2010-يىلى 7-ئۆكتەبىر، ئامېرىكا ئەلباشى فوبۇس ئەمدىلا جۇڭگوغا كېلىشىگە، دۇنيادىكى ھەر قايسى دۆلەتلەرگە دېڭىز ئاستى تەجرىبىخانىسى بىلەن ئالاقىلىشالمىغانلىق خەۋىرى تارقالدى، جۇڭگو رەئىسى لى شياڭ ۋە روسىيە ئەلباشى گروزىن ئالدىراشچىلىقتىن باش قاشلىغۇدەك چول تاپالماي قالدى، ئۇلار ھەر قايسى دۆلەتلەرنى ئالاقزادە بولماسلىققا ۋە دەرھال قۇتقۇزۇش ئەترىتى تەشكىللەپ تەكشۈرۈشكە ئەۋەتىدىغانلىقلىرىنى جاكارلىدى، ئەمما ئۇلارنىڭ كۆڭلىگە ئۇ يەردە ھايات ئادەم قالمايدىغانلىقى ئايان ئىدى.
2010-يىلى 8-ئۆكتەبىر، فوبۇس جۇڭنەنخەيدە قىلغىلى ئىش تاپالماي زېرىكىپ ئولتۇراتتى، 20 مىنۇتلاردىن كېيىن لى رەئىس ھاسىراپ كىرىپ كەلدى. فوبۇس ئاچچىقلانغان ھالدا:
ــ ۋاي-ۋۇي، يېقىندىن بۇيان قارىغاندا بەك ئالدىراشكەنسىز-ھە!ــ دېدى. لى رەئىس تەرلىرىنى سۈرتكەچ دېدى:
ــ ئەلباشى فوبۇس ئەپەندى، بۈگۈن تۈزۈت گەپلىرىنى مەنمۇ كۆپ سۆزلىمەي! بىز گەپنىڭ پوسكاللىسىنىلا دېيىشەيلى.
فوبۇس سوغۇق كۈلۈمسىرىگىنىچە:
ــ ياخشى! مەنمۇ دەل شۇنى ئويلاپ تۇراتتىم،ــ دېدى. ئىككىيلەن ئەمدى ئولتۇرۇشىغا لى رەئىس سۆز باشلىدى:
ــ بىز پەقەت سىلەرنىڭ ئامېرىكا تېنچ ئوكيان فلوتىنىڭ «لېكىستون» ناملىق ئاۋېئاماتكا ئەترىتىنىلا قۇتقۇزالىدۇق، سىلەرنىڭ يۈتۈپ كەتكەن يەنە بىر ئاۋېئاماتكا ئەترىتى بىز بىلەن مۇناسىۋەتسىز.

ئامېرىكا تېنچ ئوكيان كېمە ئەترىتىدىكى «لېكىستون» ناملىق ئاۋېئاماتكا ئەترىتىدە بۇ ۋاقىتتا پەقەت ھەممە يېرى ئۆتمە-تۆشۈك بولۇپ كەتكەن ئاۋېئاماتكا بىلەن ئىككى دانە جەڭ كېمىسىلا قالغان بولۇپ، ئۇلار جۇڭگو-روسىيە كېمە ئەترىتىگە ئەگىشىپ چىڭداۋ پورتىغا قايتتى. كېمىدىكى باشلىق-ئەسكەرلەر تېخىغىچە قورقۇنچتىن قۇتۇلمىغان ئىدى! پۈتكۈل چىڭداۋ پورتى پۈتۈنلەي قامال قىلىنغان بولۇپ، ئەمدىلا كېمىدىن چۈشكەن ئامېرىكا ئوفېتسېر-ئەسكەرلىرى دەرھال قۇتقۇزۇش ماشىنىسىغا سېلىنىپ نېرۋىسى ئومۇمىيۈزلۈك تەكشۈرۈلدى، تازىلاش ئەترىتى ئاۋېئاماتكىغا چىققاندىن كېيىن، تۇنجى قىلغان ئىشى توختىماستىن قۇسۇش بولدى، ئاۋېئاماتكىنىڭ ھەممە يېرى قىپ-قىزىل قان ۋە جەسەتلەر بىلەن بولغان ئىدى، بۇ كۆرۈنۈشنى بەلكىم قانۇن دوختۇرلىرى