قەۋزىيەت ساۋاتلىرى يانبىلوگى

1. قەۋزىيەتنىڭ ئالدىنى ئالىدۇ
غىزا تالاسىنىڭ ھەجىمى چوڭ، ئۈچەينىڭ لۆمۈلدىشىنى ئىلگىرى سۈرۈپ، يېمەكلىكنىڭ ئۈچەيدە تۇرۇپ قېلىش ۋاقتىنى قىسقارتىدۇ. غىزا تالاسى تەركىبىدىكى سۇ ئاسانلىقچە قوبۇل قىلىنمايدۇ. يەنە بىر تەرەپتىن، غىزا تالاسى چوڭ ئۈچەيدە باكتېرىيە تەرىپىدىن ئېچىتىلىپ، بىۋاسىتە تالا تەركىبىدىكى سۇ قوبۇل قىلىنىپ، چوڭ تەرەتنى يۇمشىتىپ، تەرەتنى راۋانلاشتۇرۇش رولىنى ئۆتەيدۇ.
2. ئورۇقلاشقا پايدىلىق
ئومۇمەن سېمىزلىكنىڭ ھەممىسى يېمەكلىكتىكى ئىسسىقلىق ئېنېرگىيەسىنى كۆپ قوبۇل قىلىش ياكى جىسمانىي ئەمگەك ئاز بولۇش بىلەن مۇناسىۋەتلىك. غىزا تەركىبىدىكى غىزا تالاسىنىڭ مىقدارىنى ئۆستۈرگەندە، قوبۇل قىلىنغان ئىسسىقلىق ئېنېرگىيەسىنىڭ مىقدارىنى ئازايتىپ، ئۈچەيدىكى ئوزۇقلۇقنىڭ ھەزىم قىلىنىشىمۇ تۆۋەنلەيدۇ. ئەڭ ئاخىرىدا بەدەندىكى ماينىڭ سەرپ قىلىنىشىنى ئىلگىرى سۈرۈپ، ئورۇقلاش رولىنى ئوينايدۇ.
3. سەي-كۆكتات تەركىبىدىكى زور مىقداردىكى غىزا تالاسى بوغماق ئۈچەي ۋە تۈز ئۈچەي راكىنىڭ ئالدىنى ئالىدۇ
بۇ ئىككى خىل راك ئاساسلىقى يېمەكلىكنىڭ ئۈچەيدە توختاپ قېلىش ۋاقتى ئۇزۇن، ئۈچەي دىۋارىغا ئۇزاق مۇددەت يېپىشىپ تۇرغانلىقى بىلەن مۇناسىۋەتلىك. غىزادىكى تالانىڭ مىقدارىنى ئاشۇرغاندا، راك پەيدا قىلغۇچى ماددىنىڭ قويۇقلۇقى نىسبەتەن تۆۋەنلىگەندىن سىرت، ئۈچەينىڭ لۆمۈلدىشىنى غىدىقلاشنى ئىلگىرى سۈرىدۇ. بۇنىڭ بىلەن راك پەيدا قىلغۇچى ماددىلارنىڭ ئۈچەينىڭ دىۋارى بىلەن تىگىشىش ۋاقتى زور دەرىجىدە قىسقىرايدۇ. تەتقىقاتچىلار بىردەك: ئۇزاق مۇددەت ھايۋانات ئاقسىلىنى ئاساسلىق يېمەكلىك قىلغاندىن سىرت، يەنە تالانىڭ قوبۇل قىلىنىشى يېتەرلىك بولماسلىق بۇ ئىككى خىل راكنىڭ مۇھىم سەۋەبى دەپ قارايدۇ.
4. گېموروينىڭ ئالدىنى ئالىدۇ
گېموروي چوڭ تەرەتنىڭ بوغۇلۇپ قېلىشى ۋە قاننىڭ ئۇزۇن ۋاقىت توسۇلۇپ قېلىشى ۋە ئۇيۇپ قېلىشىدىن پەيدا بولىدۇ. غىزا تالاسىنىڭ تەرەتنى راۋانلاشتۇرۇش رولى بولغاچقا، مەقئەت ئەتراپىغا بولغان بېسىمنى تۆۋەنلىتىپ، قان ئايلىنىش راۋانلىشىدۇ. شۇ ئارقىلىق گېموروينىڭ ئالدىنى ئېلىش رولىنى ئۆتەيدۇ.
