قاتتىق بوران، سىم-سىم يامغۇر. قاياقلارغىدۇر ئالدىراۋاتقان قەدىمىم تۇيۇقسىلا تېيىپ كەتتى. قاتتىق چۆچۈپ كەتتىم. ئارقىدىنلا ھەيرانلىق ئىلكىدە ئۈزۈمگە كۈلۈپ كەتتىم. مەن ساقمۇ ياكى …….

…

قولۇمدا كۈنلۈكۈم ، گۆركىرەر بوران .
قەدىمىم يۆتكىلەر تەسلىكتە ئاران.
ئەنسىزلىك ئىچىرە كۈلۈپمۇ قويدۇم،
ئۈلۈمۈم باغرىمدا يىغلايدۇ پىنھان .

قەدىمىم قايانغا يەتتىكىن تەنھا ،
يىقىلغان شۇ دەمدە ئەلەمدە جاھان.
كىملەرگە تەلمۈرۈپ ئەسلىدىم كىمنى،
ئېيتقىنا بۇ دەمدە نىگار سەن قايان.

يوللىرىم كەتمەكتە مەندىن يىراقلاپ ،
تىنىقىم قاچقۇن بولۇپ كەتتىكىن قايان؟
ئۆزۈمنى يۈتتۈرۈپ قويدۇم تۇساتتىن،
سەن كىمۇ دىگەنگە «مەن» دېدىم ئاران.

…

كۈلۈپ قوي دوستلىرىم ، مىنىڭ سۆزۈمگە ،
بىر ساڭا تەلمۈرۈپ باققان كۆزۈمگە .
كۈلۈۋال ،قانغىچە كۈلۈۋال دوستۇم !

…

ئۆزۈمنى ئەسىر ئېلىپ قۇچتۇم مەن زەپەر.
مەنزىل بىر! ھەممىمىز ئۆمۈر كارۋانى!

…

«تەنھا» دەپ مەسخىرە قىلار ئۈزىچە .
مەجنۇنتال بەك نازۇك ئىمىش سۆزىچە.
يۈرىكىڭ سوقسىلا ھايات ئىدىڭمۇ ،
سەن نېمە ،ئۆزۈڭ كىم ئەۋلاد سۆزىچە.

…

مىسرالار ھەققىدە ئىلاۋە:

بۇ مىسرالار 2010-يىل 4-ئاينىڭ 25-كۈنى تىزىلغان ئىدى. بۈگۈن خاتىرەمنى ۋاراقلاۋېتىپ ئۇچرىتىپ قالدىم. ئۆتمۈشنى ئەسلىگەندە خىيالىمىزغا نېمىلەر كەلمەيدۇ-ھە! …