپ كەتتى، دۇنيادىكى ھەر قايسى دۆلەتلەرنىڭ تەكشۈرۈش ئۆمەكلىرى ساراڭدەك بۇ يەرگە يوپۇرۇلۇپ كەلمەكتە ئىدى، جۇڭگونىڭ ب د ت يىغىنىدا بەرگەن ئېلانى ئېنىرگىيە ئىمپورت قىلىشقا ئېھتىياجلىق نۇرغۇنلىغان كىچىك دۆلەتلەرنى ئۆزىگە جەلپ قىلغانىدى! ھەتتا فرانسىيە، گېرمانىيە، ئىتالىيە قاتارلىق غەرپتىكى دۆلەتلەرمۇ يۈگرەپ كېلىپ قىزىقچىلىق كۆرمەكتە ئىدى. شياڭگاڭ، تەيۋەن رايونلىرىدىكى بارلىق مېھمانخانىلارنىڭ ھەممىسى ھەر قايسى دۆلەتلەرنىڭ مۇتەخەسىسلەر گۇرۇپپىسى تەرىپىدىن كۆتۈرە ئېلىۋېلىنغان بولۇپ، شەخسىي شىركەتلەرنىڭ تېخنىكا گۇرۇپپىلىرى ئامالسىز كىچىك مېھمان كۈتۈشلەرگە ئورۇنلاشقان ئىدى.

ئىككى كۈندىن كېيىنكى ب د ت نىڭ يىغىنىدا، جۇڭگو ۋەكىلى يىغىن زالىغا كىرىۋاتقاندا، ھەرقايسى دۆلەتلەر ۋەكىللىرىنىڭ ئىككى كۈن ئاۋالقى كۆزگە ئىلماسلىق نەزىرى ئۆزگەرگەنىدى، بۇ دۇنيادا ئاقىدىغىنى كۈچىگە تايىنىپ سۆزلەش، ئاجىزلارنىڭ دېپلوماتىيە ھوقۇقى بولمايدۇ. يىغىن باشلىنىش بىلەنلا ئامېرىكا ۋە ئەنگىلىي ...

2009-يىلى 28-ئاۋغۇست، جۇڭگو دۇنياغا بايانات ئېلان قىلىپ، شىنجاڭ رايونىنىڭ بىخەتەرلىكى ۋە مۇقىملىقى ئۈچۈن، شىنجاڭ رايونىدىكى شەرقىي تۈركىستان تېرورچى ئۇنسۇرلىرىغا قەتئىي زەربە بېرىدىغانلىقىنى جاكارلىدى. دەل شۇ چاغدا، جۇڭگونىڭ شىزاڭ چېگرىسىدىكى توپچى قىسىم ۋەتىنىمىز تۇپرىقىغا بېسىپ كىرگەن ھىندىست ...

شەھەرگە كىرىش مۇراسىمى ئاخىرلاشقاندىن كېيىن، گېنرال ۋاڭ تيېخېڭ تەيۋەنلىق قېرىنداشلارغا مۇراجىئەتنامە ئېلان قىلدى. مۇراجىئەتنامىدا مۇنداق دېيىلگەنىدى:«مەن تەيۋەندىن ئىبارەت بۇ يۇرتىمىزنىڭ جەڭ ئوتىدا ۋەيران بولۇشىنى كۆرۈشنى خالىمايمەن، ئىككى قىرغاقتىكى قان – قېرىنداشلارنىڭ ئۆزئار قىرغىن قىلى ...