بەلگە ئارخىپى: itunes

iPhoneنەشىر كۆتۈرۈش دەرىسلىكى

ئالما ساۋادى

بۇ دەرىسلكنى مەن iPhone تۇنجى قېتىم قولىغا ئالغان ئىشلەتكۈچىلەرنىڭ مەشغۇلات باسقۇچى بويىچە تەييارلىدىم. بىلدىغانلار ئەگىپ كەتكەيسىزلەر

نەشىر كۆتۈرۈش دېيىلگەندە ئۈسكىنە نەشرىنى كۆتۈرۈش ياكى تۆۋەنلىتىش ۋە ياكى شۇ نەشىرنى قايتا يېزىشىنى كۆرسىتىدۇ.

نۆۋەتتە نەشىر كۆتۈرۈشكە بولىدىغان بارلىق ئۈسكىنىلەرنى ئاددى ئۇسۇلدىلا نەشىر كۆتۈرۈشكە بولىدۇ. نەشىر كۆتۈرۈشكە بولىدىغان ئۈسكىنىلەر دېيىلگەندە ئالدى بىلەن apple تەرەپ نەشىر بولىقى تەمىنلىگەن ئەڭ يۇقىرى ياماق بولىشى، ئاندىن شۇ ئۈسكىنە نورمال تورغا ئۇلانغان كومپىيۇتېرغا چېتىلغان بولىشى شەرت.

تۆۋەندە نۆۋەتتىكى Apple مەھسۇلاتىنى 5.1.1 غا كۆتۈرۈش مەشغۇلاتىنى كۆرسىتىمەن. بۇ دەرىسلىك iPhone，ipad，iPodtouch，ipodClass，ipodnano，ipod，iTV… قاتارلىق ئۈسكىنىلەرگە ماس كىلىدۇ.

ئەگەر ئۈسكىنىڭىز 5.0 دىن يۇقىرى نەشىردە شۇنداقلا wifi غا ئۇلانغان، ھەم تۈرمىدىن قاچۇرۇلمىغان بولسا ئۈسكىنە ئېچىدىن 设置-通用-软件升级 دېگەن تەرتىپ بويىچە سىستىما نەشرىنى كۆتۈرسە بولىدۇ.

ئەگەر يۇقارقى شەرتكە چۈشمىسە ياكى سىستىمىنى قايتىدىن بىر يېزىپ چىقىش ئويى بولسا تۆۋەندىكى قۇرلارغا نەزەر سالغاي.

1.ئۈسكىنە نەشرىگە ماس 5.1.1نىڭ نەشىر كۆتۈرۈش بولىقىنى چۈشۈرىمىز. چۈشۈرۈش ئادېرسى

2.ئالما ئۈسكىنىلىرىنىڭ مۇھىم يۆلەنچۈكى itunes نى چۈشۈرىمىز. چۈشۈرۈش ئادېرسى

3.ئۈسكىنىنى كومپىيۇتېرغا چېتىپ DFU ھالەتكە كىرىمىز. جەريانى: ئۈسكىنىنى ئۆچۈرىمىز، ئۈستىدىكى مەنبە كۇنۇپكىسىنى بېسىپ 3 سېكونت تۇرىمىز.ئۈسكىنىدە ئالما بەلگىسى كۆرۈنىدۇ. يۇقارقى كۇنۇپكىنى قويۇۋەتمەي تۇرۇپلا ئاستىدىكى قايتىش كۇنۇپكىسىنى بىللە 10 سېكونت بېسىپ تۇرىمىز.ئۈسكىنە يەنە بىر ئۆچۈپ قوزغىلىدۇ. ئۇنىڭدىن كىيىن مەنبە كۇنۇپكىسىنى قويۇۋېتىمىز، قايتىش كۇنۇپكىسىنى ئۆزلۈكسىز 15 سېكونت بېسىپ تۇرىمىز. تەپسىلىي مەشغۇلات جەريانى بىر يىل بۇرۇن تەپسىلىي يوللانغان.

4. iTunes دا يىڭى ئۈسكىنە تونۇغانلىق ئۇچۇرى چىقىدۇ. جەزىملەشتۈرىمىز.

5. ئاخىردا iTunes نىڭ كۆرۈنمە يۈزىدە كۆرۈنگەن 恢复 دېگەن بەلگىنى كۇنۇپكا تاختىسىدا shift نى بېسىپ تۇرۇپ تاللايمىز. چىققان تاللاش رامكىسىدىن 1- قەدەمدە چۈشۈرگەن بولاقنى تاللاپ بېرىمىز مەسىلە تامام.

i ئۈسكىنىدىكى ئەپلەرنى كومپيۇتېرغا زاپاسلاش

ئۇنىۋېرسال

نۇرغۇنلىرىمىز Wi-Fi ئارقىلىق i جەمەتىدىكى ئۈسكىنىلەرگە ئەپ قاچىلايمىز.

