ئايلىق ئارخىپلار: 2012-يىل 06

5.1.1 غا كۆتۈرۈش ۋە تۈرمىدىن قاچۇرۇش باسقۇچلىرى

تۈرمىدىن قاچۇرۇش

iOS 6 Betaئېلان قىلىنىپ 24 سائەتكە بارمايلا رايۇندىكى باندىتلار تەرىپىدىن تۈرمىدىن قاچۇرلۇپتۇ. لىكىن ھازىرقى تۈرمىدىن قېچىش نامۇكەممەل بولغاچ ھەم سىستىما تېخى سىناق نشەىردە بولغاچ كۆپچىلىكنى سىناشقا تەشەببۇس قىلمايمەن.

ھازىر 5.1.1 مۇكەممەل ھەم ئاددى تۈرمىدىن قاچىدۇ شۇڭا كۆپچىلىك تۆۋەندىكى باسقۇچلار ئارقىلىق نەشىر كۆتۈرۈپ تۈرمىدىن قاچۇرۋىلىشىنى تەۋسىيە قىلىمەن. چۈنكى يىقىندا iOS 6 چىقسا (7-ئايدا چىقىدۇ) تۈرمىدىن قاچۇرۇلماي ئاۋارە بولىمىز.

1.ئالدى بىلەن ئۈسكىنە نەشرىنى 5.1.1 غا كۆتۈرىمىز. دەرىسلىكى

2.تۈرمىدىن قاچۇرىمىز. دەرسلىكى

3. cydia دا تۇرۇپ مەنبە قوشىمىز. ھەم appsync 5.0 نىڭ يامىقىنى ئۇرىمىز. تەۋسىيەلىك مەنبە：apt.weiphone.com，apt.178.com

Cydia ئىشلىتىش دەرىسلىكى

Apple تەدرىجىي China غا يۈزلىنىۋاتىدۇ

APPLE،

بۇ قىتىملىق WWDC دىن ئاساسەن خەۋەر تاپتۇق. بۇرۇنلا ئاشكارىلانغان MAC ئۈچۈن ئېچىلغان يىڭى مەشغۇلات سىستىمىسى 10.8 نەشىردىكى Mauntion Lion دا جوڭگو رايۇنىغا قارىتا يىڭى ئىقتىدارلارنىڭ قوشۇلىشىدىن سىرىت بۇ قىتىملىق يىغىندا ئاساسلىق تىلغا ئىلىنغان يەنە بىر نوقتا بولسا iOS 6 نىڭ جوڭگو رايۇنى ئۈچۈن ئالاھىدە قوشۇلغان يىڭى ئىقتىدارلىرى. جوڭگودىكى IT سى ئەڭ تەرەققىي قىلغان ئاز سانلىق مىللەت بولۇش سۈپىتىمىز بىلەن چوڭ قۇرۇقلۇققا قارىتىلغان سودا سىتىراگىيىسىنى چۈشەنسەك پايدىسى باركى زىيىنى يوق. ئالپسوفت شىركىتىنىڭ قۇرغۇچىسى، ئۇستاز تۇرسۇنجان سۇلتان ئاكىمىز ئەڭ بۇرۇن Apple مەھسۇلاتلىرى ئۈچۈن بىزنىڭ گۈزەللىك قارىشىمىزغا ماس ئۆلچەملىك ئۇيغۇرچە فونتنى بارلىققا كەلتۈردى. دىيارىمىزدا غەربىي شىمال بويىچە ئەڭ چوڭ apple ھەمكارلىقىدىكى يۇمشاق دېتال – ئىجادىيەت تەجىربىخانىسى قارلۇق شىركىتىدە قۇرۇلدى. شۇنداقلا ئالما ھەمكارلىق يىغىنىدا ئۇيغۇر سوفت شىركىتىنىڭ قۇرغۇچىسى ئالىم ئەھەت مۇئەللىممۇ يىغىندا ئالما مەھسۇلاتلىرىغا قارىتا يىقىندىن دىققەت قىلىدىغانلىقىنى بىلدۈرىدى. يىقىندىن بىرى قارلۇق شىركىتىنىڭ AppStore دىكى بىر نەچچە ئەپلىرى ئۇيغۇر قىرىنداشلىرىمىزنىڭ قىزغىن قوللىشىغا ئىرىشىۋاتىدۇ. يۇقارقى ئۇيغۇرىمىزنىڭ IT شىركەتلىرىمۇ جاپالىق تەتقىقاتتىن كىيىن خەلقىمىزنىڭ چىھرىدىكى خۇشاللىققا تەشنا، قوللىشىغا مۇھتاج، ئەلۋەتتە. دىيارىمىز ئەھۋالىغا بىرلەشتۈرۈپ تۆۋەندە بۇ ھەقتە ئازراق مۇلاھىزە قىلىپ باقايلى.

