مۇسۇلمانلارنىڭ 20-ئەسىردىكى مەغلۇبىيەتلىرى

kitabhumar

  زورلۇق كۈچ بىلەن ئۆكتەملىك قىلىدىغان قارا نىيەت (گۇرۇھلار) بىر مەھەل ئەدەپ كەتتى،جەمئىيەتتە ئۆلۈم-يېتىم (ۋەقەلىرى) ئۈزۈلمەي بولۇپ تۇردى. رادىكال دىنىي تەشكىلاتلارمۇ قەدەمدە بىر ئۇچراپ تۇراتتى. بىز بۇلاڭچىلىق ۋەقەلىرىنىڭمۇ مىسلى كۆرۈلمىگەن دەرىجىدە كۆپىيىپ كەتكەنلىكىگە، ھەتتا كوچىدا كېتىپ بارغان مۇسۇلمان ئايالنىڭمۇ مال-مۈلكىنىڭ بۇلانغانلىقى ۋە باسقۇنچىلىققا ئۇچرىغانلىقدەك قەبىھ ۋەقەلەرگە شاھىت بولدۇق. (ئۇششاق ئىشلار ئۈچۈن) بالىلار ئاتا-ئانىسىنى، ياشلار ياشانغانلارنى، چوڭلار بالىلارنى ئۆلتۈرگەن ۋە ئىلگىرى كۆرۈپ باقمىغان نۇرغۇن قورقۇنچلۇق ۋەقەلەر ھەم بېشىمىزدىن ئۆتتى.

kitabhumar

بىز غەربلىكلەرنى دورىغان چېغىمىزدا ئۇلارنىڭ ئۈمىدسىزلىك ۋە تەركىدۇنيالىق چۈشەنچىلىرىگە تولغان ئىپلاس قىلمىشلىرىنى ئۆگەندۇق يۇ، ئەمما ئۇلارنىڭ ئېلغار پەن-تېخنىكا بىلىملىرى، ئۈنۈملۈك باشقۇرۇش ۋە تەشكىللەش تەجرىبىلىرى، ئۆز-ئارا ئىتتىپاقلىشىش ۋە ھەمكارلىشىش روھى قاتارلىقلاردىن ئۆگەنمىدۇق.

kitabhumar

بىز غەربلىكلەرنىڭ خىزمەتنى قىزغىن سۆيۈش، ئۆزىنى بېغىشلاش ۋە ۋايىغا يەتكۈزۈپ قىلىش روھىدىن ئۆگەنمىدۇق. بۇ دەل ئۇلارنىڭ ئىلگىرىلىشى ۋە سانائەت تەرەققىياتىدا دۇنيانى بويسۇندۇرالىشىنىڭ سەۋەبى ئىدى. ياپونلۇقلار بۇ جەھەتتە ئۇلار بىلەن رېقابەتلىشىپمۇ كۆپ ئىلگىرىلەپ كەتتى. بىز بولساق ئۇلارنىڭ ئەكسىچە يول تۇتتۇق، ئەھۋالىمىز ھەم ئۆزىمىزگە ئايان.
يېقىنقى يىللاردىن بىرى، مەن ئەرەب دۆلەتلىرىدىن بىرىدە ئۇلارنىڭ خىزمەت ۋاقتى توغرىسىدا تەخمىنىي سىتاتسېتكا ئېلىپ بېرىپ، ئۇلارنىڭ ئوتتۇرىچە خىزمەت ۋاقتىنىڭ كۈنىگە يېرىم سائەت ئىكەنلىكىنى بايقىدىم. ئويلاپ قالدىمكى: ۋاقىتنى ئىسراپ قىلىپ، ئۆز ئۆمرىنى بىكارغا ئۆتكۈزىدىغان مىللەت قانداقمۇ تەرەققىي قىلالىسۇن؟

kitabhumar

تۇرمۇش تەجرىبىلىرىمىز بىزگە شۇنى ئېيتىپ بەردىكى: ئەدەپ-ئەخلاق ئۇرۇقى پەقەت ئىسلامنىڭ تۇپرىقى ۋە ئىماننىڭ ھاۋاسىدا ئۆسۈپ يېتىلەلەيدۇ. كىشىلەرنىڭ كاللىسىنى ماتېرىيالىزىم، مەنپەئەتپەرەسلىك ۋە ئىنكارچىلىق (虚无主义) ئىدىيىلىرى قاپلاپ كەتكەن ۋاقىتتا بولسا، ئۇلارنىڭ ئەخلاقىي قىممەت قاراشلىرىنى تۈزەش ۋە جەمئىيەتتە ئاممىۋىي ئەخلاق كەيپىياتى بەرپا قىلىش بەسىي مۈشكۈلدۇر.
ئەنگىلىيىدىكى بەزى مېنىستېرلارنىڭ «چاۋىسىنى چىتقا يايىدىغان» ئىقتىسادقا ئائىت بىر قېتىملىق دېلونى سوتلاپ بولغاندىن كىيىن، ئاخىرقى ھۆكۈم چىقىرىدىغان ۋاقىتتا، سوتچى (ئۆز خاتىرىسىگە) مۇنۇلارنى  يېزىپ قالدۇرغان:«قانۇن بولمىسا، بىر مىللەت مۇقىم بولالمايدۇ؛ ئەخلاق بولمىسا، قانۇنغا ھۆرمەت قىلىنمايدۇ؛ ئېتىقاد بولمىسا، كۆپ قىسىم كىشىلەر ئەخلاقنى قوبۇل قىلمايدۇ.»

kitabhumar

aqturk يوللىغان ۋاقتى  2013-11-20 17:19
ئەجرىڭىزگە كۆپتىن - كۆپ تەشەككۈر ، بۇ ئالىمنىڭ « ئىسلام ...