بەزىلىرىنى ئۆزىمىزنىڭ كومپيۇتېرىغا زاپاسلاش ئىھتىياجى بولىدۇ. تۆۋەندىكى ئىككى خىل چارىنىڭ خالىغىنىدا بۇ خىل ھاجەتتىن چىقىمىز.

1. بىز تولا تونۇشتۇرغان iTools دېگەن دېتالنى قوزغىتىپ ئۈسكىنە نامىدىن كىرگەندىن كىيىن ئ‍ىچىدىكى ئەپلەر كۆرۈنىدۇ. ئۈستىدە چېكىپلا 备份 دېگەنى باسساق پۈتكۈل يۇمشاق دېتال قايتا  ساقلاش ھالىتىگە ئۆتۈپ بەلگىلەنگەن مۇندەرىجىگە زاپاسلىنىدۇ.

2. كونا ئەرمەك iTunes نى قوزغىتىپ ئۇنىڭغا ئۆزىمىزنىڭ Apple ID ئارقىلىق كىرىمىز. ئاندىن كومپىيۇتېرغا ھوقۇق بېرىمىز (授权).

ئاندىن ئۈسكىنە نامىنى تاللاپ ئوڭ كۇنۇپكىنى چەكسەك تاللاش رامىكىسى كۆرۈنىدۇ. ئۇنىڭ ئېچىدىن 取备份 نى تاللىساقلا تامام.

ئورگان تەرەپنىڭ بۇ ھەقتىكى تېخىمۇ تەپسىلىي دەرىسلىكىنى بۇ ئۇلانمىدىن كۆرۈڭ.

ئالمىغا يۇمشاق دېتال قاچىلاش ئۆلچەملىك دەرسلىكى

ئالما ساۋادى،

خالاستان بىلوگى شۇنى سەمڭىزگە سالىدۇ:«ھاياتلىقنى قەدىرلەپ 91 دىن يىراق تۇرۇڭ»

Apple مەھسۇلاتلىرىغا يىڭى ھەۋەسكارلار داۋاملىق ھالدا «91 ياردەمچىسى(ماس نامى «91 چوماقچىسى»)» نى ئىشلىتىپ يۇمشاق دىتال قاچىلايدۇ.

يىڭى ئۈگەنگۈچىلەرگە نىسبەتەن ئازراق قولاي بولغىنى بىلەن 91 نىڭ بىللە قاچىلىنىدىغان لۈكچەك قىستۇرمىلىرى ساماندەك، شۇڭا ھازىر ھەممە مۇنبەرلەردە 91 ئىشلەتمەسلىك تەشەببۇسى قىلىنىۋاتىدۇ. ئەمىليەتتە 91 ئىشلەتمەيمۇ بارلىق ئىقتىدارنى ئىشقا ئاشۇرغىلى بولىدۇ. شۇڭا خالاستان بىلوگى رەسمىي يوسۇندا 91 ئارقىلىق ئىشقا ئاشقان ئىقتىدارلارنى باشقا يۇمشاق دىتاللار ئارقىلىق ئىشقا ئاشۇرۇشنى تەكىتلەيدۇ، ھەم شۇنداق ھەل قىلىش چارىسى تەمىنلەيدۇ.

ئالدىنقى قېتىم، ناخشا مۇزىكا يوللاشنىمۇ 91 سىز مۇھىتتا ئىشقا ئاشۇرغان.../1007.html

91نىڭ لۈكچەك فورماتى PXL نى Apple نىڭ قانۇنلۇق، بىخەتەر فورماتى IPA گە ئايلاندۇرۇشنىمۇ سۆزلەپ ئۆتتۇق.../1047.html

خوش، تۆۋەندە 91 سىز مۇھىتتا，iTunes ئارقىلىق يۇمشاق دىتال قاچىلاشنى سۆزلەپ ئۆتەي.

1. ئالدى بىلەن يۇقارقى دەرسلىك بويىچە IPA فورماتىدىكى دىتاللارنى يۇغلايسىز.../1047.html . توردىن چۈشۈرۈشكە ياكى ئۆزىمىز 91نىڭ لۈكچەك فورماتى PXL نى Apple نىڭ قانۇنلۇق، بىخەتەر فورماتى IPAغا ئايلاندۇرۇشقا بولىدۇ. قىلىپ بولغانلار ئاتلاپ كېتىڭ.

2.../928.html ماۋۇ دەرسلىك بويىچە  cydia غا app.weiphone.com/cydia دىگەن ئادىرىسنى قوشۇڭ، ھەم يىڭىلاڭ. شۇنداقلا ئىزدەش كۆزنىكىدىن IPA  دىگەننى ئىزدەڭ.  ئۇسۇلى  ../995.html غا ئوخشايدۇ.