كۆرسىمۇ ئۇزاق چىدالماس ئىدى، گەرچە ھەممە يېرى ھىم ئېتىلگەن قوغدىنىش كىيىمى كىيىۋالغان بولسىمۇ، ھەر بىر خادىم قولىنى بەش سانتىمېتىردىن ئېگىز قان سۈيى ئىچىگە تىقىپ، جەسەتلەرنى كۆتۈرگەندە، ھەممىسى كۆزلىرىنى يۇمۇۋېلىشاتتى. «لېكىستون» ناملىق ئاۋېئاماتكىنىڭ پالوبىسىدىكى ئۇچۇش يولى جۇڭگونىڭ «دوزاق ئوتى» ئۆزى يۈرەر زەمبىرىكى تەرىپىدىن ئىشلەتكىلى بولمايدىغان قىلىۋېتىلگەن ئىدى. بارلىق ئۇچقۇلار جۇڭگو ۋە روسىيە ئاۋېئاماتكىلىرىغا توختىتىپ قويۇلغان ئىدى. ۋەن شيوڭفېي ئاۋېئاماتكىدىن چۈشكەندىن كېيىن، ياۋۋېننى ئىزدەپ تېپىپ سورىدى:
ــ ھەي! ياۋۋېن، ئۆلۈش يارىلىنىش ئەھۋالى قانداق؟

ئامېرىكا «لېكىستون» ناملىق ئاۋېئاماتكا ئەترىتى غەلىتە مەخلۇقنىڭ خالىغانچە قىرغىن قىلىشىغا ئۇچراۋاتقاندا، ئۇچقۇلاردىكى راداردا تېخىمۇ كۆپ نامەلۇم جىسىملارنىڭ بۇ ياققا قاراپ كېلىۋاتقانلىقى مەلۇم بولدى، دراكىسنىڭ ئۈمىد يىپى پۈتۈنلەي ئۈزۈلدى! ھازىرقى ئەھۋالدىن قارىغاندا، ئۇلار بىرەر سائەتمۇ بەرداشلىق بېرەلمەيتتى، ئەگەر يەنە بىرمۇنچىسى كەلسە قانچىلىك بەرداشلىق بېرەلىشى نامەلۇم ئىدى، ئامېرىكا ئەڭ بەك پەخىرلىنىدىغان ھاۋا ئارمىيىسى بۇ يەردە ئۆز رولىنى جارىي قىلدۇرالمايۋاتاتتى، ئاستىدا تۇرۇۋاتقىنى ئۆزلىرىنىڭ كېمە ئەترىتى، بىرەر تال بومبا تاشلىسا، ئۆز ئادىمى زىيانغا ئۇچرايتتى، جەڭ ئۇچقۇلىرىمۇ ئامالسىز تۆۋەن بوشلۇقتا ئۇچۇپ، پىلىموت بىلەن ئوققا تۇتۇپ ھۇجۇم قىلدى. جەڭ ئۇچقۇلىرىنىڭ ليۇتچىكلىرى خۇشال ھالدا ئۇ غەلىتە مەخلۇقلارغا يېقىن ئارىلىقتىن قاتتىق ھۇجۇم قىلىۋاتقاندا، يەنە بىر تۈركۈم يېڭى غەلىتە مەخلۇقلار پالوبىغا يامىشىپ چىقىپ بولغان ئىدى، ئۇلارنىڭ يېرىلغان قاسراقلىرى ئارىلىقىدىن ئېتىلىپ چىققان يېشىل رەڭلىك سۇيۇقلۇقلار جەڭ ئۇچقۇلىرىغا چاچرىدى. بۇ يېشىل سۇيۇقلۇقلار ئۇچقۇ برونىسىگە چاپلىشىپلا، ئۇنى ئېرىتىشكە باشلىدى، بىر ليۇتچىك ئۆز ئۇچقۇسىنىڭ سول قانىتىنىڭ ئاستا-ئاستا چىرىپ بىر تۆشۈك ئېچىلىپ قالغانلىقىغا ھەيرانلىق بىلەن قاراپ تۇرۇپ قالغاندىن كېيىن، دەرھال ۋاقىرىدى:
ــ ئۆلگۈر، كۆپچىلىك بۇ نەرسىدىن ئېھتىيات قىلىڭلار، ئۇنىڭ كىسلاتالىق خۇسۇسىيىتى باركەن.

