ئۇيغۇرلاردا ساقلانغان يادىكارلىقلار

2008-يىلى10-ئاي 1-نەشرى

2008-يىلى10-ئاي 1-بېسىلىشى

تىراژى:1-2000

ISBN:9787807274568

باھاسى: 100.00

ئاپتورنىڭ قىسقىچە تەرجىمىھالى

مۇھەممەت يۈسۈپ 1935-يىلى 8-ئايدا كەلپىن ناھىيىسىنىڭ پاسون كەنتى تاپىناق مەھەللىسىدە دېھقان ئائىلىسىدە دۇنياغا كەلگەن ، 1943-يىلىدىن 1949-يىلىغىچە قاشئېرىق باشلانغۇچ مەكتەپ ۋە ئاقسۇدا دارىلمۇئەللىمىندە ئوقۇغان . 1955-يىلى ئاقسۇ ۋىلايەتلىك كادىرلارنى يېتىشتۈرۈش كۇرسىدا ئوقۇپ ، كەلپىن ناھىيىلىك بانكىغا تەقسىم قىلىنغان. 1958-يىلى 8-ئايدىن 1961-يىلى 5-ئايغىچە جەنۇبىي شىنجاڭ مالىيە سودا مەكتىپىنىڭ بانكا بوغالتىرلىق مەكتىپىدە بىلىم ئاشۇرغان .1961-يىلى 5-ئايدىن 1997-يىلى 8-ئايغىچە ئاقسۇ ۋىلايەتلىك خەلق بانكىسىنىڭ پىلان – كرېدىت بۆلۈمىدە تەكشۈرۈپ تەتقىق قىلىش ھەمدە مالىيە – بوغالتىر خادىملىرىنى تەربىيىلەش خىزمىتى بىلەن شۇغۇللانغان . 1977-يىلى 8-ئايدىن 1980-يىلى 8- ئايغىچە قەشقەر كونىشەھەر ناھىيىلىك خەلق بانكىسىدا مەمۇرىي بوغالتىرلىق ۋەزىپىسىنى ئۆتىگەن . 1980-يىلى 8-ئايدىن 1995-يىلى 8-ئايغىچە شىنجاڭ بانكا مەكتىپىدە ئوقۇتقۇچىلىق قىلغان . 1987-يىلى ئالىي لېكتورلۇق ئۇنۋانى ئالغان ھەمدە ئۇنىڭ قىسقىچە تەرجىمىھالى》جۇڭگو مۇتەخەسسىسلىرى《 قامۇسىغا كىرگۈزۈلدى.

مۇھەممەت يۈسۈپ 26 قېتىم ناھىيە ،ۋىلايەت ۋە ئاپتونوم رايون دەرىجىلىك خىزمەت ئىلغارى ، ئىلغار دەرىجىلىك ئوقۇتقۇچى دېگەن شەرەپلىك ناملارغا ئېرىشكەن . نۇرغۇن مالىيە – بوغالتىر ، بانكا خادىملىرىنى تەربىيىلەپ ، ۋىلايەت ۋە ئاپتونوم رايوننىڭ پۇل مۇئامىلە ۋە مالىيە – بوغالتىرلىق خىزمەتلىرىنىڭ تەرەققىي قىلىشىغا كۆرۈنەرلىك تۆھپە قوشقان . ئۇ خىزمەتتىن سىرتقى بوش ۋاقىتلىرىدىن پايدىلىنىپ (شىنجاڭ تارىخىي پۇللار )، (جۇڭگو ئالتۇن – كۈمۈش پۇللىرى) دېگەن كىتابلارنى تۈزۈپ نەشر قىلدۇرغان . ئۇ يازغان 60 نەچچە پارچە ئىلمىي ماقالە ئىچىدىكى (خوتەننىڭ ئات سۈرەتلىك پۇللىرى) دېگەن ماقالە (شىنجاڭ گېزىتى) تەرىپىدىن مۇنەۋۋەر ئىلمىي ماقالە مۇكاپاتىغا ئېرىشكەن . مۇھەممەت يۈسۈپ ئاپتونوم رايونىمىزغا تونۇلغان يىغىپ ساقلاش ھەۋەسكارى بولۇپ ، 1996-يىلى دەم ئېلىشقا چىققاندىن كېيىنمۇ يېشىنىڭ چوڭىيىپ قالغانلىقىغا قارىماي ، بۇ ساھەدە داۋاملىق ئىزدەنمەكتە . ئۇ )ۋەتەن – جەننەت( ناملىق شېئىرلار توپلىمىنى نەشرگە تەييارلىدى .