21- ئەسىر، ئ‍ۇچۇر دەۋرى، بىلىم دەۋرى،  پۇل دەۋرى،  پەن -تېخنىكا دەۋرى دەپ ئاتالغان ۋاقىتلاردا بىز تېخى كىچىكتۇق. مانا بىزمۇ «قاتارغا قوشۇلۇپ» سەپكە تىزىلىپتۇق.

ئەمدى بۇ دەۋىرنى ھەقىقىي مەنىسى بىلەن سۈرەتلەيدىغان بولساق ئىسمى – جىسمىغا لايىق «پارول دەۋرى». ھەممەيلەن توردا تۈمەن مىڭ خىل بېكەتكە كىرىمىز، ھەممىسى دېگۈدەك نەچچە يۈز خىل ئۇسلۇبتا بىزدىن ئابونت نومۇرى، پارول… قاتارلىقلارنى سوراپ ئۈلگۈرىدۇ. بۇنى دېمەيلا قويىلى ، ئۆيدىكى بىخەتەرلىك ساندۇقى، بىخەتەر ئىشىك، ماشىنا ئۈسكىنىلەرنىڭ قوزغاتقۇچىسى، تېلفون- تىڭشىغۇچ … ھەممىسى دېگۈدەك «پاروللىنىپ» ئۈلگۈردى.

ارول بىزگە بىر خىل خاتىرجەملىك تۇيغۇسى ئاتا قىلىش بىلەن بىرگە يەنە نۇرغۇن تاماششا (ئۆلۈمدىن باشقىسى ھەممىسى تاماششا) سوۋغا قىلىدۇ. ئۆزىگە لايىق غەم- ئەندىشە ھەم ئاتا قىلىپ ئۈلگۈرىدۇ. ھازىر بۇ پاروللار بىر بىرىگە باغلىنىپ كەتكەن بولۇپ بىرىنى ئۇنتۇپ قالساق يەنە بىرى ئارقىلىق ئەسلىگە قايتۇرغىلى بولىدۇ. گەپ شۇ يەردىكى ئەڭ باشتىكى ، ئەڭ ھالقىلىق پارولنى قانداق بىكىتىش كىرەك؟؟

خوش، تەتقىقاتچىلار ھازىر نۇرغۇن سىتاتسىتىكا ئارقىلىق كىشىلەر ئىشلىتىشكە ئەڭ ئامراق « ئەڭ سۈپەتسىز، ئەڭ كۆپ قوللىنىلغان 25 پارول» نى ئېلان قىپتۇ. قىنى كۆز يۈگۈرتىپ باقايلى:

1. password 2. 123456 3.12345678 4. qwerty 5. abc123 6. monkey 7. 1234567 8. letmein 9. trustno1 10. dragon 11. baseball 12. 111111 13. iloveyou 14. master 15. sunshine 16. ashley 17. bailey 18. passw0rd 19. shadow 20. 123123 21. 654321 22. superman 23. qazwsx 24. michael 25. football

يۇقارقى پاروللارنىڭ ھەممىسىنىڭ بىر ئالاھىدىلىكى شۇكى ھەممىسىنىڭ بىر ئورتاقلىقى (قانۇنىيىتى) بار. يۇقارقىدەك پارول سالغانلار تىزدىن ئۆزگەرتكەيسىزلەر. ماشىنىدا بىر تەكرارلاپ سىنىسا بىردەمدە چىقىپ قالىدىغان پاروللاردىن يەنە ئۆزىنىڭ ھەمراھىنىڭ ئىسمى، يېشى، تۇغۇلغان كۈنى، تېلفون نومۇرى … قاتارلىقلار بار.

مىنىڭ بىر دوستۇم بولىدىغان، پاروللىرى پۈتۈنلەي قىزلارنىڭ ئىسىملىرى. يەنە بىر بۇرادەرنىڭ پارولى تېخى دۇنيادىكى داڭلىق شەخىسلەرنىڭ باش ھەرىپىگە بىردىن ناخشچىنىڭ ئ‍سمىنى قوشۇپ پارول ئىشلىتىدىغان. قارىغاندا بۇلارمۇ بولۇپ قويغۇدەك.