جۇڭگو بىلەن رۇسىيىنىڭ ھەمكارلىقى باشلانغاندىن كېيىن، يەر شارى ئۆزىنىڭ ئەڭ ئاخىرقى بىر مەزگىللىك تېنچ ۋاقىتلىرىنى ئۆتكۈزۈشكە باشلىدى، 2010-يىلى 1-ئۆكتەبىر، جۇڭگو 61 ياشلىق تۇغۇلغان كۈنىنى كۈتۈۋالدى. «جۇڭگونىڭ رەئىسى لى شياڭ تيەنئەنمېن مەيدانىدا داغدۇغىلىق پارات ئۆتكۈزمەكچى، جۇڭگونىڭ يېڭىدىن ياسالغان ئالتە دانە ئالەم كېمىسىمۇ بۇ قېتىمقى پاراتتىن ئۆتكۈزۈلىدۇ،» دېگەن بۇ خەۋەر دۇنيادىكى ھەر قايسى دۆلەتلەرنىڭ بۇ قېتىمقى پاراتقا بولغان دىققىتىنى تارتتى. 1-ئۆكتەبىر سەھەردە تيەنئەنمېن مەيدانىغا كىشىلەر لىق تولغان ئىدى، نۇرغۇنلىغان كىشىلەر تۆنۈگۈن ئاخشامدىن باشلاپلا بۇ يەردە تۈنەپ مەيداندا ساقلاپ تۇرۇشقان ئىدى. سائەت 9 دا، دۆلەت بايرىقى مۇھاپىزەت ئەترىتى جەڭچىلىرى رەتلىك ھالدا جىنشۈي كۆۋرۈكىدىن ئۆتۈپ، ھەيۋەتلىك دۆلەت گىمىنى ساداسى ئىچىدە تەنتەنىلىك ھالدا بەشيۇلتۇزلۇق قىزىل بايراقنى چىقاردى، دۆلەت بايرىقى چىقىرىلىۋاتقان شۇ پەيتتە، نۇرغۇن كىشى ئىختىيارسىز ھالدا قولىنى كۆتۈرۈپ، دۆلەت بايرىقىغا سالام بەردى. بايراق چىقىرىش مۇراسىمى ئاخىرلاشقاندىن كېيىن، لى رەئىس تيەنئەنمېن راۋىقىدا تۇرۇپ، گېلىنى قىرىپ قويۇپ سۆز باشلىدى:
ــ بۈگۈن بىزنىڭ ئۇلۇغ ۋەتىنىمىز ئۆزىنىڭ 61 ياشلىق تۇغۇلغان كۈنىنى كۈتۈۋالدى، بۇ 61 يىل جەريانىدا پارتىيىمىزنىڭ دانا رەھبەرلىكىدە، بىز تەيۋەن، ريوكتۇ تاقىم ئاراللىرىنى قايتۇرىۋالدۇق، كوممۇنىزىمنىڭ پارلاق نۇرى ئاستىدا دۆلىتىمىز دۇنيادىكى بىرىنچى ئىقتىسادىي ۋە ھەربىي چوڭ دۆلەتكە ئايلاندى. بۇ 61 يىلدا بىز قەتئىي باش ئەگمەستىن ئاخىرى قەد كۆتەردۇق، دۇنيادىكى جۇڭگوغا قارشى كۈچلەرنىڭ بىزگە بولغان قاتمۇ-قات قامىلىنى بۆسۈپ تاشلاپلا قالماستىن، يەنە دۇنيادىكى تۇنجى ئالەم قىسمىنى قۇرۇپ چىقتۇق. كەلگۈسىگە نەزەر سالساق، ئىنسانلار ھامان ئالەم بوشلۇقىغا قاراپ كېڭىيىدۇ! بىزنىڭ ئالەم قىسىملىرىمىز ھەر بىر جۇڭگولۇقنى ئېلىپ ئالەمنىڭ ئىچكىرىسىگە ئېلىپ بارىدۇ، بىز جۇڭگولۇقلارنىڭ ئاياق ئىزى ئالەمنىڭ ھەممە بۇلۇڭ-پۇچقاقلىرىغىچە يېتىپ بارىدۇ. مەن سۆزۈمنى بىر ئېغىز گەپكە يىغىنچاقلىسام: بىزنىڭ جۇڭگوغا چېقىلىشقا پېتىنغانلارنى يوقاتماي قويمايمىز!! مەن ھازىر پاراتتىن ئۆتۈش مۇراسىمىنىڭ رەسمىي باشلانغانلىقىنى جاكارلايمەن.

