باش بەت ئەزا بولۇڭ كىرىڭ
بېكەت باش بېتى باشبەت قىلىۋېلىڭ ساقلىۋېلىڭ

دىلسادا يانبىلوگى

باش بەتدىلسادامەدەنىيەت غەزىنىسىبۈگۈنكى ئۇچۇرلارتەرمىلەرسالامەتلىك ياخشىئاۋازلىق
 
123
دىلسادا گۈدۈكى
ئەسسالامۇ ئەلەيكۇم ئەزىز دوستلار، دىللارغا ھوزۇر بەخش ئەتكۈچى يېقىشلىق مەزمۇنلارنى دىلسادادىن ئىزدەڭ! بۇلۇت بولۇپ تاغلار ئاشايلى، خۇددى يامغۇر بولۇپ ياشايلى. قۇشلار بىزگە ئېيتسۇن تەشەككۈر، چۆللەردىمۇ بوستان ياسايلى. ئېتىزلاردا قونالمىساقمۇ، كۈزدە خامان سورالمىساقمۇ. ياخشىلاردىن بولالمىساقمۇ، ياخشىلارغا تۇمار ئاسايلى.
تەۋسىيە يازمىلار
ئەڭ يېڭى يازمىلار
كۆپ باھالىق يازمىلار
يازما ئىزدەش
Tag لەر رېتى
ﮬﺎﻳﺎت خەلقئارا چوڭ بازىر ئۆمۈر كىشىگە بېلگىيە سودا پۇرسىتى Chicken يوقىتىش ۋاز كېچىش تۇرمۇش كۆزگە Sanders تەۋەككۈلچىلىك Mohandas Karamchand Gandhi يان تېلېفون بالىلار ئائىلە ئىناقلىقى قىز لى جياچېڭ ھايات شېئىر مۇلازىمەت مۇكەممەل
دوستانە ئۇلىنىشلار