China بولسا Appleنىڭ دۇنيادىكى بىردىنبىر ئىشلەپچىقىرىش بازىسى. كىيىنچە بىرازلىيەدىمۇ تارماق زاۋۇت ئىشقا كىرىشىدۇ.Apple نامىدىكى بارلىق يۇقىرى تېخنىكىلىق مەھسۇلاتلار دەل مۇشۇ ئەمگەك كۈچى ئەرزان، مۇھىت بۇلغىنىش جازاسى ئەڭ ئاز، دوراپ ياساش سانائىتى ئەڭ تەرەققى قىلغان ئەلدە ئىشلەپ، قوراشتۇرۇلۇپ بازارغا كىرىدۇ.لىكىن بۇ رايۇننىڭ تەبىئي ئالاھىدىلىكى تۈپەيلى Apple نىڭ سابىق قۇرغۇچىسى Steve Jobs مەيلى ياش ۋاقتىدىكى ھىندىستاندىكى راھىبلىق مەزگىلى بولسۇن ياكى كىيىنكى شانلىق پۇرسەتلىرىدە بولسۇن بۇ تۇپراققا قەدەم ئېلىپ باقمىغان. ئەكسىچە Apple نىڭ يىڭى ئاتامانى Tim Cook قىسقىغىنە ۋاقىت ئىچىدە جوڭگوغا ئىككى قىتىم كەلدى. ھەم دۇنيادىكى بۇ ئەڭ چوڭ بازارنى خىل زىيارەت قىلىپ Apple مەھسۇلاتلىرىنىڭ جوڭگودىكى مەلىكىلىشىشىگە ھەيران قالغانلىقىنى بىلدۈرىدى ھەم يۇقىرى باھا بەردى. ھەم بۇنداق بىر بازارغا ئاكتىپ باھا بەرمىگىنىدىنمۇ ئۆكۈندى. مەنبە

جوڭگودا دۇنيادىكى ئەڭ چوڭ(China Mobile) ۋە ئىككىنچى چوڭ تېلگىراف (China Unicom) شىركىتى بار. كۆچمە ئابونت سانىمۇ 100 مىليۇن بولۇپ، دۇنيا كۆچمە ئابونت سانىنىڭ ئالتىدىن بىرىنى تەشكىل قىلىدۇ. لىكىن مۇتلەق كۆپ قىسىم ئابونت يەنىلا تور سۈپىتى ياخشى، مۇلازىمىتى ئەتراپلىق بولغان China Mobile غا مەركەزلەشكەن. لىكىن China Mobile نىڭ يۈكى بولغان TD-SCDMA نى Apple شىركىتى تېخى قوللىمىدى.Chinaنىڭ 4- ئەۋلاد خەۋەرلىشىش سىستىمىسى بولغان TD-LTE نىمۇ تېخى قوللىمايدۇ.China Unicom ۋە China Telecomنىڭ 3-ئەۋلاد كۆچمە تورى بولمىش WCDMA ۋە CDMA2000 نى قوللايدىغان iPhoneنىڭ جوڭگودا بازارغا كىرىشى مۇقەررەرلىك ئىچىكى مۇقەرەرلىك بولۇپ ھىچقانداق تېخنىكىلىق ئۆزگىرىش يوق، لىكىن قارشى ئىلىنمىغان ئىككى تېلگىراف شىركىتىنىڭ تورىغا باغلانغان مەھسۇلاتمۇ ئەڭ ئاخىردا ئۆزى بەلگىلىگەن «يۇقىرى ساپالىق ئېستىمال قوشۇنى يىتىشتۈرۈش»كە تېخى بالدۇرلۇق قىلدى. شۇڭا جوڭگولۇقلارنىڭ Apple غا قارىتا بىتەرەپلىمە قارىشى شەكىللەنگەن. بۇ مەسىلىگە China Mobile نىڭ ھەر نۆۋەت CEOسى :“بىز Apple تەرەپ بىلەن بۇ ھەقتە كىڭىشۋاتىمىز“ دەپلا كىلىۋاتىدۇ. Apple شىركىتىمۇ ئەزەلدىن China Mobile بىلەن ھەمكارلىقىنى ئۈزۈپ قويمىغانلىقىنى، ھەم تىرىشىپ China Mobile تورىغا ماس جوڭگۇلۇقلار تېخىمۇ تىز قوبۇل قىلالايدىغان مەھسۇلات ئىشلەپ چىقىرىدىغانلىقىنى تەكىتلىدى.مەنبە