سىز بۇ يەردىن IPA补丁  دىگەن تاللاشلارنى تاپالايسىز، بۇنىڭدىن 4.X ياكى 3.x دىگەنى تاللاڭ (سىزنىڭ سىستىمىڭىزغا قايسىسى ماس كەلسە شۇنى تاللاڭ). بۇ يېشىۋىتىلگەن IPAھۆججەتلىرىنى ئۈسكىنىگە قاچىلاش ئۈچۈن زۆرۈر ياماق بولۇپ قاچلىماسلىققا بولمايدۇ. قىلىپ بولغانلار ئاتلاپ كېتىڭ.

3. iTunes نى قوزغىتىڭ . ئاندىن تۆۋەندىكى رەسىمدىكى جايلارنى تولدۇرۇڭ.

ئېچىلغان كۆزنەككە ھىساب نومۇرى تولدۇرىمىز.يۇقارقى ھىساب نومۇرى بولسا appleنىڭ بارلىق ئىشلەتكۈچىلەرگە بىرىلىدىغان كىملىكى. بۇ ھىساب نومۇرىنى 淘宝 دا 10 سومدىن ساتىدۇ. خالاستان بىلوگى بۇ تېخنىكىنى ھەقسىز تەمىنلىگەن. مەنزىل: ../757.html

4.تاللاپ قويغان يۇمشاق دىتاللارنى تاللاپ يۇقارقى بىرىنچى رەسىمدە كۆرسىتىلگەن 应用程序 دىگەننىڭ ئۈستىگىلا تاشلاڭ.

5. ئۈسكىنىنى كومپيۇتېرغا ئۇلاپ  ئۈسكىنىنىڭ نامىنى چېكىمىز. ئوڭ تەرەپتە كۆرۈنگەن  بەتنىڭ ئەڭ ئۈستۈنكى قۇردا 应用程序  دىگەن تاللاش بولىدۇ.

6. 应用程序 دىگەن تاللاشنىڭ ئاستىدا 同步 دىگەن ئىقتىدار كۇنۇپكىسىنى چەكسەك يۇقىردا بىز itunes غا قوشقان يۇمشاق دىتالىمىز ئەمدى ئۈسكىنىنىڭ ئىچىگە قاچىلىنىدۇ.

دىققەت بۇنداق قىلغاندا ئۈسكىنە ئىچىدىكى itunes دا يوق  يۇمشاق دىتاللارنى يۇيىلىپ كىتىدۇ. بۇنىڭغا ئىلاج يوق.

iTunesدىكى نەشىر كۆتۈرەلمەسلىك خاتالىقىنى تۈزەش

Mac OS X،

يىقىندىن بىرى Mac OS بىلەن ئېتىشىپ نۇرغۇن مەسىلىلەرگە يولۇقۇپ ئۆتتۈم. بۇ جەرياندا بەزى مەسىلىلەر باشقىلارغىمۇ، Windowsشارائىتتىمۇ يولۇقۇش ئېھتىماللىقى بولغاچ تېما قىلىپ يوللاۋاتىمەن. ئوخشاش مەسىلگە يولۇققانلارغا ياردىمى تەگكەي.

ئۈسكىنىنى iTunes غا چېتىپ windows شارائىتتا Shift نى بېسىپ (Mac شارائىتتاOptionنى) نەشىر كۆتۈرۈش (ياكى ئوخشاش نەشىرنى قايتا يىڭىلاش) بۇيرۇقى بەرگەندە تۆۋەندىكىدەك خاتالىق كۆرۈلسە

无法恢复iphone the device isnt eligible for the requested build

بۇنىڭ ھەل قىلىش چارىسى تۆۋەندىكىدەك:

ئەگەر بۇرۇن 小雨伞 (ئېنگىلىزچە TinyUmbrella) دېگەن دېتال قاچىلانغان بولسا بۇ دېتالنى قايتا قوزغىتىپ advanced دېگەن تۈردىكى set hosts to cydia on exit  دېگەن تاللاشنىڭ ئالدىكدىكى تاللاشنى (بار بولسا) ئېلىۋەتسەك تامام.

ئەگەر يۇقارقى باسقۇچتىمۇ ئوڭشالمىسا تۆۋەندىكىچە مەشغۇلات قىلىمىز:

Windows  دىكىلەر: c%System32DriversEtc دېگەن مۇندەرىجىدىن Hosts دېگەن ھۆججەتنى خاتىرە دەپتەردە ئېچىپ  74.208.105.171 gs.apple.comياكى 74.208.10.249 gs.apple.com دېگەن ئىككى قۇرنى ئۆچۈرۋەتكەي.