ئېكراندا بۇ ئالۋاستى قىسىملىرىنىڭ كېيىنكى نىشانى يەر شارى ئىكەنلىكى كۆرسىتىلگەندىن كېيىن، گروزىن بوشاشقىنىدىن ئورۇندۇقتا لاسسىدە ئولتۇرۇپ قالدى، رەئىس لى شياڭمۇ گروزىننىڭ مۇشۇنداق بولىدىغىنىنى ئاللىقاچان پەملىگەچكە، ئورۇندۇقتا ئولتۇرغىنىچە گىروزىننى ساقلىدى. بىر دەمدىن كېيىن گروزىن ئەسلىگە كەلدى، پۈتۈن بەدىنى چىپ-چىپ تەرلىگەن ھالدا جالاقلاپ تىترەپ تۇرۇپ سورىدى:
ــ بۇ نېمە ئىش؟ ئەجەبا بۇلارنىڭ ھەممىسى راستما؟
لى رەئىس بېشىنى لىڭىشتتى:
ــ شۇنداق، ئىشەنگۈسىز دەرىجىدە! ئەلباشى گروزىن، مەن بۇ ئۇچۇرنى تاپشۇرىۋالغان ۋاقىتتىمۇ ھەقىقەتەن ئىشىنەلمىگەن ئىدىم.
ــ سىلەر بۇ ئۇچۇرغا قانداق ئېرىشتىڭلار؟ــ ھەيران بولۇپ سورىدى گروزىن.
ــ ئەمەلىيەتتە مەنمۇ ئېنىق ئۇقمايمەن، بۇ ماتېرىياللار بار ئوپتىك دىسكا (نۇر دىسكا دېسەك مۇۋاپىق بولارمىكىن) ئىككى كۈن ئاۋال خەلق سارىيىنىڭ يىغىن زالىدا تۇيۇقىسىز پەيدا بولۇپ قالدى، خۇددى ئۇ يەردىن تۇيۇقسىز ئۈنۈپ چىققاندەكلا،ــ دېدى لى رەئىس. گروزىن ھۆكۈرىدى:
ــ سىلەر جۇڭگولۇقلار زادى قانچىلىك ئىشنى يوشۇردۇڭلار؟

«ئالەم بوشلۇقىدىكى ئالەم جەڭ كېمىسىنى بىزنىڭ جۇڭگولۇقلار ياساپتۇ!» دېگەن خەۋەر تارقالغاندىن كېيىن، جۇڭگو چوڭ قۇرۇقلۇقىدا قاتتىق زىلزىلە قوزغىدى، جۇڭگو دۆلەت رەئىسى لى شياڭمۇ قىسقىغىنە تېلېۋىزىيە نۇتقى ئېلان قىلىپ، ئالەم بوشلۇقىدىكى ئۈچ ئالەم كېمىسىنىڭ ھەقىقەتەن جۇڭخۇا خەلق جۇمھۇرىيىتىنىڭ ئىكەنلىكىنى جاكارلىدى. بۇ خەۋەر دۇنيا جامائەتچىلىكىنى تۈمەنلىگەن ئاتوم بومبىسى پارتلىغاندەك قاتتىق ھەيران قالدۇردى! جۇڭگو چوڭ قۇرۇقلۇقىمۇ يەنە نەچچە ئۇيقۇسىز كېچىنى كۈتۈۋالدى، كىشىلەر كۆزلىرىدىن ياش ئېقىتقىنىچە تەنتەنە قىلىشاتتى!