خوش، تاماق ئەتكەنلىك قورساق تويغانلىققا تەڭ ئەمەس. كىيىنكى تەسەللىي بۇرۇنقى دەرتكە داۋا بولالىغانمۇ ئەمەس. Apple شىركىتىمۇ يۇقارقى شارائىتلار تۈپەيلى چوڭ قۇرۇقلۇقتا بىر قىسىم مەبلەغ سېلىش(توغرىسى پۇل تېپىش) مۇھىتلىرىنى يارىتىۋاتىدۇ. ئەمدى Apple نىڭ جوڭگوغا قاراتقان سودا ئىستىراتىگىيسىگە قارايدىغان بولساق ئالدى بىلەن 成都，深圳 قاتارلىق شەھەرلەردە Apple Store دۇكانلىرىنى قۇرۇۋاتىدۇ. بېيجىڭدىكى ئىككى Apple Store كىڭەيتىلدى، China دىكى ئەڭ چوڭ Apple Store دەپ ئاتالغان شىياڭگاڭدىكى ئىككىنچى Apple Store مۇ ئىشقا كىرىشتى. مىش -مىش پاراڭلاردىن ئاڭلىشىمچە Apple شىركىتى غەربىي شىمالدىكى ئەڭ چوڭ سېتىش، قوللاش نوقتىسىنى ئۈرۈمچىدە قۇرىدىكەن.

بۇ قىتىملىق WWDC نىڭ يارقىن نوقتىسى بولغان،3-ئەۋلاد iPhoneدىن تارتىپ 6-ئەۋلادقىچە،4-ئەۋلاد iPodTouch تىن تارتىپ ئىككىنچى، ئۈچىنچى ئەۋلاد iPad كىچە بولغان بارلىق ئۈسكىنىلەرنى قوللايدىغان 6- ئەۋلاد iOS تىمۇ جوڭگوغا خاس مەھسۇلاتلار ئەڭ كۆپ قوشۇلدى، ھەم ئەڭ بۇرۇن تونۇشتۇرۇلدى. جۈملىدىن،Siriخەنچە قوللىدى. بۇرۇنقى داڭلىق ئىزدەش ماتورى Google Search نىڭ ئورنىغا 百度 قوشۇلدى. Twitter نىڭ ئورنىغا Sina Weibo قوشۇلدى. 优酷，土豆 ئىككى ئاكا ئۇكىمۇ فىلىم قويۇش سۇپىسى شەكىلدە قوشۇلدى. خەنچە كىرگۈزگۈچ تۈرمىدىن قاچۇرۇش موھتاج بولمىغىدەك دەرىجىدە ياخشىلاندى. خەنچە- ئېنگىلىزچە لۇغەتمۇ يىڭى سىستىمىدىن ئورۇن ئالدى.