Mac OS X تىكىلەر بولسا : 实用工具-终端 دېگەن تەرتىپ بويىچە ئىجرا كۆزنىكىنى قوزغىتىپ sudo vi /etc/hosts نى كىرگۈزۈپ قايتۇرۇش كۇنۇپكىسىنى باسسا سىستىما پارولىنى سورايدۇ، كىرگۈزگەناىن كىيىن Host ھۆججەت ئېچىلىدۇ. ئاندىن i نى باسقاندىن كىيىن تەھرىرلەش ھالىتىدە تۇرۇپ 74.208.105.171 gs.apple.comياكى 74.208.10.249 gs.apple.com دېگەن ئ‍ككى قۇرنى تولۇق ئۆچۈرۋەتكەندىن كىيىن Escنى بېسىپ چېكىنسە(يەنە كىرگۈزۈش ھالىتىدە بولسا wqنى كىرگۈزىمىز) تامام.

iOS5 ئىلان قىلىنمايلا تۈرمىدىن قېچىپ بولدى

APPLE،تۈرمىدىن قاچۇرۇش،،،،،،،،

de>>ئالدىنقى تېمىمىزدا iOS5 نى ماختاپ ئۇچۇرۇپ، تونۇشتۇرۇپ بولدۇق. تېخى WWDC 2011 دا ئەمدى ئېلان قىلىغان iOS5 نىڭ سىناق نەشرى بۈگۈنكى كۈندە چەتئەلدىكى خاككىرلار تەرىپىدىن تۈرمىدىن قاچۇرلۇپ بولۇندى.

ios5 كە يىڭىلاش تەمىنلەيدىغان ئۈسكىنىلەر ipodtouch3，ipodtouch4，iPhone3Gs，iphone4，ipad1，ipad2，iTV1，iTV2 قاتارلىقلار بولۇپ، 9- ئايدا ئېلان قىلىنىدىغان iPhone نىڭ 5-ئەۋلاد نەشرى iPhone4s كىمۇ قاچىلىنىدۇ. يىل ئاخىردىكى ipad3 مۇ مۇشۇ نەشىرنى قوللايدۇ. ھازىر تورلاردا تارقالغىنى apple دىكىلەر دېتال ئاچقۇچىلارغا تەمىنلىگەن سىناق نەشرى بولۇپ ھەقىقى نەشرى يىقىندا چىقىدۇ.

iTunes10.5Beta نەشرىدە تۇرۇپ نەشىر كۆتۈرۈشكە بولىدۇ. http://developer.apple.com/devcenter/ios/index.action

مۇناسىۋەتلىك نەشىر كۆتۈرۈش سىناق بولىقىنى تۆۋەندىكى ئادىرىستىن چۈشۈرگەي. داۋاملىق ئوقۇش →

iTunes دىكى 3194 خاتالىقىنى ئوڭشاش

ئالما دېتالى

يىقىندىن بىرى iPhone غا نەشىر كۆتۈرۈش جەريانىدا مەن بۇ خاتالىققا كۆپ ئۇچراپ كەتتىم.

توردىن ئاختۇرسام بۇ ھەقتە چارە تولىكەن، بىراق ھەل قېلىش ئۇسۇلى دەل ئەكسىچە سۆزلىنىپتۇ.مەن تولا ئېتىشىپ يۈرۈپ سېستىمىنى قايتا قاچىلاپ، باشقا كومپيۇتېرغا ئالماشتۇرۇپ، ھەتتا پۈتۈن ئۈسكىنىنى قايتىدىن فورماتلاپ سىنىدىم، يەنىلا كارغا كەلمىدى.

3194 خاتالىقى بولسا iTunes نەشىر كۆتۈرۈش باسقۇچىدا apple نىڭ مۇلازىمتېردىن نەشىر كۆتۈرۈش تەستىق ئۇچۇرى تەلەپ قېلىش جەريانىدا كۆرۈلىدىغان بولۇپ مۇلازىمېر نەشىر كۆتۈرۈشكە بەرگەن تەستىق كودى GFW تەرىپىدىن توسۇۋىلىنغان ئەھۋالنى كۆرسىتىدۇ. GFW تەرىپىدىن توسۇۋىلىنىشى بېيجىڭ پوچتا-تېلىگىراف ئونىۋىرىسىتىتىنىڭ مۇدىرى باشچىلىقىدا كەشىپ قىلىغان ”ئوتتىن ساقلىنىش تېمى“ تەرىپىدىن كىلىپ چىقىدۇ. يەنى ھۆكۈمەت قانۇنسىز دەپ قارىغان ئۇچۇرلارنى توسۇۋېتىدۇ. مۇناسىۋەتلىك ئۇچۇرنى بۇ يەردىن كۆرۈڭ : http://zh.wikipedia.org/zh-sg/GFW

ئىشلەتكۈچىلەر tinyUmbreall دېتالى ئارقىلىق shsh نى زاپاسلاش جەريانىدا كومپيۇتېردىكى hosts ھۆججەت(كومپيۇتېردا ۋاقىتلىق ساقلىنىپ DNS رولىنى ئۆتەيدىغان ھۆججەت)كە بىر قۇر كود قوشۇپ قويىدۇ. شۇ سەۋەبتىن GFW تەرىپىدىن توسۇلۇپ قالىدۇ.