كىتاب مەدەنىيىتىمىز ھەققىدە ئويلار

كىتاب مەدەنىيىتىمىز ھەققىدە ئويلار

ۋاقتى: 2015-08-27 ئاۋاتلىقى: 843 قېتىم

يانفوندا كۆرۈش

 كىتاب مەدەنىيىتىمىز ھەققىدە ئويلار


 ئابدۇۋاھىد خۇدابەردى  

   @مەدەنىيەتلىك مىللەتنىڭ تىپىك بەلگىلىرىدىن بىرى ئىلىمخۇمارلىق، كىتابخۇمارلىقتۇر. بىز ئەجدادلىرىمىزنىڭ شانلىق تارىخى، مەدەنىيىتى، گۈزەل ئارزۇ - ئارمانلىرى ھەققىدىكى ئەڭ قىممەتلىك ئۇچۇرلارنى ئالدى بىلەن كىتاب ئارقىلىق بىلىمىز.
   تارىخىمىزدىكى دانا ھۆكۈمدارلار ئەينى زاماندا نۇرغۇن مەبلەغ ئاجرىتىپ، غايەت زور بەدەل تۆلەش ئارقىلىق ئىمكانىيىتىنىڭ بارىچە ئېسىل كىتابلارنى توپلاپ كۇتۇپخانىلارنى قۇرغان. ئۇلار شۇ كۇتۇپخانىلاردىكى كىتابلار ئارقىلىق روھىي ئوزۇق ئېلىپ ئۆزىنى تاكاموللاشتۇرغان، تىللاردا داستان بولغۇدەك ئاجايىپ ئىشلارنى ۋۇجۇدقا چىقارغان.
   پەن - تېخنىكا ئۇچقاندەك تەرەققىي قىلىۋاتقان بۈگۈنكى كۈندە، ئىلىمخۇمارلىق، كىتاب ئۇقۇشقا بولغان ھېرىسمەنلىك بىزدە پۈتۈن مىللەت خاراكتېرلىك ئومۇمىي ئادەتكە ئايلىنىشى بەكمۇ زۆرۈر ئىدى. ئەپسۇسكى ئومۇمىي ئەھۋالىمىزغا نەزەر سالغاندا ھازىر ئاشخانا، رېستوران، ئارامگاھ، تورخانىلار ئاۋات، ئەمما كۇتۇپخانا ياكى قىرائەتخانىلارنىڭ تولىسى چۆلدەرەپ قالغان. ئوقاي دېسە، كىتاب - ژۇرناللار يېتەرلىك تۇرۇپتۇ.
   @بىر قېتىم خىزمەت مۇناسىۋىتى بىلەن مەلۇم ناھىيەدىكى 107 كەنتنىڭ كەنت كۇتۇپخانىسى ۋە «دېھقانلار ئائىلە قىرائەتخانىسى» نى تەكشۈردۇق. تەكشۈرۈش ئەھۋالىدىن قارىغاندا، ئاز بىر قىسىم كەنتلەر دېھقان - چارۋىچىلارنىڭ كىتاب ئوقۇشىغا كۆڭۈل بۆلۈپ، كۇتۇپخانىلارنى قۇرغان بولسىمۇ، لېكىن كىتابلارنى توپا بېسىپ تۇرۇپتۇ. كۇتۇپخانا باشقۇرغۇچىلارنىڭ مەسئۇلىيەتسىزلىكىدىنمۇ ياكى شۇ كەنت تەۋەسىدە كىتاب ئوقۇيدىغانلارنىڭ يوق بولغانلىقى ئۈچۈنمۇ ئەيتاۋۇر، يىل بويى كىتاب ئارىيەت ئېلىپ ئوقۇيدىغان كىشى ئونغىمۇ يەتمەيدىكەن.
   ئەينى چاغدا ئانا تىلىمىزدا نەشر قىلىنغان كىتابلار ناھايىتى ئاز ئىدى. مانا ئەمدى نەشرىياتچىلىق ئىشلىرى تەرەققىي قىلىپ، كىتاب كەڭ كۆلەمدە تارقىتىلىۋاتقان زامانىۋى جەمىئىيەتتە، خەلقىمىزنىڭ كىتابقا بولغان شەيدالىقىنىڭ سۇس بولۇشى كىشىنى ئەپسۇسلاندۇرىدۇ.
   ئالەمنى قۇياش نۇرى يورۇتىدۇ، ئەمما ئىنسانلارنىڭ قەلبىنى يورۇتىدىغان قۇياش بولسا دەل كىتابتۇر. بىر ئائىلىگە نىسبەتەن كىتابسىز بايلىق شەكسىزكى مەنىۋى گادايلىقتۇر. بىز بىر ئەۋلاد كىشىلەر كىتابخۇمارلىق ئادىتىنى يېتىلدۈرۈشىمىز، پەرزەنتلىرىمىزنىڭ قەلبىگە كىتابقا بولغان ئىشتىياق ئوتىنى يېقىشىمىز لازىم. كىتابخۇمارلىق ئىلىمخۇمارلىققا ئېلىپ بارىدۇ. ئىلىمخۇمارلىق بىر ئوت، بۇ ئوت ئۆز نۆۋىتىدە ئانا تىلىمىزنىڭ مەۋجۇدلۇقى، ئۆزىمىزنىڭ مەۋجۇدلۇقىمىزنىڭ كاپالىتىدۇر.

Tags: كىتاب 
بايانات

بۇلۇت بولۇپ تاغلار ئاشايلى، خۇددى يامغۇر بولۇپ ياشايلى. قۇشلار بىزگە ئېيتسۇن تەشەككۈر، چۆللەردىمۇ بوستان ياسايلى. ئېتىزلاردا قونالمىساقمۇ، كۈزدە خامان سورالمىساقمۇ. ياخشىلاردىن بولالمىساقمۇ، ياخشىلارغا تۇمار ئاسايلى.

تەلەي قاپىقىدىن چىققان يازمىلار

باھالار

ئىسمىڭىز:

باھالار رېتى

تېخنىكىلىق مۇلازىمەتتە: ئىلقۇت تور پەن-تېخنىكىسى