يۇقارقى چوڭ پاراڭلىرىمىزنىڭ ئاخىرى، دۇنيا بويىچە بازار قىممىتى ئەڭ يۇقرى بولغان شىركەت-ئالما شىركىتىنىڭ جوڭگوغا يەنە بىر قەدەم يىقىنلشىىشى، مەبلەغ سىلىشى دىيارىمىزغا نۇرغۇن پايدىلىق شارائىتلارنى تەمىنلەيدۇ. مەيلى مەھسۇلاتنىڭ باھاسى جەھەتتىن بولسۇن، مەيلى كۆپ تىل قوللايدىغان يۇمشاق دېتاللارنىڭ بارلىققا كىلىشى جەھەتتىن بولسۇن ۋە ياكى ئاز سانلىق مىللەت يۇقىرى تېخنىكىلىق يۇمشاق-قاتتىق دېتال ئاچقۇچىلىرىنىڭ كۆپىيىشى جەھەتتىن بولسۇن ھەممەيلەننىڭ خەلقئاراۋى سەھنىگە يىقىنلشىىشغا پايدىسى كۆپ. ئەگەر رايۇنىمىز كارخانىلىرىنىڭ ئەمەلىي كۈچى يىتەرلىك بولسا مۇمكىنقەدەر ئىچكىرى ئۆلكىلەرگە يۈزلىنىپ بازىرىنى ئاچسا بەكمۇ مۇۋاپىق. بىزنىڭ ئەۋزەللىكىمىز رايۇنىمىزدىلا ئەمەس بەلكى يۇقىرى تېخنىكا تېخىمۇ تەرەققىي قىلغان ئىچكىرى ئۆلكىلەردە ئۆز جۇلاسىنى تېپىشى كىرەك ھەم تاپالايدۇ.كېرەم ئاتۇش مۇنداق دەيدۇ:«بىز ھازىر ئىچكىردىكى 2مىليۇنلۇق چوڭ بازارنى تاشلاپ قويۇپ، شىنجاڭدىكى 2 مىڭ سوملۇق كىچىك بازارنى تالىشىۋاتىمىز». بۇ سۆز بىزنىڭ IT ساھەيىمىزگىمۇ ماس كىلىدۇ. بىزدە بازار تېخى ئاز. كۆپىچىمىزنىڭ ئېستىمال سەۋىيىسى تېخى ئۆزىمىز رازى بولغان باسقۇچقا يەتمىدى.

ئەمدى ئۇيغۇر ITچىلىرى ۋە IT كارخانىلىرى، «Apple تەدرىجىي China غا يۈزلىنىۋاتىدۇ» دېيىلگەن مۇشۇ باسقۇچتا بىز بۇ پۇرسەت ۋە خىرىسقا قانداق يۈزلىنىشىمىز كىرەك؟

ئالما GoogleMaps تىن رەسمىي ۋاز كەچتى

APPLE

خۇددى بۇرۇنقى پەرەزلەردە ئېيتىلغاندەك Apple دىكىلەر دادىللىق بىلەن GoogleMaps تىن ۋاز كەچتى. بۇ ئالدىنقى قىتىم Gppgle Adsense تىن ۋاز كېچىپ ئۆزىنىڭ iAd نى يولغا قويغانلىقىدىن كىيىنكى يەنە بىر ئىسلاھاتى. شۇنداقلا ھازىرقى يۇمشاق دېتال شىركەتلىرىنىڭ غەيرى رەسمىي يۈزلىنىشى. چۈنكى بىر نەرسىدىن ۋاز كېچىش يەنە يىڭى قىيىنچىلىققا ۋە يىڭى پۇرسەتكە تولغان بىر يولغا ئىلىنغان قەدەم.