ئەگەر ئىشلەتكۈچى قەستەن نەشىر تۆۋەنلىتىش ياكى تور قۇلۇپ يېشىش قاتارلىق ئىھتىياجى بولمىسا بۇ قۇر كود ئارتۇقچە. شۇڭا بۇ قۇر كودنى ئېلىۋەتكەندە مەسىلە ئوڭشىلىدۇ. tinyUmbrella دا tts Server نى قوزغاتقاندا بۇ قۇر كود يەنە ئاپتوماتىك قوشۇلىدۇ.

خوش، نەزەرىيە مۇشۇ يەرگىچە بولسۇن. 3194 ياكى 3195 خاتالىقنى ئوڭشاشنىڭ ئۇسۇلى hosts ھۆججەتتىن قوشۇلۇپ قالغان بىر قۇر كودنى ئۆچۈرۋىتىش. تەپسىلىي قەدەم باسقۇچى:

C:WindowsSystem32driversetc دىگەن مۇندەرىجىدىن hosts نامىدىكى ھۆججەتنى 记事本  دا ئېچىپ ئۇنىڭ ئېچىدىكى

gs.apple.com 74.208.10.249

دىگەن كودنى تېپىپ ئۆچۈرۋېتىش. ئاۋۇ IP ۋە ئادېرىسىنڭ ئورنى ئالماشقان بولىشىمۇ مۇمكىن، يەنىلا ئۆچۈرۋېتىمىز ۋە ساقلاپ چېكىنىمىز. ئەگەر ئۆزگەرتىشتە خاتالىق كۆرۈلسە 管理员身份 دا كىرىپ ئۆچۈرۈپ ئاندىن iTunes نى قايتا قوزغاتساقلا كۇپايە.

iTunes ئارقىلىقiPhoneغا ناخشا-كىنو قاچىلاش

APPLE

apple بىرىچى داڭلىق مەھسۇلاتى ipod classic تىن تارتىپلا مۇزىكا ئۈنۈمىگە ئالاھىدە ئەھمىيەت بىرىلگەن. شۇڭا iphone，ipod touch，ipad قاتارلىق كۆپ ۋاستە ئۈسكىنىلىرىدە بۇ خىل يۈزلىنىش تېخىمۇ يۇقىرى. iphone，ipod touch，ipad لار MP3、WAV、AIFF、Apple lossless قاتارلىق يۇقىرى ئىنىقلىقتىكى  ئاۋاز ۋەMP4、MOV、AVIقاتارلىق فورماتتىكى سىن ھۆججەتلىرىنى قويۇشقا بولىدۇ.

نۇرغۇن دوستلار apple نىڭ يۇقىرى تېخنىكىلىق ئۈسكىنىلىرىنى سېتىۋىلىپ بەزى مەشغۇلات ئادىتى (چۈنكى Darwin ئاساسىدا ئىشلەنگەن mac os نىڭ مەشغۇلات ئادىتى Windows قا ئوخشىمايدۇ) تۈپەيلى بىر قىسىم ئۇقۇشماسلىقلار ساقلىنىپتۇ، شۇڭا مەن بۇ تېمىدا iphone，ipod touch，ipadلارغا  iTunes ئارقىلىق ناخشا-كىنو قاچىلاشنى كۆرسىتىپ ئۆتەي.

1.iTunes نىڭ باش بەت كۆرۈنمە يۈزىدىن ئۈسكىنىنى تاللايمىز(ئۈسكىنە نامىنى چەكسەكلا بولدى).

2.كۆرۈنگەن رەسىمدىن  بويالغان ئورۇننى چېكىمىز.

3. ئۇنىڭ ئاستىدىكى 应用 نى تاللايمىز.

4. سول تەرەپ تېزىملىكتە音乐 دىگەننىڭ ئۈستىدە مائۇس ئوڭ كۇنۇپكىسىنى چىكىپ، يىڭى كۆزنەك ئېچىشنى تاللايمىز.

5. يىڭى كۆزنەكنى ناخشا بار (كومپيۇتېردىكى) كۆزنەك بىلەن بىر يەرگە ئەكىرىپ ناخشا بار مۇندەرىجىنى تارتىپلا iTunes دا يىڭى ئېچىلغان كۆزنەككە تاشلايمىز.

6.بۇ ۋاقىتتا قوللىمايدىغان فورماتتىكى ھۆججەتلەر ئايلاندۇرۇش تەلەپ قىلىنامدۇ دىگەن سوراق چىقىدۇ.

بۇنىڭغا لايىقىدا جاۋاب بەرسەكلا بىر يولدا بىرەر نەچچە (ھەتتا غول) مۇندەرىجىدىكى مۇزىكىلارنى قاچىلاشقا بولىدۇ.

*********************************************

يۇقارقى باسقۇچتىكى يڭى كۆزنەك ئاچىدىغان يەردە 电影 دىگەننىڭ ئۈسىتدە مائۇس ئوڭ كۇنۇپكىسىنى چېكىپ يىڭى كۆزنەك ئىچىپ ئوخشاشلا  MP4、MOV、AVI قاتارلىق فورماتتىكى كىنو-فىلىملەرنى قوشۇشقا بولىدۇ.

