بەرچىنئاي

 سېنىڭ بىلەن ئۆتكەن كۈنلەردە

سېنىڭ بىلەن ئۆتكەن كۈنلەردە

تۇتاشقانتى يەر بىلەن ئاسمان

ئىككىمىزنىڭ شېرىن ئۈنلەردە

ۋىلىقلايتتى ياپيېشىل ئارمان

سەن  كۆيەتتىڭ يۇلتۇزدەك ، تۈندەك

ئاۋازىڭدا كۆكۈچ رەڭ يالقۇن

ئاھ ئىچىمگە گۈرۈلدەر گۈلدەك

ئات چاپتۇرۇپ ساناقسىز دولقۇن

كۆزلىرىڭدىن چاققان كۆك نۇرغا

چۈمۈلەتتى قىزىل گۈل – گىياھ

سېنىڭ قىزىل چوغدەك لېۋىڭدە

جان تالىشار مىڭلاپ جان گويا

سېنىڭ بىلەن ئۆتكەن كۈنلەردە

مەن ياشىدىم پەقەت بىر قېتىم

گۈل توزىغان ئەمدى ھەر يەردە

شېرىن چۈشكە ئوخشار ئامرىقىم