يىڭى مەھسۇلاتنىڭ ئەڭ ئاساسلىق ئالاھىدىلىكى شىمالىي ئامېركا رايۇنىدا 3 ئۆلچەملىك ئوبرازلىق خەرىتە ئۇچۇرى تەمىنلەش، يۈز مىليوندىن ئارتۇق سودا نوقتىسى تەپسىلىي چۈشەندۈرىشى، شۇنداقلا turn-by-turn يول باشلاش قاتارلىقلاردۇر. جوڭگو رايۇنىنىڭ ئىككى ئۆلچەملىك خەرىتىسى قانچىلىك ئىنىقلىقتا، بۇنى ئالدىرماي بايقايمىز.

سىناقتىن قارىغاندا iMaps نىڭ 3 ئۆلچەملىك ئىقتىدارى Google نىڭ ئىقتىدارىدىن ياخشى بولۇپ ھەم سۈزۈك، ھەم بەكلا يىنىك ئىكەن.

يۇقارقىلارغا ئوخشىمايدىغىنى Apple ھازىرقى دوستلىشىش تورلىرىنىڭ تەرەققىياتىغا ئۈمۈد بىلەن قاراپ Youtube نى تېخىمۇ مەركەزلىك ھالدا ئۆز مەھسۇلاتىغا سىڭدۈرگەن. Shared Photo Streams دېگەندەك يىڭى ئىقتىدارلار ئارقىلىق رەسىم ھەمبەھىرلىنىش قاتارلىق مودا ئەپلەرنىمۇ باشلامچى بولۇپ مەشغۇلات سىستىمىسىغا سىڭدۈرۋەتكەن.

ئۆزىنىڭ دوستلىشىش تورىنىڭ مەركىزى بولمىش FaceTime نى 3G تورى مۇھىتتىمۇ ئىشلەيدىغان قىپتۇ. ئەمدى ھەۋەسكارلىرىمىز تۈرمىدىن قاچۇرمايمۇ FaceTime نى خالىغان يەردە ئىشلىتەلەيدىغان بولۇپتۇ.

WWDC2012 دىن خەۋەر:سىرى خەنچە قوللىدى

APPLE

ئامېركا يەرلىك ۋاقتى سائەت 10 دا apple شىركىتى ئۆزىنىڭ ”دۇنيا بويىچە ئەڭ ياخشى يۆتكىمە مەشغۇلات سىستىمىسى“ دەپ ئاتالغان iOS6 نى ئېلان قىلدى. بۇ سىستىمىنىڭ ئېلان قىلىنىشى بۇ قىتىملىق يىغىننىڭ ئەڭ مۇھىم ھالقىسى. شۇنداقلا نۆۋەتتىكى كۆچمە ئۈسكىنىلەر جاھان تالىشىۋاتقان رىئاللىقتا تېخىمۇ چوڭ ئەھمىيەتكە ئىگە.

بۇ قىتىملىق WWDC دىن مەلۇم بولىشىچە SIRI غا كورىيەچە قاتارلىق بىر نەچچە تىل قوشۇلغان بولۇپ خەنچىمۇ بىللە قوشۇلغان. ھەم يۇمشاق دېتال قوزغىتىش، ئىزدەش ئىقتىدارلىرى تېخىمۇ مۇكەممەللەشتۈرۈلگەن.

يەنە بىر دىققەت قىلىشقا تېگىشلىك نوقتا شۇكى، SIRI ئاخىرى iPad كە ئىشكىنى كىچىك ئاچتى. يەنى يىڭى iPad يىڭى مەشغۇلات سىستىمىسىدا Siri نى قوللىدى. لىكىن دېتال ئاچقۇچىلار چوقۇم iPad2,iPad1 دە ئىشلەيدىغان Siri نىمۇ ئېلان قىلىدۇ.

iPhoneنەشىر كۆتۈرۈش دەرىسلىكى

ئالما ساۋادى

بۇ دەرىسلكنى مەن iPhone تۇنجى قېتىم قولىغا ئالغان ئىشلەتكۈچىلەرنىڭ مەشغۇلات باسقۇچى بويىچە تەييارلىدىم. بىلدىغانلار ئەگىپ كەتكەيسىزلەر

نەشىر كۆتۈرۈش دېيىلگەندە ئۈسكىنە نەشرىنى كۆتۈرۈش ياكى تۆۋەنلىتىش ۋە ياكى شۇ نەشىرنى قايتا يېزىشىنى كۆرسىتىدۇ.