ئۆچۈرۈش ئۈچۈنمۇ يۇقارقى كۆزنەكنى ئېچىپ رەسىمدىكىدەك مەشغۇلات ئارقىلىق ناخشا-كىنو نى ئۆچۈرۋەتسەك تامام.

iTunes كۆپ بوشلۇق ئىگەللىۋالغاننىڭ دورىسى

APPLE،

ھەربىر Apple مەھسۇلاتى ئىشلىتىدىغانلار ئۈچۈن iTunes تىن مۇھىم قورال بولمىسا كىرەك. لىكىن ئىشلەتكەن ۋاقىتنىڭ ئىششىغا ئەگىشىپ iTunes تا زاپاسلانغان ھۆججەتنىڭ سىغىمى كۈنسايىن ئاشىدۇ. دەسلەپتە نەچچە يۈز KB بولسا، تەدرىجىي نەچچە يۈز GB غىمۇ يېتىپ قالىدۇ. جۈملىدىن مىنىڭمۇ ئىككى كۈندىلا 20GBغا يىقىن بوشلۇق iTunes تەرىپىدىن «ئەسىر»گە چۈشۈپتۇ. ھەر بىر قىتىم iphone غا سىستىما قاچىلىغاندا بىر قىتىم زاپاس يىڭىلايدىغان بولغاچ(iphone دىكى بارلىق نەرسىلەر iTunes ئارقىلىق كومپيۇتېرغا زاپاسلىنىدۇ. ئۈسكىنە ئالماشسا يەنە يىڭى ھۆججەتلەر قوشۇلىدۇ) سىستىما رايۇنىمنىڭ يىرىمى iTunes نىڭ زاپاسخانىسى بولۇپ كىتىپتۇ.

بۈگۈن ئاختۇرۇپ يۈرۈپ بۇ «مەخپىي ئۇۋا» نى تاپتىم. سىستىما رايۇنى كۆپ ئىگەللىۋىلىنغان تورداشلار تۆۋەندىكى مۇندەرىجە بويىچە قاراپ باقسا بولىدۇ.

سىستىمىدىكى ئادىرسى  مۇنداقكەن C:UsersnazaryAppDataRoamingApple ComputerMobileSyncBackup

بۇ يەردىكى Backup دىگەن مۇندەرىجىنىلا ئۆچۈرۋەتسەك بولىدۇ. يۇقارقى مۇندەرىجە ئادىرسىدىكى nazary دىگەننىڭ ئورنىغا ئۆزىڭىز ئىشلەتكۈچى نامىڭىزنى كىرگۈزگەيسىز. مىنىڭ سىسىتمام Win7 . باشقا سىسىتمىدىكىلەر Backup دىگەن نام ئارقىلىق ئىزدەپ تاپسا بولىدۇ.

بۇنىڭدىن سىرىت يەنە سىسىتىمىنىڭ 我的音乐，Mymusic دىگەن مۇندەرىجىسىدىمۇ iTunes بىلەن نام قويۇلغان بىر ھۆججەت بار. شۇ ھۆججەتنى ئۆچۈرۋەتسەكمۇ نۇرغۇن بوشلۇق چوڭىيىدۇ.

يۇقارقى ئىككى مۇندەرىجە پەقەت زاپاس ھۆججەت مۇندەرىجىسى بولغاچ سىستىمىنىڭ نورمال ئىجرا بولىشىغا تەسىرى يوق. شۇڭا خاتىرجەم ئۆچۈرگەيسىز. لىكىن زاپاس ماتىرياللارنىڭ ئالاھىدە قىممىتى بار دەپ قارىغۇچىلار ساقلاپ قويسا كىيىن ئۈسكىنىگە ئوڭايلا ئەسلىگە كەلتۈرگىلى بولىدۇ.

