ئەسسالامۇ ئەلەيكۇم، تورداشلار.

قايسى كۈنى توردىن  Mac mini توغرىسدا ئازتولا خەۋەر كۆرگەنتىم. apple شىرىكىتىنىڭ بۇنداق مەھسۇلاتى بارلىقىنى بىلسەممۇ ئەمما زادى نېمىگە ئىشلىتىلىدىغانلىقىنى ۋە نېمە ئىقتىدارلىرىنىڭ بارلىقىنى پەقەتلا بىلمەيدىكەنمەن. شۇڭلاشقا توردىن ئازتولا ئىزدەپ كۆرۈپ باقتىم. ھەم توردا كۆرگەنلىرىمنى تورداشلار بىلەن ئورتاقلىشىش مەقسىتىدە يازما قىلىپ چىقىرىپ قويدۇم.

Mac mini بولسا apple شىركىتىنىڭ مەھسۇلاتى بولۇپ mac كومپيۇتېرى  كاتېگورىيەسىنىڭ بىر ئەزاسى. 2005-يىلى 1-ئاينىڭ11-كۈنى تۇنجى نۆۋەت ئېلان قىلىنغاندىن بۇيان ئۆزىنىڭ ئىخچاملىقى، كۆرىنىشىنىڭ چىرايلىقلىقى ۋە قولىنىشچانلىقى بىلەن خېلى كۆپ بىر بۆلۈك ئىستىمالچىلارنى جەلىپ قىلىپ كەلگەنىكەن. باشقا ئۈستەل كومپيۇتېرلارغا سېلىشتۇرغاندا، بۇ مەھسۇلاتنىڭ سېغىمى ھەقىقەتەن ئادەمنى ھەيران قالدۇرىدۇ. apple تەرەپ خۇددىي ئۆزىنىڭ باشقا مەھسۇلاتلىرىنى قەرەللىك يېڭىلاپ ئارتۇقچىلىق قوشۇپ تۇرغىنىدەك بۇ مەھسۇلاتىنىمۇ ئىزچىل يېڭىلاپ كەلگەنكەن.

ئەڭ يېڭى نۇسخىسىنىڭ  سەپلىمىلىرى خېلىلا ئىلغار ئىكەن.مېنىڭ بىلىشىمچە بۇ خۇددىي بىر كومپيۇتېرنىڭ ئاساسىي ئاپراتىنىڭ رولىنى ئوينايدىغان ئۈسكۈنە بولۇپ، پەقەت ئېكران، مائۇس ۋە كۇنۇپكا تاختىسى بولسىلا بىر كومپيۇتېر بولالايدۇ. يېڭى نۇسخىسىنى بەزى بىر تېلىۋوزۇرغا چېتىپ ئىشلەتكىلى بولامىش.

apple كومپيۇتېرلىرىنىڭ باھاسىنىڭ بىرقەدەر يۇقىرى بولىشى، كومپيۇتېر ساھەسىدىكى مۇنۇپۇللىقىغا چەك قويۇپ قويغانلىقتىن، بىرقەدەر ئەرزان بولغان بۇ مەھسۇلات ئوتتىرغا چىقىرىلغانكەن.مەن بۇ مەھسۇلاتنى كۆرۈپ ئىشلىتىپ باقمىغانلىقتىن مۇشىنچىلىك مەلۇماتقا ئېرىشەلىدىم. تورداشلاردىن ئىشلىتىپ باققانلار بولسا ياكى نەزەرى تېخىمۇ كۆپ مەلۇماتقا ئىگە بولسا ئورتاقلاشساق.

Nezeri: خۇددى يۇقىردا ئېيتىلغاندەك apple شىركىتى بۇ مەھسۇلاتنى مەخسۇس ئائىلە كۆڭۈل ئېچىش سىستىمىسى ئۈچۈن ئاچقان. بىر ئۆيگە بىرنى ئورنىتىپلا ئائىلە تورى ئارقىلىق پىرويىكسيىە ئاپپاراتى، باشقا ئىكران، كىنو قويغۇ، سىن قويغۇ… لارغا بىمالال ئۇلىنالايدۇ.

شۇنداقلا يىڭى apple غا يۈرۈش قىلغانلار ئۈچۈن ئاساسى ماشىنا، ياكى مۇلازىمتېر ئورنىدىمۇ ئىشلىتىشكە بولىدۇ. سەپلىمىسى ھەقىقەتەن يۇقىرى. مەنمۇ دەسلەپتە مۇشۇ مەھسۇلاتنى سېتىۋالىمەن دەپ يۈرۈپ پەقەت ئىكرانى بولمىغاچ كۆتۈرۈپ يۈرۈشكە ئەپسىز دەپ ھازىرقى  macbookpro نى سېتىۋالغان.