نۆۋەتتە نەشىر كۆتۈرۈشكە بولىدىغان بارلىق ئۈسكىنىلەرنى ئاددى ئۇسۇلدىلا نەشىر كۆتۈرۈشكە بولىدۇ. نەشىر كۆتۈرۈشكە بولىدىغان ئۈسكىنىلەر دېيىلگەندە ئالدى بىلەن apple تەرەپ نەشىر بولىقى تەمىنلىگەن ئەڭ يۇقىرى ياماق بولىشى، ئاندىن شۇ ئۈسكىنە نورمال تورغا ئۇلانغان كومپىيۇتېرغا چېتىلغان بولىشى شەرت.

تۆۋەندە نۆۋەتتىكى Apple مەھسۇلاتىنى 5.1.1 غا كۆتۈرۈش مەشغۇلاتىنى كۆرسىتىمەن. بۇ دەرىسلىك iPhone，ipad，iPodtouch，ipodClass，ipodnano，ipod，iTV… قاتارلىق ئۈسكىنىلەرگە ماس كىلىدۇ.

ئەگەر ئۈسكىنىڭىز 5.0 دىن يۇقىرى نەشىردە شۇنداقلا wifi غا ئۇلانغان، ھەم تۈرمىدىن قاچۇرۇلمىغان بولسا ئۈسكىنە ئېچىدىن 设置-通用-软件升级 دېگەن تەرتىپ بويىچە سىستىما نەشرىنى كۆتۈرسە بولىدۇ.

ئەگەر يۇقارقى شەرتكە چۈشمىسە ياكى سىستىمىنى قايتىدىن بىر يېزىپ چىقىش ئويى بولسا تۆۋەندىكى قۇرلارغا نەزەر سالغاي.

1.ئۈسكىنە نەشرىگە ماس 5.1.1نىڭ نەشىر كۆتۈرۈش بولىقىنى چۈشۈرىمىز. چۈشۈرۈش ئادېرسى

2.ئالما ئۈسكىنىلىرىنىڭ مۇھىم يۆلەنچۈكى itunes نى چۈشۈرىمىز. چۈشۈرۈش ئادېرسى

3.ئۈسكىنىنى كومپىيۇتېرغا چېتىپ DFU ھالەتكە كىرىمىز. جەريانى: ئۈسكىنىنى ئۆچۈرىمىز، ئۈستىدىكى مەنبە كۇنۇپكىسىنى بېسىپ 3 سېكونت تۇرىمىز.ئۈسكىنىدە ئالما بەلگىسى كۆرۈنىدۇ. يۇقارقى كۇنۇپكىنى قويۇۋەتمەي تۇرۇپلا ئاستىدىكى قايتىش كۇنۇپكىسىنى بىللە 10 سېكونت بېسىپ تۇرىمىز.ئۈسكىنە يەنە بىر ئۆچۈپ قوزغىلىدۇ. ئۇنىڭدىن كىيىن مەنبە كۇنۇپكىسىنى قويۇۋېتىمىز، قايتىش كۇنۇپكىسىنى ئۆزلۈكسىز 15 سېكونت بېسىپ تۇرىمىز. تەپسىلىي مەشغۇلات جەريانى بىر يىل بۇرۇن تەپسىلىي يوللانغان.

4. iTunes دا يىڭى ئۈسكىنە تونۇغانلىق ئۇچۇرى چىقىدۇ. جەزىملەشتۈرىمىز.

5. ئاخىردا iTunes نىڭ كۆرۈنمە يۈزىدە كۆرۈنگەن 恢复 دېگەن بەلگىنى كۇنۇپكا تاختىسىدا shift نى بېسىپ تۇرۇپ تاللايمىز. چىققان تاللاش رامكىسىدىن 1- قەدەمدە چۈشۈرگەن بولاقنى تاللاپ بېرىمىز مەسىلە تامام.

