بۈگۈنمۇ يەنە ئالدىراشلىق ئىچىدە ئۆتتى.ھىلى پروگرامما يېزىپ،ئازراق ۋاقىت چىقىرىپ ئابدۈشۈكۈر مۇھەممەدئىمىننىڭ بىر كىتابىنى ئوقۇپ چىقتىم. ھىلى ئاندرويد بىلەن ئېتىشىپ دىگەندەك. ئۇخلاش ئالدىدا كىچىككىنە چاقىت چىقىرىپ مۇڭلۇق مۇزىكىدىن بىرنى يوللاشنى ئويلاپ قالدىم. ۋاقىت بەك قىس، كۆپ يېزىپ بولالمايمەن، قىنى دىققەت ئاۋۋال مۇزىكا دا بولغاي.

理查德 克莱德曼-Richard Clayderman ھەققىدە ئارتۇق توختالمىساممۇ بولىدۇ. بۇ داڭلىق پىئانسىت فىرانسىيەدە تۇغۇلۇپ چوڭ بولغان، رومانتىك شەخىس. 6 يېشىدىلا داڭىق قازانغان.16 يېشىدىن تارتىپلا ئۆز ئالدىغا مۇزىكا ئىجاد قىلغان .1990-يىلى فىرانسىيەنىڭ “90之星” تاللىشىغا قاتنىشىپ دۇنيادىكى بىردىنبىر «金钢琴奖» مۇكاپاتىغا نائىل بولغان.

رىچارد 1977-يىلى بىر كىنوغا ئىشلىگەن يانداش مۇزىكىسى 《水边的阿狄丽娜》 ناھايتى چوڭ داغدۇغا قوزغىغان بولۇپ مانا ھازىرمۇ نۇرغۇن پىئانىنو دەرسلىكلىرىنىڭ ياخشى تاللىشى. مەنمۇ بۇ مۇزىكىنى چېلىشىنى ئۆگىنىمەن دەپ پىئانىنوغا ئاشىق بولغان.

نۆۋەتتە قويۇلغىنى-水边的阿狄丽娜–Ballade Pour Adeline ناملىق مۇزىكا بولۇپ مەن تولۇقسىزدىن تارتىپ ئامراق مۇزىكا ئىدى. ئالىي مەكتەپ ئىمتىھانى بىرىدىغان كەچتىمۇ مۇشۇ مۇزىكىنى ئاڭلاپ ئۇخلاپ قالغىنىم ئىسىمدە….

Close[SWF] - ballade

بالىلىق – بۇ بىر كونا تېما، ھەممەيلەن باشتىن ئۆتكۈزگەن، ھەممەيلەن مەڭگۈ قىيمايدىغان بىر جەريان. تالاي-تالاي شىئىرلار مۇشۇ بالىلىقنى ئەسلەش بىلەن باغلانغان. شۇڭا مەنمۇ بۇ ھەقتە تولا ئىزاھتىن تېمىغا قايتىشنى ئەۋزەل بىلەي……..

بۈگۈن توردىن بالىلىق دەپ ئىزدىسەم مۇنداق بىر مەزمۇن دىققىتىمنى تارىتتى:«مەن تۇرۇپلا شۇ بالىلىق چېغىمدىكى خوشال،غەم ئەندىشىسىز كۈنلىرىمىى سېغىنىپ قالدىم.بالىلىق چاغلىرىمىزدا تىزرەك چوڭ بولسامكەن دەپ نۇرغۇن ئارزۇ -ئارمان قىلىدىكەنمىز ئەكىسچە،چوڭ بولغاندا بولسا ئەشۇ بالىلىق دەۋرىمىزنىڭ بىزنىڭ ھاياتىمىزدىكى ئەڭ بەخىتلىك مىنوت ئىكەنلىكىنى چۈشۈنۈپ قالىمىز .ئەمما ئۆتۈپ كەتكەن ۋاقىت ئارقىغا يانمايدۇ دە-!».

ئاددىيلا بىر جۈملە ھەممەيلەننىڭ قەلبى سۆزىنى ئەكىس ئەتتۈرۈپتۇ. تۆۋەندە بۇ ھەپتىلىك «بىر مۇڭ» ئۈچۈن Richard Clayderman ئورۇنلىشىدىكى SOUVENIRS D’ENFANCE ناملىق پىئانىنو يىنىك مۇزىكىسىنى يوللىدىم.