2010-يىلى 13-ئىيۇن، بېيجىڭ پايتەخت ئايروپورتى بەك ئالدىراش بولۇپ كەتتى، دۇنيادىكى ھەر قايسى دۆلەتلەرنىڭ ھەممە مۇخبىرلىرى دېگۈدەك بۇ يەرگە يوپۇرۇلۇپ كېلىۋاتاتتى، مەركەز ئاخبارات ئېلان قىلىش يىغىن زالى لىق توشقان ئىدى، يەنە نۇرغۇن مۇخبىرلار ئامالسىز يىغىن زالىنىڭ ئارىلىقىدىكى ئۆتۈشىدىغان يوللاردىلا تۇرۇۋېلىشقان ئىدى. جۇڭگونىڭ باياناتچىسى يىغىن زالىغا كىرىش بىلەنلا، مەيداندىكى مۇخبىرلار ئۇنىڭ سۆزىنى كۈتمەيلا ئۇنىڭغا سۇئاللارنى ياغدۇرىۋەتتى. فرانسىيە ئاگېنتلىقىنىڭ مۇخبىرى سورىدى:
ــ ئالەم بوشلۇقىدىكى ئۈچ دانە ئالەم كېمىسى راستىنلا سىلەرنىڭ جۇڭگونىڭمۇ؟

ــ سوقۇلۇشقا ئالتە سېكۇنتلا قالدى! دەرھال چەتكە تارتىڭلار!
جۇڭخۇا دەرىجىلىك چارلىغۇچى كېمىنىڭ كاپىتانى (كېمە باشلىقى) بۇ گەپنى دەپ بولۇپلا دەرھال ئۇچقۇچىلار بۆلمىسىگە يۈگۈردى، لىن خەييۈن چېن جىكۈننىڭ ئالدىغا بېرىپ:
ــ مەن ھەيدەي!ــ دېدى. چېن جىكۈن بۇ چاغدا جىددىيلەشكىنىدىن قول-پۇتلىرى كالۋالىشىپ كەتكەن ئىدى، بۇ گەپنى ئاڭلاپ ئۆزىمۇ تۇيمايلا دەرھال ئورنىنى بوشىتىپ بەردى. لىن خەييۈن دەرھال ئولتۇرۇپ، كېمىنى مىتروئىتنىڭ ئوڭ تەرىپىگە ئەگىتىپ ھەيدىدى. چېن جىكۈن جىددىيلەشكەن ھالدا:
ــ يەنە 3 سېكۇنت، 2 سېكۇنت، 1 سېكۇنت قالدى! قوزغىتىڭ!ــ دېدى. لىن خەييۈن دەرھال رولنىڭ يېنىدىكى قىزىل رەڭلىك كونۇپكىنى باستى، كېمىنىڭ قۇيرۇقىدىكى تۆت دانە ئىتتىرگۈچ دەرھال كۈچلۈك كۆك نۇر چىقاردى. (دىققەت: ئېغىرلىق كۈچىگە قارشى سىستېما پەقەت كېمىنى يۇقىرى ئۆرلىتەلەيدۇ. ئالدى-كەينىگە، ئوڭ-سولغا ھەيدەشتە يەنىلا ئىتتىرگۈچكە تايىنىلىدۇ.) كېمە بىردىنلا سۈرئىتىنى تېزلەتتى-دە، مىتروئىتنىڭ ئوڭ تەرىپىنى بويلاپ ئۇچۇپ كەتتى. بۇ چاغدا، چېن جىكۈن كۆزلىرىنى يوغان ئېچىپ، ئالاقزادىلىك بىلەن مىتروئىتقا قاراپ تۇراتتى، ئۇنىڭ ئەكسىچە لىن خەييۈن ناھايىتى سالماق ئىدى. ئايلىنىپ ئۆتۈپ كېتەيلا دەپ قالغاندا، كېمە قۇيرۇقىدىكى بىر ئىتتىرگۈچ مىتروئىتقا قاتتىق سوقۇلدى، ئىتتىرگۈچ شۇ زامان بۇزۇلدى، كېمە گەۋدىسى كۈچلۈك تەۋرىنىپ كەتتى. لىن خەييۈن بۇنى كۆرۈپ ۋاقىرىدى:
ــ دەرھال 78-نومۇرلۇق ئىشىكنى تاقاڭ.