لىتىيلىق باتارىيە(Li-ion battery)لەرنى نىمە ئۈچۈن ئىشلەتكەنسىرى سەمىرىپ قالىدۇ؟

ئۇنىۋېرسال

لىتىيلىق باتارىيە(Li-ion battery)لەرنى نىمە ئۈچۈن ئىشلەتكەنسىرى سەمىرىپ قالىدۇ؟

كۈندىلىك تۇرمۇشىمىزدا ئېلېكترونلۇق مەھسۇلاتلارنىڭ لىتىيلىق باتارىيسى ھەممىسى توك قاچىلىغىلى بولىدىغان لىتىي ئىئونلۇق باتارىيلەردۇر.لىتىي ئىئونلۇق باتارىيلەرنىڭ سىغىمى چوڭ، خىزمەت ئىلىكتىر بىسىمى يۇقىرى،ئۆمرى ئۇزۇن،ئېغىرلىقى يىنىك،ئەستە تۇتىۋىلىش ئېففىكتى بولماسلىق،ئىغىر مېتال تەركىبى بولماسلىق،خىزمەت تىمپۇراتۇرا شەرتى كەڭرى بولوش قاتارلىق نۇرغۇن ئارتۇقچىلىقلىرى بىلەن كەڭ ئىشلىتىلمەكتە.لىتىي ئىئونلۇق باتارىيلەردە لىتىي ئىئونى خىمىيلىك بىركمىلەرگە قىستۇرۇپ قۇتۇپ ماتېريالى قىلىنغان بولوپ لىتىي ئىئونى ئېلېكترود سۇيۇقلۇقى ئارقىلىق مۇسبەت ۋە مەنپىي قۇتۇپ ئارىسىداقايىتلانما ھەرىكەت قىلىپ زەرەتلەش ۋە زەرەت قويوپ بىرىشنى ئىشقا ئاشۇرىدۇ.مۇسبەت-مەنپىي قۇتۇپ ئارىسىدا كۆپ تۆشۈكللۈك پەردە بار بولوپ لىتىي ئىئونىنى ئۆتكۈزۈش،قىسقا تۇتىشىشنىڭ ئالدىنى ئىلىش رولى بار.بەزىدە بىز لىتىي ئىئونلۇق باتارىيەنىڭ سەمىرىپ قالغانلىقىنى بايقايمىز،بۇنى ئاساسلىقى باتارىيەنىڭ ئىچكى قىسمىدا ئىسسىقلىق قويوپ بىرىش،بىسىم ئارتىپ كىتىش قاتارلىق ھادىسىلەر تاشقى قاپتا شەكىل ئۆزگەرتىش تەسىرىدىن بولغان.باتارىيەنىڭ شەكلى ئۆزگىرىپ كىتىشى ئارتۇقچە زەرەتلەش(توكنى زىيادە كۆپ قاچىلاش)،خىزمەت مۇھىت تېمپىراتۇرىسى زىيادە يۇقىرى بولۇشتىن ئىبارەت ئىككى ئاساسلىق ئامىل كەلتۇرۇپ چىقىرىدۇ.