iTunesھىساب نۇمۇرىنى ھەقسىز ئېلتىماس قىلىڭ

APPLE،

iTunes ھىساب نۇمۇرى بولسا appleمەھسۇلاتى ئىشلەتكۈچىلەردە چوقۇم بولۇشقا تېگىشلىك نۇمۇر بولۇپ سىزنىڭ apple غا سالاھىيىتىڭىزنى بەلگىلەپ بىرىدىغان ئىسپات.
ئېلتىماس جەريانى ئاددى بولىشىغا قارىماي نۇرغۇن ئادەم كىچىككىنە باسقۇچنى تالىيالمايwww.taobao.com دىن پۇلغا ھىساب نۇمۇرى سېتىۋالىدۇ، بۇ بىر ئەخمىقانىلىك!
تۆۋەندىكى باسقۇچلار ئارقىلىق سىز 中国غا تەۋە بىر ھىساب نۇمۇرى ۋە USA گە تەۋە ھىساب نۇمۇرىغا ئىرىشەلەيسىز. 中国 نامىدىكى ھىساب نۇمۇرىدا كۆپ قوللىنىلىدىغان دىتاللار بولۇپ، ھەقسىز دىتاللار ئازراق، ئەمما كۆپىنچىسى 中文 يىزىقتا.USA گە تەۋە ھىساب نومورىدا ھەممىسى دىگۈدەك Englishيىزىقىدىكى يۇمشاق دىتاللار بولۇپ نەچچە يۈزمىڭ خىل ھەقسىز دىتال سىزنىڭ چۈشۈرىشىڭىزنى كۈتىۋاتىدۇ.
قارىسام نۇرغۇن تورداشلار iTunes ھىسابى ئالالماي تەمىتىرەپ يۈرگەن ئوخشايدۇ. مەندىنمۇ مەسىلىھەت سوراپ ئالاقىلەشكەنلەر ئاز ئەمەس.شۇڭا كۆپرەك ئادەم ئۈگىنىۋالسۇن دەپ ئايرىم تىما يوللىدىم.
ئەمسە مەن iTunes نىڭ تارىخىي كىلىپ چىقىشى، ئەھمىيىتى، رولى … قاتارلىق قائىدىۋى تېما ئۇسلۇبىدىن دادىللىق بىلەن ھالقىپ نەخ گەپنىڭ ئۆزىگە ئۆتەي.
1.سىز ئالدى بىلەن iTunes نى www.apple.comدىن چۈشۈرۈپ ، قاچىلاپ ، قوزغىتىسىز. ئاندىن app store دىگەن يەردىن يۇمشاق دىتال بار بەتكە كىرىسىز
2. بۇ بەتتىن سىز خالىغان بىر Free دەپ يىزىلغان —- ھەقسىز تامغىسى بىسىلغان يۇمشاق دىتالنى تاللاپ Free دىگەن خەتنى باسىسىز.
3. سىزدىن ھىساب نۇمۇرى سورايدۇ. سىز نۇمۇرۇم يوق تېزىملىتىمەن دىگەنى تاللايسىز.
4. كىيىنكى بەتتىن سىز دۆلەت دىگەنگە جۇڭگونى تاللاپ داۋاملاشتۇرىسىز(بۇ قەدەم مۇھىم)
5. ئەڭ ئۈستىدە سىز ھايرانلىق ئىچىدە بايقايسىزكى، بىر نەچچە خەلقئارالىق بانكا نۇمۇرى تاللايدىغان يەر ۋە None —– بانكا كارتا نۇمۇرى يوق دىگەن تاللاش بار. سىز None نى تاللايسىز.
6. كىيىنكى قەدەمدە سىز ئېلخەت ۋە مۇناسىۋەتلىك نۇمۇرلارنى تولدۇرىسىز. پارولغا چوقۇم چوڭ يىزىلغان بىر ھەرپ بىر نەچچە كىچىك يىزىلغان ھەرپ شۇنداقلا سانلار كىلىشى كىرەك. كىيىنكى قەدەم نى باسىسىز.
7. ئېلخەتكە قاراڭ.
ھىساب پۈتتى.
خوش يۇقارقى ھىسابتا سىز پەقەت خەنزۇچە بەتتىلا ھەقسىز دىتال چۈشۈرەلەيسىز.
***************** رىۋايەتلەردىكى ئايرىش سىزىقى***********************
تۆۋەندىكى باسقۇچتا USA — ئامىركىغا تەۋە ھىساب نومورىدىن بىرنى ئېلتىماس قىلىمىز.

يۇقارقى ئۇسۇلدا كۆرسىتىلگەن باسقۇچتىكى يۇقاردىن تۆۋەنگە تەكرارلاپ 4- قەدەمدە ئامىركا دىگەنى تاللىسىڭىزلا كىيىنكى بەتلەر ئېنگىلىزچە بولىدۇ. مۇناسىۋەتلىك يەرلەر ئوخشاش.
5- قەدەمدە سىز توردىن ئامېركا تېلفون نۇمۇرى ۋە پوچتا نومۇرى قاتارلىقلارنى تولدۇرىسىز، پارول ئوخشاشلا يۇقارقى تەرتىپكە ئوخشايدۇ.
پايدىلىنىش ئۈچۈن تۆۋەندىكىلەرنى قالدۇردۇم(قالايمىقان يازسىڭىز كىيىنكى باسقۇچقا ئۆتمەيدۇ)
美国凯莱投资集团