يەر شارىنىڭ تەقدىرى بەلگىلەنگەندىن كېيىن، زېگېرنىڭ قىسىملىرى بوشلۇق ئاتلاش تېخنىكىسىدىن پايدىلىنىپ يەر شارىغا قاراپ كۆپلەپ كېلىشكە باشلىدى. بۇ چاغدا يەر شارىدىكى ھەر قايسى دۆلەتلەر نېمە قىلىۋاتقاندۇ؟ جۇڭگونىڭ چوڭقۇر دېڭىز تەجرىبىخانىسى مۇۋەپپەقىيەتلىك ياساپ پۈتكۈزۈلدى، ئۇنىڭ ياسىلىش شەكلى ۋە پايدىلىنىلغان تېخنىكىلىرى دۇنيادىكى ھەر قايسى دۆلەتلەرنى ھاڭ-تاڭ قالدۇردى. تېنچ ئوكياننىڭ دېڭىز ئاستىدىكى 4763 مېتىر چوڭقۇرلۇقىغا ياسالغان 12مىڭ ئادەمنى سىغدۇرالايدىغان بۇ زور كۆلەملىك تەتقىقات بازىسىغا جۇڭگو ئوتتۇرىغا قويغان شەرت بويىچە ھەرقايسى دۆلەت ئالىملىرى تەجرىبىخانىغا كىرىشكە ھوقۇقلۇق بولۇپ، پۈتۈنلەي دېڭىز-ئوكيان بايلىقىنى تەتقىق قىلىشقىلا ئىشلىتىلەتتى، قوغداش ۋە ئېچىش ھېچقانداق ھەربىي مەقسەد ئۈچۈن ئىشلىتىلمەيتتى.

2010-يىلى 29-مارت، شىنجاڭدىكى يەرئاستى بازا بۈگۈن بەكمۇ ئالدىراش بولۇپ كەتتى، چۈنكى بۈگۈن جۇڭگونىڭ بېيجىڭ دەرىجىلىك توشۇغۇچى كېمىسى ۋە تۆت دانە جۇڭخۇا دەرىجىلىك چارلىغۇچى كېمىسى قويۇپ بېرىلىدىغان كۈن! ھالبۇكى بۇ چاغدا رەئىس لى شياڭ جىددىيلەشكىنىدىن جايىدا پىقىراپ كېتىۋاتاتتى، چۈنكى بېيجىڭ دەرىجىلىك توشۇغۇچى كېمە قويۇپ بېرىلەيلا دەپ قالدى، ئەمما تەيۋەن ھەربىي رايونىنىڭ گېنرالى ۋاڭ تيېخېڭنىڭ نەگە كەتكەنلىكىنى تاپقىلى بولمايۋاتاتتى. بىر خوجۇلۇق ئەسكىرى يۈگۈرۈپ كىرىپ كەلدى:
ــ رەئىس، يەنە ئىككى سائەتتىن كېيىن كېمە ئۇچىدۇ.