زىيادە توك قاچىلىغاندا ئارتۇقچە لىتىي ئىئونلىرى مۇسبەت قۇتۇپتىن ئايرىلىپ چىقىپ مەنپىي قۇتۇپقا كۆچۈپ كىرىپ ،مۇسبەت مەنپىي قۇتۇپنىڭ ئېسسسقلىق تۇراقسىزلىقىنى كەلتۈرۈپ چىقىرىدۇ.مۇسبەت قۇتۇپتىكى ماتېرياللاردىن پارچىلانغاندىكى چىققان ئوكسىگېن گازى ئېلېكترولىد سۇيۇقلۇقىنى ئوكسىدلاپ پارچىلاپ گاز ۋە ئىسسىقلىق پەيدا قىلىدۇ،مەنپىي قۇتۇپقا چۆكۆۋالغان لىتىي ئىئونى ئېلىكترود سۇيۇقلۇقى بىلەن رىئاكسىيلىشىپ ئېسسىقلىق قوتوپ بىرىدۇ.شۇنداق قىلىپ باتارىيىينىڭ ئىچكى قىسمىدا كۆپ مىقداردا ئىسسىقلىق ۋە گاز توپلىشىپ تاشقى قىپىنىڭ ئۆزگىرىشىنى ،ھەتتا پارتلاشنى كەلتۇرۇپ چىقىرىشى مۇمكىن.زىيادە توك قاچىلاشنىڭ ئالدىنى ئىلىشتا مەخسۇس ئىشلەنگەن ئۆلچەملىك توكلاتقۇ  ئىشلىتىش كىرەك.چۈنكى لاياقەتلىك مەھسۇلاتنىڭ زىيادە توك قاچىلاشنىڭ ئالدىنى ئىقتىدارى بار.ئەگەر مۇنداقلا  قىلىپ ئادەتتىكى ئەرزان توكلاتقۇلارنى ئىشلەتكەندە چوقوم توك قاچىلاش ۋاقتىغا دىققەت قىلىش كىرەك.

مۇناسىۋەتلىك خىمىيىلىك ئىئونلۇق رىئاكسىيلەر:

  • مۇسبەت قۇتۇپ رىئاكسىيسى:زەرەت قويوپ بەرگەندە لىتىي ئىئونى يۆتكىلىپ  كىرىدۇ،توك قاچىلىغاندا لىتىي ئىئونى قويوپ بىرىلىدۇ.
  • توك قاچىلىغاندا:          LiFePO4 → Li1-xFePO4 + xLi+ + xe
  • زەرەت قويوپ بەرگەندە：Li1-xFePO4 + xLi+ + xe → LiFePO4

  •  مەنپىي قۇتۇپ رېئاكسىيسى:زەرەت قويوپ بەرگەندا لىتىي ئىئونى چىقىپ كىتىدۇ،توك قاچىلىغاندا لىتىي ئىئونى يۆتكىلىپ كىرىدۇ

             توك قاچىلىغاندا:  xLi+ + xe− + 6C → LixC6

           زەرەت قويوپ بەرگەندە：LixC6 → xLi+ + xe− + 6C

يۇقىرى تېمپېراتۇرىدا باتارىيەدىكى ئېلېكترولىد سۇيۇقلىقى ئاسان پارچىلىنىپ گاز ۋە ئىسسىقلىق قويوپ بىرىدۇ.شۇڭا باتارىينى ئۇزاق مۇددەت ئاپتاپقا قاقلاش ،پاردا قىززىتىشتىن ساقلىنىش كىرەك.يانفۇننى قىززىق ھىس قىلغاندا ئەڭ ياخشىسى ئىشلەتمەسلىك، سالقىن جايدا سوۋۇتۇش كىرەك.

پارتلاشتىن ساقلىنىش ئۈچۈن لىتىي ئىئونلۇق باتارىيلەردە ئادەتتە ئۈچ خىل قوغدىغۇچى تەركىپ بولىدۇ.

1.ۋىكىليوچاتىل بىرلىكى:تىمپېراتۇرا يۇقىرى بولغاندا توك تەمىنلەشتىن ئاپتۇماتىك توختايدۇ.

2.ئىسسىقلىققا سەزگۈرلىكى ياخشى پەردىلەرنى ئىشلىتىش.تېمپېراتۇرا يۇقىرى بولغاندا پەردە مىكرو تۆشۈكچىلىرىدىن لىتىي ئىئونىنى ئۆتكۈزمەيدۇ،ئىچكى قىسىمدىكى خىمىيىلىك رېئاكسىيەلەرمۇ توختايدۇ.

3.بىخەتەرلىك جۈمىكى:باتارىينىڭ ئىچكى بىسىمى ئارتىپ كەتكەندە گاز تۆشۆكى ئارقىلىق گاز قويوپ بىرىدۇ.شۇڭا ئومومەن ئىيىتقاندا ئۆلچەملىك مەھسۇلاتلارنى نورمال  ئىشلەتكەندە سۈپەت كاپالىتىگە ئىگە.