5. قاندىكى ماينى تۆۋەنلىتىپ، تاجىسىمان يۈرەك كېسىلىنىڭ ئالدىنى ئالىدۇ
غىزا تالاسىنىڭ تەركىبىدىكى بەزى ماددىلار مەسىلەن پېكتىن خولېستېرول بىلەن بىرىكىدۇ، لىگنىن ئۆت كىسلاتاسى بىلەن بىرىكىپ، ئۇلارنى بىۋاسىتە چوڭ تەرەتتىن چىقىرىپ، بەدەندىكى خولېستېرولنى سەرپ قىلىپ، ئۆت سۇيۇقلۇقىدىن سەرپ قىلىنغان خولېستېرولنى تولۇقلايدۇ. شۇ ئارقىلىق خولېستېرولنى تۆۋەنلىتىپ، تاجىسىمان يۈرەك كېسىلىنىڭ ئالدىنى ئېلىش رولىنى ئوينايدۇ.
6. دىيابېت كېسەللىكىنى ياخشىلايدۇ
غىزا تالاسى تەركىبىدىكى پېكتىن يېمەكلىكنىڭ ئۈچەيدە تۇرۇپ قېلىش ۋاقتىنى ئۇزارتىپ، گىلوكوزىنىڭ قوبۇل قىلىنىش سۈرئىتىنى تۆۋەنلىتىدۇ. بۇنداق بولغاندا، تاماقتىن كېيىن قان شېكىرى جىددىي ئۆرلەپ كەتمەيدۇ، بۇ دىيابېت بىمارلىرىنىڭ كېسەللىك ئەھۋالىنىڭ ياخشىلىنىشىغا پايدىلىق. يېقىنقى يىللاردىكى، تەتقىقات نەتىجىلىرىدە كۆرسىتىلىشىچە، غىزا تالاسىنىڭ قان شېكىرىنى تۆۋەنلىتىش ئۈنۈمى بولىدىكەن. 
7. ئۆتكە تاش چۈشۈشنىڭ ئالدىنى ئالىدۇ
ئۆتكە تاش چۈشۈش ئۆت سۇيۇقلۇقىدىكى خولېستېرول مىقدارىنىڭ زىيادە كۆپىيىپ كەتكەنلىكى بىلەن مۇناسىۋەتلىك. غىزا تالاسى خولېستېرول بىلەن بىرىكىپ، ئۆت سۇيۇقلۇقىنىڭ ئاجرىلىشىنى ئىلگىرى سۈرىدۇ. شۇ ئارقىلىق ئۆتكە تاش چۈشۈشنىڭ ئالدىنى ئالىدۇ. 
8. ئاياللاردىكى ئەمچەك بېزى راكىنىڭ ئالدىنى ئالىدۇ
تارقىلىشچان كېسەللىكلەر ئىلمىدە بايقىلىشىچە، ئەمچەك بېزى راكىنىڭ پەيدا بولۇشى غىزادىكى يۇقىرى ماي، يۇقىرى شېكەر، يۇقىرى گۆش تىپىدىكىلەرنىڭ غىزا تالاسىنى قوبۇل قىلىشنى تۆۋەنلىتىۋېتىدىغانلىقى بىلەن مۇناسىۋەتلىك ئىكەن. چۈنكى بەدەندىكى زىيادە ماي بەزى ھورمۇنلارنىڭ بىرىكىشىنى ئىلگىرى سۈرۈپ، ھورمۇنلار ئارا تەڭپۇڭسىزلىقنى شەكىللەندۈرۈپ، ئەمچەكتىكى ھورمۇن مىقدارىنىڭ ئۆرلەپ كېتىشىنى كەلتۈرۈپ چىقىرىدۇ.