地址：美国科罗拉多州利特尔顿市皮埃尔斯南大街7470号
邮编：80128
电话：+1-206-339-2884
传真：+1-206-339-2874

يۇقاردا يېزىلغان ئېلخەتنى ئاچسىڭىزلا ھىساب نۇمۇرى تەييار بولغان بولىدۇ.
مۇبارەك بولسۇن سىز يەنە بىر ھىسابقا ئېرىشتىڭىز.
www.../ نەزەرى

iPhone نەشىر كۆتۈرۈشتىكى 1015 خاتالىقنى تۈزەش

APPLE

ئادەتتە ئاساسى بەلباغ (基带)  بولسا iPhone نىڭ ھەر بىر نەشرىگە بىردىن ماس كىلىدۇ. يەنى 4.1 غا ماس كىلىدىغان ئاساسى بەلباغ بولسا 05.14.02. لىكىن بىز ئامىركا نەشرىدىكى iPhone لارنىڭ تۆۋەن نەشىردىكى يىشىش ئۇسۇلى چىقىشتىن بۇرۇن ئالدىراقسانلىق بىلەن ئاساسى بەلباغنى كۆتۈرىۋىتىمىز. يەنى كۆتۈرگەندىن كىيىنكى ئاساسى بەلباغ 06.15.00 بولۇپ iPad كە تەۋە كەڭ بەلباغ رايۇنى بولۇپ ھىسابلىنىدۇ. شۇڭا ماس كەلمىگەن بەلباغ نەشىردە 1015 خاتالىقى چىقىدۇ.

ئاساسى بەلبەغنى كۆتۈرگەندىن كىيىن ئورگان تەرەپ سىستىما بولىقىدا نەشىر كۆتۈرۈش ياكى ئەسلىگە قايتۇرۇش مەشغۇلاتى قىلىشقا بولمايدۇ. ئەگەر بەك زۆرۈر تىپىلسا 500-600 سوم تۆلەپ 北京，深圳 لاردا ئۆزەككە ئۇچۇر يازالايدىغانلار بىلەن ئالاقىلىشىپ iPhone ئېچىپ ئاندىن نەشىر تۆۋەنلىتىش مەشغۇلاتى قىلىشقا بولىدۇ.

ئەگەردە چوقۇم ئورگان تەرەپ نەشىر كۆتۈرۈش بولىقى دا كۆتۈرۈش تەلەپ قىلىنمىسا ھازىر دۆلەت ئىچىدە 威风  دىكىلەر ئۆزى ياسىغان نەشىر كۆتۈرۈش بولىقى بار، شۇنى چۈشۈرۈپلا iTunes دا نەشىر كۆتۈرسەك بولىۋىرىدۇ، بۇنىڭدا ھىچقانداق چەكلمە يوق.

چۈشۈرۈش ئادىرسى : http://bbs.weiphone.com/read-htm-tid-1314501.html

ئەگەر سۆيۈملۈك تورداش 3- تەرەپ ئاچقان بولاقنىڭ سۈپىتى ۋە بىخەتەرلىكىدىن گۇمان قىلسا تۆۋەندىكى مەشغۇلات ئارقىلىقمۇ ئورگان تەرەپ بولىقىدىن پايدىلىنىپ نەشىر كۆتۈرۈش ئىلىپ بىرىشقا بولىدۇ.

1. itunes دا تۇرۇپ بىۋاستە 4.2.1 نىڭ نەشىرنى كۆتۈرۈش بۇيرۇقى بىرىش. بۇ مەشغۇلات چوقۇم DFU  ھالەتتە ئىلىپ بىرىلىشى كىرەك (بۇ ھۈنەرنى خالاستان بلوگىدىن ئۈگىنىڭ)

2.بۇ ۋاقىتتا ئىكراندا 1015 خاتالىق ئۇچۇرى چىقىدۇ. بىز بۇنىڭ ئىتىشماي بىۋاستىلا tinyumbrella-4.21.01 نى ئاچىمىز.

3. tinyumbrella-4.21.01 نىڭ سول تەرەپ يۇقارسىدىن ئۆزىمىزنىڭ ئۈسكىنىسىنىڭ ئىسمىنى باسساق exit recover دىگەن تاللانما ئوڭ تەرەپتە كۆرۈنىدۇ.

4. بۇ چاغدا iPhone قوزغىلىشقا باشلايدۇ. بىز دەرھاللا redsonw ئارقىلىق تۈرمىدىن قاچۇرۇش مەشغۇلاتى قىلىمىز. دىققەت: بۇ ۋاقىتتا ئاساسىي بەلباغنى كۆتۈرۈش مەشغۇلاتى قىلىشقا بولمايدۇ.

5. تۈرمىدىن قاچۇرۇش مەشغۇلاتى بەلكىم 10 مىنۇتچە داۋاملىشىپ قىلىشى مۇمكىن. بۇنىڭغا چوقۇم سەۋر قىلىش كىرەك.

ئەگەردە يۇقارقى مەشغۇلاتلار مۇۋاپقىيەتلىك بولسا، مۇبارەك بولسۇن!

ئەگەر مۇۋاپقىيەتسىز بولسا سىز يۇقارقى ئورگان تەرەپ ھۆججىتى نىڭ 4.1 نەشرىنى چۈشۈرۈپ مەشغۇلاتنى تەكرارلاپ نورمال ھالەتكە ئەكىلىپ ئاندىن shsh نى زاپاسلىغاندىن كىيىن يۇقارقى مەشغۇلاتنى قايتا تەكرارلاڭ!