ئانا بالا تورى يانبىلوگ نەشرى

بىر قەدەر ياخشى بولغان ئىقتىسادى شارائىت سۈپەتلىك بالا تۇغۇشنىڭ ئاساسلىق ماددىي ئاساسلىرىنىڭ بىرى. خىزمىتى بىرقەدەر مۇقىم، ئىقتىسادى كىرىمى ياخشى چاغدا ھامىلىدار بولۇش ئاتا-ئانىنى تىرىكچىلىك ئۈچۈن باش قاتتۇرمايدىغان بولغاندا، خىزمەت ۋە ئىجتىمائىي بېسىممۇ بىر قەدەر ئاز بولىدۇ، ئانىمۇ خاتىرجەم ھالدا ئۆيدە ئولتۇرۇپ دۇنياغا كەلمەكچى بولغان بوۋاق ئۈچۈن پەرۋىش قىلالايدۇ. 

ياخشى بولغان ئىقتىسادى شارائىت راھەت، ئازادە روھى ھالەت يارىتىپلا قالماي، يەنە تۇغۇتتىن بۇرۇن ۋە كېيىن ئۇزۇقلۇق بىلەن تەمىنلەشكە كاپالەتلىك قىلىپ، ئانا بىلەن بالىنى ياخشى ئۇزۇقلۇق بىلەن تەمىنلەشكە كاپالەتلىك قىلغىلى بولىدۇ. ئەگەر ئىقتىسادى شارائىتى ناچار بولسا، جان تىكىپ ئىشلىگەنلىكتىن روھى ۋە جىسمانىي جەھەتتىن ھېرىپ چارچايدۇ، بالا ۋە ئايال ئۈچۈن ياخشى بولغان ئىقتىسادى شارائىت ھازىرلاش تەسكە توختايدۇ، ئەگەر بالىنىڭ ئۇزۇقلۇق بىلەن تەمىنلىنىشى نورمال بولمىسا، كېيىنكى ئۆسۈپ يېتىلىشى ئۈچۈن چوقۇم تەسىرى بولۇپ، ئۆسۈپ يېتىلىشى ئاستا بولۇش، بېشى كىچىك، بويى پاكار بولۇش قاتارلىق ئەھۋاللار كېلىپ چىقىدۇ.