ــ بىلدىم، دەرھال بېرىپ ۋاڭ گېنرالنى تېپىپ كېلىڭلار،ــ دېدى رەئىس بۇنى ئاڭلىغاندىن كېيىن.
ــ خوپ!
ۋاقىت سېكونت-مىنوتلاپ ئۆتۈۋاتاتتى، ئۇچۇشقا يەنە بىر سائەتلا ۋاقىت قالغاندا، جوۋ تيەنخۇا ۋاڭ تيېخېڭنى باشلاپ كىردى:
ــ لى رەئىس، ۋاڭ گېنرال تېپىلدى، بىز دەرھال كېمىگە چىقايلى!

ھىندىستاندا بۇ جەڭدە 8 مىليوندىن ئارتۇق ئادەم ئۆلگەن ئىدى، كېيىن يەنە يادرو بومبىسى پارتلىغانلىق سەۋەبىدىن 10 مىليوندىن ئارتۇق ئادەم ئۆلۈپ كەتتى!ھازىر پۈتكۈل ھىندىستان تەۋەلىكىنىڭ %46ىنى كۈچلۈك يادرو رادىئاتسىيىسى قاپلىغان بولۇپ، ھەر كۈنى يۈزلىگەن ئادەم ئۆلۈپ تۇراتتى. قىزىل كىرىست جەمئىيىتى ۋە ھەر قايسى دۆلەتلەرنىڭ قۇتقۇزۇش ئەترەتلىرى، خىمىيىلىك تازىلاش گۇرۇپپىلىرى ھىندىستانغا كەلگەندە، بۇ يەر خۇددى ھوللىۋۇدنىڭ قىيامەتنى تەسۋىرلەيدىغان كىنو ئىشلەش مەيدانىغا ئوخشاپ قالغان ئىدى. ئونمىڭلىغان ئادەملەر يادرو رادىئاتسىيىسىدە قالغان ئىدى، يەنە بەزىلەر يادرو رادىئاتسىيىسى تەسىرىدىن بەدىنىدە تۇيۇقىسىز ئۆزگىرىش يۈز بەرگەن ئىدى! ھەر قايسى دۆلەتلەرنىڭ بۇ يەرگە كەلگەن قۇتقۇزۇش ئەترەتلىرى كەلگەن تۇنجى كۈنى يېرىم كۈن گاڭگىراپ قېلىشتى، يەنە يېرىم كۈن قۇسقاندىن كېيىن خىزمەت قىلماي تۇرۇپلا نېرۋىسىدىن كېتىشكە باشلىدى! ئەينى چاغدىكى قۇتقۇزۇش خادىملىرىدىن بىرى ئىش ئاخىرلاشقاندىن كېيىن، شۇ ۋاقىتتىكى ئىشلارنى ئەسلەپ مۇنداق دېدى:
ــ ئەينى چاغدا ئۇ يەردىكى يادرو رادىئاتسىيىسىنىڭ كۈچلۈكلىكى كىشىنى ھەيران قالدۇراتتى. بىز ھەممىمىز چوقۇم نەچچە جىڭ ئېغىرلىقتىكى قوغدىنىش كىيىمىنى كىيگەندىن كېيىنلا ئاندىن رادىئاتسىيە رايونىغا كىرەلەيتتۇق! مىڭلىغان ئادەم يەردە جان تالىشىپ ئىڭرايتتى، قۇتقۇزۇش خىزمىتى باشلانغاندىن كېيىنمۇ ھەر كۈنى نۇرغۇنلىغان ئادەملەر ئۆلۈپ كېتەتتى. ئازاپلىق ئىڭرىغان ئاۋازلار، ياردەم تەلەپ قىلغان نالە ئاۋازلىرى ھەممە تەرەپتىن توختاۋسىز ئاڭلىناتتى! ئۇ يەر خۇددى بەئەينى دوزاخقىلا ئوخشاپ قالغان ئىدى، پەقەت كىنولاردىلا كۆرەلەيدىغان كۆرۈنۈشلەر كۆز ئالدىمىزدا تۇراتتى!