Richard Clayderman بولسا(خەنچە 理查德·克莱德曼 دەپ يىزىلىدۇ.) نۆۋەتتىكى ئەڭ داڭلىق pianist بولۇپ 1953-يىلى فىرانسىيەدە تۇغۇلغان. شۇنىڭدىن ئىتىبارەن نۇرغۇن مۇھەببەت تېمىسىدكى مۇزىكىلارنى ئىجاد قىلغان ۋە تەكرار كېچىلىك ئۆتكۈزۈپ زور ئالقىشقا ئېرىشتى. نۆۋەتتىكى بىردىنبىر pianist تۈرى بويىچە تونۇلغان سەنئەتكار.

دىققەت تۆۋەندىكى مۇڭلۇق مۇزىكىدا بولسۇن.

ھەپتىدە بىر مۇڭ سەھىپىسىگە بىرىنچى بولۇپ ھەممەيلەنگە تونۇش ھەم ناتونۇش بولغان «ئادارگۈل» نى تەقدىم ئەتتىم. يىڭى يىلنىڭ ئىككىنچى كۈنى خالاستان بلوگىنىڭ تۇنجى قىتىم كۆپچىلىككە تەقدىم ئەتكىنى مۇشۇ مۇزىكا.

تونۇش____كۆڭۈل قىتىمىزدا بۇ نەي ئاۋازىنىڭ مۇڭلىرى ھىلىھەم پىنھان ساقلانماقتا. بۇ مۇڭ كەبى يۇمشاق شۇ غىرىبانە كۆڭلىمىز ھىلىھەم مەۋجۇتلۇقىنى ئىزدەۋاتىدۇ.

Close[MP3] - adargul

ناتونۇش____ ئالدىراش تۇرمۇش ھەلەكچىلىكىدە بىزگە مۇڭلۇق كۈيلەردىن ھوزورلىنىش پۇرسىتى ناھايتى ئاز. خالاستان بلوگىنىڭ مۇشۇ سەھىپىسىمۇ دەل چارچىغان قەلىبلەرگە دەرمان، ھارغان تېنىقلارغا مەدەت بىرىشنى مەقسەت قىلغان.

بۇ سەھىپىدىكى مۇزىكىلار تورداشلارنىڭ ئىھتىياجىغا ئاساسەن مۇقىم بوشلۇقتا چۈشۈرۈش تەمىنلىنىدۇ، شۇنداقلا كەڭ تورداشلارنىڭ ئۆزلىرى ياخشى كۆرىدىغان يىنىك مۇزىكىلارنى تەشەببۇس قىلىشىنى ئۈمۈد قىلىمەن.

بۇ مۇزىكىنى ياۋروپادىكى داڭلىق مۇزىكا ئەتىرتى Secret Garden ئورۇندىغان بولۇپ White Stones ناملىق پىلاستىنكىسىغا قوشۇلغان.
Secret Garden بولسا 1994-يىلى داڭلىق ئىككى مۇزىكانت Rolf Lovland(نورۋىگىيە)ۋەFionnuala Sherry (ئايال، ئېنگىلاند)نىڭ ئۆزئارا تونۇشۇشىدا بارلىققا كىلىپ 1995-يىلى رەسمىي بىرلەشكەن.

1996-يىلدىن 2000-يىلغىچە ئارلىقتا تارقىتىلغان 4 پىلاستىنكىسىنىڭ بازىرى ناھايتى ياخشى بولۇپ 2 پىلاستىنكىسى 60 نەچچە دۆلەتتە 1مىليۇن 600 مىڭدىن ئارتۇق سېتىلىپ يىنىك مۇزىكا ساھەسىدە Yanni بىلەن تەڭلىشەلەيدىغان ھالەتكە يەتكەن. شۇنداقلا تۇنجى بولۇپ يىنىك مۇزىكا تۈرىدە ئالتۇن مىدالغا ئىرىشىپ يىنىك مۇزىكىدا ئالتۇن مىدال بولماسلىق تارىخىغا خاتىمە بەرگەن.
Secret Garden نىڭ ئورۇندىغان مۇزىكىلىرى ئىسمى جىسمىغا لايىق سىھرى كۈچكە ئىگە بولۇپ يىنىك، لىرىك تۇيغۇ بىرىدۇ.

بۇ مۇزىكا بۇرۇن XJTV نىڭ ھوزورلىنىش پروگراممىسىدا ناھايتى كۆپ قويۇلغان. ماڭىمۇ بەك پىششىق بولۇپ كەتكەن كۈي ئىدى.يىقىندا تولۇقسىزدىكى خاتىرلىرىمنى كۆرۈپ بۇ مۇڭلۇق مۇزىكىنى تېپىۋىلىپ تورداشلارنىڭ ھوزورىغا سۇنۇشنى توغرا تاپتىم.
قىنى بۇ لىرىك مۇزىكىدىن ھورۇزلىنىڭ،،،،

Close[SWF] - moving