مۇسۇلمانلارنىڭ خەلىپىسىز قېلىشى 20- ئەسىردىكى چوڭ مەغلۇبىيەتلەرنىڭ بىرى ، مۇستاپا كامال توغرىسىدىكى مۇنازىرە ھەرگىز ئايىغى چىقماس مۇنازىرە لىكىن شۇنى بىلىشىمىز كېرەككى 20- ئەسىر كىشىلەرنىڭ كاللىسى مىللەتچىلىك ۋە دۆلەتچىلىك ئىددىيەلىرى بىلەن توشۇپ كەتكەن ئەسىر ، مۇستاپا كامال خەلىپىلىكنى بىكار قىلماي ئۆزىنى خەلىپە دەپ جاكارلىغان بولسا مىسىر ، سەئۇدى ، ئىران ، ئىراق ، سۈرىيە ، ئالجىريە .....قاتارلىقلارنىڭ خەلىپە ئەمىرىگە بويسۇنۇشى ئەقىلگە سىغمايدىغان بىر ئىشقۇ ؟  مۇستاپا كامال ئۆلۈپ شۇنچە يىللار ئۆتكەن بولسىمۇ بىزنىڭ ھېلى ھەم خەلىپىمىز يوق ، ئەجبا بۇنىمۇ مۇستاپا كامالغا دۆڭگەمدۇق ؟

نەق گەپ

kitabhumar

مۇشۇنداق قىممەتلىك ئەسەر بىلەن بىزلەرنى ئۇچراشتۇغان قولىڭىزغا ئاللاھ ئىگىمىز دەرت بەرمىسۇن بۇرادەر.
بىز مۇسۇلمانلاردىن سىزدەك ئۆز قىرىنداشلىرى ئۈچۈن خالىس كۆكرەك كىرىپ خالىس تەر ئاققۇزالايدىغانلار قانچىلىك كۆپەيسە شۈنچىلىك ئالغا ماڭالاىيتتى .
ئاللاھ ئىگىمىزدىن بارلىق مۇسۇلمان قىرىنداشلىرىمغا،ئامانلىق ،ئاسانلىق ،بەركەت.ھۆرلۈك،بىرلىك تىلەيمەن.

951986172

ئېي مۇسۇلمان قېرىنداشلار ئاياللار مىللەتنىڭ كەلگۈسى دەيدىغان گەپ بار مەسىلەنگە ئاياللار جۈمە ياكى ھېيىت نامازلىرغا قاتنىشىپ تەبلىغ ئاڭلىسا بولماسمۇ مىللىتىمىزنىڭ ئانىلىرى بىلىمسىز قالمىسۇن !!!!!

kitabhumar

تىما ئۇزۇن بولغاچقا تىمىدىكى ئۆزۈم نوقتىلىق دەپ قارىغان جۈملە،ئابزاسلارنى ئىنكاس ھالىتىدە يوللاپ قويدۇم.توغرا چۈشىنىڭلا بۇرادەرلەر

kitabhumar

دوكتۇر يۈسۈف قەرەداۋىينىڭ قايسى كۈنى مىسىردىكى ھازىرقى ھاكىمىيەتنى ئىتراپ قىلمايدىغانلىقى،مىسىر خەلقىنى ئۆز ھوقوقىنى قوغداشقا دەۋەت قىلغان باياناتىنى كۆرۈپ ئالىم دىگەن مۇشۇنداق بولسا،ھەقتە،خەلىقتە مۇشۇنداق چىڭ تۇرالىسا ،ھىچ بىر مەنسەب ياكى شان شەرەپتىن تاماسىز ،مۇستەسنا ھالدا ئۆز ئىتقادى ئۈچۈن ئەڭ قىيىن شارائىتتىمۇ مۇشۇنداق كۆكرەك كىرىپ ئوتتورغا چىقالىسا ...ئاللاھ ئىگىمىز بۇ كىشىگە رەھمەت قىلسۇن
مۇستەبىت ھۆكىمەتكە قارشى ئۆزىنىڭ جىنى،نۇپۇزى ۋە تەھتىتلەرگە ،سۈيقەستلەرگە قارىماي ھەق گەپ قىلغان بۇ كىشىنى ئاللاھ ئىگىمىز ئۆز پاناھىداساقلىسۇن.رەھمەت قىلسۇن

kitabhumar

951986172 يوللىغان ۋاقتى  2013-11-21 01:22
ئېي مۇسۇلمان قېرىنداشلار ئاياللار مىللەتنىڭ كەلگۈسى د ...

شۇنداق قىلسىغۇ قەۋەتلا ياخشى بولىتتى ئەمما ھازىر ئاياللار ئەمەس ئەرلەر ئوڭلاپ بىر كىرەيلى مەسچىتكە ...